رواية عندما يغيب العقل – الفصل السابع
حليمه….اني مقتنعه بهذا الزواج
من حقي ارتبط ويكون عندي شريك بحياتي
ليش ابقى عايشه وحدي
فكرت لحظه ليش مااحجي الاختي سميره اكيد راح تفرحلي اني ما مسويه شي غلط
خل اجرب واشوف
رنيت عليها اول شي ماردت
ثاني مره ردت تحجي بصوت ناصي
حليمه…هلو ام خالد شلونج شبي صوتج مالج خلك
سميره…اليوم ضغطي صاعد وراسي يوجعني اخذت حبابة ضغط شربت عصير ليمون ماكوووو
حليمه…سلامتج الف سلامه روحي دكتور باطنيه
يجوز يغير العلاج
سميره…من زمان اني على هذا العلاج ليش اغيره
حليمه….اي كل يوم يدخل علاج جديد شوفي ايجوز تلكين احسن منه
سميره…لا مااغيره عليمن اني اعرف نفسي بس اضوج يصعد ضغطي
حليمه…وليش ضجتي اكو شي
سميره…الولد البارحه تعاركووو وهذا الزغير رفع سجينه على اخووو كمت اعيط لزمته كل قوتي ومااكدرله
دفعني وطلع من البيت من البارحه ضغطي صاعد
هنيالج حليمه لا خلفتي ولا شفتي الخلفه
اشبعي نوم ارتاحي الله شكد يحبج
حليمه… ولله لو واحد ولا هاي الكعده مكابله الحيطان
حتلو ضغط وسكر وعندي اولاد وبنات ولا هاي الضوجه وحدي
سميره…انتي بنعيم تعاي هنا يوم واحد تشردين من الهوسه
والجهال والعرك والطلايب
حليمه…انتي مجلبه بيهم خليهم يطلعون ورتاحي
سميره…اكيف يطلعون واخلص تعبت منهم حيل
حليمه ( قررت ادخل عليها بقصه واشوف ردت فعلها قبل لا افتح هذا الموضوع وياها )
اشوف ردت فعلها شنووو وبعدين افتح هذا الموضوع وياها
حليمه…اكلج البارحه انعزمنا بمهر عائلي يخبل
سميره…هااا شوفي شلون انتي متونسه قابل مثلي
حليمه….هسه انتي شفتهمتي اسمعي للاخير
وحده عمرها ٦٠ سنه بكدي جانت وياي قبل بلمدرسه
ارمله ماعدها جهال خطبها واحد شاب عمره ٣٥ سنه
طاير بيها يكول احبها
سميره…يااا ستين سنه وتريد تزوج ولله عيب يااا ما تستحي هاي شبيها النسوان تخبلت
عمي خل تكعد وتسكت ياا حب يابطيخ هاي لو اني يمها
ولا اخليها تزوج يازواج يابطيخ
مره جبيره ورايحه دور عرس بلله مني هاي اني اعرفها
اريد اروحلها أكلها انتي اكو براسج عقل
اكيد هذا يضحك عليها ايجوز عدها ماليه ويريد يكوش عليها
حليمه…عدها بس راتب
سميره….صدك نسوان ما تستحي شبيها خرفت
ولله عيب عليها خل اطم روحها احسن الها
الي بكدها جاي يزوجن احفادهن وهي رايحه تعرس
ولله الدنيا مدري شلونها صايره
النوب الكبار شبيهم عود يكبرون يعقلون النوب يخرفون بلزايد مره جبيره رايحه تعرس
يبووووي ولله عيب
جمانه السعيدي
حليمه بعد كلام سميره قررت اسكت هاي اذا تعرف اني العروسه شراح تسوي بيه
هاي اختي اذا اخواني سمعو شلون
سديت التليفون كعدت افكر بكلام سميره
بعدين قررت ازوج
سميره ماعايشه الحياة الي اني عايشته ماتعرف شنو يعني وحده شنو تخلصين النهار مكابله الحيطان
اني ماعندي شي يطمع بي فاضل
هو الراتب اذا يريده خل ياخذه ويصرف عليه منه
قابل وين يخلي مثلا
اختي عايشه حياتها عدها اولاد وبنات واحفاد مالين عليها الدنيا وزوجها موجود
تقيس العالم على وضعها خل تجي تعيش هنا يوم واحد
شلون تشرد من الصبح
قررت ازوج بدون مااحجي الاي احد
واذا عرفو اخواني بعدين يصيرون كدام الأمر الواقع
بعد اني ازوجت شراح يسوون مثلا
اي احد ما مسؤل عني واني مو زغيره وافتهم واعرف اتصرف
منيين اخاف حتى حمل بعد ماكوووو
يجي فاضل ساعه ساعتين بليوم ويروح الاهله
خل اعيش كم يوم بحياتي
اني مامدخله بحياة احد ومااريد اي احد يدخل بحياتي
جمانه السعيدي
اتصل عليه فاضل
فاضل…هلو حبي شلونج
حليمه…الحمد لله
فاضل…اتصلت عليج قبل شويه تليفونج مشغول
حليمه…هااا بدت الغيره
فاضل…طبعا اغار الي عنده وحده مثلج شلون مايغار
حليمه…جنت احجي وياا اختي
فاضل…لا بسلا حجيتي على موضوع زواجنا
حليمه…لا ماحجيت اي شي
فاضل….ولله انتي عاقله وفاهمه
حليمه…طبعا اعجبك
حليمه…ثاني يوم طلعت اشتريت ملابس حلوه الوان زاهيه
وجبت قطعتين ملابس نوم
اليوم الي بعده رحت للصالون صبغت شعري اريد اضم الشيب
واشتريت معطرات ومكياج ومخمريه وعطور جسم
وشغلات حلوه
شكد سعيده واني اجهز نفسي
اني عروسه واجهز نفسي للعرس
وصلنا اليوم عرسنا هذا اليوم الي كنت انتظره على احر من الجمر
تواصلت وياا فاضل يجي بليل حتى نعقد
لبست ثوب تول اوف وايت فتحت شعري خليت مكياج
حلو وهادء تعطرت البيت صار كله روائح وعطور
الساعه عشره بليل اجا فاضل وحده
دخل للبيت كعد
حليمه…مو اليوم نعقد
فاضل…اي هسه نعقد
حليمه…ليش بس وحدك يعني الشيخ يجي وراك
فاضل…لا راح نزوج اني وياج ونعقد عقد شرعي وقانوني
حليمه…شلون يعني
فاضل….نزوج متعه اني اكول زوجتكي نفسي وانتي تكولين قبلت زواجك وهيج نعقد
حليمه…يااا بدون شيخ بدون شهود
فاضل…هاج اكتبي بلتليفون زواج المتعه
زواج صحيح وحلال واني وياج كل الشروط تنطبق علينا
ثنيينه كبار فاهمين وعاقلين ضروفنا تسمح النا نزوج
انتي لا دون السن القانوني ولا حامل ولا على ذمة رجال
ثاني ولا مجبوره على هذا الزواج
واني هم جبير وافتهم وأهم شي احبج
هاج اسمعي شروط هذا الزواج واتأكد بنفسج
حليمه…فتحلي مقطع فديو شيخ يحجي عن زواج المتعه
فاضل…اني مااريد اجيب ناس وسرنا ينكشف من البدايه
اريد اكون نفسي وساعتها اني اخذج للمحكمه
ونعقد نطلع وندخل كدام الناس
وانتي بكيفج احنا ماشين بلحلال ومجاي نسوي شي غلط
زواج على سنة الله ورسوله
احنا كبار وفاهمين وهذا زواجنا حلال
واذا تردين شيخ وشهود هسه اروح اجيبهم بس مااضمن
هذا الزواج يبقى سر بيناتنا
اكيد راح يحجون ليش انجيب المشاكل النفسنا
حليمه….انت تشوف هيج
فاضل….. بس انتي شطالعه اليوم هو اني هيج عاشق ولهان
اله اشوفج لا بسه فستان حلو
حليمه…حاصرني فاضل بكلامه الحلو وكدر يقنعني بهذا الزواج
اني ماجنت اشوف عندي شي راح اخسره
بلعكس اني الربحانه بهاي الزواجه
هو شاب وحلو والف وحده تتمنا بس اني مستحيل اكو واحد يباوع عليه الي بعمري صارن بيبيات
جمانه السعيدي
وافقت على هذا الزواج وهو كان محضر نفسه وحافظ الكليشه كلها ردد كلمات واني رديتها ورا
وهيج سحرني وصرت أسيره المشاعري
ليش اكذب اني تمسكت بي جنت خايفه ارجع وحدي مره ثانيه
وقفت عقلي وخليت القياده الكلبي
قرب عليه وحضني حضنت واحد ملهوف
حسيت نفسي طفله واني بحظنه عبالك مراهقه
كانت ليله سعيده بلنسبه اليه
حسيت عمري بده من جديد قررت ماافكر واعوف الايام تمشي ليش اتعب نفسي بلتفكير الزايد
خل اعيش يومين من عمري
الصبح كعد سبح وبدل تريكنا سوه يوكلني بايده وكل شويه وباسني حسيته فرحان بيه اكثر مااني فرحانه بي
كلت بكلبي وين جنت ليش اتاخرت هلكد
اريد عمري بيدي من جديد وياك
كل يوم يجيني بليل يخلص اليل وياي ويطلع الصبح
بلنهار يتصل عليه مره لو ثنيين يطمن عليه
بعد أسبوع واحد بلضبط
اجاني بليل جنت مبدله ومحضره العشى
كعدنا نتعشى اتصلت علي زوجته كالتله تعال بسرعه ابنك مريض مصخن ونشمر
عاف العشه وراح يركض بقيت منتضرته كلما اتصل علي
يرفض المكالمه
يومين واني كاعده على نار لا يتصل ولا يجي
شلون بيه تخبلت علي
ثالث يوم اجاني ضايج كال اجيت اشوفج واروح
ابني محتاج عمليه بخمس ملايين وضروفي صعبه ما تتحمل صار يومين افتر اريد واحد يقرضني ماكووو
شلون الولد راح يروح من ايدي
حليمه…يااا مسكين شلون هسه
فاضل…مااعرف شلون اتصرف الولد راح يضيع من ايدي
حليمه…..جاي يحجي وياي اتصلت علي زوجته
فتح المكالمه
فاضل…الوووو
هدى….وينك فاضل الولد اتخربط فدوه راح يموت ماكدرت أدبر الفلوس اهييي اهيي
فاضل…لا تبجين الله كريم ماخليت واحد مارحت علي
منيين اجيب هو هذا حظي المرض عايف الناس الاغنياء وراجع على ابني
هدى…تعال ايجوز يموت وحدي مااكدر اتحمل الموقف
طبك التليفون
حليمه…يا مسكين خطيه راح انطيك بتوتي الذهب بيعهن
واتصرف بفلوسهن
فاضل…لا شنو اخذ بتوتج اني كلشي ما جبتلج للعرس شلون اخذ ذهبج
حليمه…الذهب يتعوض بس ابنك ما يتعوض
فاضل.. هذا موقفج ماانسى ابد
حليمه..نزعت بتوتي وانطيتهن اله
بتوتي قديمات وثكيلات اجيب اكثر من سبع ملايين
بس خطيه انكسر كلبي على الطفل الزغير
اني صح ردت انقذ ابنه من الموت
بس هم ردت اكبر بعينه ويبقى يذكرني هذا الموقف
غاب يومين فاضل ماشفته بس بينا رسايل اطمن بيهن على ابنه
الفصل التالي اضغط هنا
يتبع.. (رواية عندما يغيب العقل) اضغط على اسم الرواية لتجد الفهرس كاملاً بجميع الفصول.