رواية بين قبضتهم وقلبه – الفصل الثامن
8
▬࣪▭𝅼▬࣪▭𝅼▬࣪▭𝅼▬࣪▭.
❂رقــــــو ـ الجـــوهر ❂
بـين قبضتهُم وقلبة
💙 .
..
مسرة :: ابووس ايدك نوار عوفها البنيه راح تموت بين ايديك
باوعتلها عيونها تگول خايفه على نوار يروح يبتلي بدمي مو خايفه عليه منه كامت تترجه بي يعوفني ذب البلايس بالكاع وايده كلها دم مسحها بدشداشته واخذته مسرة وراحت باوعت للكاع شفت اضافري مرميات ع الكاع ايدي ترجف واناشغ خليت ايدي على عيوني عصرتهن
ياقوت :: اتبهذلت بدونك وينكك
اجه ابالي التلفون رحت زحف للرف ايديه مربطه ورجليه سحبت التلفون بالكوه وصلتله وكع بالكاع لزمته بأيدي فتحته اتصلت عليه مغلق، اناشغ ودموعي توكع ع التلفون صرخت بأقوى ماعندي قوى
ياقوت :: اوووف يمههههه
ضربت التلفون بالحايط وطشرته اصابعي تجري دم جدامي ترجف ماتشيلني لزمت ركب رجليه وصرخت ياقوت :: ولجججج يمههه الله لا ينطيكم صحححهه وعافييييههه ما اذيتكم بشي اني والله والله ما اذيتكم واني احجي اناشغ اشيل روحي واركعها بالكاع من الوجع اصررخ ماكو جواب بقيت بمكاني متمدده بالكاع ومسدس نوار بالكاع مشمور كدام عيوني تقربتله اريد اخذه
حطي براسج فرغي الشاجور بنص راسج ياقوت ارتاحي من هل عذاب حسيت بنفسي بديت افقد الوعي اديه متلطخه بالدم وكل جسمي وحتى الكاع ريحة الدم ترست المكان لعبت نفسي حسيت بروحي فقدت بقت ايدي ع الكاع بأتجاه المسدس ماعاد احس بشي
اليوم الثاني الساعه 2 الضهر رجعت لوعيي حركت اطراف اصابعي حاره وخدرانه وتنتف من الوجع فتحت عيوني لمحت ايدي لازك الدم بالكاع وايدي وياه لازكه نازفه فوك الكلاص دم
شلعت ايدي من الكاع قربتها من وجهي شميتها ريحة الدم فايحه تلعب الروح وخرت شعري عن وجهي بأصابعي اريد ارفع نفسي من الكاع ما اسيطر اديه مربوطه لهسه ورجليه هم باوعت للباب مسدود عرفتهم قافلينه عليه ياالله
رفعت نفسي وگفت لحيلي فتحت ايدي بحلگي لحاله انفتح دنكت فتحت رجليه توجهت لشباك غرفتي فتحته الجو متوسط الهوى عذب يلمس بوجهي غمضت عيوني اشتميت الهوى ردت روحي باوعت لأصابع ايدي اليمنى وارمات وملتهبات من الوجع الله ياخذ روحك كوون لابوك لابو مرتك عفت الشباك مفتوح سحبت الكرسي خليته كدام الشباك وتربعت صافنه اشوف الدنيا شتسوي بيه اكثر من هذا السوته بعد بقيت ساعات طويله كاعده كدام الشباك محد اجاني ولا نشد عن حالي ارتجيت عل كرسي غمضت عيوني وغفيت حلمت بي اجاني بالحلم وهوا يبتسم ويگول راجعلج شمعتي حر يعوف روحه وميعوفج تقرب باسني من راسي واختفى
فزيت من عز نومي مرعوبه بديت اهلوس
ياقوت :: تعوفني هيج انييي شمعتكك
جتفت ايديه على رجليه ودنگت واني اهلوس
ياقوت ::گطع بيه حتى الهوى بلياك
هيج تسوي بـ شمعتك يا بوووويه كسرت ضهري خليتني اتحلم بيك مثل المسودنه
يجيبك الشوگ لـ دربي دييييهممم اني الميته بيك هيج تسوي بيههه
رجعت غفيت واني بمكاني حسيت على واحد يغطي بيه فزيت عبالي هوَ اجه
شيلاء :: اهدي اهدي اني شبيج
رجع حيلي مات وذبل جسمي بخذلان
ـ انطيني ايدج
ـ عوفيني مابيه شي
ـ بس اضمدها الج ببلاستر
شايله القطن والبلاستر بيدها سحبت ايدي تريد تلفها دفعتها ونترت بوجها
ياقوت :: شيلاااء ما اريييييددد كلشييي عوفيني وحدييي
ـ لعد شتردين
تردين ديييهمم منين اجيبه الج ماكو راح
ياقوت :: انجبيييي ميعوفني هوَ وعدني ميرجع بوعده
ـ وشنو اليخليج هيج متأكده راح يرجع
ياقوت ::متأكده راح يرجع دييهمم يحبني ميصبر بدوني هوَ هوَ كال انا روحي تروح اذا اروح منج
شيلاء :: بس كلام ياقووت
استوعبي ميرجع خلاص تسلى بيج وكت وعافج وگفت بطولي
ياقوت :: ابقى انتظره حتى لو م يجي ابقى كل عمري انتظره لو لمن اندفن بالكبر هم ابقى انتظره عفتها ومشيت
بعد مرور عدة اشهر
ماكو شي تغير كلشي على حاله
مرت نوار طلعت حامل ببنوته وكلش فرحو اهلي بهل خبر وشويه عافوني بحالي واهتمو بمسرة
اشتريت تلفون جديد بدال ذاك الكسرته
و رقم ديهم ما سجلته بالخط الجديد
انداريت عل ديوان ابوي لگيت الكهوجي واكف خطيه محترك حرك من الشمس
ياقوت :: ها خويه الگوه
الله يگويج خويه
دنگ راسه يتقصد يغض النظر
ياقوت :: عفيه ابوي يريد الگهوه مره وصافيه لا تخليلها اضافات ويريدها عل فحم لتسويها عل طباخ ـ صار بعيوني بلغي للعم حڪيم يدلل
يااقوت :: مشكور خويه وها لا تنسى الديوان رتبه اليوم ابوي عنده طلابه حيييل مهمه شيخلص طلايبهم
ـ اي اعرف ويا البو عيسى طلابته
ياقوت :: شمدريك ولك بس لا تتسمع لسوالفهم
ـ لا والله بس ابوج حجالي لان يثق بيه اسف اذا ازعجتج
ياقوت :: صار عندي فضول شبيهم البو عيسى ويا ابوي
ـ ما اعرف بس اعتقد طلابه قديمه
ياقوت :: هممم
اتذكرت ديهم من نفس العشيرة
ياقوت :: تمام خويه مثل ماوصيتك ابوي يذبحك بمكان الطلي والقران
سمعته ضحك وكال
ـ اليوم يذبحون طلي؟
ياقوت :: اي واخذ حصة اهلك وسلملي على عمة حمدية
ـ يوصل خيتي
عفته ورجعت للبيت ابوي مخبوص يصيح على امي يريد عگاله دورت يمين يسار لگيته جبته واجبت لـ بابا لبسته اله وگتله
ياقوت :: اغديلك فدوا بيرغ عراضتنه
ابتسم بدون جواب سمعت صوت نوار
نوار ::يابه نتوكل
التفتت نوار واشهب لابسين الدشاديش والخاجيات والسبحه بالايدين
ياقوت ::ها تروحون ويا ابونه اليوم
اشهب ::اي
حڪيم :: اليوم ما اريد احد منكم يطافر يمنه يسرى مو تفضحوني كدام البو عيسى تخلص طلابتنه ونتوكل
اشهب :: اي يابه لعد شلون بعيونه توكلو للديوان
اامي راحت للدجاج والبطات مالتها توكلهن وشيلاء بغرفتها البيت هدوووء يريح الاعصاب
ياقوت :: ايييي هيج اريد اني الله ياخذكم كلكم حتى ارتاححح كوون يبقى البيت بس اليه انام واشبع نوم واكل براحتي اففف والله راحة نفسيه كومي ياقوت متفيدج التخيلات بشي
كمت لحيلي اريد ارتب غرفة ابوي وامي اتصل تلفوني شلته من الرف رقم غريب يتصل
گلبي نغزني منو هذا معقوله هوه مو هوَ اش ياقوت
اهدي انسيه لـ ديهم شيليه من بالج
غمضت عيوني اخذت نفس عميييق ورجعت زفرته فتحت عيوني وانطيت رفض للرقم ما اريد اي بشر بعد اكتفيت
كملت الغرفه تنضيف
عدة النهار على خير صار الليل واجه ابوي واخواني من الديوان واحنا كاعدين بالصاله اسمعهم يسولفون بالقتل يدردمون بيناتهم
حڪيم :: صبو عشه هلكت من الجوع
شيلاء :: اني اصبلكم اليوم
حڪيم :: ابوي النادره اليوم تصبلنه
شيلاء :: اي اني
حڪيم :: اكيد عندج مصلحه وياي كولي احجي شيلاء :: بابا تعشه هسه وبعدين نسولف بالموضوع حڪيم :: ديلا امشي عابت هل عطوب
اني هم زين خلصت من هيه تنجاز بيهم صعدت لغرفتي ماريد عشه مو جوعانه تلفوني رجع يتصل رقم غريب ياربي منو هذا خليني ارد يجوز شي مهم فتحت خط وصحت
ياقوت :: الووو
محد جاوبني
ياقوت :: منو وياي تحجي لو اسده
هم ما جاوبني سديته بوجهه خفت منه غسلت وجهي وفرجت اسناني وگبل بوجهي عل فراش توني اريد اغفى اجه على بالي ديهم
ياقوت :: عصرت گلبي عصر من رحت وينك يماي عيني وهدبها
عيوني دمعت غطيت وجهي بالبطانيه اناشغ
ياقوت :: ايست مترجع بعد حُـر انا اعرفك
تذكرت قمصلته بالكنتور طلعتها وضميتها لصدري اشتم بيها اخذتها وتمددت بالفراش حاضنتها
ياقوت :: يا يمهه اخذت حيلي من رحت يبعد رويحتها لـ شمعتك
خليتها يم وجهي وغفيت وانا حاضنتها كعدت الصبح لگيت ٩٠ مكالمة فائتة من نفس الرقم الغريب، اتصلت عل رقم فتح الخط گتله بعصبيه
ياقوت :: منووو احجي راح احضررك
همس بلهفة
دَيهم :: يبعد حيل هلي وطوايفهم
ياقوت :: دَيهمم؟؟ شتريد شتريد شذكرك بيه صارلي اشهر عايشه ما متت بدونك شرايددد
جاوبني بخنگه
دَيهم ::ودموعج الغاليه مجبور
ياقوت :: منين حصلت رقمي نذل
ـ اجي احرگج حرگ بنت حڪييمم لا تغلطين بربوك الرقم اخذته من شيلاء
سديت الخط بوجهه وصعدتلها
فتحت الباب بدون ما ادكه
ـ شبيج خرعتيني خرب وجهج
ياقوت :: ليش تنطين رقمي لهذا الكواد
ـ اسفه بس والله هوا لح عليه
ياقوت :: حتى لو لح لدزين رقمي لحددد انيي حذرتج لا تجننيني حذرتج منع ماريده يعرف رقمي شلون هيج
ـ اسفه والله كسر خاطري مو بيدي
ياقوت :: خرب روحج عفتها ومشيت
…بعد اسبوع …
كاعده بالحديقة العب عل بطات اسبح وياهن ع الماي الساجيه اجت ماما
ابابيل :: اريد ادزج
ياقوت ::اي ماما وين
ابابيل :: للبساتين مخلصين الفواكه كلها وابوج مشتهيها اليوم بليل ولا تنسين التفاح والرمان ابوج يحب الرمان
ياقوت :: ماما بس ابدل ملابسي تبللت
ابابيل :: بسرعه يلا واخذي سلال ثنين او ثلاثه وياج واترسيهن ميكفن ترا مسرة تريد لأهلها هم ياقوت :: صار يمه
رحت بدلت لبست ثوب ابيض عشقي هذا اللون اغلب ملابسي لونها ابيض لفيت الشال على شعري مثل السكارف وخليت كصيبتي طالعه من جوا الشال لان ماكو احد يكدر يطب بساتينه اصلاً كلها تتراجف من ابوي شلت السلال الثلاثه ورحت للبساتين الفصل خريف والاشجار تجنن روائحها تاخذني لغير عالم وصلت شجره الرمان جواها ساجيه ماي مايها بارد يرد الروح غسلت وجهي منه وبديت اگطف رمان واخلي بالسله اجه على بالي ديهم وشلون عافني وراحح ضاك صدري اتذكرت اغنيه محمد عبد الجبار اجت بالي ماعرف يمكن لان تمثل حالتي
كمت ادندن بيها ويا روحي
ياقــوت ::
خيالك ما يفاركني
وياي بصحوي وبنومي
ويوم البي تروح بعيد
ذاك اليوم مو يومي
..
حاير بعدك ومحتار
وما بالناس حنية
گطع بيه الهوى ومخنوگ
من يوم گطعت بيه
واني ادندن بيها سمعت صوت اجاني من ورا صوت مبحوح ومليان حسره وهوا يردد الاغنيه وراي:
دَيهــم ::
غيرك كلشي ما محتاج
بدونك روحي مو هيه
احن لـ حضنك واشتاگ
وابچي وترجف ايديه
التفتت مصدومه من الصوت
ياقوت :: هذا انت؟
ما جاوبني تقدملي وعيونه مغوشه من الدموع صوت انفاسه يرتجف تقربلي ابتعدت عنه خطوات ليورا
دَيهم :: ديهمج تعلعل بلياج
ايده لمست جسمي يريد يحضني تراجعت ودفعت ايده ونترت بوجهه
ياقوت :: وخرررر جذااااب
ما جاوبني ومستمر يخطي بأتجاهي متلثم ولابس ملابس مالت دراجة رجعت نترت بوجهه
ياقوت :: لا تقرررررب ابتعددد عنييي
بسرعه جرني من ايدي وضمني لـ صدره
اصرخ بوجهه واضرب صدره بأيديه
ياقوت :: وخررررر لا تلسمنييي تلوثنيييي وخررر انهاريت عليه بالضرب وهوا ضامني لـ صدره صوته يتراجف من القهر ويحجي بخفووت
ديهم :: اش بوويه اشش مردتي لـ گلبي والله
ما جاوبته بقيت منهارة عليه بالضرب واصرخخ بأعلى صوت
ياقوت ::هدددنييي ما اريدكككك ما اريييدككك شبيييككك
انهال عليه بعصبيته ونتر وهوا ضام راسي بصدره ولازمني بين ايديه
ديهم ::اخذ رووحججج اذا تگولين ما اريدكككك انوب اشش لا تعيديها بعد لا تعيديهااااا
ضم راسي بصدره يكتم صوتي وايده على راسي ضاغطه بقوه بصدره احاول اخلص نفسي منه
ياقوت :: ما اريييدكك عوفنييي يا بني ادم گلبي ميريدك بعدددد
دنگ راسه وهمس بأذني بعصبيه
ديهم ::اخذها لـ روحج وحق من انزل القران لا تكوليهااا لا تكولييين ماريدككك
ضغط على جسمي بأيده يهمس بأذني يهديني ديهم ::اهديي شمعتي اهديي يابعد عافيتهم لـ هلي لتعذبين گلبي اخخ
حضني وهوا يردد هل كلام تعبت رخيت جسمي سلمته روحي بقيت بحضنه اناشغ دموعي بللت ملابسه يبلع بريگه وهوا يردد بكلام مو مفهوم ابتعدت عنه كفيت شعري بأيدي عن وجهي ما انطيته ولا نضره مني
ياقوت :: ليش راجع شتسوي هنا
ديهم :: راجعلج راجع لـ روحي البقت يمج
ياقوت :: ماكو شي يمي يخصك
ديهم :: وعافيتي وصحتي وحيلي
ياقوت :: مو يمي
ديهم :: كلهن يمج
ما جاوبته مدنكه راسي هوا مثبت نضراته بوجهي تقرب مني همس
ديهم ::نار شابه بضلوعي وانت ولا همج
ياقوت :: ميهمني انت اختاريت تعوفني وتروح واني سويت مثلك
نضراته ارتبكت دار وجهه عني رجع التفتلي اجت عينه على اصابع ايديه وسع عيونه وحجه بصدمه ديهم :: بوويه شبيها اصابعج
لزم كف ايدي بأيده يعاينله سحبت ايدي من ايده وضميتها بأيدي الثانيه
ياقوت :: اتعورت واني اشتغل بدون قصدي
عگد حواجبه متعصب نزل اللثام عن وجهه وينتر سحب ايدي بقوه وباوعلها يتأملها
ديهم :: اضافرج طالعه توها شلون تأذيتي ذني مشلوعات من مكانهن
ياقوت :: اي ادري بيهن كتلك اتعورت مجرد حادث بسيط
ديهم :: اخوج المريييضض هذا ادري بكلشيي ادرييي ياااقوتت
ياقوت :: لااا مو هو
لزم راسه ذب حسرة
ديهم :: لتجذبييين يااقوتت لتجذبين هاي سوالف اخوج ترا انا ضامهن اله وحده وحده دديهم ميعووف ثاره بسهوله
ما جاوبته صرت ابجي دموعي تنزل بغزاره كعدت بالكاع اناشغ تقرب مني كعد بالكاع وهمس
ديهم :: يا امي شسوو بيج احجيلي والله لأخذ روحه لـ اخوج
جاوبته واني اناشغ
ياقوت ::عرفوو عندي احد عرفوو ديهم وسمعوني احجي لشيلاء عنك لان مختفي
حجيتله بالتفصيل ضعفت كدامه ما اكدر اقاوم حنيته تجاهي ضمني لحضنه وهوا كاعد بالكاع ختلت بحضنه اناشغ اسمعه يدردم
ديهم :: والله لأراوي اهلج النجوم بعز الظهر
هيج يأذون شمعتي اتكسرت ايديهم كووون
بقيت مستمره ابجي بدون ما انطق
نزل راسه باسني من راسي وكال
ديهم :: بوويه شلعو گلبي من مكانه الله لا يهنيهم رفع راسي مسح دموعي بأيديه اخذ ايدي بأيده يطبع بوساته على اصابعي بهداوه وهوا يردد بخفوت ديهم :: شلعو روحي كوون بدالهن
يا امي توجعتي والله لأخلي وجعج بنص كلبه لـ اخوج الكواد بس ادعيلي الله ينطيني حيل ويخليني فوك راسج
جاوبته مخنوكه من البجي
ياقوت :: وين جنت ليش رحت وعفتني
جاوبني بصوت مبحوح وكله تعب
ديهم :: تعرفين كلشي بعدين هسه ماريد اتعب رويحتج
ياقوت :: لا اريد اعرف هسه
ديهم :: شمعتي گتلجج بعدييين
فزز كلبي صوته خفت
ياقوت :: ماتدري شكد عشت ايام صعبه بلياك كل ثانيه جنت انتظر حرف منك انتظر المح خيالك يمي رحت وما رحمت بحالي ابد
جاوبني وهوا يبوس بأصابعي
ديهم :: بكلشي ادري والله بويه
ياقوت :: لا متدري
ديهم :: شلون راح نبقى متجادلين
ياقوت :: ونار كلبي
ديهم :: مشتاگ لسوالفج وحركاتج الحلوه انسي كلشي
ـ ما انسى
ـ شو دضحكي
ـ ماتجي الضحكه ماكو
ـ تردين اطفي نارج
عض شفته السفليه وهوا يكولها ويبتسم گلبت عيوني منه
ياقوت :: لااااا ما اريدد
غافلني ولزم وجهي بأيده والتهم شفتي بشفته احس بحرورتها بشفتي ابتعدت اخلص نفسي منه ماكدرت مستمر يلتهم بيها ويطبع بشفته بكل مكان بشفتي انفاسه حاره تلفح بوجهي دفعته وسحبت نفسي منه ياقوت :: بعد لا تعيدها
حجه عيونه مضيكهن وهوا يتأمل شفايفي
ديهم :: نار گلبي ماتطفى عليج لو التهمج كُلج
ياقوت :: خليها شابه بضلوعك اريدها تحرگك
مرر اصبعه الابهام على شفتي السفليه يتلمسها
ديهم :: اذا انت ترتاحين مستعد اشتعل بنارج لأخر يوم بعمري
غضيت نضراتي عنه بعدم اهتمام كال وهوا يدغدغني بأيديه
ديهم :: زعلانه البتره مالتي زعلانههه
اني نقطه ضعفي التدغدغ اخرررب ما اسيطر من الضحك انهاريت اضحك بعلوو صوتي واتوسل بي ياقوت :: دديهممم كافييي متتتتت يمهههه ولكك عوفنيييي هههههههههه
ديهم :: شو دضحكي شكو كاتمتها
البتره طولج متره وشايله حقد الدنيا بكلبج
انهاريت بالگاع من الضحك اتمرغلت بالعشب ارافس برجليه وهوا فوگاي يدغدغ بجسمي فحطتت من الضحك
ياقوت ::بروووح امككك عوفني اختنكت ما عاد اكدر وخر ايده عني ودنگ باسني بعيوني واني مستمره اضحك رجع رفع نفسه ومدلي ايده
ديهم :: تعاي وليدي
انطيته ايدي رفعني من الكاع سمعت صوت الماي بالساجيه يجري روحي اتلهفت للماي حيل احبه وخصوصاً من الساجيه رحت اركض نزعت حذائي ع طرف الساجيه رفعت ثوبي ونزلت رجليه بهداوه بالماي بارد يمههه يشوغ الروح اباوعله لحكني يتأملني اشرتله بحواجبي يجي ابتسم وچتف ايديه ديهم :: بويه مشايفه ماي هههههه
ياقوت :: احبهه الله باااارد ديهمم
العب بالماي واكمز بي واضحك روحي فرفحت اسمعه يگول:
ديهم :: يمه سوده بوجهك ديهم
راح تتورط بطفله ههههههههه
ياقوت :: همممم ترا اسمعك
ديهم :: احلى طفلة شافتها عيني
غرفت ماي من الساجيه وشمرته بوجهه
ديهم :: راح اجيج والله
ياقوت :: تعال والله اغرگك بساجيه
كعد ع طرف الساجية وخله رجليه بالماي
ايده على خده يتأملني واني اخبل كدامه واطفش بالماي طلع جكارته ورثها
يسحب نفس منها غرفت ماي وبللته هوا والجكاره فز وتعصب مني ونتر
ديهم :: ها تعاندين مو
توجه بخطواته عليه وهوا يحجيها رحت اشرد منه لزمني من ثوبي واني منهارة بالضحك
ديهم :: تعايي بربوك تبلليني
غرف ماي من الساجيه وشمره بوجهي واني فاطسه ضحك اول مره اضحك هيج عيونه تتأملني يبتسم عدل شواربه بأصبعه شعره مبلل ايديه حاوطت خصري وهمسلي
ديهم :: يا امي ارووح فدوا لهل ضحكه
بللتيني هسه شلون ارجع هيج عبالك عتوي
ياقوت :: هههههه تستاهل
ديهم :: عقوبتج قاسيه هل مره
وهوا يسولف اتذكرت امي وصتني على فواكه
ياقوت :: حبيبي راح اروح
اريد امشي لزمني من ايدي
ديهم :: مو بسهوله تروحين من ايدي
ـ عفيه مو وكتها هسه يلحكوني اهلي ويشوفونه رجع لزكني بجسمه صدري طخ بصدره قرب وجهه على وجهيي طخ رمشه برمشي انفاسه دافيه تسرسح الرووح همس
ـ وعقوبتج مترديها
ـ ها لا بعد بعدين بعدين
خليت ايدي على شفتي ضميتها ركز بعيوني
ديهم :: ماتصعب على ديهم ترا
ـ تعال عاوني حتى ارد لـ بيتنا بسرعهه
ـ ايدج
ـ شنو
ـ اريدها
ـ ياهي منهن
ـ اللي ضامه بيها شفايفج
ـ دييهمم بطل سرسريتك مستعجله والله
ـ ابوسها بس
ما جاوبته
ـ لا تخليها بنفسي
انطيته ايدي باسها وشمها غمض عيونه تسرسحت من شفته هيج غافلني واخذ شفايفي بين شفافه بكل قوته سحبت روحي منه ونترت
ـ ديييهمم
ـ ءوف ذبتي
كفخته على شفايفه بأيدي بخفةة
ياقوت :: سز
كلتها وانداريت انطيته ضهري طلعت من الساجيه ملابسي متبلله
ديهم :: ترا مبين
باوعتله وسعت عيوني مستغربه
ديهم :: حتى لونه مبين ذاااكك احمر
شهگت مصدومه غطيت جسمي بأيديه لميت روحي ياقوت :: نعلعلا عرج اهلك الساقط امشيييي منااا ديهم :: ههههههه سحلتيني خررررب انههه وترديني الزم روحيي كدامجج
تقربلي وهوا يحجي
ديهم :: انتِ شايفه الجمال الشايلته؟ لتلوميني من اغار عليج من هذا الطير الطاير بالسما
ياقوت :: التفتت غمضض عيونك لتباوع دايييححح ديهم :: ااهوو ديلا
اندار انطاني ضهره شلت السله من الكاع وبديت اكطف رمان
ياقوت :: لتباوع الا اكمل
اجاني صوته وهوا يكول
ديهم ::عادي اكل رمان؟
باوعتله لكيته مندار مجتف جسمه يتأملني شمرتله رمانه
ياقوت :: اخذها وروووح هسه يفگدوني ويجون
ديهم :: لا جؤ جؤ مو هذا الرمان
تقربلي وصل يمي مرر اصابعه على دلعة ثوبي وهمس
ديهم :: اكو رمان اطيب اريد اضوگه
ضربته على ايده
ياقوت :: لووو تمووتتت
ديهم :: انطيني برضاتج احسن متصير اجباري عنج
ياقوت ::التوبه بعد اشوفك عدا هل مره
ـ اذا متشوفيني تضيعين
ياقوت :: اوي شايف نفسك حيييل
ـ مو ابچيچ
ياقوت :: عفيهه دروح روح والله امي ح تزرلني من وراك
ـ وترجعين لبيتكم هيج متبلله
ياقوت :: عادي هذا بيتنا وماكو احد
نتر بعصبيه
ديهم :: تحجييين صدككك
ياقوت :: والله
ـ وجسمج
ياقوت :: شبي
ـ متفصل تفصال ملابسج لازگه عليج
ياقوت :: اهو لا تصعبها
ـ بنت الكوااد اصعبها شنوووو غيررر جسمجج كله مبين
ياقوت :: لعد شلون اجيت بي من البيت لهنا
ـ والله اسألي روحج هيج لبس بعد لا تلبسين
ياقوت :: صار
ـ لا تطلعين بهيج لبس خزي بعد
ياقوت :: هو شنو الخزي هيه دشداشه بس لأن تبللت لزكت بجسمي
ـ بووويه ملابسج لونهم ابيض وكلشي يبين بالضوه هسه انا شايف كلشي
ياقوت :: لاااا امانه تشاقه
ـ والله اجذب عليج شنو
ياقوت :: حباب بس روح انيي هسه اروح
ـ والله ما اتحرك من مكاني الا تمشين كدامي
ياقووت :: حبااابببب
ـ اشش كدامي
اشرلي عل طريق بحواجبه شلت السلال من الكاع توجهت بخطواتي راجعه للبيت
ديهم :: الحگج ترا گبل للبيت
انوب علينا ثوووب ابيض لابوج لابو لبسج الخايس وصلت البيت
ابابيل :: ليش قليل جايبه اني شنو وصيتج وحييلل تأخرتيي يااقووت عِل اليعلج ان شاء الله
اخذت السلال من ايدي وراحت للمطبخ اجت شيلاء
ـ ملابسج ليش مبلله
ـ تعرفين ليش
كامت تتبوسم
ـ حسابج بعدين
عفتها وصعدت لغرفتي سبحت وشسورت ومشطت ونمت حتى غده ماتغديت
حسيت بصوت التلفون يتصل رفعته بعيوني النعاس يتصل فتحت الخط
ـ ها
ـ يبعد الـ ها شحلوه من حلگج
ابتسمت واني بصوتي النوم
ـ خربت نومتج
ـ عادي
ـ تعرفين انا شنو اسوي حالياً
ـ شتسوي
ـ جاي اتمرن
ـ همممم
ـ على وزنج اتمرن حتى بعدين متگولين ميكدر يشيلني ومابي حيل
ـ هههههه ومن وين الك الحيل
ـ لا صراحة شكد وزنج هسه
ـ امممم 58
ـ هسه رافع حديد وزنه 75 ارفعج بطرف اصبعي طفلة
ياقوت:: اني مو طفلههه
ـ طفله ونص طفلتي
ياقوت ::هاااا
ـ تروحلج فدوا خالتي سميحه
ياقوت :: هاي منو انوب
ـ تعرفيها تعرفيها بعدين
ياقوت :: امممم نعسانه روح خليني انام
ـ ساعة ٦ الفجر كومي صلي
فزيت مصدومه وسعت عيوني
ياقوت :: تشاقهه
ـ هههه لا والنبي كومي اتوضي وصلي
ياقوت :: تمام بس اكمل ارجع اخابرك
ـ انتظرج لتنامين
ياقوت :: اوكِ
سديت الخط رحت توضيت وصليت واني كاعدة ع السجاده اردد
ياقوت ::
اللهم إني أحببته اجعله من نصيبي يا رب وسخّره لي واجعله زوجًا صالحًا لي
اللهم ارزقني حبه واجمع بيننا في الحلال واجعل بيننا المودة والرحمة
اللهم يا مُسخر القوي للضعيف ومسخر الجن والريح لنبينا سليمان ومسخر الطير والحديد لنبينا داود ومسخر النار لإبراهيم سخّر لي قوتك وعظمتك واجعله من نصيبي
اللهم إني أسألك باسمك الأعظم الذي إذا دُعيت به أجبت وإذا سُئِلت به أعطيت أن تحفظهُ لي بِعينك التي لا تنام واني ادعي
وكعت الدمعه بكف ايدي ايماني قوي برب العالمين ميخذلني ابداً راح يعوضني هل مره راح يجبرني
راح يجبر بخاطري مسحت وجهي بأديني وكمت لميت السجادة
اللهم انك عفوًا تحب العفو فأعفوا عنا كررتها مره ثانيه ما كملت المره الثالثه واسمع صوت عيـاط من برا
طلعت بالمصلايه اررركض مثل الخبله سيارات اهلي شابه بيها النار بالكراج والحديقه نصها مشتعله امي منهارة بالكاع تلطم شيلاء يمها تعيط وتهدي بيها ابوي يخابر عل اطفائيه نوار يعيط ويشلع بشعر راسه اشهب يركض يحاول يطفي النار مسرة
هابطه بزاويه البيت وهيه حامل كسرت خاطري رحت اركضلها
ياقوت :: مسرة شكوو
كالت بنبرة مليانه خووف
مسرة :: ب بيتنا ياقوت بيتنا اني ونوار احترگ وسيارتنه والحنطه مالتكم كلها مشتعله
ياقوت :: يمهه شتگولينن 80 دونم اشتعلتتتتت
ابوي الا ينجلط يمهه سوده بوجه العدو عفتها وركضت ل اشهب
ياقوت :: اشهببب منو سواها منوووو
اشهب :: ما ادري يياااقوتت مادري بس اكيد راح ينلزم ميبقى هيج الكاميرات راح تكشفه
ابوي سمعه وكال
حڪيم ::ولككك يا كاميرات حتى الكاميرات مكسرها والحنطه مالتنه 80 دونم رااااحتتتت هيييييجججج صرخ بعالي صوته اباوعله عيونه تفوور من العصبيه حڪيم :: وين تعبنه كله راااااح مال سنه كامله حر وضيم نحرس بيها وخساير يجي ابن**** يحركها نوار :: انهجم بيتيييييي
طلعع يركض لبيته راح وراه اشهب
بيته بناه جديد يريد ينتقل هوا ومسرة عليه بعد ماتولد خسر عليه 30 مليون وبعد ما كامل
باوعت للنار تاكل بالسيارات اكل الناس التمت علينا كامو يطفون بالنار سياراتنه انتهت بيها 150 مليون جارجر مالت نوار و عذاري حديثه مالت
اشهب و سيارة باب دوج كلها التهمتها النار برمشة عين، باوعت لـ ابوي صار مو زين حسيته بدأ يريد يوكع من طوله ركضتله
ياقوت :: يابه شجاك
ملتمين عليه جوارينه يحجون وياه يريدون يهدئ ابوي مايجاوبني الخوف احتلني باوعت بعيونه فقد وعيه وكع من طوله صرخت بعلو صوتي
ياقوت :: يمهههه ابويهه ماااااتتت
انفجرت سيارة من سياراتنه الصوت هز البيت من قوته ضميت راسي جوا ايدي رجعت باوعت اهلي مابيهم شي الحمد لله الكراج بعيد حيل عن البيت ميوصلنه شي اجت الاطفائية يطفون الحريق واني بمكاني اصرررخ
ياقوت :: ابوييي مات يمهههه اكعد يابه عمت عيني عليك
مي منهاره وشيلااء بصفها ثنين يعيطن اجت امي تركض على ابوي تشوفه شبي اجو اخواني يركضون حطو ابوي بالسياره واخذوه
ياربي سترك شنو صار بينا اليوم النار اكلت زرعنه وحالنه ومالنه ومابقالنه شي الاطفائية لحگو بالسيارات طفوها قبل لا تنفجر وطفو النار قبل لتوصل للبيت دخلنه للبيت ننتظر خبر عن ابوي بعد ساعات طويله
دگ تلفون امي ركضناله كلنا
ابابيل :: اني ارد
انطيته الها فتحت الخط
ابابيل :: ها يمه نوار بشرنه شلون ابوك
نسمع صوته وهوا يگول
نوار:: مابي شي بس ضغطه مرتفع هوايي
ياقوت :: يمه الحمد لله ابونه مابي شي؟
ابابيل :: لا يمه ابوجن بخير الف حمد وشكر الك يارب
اندك الباب فتحته امي
ابابيل :: اشهب شصار على حنطتنه
حجه وهوا مدنك راسه
اشهب :: يمه احتركت احترك تعبنه بكل هاي السنين والفلوس الخليناها كلها اكلتها النار
ياقوت :: ميخالف بالمال ولا بيكم انتو انّس البيت
عدت على خير رغم الخسارات اللي صارت بالسيارات والحنطه والمزارع بس ابوي كال
حڪيم :: كلها فدوا اهم شي العافيه واحنا بخير معززين مكرمين
رحت لغرفتي سبحت وبدلت ملابسي كعدت ارتاح واستوعب الصدمه والمصايب الصارت بينه اسمع اهلي يهدون بـنوار ميكدر ينام من قهره على بيته وسيارته، رن تلفوني سحبته من الرف ديهم يتصل رحت قفلت الباب وفتحت خط
ـ ها حبيبي
ـ يروحه لـ حبيبچ تونستي اليوم
ـ ع شنو اتونس ماتد … قاطعني وگال
ـ افعاله لـديهمج
ـ ديهمممم لا تكولهاااااا
ـ هممم انا، انا بهاي ايديه الما تلمس مخلوقه غيرج انا حرگت اهلچ اليوم
ـ يمهههههه
رجعت خليت ايدي على حلكي خايفه ليسمعوني
ونترت بخفووت
ياقوت :: ولكككك شسويتتتتت بينههه شدعييي عليكككك شدعييي
اسمع صوت ضحكته ترن بأذني
ديهم :: ديهم ميعوف ثارج حرگتهم بـ نار گلبي
ياقوت :: ديهممم اهلي ذوليييي اهليييي حرام عليييككك
صرت ابجي عاصره عيوني وصامه حلگي بأيدي اكتم الشوغه
ـ لا تكتميهااا اريد اسمعها لـ شوغة روحج حتى نوب احرگ بيتكم بكبره
جاوبته اناشغ
ياقوت :: ديهمممم متخاففف انتتت متخااااففف راح يسحبون اشرطة الكاميرات ويشوفونك بيهااااا راح يذبحووونك
ديهم:: روحي تغديلج فدوا
سمعت صوت خطوات جايه بأتجاه غرفتي وعياط اهلي بالبيت سديت التلفون بوجهه وفتحت الباب شيلاء بوجهي
شيلاء :: ياااقوتتت مسررةة كامت تولد
ركضنه لمسرة البنيه تعيط لبسناها عباتها وامي لبست عباتها واخذهن اشهب للمستشفى نوار بغرفته انجن من الحريق الصار حتى مرته مو هامته
ثاني يوم الصبح كعدنه على فاجعة اكبر
ياقوت :: الو ها يمه بشري ولدت مسرة
صدمتني وهيه تكول
ابابيل :: ولدت بنيه وماتت
وگفت گلوبنه نوار وكع بالكاع من الصدمه يبجي بـ سكوت من الصدمه كام لحيله طلع يركض ابوي راح وراه خايف عليه لا يسوي حادث لان مو بوعيه
حڪيم :: دربالجن ع انفسجن اقفلن الباب على ما نجي لا تطلعن أبداً
شيلاء :: تمام بابا بس لا تطول ترا نخاف وحدنه
طلع ابوي وقفلنه الباب وراه باوعت شيلاء خازرتها
ياقوت :: انتت السبب
شيلاء :: ليش شسويت
ردت احجيلها شمسوي هلطركاعه ديهم
بس تراجعت خفت تسولف لـ ابوي واخواني والله يذبحووه
ياقوت :: لتفتحين الباب لأي بشر الا اجي مشيت وعفتها
شيلاء :: تعاي كليلي ليش اني السبب
ما جاوبتها صعدت لغرفتي قفلت باب الغرفه فتحت تلفوني واتصلت على ديهم
ديهم :: هلا بطوايف هلي
ياقوت :: ديييهمم لا تخبلنييي انت صاحي لو شنو ديهم :: مخبل بيج
ياقوت :: تدري شسويتتتت انتتتت
ديهم :: كون ما اشفى من مرض حبچ
ياقوت :: دا احجيييي وياااااككك
ديهم :: ها بويه غردي
ياقوت :: انت اكو عقل براسكك
ديهم :: يمكن لا
ياقوت :: ولككك مسرہ ولدت واجت بنتها ميته بسبب الصدمه الصارتتت
ديهم :: وانا شعليه
ياقوت :: شلووووون شعليييك خطيئة الطفلة بركبتك ديههم افهمني تغلط هواي بحق نفسك
ديهم :: خطيئتها برگبة ابوها
ياقوت ::شلووون برگبة ابوووهاااا شلوووونننن
حجه ببرود
ديهم :: هو ليش يأذيج
ـ هاي شغله تخصني اني وياه ما الك علاقه
ـ لتگليليي ما الك علاقهههه لتگولييييين
انت شفتي اضافرررججج كلها دمايه وارمه اخوج قبض روحي تراا
ـ بس الطفلة شنوو ذنبهاااا
ـ اسجدي لـ ربج شكر ما ذبحته انت بعيني ومجاييي أذيييي تعصبت وسديته بوجهه
نوار ومسرة ما استوعبو الصدمه بعدين اتأقلمو وعاشو ونسوا
بعد ٣ اشهر
مسرة حامل مره ثانيه و اشهب خطبناله بنيه حبابه وطيوبه وابوي قفل المضيف من الاحداث الصارت وضعه مو تمام ماعاد يحضر بي أبداً واي مشكله تصير بالعشيره ميستقبل
بقيت فتره ديهم يحاجيني وما اجاوبه ع شي السواه بأهلي اريد اموته هيج اعذبه
واگفه يم البطات مالت ماما اوكلهن خس و سلگ الحقل مالتنه مسافه عن البيت 20 دقيقة
اكو ساجيه بصف الحقل طلعتهن برا يلعبن بالماي بقيت كاعده اوكل بيهن اني عشقي البط اموت بي
الدنيا صبح ساعه 10 ونص
لزمت وحده منهن وبقيت ابوس بيها واحضن جعصتها تجعص
✹دَيهم✹
قربت منها وانا اسمع رنه ضحكتها تحتل المكان عرفتها هيه گلبي بدأ يرف عليها محد ضحكته مثل ضحكتها رنانه ترگع بگلبي رگع تقربتلها اكثر وگلبي يتلهف عليها كل ما اسمع صوت ضحكاتها تزيد وخرت الشتل اجيتها من ورا لگيتها متربعه ثوبها لون ليموني وبي دگه صايره سوده ناعمه وبين ايديها بطه حلوه مثلها بيضه تلاعب بيها بروح بريئة تبوسها تخليها يم وجناتها الترف شعرها واصل الكاع بدون ضفيره الشمس تضوي عليها هيه انعم واترف من كلشي حولها سحلت گلبي انثولت وهيه مستمره بضحكاتها التاخذ روحي
ولك ديهم اشتعلو شجاك اثكل
مسحت گصتي بأصبعي الابهام ابتسمت بخبث روحي تگلي اخذها انهبها واشرد واليريد يصير خليه يصير بلعت ريگي تقربت منها بهداوووه ماحست بيه صوت ضحكاتها جان اعلى من كلشي اسمع دگاته لهذا الكواد البصدري متلهف عليها يريد يطلع من مكانه
تقربتلها اكثر بيني وبينها مسافة متر صوت ضحكتها اختفى هجستني انا وراها رادت تلتفت سديت حلكها بأيدي من ورا كامت ترافس برجليها البطه طفرت من ايدها
صوت دگات كلبها تتراجف من الخوف وهيه تستنجد تريد تخلص نفسها مني بستها من راسها شميت شعرها اخخ ينار گلبي الما تطفى عليچ همست بأذنها ديهم :: ليش تسوين بيه هيج
هدئت باوعتلي مصدومه تجمدت بمكانها وسعت عيونها الحلوه وهيه تنضرلي رجعت همستلها
ديهم :: انا ما استاهل ترا
تحجي بكلام مو مفهوم لان ايدي على حلكها بس انا فهمتها
ديهم ::صرتي بين ايديه ياهو اللي يردچ لـ اهلچ الكواويد بعد رجعت تحجيلي بمعنى عوفني
ديهم :: اعوف روحي وما اعوفج
گامت ترافس تريد تخلص نفسها مني
ـ وليدي صير حباب وانا اهدك
هزتلي راسها بمعنى اي وخرت ايدي عن حلكها واخذت شفايفها بين شفايفي ضاجت دفعتني كفختها على خدها بخفة دفعتني عگدت حواجبها بعصبيه ونترت
ياقوت :: والك عين تجي لا تتجرئ وتمد ايدك عليه بعد
گامت لحيلها ونفضت ملابسها ابتعدت عني خطوات ليوره عاگده حواجبها وعيونها بأتجاهي
ديهم :: هالقسوة اللي بعيونچ كلها الي؟
جاوبتني تنتر
ياقوت :: لو بيدي اشرب من دمك هنا ع سويته صرخت بوجهي
ـ رووووح
فز گلبي من صوتها وغافلتها وسديت حلكها بأيدي صارت عيونها بعيوني موسعتهن همستلها
ديهم :: لا تعلين صوتج متخافين يذبحوني؟
ارتخت بين ايدي
ديهم :: اشگه لـ حلگج اذا صرختي
دفعت ايدي ونترت
ياقوت :: شترييدددد شتريييددد روووووح
ديهم :: اريدچ
ياقوت :: انا ما اريدكككك انسانييي
ديهم :: تـرا هواي تتعايرين
….
رن تلفونه طلعه من جيبه فتحه عگد حواجبه مرتبك فتح الخط
ديهم :: الو شنوو؟؟ هسه؟؟ جاي جاي؟
سد الخط وباوعلي
ـ شكو شصاير
ـ ماعندي وقت يجوز ارجع ويجوز ما ارجع بس ديهم ميعوفج لغيره ابد
عافني وراح مستعجل ومتوتر صحت علي
ياقوت :: اوكف فهمني شكو
Flashback
اختفاء دَيـهم المره الماضيه
ديهم :: يُبه انا ما الي ايد باللي صار كله
ابوه :: لتحاول تنكر اغلبها شايفتك ويعرفونك وهاي تصرفاتك
ديهم :: شوف عاد صدگتوني او ماصدگتوني ما مجبور ابرر لأحد
ـ قسم بالله يديهم ان ماجريت عدل بعد تحلم تصعد سياره وحتى البيت اطردك منه اخليك حالك حال المتسولين
ديهم :: وليسمعك يكول تصرفون عليه ومعيشيني انا محد اله فضل عليه
ابوه :: اذا تبقى بهاي تصرفاتك لو تموت كدامي متصيرلك مرة
ديهم :: والله لأحرگ البيت عليكم اذا ما اخذتها
ابوه :: تروح تسلم نفسك للمركز وتكللهم اني ذبحته للولد
ديهم :: والله لو يعدموني ما اعترف بشي ما سويته …
يتـــبع …
▭𝅼▬࣪▭𝅼▬࣪▭𝅼▬࣪▭𝅼▬࣪▭𝅼▬࣪▭
رايكم بلبارت وتوقعاتكم للبارت الجااي
الفصل التالي: اضغط هنا
يتبع.. (رواية بين قبضتهم وقلبه) اضغط على اسم الرواية لتجد الفهرس كاملاً بجميع الفصول.