رواية بين قبضتهم وقلبه – الفصل الحادي عشر
11
▭𝅼▬࣪▭𝅼▬࣪▭.
❂رقــــــو ـ الجـــوهر ❂
بـين قبضتهُم وقلبة
💙 .
يلومَوني واحسَك تكبـر
بروحـَي ويلـومونـَي،وانَه بـلا شوفتـَك
شينفعـَن عيـَوني
..
باوعت لـ ديهم وعيوني مليانه خوف
هزيتله راسي بتوتر بمعنى شنسوي
بقى مفزوع ويباوعلي حاير بروحه وابوي مستمر يدك بالباب
ويصيح
حڪيم : ياقووتت اكعدي طمره شنو هل نوم؟
ما جاوبته
ديهم لزم الشباك وكمز ع الشجره اللي بصف غرفتي ونزل
بقيت مرتبكه اريد اجاوب ابوي بس متردده خفت لا شافنه او حس علينا
خربطت شعري بأيدي عود نايمه فتحت الباب وفركت عيوني
ياقوت : ها
حڪيم : صوتي راااح واني اصيييح
ياقوت : يابه والله نايمه ما حسيت
حڪيم ; كومي سويلي شي اكله
ياقوت : بابا رجلي توجعني ما اكدر
حڪيم : كلشي مابيها امشي سويلي شي اكل
ياقوت : صار بابا بس دقيقه واجي
نطق كلماته وهوا رايح
حڪيم : يلا بسرعه لا تتأخرين جوعان
رجع مشى الدم بيه وردلي لوني الحمد لله ما صادني
ـ ديهم ـ
طلعت من حديقة بيت اهلها ورجعت لـ بيتنا بعد ساعتين فتحت باب الحوش خايف لا ابوي يصيدني فتحت باب السياره وكعدت بيها فتحت تلفوني اتصلت على شيلاء
شيلاء : متخلون احد مطمور يعني؟
ديهم : بسرعه انطي التلفون لوليدي
شيلاء : رووح ما انطي
ديهم : انطيهيا احسن لج
شيلاء : اوو دصبرر والله حتى مالي خلك ورطتوني وياكم
شيلاء : راح اسده وخليها هيه تخابرك
شميت ملابسي عطرها باقي بيه يمن رحت فدوا لريحتها خليت التيشيرت على خشمي اشم بي غمضت عيوني ذبت ذبت ماحسيت الا ريماس تباوعلي من الجام مال السياره
ــ ها خوياا؟
فزيت وگتلها
ــ ها
ابتسمت وغمزتلي
ــ ريحتها؟
دگيت عل ستيرن بيدي والضحكه تارسه ملامحي
وغنيت :
ديهـم :
ضل بيه عطـرہ
وضل بيه عطـره
حضنته گبل سنتين
ضـل بيه عـطره
ريماس : يمه الحگولنه اخوياا انجن بالبنت هههههه
ديهم : اذا ماخذتوها الي احرك سلف سلفكم
ريماس : صار بيها حريق خليني اغووح خاف تحركني هسه
ديهم : احرك ابوج الكواد
ريماس : ديهمم ابونااا هذااا
ديهم : وشسويله؟
ريماس : دحگ دحگ ياالله حتى يحكي نفس كلامهاا
لا لا صدك اخويااا انجن الله يكون بعونووو هههه
ــ اسويلك شي تاكلوو؟
ــ لا مو جوعان
غمزنلي وكالت
ــ شبعان يول؟
ــ امشي لجج ادبسزز اخوج انا شهل حركات؟
استحت وعافتني ومشت
شيلاء تتصل فتحت وگلت
ديهم : ها يبعد هلي
شيلاء : ماكو بريك؟
ديهم : جنج الذبانه التطلع بنص البقلاوه وتخرب الماعون كله
شيلاء : اووي يمه شبيه اني شحلاتني اخبل
ديهم : لتسمعيني صوتج المزنجر
انطيني شمعتي
شيلاء : خبصتنه بيها ترا
ديهم : انجبي ولا تلحين انطيني احجي وياها
ياقوت : الو ديهم
ــ بوويه شلونج مشتاقلج ميت ميت لـشوفتج
ياقوت : شهلجذب قبل شويه جنت يمي لتبالغ
ــ متثقين بحبي الج؟
ياقوت : اثق بس …
ديهم : انجبي لا بس ولا بسبوس
ياقوت : خما احد شافك وانت طالع؟
ديهم : لا بويه لتخلين بالج يمي انا
صقر الحُـر ” طير شلوه ”
ضلت تضحك وڪالت
ــ ماندمت من سميتك حُـر
ــ ديهم يخليج تندمين الله ياخذ روحي اذا خليتج
ــ ديهمم لا تحجي هيج
ــ ليش
ــ اخاف عليك من الهوى والله بعد لا تدعي فدوا
ديهم : اذا اجه يوم والله اخذ روحي .
قاطعتني بحسرة وكالت
ياقوت : كون يومي قبل يومك
ديهم : يا امي ابوس سوالفج الحلوه انا .
عدت اسابيع صبرنه ع امل انو اهلنا يقتنعون بحبنا ويوافقون بس ماكو اي نتيجه جان كلشي بمحله وماكو شي تغير بالعكس جاي تزداد الامور اكثر سوءً
كاعدين اهلي يتغدون وانا كاعد برا بالسياره بالحر
ريام : ديهم كوم تغده
ديهم : ولي عنييي لا اجرم بيج هنا
ريام : والله لو تفطس من الجوع مياخذوهااا الك لا تحاول
جريت حسره والدمعه بعيني طلعت جكارتي ورثتها وصافن ع الدنيا شنو راح تسوي بيه اكثر
اجت امي وكفت تباوعلي
امي : يمه ماتتغده؟
ديهم : يمه حالف ما احط عيني بعين ابويه اذا ميروح يحاجي اهلها
ــ والله اذا سمعك ابوك
ديهم : خله يسمع واذا سمع
ريام : انت مجنون عاقل معاقب نفسك علمودهااا؟
ديهم : ما اريد كلشي ما اريد
ريام : عجل شتريد استاذ ديهم؟
ديهم : اريدها
امي : كوم اكل لخاطري صاير ضعيفون من الجوع
ديهم : اريد اموت حتى ارتاح منكم بس فهموني انتو شتريدون بضبط حبيت سارة من الرمادي ماعجبتكم وهسه حبيت هاي البنيه وهم ماعجبتكم شتريدوووون
سمعني ابوي واجه
غـيدان : تعقل لو شلووون؟
ديهم : ياب كلامي واضح عين الشمس البنيه اذا مصارت الي راح تندمون
غـيدان : والله لو تموت وترفس كدامي متصيرلك مره ومتريد تاكل طبك مرض لحد يصيحوو عل اكل بعد عيفوووو
****
طلعت على صياحهم شهرونا
ريماس : ديهم شنو تجننت كافي خبال
ما جاوبني گام يضرب بستيرن السيارة بكل قوتوو فقد اعصابوو
صرخت بوجه
ريماس : ديههممم شنو كاعد تسويي؟
افتح الباب يمهه اخويااا. بلااال الحگ
محد سمعني ابوي يدحگله شلون متجنن
عافه وراح يتغده وانا وخواتي وامي نريد نطلعوو من السياره ما يطلع جسموو كلش قويي مانكدرلوو
رحت اركض على سالم
ريماس : ساالمم الحگ ديهم انجن وجاي يضرب بنفسووو عل ستيرن راح يدمي روحوو
طلعنه نركض عليه نغيد نفكوو وهوا يصررخ ويضرب بالستيرن براسوو وبأيدوو التم البيت كلوو فوك راسوو سالم نزلوو واخذوو لغرفتوو وراسوو كلوو دمايه ويهلوس بأسمها
ديهم : ياقوت انتِ بس الي
والله لأخذهاااا والله وحق من اسمه الله
اذا راحت من ايدي ابوي موته يصير على ايدي
ابوي يسمعوو بالصاله وساكت لان يعرفوو مو بوعيووو
وامي كاعده تبجي وتنوح عليه
امي : الولد اتجنن ابو بلاللل الولد ضاع من عمايلك
غـيدان : من عمايلووو ماعرف منين يجيب النساوين ويحبهااا انا اولادي كلهم يزوجون برضاتي ماكو احد يطلع عن طاعتي هساع يجي ديهم ذاك اليوم صار رجال يريد يمشيني بكلامووو
ما اغيد اسمع ولا حرف منكم الكل يسكت ويكرمني بسكوتوو
بقينه ساكتين مفزوعين من ابوياا لان محد يكدر يجاوبوو او يناقشوو من يوموو هيج بس ديهم الوحيد بينا يجاوبووو ويدافع عن نفسووو جريئ ماعرف عليمن طالع
صار الليل وديهم بغرفتوو لا ياكل ولا يشرب والنوم مجافي عيونوو
دكيت باب غرفتووو
ــ منو
ــ انا ريماس
بصوت تعبان كال
ديهم : تعالي ريماس
دخلت ولگيتووو نايم بفراشوو وشكلوو مريض قربت يموو لمست وجهوو شرارة وشاعله بجسموو
ريماس : خوياا شبيك جسمك حار
بصوت تعبان گال
ديهم : كلشي مابيه
گام يكح ضم راسوو بمخدتوو يخفي دموعوو
ريماس : ياخويا ليش تعذب بنفسك انساها وخلاص يمكن مو من قسمتك
ديهك : لا تگلولي مو من قسمتك لا تكلولييي! انا احبهااا ماكدر بلياهااا
لم البيت علينا كلوو و واكفين مصدومين ومفجوعين من تصرفاتوو
ريهام قربت يمووو ولزمت ايدوو تغيد تهدي
نفض ايدها ونتر بوجهاا
ديهم : انتتتت اساس البلاوي كلهااا
ريهام : ليش شسويت انا؟
ديهم : سمعتججج بهاي اذني
سمعتج تخربين بأبوي عليه حتى مياخذها اليه
ليييش انتِ المفروض توكفين وياي مو ادمرين كلشي
ابتعدت عنو وتصيح
ــ اغييييد مصلحتك
ــ هيه مصلحتييي لا تحرموني منها
ــ متعرف مصلحتك بعدك صغيرون
ــ لا تدخلووون بحياتييي لا تدخلوون
عافته ومشت صرخ بيها وشال الكرسي وكسروو بالأرض
ديهم : اخذهااا وتشوف عيونكمم ومثل الجلاب تمشوون تخطبوهااا الييي
اشفتوو هيج خفت عفتووو ومشيت لان اعرفوو من يتجنن ما يسكت بعد بقى يدردم ويا روحووو بغرفتوو واهلي ما اهتمولووو شواي ويهدئ
لكيت ريام بالصاله
ريام : ها ما اقتنع ياكل؟
ريماس : لا ميغيد معاند ويانه
رغد : يوميه بالليل اشوفوو بالسياره يبجي عليها لمن يشبع ويكضي الليل كلوو سهران ما يغفى
ريام : خليه هوا يتجنن فتره ويرجعلووو عقلوو محد يموت بدون احد
ريماس : تذكرن بنت الرمادي شعمل بيناا علمودهاااا لعب بينا لعب جننن اعمامي وخوالي عليهاااا حتى عموو راد يذبحووو لجلهااا
ريام : وهسه تاليتووو عافها
ريماس : لا ما عافهااا هيه عافتووو چيف احنا ما راضين
رغد :بس والله ينكسر ضهري على ديهم من اشوفوو هيج
ريماس : صارلوو على هل حاله ١٥ يوم راح يموت الولد من القهرر
.اليوم لثاني .
ابو بـلال : نادوو خله يجي ياكل
ام بـلال : ما يغيد ما الو نفس
ــ ليش ما الو نفس
بـلال : لان ما تاخذولوو هذيج الهاشميه
مرت بـلال : وشلون نسوان ماتستحي ميتات عل رجل
ريماس: لا تحجين هيج عن بنات الناس باجر ترد بأعراضنه البنيه ما اجت على ولدنه احنا رحنالها
ام بـلال : انا كعدت يم اهلها ودحكت عليهم عدل ناس اجاويد وهيه جثيرر حبابه
وجمالها ما شاء الله عين البارده عليها
مرت بـلال : ياعمهه انتِ بكلشي تتعجبين والله هسه تطلع زركه
ريماس : يمهه يازركه غيرر تجنن من جمالها
ريام : امداجن وامداهاا لو كل جمالها ابويااا مياخذهاا لـديهم ولا تصير مرتووو
واحنا نسولف نزل ديهم من غرفتووو وسمعنا نسولف انطانه نضره غريبه وهوا عاگد حواجبوو وطلع برا بدون ما ينطق بحرف
غـيدان : ريتووو بالگبور التاخذوو احسنلوو من هل تصرفات اليتصرفهااا
چلمه من اختي ريهام وچلمه من ابويااا گالوو
ــ والله ماتدخل بيتنا چنه هاشميه لو القيامة تقووم
ريام صفت وياهم
ريام : ابن عمنه اخذ هاشميه وتاليتهااا هسه وينهاا؟
ريهام : انهزمت وعافتووو هنه ذني الهاشميات ما يكعدن عند رجل
غـيدان : ابشوفو حالوو لأبن عمكم هسه باگت فلوسوو وباعت بيتوو كلوو وديحت جهالها وراهاا ما بگلبهاا رحمه انا اعرف مصلحتووو بس هوا ما يفهم
رجع ديهم من برا وبأيدووو قارورة بانزين وجداحه عرفنه عمايلووو گمنه من الاكل مفزوعين وصرنه قريبين منوو
صرخت امي
ام بـلال : ديههمم لااا يا يمهه شتريد تعمل بحالك
ريهام : ديهمم لا تتصرف تصرفات طفوليه!
غـيدان : والله لو تحرگ حالك وتصير رماد ماراح اخذها الك
انا وخواتي مفجوعين من اللي دنشوفوو
فتح القاروره وصبها فوك نفسوو تبلل بالبانزين من فوك ليجوه
بلال تقربلوو يريد ياخذ الجداحه من ايدوو
ديهم : لا تقرب صوبي والله اشعلك وياي هسه هسههه تروحون لأهلهاا وتكلولهم نريدهااا
دحكت لعيونووو حمر دم ومستمر يبجي مثل المجنون وما همووو شي غيرهااا وشعروو مخربط ونازل على عيونووو وملابسوو متبهذله صارلوو شهرين على هاي الحالة امي مفجوعه وتبجي عليه
ديهم :يمه هسه تروحين تحاجين اهلها لا والله واقسم بالله احرگ روحيي
ايدو على زناد الجداحه يغيد يضغطوو
كل ما يتقربلووو بلال يصرخ بوجهو
ديهم : ارجع لمكانك لتحاول تخلصني احركك وياي
مرت بلال مفزوعه على رجلها وخايفه يحركووو وياااه لان تعرف ديهمم مجنون وما يهموووگامت تتوسل بي امي كالت
ام بـلال : انا اغوح اخطبها الك انا يا يمهه بس اشمر الجداحه
ديهم : ما اصدك بيكم كلكم جذابين ومابيكم احد يريدها
ام بـلال : وغلاتك عندي انا اغوح احاجيها الك واطلب ايدها من امها وابوها
غـيدان : غوحي وحدج بالتالي ما ينطون كلمه لنسوان
ام بلال : اناا اتوسل بيهم لحد ما يقبلون والله العظيم
كامت تبجي وكالتلوو
ام بلال : انا غاح اغوح لخاطرك يايمه
ديهم : هسه تروحين؟
ام بلال : اي اغوح هسه انا وريماس ومرت اخوك
كالها والدموع تارسه عيونوو
ديهم : اوعديني تقنعين اهلها يمه؟
ام بلال : اوعدك والله بس لا تسوي بنفسك هيج يمه
ابوياا هز ايدوو وعافنه ومشى
ديهم شمر الجداحه بالارض وهد حيلوو بالارض وكعد يبجي اول مره نشوفو هيج يسوي بنفسوو
ــ ديهم ــ
امي : كوم اسبح وبدل ملابسك
ديهم : اذا متروحين هسه كدام عيني تلبسين عباتج وتطلبيها الي من اهلها ما اتحرك خطوه
صاحت لـريام
ــ جيبي عباتي وتعاي وانت ريماس حضري نفسج تغوحين وياي
ريماس :10 دقايق واكون جاهزه ماما
راحت وبقت امي كاعده يمي بالارض تتوسل بيه ابطل اعذب بروحي علمودهاا
انكسر خاطرها عليه حييل وانا مستمر اكللها
ديهم : يمه والله ما اتحرك منا الا تروحين هسه تخطبيها الي
اجت ريام وبيدها العبايه ولبستها لـ امي لان امي مره جبيره ومتعوبه متكدر
ونزلت ريماس وراح اخوي سالم يوصلهن
اتصلت على شيلاء
ــ وين ياقوت؟
ــ بالمطبخ دتسوي غده
ــ اريد احجي وياها
ــ عدها تلفون بدون محد يدري
ــ منين جابته؟
ــ موجود عدنه بالبيت واحد قديم بس فتحت واتساب
ــ انطيني رقمها
دزته الي وراسلتها
كتبتلها
ــ ياقوتت وينج؟
وصلنها وما جاوبت
اتصلت عليها مترد
بعد نص ساعه رجعت خابرتني
ديـهم : وين اهلج؟ .
ــ موجودين بالبيت ليش؟
ديهم : اهلي اجوكم هسه
ــ هسه اجوو؟
ديهم : اي اي هسه شنو المشكله؟
ــ ابوي بالبيت وخاف يطردهم!
ديهم : بس امي اجت وريماس
گالت بخيبة
ــ ديهم لتحاول ميوافقون والله
ديهم : ابقى احاول مره ومرتين وثلاثه واذا ماكو نتيجة انهبج واشرد بيج
شهگت مصدومه
ــ ديهم صدك تحجي
گتلها بجدية
ديهم : والخلقج اسويها
ــ لا يماايي الله لا يگولهاا
ديهم : كولي ياالله
ــ يالله
ديهم : ان شاء الله ما يجبروني اسوي اشياء مو من طبعي
بقت ساكته
ديهم : شمعتي لو انتِ لو متصير على ذمتي مره
گالت بتوسل
ياقوت : الله يخليك ديهم لتسويلنه مشاكل
ديهم : خايفه
ياقوت : متت بدمي من الكاميرات انوب لتسويلنه سوالف فدوا
ديهم : والله لو اعرف يذبحوني اخذج يعني اخذج
ياقوت : راح اسده بعدين نحجي
ــ وليدي؟
ــ ها!
ــ شو ها
ــ لعد شنو
ديهم : توكفين بوجه اهلج لخاطري ؟
ياقوت : اوكف بوجه الدنيا كلها
ديهم : يبعد ديهم و طوايفه
ياقوت : هسه حروح خاف يجون
ديهم : روحي واكعدي يم امي خليها تشوفج
ــ ليش
ـ اريدها تتعلق بيج مثلي اريدهم يحبونج حتى ياخذوج الي
ياقوت : تمام ان شاء الله
سدت الخط وراحت
ـ ياقوتَ ـ
اجوي امه وريماس طلعت عليهن امي بس استقبالها ماجان نفس قبل هل مره حييل ثكيل وصعب بس تحملن كلشي لخاطري ولخاطر ابنهم اني بغرفتي اسمعهن بالصالة يحجن ويا امي
ام بـلال :
والله حبيناكم وغدناكم ماغدنه غيركم ولأن شفناكم خوش ناس وبناتكم سمعتهن طيبه دخلن كلوبنه
ريماس : بالأخص ياقوت جانت وياي بالمدرسه واعرفها ومعاشرتها ما شاء الله عليها كلها تحلف بأخلاقها وتربيتها
ابابيل : والله الموضوع مو يمي يم ابوها ما اكدر
ام بـلال : صيحولوو احجي وياه واقنعوو
ابابيل : مو هنا طالع والله
اعرف ابويه بالبيت بس ميريد يطلع عليهم ويشوفهم هيه امي بالكوه قنعته ما يطردهن
ام بـلال : ماتكدرون تخابروو اغيد احجي وياه واقنعووو حتى لو جانت عداوه بيناتنه نكدر نمحيها بزواج ونصير حبايب وماكو غير الموده بيناتنه
ابابيل : ابو نوار يكول الدم بعمره ماصار ماي
واني معاشرتهم للبو هاشم الثار يمشي بدمهم اما اني والله مو بيدي شي
ام بلال : اذا اجي يستقبلني ابو نوار؟ اكدر افاتحوو بالموضوع يعني؟
ابابيل : والله بصراحه لا انصحج لا تفاتحي بهيج موضوع
ــ ليش؟
ــ يمكن يطلع من عنده اشياء تضوجكم وتغثكم افضل شي كلمن بطريقه ولا من شاف ولا من درى
اعتبرو ماعدنه بنات للزواج .
ريماس : ياقوت وين؟ شو ما اجت شفناها
ابابيل : مو هنا ياقوت يم اختها
ريماس : تمام خاله لعد احنا نترخص
ام بـلال : نجيكم بغير وقت ان شاء الله
امي حذرتني انزل اكعد يمهن ودزتلي كلام ويا شيلاء انو منعاً باتاً انزل ويشوفوني وابوي هم موصيها ع هذا الموضوع يذبحني اذا شافوني
راحوو ريماس وامه ونزلت امي كاعده بالصالة
ابابيل : والله لزكه هل بشر يعني طردناهم وزرلناهم وهناهم وميفيد عجيب!
كامت وطلعت للمطبخ بدون متحاجيني اجت
شيلاء : عزا بعينج ياقوت زين ما ابوي هد عليهن جان يريد يطردهن امي كوه منعته جان انفضحنه
ياقوت : خلاص كلشي انتهى شيريد يسوي خله يسوي
شيلاء : ياقوت اتركيه لـ ديهم دتعذبيه وياج والله ميوافقون اهلي هيج بدوان فائده
ياقوت : هوا هم راح اعوفه
شيلاء : تذكرين اختنه سلطانة من حبها ابن خالي وابوي ماوافق كطع روحه تكطع وابوي ما انطاها راح وانطاها لـ ابن خالته
ياقوت : كلشي صار كدام عيني حتى ابوي ضربها موتها كتل بوقتها جان نوار صغير جان لعب بيها فلك
ــ والله تعوفيه احسن الج واله
ــ الله كريم خيه الله يسوي عل زين
رحت لغرفتي وامي تصييح بالمطبخ تريدني اشتغل وانضف ما جاوبتها صعدت لغرفتي قفلت الباب على نفسي كعدت بالكاع يم الشباك واخذت قرارات مصيريه هوايي اريد ارتاح واريح ديهم وياي ما اريد اتعبه اكثر ما اريد روحه الحلوه تتأذه بسببي هوا غير حياتي عوضني عن كلشي عشته عوضني عن الدنيا كلها عوضني عن ابوي وامي واخوي واختي عوضني حتى عن نفسي .
جنت ما اداري روحي ما اهتملها من عرفته اهتميت بروحي صرت احلى صرت اترف بديت اعرف اعيش صرت اعرف شلون اضحك واعيش حياتي صح هوا لون الدنيا بعيوني شال كل الظلام الجان بحياتي اخذ من فرحته وانطاني عيشني بالجنه واني بالدنيا بعدني شالني من حقدهم وكرهم وايديهم القذره والجسره وخلاني بنص روحه الحنينه الدافيه سوالفه مثل الضماد اللي التف حوالين جروحي وضمدها وخله بداخل جسمي بدل الدم ورود وفراشات تلعب بكل مكان بجسمي
جنت افز على صوت صراخهم وضربهم اليه جنت عايشه بين دنيا مليانه حقد وكره طلعني من كل هاي الاشياء اللي تعبت روحي الحلوه خلاني افز على صوته وهوا يكول ” شمعتي ” شحلوه من حلكه يبعد طوايف هلي ماراح اسمعها بعد لأن منه راح يرجع الشتاء يخيم على روحي والربيع راح يفارك حياتي ماراح تفتح الاشجار بعد ولا راح يورد خريفي هالمره غير عن كل المرات الماضيه
اجاني مسج منه كضيت كلبي
ديهم : اهلج ديعاندووون وياييي! وانا ما احب اليعاندني
شفت المسج وما جاوبته
ديهم : اعرفج جاي تبجين امسحي دموعج وخليج قوي
بقيت ساكته وهوه مستمر يحجي
ــ ياقوووتت جاوبيني!
ــ ها
ــ ياقوت بيج شي؟
ــ لا
ــ جاي تبجين؟
ــ لا على شنو؟
ــ شنو؟
ــ شكو؟
ــ ليش هيج تحجين وياي؟
ــ شلون احجي لعد؟
بسرعه اتصل بيه وانطيته رفض .
دزلي مسج وكتب بعصبيه
ديهم : لييش ترفضيين؟؟؟؟
ــ مالي خلك
ديهم : ياقوووت اتخبل عليج هسه؟؟
ــ شبيك عوفني بحالي شكد تلح
ديهم : شو هيج تصرفاتج وياييي؟؟
ــ شبيها تصرفاتي ديهم انت تلح اووي
ديهم : والخلقج اذا متجرين عدل اندمج
ــ باي
ديهم : هها؟ تستفزيني؟
كتله بعصبيه
ــ شبييك؟
ديهم : انا الج بربوك
ــ لا دوخني عفيه باي
مدري شكتب قفلت التلفون قبل لا اقراها وشمرته بالكنتور ودموعي تصب لان غثيته وقهرته بس مجبوره .
طلعت كملت يومي بشكل عادي رجلي تأذيني لان ماراجعت اي دكتور ولا اخذتلها علاج بعد اخر مراجعة مرت اسابيع وراحت اسابيع هملت نفسي وكلش بين التعب بوجهي ونحل جسمي وبديت اذبل خدودي اختفن من قلة الاكل وديهم ماراسلته ولا سمعته صوتي من اخر مراسله اني وياه
كاعدة بالحديقه بالليل اني وشيلاء نكرز حب
شهكت شيلاء وكالت
ــ ولجججج راسلنييي
فزيت مخترعة
ــ منوو؟؟
ــ ديهممم ولجج ديهمم
طفرت يمها ملهوفه لسوالفه
ــ شكاتبلج؟؟
ــ سائلني عليج
ـــ لا تكليله شي عني
كاتبلها :
ديهم : هلا شيلاء شلونج شلون ياقوتَ؟
ردت علي وكلتله
شيلاء : بخير تمام وياقوتَ بخير
ديهم : ما حَن گلبها عليه؟
شيلاء : ما ادري والله طول الوكت بغرفتها ومتحجي ويا احد معتزله
ديهم : انا اعرف ليش هيج تسوي تريدني اعوفها بس لو تموت كليلها ديهم مراقبها حتى من تغفى عينها
اباوع وياها بالتلفون كمزت
يماايي انصدمت من كلامه وخفت كلت يسويها هذا الخبل .
شيلاء : هسه كلشي انتهى وهيه متريدك انساها
ــ متصير الي مره غيرها
ياقوت : كوليله خطبها ابن خالي واهلي راح ينطوها اله
ديهم : لو اني اخذها لو الله ياخذها
كليلها صقر الحُـر شلون جاب راسج راح يجيب راس ابوج ويوافق
ــ هيه مو يمي
ديهم : بلي يمج وجاي تشوف بوسيها الي من يمج موتيها بالبووس وكليلها
ديهم يموت بيج يتنفسج عايش على صورج وصوت ضحكاتج البريئه
ــ بعيوني اني ابلغها
ديهم : كوليلها حيييل تعذب بلياج والحيل مو ذاك الحيل كلشي ما يسوي بلا شوفتها .
وكوليلها ديهم ميعوف شمعته بنص ناس ميعرفون شلون يتباهون بنورها وجمالها
شيلاء : بعيني ديهم اني اكللها
ديهم : وخليها تنتبه لنفسها لا تكرز حب هواي الحساسيه تهيج عليها
اخترعت متتت من الخوف كمت اتلفت يمين ويسار
ياقوت : بشرفجج كومي نطب للبيت اخاف منه هذا خبل خاف يجي ويفضحنه
شيلاء فطستت ضحك مسحت المسجات وطبينه جوا بالبيت
ياقوت : رايحه انام تعبانه
ــ تمام حبيبتي بالج ع نفسج
ياقوت : تمام يروحي نامي لا ضلين سهرانه
صعدت لغرفتي باوعت للشباك مقفول رحت فتحته حسيت بي راح يجي.
هوا اني اريده يجي اشتاقيتله روحييي مشتعله بنارها لشوفته تعبت هواي بدونه هوا اليشافي كل وجع بروحي
خليت الشباك مفتوح وخليت البرده فوك الشباك على اساس ما ادري بي مفتوح وطفيت الضوه وتمددت بفراشي اباوع للشباك وانتظره بدون ما اتعب او امل النوم جافاني وماعرفت شلون انام بقيت كاعده نص ساعه سمعت صوت الشتله البصف الشباك تتحرك كأنما احد جاي يتسلقها ما صبرت روحي وبدون وعي رحت اركض للشباك متلهفه وخرت البرده شويونه طلعت بس عيوني باوعت من الشباك لگيته متسلق الشتله مالت التمر باوعلي واللثام مغطي وجهه وعيونه متغيرات مليانات حزن وتعب وهم بقى صافن عليه وكأن يلوم بيه ويعاتبني وهوا مركز بيه عثر وراد يوكع من الشتله وبالكوه لزم نفسه واني صرخت بخووف
ــ ديهمم
رجعت صميت حلكي بأيدي والدموع تارسه عيوني خايفه احد يسمعني من اهلي ويشوفووه والله يموتووه
تسلق الشتله ووصل الشباك
وهمس
ديهم : ليش يبعد امي وابوي؟
بقيت ساكته وعيوني غركانه بدمعها
ديهم : هيج تجازين گليبي؟
عيونه مركزهن بعيوني بخذلان كال
ــ هيج تولعيني بيج واتعبيني
ليش يعافية هلي؟
وهوا يحجي سمعنه صوت اجه من الحوش بالارضيه باوعت لجوه نوار يخابر ومندمج ويسولف
وسعت عيوني مصدومه وهمست اله
ــ ديهم تعال
اشرتله بأيدي عل غرفه
بلعت ريكي بالكوه اتجمدت رجليه من الخوف گمت ارجف اذا شافووو يذبحووو يمهه اموت من بعده ديهم التفت يشوفه وباوعلي بدون خوف لزم الشباك وكمز يمي اذكرت باب الغرفه مفتوح ركضت اقفله ولزمني ديهم من ايدي وهمس
ــ وين تردين؟
ــ كتله اقفل الباب مفتوح
ــ خليه مفتوح
ــ يمه يذبحوك والله
ــ اريدهم يشوفوني يمج اريد اكسر خشومهم وينطوج الي
ــ ديهممم يذبحوووك تعرفف شنو يذبحوووك؟؟ مينطوني الك
ــ يخسى اليمد ايده عليه وانا صقر الحُـر
سحبت ايدي منه وهوا مثبت عيونه بعيوني رحت قفلت الباب التفت اله
يفتر بالغرفه ويدور
ياقوت : شنو ادور
باوعلي حك حاجبه وكال
ديهم : جاي ادور على ضحكتج شو مختفيه ماكو
ــ ديهم صوتك نصي يسمعونه اهلي
ــ لا تكولين اهلي ذولي مو اهلج انا اهلج
ــ ديهمم شجاي تسوي هنا؟
تقربلي ونزل اللثام عن وجهه ومسح على وجهه بأيده
ديهم :حَنيت الج
اخذ ايدي وخلاها على صدره وهمس
ــ سامعته گليبي يعيش على صوتج
بلع ريگه وعدل كعدته عل كرسي وطبطبلي بأيده على رجله
حرت شسوي بروحي يربي وين اولي اسمع كلامه لو ارد عليه رد قاسي؟
ــ ديهم كوم روووح
ـــ هسه ديهم صار كخه
ــ لا مو هيج بس …
قاطعني وهو يبتسم ويكول
ديهم : تعاي قربي يمي
طلع جكارته ورثها عاكد حواجبه ضايج
قربت يمه جرني من خصري وكعدني على رجله وچتف ايديه الاثنين حوالي خصري والجكاره بحلكه المسافة بين عيونه اقل الشبر بحيث اسمع صوت انفاسه واحس بحرورتها ودخان الجكاره بوجهي يلفح
ديهم : ذبلان وليدي وضعفان!
ــ اي سويت دايت
ديهم : هذا دايت على فراگي
ابتسم سحب الجكاره بأيده من حلكه ونفخ الدخان بوجهي مختلطه بأنفاسه وبأيده الثانيه يلعب بضفيرتي
قرب شفته على خدي طبع بوسه بطرف شفتي وخدي دفن راسه بركبتي وهمس بحسرة
ــ والله محتاجج
حسيت انو قسيت وياه بتصرفاتي بس بقيت قويه كدامه ودفعته مني وگمت عن رجليه
ياقوت : ديهمم روح لحد يحس علينا
شرب جكارته بأنتقام وطفاها بالكاع وشمرها من الشباك بأصبعه
ديهم : واذا مارحت شنو تسوين؟
ياقوت : ما اسوي ديهمم بس روح اخاف
ديهم : تخافين يذبحونيي؟
ياقوت : لا اخاف على نفسي
ياقوت : جذابه الجذب واضح بعيونج
توجه للشباك يريد يروح اريد اكله لا تروح خليك يمي ما شبعت منك شوف روحي متلوعه بلياك بس ماكدرت منعت نفسي بأقسى ماعندي من قوه
ياقوت : اوكف خاف اكو احد
باوعتله من الشباك وهوا وراي تقرب مني حسيت بخطوات حذائه يم رجلي رجعت التفتت
ياقوت : ماكو احد انزل
ديهم : مره ثانيه الشباك تأكدي منه مقفول
عرفني متقصده افتحه هزيتله راسي بـ اي ابتعدت من طريقة حتى يروح لزمني من ايدي
ديهم : انا ادري تسوين كل هذا حتى اعوفج
ــ ديهم عن شنو دتحجي؟
كال بحسره وعيونه مركزهن بيه
ديهم : روحي معلگه بروحج
ــ ديهمم!
ــ عيدي اسمي بلسانج شحلاته
گتله بنتره
ــ هد ايدي
ــ اكص لسانج لا تنترين بوجهي
كتله بهدوء
ياقوت : ديلا يلا هدني!
ــ احبچ والخلقچ
ــ عوف الحب وارجع لبيتكم تأخر الوقت
سحبت ايدي من ايده وابتعدت عنه باوعلي خازرني ــ عفيه لسان ما يمل من العناد ما يتعب؟
ــ برووح ابووك روووح
ــ رايح بويه
طفر طرزان من الشباك وراح انهاريت بالبجي وكعت من طولي بالكاع كمت اناشغ قسيت وياه حيييل
اجت ايام وراحت ايام ومرت اسابيع واشهر واحنا على حالنه وكل مره يفززني ديهم بمكان ويطلع كدامي بس صارله اسبوع مختفي وماكو اي خبر منه حتى يم شيلاء ما يسأل عني
كاعدين نرسم اني وشيلاء رن تلفونها
انخبصت لونها تغير اخذت التلفون وطلعت برا نص ساعه ورجعت
ياقوت : وين رحتي
ــ ها صديقتي خابرتني
ياقوت : شتريد؟
ــ بطرانه تريد نطلع اني وياها
ياقوت : اها
ــ ماتكومين نتغده
ياقوت : بس اكمل البيدي والحكج روحي صبيلنه راحت وبقيت اني بغرفتها رن تلفونها مخليته عل رف رحت لزمته رقم غريب يتصل فتحت خط وبقيت ساكته
ــ شوشايتييي وينج ماخلصتي رسماتج؟ .
ياقوت : منوو انتَ
ــ انتِ منو
ياقوت : اني اختها ابن الكلب
ــ اكلي خرا بنت الجلب
ياقوت : شترييد من اختييي سويقط
ــ معليج اكلي خرا وانطيني احجي وياها
ياقوت : هسه تحضرها ابن الزفره شعندكك وياها
ــ كضي اختج دزتلي الاول والتالي
ياقوت : شتقصد بالاول والتالي
ــ صورها كلها يمي كما ربها خلقها .
انخمش كلبي انتهيت اتمنيت الكاع تنشك وتبلعني خليت تلفونها بصدري وطلعت برا لكيتها بالصاله اشرتلها حتى اهلي ما يحسون علينه رحنه ورا البيت بالحديقه
ياقوت : بعد اختج شمسويه من سوالف تعبانه؟
شيلاء : ممسويه شبيج
ــ منو هذا النغل ابن النغل
شيلاء : حبيبي لا تدخلين بيناتنه
ــ واني اكول ليش معدلج نازل هاي السنه طلعتي تحبين ولجج وينج وين الحب بعدج بطول نعالييي
شيلاء : ياقووتت عوفينييي لا تدخلين بيه
صرخت ونفضت روحي بالكاع
ــ فهمينيييي منو هذاا؟؟؟ ديهددد بيه شنو اكله بس فهمينييي شيلاااء انت العاقله الفاهمه متوقعتج هييج.
كامت ترجف
شيلاء : ياقووتت احترمي نفسجج ولا تسوين روحج شريفه براسي لا تنسين انتِ شنو
كمت الطم وادك على وجهي
ــ ولججج اني الدنيا لعبت بحالييي اني الدنيا مرمرتني الدنيا لعبت بيه جوله حتى مدرسه مثل البنات مادرست وكملت بسبب اخوججج الكواددد انت شنو جابرج؟؟؟ اهلي يحبوووج ومدلليج ماناقصج شييي .
بلعت ريكها خايفه وكامت تتلعثم بالكلام
ــ ياقووت عليج الله اهدي اني افهمج والله هوا يحبني ميأذيني ابد والله بس خليني اخابره واحجي وياه
طلعتلها التلفون من صدري فتحنه مسجاته داز صورها كلها واكو صور غير لائقه انصدمت لوني انخطف شسوي بروحي هسه انتحر واخلص من المصايب .
رجعت الطم على وجهي وعلى ركب رجليه
ياقوت : ريت الله ماخذني ولا شايفه هذا اليوم وجهي صار حار من الطم وصوتي صار مبحوح
شيلاء تتوسل بيه تريدني اسكت وتبجي دموعها عشره عشره دفعتهاا عني
ــ هسه شسوي شسوييييي اذا نشر صوررج شسوي بحالي يولييي نوار الا يكسرج يولي ابوي يعلك راسج بنص المضيف مالته ويخلي الناس كلها تتفرج عليج يولي مافكرتي بأختج شيصير بيها عليج مافكرتي بأبوي ينزل راسه ويتفشل بسببج
يا يمههه عزا العزاج شيلااء ريت الله ياخذج كووون واخلص منج ومن عمايلج السوده هاي
لزمتها من اجتافها ونفضتها ونترت بوجها
ياقوت : خماا يعرف مكانج؟؟ مانطيتي عنوان بيتنا مووو؟؟ خما گتيله اسم ابوي ترا كلهاا تعرفه بس يجي ديرتنه يسأل عليج يعرفج ويفضحنه
النغل ديهدد بيناااا مستعوبه انت الديصيرررر
ماتتت من الخرعه وبس تبجي وجسمها كله يتراجف رجليها ماعاد تشيلها كامت تبوس براسي
ــ ياقوتت عليجج الله بس خلصيني منه خلصينييي اني خايفه ماعندي غيرررج بغلات ديهم عليج
كامت تناشغ وهوا كل شواي يدزلنه مسج يخرعنه بي اكثر ويكول
ــ حولن الي فلوس لو افضحها وانشر صورها
هيه مستمره تبوس براسي وتترجاني
ــ لا تجاوبي خل يسولف لمن يمل منا لما افكر بحل واحلها
ــ ماتوقعته هيج ياقوتت جان يكلي احبج اكثر من كلشي بالدنيا
حضنت وجهه بأيدي ثنينهن
ياقوت : حبيبتي مو كل واحد كال احبج يعني صدك يحبج الافعال الها دور جبير بالعلاقات لا تخلين احد يقشمرج وياخذ كلشي منج لا تصيرين سهله السهل محد يحبه صيري صعبه الكل يتمناج ماريد اشوف دمعتج بعد لا تبجين واني اسفه خرعتج وياي
واحنا نسولف اجت امي تصيح
ابابيل : وين رحتن؟ شلون يعني الغده راح يبرد كومن تزقنبن بسرعه
درت وجهي ومسحت دموعي خايفه تشوفني
شيلاء : مو جوعانين يمه جاي نسگي بالشتل لمن نكمل نتغده
راحت وعافتنه
ــ شمسويه بوجهج ياقوت؟ وجهج كله احمر ومشخطته تشخط وعيونج مورمه من اللطم راح تفضحينه
ــ اصلاً انفضحنه احنا وين ماكو واحد جبان وعار ديهدد يينا مابقت حتى كرامه النه ولا لـ ابونه
رجعت مره ثانيه تعتذر مني ومخليه راسها بحضني
ياقوت : حبيبتي روحي للبيت كدامي واني اجي وراج حتى ما يحسون علينا اهلي
ــ تمام انتظرج لا تتأخرين ترا اخاف وحدي
ياقوت : تمام
راحت وبقيت اني بحيره جبيره هسه شسوي حتى احل هاي المصيبه
بقيت رايحه راده ورا بيتنا يم الملحق وحايره شسوي بهاي المصيبه اجه على بالي ديهم اي ماكو غيره يساعدني ويخلصني من هاي المصيبه اتصلت عليه جاوبني بسرعه
ديهم : هلا شيلاء
ــ ديهم الحگني
ديهم : خير بويه شبي صوتج؟
ياقوت : واحد يهدد شيلاء بصورها
ــ منو يانغل هذا؟ دزي رقمه
ياقوت : بس عفيه بالهداوه ماريد تتعاركون خاف يطلع ضابط او عقيد ونروح بيها
ــ اكلج دزي رقمه لتناقشيني!
دزيت الرقم وسده من يمي وراح يخابره بقيت انتظر ربع ساعه ونص ساعه وهوا ماكو اشهب يفتر برا حسيته شك بيه خفت رحت طبيت جوا ورحت لشيلاء عل غرفتها.
متغطيه وتبجي وصينيه الغده بالكاع ما ماكله كلشي منها كعدت يمها
ياقوت : شسويتي بحالج وبحالي؟ ليش هيج ياخيتي عمت عيني عليج محد يستاهل تضحين بروحج علموده ماكو حب حقيقي بهذا الوكت
شيلاء : وحب ديهم الج مو حقيقي؟
ياقوت : الحب مو كامل صح يحبني بس اهلنا مو متفقين وهاي شوفةة عينج عفته
شيلاء : بس حبكم حقيقي حتى بديت احسدكم على حبكم وعلاقتكم القويه والله
ياقوت : ماعاد شي يسوه اني عفته وهوا اكيد هسه عاش حياته ولگه غيري
شيلاء : ديهم ميعوفج اني اعرفه ميت بيج
ياقوت : يجي يوم وينسى بنيه اسمها ياقوت اني ماريد ارجعله بعد ماريده يتعلق بيه ويتعب اكثر
بس انت بعدج طفله شتسوين بالحب شوفي حالتي وشلون تعبت بحياتي وعشت اني واليتيمه سوا عود كلت الله عوضني بـ ديهم بس الله اخذه من بين ايدي سحبه من بطن عيني سحب راحت روحي وياه
بديت ابجي والحسره بكلبي مسحت دموعي
ياقوت : كومي تغدي خابرت ديهم راح يحل الموضوع لتخافين
باوعتلي موسعه عيونها
ــ والله؟؟
ــ والله ماعندي شخص غيره اروحله شسوي انجبرت احاجي
كالت وهيه تشهك
ــ وشكالج ديهم؟
ــ كال اخابره وارجع اخابرج وهاي صار ساعتين مختفي .
عده اليوم بصعوبة ومثل الجمره بصدري لا اكدر اعييط والطم ولا اكدر ابقى كاتمه بداخلي وديهم مختفي وماكو اي خبر عنه ادزله مسجات توصله بس ميفتحها اتصل عليه ميجاوب والخط مشغول خلص اليوم بصعوبة فضيعة
اليوم الثاني
واني على كعدتي بالغرفة والتلفون بأيدي انتظر اتصاله شيلاء نامت يمي من الخرعه ورايحه بسابع نومه عبالك اني المهدديني مو هيه والله يالله گامت عيوني تطفي من النعاس افتحها بالكوه وترجع عيني تغمض رحت بسابع نومه حسيت بالتلفون يهتز بأيدي فزيت مرعوبه وسعت عيوني بصدمه ديهم يتصل فتحته وگتله
ــ الو ديهم؟؟ شصارر؟؟ وين جنت مو متت واني انتظرك
ديهم : شمسويه من وراي؟!
ــ شمسويه؟
ديهم : تحاجين هذا النغل؟
ــ شهل تمسلت؟
ديهم : انا تسوين بيه هيييج ياقوووت؟؟ تحاجيه من ورايييي!
ــ ولكك شدتحجي والله مو فاهمه
فزت شيلاء من نومها مخترعه من سمعت صوتي
ديهم : دزلي صورجج
ياقوت : ججذاب انت؟؟ .
ديهم : جذاااب مو؟ وصورج المدلعه بيها وناثره الشعر ليش تكفرينييي ياقوووت لييش
اخخخ لو يمي اكطعج بسنوني يوليي هيج تحركين گلبي الكواد؟
ياقوت : ديهم انت متوهم هوا مهدد شيلاء مو مهددني والله معندي اي تواصل وياه
ــ جذابههه اششش لا جذبين بت الكواد دزلي صور الج حتى انا بنفسي مو شايفها حتى صدرج طالع شويه لجج اخخ بس اصبريلي الا اجي افرمه لراسجج
ياقوت : بشنو تريد احلفلك مادزيت صوري لأحد باوعت لشيلاء تكرط بأضافرها خايفه وتباوعلي بنضرات مفزوعه
ياقوت : ديهم دقيقه وارجع اخابرك
ديهم : بت الكواد وين
سديته بوجهه قبل لا يكمل كلامه .
ياقوت : سؤال؟
كالت بتلعثم
ــ كوليي ياقوت
ياقوت : انت دازه صوري اله
ــ المن؟
صرخت بيها
ياقوت : لهذا الحثاله؟
بقت ساكته وتلعثمت من كالت
ــ لا ما دزيت شي يخصج
ياقوت : ششيلاااء داز صوري لـ ديهم
بقت ساكته مخترعه مني
ياقوت : ابوس راسج ابوس ايدج اذا دازه شي الي كوليلي ديهم راح يذبحني والله ميخلي راسي مركب بجسمي
ــ هو كال اكدر اخترق اي جهاز اريده وجان الايميل مالتي عنده احتمال سحبهن من الايميل
ضربت وجهي بأيدي واني ابجي راسي شويه وينفجر
ياقوت : يا يمه عزا بعينج شنو اللي بقى ما سويتي بروحج وبيه يا يمه هسه كل صورنه عنده شراح يصير بحالنه
رجعت تبجي وتناشغ وخاتله بحضني وتتوسل ما اخوفها اكثر
كمت الوب
يمه شكول لـ ديهم يا يمه شلون راح يقنع بكلامي
رن التلفون وكمزنه اني وياها كمزه وحده من الخرعه ديهم يتصل
ياقووت : يمه سوووده بوجهيي شجاوبه شجاوبههه ياربيي ساعدني
ايدي ترجف بالكوه رديت بلعت ريگي بالكوه
صرخ ديهم بوجهي
ديهم : تسدينههه بنت ابابيل اني اعلمجج ادزين صورج ولججج تحبيه تردي ياخذجج والله لو تموتيييين لغيررر ديهم متصيرين .
حجيت بتلعثم
ياقوت :ديهه…قاطعني وكال
ديهم : خرررب عرررج الخلفووو ديهمم الله لا يريح باله الله لا ينطي عافيه اخخ ياربي شسوي بيج شسويييي
يصيح واسمعه يكسر كلشي يجي على ايده
بقيت ساكته مخترعه منه حاولت احجي كلت بلكي ينطيني مجال اسولف
نطقت كلماتي واني خايفه
ياقوت : ح ح حبيبي شيلاء تكول الايميل مالتها مفتوح يمه
ــ هوا شغلته مكضيه عرفت موقعه اليوم العصر اروح انعل والديه وارد اجي انعل والديج ورااه
دموعي نزلت كتله بتوسل
ياقوت : ددديهم والله ماسويت شي ماكو بروحي غيرك انا احبك بس الك
سمعني ابجي والحسره بصوتي
هدئت اعصابه ونطق كلماته بهدوء
ديهم : اخخ يـ نار گلبي الـ احبك من حلگج تنسيني حتى اسمي
ردلي لوني ردت انجلط من الخرعه راد يكمز عليه من التلفون الا شويه ويسحلني وعرفت نقطة ضعفه اللواكه والمياعة
گتله بمياعة
ــ حبيبي؟
ــ يروحه لـ حبيبج
ــ خوفتني حيل!
ــ بويه اسف حقج عليه
ــ تحبني؟
ــ اخخ اشتعلوو اهلي لجج روحي ماعت بالكاع من لسانج هذا
مستمره اتموع بكلامي وهاي يمي شويه وتنجلط
ــ شبي لساني؟
ــ اموت عليه ينگط عسل
ــ يمااي استحي
ــ اجي اليوم
ــ وين تجي
ــ اشوفج
ــ لا حبيبي فدوا
ــ خدرت عليج اليوم وين اولي
ــ لا حباب خل نخلص من موضوع هاي
وبعدين اشوفك
ــ يعني رجعتيلي؟
ــ وين ماروح تاليتي اردلك
سمعت احد اجه يمه گال
ديهم : يلا ضلعي بعدين اخابرك سده وراح شيلااء تباوعلي
شيلاء. ها شسوه ديهم؟
ــ راح يروحله العصر عرف مكانه والله يكسره تكسير اعرفه ديهم مسودن
انرسمت الضحكه على وجها وهيه تكول
ــ نسيبي السبع صقر الحُـر هذا
ياقوت : اي ام البلاوي ردتي تورطينه
نزلت راسها متفشله
ــ راح تبقين تعايريني؟
ــ شو تعاي لحضني ياهو كلج اعايرج خبله انت اختي وحبيبتي
ضميتها بحضني وبستها من راسها لونها ردلها وكامت تغدت ورجعت نامت وهيه مرتاحه كسرت خاطري كلش
انتهى موضوع الولد الهدد شيلاء بصورها وديهم كضاها للشغله وانتست وعشنه حياتنه طبيعي واهلنا بعدهم رافضين فكره انو يتقبلون علاقتنا وابوي وابو ديهم ما واحد يطيق الثاني مثل النار والجنه ما يرهمون سوا
ـ ديهم ـ
كاعدين بالصالة كلنا انا وابوي وامي واخواني وخواتي كلمن لازم تلفونه ويتصفح وابوي يباوع عل اخبار بالتلفزيون وامي تقرا قران وخواتي يقرن للأمتحان
گلت افتح وياهم موضوع ياقوت بلكي الله يهديهم هاي اخر محاوله ماعاد اتحمل
ديهم : يُبه شنو قررت
بعدم اهتمام كال
غـيدان. : على شنو؟
ديهم : بنيةة گلبي
غـيدان : والله انت فاضي
ديهم : يُبه جاي احجي كل عقلي
نتر وگال
غـيدان : ما اكرر كلامي بخصوص هل موضوع
ديهم : تروح تخطبها الي من ابوها اليوم!
صرخ وگال
غـيدان : ياربيي راح يجلطني هذا الولد
ديهم : ابوس ايدك ياب
غـيدان : تغيد غيرها هسه اكوم اخطبلك بس هاي الهاااشممييه لا
ديهم : تحرم عليه بنية غيرهاا
ــ عجل طبك مرض خليك هيج
ريام : تفووو شلون نساوين لزكه ما يستحن
ديهم : المطلقه لو بيج خير جان حافظتي على زواجج
سمعني ابوي وتعصب حيل
غـيدان : تعاير اختك علمود وحده ماتسوه يل عار
اجه بأتجاهي وضربني بأيده على رگبتي
فار دمي صحت بوجهه
ديهم : غصب عنكم راح تدخل چنه لهذا البيت وكلكم تحترموها مثل الخوش اوادم من جبيركم لـ صغيركم
گام عليه بلال وتقربلي وهوا يكول
بلال : اطلع برااا تصيح على ابوي علمود حرمه تفووو بوجهك
يدفع بيه وادفع بي تكاونه وبالكوه حجز بيناتنه سالم
ام بلال : شسويت بحالك يديهم شسويت خبصت الدنيا دكول ماكو غيرها بنيه بهل دنيا كلها
تنطق كلماتها وهيه تضرب على رجليها
طلع الدم من حلكي وانا متدافع ويا اخواني طلعوني برا
ديهم : والله اكسر خشمكم واحد واحد انا تسوون بيه هيج هين هين .
رحت للسيارة بلحر واللاهب الظهر ماريد اشوف ولا كواد من اهلي طلعت حبوب الفاليوم من جيبي واخذت ٥ حبايات دفعة وحده حتى بس اهدئ وارتاح لان انا مسودن وعندي عرج خبالات من يطك عليه احرك اهلي وهما عايشين
حسيت بجسمي ارتخه واعصابي ارتاحت بديت اغفى صار كلشي حواليني اسود .
حسيت على نفسي نايم بالسياره ومحد مكعدني وياقوت متصله عليه ١٧ مكالمه كعدت فركت عيوني باوعت للساعة بل ١٢ بالليل اتصلت عليها جاوبتني
حجت والحسره بصوتها
ــ دديهم
ــ وليدي شبي صوتج؟
ــ وينك؟
ــ جنت نايم والله ما ادري متصله عليه اسف
ياقوت : ديهم اهلي
ــ شبيهم وياج يا امي؟
ياقوت : نوار ضربني وترس ثوبي دمايه وامي متخليني اكل ولا اشرب وبس تخزر بيه ديهم اهلي ميريدوني
تنطق كلامها وتبجي وتناشغ
جريت حسره احس انا اضعف انسان بهاي الدنيا لأن اسمع صوتها وهيج تعبانه وماكدر اسويلها شي
اجتني الخبالات وتسودنت دمي كام يغلي غلي اريد بس ابرد گلبي بأي شي جريت حسره ورثت جكارتي صفنت وگتلها
ــ شمعتي دقايق واخابرج
سديت الخط
طبيت لبيت اهلي طلعت ملابسي وخليتهن بالجنطه لبست اللثامي شفت شكد عندي فلوس حسبتهن 500 الف ما يكفن ع المصايب التجي ببالي رحت لغرفة ابوي وامي نايمين ادور عل مفتاح الحقل مالت ابوي دورت دورت لگيته جوا راسه اخذته وطلعت رحت للحقل فتحته بي فوك ال250 راس غنم كلهن مالات اهلي خابرت صاحبي
ــ شوفلي شراي عندي 10 طليان اريد ابيعهن
ــ عندي اخوي يشتغل بيهن اشوفه واردلك خبر
ــ ترا مستعجل عليهن كال دقايق واخابرك
خابرني ورا دقايق يريدهن رحت جبت السياره مالتنه وخليتهن بالسياره واخذتهن اله بعتهن وخليت 3 ملايين بجيبي لكك عاش عاط الدبل مالتنه اليوم اخذت باسورد البنك مالت ابوي والكيكارد مالته معلگ البطاقه بالمفتاح كملت و شمرت المفتاح بالصاله وطلعت اسوي البراسي واللي ناويله من زمان والمفروض مسوي من الاول .
يتبــع …
▭𝅼▬࣪▭𝅼▬࣪▭𝅼▬࣪▭𝅼▬࣪▭𝅼▬࣪▭
هلاوووووو ذيبااااتييي
رايكم بلبارت!
نعتذر علتاخير اخر مرة متنعاد 🤭
الفصل التالي: اضغط هنا
يتبع.. (رواية بين قبضتهم وقلبه) اضغط على اسم الرواية لتجد الفهرس كاملاً بجميع الفصول.