رواية بين قبضتهم وقلبه الفصل السادس 6 – بقلم رقو الجوهر

..

فأنكِ نَجمتي في عِتمة ليّلي

فلا ليل دون النجُوم ولا

انا مِن دونكِ انتِ .

الساعة 8 صباحاً

ابابيل :: ياقوت ياقوت طمرة

جاوبتها والنعسه بعيوني

ياقوت :: يمههه عوفيني بروح چنتج

شيلاء ::  ههههههههه

باوعتلها صفح

ياقوت :: شبيج هسه عدها چنتها اغلى من عدنه ههههههه

كفختني امي على راسي

ابابيل :: وسم كومييييي سوي ريوك لـ اخوج ومرته عيب هسه شتكول علينا ريوك ما سوينالهم

ياقوت :: صار يمه

ابابيل ::  لا تنسين عمتج وابن عمتج هم سويلهم ريوك ويا ابوج واخوانج يتريكون ترا

باوعتلها مستغربه

ياقوت :: يمه شوكت اجو

ابابيل :: كومي مسعده امج، اجو

بلليل السيطره ما مخليهم يعبرون لبغداد ومرجعينهم رجعو علينا يلا يلا بسرعه اتركن كلشي بأديجن وللمطبخ

عافتنه ومشت

تربعت عل جربايه وشعري منكوش

اشرت لشيلاء بعيوني عل مطبخ

ياقوت ::  يلا شوشو انتِ العروسه المنتظره هههههههههه

شيلاء ::اااوععععع بس لا قصدج رائد ابن عمتي هزيتلها راسي

ياقوت :: ماشفتي عمتي شلون تباوع عليج البارحه شيلاء :: لاااااا تباوع عليج جانت ههههههه

ياقوت :: لا مادام نامت يمنه يعني اكو شي ههههه شيلاء :: الله يستر

گمنه للمطبخ لكينه  ابن عمتي ( اخت ابويه) بالصالة وابوي وعمتي واشهب نايم ونوار يم الحبيبه هههههه سوينه ريوگ عمتي كالت

عمتي :: اريد الجاي مر ماحبه حلو

بدلتلها الجاي حلو واجيت عليها

ياقوت :: هاج عمه هذا مر

عمتي ::اريد شكر

هزيتله راسي بمعنى رايحه، رحت جبت شكر واجيت، لمحت شيلاء كاعده عل قنفه وحاصره الضحكه

تفوو بهل وجه،

جبتله الشكر ابنها اشرلي عل طاوله بأيده وكال

ـ كعدي

ياقوت :: لا اروح اكمل ريوك العرسان يفضحني نوار غيرر هههههه

ضحك وياي وهز راسه

ابوي وعمتي يسولفون وامي ك العاده مختفيه يم الدجاج والبطات الگاها، سويت الريوك لـ العرسان وصعدت للغرفة، دكيت الباب محد فتحه، دكيته مره ثانيه فتحته، عروستنه

ياقوت ::ها عروستنه دبرها اخوي الكلف

مسرة :: ههههههه

ضحكت خجلانه ونزلت راسها

ياقوت ::والله من ضحكتج يمكن انتِ دبرتيها مو هوا

سمعت صوته اجاني

نوار :: ياققوووت مو وكت سوالفج هسه ميتين جوع روحي بعدين سولفن ودورن علوم وسوالف ياقوت :: صار خويه هههههه

انطيتهم الصينيه وسديت الباب ونزلت

عمتي وابويه وقاسم ابنها واشهب يتريكون بالصالة  كملو غسلنه المواعين وكعدت يمهم نسولف

قاسم صاير كبالي اني وشيلاء  نتاهمس ونضحك

شيلاء :: ياقوتت  اللودو مالتج ماتطلع عندي

ياقوت :: والله عندي والعب دوم بيها

قاسم :: ياقوت عندج لودو

ياقوت :: اي عندي بس مالعب ويا احد بس وحدي قاسم :: عيب عليج اني ابن عمتج مو اي احد

ـ  ههههه اكيد بس

قاطعني وكال

قاسم :: رديلي الايدي مالتج نلعب سوا

شيلااء تندس بيه بأصبعها زرفت خاصرتي

شهل ورطه شلون اخلص منه

اشهب مندمج بالتلفون وابوي ويا عمتي وامي وياهم محد سمعنه، كام يلح اكثر

قاسم :: ردي بشرفج ما انطي لحد والله بس اني وياج

ـ  اوك سجل يمك

رديته اله وسجله وضافني، بعد ما ضافني بـ5 دقايق اجه زوجها لـ عمتي يريد ياخذهم اخذهم وراحو اول ماصعد قاسم بالسياره فتحت اللودو وحذفته من اللعبه

شيلاء :: هههههههه ها شكتلج ميت ميت انوب يدلعج يقو ههههه

ياقوت ::تف بوجهج ترا منفصل هوا واكبر مني بـ١٠ سنين

شيلاء :: واذا منفصل شكو بيها

ياقوت ::لا بيها عفيه لا تخلين احد من اهلي يسمعج وهم يلبسوه براسي والله مو ناقصني

هزتلي راسها تضحك عافتني ومشت

اليوم التالي …

جاي اسوي عشه بالمطبخ رددت بداخلي

ياربي دكولن خل نعاونها ادري مطي عدجن اني واني اطبخ نزلت مسرة

مسرة :: اعاونج

ياقوت :: لا حبيبي ما اتعبج

رفعت جدر الشوربه من الطباخ

(ابوي يحبها حيل ويوميه بليل بالشتاء لازم اسويها  واني شايله الجدر مريت من يم مسرة

وكعت الجدريه من ايدي بدون قصد بالكاع واحتركن رجلينها

كامت تعيط من الچويه

اني هبطت انصدمت كمت ماعرف شأسوي

رحت ركض جبت معجون اسنان واجيت عليها، لگيت نوار يمها، مكعدها عل كرسي وينفخ عل رجلها، باوعلي

نوار :: متقصده ادري

ياقوت ::والله ما ادري اسألها والله ماسو …

قاطعني بدون ماحجه كفخني راشدي

وجرني من ايدي وهوا يدردم

نوار :: اني گلت مكانج مو بالبيت مكانج مثل الجلب برا صحت لـمسرة  واني اناشغ

ياقوت :: مممسرررةة تعايييي امانه والله مو قصدي فكيني من عنده والله ما …

قاطعني وهوا ينتر

نوار ::اشش اششش مجرمه انتتتتتِ مجرمه لو بيدج تذبحيها لـمسرة تغارينننن تغارييننننن

ومـسرة  مالكيت منها جواب حسيتها هيه تريد هيج يسوي بيه مادافعتلي

دفعني برا البيت وكعت عل طرمه وسد الباب بوجهي

اجه ابوي من الديوان

حڪيم ::شبيج شمسويه اليوم من المصايب

اجيت بالكاع اتقدم اله على ركبة رجليه گتله بتوسل وعيوني مدمعه

ياقوت :: بابا والله وكع من الجدر مال الشوربه وحرك رجلين مسرة  بدون قصد والله ونوار عباله متقصده، يتهمني بابا يتهم …

قاطعني بدون اهتمام

حڪيم ::ياقوت وخريي من يمي انت دوم تغلطين وتصرفاتج غلط ويا اخوانج

تستاهلين شيسوون بيج

طب البيت وسد الباب وبقيت برا وحدي

والجو بارد لميت روحي بأيدي

سمعت اجه صوت صياح من البيت

فزيت من طولي عبالي ابوي بي شي

فتحت الباب نوار واشهب متعاركين

اشهب :: هيه شسوت يياااقووت ترا بالغلط صارت لا تكبر الموضوع

نوار :: لا لا متقصده اني اخوها الجبير لحد يتدخل لو اذبحها هم

باوعت لمرته كاعده تبجي من وجع رجليها

ابابيل :: اشهبب حيل بيها هيه بنيه عاق كل تصرفاتها غلط

شيلاء صافنه عليهم لا تحل ولا تربط

صارت هوسه براسي من سوالفهم

سديت الباب وتراجعت ليورا، حسيت بالضياع بهل لحضه

ياقوت منو انتِ؟ وشنو الذنب اللي جاي تتحاسبين عليه؟ معقولة جاي تدفعين ثمن خطئ انتِ ممسويته؟ او يمكن اني ما انتمي لهذا المكان

شنو انت؟ وين مكانج الصح؟ منو راح يتقبلج؟ حتى الگبر يمكن راح يتقيئج ياقوووتتت؟؟ منو انتي؟؟

دموعي تنزل بغزاره على خدودي

الجو كلش بارد بس ماحسيت بالبرد من النار اللي بگلبي

الدنيا تمطر باوعت للسما مغيمة غيم اسود مثل حياتي

حافيه بدون نعال امشي بدون وجهة

ماعرف وين اروح توجهت للملحق كـ العادة

وبداخلي الف انكسار من تصرفات اهلي وياي

وصلت زاويه البيت اريد التف للملحق

حسيت بأيد سحبتني عل حايط

باوعت بعيونه شفته هوَ همست

ـ  انتَ

دموعي بعيوني واحجي

ياقوت ::حتى انتَ يمكن يجي يوم متتحملني ولا تتحمل اغلاطي بدون قصد

ــ دَيهم ـــ

ركزت بعيونها عكدت حواجبي ضجت احس ضاگ النفس بصدري جنت شاد ايدي على ايديها رخيتهن وخرت اللثام عن وجهي حضنت وجهه بأيدي الاثنين حسيت بنار وجهة بين ايديه و دموعها تنزل مثل الجمر عيونها ذبلانها حسيت حيلي انهد من طولي همستلها

دِيهم :: وليدي؟ هوا مو؟ هوووا؟

ما جاوبتني ساكته مخذوله بلعكت ريكي

دِيهم :: مو هديتي حيلي انطقي بأي شي

دنكت راسها عاصره عيونها وجهة ذبلان مات حيلي وبدون وعي جريتها وضميتها بحضني

جسمها نار بعز البرد وجهه يلهب لهب على صدري كامت تشاهك همست بأذنها

ـ اذبحه والله اذبحه

باوعتلي وكالت

ياقوت ::لا عليك الله لاااا والله اخاف

اخاف عليك منه

دِيهم ::خافي على هلكواد مني لتخافين عليه بس هديني عليه

خلت ايدها على شفتي وكالت

ياقوت ::اششش والله اذا حسو بيك يذبحونه رووووح دِيهم فدوا

ـ اروح واعوفج؟ هيج عمت عينه لـدِيهم

اذا سواها واحنا نسولف لگفتنه شيلاء وهيه جايه اتدور على ياقوت فزيت من طولي مصدوم درت وجهي بجهة وهيه مصدومه،

ياقوت :: اصبري خل افهمج شيلاااء

غطيت وجهي باللثام بسرعه حتى متعرفني عفتهن ومشيت …

****

اخذت شيلاء للملحق وكعدت حجيتلها كلشي من الاول للأخير

بقت مصدومه تباوعلي

شيلاء ::كل هذا يطلع منج والله ماتوقعت هههههه ياقوت ::اوعديني

شيلاء :: افاا عيب عليج وعد مايطلع مني حرف ياقوت ::يعني انطيتيني الامانن

شيلاء :: وغلات ابوي عندي انطيتج الامان

بداخلي الحمد لله ياربي

حضنتها فرحانة

ياقوت :: مابقى عندي احد غيرج اثق بي

طبطبتلي بأيدها

شيلاء :: ياقوتة انتِ الربيتيني واني صغيره معقوله ابيعج بهل سهوله انتي بغلاوة ماما عندي

طمنت گلبي وحسيت بنفسي ارتاحيت لان حجيت اللي بداخلي جنت مخنوگه

اليوم الثاني عده على خير وماكو شي سكته واني بالملحق الساعة ١١ ونص بالليل ،اجتني رساله دٍيهم ::وليدي اريد اشوفج بغرفة نوار

استغربت كتبتله

ياقوت :: نوار ومرته بيها ماكدر

رجع كتبلي

ـ توني راسلت شيلاء مرت اخوج رايحه من العصر لبيت اهلها، تبات هناك واخوج بالشارع توه طلع مايرجع من وكت

ياقوت :: ومنين حصلت رقم شيلاء

ـ حصلته شعليج انتِ

ياقوت :: بس ابوي وامي

ـ  نايمين واشهب ع الايباد يلعب ببجي وشيلاء كالت اني اراقبلكم اذا احد اجه

ياقوت :: زين شلون تفوت للبيت خاف يشوفوك

ـ  لججج بويه افتحيلي شباك الغرفه من عنده اطب وانت من الغرفه اذا احد اجه اني بس اطلع من الشباك وتبقين انتِ بالغرفه كأنما ماكو شي

ياقوت :: بس اهلي ميقبلون افوت للبيت خاف نوار يعصب

ـ بس ٥ دقايق وارجع عندي موضوع وياج

ما جاوبته متردده وخايفه رجع كتبلي

ـ  لا تصعبيها حبيبي هنه ٥ دقايق

ياقوت :: اوك بس ثواني اروح للبيت

ـ  اني بمنطقتكم وقريب منج هسه راح اطب بساتين ابوج الكواد

ياقوت :: استغفر الله

ـ والله اني مو جذاب  ابوج كواد

سديت التلفون ورحت للبيت لكيت شيلاء بالصاله شيلاء :: اصعدي لغرفة نوار راح يجي دِيهم مرته بايته يم اهلها علمود رجلها وهوا بشارع وامي وابوي نايمين واشهب فوك يلعب بالايباد

ترددت اصعد خفت

شيلاء :: اني هنا بالصاله اباوع من الشباك بس احد يجي اتصل عليج اوك

ياقوت :: بس دربالج لا تغفلين اني ما اكول

هزتلي راسها اي  صعدت للغرفه

فتحت الشباك لگيته معلگ بالشجره اللي بصف الشباك عبالك قرد عفيه رجلين مايتعبن

كمز من الشباك وكف نفض ملابسه

غافلني وباسني من خدي لزمت خدي

ياقوت :: هي هي شدسوي

ـ  بويه هيه بوسه لو خايفه تحبلين من بوسه

گلبت عيوني

ياقوت :: سوالفك خايسه كول شعندك هسه يجي نوار يعلگك بالبنكه مالته

ـ  ههههه شحده غير اعلگه وهوا واخته هنا

فتحت عيوني

ياقوت ::شنو ولك هاي عليه

ـ  هههه لا مو عليج والله على شيلاء اشاقه

ارتجه عل حايط يلعب بشواربه ومچتف ايده بجسمه

ياقوت :: استغفر الله غير ينطق

ـ  ماريد انطق اريد بس اتأمل

ياقوت :: شتتأمل ددددديييهمم نووار هسه يجي

اباوعله هذا يلعب بشواربه

ويتأملني رايح بعالم ثاني يتبوسم

ياقوت :: والله يمكن تخبلت دديهمم اريددد اروححح

جرني ولزكني بجسمه

دِيهم :: شني بكيفج تروحين بويهه

مال الزكه برااشديي اففف ياقووت صيري لطيفه وياه وكذا واشردي منه من يطمئن

لزمت القمصله مالته بأيدي من رگبته وگمت اسولفله

ياقوت :: تدري

ـ هممم

ياقوت ::والله ما اسوه شي بدونك أبداً

ـ  والله هسه دريتي اصلاً بدوني ماتسوين نعال باوعتله ضايجه عكدت حواجبي

دِيهم :: ههههه تصدك بسرعه ماتحبين شقه اووع

ياقوت :: امممم طيب لو زعلت ورحت تراضيني لو عادي

دِيهم :: غوحي تغوح وياج والله

باوعتله مصدومه

ياقوت ::شنو گلت عيد بشرفك

دِيهم :: ههههه متعرفين شگلت

هزيتله راسي لا

دِيهم :: هاي لهجة تكريتيه لهجتنة احنا اهل تكريت ياقوت :: انت من تكريت

دِيهم ::كلشي تعرفين بس كلشي بوكته حلو لا تتسرعين وليدي

وخر ايده عني طلع جكارته ورثها رفع شعره عن عيونه

ياابه راح اشمره ممن الشباك

ياقوت  اشردي حتى يروح هذا راح يلزك

توني اريد اشرد لزمني من خاصرتي وسحبني عليه صار وراي وشفته يم حلكي وهمسلي

ـ وين تردين؟ دِيهم حافظج وحافظ سوالفج الطفوليه ترا

باوعت لـ ايده خلاها بجيبه طلع شي ابيض وخلاه على حلكي حسيت بجسمي خدر وكعت بالكاع حسيته شالني وخلاني عل جربايه

حجيت بلسان ثكيل ومتلعثم

ياقوت :: خليني اروو

ماعرفت الفضها من الخدر اللي بجسمي  واسمعه يهمس

دِيـهم :: انتِ بس اله لـدِيهم

حسيته شگ دشداشتي بأيده وشفته طخت بشفتي اريد ادفعه جسمي مات حيله عرفته شنو يريد يسوي تمنيت الله ينطيني حيل بهل لحضه حييييل خفت من تصرفاته

كعدت بعد فترة

باوعت لـ جسمي ملابسي ماكو بس البطانيه فوكاي عيوني مغوشه لمحته واكف يم الشباك يدخن كعدت تربعت لميت البطانيه على جسمي مصدومة

ياقوت :: شنو شنو سو سويت …

ما جاوبني واكف يشرب بجكارته ملامحه مو واضحه عيوني مغوشه فركتها بأصابعي راح التغوش باوعت للكاع قميصه بالكاع حيلي انهد من الخوف تقرب يمي تراجعت خايفه شال القميص من الكاع لبسه وكف يدگم بي

ياقوت :: احجييي وياااااك جاووووب شسويتلي اررريد ملابسي حقيررررر

اشرلي براسه ولجكارة بحلكه وهمس

ـ  ذني ملابسج

ياقوت :: انطينياهن

ـ كومي اخذيهن

حجيت بصوتت يرجف

ياقوت :: مم ما اكوم …

التفتلي وگال

ـ عود خجلانه؟

ياقوت :: شسويت بيه دددييهممن شسويييييت گول خايفهههه ونبيييي

انطاني ضهره وكال

ـ  سويت اللي لازم يصير

كمت اشهگ

ياقوت :: دددييهمم لااا انت جذاب ماتسويهاوالله ماتسويها

سمعته يضحك بأستهزاء

ياقوت :: حقيرررررررر الله لا يوفقك عرفتك عرفتك واحد جذاب

ـ حتى متعانديني بعد

ياقوت :: شنوو ش شلون يعني

ـ  تذكرين عرس اخوج الكواد، عاندتينيييي، عاندتيني الا لبستي قصير وزرورج طالعه والرايح والجاي يباوع

اباوعله يشرب جكاره ورا جكاره

الغرفة دخنت عاكد حواجبه وينتر

ـ  الا لبستي ذاك الفستان مال *** مال ال***

بنت الب*** ااني شكتلجججججج

نزل شال دشداشتي وشمرها عليه وهوا يسولف وينتر لبستها وكمت بحيلي جسمي كله يرجف ضرب الميز بأيده همستله

ياقوت :: ددديهمم بغلات امك هسه يسمعونه اهلي،

ـ  خررررب اهلييي وخرببب اهلج انعل هيج من ***شنو هذا لبسج وهذا رگصج بنص الاوادمم

ولا انوب ابن عمج جارج من ايدج وصاعدين للغرفة شسويتو فوك للغرفه هاااا

ما جاوبته بس اناشغ من البجي لزم راسه بأثنين ايديه وكام يضرب براسه انخطف لوني من الخوف ما شايفه هيج عصبيه غمضت عيوني حتى ماشوفه يضرب بروحه وبقى يضرب ويهلوس بينه وبين نفسه

ـ لييييش هيج تصرفيييين يااقووت انتِ متعرفين متعرفينيييي شكد انجنننن اذا احد يلمح خيالج مو انوب يشوفون جسمج

وخر ايده عن راسه ونتر وهوا منطيني ضهره

دِيهم ::هاي عقوبتج لان كسرتي كلمتي وسويتي التريدي اخذت الاريده منج وكسرت خشمج وهسه شوكت ميعجبني اخطبج واخذج عسى ما طلعتي حبلانه وبطنج توصل لخشمج اريد افضحج اكسرج هيج كدام الناس ما اريد ما اريدددد تضحكين ويا احد وتسولفين ما اريييييد ياااققوت افهميييي

عض اصبعه وگال

دِيهم :: اخخخ لو بس تفهميني لو بس تشوفين گلبه لهذا الكواد الواكف كدامج شكد يغااااار عليج شكد روحه تتعذب بدونج وتذوب يوم بعد يوم بسس انت تردين العين الحمره مو مال عين واغاتي

وكعت بالكاع لميت رجليه وضميت راسي بينهن وابجي واشهك

دِيهم :: ابجي ابجي دمم گلبي ميرف على دمعتج بعد اريدج تضوكين العذاب الضكته اني

ما نايم من عرس اخوج لحد هاللحضه بس اتگرضم وروحي تتلوع عليج عذبتي لگلبي ههوايييي عذبتيييي ياااقووت من شفتج وصلتي امي وريماس للباب والناس شلون تباوع عليج هيج ردت اطب بنصهم اخذ روحج واطلع كووون تطلع تطلع روحج ولا غيري يلمح اضفر من اضافرج

رفعت راسي باوعتله عيونه تجدح من العصبيه وصدره اختنك من الجكاير

عيونه مليانه دموع وحمر مثل الجمر مسح وجهه بأيده كمت لحيلي تقربتله حضنته من ضهره دفعني بچتافه  دنگ شال قمصلته من الكاع وكمز من الشباك بدون ما التفتلي ومشى گمت اهلوس بيني وبين ياااقوت شسوههه شسووهه بيجج هذا الخبل شسوههه يمهه الله ياخذني قبل ليجي هذا اليوم باوعت لدشداشتي مشگوگه، طلعت من غرفة نوار اتهمس برجليه غرفتي مقابيل غرفة نوار رحت وطبيت وسديت الباب سبحت وغيرت دشداشتي وطلعت ابجي من الحمام واناشغ

متسويها دددييهممم متسويهااااا والله متسويهاااا كعدت عل جربايه اندگ الباب

ياقوت :: منو

ـ  شيلاء اني  افتحي

ياقوت :: روحي بعدين نحجي

شيلاء :: ها خما اكو شي

ياقوت :: لا نوار رجع لو بعده

ـ  لا نوار راح يبقى يم جماعته لان مرته مارجعت

ياقوت ::  روحي نامي …

عدت الايام مثل ماهيه ماتغير شي من اهلي حياتي كلها مسبه وغلط

كملت غسيل مواعين العشه  ورحت للصاله امي تلبس بعبايتها وابوي بصفها متجهز

ياقوت :: ها وين رايحين

ابابيل :: امي رايحين لبيت خالتج عيب مامريتها

حڪيم ::والله لو ما لحيتي ابد ما اروح

ابابيل :: توكل ع الله ابو نوار وخل نمشي

شيلاء تكمز مثل القرد تريد تروح وياهم، ابوي اشرلها براسه وكال

حڪيم :: امشي ويانه

شيلاء :: يمهههه ايييي اموت عليك بابا رايحه البس عباتي واجي

ابابيل :: ياقوت انتبهي عل بيت وعل اخوانج

اشهب :: اني طالع

ياقوت :: نوار وين

ابابيل :: اخوج نوار يم عمامه هوا ومرته يتعللون لزمت گلبي خايفه

ياقوت :: ماما خما اضل وحدي خلي شيلاء يمي

ابابيل :: يمه هيه ساعه ونص ونجي مانطول

اشهب :: ياقوتة اني هنا بشارع يمج ما اروح بعيد من تردين شي خابريني

بقيت متردده طلعو واحد ورا الثاني والبيت فرغ قفلت الباب بديت احس بخوفه بكلبي حاولت الهي نفسي بأي شي طلعت كوب خليت ثلج وسويت اي كوفي بارد  وكفت عل ميز الطعام صفنت اجه على بالي دِيهم رفعت التلفون فتحت مسجاته ماكو اي رسالة منه ،فتحت اليوتيوب بحثت ع اغنية حسام الرسام ::

ـ صحيح انت ابعدت عني

عفتني وحدي بأحزاني

تعلم گلبي بس يصبر

وابد ماحب احد ثاني

نساني ومابعد يسأل

حبيبي الجان الي وحدي

حرام الليل اضل دونك

حزين ودمعتي بخدي

دمعتي طفرت عل تلفون دفعت الايس كوفي بيدي انسدت نفسي مسحت دموعي اجاني مسج رفعت التلفون فتحته دِيهم دازلي

ـ ما اشتاگيتي الي

فزيت مرعوبه ما جاوبته، رحت ركض طفيت گلوبات البيت كلها وسديت الشبابيك اجاني مسج ثاني

ـ خايفه منه لـديهم

ياقوت ::  شتريد عوفني

ما فتحهن رحت اتهمس للمطبخ لمحت خياله بالصاله لزمت گلبي مرعوبه سمعت صوت اندگ الباب الخارجي يفتر عل صاله ورجع عل مطبخ دگ الشباك گلبي دكاته تقرا الف من الخوف ياربي يرووووح يارب رجع للباب يدگ بأيده انوب اختفى خياله اجاني مسج فتحته

ـ  وليدي افتحي الباب احسن الج

ياقوت :: الله ينطيك روووح ما اكدر اتقبلك بحياتي بعد ذاك اليوم

ـ  راح اكسره للباب ترا لو اصيييح والم الجيران علينا تعرفين ديهم ميخاف

ياربي شأسوي والله ما ما افتحه اخاف

توجهت لباب الصاله واني اهلوس

هم راح يأذيني هل مره اني اعرف كلشي اعرف ايي لا ياقوت تراجعي لتفتحين الباب خيولي هذا حقيرررر، تراجعت خطوتين ليورا ضرب الباب بأيده بكل قوته

ـ   راح تصير عقوبتج اقسى من ماتصورين …

يتـبع ….