رواية بين قبضتهم وقلبه – الفصل السابع
7
▬࣪▭𝅼▬࣪▭𝅼▬࣪▭𝅼▬࣪▭𝅼▬࣪▭.
❂رقــــــو ـ الجـــوهر ❂
بـين قبضتهُم وقلبة
💙 .
..
خَايف تَجيني بِوكت تلگاني بَس طاري
تَنشد عليَّ هَلي ما تَعرف أخباري..
..
ضرب الباب بأيده بكل قوته وصاح
دَيهم :: بس اطب للبيت راح تصير عقوبتج اقسى من ماتصورين
نزلت دمعتي من عيني خووف فضيع اخترق كلبي ماريد اشوف وجهه من ذاك اليوم اشمئزيت منه
بس احن اله اريده
فزيت خايفه الصوت ترادم بكل البيت من ضربة ايده ع الباب ركضت مخترعه وبدون تفكير فتحت قفل الباب ضغط ع اليده مالت الباب بهدووء فتحه مد راسه باوعلي المكان اضلم كلشي حواليني هادئ بس بگلبي خوفه احس بدگات گلبي تترادم. شفت وجهه تذكرت شسوه بيه احتلني الخوف حاوطت جسمي الرجفة دخل برجله اليمنى عيونه متوجهات صوبي احس ناوي على شي اكبر هل مره نضراته بدت ترعبني تقدم عليه سد الباب بأيده وقفله مثلم مطلع بس عيونه ومغطيهن بشعره حتى ميبين تراجعت ليورا مانطقت بشي وخر شعره عن عيونه بأصابعه اسمع صوت انفاسه يتلاهث
هاي صوت العصبيه لو من التعب لو شنو ياقوت عزا بعينج ليش فتحتي الباب تقدملي اكثر نزع قمصلته كلها ماي من المطر شعره مبلل تجمدت بمكاني هذا شيريد يسوي انخطف لوني بلعت ريگي سحب اللثام عن وجهه ذب القمصله بالكاع
نضراته ثابته بأتجاهي بيني وبينه نص متر
همسلي
دَيهم :: افا تخافين منه لـ حُـر
لزم خدي بأطراف اصابعه احس ايده مابيها امان مسح عليهن كف كذلتي بأصابعه يتأملني
دَيهم :: اضل واكف يعني ماتكليلي اكعد
نطقت بصوت يرجف
ياقوت :: تت تعال
رحت للمطبخ وهوا يمشي وراي احس بخطوات اقدامه بمكان اثر اقدام رجليه يتقصد يمشي عليهن گعد باب المطبخ طلع جكارته ورثها
ياقوت :: شتريد چاي لو …
دَيهم :: اممم چاي
ارتجه عل حايط صافن بيه واني اسوي بالچاي كملته وجبت الكوب وانطيته اله اخذه مني تقصد يطخ اصابعي ويا كوب الچاي طبطبلي بأيده عل كاع تعاي يمي
گلبي يتراجف فحطت من الخوف الله ياخذك شتريد باوعلي واني متجمده بمكاني خلص جكارته ورث الثانيه واشرلي براسه تعاي يمي اتقدمت كعدت بصفه اباوعله يدخن ويا الچاي باوعلي نضراته ثابته بعيوني
دَيهم ::جكاره وچاي وعيونچ شنو اريد من الله بعد
دَيهم ::الچاي حلو ليش مخليه شگر
خله الچاي بالگاع تقدملي تربع كدامي طلع جكارته من شفته وطفاها بالكاع لزم جف ايدي باسه وهمس دَيهم :: ترا عيونچ تحلي
ما جاوبته عيوني بالكاع رفع حنكي بأيده وهو يبتسم
دَيهم :: بويه بعدج زعلانه
ما جاوبته اريد اكتله
دَيهم :: اخخخ
خله ايدي الاثنين على عيونه ودنگ راسه ياخذ نفسه عميق رجع باوعلي وهمس
دَيهم :: احبج يروحه لـدَيهم وحق كل حرف بأياته احبج مو متقصد اذيج اصلاً ما اذيتج اني شلون اكدر اكسرج هل كسره هاي بس خوفتج كلشي ما سويتلج
عيوني دمعت دمعتي طفرت وكعت على ايدي دنگ باسها
ــ اروحلهن فدوا كافي بويه والله مات حيلي
كمت اناشغ عيونه حمر
ــ مالمستج والله كوون ما اوصل البيت اذا اجذب عليج بحرف
مسحت دموعي ودنكت قرب وجهه من وجهيي طخ راسه براسي غمض عيونه وهمسلي
دَيهم :: لا تلوميني نار بگلبي مشتعلة من عرس اخوج لهاي اللحضه حاولت هواي حاولت ما اجي وما اشوفج بس حُـر ما يسوي شي بدونج
انا التشوفيني شكدي شعرضي اصير اضعف من الطفل كدامج
ياقوت :: گوووم روح هسه يجون اهلي
سحب ايده من ايدي وخر عني مد ايده على جيبه وگال بعصبيه
دَيهم :: خرب عرجهم الخلفوج شككددد قاسيهه الصلابه العندج راح توگف عقلي
ياقوت :: انت اذيتني هواي ماتوقعتك تطلع هيج تقدملي حضن خدي بجف ايده وعيونه بعيوني
دَيهم :: احلفلج بـ الله ورسوله وانبيائه واهل البيت ما لمستج بذاك اليوم بس خوفتج
جاوبته بأستغراب
ـ شلون يعني ما اذيتني
ـ والله بويه ما صار اللي بالج
ـ جذاب تريد تقشمرني شنو شايفني طفله كدامك
ـ لعد شنو انت
ـ لعد شنو اني
ـ انت طفلتي البريئة اخخ حرامات
ـ حرامات على شنو
تقرب مني وايده محاوطه وجهي
ـ حسافة رب العالمين زارعج وردة بنص هذا الاشواك كلها اهلج
جاوبته بغباء
ـ شلون يعني مافهمت
ـ اهلج الكواويد اشواك انغزرت بنص گلبج گلبج هذا اشر بأصبعه على كلبي وكمل
ـ كلبج اليدگ بس بأسمي هسه جاي اسمع دگاته
اي لا تنكرين انت هاويتني اني خلاصج الوحيد من هاي الاشواك المؤذيه كلها
جاوبته بخذلان
ياقوت ::جنت الآمان اليه
هسه صرت مخاوفي كلها
ابتعد مني خله ايده على راسه يتأفأف
ـ افهميني والله ما سويتلج اي شي
مستحييييل گلبي ما يطاوعني اذيج
وخرت وجهي ع الجهة الثانيه ماريد اشوفه،
رجع گابلني وتربع كدامي ياربي هذا شكد يحووس مايكعد
همسلي بخفوت
دَيهم :: حبيبي حلفتلج بـ الله ماطخيتج
وغصب عنج هسه ترضين ماعندي وحده تضل تتمزعل
حصرتني الضحكه وين انطي وجهي ما كدرت الزم نفسي وابتسمت ابتسامه خفيفه مسح دمعتي بأصبعه
دَيهم :: هسه رجع يمشي بجسمي الدم
خرب ابوج الكواد شمسويه بيه
اريد احجي قاطعني
ـ ادري شراح تكولين ابوي وابوي وشيخ ومدري شنو طلايبكم ماتخلص نعلا علا روحه لـ ابوج والله لأخذج واكسر خشمه
ياقوت :: شبيكككك ابوييي
ـ تحبين ابوج
ياقوت :: وين اكو وحده متحب ابوها
خزرني وخر عني ونتر بعصبيه
ـ تحبيه موو وحق النبي محمد بس تصيرين يمي لو تموتين ماتوصليهم بعد هيج اريد احرمهم حتى من ريحتج
ياقوت :: هاا شو هيج
تقربلي يحوس
ـ اففف تعاي اشتم ريحتج
لزم اطراف شعري بأيده يشتمها
ـ لا لا مو شعرج
دفن راسه بركبتي
دَيهم :: اللهه بنت الكواد ريحتج هممم طيبه والنبييي راح تشبع حنان ولك دديهمم
ـ امممم هسه عرفت ريحتي طيبه
عاينلي بعيونه وكال
دَيهم :: ريحتج بأنفاسي ممزوجه من اول يوم شفتج بي سطرتيني الصفره
ياقوت :: انجب انيي مو صفره
ـ هههه ونبي صفره تحنين عليه حتى لونج متغير ياقوت :: ولا تجي على بالي اصلاً
ـ لو بس مترفعين خشمج ام خشه
شو انداري
ياقوت ::ليش
دَيهم :: انداري اضفرلج شعرج
ياقوت :: تعرف
دَيهم :: شنو مو بعينج لججج انداري
انداريت حسيت بأصابعه تفوت بشعري يلعب بي يشتمه
ياقوت :: شجاك هههه ما شايف شعر
دَيهم :: شكالولج عليه يوميه ويا وحده واشتم بشعرهن
ياقوت :: شدراني اني الله اعلم
دَيهم :: اشش اسكتي حلكج ما يتعب
بشرفج كومي جيبيلي مگص
ياقوت :: لااااا مااا اگصه
دَيهم :: بس شويونه
ياقوت :: شتسوي بي
دَيهم ::مره اخذت منه بس ريحته الطيبه اختفت واريد هسه حتى من احن الج بس اشتمه
ياقوت :: امممم خاف ضيعتها للخصله
دَيهم :: لا وحق محمد تضيع روحي بداله
كومي جيبي المگص وتعاي
رحت جبت المگص والمشط ورجعتله كعدت كدامه انطيته ضهري شال المشط من الكاع يمشطلي على كيفه بكل هداوه
ياقوت :: استعجل شبيك
دَيهم :: المهفوفه شجاج
ياقوت :: شبيك اسرع
ـ تردين الصدك
ـ اي
ـ والله اخاف على شعرج يتگطع
ـ هممم
ـ انطيني المگص
ـ شويه اخذ منه
ـ بوويه توصيني؟؟
حسيت المگص يمشي على اطراف شعري
دَيهم :: صوت المگص وهوا يبتر شعرج اخذ روحي والله بس مجبور وليدي
التفتت اله يشد بيها بالگيتر خلاها بجيبه
ـ عادي
ـ شو انداري عدل اضفرلج
عدلت كعدتي وبدا يضفر بشعري كمل احس بأنفاسه حاره تلفح بركبتي التفتت اباوعله حضن خصري بأيده وخله راسه بركبتي من ورا يبوس برگبتي بهداوه بوسه ورا بوسه ما انطى لنفسه فرصه يتنفس مغمض عيونه تسرسحت همس بأذني بلهفة
دَيهم :: احبج يروحي
اسمعه يجر نفس بركبتي ويرجعه
ياقوت :: ديهم
دَيهم :: لا تكليلي روح راحت روحي ان شاء الله ياقوت :: ليش هيج تحجي
دَيهم :: ياقوتة ماكدر! ماكدر ارووح روحي هنا يمج والله
ياقوت :: هسه اهلي على جيه والله صارلك نص ساعه هنا
دَيهم :: خل يجون البيت ضلمه مابي ذرة ضوه مايشوفوني
سحبت ركبتي منه
ياقوت :: دَيهم حباب
ابتعد عني يدردم طلع جكارته ورثها
كام لحيله والجكاره بحلكه مشى للصاله دنگ شال قمصلته من الكاع يعدل بشعره لبس قمصلته متوجه للباب واني وراه
ـ لا تطلع من الباب خاف يشوفوك
التفتلي وگال
ـ اني راح اطلع واذا احد شافني بس صيحي حرررررامييييي واني اشرد (يقلد صوتي) فحطتتتتت من الضحك تقرب مني ركز بعيوني قرب وجهه مني باسني بطرف شفتي وخدي خله اللثام على وجهه وخله ايديه بجيوب القمصله ورااح
سديت الباب ورجعت طگيته قفل شغلت اضوية البيت كلها وكعدت ع التلفزيون بالصالة واكرز حب على ما اجو اهلي رحت لغرفتي انام واني مدده بفراشي تلفوني يهتز عرفته هوَ محد يتصل عليه غيره القرد شلت التلفون من الرف فتحته لكيت مسج منه
دَيهم :: كاعده شمعتي؟
ياقوت :: لا نايمه
دَيهم :: بويه لعد منو يحجي وياي جاوبي لا اموتج اتصل عليه فتحت الخط همسلي بخفووت
دَيهم ::متلهف عليچ يا امي
جاوبته اهمس
ياقوت :: شبساع هسه جنت يمي
ـ گلبي يرف عليج عبالك سنين ماشايفچ والله
ياقوت :: امممم
ـ وسم ليش تحجين بصوت خافت
ياقوت :: اخاف يسمعوني اهلي
ـ وانا هم خايف هههههه
ياقوت :: من شنو
دَيهم ::اهلي نايمين يمي وخطار يمنه وماكدر اروح لغرفتي محصور مثل الجلب يمهم
ياقوت :: اوف حيل بيك بردو كلبي الخطار
ـ ولججج شمتانه الصفره صفوره
ياقوت :: هسه شتريد عفيه يسمعوني والله
ـ اريدج
ياقوت :: رادتك حيه
ـ احلى حيه شفتها بحياتي مليانه سم
ياقوت :: هممم راح اسده يلا
ـ اوكفي بشرفج باجر
ياقوت :: باجر شنو
ـ اريد اشوفج
ياقوت::بس … قاطعني وكال
ـ مو مهم المكان وحتى لو يمنه اختج ماعندي مشكله اريد بس اشوفج حتى لو من بعيد
ياقوت :: افكر
ـ لااا مو تفكرين ماعندي وقت للتفكير باجر اشوفج بساتين ابوج الكواد متفقين
ياقوت :: اوكِ احاول اجي
ـ اشش ولا حرف بدون عناد باجر اشوفج انتهينه سديت التلفون بوجهه دزلي مسج
ـ تسديه البربوك اني اعلمج بنت حڪييم
قفلته ونمت
الساعة 9 الصبح كعدت على صوت مسرة تگركع بالمطبخ وامي منا تصيح
ابابيل :: يااقوت يمعوده كومي مرت اخوج متعرف تطبخ كومي عاونيها
بعني شلون متخلون احد ينام شيلاء تحركت بفراشها
شيلااء :: شلون چنه هاي كلشي متعرف يعني
ابابيل :: ياااقوت كومي اخبزي
استغفر الله شلون شغله هاي
رحت للمطبخ رفعت نجانه العجين وطلعت خليتها برا يم تنور الطين خليت حطب بداخله وعلكت النار كعدت اگطع العجين كملت صاحت اامي
ابابيل :: ياقوت سوي ريوك بمكان مسرة
صحت
ياقوت :: والله ما الحگ خليها ادبرها هل مره بس..
ابابيل :: والله العظيم شالعه كلبي انتِ جان كعدتي من وكت خبزتي
ياقوت :: يمه منو العاجن العجين
ابابيل :: مسرة
ياقوت :: والله مال جايفات
ابابيل :: وجع بكلبج لا تسمعج وتزعل
عافتني ومشت خل تزعل طبها مرض فوك مرض احقر من اخوي اتلثمت من الشمس الحمد لله ماكو مطر اليوم جان انجبرت اروح اجيب حطب ومابيه اتعنه غطيت ايديه بالردن مالت الدشداشه شديت راسي بوصله حتى اللثام ميتحرك كمت اخبز وانشر بي ع السفره اندگ الباب الخارجي مالتنه صحت
ياقوت :: اشهبب اشهب الباب
ما جاوبني رجع اندگ الباب
ياقوت :: وينكم يمعودين
طلع اشهب
اشهب :: اششش صوتج طبي جوا
ماطبيت ختلت جوا شجرة السدر بصفي صايره، فتح الباب اسمعهم
اشهب :: لكك هلا شجاع شذكرك بينه
شجاع ::هلا اخويي شلونك
اشهب :: والله بخير بذات نسأل عليك شو ماكو اسمعهم يحجون بكلام مو مفهوم صاح اشهب
اشهب :: ياقوت اطلعي ولج هذا شجاع
صفنت هذا يا شجاع اووو اذكرت ابن عمتي طلعت من جوا السدره خليت ايدي على عيوني من الشمس اشوف شكله
اشهب :: تعاي ولج
رحتلهم
شجاع :: شلونج ياقوته اخبارج
ياقوت :: تمام شذكرك بينه اليوم بس لا حلمت بينه اشهب ضحك وكال
اشهب :: والله يمكن حلمان
شجاع :: والله هيج اجيتو على بالي فجأة وكلت امركم
اشهب :: يبووو صارلك سنين هسه اجه على بالك تمرنه
شجاع :: شنو تطردوني راح ارجع ترا
اشهب :: لا ابو الغيره نتشاقه يلا نفوت جوا
شجاع ::اوكف يول تذكر من جنت اضحك على
ياقوت هههههههه
اشهب ::كل الليل متنام من تكللها راح اخذ ابوج واروح هههههه
شجاع :: والله جنتي كل الليل تحوسين متنامين من ابات يمكم
گلبت عيوني ضايجه
يمهههه الخبز احترك رحت اركض ع الخبز
لگيت الخبز معطب طلعته من التنور وذبيته وخليت غيره كملته للخبز سفطته بالصينيه وشلته على راسي وطبيت للبيت لكيتهم بالصاله كاعدين وصايره هوسه اهلي كلهم وشجاع وياهم
توجهت للمطبخ خليت الخبز ع الكاونتر نزعت اللثام ذبيت الشال اجت شيلاء وراي
ـ ها كملتي
ـ اي بس سويلي ريوك ميته جوع
ـ اي مو اني خدامه
ـ حبابههه لخاطريي
ـ اممم كسرتي خاطري
ـ بس قبل لا تسوين ريوك خلي الخبز بالمجمده لا يخرب بعد مابيه اخبز انوب
راحت تخلي
ياقوت :: گلتلها اكلج مرت اخوج وين لعد
ـ فوك بغرفتها نايمه
ياقوت :: اوييي نزول ع الجيافه ههههههه
ـ اكلج والله ملينه ترا خليهااااا تشتغل
ياقوت :: انجبي غير امي تشگ حلكج بنص اذا تسمعج
ـ ووخليهم يسمعون ماكو هيج چنه صراحة لا تعين ولا تعاون بس اكل ونوم
ياقوت ::واخوج عين البارده عليه لا ينحسد صاير مثل الطلي بأيدها ههههه
ـ صدك ما خابرج الشاخط
ياقوت :: منو
ـ عليمن هلسوالف على اساس ميجي على بالج غمزتلي تبتسم، جاوبتها
ياقوت ::انجبي والله مو على بالي لا ما خابر ولا سأل بس اليوم گال احاجيج يريد يشوفني
ـ اممم وين يشوفج
ياقوت :: كال بالبساتين مالت اهلنه
ـ اوك نروح اني وياج نتمشى العصر
ياقوت :: كتلها ان شاء الله
صار العصر و هذا المصكوع شجاع بعده يمنه كاعده بغرفة شيلاء باوعت للساعة بـ ٤ ونص فتحت التلفون دزيت مسج لـ دَيهم
ـ وينك؟
ماعنده نت استغربت اول مره اراسله وماعنده نت سحبت نفس حسيت گلبي يأذيني وبي رجفة حطيت ايدي على صدري استغفر الله العظيم
شيلاء :: ها نروح للبساتين ياقوته
ياقوت :: اي بس ابدل ملابسي
ـ يلا اني نازله انتظرج بالحديقه
راحت وعافتني كمت باوعت من الشباك ماكو احد المكان هدوء والطيور طايره بسماء والاشجار يحركها الهوى والمكان ريفي يفتح النفس ونوار واكف برا يتصيد طيور بالكسري، رحت للكنتور فتحته طلعت عبايتي باوعت لـ قمصلته بعدها بـ كنتوري لزمتها بأيدي شميتها ريحتها نفسها ماتغيرت طابعه بعقلي متروح رجعتها بمكانها دورت على الشماغ مالتي لونه ابيض واسود لگيته اريد البسه لبست العبايه ولفيت الشماغ على راسي لان الجو بارد لبست فلات برجلي ناعمه ونزلت شيلاء متحضره وتنتظرني بالحديقة
شيلاء :: ها نمشي
ياقوت :: اي
اجانه صوت شجاع وهوا يكول
شجاع :: ها بنات الخال وين
شيلاء ::للبساتين ضايجين نتونس
شجاع :: اوصلجن
شيلاء :: لا ميحتاج ماكو احد غريب واصلاً محد يدخل بساتين اهلنه
حسيته بنفسه يروح ويانه
ياقوت :: امشي ويانه اذا تحب ماكو مشكله
شجاع ::يلا نتوكل ولو شيلاء متريدني هههه
ياقوت :: لا على بختك خويهه شيلاء مو قصدها شيلاء :: اممم اي اسفه
شجاع :: لا عادي يلا مشينه
طلعنه من البيت لاگانه نوار لابس دشداشته كلها دمايه
ياقوت :: ها خويه خير
نوار :: صدت ارنب بس ماتت بيدي قبل لا اذبحها ياقوت :: مو من قسمتك لا تهتم
نوار :: وين رايحات
شيلاء :: شجاع يرافگنه للبساتين بس ناخذلنه فره ونرجع ضايجين
نوار :: تمام بس لا طولن
ياقوت :: صار خويه
مشينه وصلنه بساتين اهلنه مرينه من المكان اللي خطفني بي حُـر اول مره حسيت بأحساس غريب وكأنما حنيت لهذا الايام
وكفت تعبت من المشي التفتولي شيلاء وشجاع
شجاع :: ها نرتاح شويه
ياقوت :: لا بس گلبي يأذيني
اجت شيلاء يمي خايفه
شيلااء :: نرجع للبيت
اجه شجاع وراها
شجاع :: تحسين بشي يوجعج كولي
ياقوت :: لا مابيه شي شبيكم خايفين يلا نكمل طريقنه شيلاء وشجاع مندمجين بالسوالف بالي مو يمهم ما اعرف شيكولون بالي يم دَيهم ليش ما اجه التفتت يمين يسار ما اله اي اثر انوب نسيت تلفوني بالبيت شلون احصله وصلنه جوا شجرة التفاح كعدنه جواها وبيها ساجيه مالت ماي كعدت ع اطراف الساجيه خليت رجليه بالماي الماي ثلج من برودة الجو شيلاء وشجاع يلعبون بالتفاح يكطفون واحد يشمر ع الثاني اذكرت هوا دزلي مسج يشوفني يم شجرة التفاح بس ماكو ما اجه يربييي ما اجهههه
هاي اول مره يكول كلام وما يسويه هل مره گلبي مقبوض خايفهه احس برجفه بگلبي صارت الساعه ٦ المغرب السماء حاوطها الغيم راح تمطر
شيلااء :: يمهههه شبعنه بطني تأذيني هههههههه شجاع :: امداج راح تموتين تاكلين التفاح بدون غسل
شيلاء :: والله طيب هوا والوصخ هههههه
اسمعهم يضحكون اني بغير عالم
شجاع :: ياقوته شبيج اليوم
ياقوت :: مابيه بس بردانه
شجاع :: وليش مخليه رجليج بالماي
ياقوت :: احب الماي من الساجيه
شيلاء :: ياقوت نرجع للبيت كومي ماضل وكت باوعتلها تأشرلي بمعنى ماراح يجي دَيهم
ياقوت :: روحو واني شواي اجي وراكم
شجاع :: ماكدر اعوفج هنا يصير ميصير نوار الخبل يذبها براسي
شيلاء ::عوفها معليها شي هيه تلحكنه امشي للتين امي وصتني احوش تين لبابا على ما تلحكنه ياقوت شجاع :: ها ديلا بس مو تتأخرين ياقوت
هزيتله راسي لا بقيت انتظر وانتظر وهوا ماكو باوعت للسماء الغيم اسود بدا يحاوطها كأنما الغيم حزين ويريد ينزل دموعه على اي سبب
بقيت اتأمل السما بعيون مفتوحه والف حسبه توديني وتجيبني وكعت قطره ماي على خدي فززتني دنكت ماي الساجيه جمد جسمي سحبت رجليه من الماي الدنيا كامت تمطر بخفه مالابسه بس العبايه والشماغ لافته براسي عرفته ماراح يجي اكو شي جبير بداخلي يكول ماراح يجي هل مره لحگت شيلاء وشجاع والدنيا كامت تمطر بغزاره ادورهم ماكو الساعه ٦ ونص يم التين مالكيتهم رحت للبيت لكيتهم ينتظروني باب الحوش طبيت للبيت اني وياهم، يتمضحكون
شجاع :: ها تبللتي ديلا احسنلج عبالك قرد صرتي باوعتلهم ابتسمت بمجامله عفتهم وصعدت لغرفتي ذبيت العبايه نزعت الشماغ فتحت التلفون بلهفة بلكي الكه شي من عنده فتحت مسجاته مشايف رسايلي اتصلت عليه الخط مغلق وكعت بحيره الخوف حاوطني بكل صوب لزمت راسي بقهر وصحت
ياقوت :: وييننن انتتت دَيييهم وييينن رحتت
اندگ باب غرفتي
ياقوت :: منو
شيلاء :: اني
ياقوت :: فوتي مفتوح
طبت وسدت الباب وراها واجت تدردم
شيلاء :: ها شصاير وين المسودن مالتج
كعدت ولزمت راسي بأيدي
ياقوت :: ما ادري ما ادري حُـر ميجاوب مختفي اني خايفه احس ميرجع بعد
شيلاء :: كولي ياالله ياقوت صدك جذب شو هيج بسرعه ايستي يجوز عنده ضرف طارئ
ياقوت :: لا شيلاء لااا حُـر يعوف كلشي بأيده لخاطري لأجل شوفتي يعوف حتى اهله ويجيني ميخليني انتظر حُـر هذا مو طبعه بي شي اكيد
شيلاء :: اوفف والله مادري
واحنه نسولف ونتهامس اجانه صوت الباب وهوا يندفع بكل قوته باوعت للباب نوار
ياقوت :: نواار شبيك فززتنه
شيلاء :: متنه من الخوف ترا شصاير
اجه بأتجاهي يحجي بنتره
نوار :: تنتضرين منوووووو يااااقووت
شهل مهزله هاي
دفعني بصدري وكعت عل جربايه رجع سحبني من شعري شده عليه بأيده هز راسي
نوار :: منووو كليلييي منوووو لا اطشر راسج هسه شيلاء :: نواارر يمهه نوارر راح يذبح ياقوت الحگولي يمهههه
اجوي اهلي يريد يشوفون شنو الصاير نوار ينتر بوجهي
نوار :: ولجججج منوو تحبينننن منوووو احجييي صرخ بوجهي هزيتله راسي بمعنى محد عيوني دمعت عرفته راح يعذبني هل مره ويخلص على عمري الباقي
شيلاء وكفت كدامنه تحجز بيناتنه نوار سحب المسدس من خاصرته وخلاه براسي سحب اقسام وصرخخ
نوار :: وخرييييي شيلاااء اليوم اطشر راسهاا لهاي العاهره المو شريفه .
شيلاء كصيره ماتوصل لطول نوار وضخامته دفعها وكعها بالكاع كتله بصوت يرجف
ياقوت :: ف فدوه نوار هدني والله ماعندي شي
نوار ::شنوو ماعندجججج ولججج تجذبيني بأذني سمعتج تحجين لشيلاء عنههه احجيلي عنههه انت جريئه متخافيننن تذكرين انهزمتي بنص الولد وال*** ورجعتيلنه متخافين اعرفج عدل كمت اناشغ واتوسل بي اباوع بعيون اهلي اشهب يحاول يخلصني منه بس مابيده شي ابوي ماجان موجود وشجاع ماكو مختفي وامي واكفه تشجع نوار وتگله ابابيل :: عمت عينك اذا ماذبحتها
تخيلت شكد اني رخيصه عدها وماكو ذره رحمه بكلبها ياقوت انتي ميته ميته بالحالتين دافعي عن نفسج صرخت بوجه امي
ياقوت ::انت شنو من بشررررر منين جايبتنييي اني مو بنتجج شنو اجيتج من فطر الكاااع الله ينتقم منجججج اريد حوبتي وكسران ضهري منجج
ماحسيت الا اجاني راشدي من نوار
الا خدي خدر من قوة ايده لزمت خدي بأيدي وعيوني غوشت مليانه دموع واناشغ محد گدر يخلصني من ايده طلعو وعافوني بيده المابيها رحمه رفعني من شعري چتف جسمي رجليه وايدي بالشال مالتي ماتوسلت بي لان ميستاهل اذل نفسي علموده اني قويه واتحمل كلشي يصير
اباوعله طلع برا رجع شايل البلايس بأيده باوعتله برعب وصحت
ياقوت:: شتسويييي بيها شتريد تسوي شتريييددد
نوار :: اشش اليوم اريد اشوف حبيب الگلب
يخلصج مني لو لا .
تقرب كرمز كدامي واني مربوطه ايدي ورجليه قرب البلايس على اضافري گمت ادافرر برجليه واصرخ ياقوت ::نوااارررررر لاااااا عفيههه الحگولييييي ااشهببب وينككك
استنجدت بـ اشهب اشهب ماكو اختفى عرفته طلع حتى ميشوف هاي المهزله خله البلايس على اضفر اصبعي الاول ضغط عليه بيها وجره عصرت عيوني غمضت ودرت وجهي عنه
نوار :: لا اريدج تشوفين بعينج شسوي بيج لو تعترفين اختاري
باوعتله بتحدي وجاوبته انتر بعصبيه
ياقوت :: لوووووو تموتتت احبههه وهاووويتههه وما اگول منو
جر اضفري بالبلايس سحبه من بين اللحم، بديت اناشغ جسمي كام يرجف وارافس برجليه واصرخ ياقوت :: الله ينتقم منككك مجرممم حقييررر
ضل يبتسم ببرود
بديت احس بالدم نزل على ملابسي حار مثل الجمر اصبعي خدر ارجف صوتي يرجفف جسمي كله يتراجف واني اشهگ باوعت لـ ايدي اضفري ماكو ودمي يصب كدام عيوني تفلت بوجهه
ياقوت :: هذا العندك اريد اقوى .
مسح وجهه بعصبيه وصفگني براشدي حسيته طشر تعابير وجهي كلها رجع لزم اصبعي الثاني قرب البلايس عليه يريد يسحبه من بين اللحم بديت ارافس اريد اخلص روحي منه هوا مثبت ايدي بأيده بكل قوته غمضت عيوني سحب اضفري شاغت روحي گمت اناشغ جسمي يطلب الاستنجاد سحب روحي ويا اضفري دموعي تنزل بغزاره باوعت
لـ ايدي شلع اضفرين بـ٤ دقايق شنو من گلب عنده اباوع للدم ممتزج بدموعي ومدمر ملابسي على طولي .
دخلت علينا مسرة ترجف
مسرة :: ابووس ايدك نوار عوفها البنيه راح تموت بين ايديك ….
يـتبع
▭𝅼▬࣪▭𝅼▬࣪▭𝅼▬࣪▭𝅼▬࣪▭𝅼▬࣪▭
توقعاتكم للبارت الجاي!
وشرايكم بلي جاي يسوي نوار!
قناة تلي :
الفصل التالي: اضغط هنا
يتبع.. (رواية بين قبضتهم وقلبه) اضغط على اسم الرواية لتجد الفهرس كاملاً بجميع الفصول.