رواية عندما يغيب العقل – الفصل الثامن
حليمه…غاب يومين فاضل ماكو بينا بس اتصال
عباره عن كلمتين اطمن بيهن على ابنه وخلص
ثالث يوم اجاني
شكد فرحت من شفته دخل عليه جايب كيلو برتقال
وباكيت نستله
حليمه…هلو حبيبي الله يساعدك
فاضل…هله شلونج
حليمه…ابنك شلون صار
فاضل…الحمد لله احسن بفضل مساعدتج
حليمه…لا تكول هيج هذا واجبي اذا اني مااساعدك منو يساعدك
فاضل…كل يوم اكتشف بيج شي حلو و جديد
حليمه….اني شعندي غيرك
عشنا أسبوع احلى من اسبوع زواجنا نسيت الدنيا كلها
ونسيت اهلي وناسي
اجتني رساله من ام ايمن جارتي
ام ايمن…شلونج خاله شلون صحتج هليام مااشوفج
حليمه..الحمدلله .اي ولله مشغوله
ام ايمن….حبيت اطمن عليج
حليمه…الف رحمه على والديج هذا من طيبج
أم ايمن…ابو ايمن يكول هاي صار مرتين يشوف ابو المولد طالع من بيتكم خير اكو شي
كهرباتكم بيها شي اذا اكو عطل انجيب مصلح زين يفتهم
حليمه…هااا لا بس الجوزه الي شدها اليه عطلت وجاب وحده ثانيه خلاها بمكانها وعندي كم نقطه صلحهن
لا يضل بالكم يمي
أم ايمن….الحمد لله حبيت اطمن عليج
حليمه…الله يحفظج سلملي على ابو ايمن
أم ايمن.. يوصل انشاء الله
جمانه السعيدي
حليمه…اليوم الجوارين شايفيك تطلع من بيتي ويسئلون
فاضل…ذوله بيت المحامي
حليمه….اي
فاضل…اني مو كتلج اكطعي علاقتي بيهم شكو حاشرين نفسهم بكلشي ترا بيت عائله ليش يدخلون
حليمه….شلون اكطع علاقتي بيهم ذوله عشرت عمر
ياما وياما ساعدوني
فاضل…اني مااحبهم وأفضل تقطعين علاقتج بيهم
حليمه.. مااكدر
ثاني يوم اتفاجئت المغرب اختي جايه عليه
حليمه.. اهلا هلا ام خالد شلونج
سميره…هله بيج اجيت اشوفج وراح ابات اليله يمج
حليمه.. شعجب كل عمرج مامسويتها
سميره…ضايجه واجيت اشوفج واغير جوووو لعبت نفسي من المشاكل ونهزمت
حليمه…هله بيج كل الهلا دخلتها للغرفه
سميره….هاي شنو العطور الطيبه صابغه غرفتج
هذا الفراش الحلو شنووو
اكلج حلومه حتى انتي مااعرف شنو متغير بيج
حليمه…شوية تغيير من كد الملل
سميره…اي خيه بلعافيه عليج عايشه بلجنه بعد شتردين تنامين وتكعدين بكيفج ماكو واحد متسلط عليج
حليمه…اكعدي يوم واحد وراح تشردين البيت خالي
ومابي حس
سميره.. شلج بدوخة الراس
حليمه…طلعت برا دزيت رساله الفاضل لا تجي اليله اختي يمي وتريد تبقى اليله تنام هنا
فاضل.. تمام ضمي ملابسي لا تشوفهن
حليمه. همزين نبهتني
سميره…حلومه وينج
حليمه.. اي اجيت
سميره…شنو هاي الملابس الحلوه فتحت خانتج جايبه ملابس حلوات
حليمه…اي ذاك اليوم نزلت للسوك وعجبني وجبتهن
سميره. بلعافيه عيشي حياتج ترا محد يفيدج
حليمه..قفلت الخانه الي بيها ملابس فاضل وضميت المفتاح ورحت نزلت ملابسه من الحبل وضميتهن بلغرفه الثانيه
اجت وراي سميره وينج حلومه تعاي اريد احجي وياج كلبي طاك من المشاكل
اكلج حلومه هذا نعال رجالي بيتج
حليمه….هااا اي جهال الجيران شمرو عليه واني جبته هنا
زحمه ارجع اشمره عليهم
اريد واحد منهم يجي ياخذه
شويه واجا ابن أم ايمن جايبلي ماعون كيك
اخذته منه
سميره…اوكف اخذ نعالكم
حليمه…لا روح حبيبي الله وياك
سميره…ليش ماانطيتي نعال ابو
حليمه.. مو ذوله جيرانه لا جيرانه الثانيين
سميره…يااا منيلهم جهال ذوله كلهم كبار
حليمه.. لا يمكن خطار اجا عليهم هسه عوفي سالفة النعال وتعاي احجيلي شكووو ليش شردتي
حليمه….(جان انكشفت سميره منتبه على كلشي)
سميره.. اي تعاي اكعدي كلبي طك ترا
بليل دزيت رساله الفاضل اطمن علي
حليمه ..هاا حبيبي
فاضل…راحت اختج
حليمه…لا موجوده صدعت راسي بمشاكلها
فاضل…يمتى ماتطلع اتصلي عليه حتلو بلاربعه الصبح
حليمه…تمام
جمانه السعيدي
الصبح الساعه عشره يله كعدنا من النوم
تريكة سميره وطلعت البيتها
دزيت رساله الفاضل راحت سميره
فاضل…هسه مااكدر اجي على اليل
بليل اجا فاضل لكاني مبدله ومتمكيجه ومعطره البيت ومحضره العشى
دخل ضايج
حليمه…هااا حبيبي ليش ضايج شكووو
فاضل…ماكو شي
حليمه…لا اكو شي ليش اضم عليه احجي
فاضل…مااريد اضوجج
حليمه…اذا اشوفك ضايج اني اضوج من يمي
فاضل…عوفي الموضوع تعاي نتعشى
حليمه…لا مااعوف اي شي لازم اعرف شكوووو
فاضل…جيبي العشى نتعشى واني اسولفلج
حليمه…حضرت العشى كدظنا نتعشى
حليمه…يله احجيلي
فاضل…اني صار فتره ادور شغل اني مايصير اجي هنا اكل واشرب واطلع
اني رجال لازم اكون مسؤل عن عائلتي
الفلوس الي احصله من المولد يله يكفن جهالي
ومرات ما يكفن اتقرض من ابوي
حليمه…اي وشنو المشكله
فاضل….لكيت شغله ثانيه كلش خوش شغله
بس محتاجه فلوس اذا افتح مشروعي لازم عندي على الاقل فد ١٥ مليون
اريد اشتغل شغله بيها خير اجيب فلوس
الي متى واني كاعد بلمولد لا ليلي ليل ولا نهار نهار
وسط ريحة الكاز وصوت المولد الي ما ينطاق
عمري صار ٣٥ سنه واني بعدني عامل بااجور يوميه
حليمه…حقك ولله حقك
فاضل…خاف تشوفيني ضايج لو اغيب عنج يوم يومين لا اضوجين حبيبتي
اني لازم أدبر هيج مبلغ اريد اروح على جماعتي
واشوف منو يدخل وياي شريك والربح بلنص
حليمه. اني لكيتلك شريك
فاضل…تحجين صدك ولله ابوس ايدج هسه واني مستعد الكل الضمانات
حليمه.. اني ادخل وياك شريكه بلنص
فاضل…ولله تحجين صدك
حليمه…اي احجي صدك انطيك ذهبي بيعه يوصل
١٤ لو ١٥ مليون كله ثكيل من القديم
بيعه وافتح مشروعك واني وياك بلنص
فاضل…حبيبتي انتي احلى حبيبه شافتها عيوني
شكد جنت دايخ وادور انت فعلا نعمه الحمد لله الي وكعني بهيج زوجه حلوه
الصبح كعد فاضل الساعه سته الفجر خليت كل ذهبي
بعلاكه ونطيته اله
على اساس يفتح مشروع واني ادخل بي شريكه
بلنص
كلما اسئله عن المشروع يطلع حجه
ساعه يكووول اصبري عليه بعدني مابعت الذهب
بعدني مالكيت مكان ادور بضاعه مناسبه
وواحد كال اني اتسوكلك اسبوع كامل وهو يتهرب من الاجابه
حليمه…مافتحت مشروعك
فاضل…بعد
حليمه…شمنتضر
فاضل…اهووو انتي شخبصتيني شنو متعجبه انطيتيني الذهب هسه ارجعه اللج وبعد ما تشوفين وجهي
شكد تلحين شكد ممله
حليمه سكتت اخاف يطلع صدك وبعد مايرجع
اني المشكله تعودت علي بعد مااكدر بدونه
من بعدها بطل يجي كل ليله بين ليله وليله ومرات ليلتين
يله بجي يجي ضايج ويحجي وياي من ورا خشمه
حليمه كلما اتصل علي يكول مشغول
ابوي مريض تعبان لا تلحين عليه
فاضل تغير مو فاضل الاول بدا يبتعد عني
ويطلع حجج ومن احجي وياا يصير عصبي عليه
ويكون يصيح
خلص الشهر الأول الزواجي
اجا موعد الراتب
فاضل… نزل الراتب
حليمه. اي باجر اروح استلم
فاضل. جيبي الكي كارت اني استلم الراتب (هذا الحجي قبل لا تنزل البصمه )
حليمه. ليش اني اروح استلمه
فاضل. .بلا لغوه زايده اني استلمه اني الرجال هنا
حليمه… سكتت
فاضل …..بعصبيه كومي جيبي
حليمه. حسيته تحول انسان ثاني جاي يستغلني
اخذ ذهبي ورجع على الراتب
انطيته البطاقه واسبوع كامل اني ماشايفه وجها
كلما اتصل لو ريفض الاتصال
لو يبقى يعيط عليه
ثلاجتي فارغه وحتى ماعندي فلوس اتسوك
الفصل التالي اضغط هنا
يتبع.. (رواية عندما يغيب العقل) اضغط على اسم الرواية لتجد الفهرس كاملاً بجميع الفصول.