رواية بين قبضتهم وقلبه – الفصل الثاني عشر
12
▬࣪▭𝅼▬࣪▭𝅼▬࣪▭.
❂رقــــــو ـ الجـــوهر ❂
بـين قبضتهُم وقلبة
💙 .
هلا يا ســالفه
ومااضـنن املهـا
عليـك الكـاع ماشـالت نملـها
هلا يلـي من اشـوفنـه الواهـس بيش اوصـفنه
يهــودي و طـاب لـلجـنه
..
ـ ياقوتَ ـ
اتصل بـ ديهم مايرد هذا وين راح
كمت بدلت ملابسي ولبست دشداشه ومشطت شعري وكعدت اصبغ اضافري لون احمر كرزي ما ادري شو اجه ع بالي هيج كملت والنعس اجه بعيوني ومنا ميته من الجوع امي بس تخزر بيه متخليني اكل شي احس بروحي كلش ثكيله عليهم يوم عن يوم جاي احس بكرههم اكثر
اتصل ديهم جاوبته والنعس بصوتي
ياقوت : ها حبيبي
ديهم : روحه لـ حبيبج وين انتِ
ياقوت : بغرفتي
ديهم : نعسانه؟
ياقوت : اي والله
ديهم : اطلعي برا
ــ ليش؟
ــ بس اطلعي خليت الج شغله تحبيها يم الملحق جوا شتله التين
ــ والله؟
ــ والله وخليت الج اكل هم
ــ والله جوعانه هسه رايحه اجيبهن وارجع اخابرك
كال بلهفه
ــ لا تطولين انتظرج
سديته وطلعت بس اريد اوصل الملحق
الليـلة سوادها داكـن الحديقه هدوء بس صوت الماي بالنافوره ينسمع
طلعت امشي بخفه من بيتنا احاول محد يسمعني
احس بگلبي ثگيل وروحي مقبوضه ما اعرف ليش
وصلت الملحق والتلفون بأيدي مالكيت شي طبيت للملحق ادور هم ماكو شني السالفه طلعت برا دورت جوا الشتل ماكو شي
اتصلت عليه مايرد دزيتله مسج ما يجاوب هذا شبي تسودن سمعت صوت خطوات محسوبه جايه بأتجاهي رجف گلبي من الخرعه وسعت عيوني بلعت ريگي ناشف من الخوف
حسيت بانفاس حارة مثل الشُعله تلفح برگبتي وطرف خدي الايمن وسعت عيوني اكثر رجلية صارن خيوط بهاي اللحضة تشجعت اريد التفتت واشوفه منو هذا التفتت ما لمحته عدل ما حسيت الا وايد تصم حلگي بكل قوتها فز گلبي من سرعته وبديت ارافس برجلية احاول اصرخ صوتي مكتوم بأيد غريبة جسمي بدأ يتراجف والخوف احتلني اسمع صوت دگات گلبه تتسارع اجاني صوته ممزوج بأنفاسه الحاره وهوَ يهمس بأذني
ديهم : صرتي بين ايدين الـ حُـر شيردج لـ سجنهم بعد
وسعت عيوني بصدمه اكبر نزل اللثام عن وجهه شم شعري بلهفة وانفاسه تتسارع رجع اللثام على وجهه وسحبني جوا الاشجاره مالت حديقتنا وخلاني بالضلمه ومچتف ايديه بقووه على جسمي كمت ارافس واحجي وياه بتوسل
ــ عوفنييي
نظراته مركزهن بعيوني
ويهمس الي
ــ جـؤ جؤ ما اعوفك انا ماصدكت اصيدك
الدموع ترست عيوني
ديهم : لا تبچين يـ نار گلبي
گمت اناشغ وروحي تطلب النجدة بأي طريقة وهوا مسيطر بقوته على كل جسمي سحلني سحل متوجه للباب الخارجي مالت بيتنا ونضراتي على بيت اهلي كل ما جاي ابتعد عنه اكثر روحي تتقرب من الموت اكثـر
انفض بروحي بكل ماعندي قوة وانفاسي مكتومه اختنكت خنگك الحمزه كوون طلعني طلعني خارج الحديقه والديره ضلمه تشمر الابرة تنسمع من كد الهدوء سمعته يفتح باب سياره وخله ايده على راسي من فوك حتى ما اتعور بالسياره وكعدني بسيارة وبسرعه سد الباب گمت اگح مختنگه مالحكت اصرررخ صعد هوا ليكدام ومشت السيارة واني مستمر اگح اريد النفس حسره اسمعهم يحجون هوا وصاحبه يگله
ــ ضلعي شلونك؟
جاوبه ذاك القندره ويكله
ــ تمام وين اوصلكم هسه؟
صرخت بيهم ثنينهم
ياقوت : رجعووونيي لبيت اهليي ماريد اروووح
باوعلي ديهم وخزرني بدون جواب ورجع يحجي وياه
ديهم : دزيتلك العنوان ع التلفون
ياقوت : انوب وين ماخذينييي رجعونييي
گمت اضرب بالسياره بأيدي واصرخ
ياقوت : ديههممم رجعنييي ماريدك ماريدكك
نتر بعصبيه والتفتلي وگال
ديهم : تسكتين لو اشمرج هنا هسه
ياقوت : اشمرنييي مارريددد اروحح وياك
رجع طبيعي ولا كأنو صاير شي ابجي واناشغ واتوسل بي
ياقوت : ديهمم رجعني الله يخليك اهلي شيصير بحالهم اخاف عليهم من حجي الناس
ــ خرب عرج اهلج
ياقوت : ديههممم رجعنييي ماريد ارووح وياكك
ــ ياقوووتت لا تخليني افقد اعصاببييي
دمارات كصته طلعن اجته الحاله تراجعت ليورا خفت منه خليت ايدي على حلكي اكتم الشهكه ماتوقعته يصرخ بيه هيج التفتلي يخزر بيه
ديهم : نفسج ما اسمعه
بقى يحجي هوا وصاحبه كل الطريق واني طاگه بجي ورا مرت ساعات والسيارة ما وگفت ابد واني تعبت من البچي واخر شي سكتت بقت بس الشوغه بروحي حسيت وگفت السيارة گال حُـر
ديهم : اشتريلج شي تاكلين
ما جاوبته بالي مو يمه مرتجيه عل جام بس الجام مضلله ما ابين نزل صاحبه ماعرف وين راح التفتلي حُـر يهمس والندم بصوته
ــ مو جوعانه؟
هزيت اله راسي بـ لا
ــ ليش وليدي راح اتعبيني وياج
ما جاوبته بس الشهكه والحسره باقيه بگلبي نزل ماعرف شيريد يشتري قفل ابواب السياره كلها عليه حتى ما اشرد رجع وبأيده لفتين گص وقوطيه ببسي وعصير طبيعي فتح باب السياره يريد ينطيهن الي استغليت الفرصه اريد اصرخ واخليهم يطيحون حضه صرخت شو هذا بسرعه جابني براشدي بعدني ما كملت صرختي وبسرعه صعد بصفي وسد الباب لزمت خدي صار حار وكام يخدر من قوه الضربه باوعت عليه وشعري متنثر بوجهي والخذلان تارس ملامحي خله علاكه الاكل بالسياره وتعابير الندم ترست ملامحه وخر شعري عن وجهي وبسرعه لزمني من ايديه وجرني لصدره
ــ اسف بويه والله اسف بس انتِ تصرفاتج غلط جاي تفضحينه
ياقوت : وخرر عنيي لا تلمسنيي تلوثنيي اصلاً واحد حقيرر تفوو بوجهك
سحبت جسمي منه وابتعدت عنه وهوا مستمر يباوعلي بنضرة غريبه طلع جكارته ورثها وعدل شواربه بأصابعه ونزل ورجع صعد ليكدام اجه صاحبه
ديهم : بعد شكد نوصل
ــ هسه ساعه بل ٣ الفجر بل ٦ نوصل
ــ يلا حرك واستعجل اغاتي ماعندي وقت والله اباوع لـ ديهم طلع تلفونه كسر الخطوط مالته وشمر تلفونه من الشباك مال السياره .
ديهم : شوكت دوامك؟
ــ بعد ٣ ايام التحق
ركزت على صاحبه لابس بدله عسكريه وع چتفه هواي نجمات جنت مامركزه بي ملتهيه بالبجي والعياط
كلت لصاحبه
ياقوت : عموو عليك الله ترجعني لـ بيتنا
ــ خيتي هسه نوصل ماضل شي
لزمته من چتفه من يم النجمات وگتله بتوسل
ياقوت : عليك الله عموو بغلات جهالك رجعني
لـ بيتنا اهلي اذا مالكوني يذبحوني!
صاحبه فرط من الضحك وكوه كاظ ضحكته
التفتلي ديهم وعيونه تجدح شرار
ديهم : ياقووووت ارجعي لـ مكانج!
باوعتله بتحدي ولزمت چتف صاحبه اقوه اريد اضوجه اريد اموته من الغيره
جر ايدي وعصرها بأيده بقووه وخازرني بعيونه ونتر بعصبيه
ديهم : ياقووووت لا تتصرفين مثل الاطفال دفعني ورا بالسيارة وطخ راسه بالكشن كال صاحبه
ــ ديهم عندك مكان؟
ــ اي عندي هسه ادليك وين صاير
اباوع اريدلي سيطرة ماكو اريد اصرخ والم الناس علينا مكان مثل الصحراء حتى محلات مابي ولا اي بشر رجعت ابجي واناشغ واعصر بعيوني كامن يوجعني اني عندي حساسيه من ابجي هواي عيوني يحركن ويحكن بيه وجهي صار احمر وبدا يندب طلعت عليه اثار الحساسيه كمت احك بوجهي وبأيديه ورجليه واحس جسمي سخن منها عيوني المسهن شرارة ومشتعله بيهن لميت روحي ما اريد اكرر الحكه بجسمي حتى ماتسوء حالتي حُـر فر المرايه مالت السياره عليه شافني بوضع ما يطمن التفتلي والخرعه واضحه على ملامحه وهوا يحجي بـ خووف ويكولل
ديهم : بويه شبيجج شنو هذا بوجهج؟؟
هزيتله راسي مابيه وعيوني ذبلانه والرجفه محتله جسمي مد ايده يلتمس خدي دفعت ايده بأيدي تعصب ولزم ايدي ولمس وجهي غصب اسمعه يگول لصاحبه
ديهم : مو زينه ياقوووت مو زينهه اوووكفف
ارتبكت حركته يمد ايده على جيوبه ويفتح الخانه مالت السياره المقابيله يرجع يباوع جوا بأرضيه السيارة نزل و فتح الباب وصعد يمي گال وهوا يتقرب مني
ــ يابووويه سوده بوجهي ان شاء الله شبيج؟
مد ايده يريد يسحبني ويطلعني من السيارة سحبت جسمي منه وصرت بزاويه السيارة واحس راح افقد وعيي جسمي يرتجف من الحرارة و شفايفي نشفن اريد ابلع ريگي ما اكدر وعيوني ذبلت ماكدر افتحهن بعد شويه وينغمى عليه جاوبته والرجفة بشفتي
ياقوت : رر ررجعنيي ديهم اريد ارجع لأهلي
فقدت الوعي وكلشي بعيني صار اسود
حسيت بايده وهيه تسحبني من السيارة طلعني برا وهوَ ينطق كلماته بخوف
ديهم : ياقوووتت خليجج ويايي ياقوووت!!! يا يمهه راح تروح من ايدي
احس بكفوف ايده يضربني على خدي بخفة اسمع صاحبه يگلهه
ــ هاك ماي
غرف بأيده وطشر الماي بوجهي شهگت بكل ماعندي قوة الا كعدت لـ حيلي وسعت عيوني من الماي باررد حيييل لگيت نفسي بحضنه وهوا واكع على ركبه رجليه بالتراب ضمني لصدره بخووف ولهفة
ديهم : يا يمه شمعتي انا اسف والله اسف
ضمني لصدره ويبوس براسي بلهفة واسمعه يجر انفاسه بصعوبه بلع ريگه
ــ شربي ماي
قرب البطل يم حلگي
هزيتله راسي ما اريد
ــ بويه لا تعبيني والله شيب راسي من عنادج
دفعته وابتعدت عنه
ياقوت : خليني ارجع لأهلي
نتر بعصبيه وهوَ يسحبني بأتجاهه
ــ تشربين ماي هسه غصب عنج
يحاول يجبرني اشرب ماي اني ما اريد اشرب بلكي يصير بيه شي وياخذني لعيادة لمستشفى واشرد
اسمع صاحبه يگله
ــ اجت سيارة ديهم اصعد لا يشوفونه
وسعت عيوني شفت ضوه سياره حيل بعيد جاي بأتجاهنه كمت اصرخ
ياقوت : اني هنااا ساعدونيي هذا الحقيرر خاطفنيي يمههه باگني من…
صم حلكي بأيده وشفايفه اجت يم اذني وهوَ يهمس ديهم : مياخذوج مني مياخذوججج
ياقوووت لتحاولين انتِ لـ ديهم
سحلني للسيارة واني ارافس برجليه ووجهي وجه البومه صرت من الصراخ واللطم ومنا الحساسية نعل ابووه لابوو الجابني عليه
صعد بصفي مد ايده على جيوبه ماعرف شيدور ومرتبك واني اضرب بي بأديه واصيح
ياقوت : نزلنييي ديههمم اكرهكك اكرهكك يابشررر ماتفهمم رجعنييي لبيتنا
مستمر يدور بجيوبه طلع شريط حبوب ماعرف مال شنو طلعلي وحده لزم راسي بقوه
ديهم : افتحي حلكج
سديت حلكي بكل ماعندي قوه وهوا مُصر ينطيني الحبايه دفعت ايده وكعت الحبايه بالكاع تعصب مني واجته الحاله فرط من الشريط ٣ حبايات وگال
ــ هسه تاخذيهن مثل الجلبه
حصرني بزاويه السياره ويريد يخليهن بحلكي لزم فك حلگي بأيده وشده بقووه ونتر بوجهي بعصبيه
ــ فتحيييي حلكججج ياقووووتتت
فتحه بأيده بالكوه وخلالي الحبوب وصم حلكي بأيده جاب الماي
ــ اذا متشربي ارتكب بيج جريمه وحق الله
صاحبه يسوق بالسيارة وكأنما الموضوع ولا يمه ابن الچلب ولا انكسر خاطره عليه دفعت ايده وانكب الماي بالسياره انطاه صاحبه بطل الثاني وفتحه اله همس بوجهي بخبث
ديهم : تعانديني؟
شررب ماي وترس حلكه ترس وخلاه على حلكي ودفعه ببلاعيمي غصيت بالماي كمت اكح واشهك روحي رادت تطلع طلع كلينس من جيبه ومسح وجهي وهوا يتأملني
ديهم : عافيته لـ حُـر انتِ
شمعة بيته انتِ
ما كدرت اجاوبه او ادفعه لان طاقه مابقت عندي مسحت حلكي بالردن مالت ملابسي
ــ افا هاي كله لأن شربتج الماي بحلكي
ــ چلب شنو شربتني شنو هايي الحبوووب
ــ مال حساسيه حتى خدودج الحلوه ترجع تورد نطقها وهوا يگرص خدي بأصابعه باس اصابعه بعدها واني دفرته برجليه تراجع ليورا وهوا يباوعلي ويبتسم على طيحان الحض مالته
طلع جكارته من جيبه ورثها يباوعلي وينفخ الدخان بأتجاهي واني لازكه روحي بالزاويه ماريده يقربلي ماريد كلشي منه گمت اشوف عزرائيل وماريد شوفته غفيت من التعب والصراخ والعركات اني وياه
سمعت صوته وهوَ يكعدني
ديهم : بنياتي وصلنه اكعدي
يحرك بخدي بأصابعه فتحت عيوني لكيت روحي بغرفة غريبة شكلها قديم و ديهم يرتب بيها وينظف گتله بعصبيه وخازرته
ــ اني شلوون وصلت هنا؟؟
مستمر يرتب بالغرفة وميجاوبني باوعت للباب ركضت اريد اشرد احاول افتحه مقفول
ديهم : يـ نار گلبي انا مو غشيم اترك الج الباب مفتوح
باوعتله المفتاح بأيده يلعب بي
ياقوت : ديهمم رجعنييي ابوووس ايدكك شسويت انت الامور ماتنحل هيييج
تقربت يمه واني احجي نزل باس راسي
ديهم : الامور حلها هيج من الاول
تفلت بوجهه ونترت بعصبيه
ياقوت : ما اريدك حقيرررر كرهتكك وهسه ترجعني لأهلي بسرعههه
يضحك وهوَ منطيني ضهره ويرتب بالغرفة
استفزني
ياقوت : ندامه يوم حبيتك وثقيت بيك تاليتك هيج تأذيني؟
ديهم : جؤ جؤ گلبك هيج قاسي وانا ما ادري
ياقوت : اكررررههككك چلب ابن الچلب
عافني ومشى بدون حتى ما يباوعلي فتح باب الغرفة ولحكته اريد اطلع طلع وخليت ايدي حتى ما يقفله
ياقوت : دييهممم خليني اروححح
متمسك بالباب ويصيح
ــ ياقووووت ايدج راح تتأذه طبي جواااا
متمسكه بالباب ماريده يقفله واصرخ
ياقوت : حقيرررر خلينيي اروووح
رجع دخل للغرفة ودفعني برجله وكعت بالكاع
ديهم : جرييي عدل ياقووووت والله اندمج
سد الباب وراح وبقيت كاعده بمكاني ابجي واناشغ مابيدي حيله تعبت من المحاولات
بعد ساعاات واني احوس انتظره يرجع حتى اموته كتل مكزكزه عليه باوعت للشباك رحت احاول افتحه مينفتح قافله ابن الكووااد باوعت من الشباك يفتر جوا هوا والمنطقه شكلها غرييب بحياتي ما شايفه هيج مكان يمه هذا وين جايبني الله لا يوفقك كمت اضرب بالشباك اريده يسمعني ويجي حتى اموته اشبع بي كتل دمي يفورر عليه اباوعله يشرب بجكارته وبأيده كسريه مال احطها بنص كلبه الكواد بعد نص ساعه سمعت صوت الباب ينفتح رحت اركض وختلت جوا الجربايه فتح الباب بس حذائه يبين لابس بسطال اسود تقرب يم الجربايه وحجه بهدووء
ــ بنياتيي تلعبين بگلبي؟
بلعت ريگي يارب يارب بلكي يطلع ويخلي الباب مفتوح
اندار وراي يمشي بخطوات هادئه حيل واثق بخطواته والكسريه بايده شايلها تبين صار وراي ورجع متوجه للباب وهوَ يكول
ديهم : وين وليدي؟ اشتاقيتله
صوت خطواته ابتعدت واخذت الامان كومي ياقوتتت هاي فرصتج اشردييي طلعت من جوا الجربايه وتوجهت للباب اركض بس اريد اشرد ما حسيت الا وايده بصف الباب تنمد وتحاوط جسمي بأكمله ضمني لجسمه بأيد وحده
ديـهم : تلعب ختيلان وياي انت الخسران وليدي
نفضت روحي بالكاع واني احجي بعصبيه
ياقوت : وخرر عنييي وخررر چلب الله لا يوفقك عضيته من ايده حتى يعوفني رفعني من الكاع بأيده وشمرني عل جربايه ونطق وعيونه مركزهن بعيوني ديهم : كثري ختيلان ما ينمل وياج
باوعتله بنضره مليانه حقااارره
ياقوت : چلب ابن چلب ابن **** نعلبوووك لابووو امك خلينييييي اروووححح
لزم راسي بأيده وباسه دفعته وكفخته على ايديه ديهم : كل ماتعاندين كل ما اتسودن بيج اكثر
رن تلفونه طلعه من جيبه وكام يحجي ويا صاحبه الجلب الجابني وياه باوعت للباب مفتوح ركضت اريد اطلع رجع لزمني وشمرني ع جربايه وطلع وقفل الباب عليه كسرت الباب تكسير
ياقوت : لا تسويي بيه هيييج ديهممم ردني لأهلي
يا يمهه شراح يسوون بينا رجعت ابجي واناشغ واصرخ بأي شي يجي على لساني كله فشاير وحجي مو لائق عليه
باوعت بالغرفة اريد الكه شي يخلصني منه شفت الكسريه مالته ناسيها بالغرفه اويلي يابهه شسوي بيك اليوم اطفي نار گلبي بيك بعد نص ساعه اجه وسمعته يفتح بالباب والكسريه بأيدي سحبت بيها ووجهتها ع الباب فتح الباب شايل صينيه ريوك بأيده باوعلي صفن بيه وابتسم بخبث تقرب مني
ــ لا تتقررررب اخليها بنص گلبك والله
ثبتتها بأتجاه گلبه اريد ارمي وعيوني مركزتهن على هدفي وهدفي هوَ اريد اطشر گلبه واخلص منه الحقيرر خله صينيه الاكل بالكاع وكف وچتف جسمه بأيده يلعب بشواربه وهوا ينطق كلامه
ديهم : گلبج يرضاها ترميني وانا الحَبيب .
ياقوت : اخلي دمايتك تصب مو بس ارميك
وخرررر عن الباااب
تقربلي بخطوات ثابته بأتجاهي واصرخ بي وما يسمعني ولا يتأثر بكلامي
يتقرب اكثر ويبتسم بخبث
ديهم : متسويها انتِ عايشة بروح ديهمج
صار بيناتنه مترين انخمش گلبي روحي ما طاوعتني اصاوبه ودمه يترس الكاع گلبي خان بيه هالمره رفعت الكسريه ورميت فوك ورجعت سحبت بسرعه وخليتها براسي
شهگ مفزوع وسع عيونه ع السويته وتراجع ليورا بلع ريگه بالگوه ونطق كلماته بصعوبه
ــ ياقووت لا!!
ــ ابتعدددد ارجععع لمكانككك
ــ ابتتعدت ياقوت ابتعدت
اباوع لخطواته تتراجع ليورا يبتعد مني
ــ اشمري الكسريه بالگاع
ــ ارريد اكتل روحييي
كال بتوسل
ديهم : يبعد امي وابوي لا فدوا لأيدج لا
ثبتت الكسريه براسي اكثر وخليت ايدي ع الزناد عيونه ع الزناد وموسع عيونه مفزوع كتله والدموع تارسه عيوني واناشغ
ياقوت: تخلييني ارجع لـ بيتنا؟
ــ اخليج والله اخليج ارجعج بأيدي بس انطيني الكسريه
تقربلي خطوتين ليگدام
ياقوت : ابتعددد
فز مخترع ع صرختي بس ماتراجع
گال بحسره
ــ لا تعبين گلبي ابوس ايدج جيبيها للكسريه
هزيتله راسي بـ لا والدموع تارسه عيوني
ديهم : ارمينيي
فتح ايديه يأشرلي على نفسه ويحجي
دبهم : ارميني بس ابعديهاا للكسريه عن راسج
بقيت اناشغ والحسره بگلبي اصلاً ما اكدر اصاوب روحي خارطه العافيه اني بس اريد اخوفه حتى يعوفني
رجع گال والخوف بوجهه
ــ ارميني الي انا السبب مني انا الاستاهل ترميني نهبتج من اهلج و كسرت ركبتج ونزلت راس اهلج
ضعفت من كلامه وارتخة جسمي كله وحسيت بتأنيب الضمير رجع كال بخفوت
ــ انا المفروض ترميني ارمينييي ياقووووت ارميينيييي !!!
فزيت مخترعه من صوته وكعت الكسريه من ايدي بالكاع هوَ بسرعه سحبها وبعدها عني واجه يمي وكع بالكاع ولزم چفوف ايدي يرجف
ديهم : ليش هيج تسوين يابووويه ذبحتي گلبي عليجج
لميت روحي وابجي واناشغ سحبني لحضنه
ديهم : يـ شرارة گلبي عذبتيني حيييل ابوس ايدج اسمعي كلامي لا تعبين گلبي .
رفع راسي يتأملني مسح دموعي بأصابعه
نضراتي متشتته من الخوف
ــ لتخافين انا يمج مستحيل تأذين نفسج وانا يمج
انا عايش لأجلج يمايي عيني
يحجي والحسره بصوته
ــ كومي بدلي ملابسج حتى نتريك
لا ترجفين انا يمج گومي يلا بدلي وتعاي انتظرج ناكل سوا
اريد اكوم جسمي مرتخي وما اسيطر على نفسي من الخوف واختل توازني
ديهم : ابدل الج ملابسج؟
هزيتله راسي بـ لا
شالني من الكاع وكعدني عل جرباية فتح الكنتور طلع ملابس على قياسي
ديهم : محضرهن الج من اول يوم شفتج بي واتخيلهن عليج متأكد راح يلوكن عليج
جاب دشداشه لونها احمر مائل للدموي وبيها وردة صغيرونه بيضه ناعمه
تقربلي رفع دشداشتي يريد ينزعها الي رجعت نزلتها ماريده ينزعني گال وهوا مركز بيه
ــ تخجلين مني؟
راح اطلع بس تبدلين ارجع بس اذا لكيتج ما مغيرتهن انا اغيرهن الج بأيدي
هزيتله راسي بـ اي طلع وقفل الباب وراه
دخيلك ياعلي شهلستهتار يريد يبدلي
باوعت للريوك كلشي احبه موجود وانا كاتلني الجوع ميته ميته بدلت ملابسي ومشطت وضفرت شعري حتى ما يمللني ويبقى يجي على وجهي رحت للحمام لگيت ماي بالحنفيه فتحته اريد اغسل طلع الماي زفر زفرته تكتل لعبت روحي اتقيئت بالحمام لما متت روحي ماعت رجعت للغرفه لگيت ماي شرب بطاسه ماي فافون غسلت وجهي منها واني اغسل انفتح الباب ودخل عليه
ديهم : يمه يمه التسمع كلامي اموت بيها
گلبت عيوني مو راضيه شمرت الطاسه بالكاع بكل قوتي ورحت كعدت ع جربايه
ديهم : شنو هذا الهدووء سبحان المغير الاحوال هيج غير حالج؟
كعد بالكاع يتري واشرلي اروح يمه
ياقوت : مااريد
ــ طبج مرض
كام ياكل ويمطگ بحلكه ويطلع صوت عود طيب وكذا حتى يشهيني كمت اگرط بأضافري مرتبكه ميته جوع هسه شلون ماريد اكل وياه ابو الوصخ حقيررر
ياقوت : ديهم
كام عن الاكل واجه كعد يمي
ــ روحه لـ ديهم كولي يروحي
ياقوت : اريد اخابر ابوي
ابتسم ونزل راسه يحك بحاجبه رجع باوعلي وگال
ــ انا ابوچ
ياقوت : نعال بحلكك
ــ بحلكج بنت الچلب لا تغلطين
عضني من ايدي صرخت
ــ اووي عوفنيي عضة الچلب ابن الكواااد
كام من يمي وانطاني ضهره وهوَ يكول
ديهم : ابوووج الكوااااد بت الكواااد لا تغلطيين
خله الصينيه عل رف ورجع تمدد يمي ع الجربايه وسحبني لجسمه دفعته
ياقوت : وخرررر شدسوي
ديهم : اريد انام تعبان
ياقوت : نومة اهل الكهف ان شاء الله
گال وهوا مغمض عيونه
ديهم : بس تعاي بروووح ابوج
ــ ديهممم رجعنيي لأهلييي
فتح عيونه باوعلي وضحك
ديهم : لو تموتين ما اردج انتِ صرتي بين ايديه بعد شو انداري
ياقوت : اكل خ** عوفنييي
چتف جسمي وهوا ينتر بعصبيه
ديهم : اندارييي لتناقشيني
رجعت دفعته ونفضت جسمي من ايده اريده يعوفني كام لحيله ونام فوكاي صرت جواه كتم انفاسي بأيده وهمس بوجهي
ــ تسكتين لو شلون
هزيتله راسي بـ لا .
ــ ديهم ــ
صفنت بيها هاي حييل تعاند كمت ادور حبل اي شي اربطها بي وهيه تصيح
لكيت حبل قديم بس يمشينه مال ليلة وحده ربطت رجليها واديها بالحبل ومستمره تصرررخ
ــ ديهم تيب تيب منين تجيب تيب
فتحت جنطتي لكيت بلاستر جروح لزكته على حلكها باوعت بعيونها دموعها تنزل بغزاره ولمعتهن احتلت گلبي تباوعلي بنضرات توسل قربت منها شميت ريحتها من شعرها ونزلت خشمي على خدها اوفف نار وشابة بضلوعي عليها گوه متحمل وما سويتلها شي ابتعدت عنها سحبت الكرسي وكعدت كدامي وهيه مربطه وتباوعلي بعيونها الحلوه المليانه دموع ورثت جكارتي خليت ايدي على خدي اتأملها
ديهم : يروحلچ فدوا الحُـر يبعد روحي انتِ .
رن تلفوني لان انا غيرت خطوطي واخذت واحد جديد صاحبي يتصل بيه جاوبته
ــ ها ديهم وينك
ــ ليش خما اكو شي
ــ ابوك انجن انت بايگهم ورايح؟؟
ــ اي اني
ــ وين انت هسه
ــ بمكان نهبتها وشردت
ــ وياك هيه هسه؟
ــ اي يمي شوف انت الوحيد اللي بقى عندي تواصل وياك مو تغدر بيه والله ****
ــ على بختك ديهم ثق بيه وانت مطمن اخسى اذا بيوم اغدرك ما انسى زيناتك وياي
ــ اي عفيه
ــ محتاج فلوس؟
ــ لا عندي اذا احتاجيت اخابرك
ــ تمام
ــ اي شي يصير خابرني
ــ اهلك عرفووك اخذتها وشردت ترا
ــ واهلها ماخابرو
حولت نضراتي الها تباوعلي شويه وتنجلط من الخوف
ــ لا ماخابروو بس ابوك خايف يخابرون ويتهمووك
ــ ليش يتهموني غير انا السويتها هههه وبعدين انا اريدهم يعرفون
ــ لا لا انت انجنيت رسمي
ــ يلا ولي من تسمع شي خابرني
ديهم : شمعتي
وهسه شلون ابوج يرفض ينطيج الي؟
اووف شمعتي قافل عليج وصايبني جنان
انضف بالمسدس مالتي وهيه طاگه بجي كبالي دموعها تنزل شرارة بروحي بس هيه جبرتني استخدم القوه وياها
خليت السلاح ع الرف تقربت منها اباوع لرجليها كلش صغيرونات ترافس بيهن
گزگزت على رجليها يخبلن دنگت يمهن ثبتتهن بأيدي وبستهن باوعتلها شعرها متخربط وجاي على عيونها من الترافس شكد تحوووس
وخرت شعرها بأيدي عن وجهه كعدت يمه تك رجل ع الجربايه وجهه مورم من البجي وصاير احمر طماطيه حتى وهيه تبجي حلوه شلون بيه ما اكدرت اتمالك نفسي ولگيت روحي اطبع بوساتي بكل مكان بوجهه
ديهم : مسودن بيچ شلعبتي بحالي بسببج صرت حرامي
انفاسها تتسارع وروحها شايغه وماعدها مجال تدافع عن نفسها مشيت اصابعي على ركبتها ناعمة مثل الريش ولابسه كلاده بيها فراشة غرت من الكلاده المحاوطه ركبتها جريتها بعنف وكطعتها وشمرتها بالكاع مددتها ع جربايه فتحت ازرار قميصي وهيه تباوعلي مفزوعه نزعت القميص ورجعت يمها اتأملها حنيت لـ صوتها حتى لو تصرخ وتغلط عليه شلعت البلاستر عن حلكهاا وشفتها مجروحه بطرفها من قوة البلاستر مسحت الدم بأصبعي وهيه حيلها انتهى ما الها صوت بس انفاسها تتلاهث قربت شفتي يم شفايفها غمضت عيوني اتهجس بنعومة انفاسها حركت لساني على جرح شفتها
تحاول تبعد وجهه منيي وانا اجيها بكل مكان تبتعد عني منه .
كالت بتوسل وعيونها غركانه بدمعها
ياقوت : ديهم ايديه!
همست بأذنها وانا ذايب
ــ شبيها يبعد ايدي؟
ياقوت : توجعني الحبل حز ايدي
ــ افك ايديج بس بشرط؟
ياقوت : موافقة والله موافقة بس فك ايديه
فتحت ايديها ورجليها شو هاي كعدت عاقله يمكن توبت ابتعدت عنها وتمددت بصفها اريد انام اسمع صوت بطنها تطلع اصوات من الجوع غمضت عيوني عود غفيت اباوعلها بتك عين راحت ع صينيه نزلتها بالكاع وكعدت تاكل مثل المسودنه ههههه ماتجر حتى النفس وهيه تاكل اخذت گلبي
حسيت بتأنيب الضمير لان هيج سويت بيها بقت مستمره تاكل لحد ما شبعت كامت راحت للحمام غسلت ايديها واجت كعدت ع الكرسي كدام الشباك صحت بيها
ديهم : تعايي يمي
ياقوت : يمهه خرعتني شبيك
ديهم : تجين لو اكوملج
اجت بدون ماتنطق حرف
تمددت يمي ع الجربايه مبتعده عني سحبتها من دشداشتها لزكتها بيه
ياقوت : كوم البس قميصك مصلخ يمي ما تستحي ديهم : اشش انداريي
ياقوت : ديهمم شنو هل حركات عفيه اخاف
جريتها من زندها ونترت بيها
ــ نفسج ما اسمعه انداري
اندارت مجبوره ونامت على ايدي
صارت بركبتها وشعرها الحلو متنثر على عيوني ضميتها لجسمي وراسي دافنه بركبتها اشتم بريحتها تتحرك تحوس تريد تشرد مني
ديهم : راح ارجع اربطج واسوي بيج اليعجبني
ياقوت : يمهه ركدت ما اتحرك بعد والله
ميت من التعب ومن عنادها الما يخلص بسرعه غفيت وحسيت بجسمها ارتخه بحضني هم نامت
ـ ياقوت ـ
فزيت ع صوت ضربه اجت بشباك الغرفة تقربت للشباك اشوف شنو لگيت حمامه مضروبه بالشباك وميته ودمها متطشر بالشباك
رجعت لمكاني لمحت تلفون ديهم واكع من جيبه قربت يمه وسحبته بهدووء يارب ما يحس عليه فتحت التلفون ما حافظه ولا رقم من ارقام اهلي سوده بوجهج ياقوت لگيت رقم صاحبه ورقم ابو بس ما متصل بي اتصلت على ابوو انتظره يجاوبني ميجاوب رجعت اريد اتصل ورن التلفون فز ديهم وشاف التلفون بأيدي عگد حواجبه بعصبيه كام لحيله ينطق كلامه وهوا جاي صوبي
ديهم : جيبيي التلفون من ايدج شدسوين هااا؟؟ باوع بالتلفون يشوف عليمن اتصلت طلعله ابوه يتصل
ديهم : تغدرين بيه ياقوووتتت هيج تجازيني؟
شمر التلفون ع جربايه وصرررخ وكسر الجام الوراي لزمت راسي ضميته خايفه يمه هذا شبي راح ينجلط
باوعت لـ ايده اصابعه طفر الدم منها من ضرب الكزاز وطشره دمه ينگط بالكاع وعاگد حواجبه وخشمه ينفرر من العصبيه ويصيح ضرب الجربايه دفره وكسرها
ديهم : اخخخ ماترجعين الهم لو تموتين كدام عيني هنا تصير مقبرتج يم ديهممم افهمنييي
دمارات وجهه طلعت وجهه عرگ مسح گصته بأصبع الابهام وطلع متوجه برا الغرفة واني واكفه اكص بأضافري بسنوني خترعت من عصبيته يمهه
رجعت التفت شال التلفون من الجربايه وطلع قفل الباب وراح صوت خطواته يبتعد من الغرفه
اجه بالليل فتح الباب واني نايمه باوعتله شايل سمچه بأيده والزفره فاحت كبست خشمي بأصابعي
ياقوت : زفرتنه يمعود شتسوي بيها
ــ اكعدي شويتها الج اكليها قبل لا تبرد
ياقوت : ماريد مو جوعانه
خلاها بالكاع وهوا يباوعلي وراح للمطبخ جاب ماي وصينيه واجه كعد بالكاع اشرلي بأيده عل كاع
ياقوت : كمل واكل وراك
ــ يولي اگوملج؟
ياقوت : ديهمم ردني لأهلي اريد اهلي
ــ اشش بنياتي انسي اهلج انا اهلچ
كمت ابجي واناشغ واتوسل
ديهم : لا تبچين شمعتي دموعج غاليه
ياقوت : كرهتكك ديهم!
ــ اكرهيني عادي
ــ ما اطيقك ما اتقبلك بحياتي بعد
ــ انا اتقبلچ ديهم يفديج بروحه
ابجي كدامه بلكي ينكسر كلبه وهوا ولا همه شي الچلب
شبع وگام وخله الصينيه بالكاع خليته لمن يروح رحت اكلت لما شبعت شسوي اذا ما اكل يكتلني الجوع
مرت الايام واني يمه صارلي 4 ايام
محبوسه بهذا البيت اللي ماعرف وين صاير وماعرف شنو مصيري اجه ديهم بأتجاه الباب يفتح بالقفل ويكول
ــ وليدي كاعد؟
فتحه وباوعلي مبتسم گلبت عيوني
ــ شكو؟
گال وهوا يتقرب مني
ــ احبچ والسواچ
ــ شكراً
ــ بالخدمه محتاجين شي عمو؟
هزيتله راسي بـ لا وعيوني مثبته ع شباك
ــ ديهم
ــ يروحه
ــ سؤال
ــ كولي بنياتي
ــ من نهبتني من اهلي
ــ حركت كلوبهم عليچ
ــ ليش لهاي اللحضة ما لمستني ولا اذيتني؟
ــ وانا ما اريد اذيج انا صح مسودن بس ما افكر ولو تفكير اذيج
باوعتله مستغربه وكتله شنو
ــ هذا الحب الغريب؟
نطق كلماته وهو يتقربلي
ديهم : مهووس بحبچ
باسني من راسي مسح بأيده على راسي رتب شعري ورا اذني
ــ تروحين؟
ياقوت : صدك!
ــ نطلع نفتر شواي بالديره
ياقوت : تمام بس البس شي
ــ لا تلبسين بس شالج لبسج مرتب
خليت شالي ع راسي وطلعنه انا وياه الله شميت الهوى محرومه منه صار هواي المكان ريفي والجو ربيعي متوسط انطاني ايده
ديهم : جيبي ايدج
ياقوت : لا تخاف ما اشرد
ــ وشحدچ؟ اكسر راسچ
مشينه ودخلنه بين درابين وبيوت طين قديمه واطفال تلعب يم الابواب حنيت لـ نفسي واني صغيره تمنيت ما اكبر ابد وابقى طفله بروح بريئة
اخذني لـ جرف ماي والمكان هدوء بس صوت الماي ينسمع ونسوان وزلم بعيدين بمزارعهم يشتغلون
ياقوت : ذولي شيسوون؟
ديهم : يلعبون ختيلان بالمزارع واللي يلكه رفيجه يـ***
وسعت عيوني بصدمه
ــ شكد خايس تف بوجهك
ضحك وكال
ــ شيسوون يعني غير يشتغلون اسألتج بايخه
كعدنه ع طرف الجرف انطاني ضهره شال حصوه وشمرها بنص الشط
رجعلي وكال
ــ بسببج ٣ مرات غيرت تلفوني خايف يلكفونه
ــ تكول ما اخاف الجبان؟
ــ اكص لسانج انا مو جبان بس ماريد ياخذوج مني
ــ هممم
يحك بأرنبة خشمه وهو يكول
ديهم ; تعرفين احنا وين حالياً؟
ــ وين
ديهم : بالرمادي
وسعت عيوني مصدومه
ــ عليك الله؟
ديهم : وعيونچ الغاليه
ــ شكد تبعد عن صلاح الدين؟
ديهم : شنو تفكرين تشردين؟
ــ وين اشرد ماعرف احد هنا اصلاً ايست وفقدت الامل وناويه اعيش وياك طبيعي
ديهم : احلفي
ياقوت : والله
ورث جكارته ونفخها بوجهي يستفزني
ـــ خنگتنييي
ـــ اووي النازوكيه
غرف ماي بكف ايده ورشه بوجهي شهكت
ــ ابن ال…
ــ بت الچلب لا تتعلمين تغلطيين
كفخني على خدي بخفة دفعت ايده
ركز عيونه بعيوني ويمسح بأصابعه على خدي
ديهم : اذيتج بذاك اليوم اعترف
ــ عن اي يوم تحجي؟ هنه واحد ثنين
ديهم : يوم الكفختج بي راشدي من نهبتج جبرتيني اقسى عليچ بس لو تشوفين گلبي
يهيم بـ رسمة ملامحج والله اتسودن اذا تتأذين
ــ اي واضح
ديهم : بنت الچلب انتِ مو مال كلام
كام وجرني من ايدي
ديهم : كومييي
ــ وخرررر اني اكوم
ديهم : امشي القزمه .
خلع ايدي من مكانها هذا شبي تسودن
رجعنه للبيت وكل الطريق اكفخه ويكفخني عبالك چلاب متعاضضين وصلنه للبيت وهم حبسني بالغرفه وطلع وعافني لمحت التلفون مخلي عل رف
لككك اويليي يابه هم نساه هالمره رحت اركض لزمته واتصلت بأبو جاوبني بسرعه
ياقوت : عموو ابوس ايدك الحگ ديهم خاطفني ووضعي مو زين وخايفه يسوي بيه شي
غـيدان : بنيتي وين انتوو بيا مكان؟؟
ياقوت : احنا بالرماديي عموو بالرمادي
غـيدان : احذفي اتصالج بيه وشوفي خاف مسجل المكالمه هم احذفيها ورجعي التلفون لمكانه وتصرفي وياه طبيعي
ياقوت : صار عمو بس الحگلي قبل لا يتسودن ابنك ويسويلي شي والله الليل ما انامه
ــ جايين بنيتي جايين بس نحدد موقع الجهاز
سديت الخط ومسحت المكالمه وفعلاً لكيت مخلي تسجيل يسمعني خاف اخابر على احد كملت ورجعت التلفون بمكانه .
صار الليل واجه ديهم اسمعه يفتح بقفل الباب دخل و نضرلي
ديهم : يا ستار من كعدتج هاي
ــ والله حيره! اعيط متقبل اسكت هم متقبل
تقوبلي كعد بصفي عل جربايه وگال
ــ بوسيني!
ــ ايع
ــ بوسيني واقبل
ــ لو ترافس كدامي
ــ هيج كارهتني؟
ــ ما اطيقك تلعب روحي منك
ــ اروح فدوا
كرص خدي وباس اصابعه
ديهم : احبج بنت الچلب
ــ انچب ابن الزفره لا تغلط على ابوي
ديهم : ابوججج الكواد هسه يدك ويلطم هههه واخوج نوار يبوووي هسه انجلط
گلبت عيوني بضوجه
ديهم : ارجعج الهم؟
ــ ماكو شي يسوه ارجعله بعد
ديهم : نبقى انا وياج هنا
ــ اي وبعد
ديهم : ونلعب لعبة حلوة
ابتسم بخباثه ومسح بشواربه
ديهم : انت تختلين وانا ادورج ومن الكاج شنو اريد اسوي بيج الاريده
باوعتله بضوجه وگتله
ــ عابت هل شوارب
مستمر يمسح بشواربه ويبتسم
ديهم : افكر احبلج
كمزت من يمه وسعت عيوني ولميت نفسي
ــ شنووو؟؟؟
ديهم : احبلچ حتى مياخذوج مني!
ــ لا تفكر تلمسني حقيررر
جر دلعة صدري بأصبعه وعيونه مركزهن بصدري
ديهم : لايگلج الثوب هذا حيل
ــ هسه يلا شفتني لايگلي؟
يريد يحجي ورن تلفونه راح يجاوب
ــ ديهم ـ
ــ ها
ــ ديهم اترك مكانك بسرعه وروح
ــ ليش شصاير
ــ عرفوو مكانك توني جنت يمهم محددين الموقع اطلع بسرعه
سديت الخط وگلبت الغرفة گلب ادور على جنطتي ياقوت صافنه تباوعلي
ديهم : بسرعه لمي ملابسج
ــ وين رايحين؟
ــ لميهن بدون اسأله
ــ شصاير فهمني
لزمتها من ايدها والجنطه خليت بيها غراضنه شلون ماجان والمسدس خليته بخاصرتي واخذت ياقوت وطلعت امشي بالديره خابرت صاحبي العقيد
ــ تكدر تجيني هسه ترا عرفو مكاني
ــ هسه جايك
ــ وين انت
انطيته مكاني اجاني وصعدنه بسياره ورجعت ياقوت لخبالاتها وكامت ترافس وتصرخ
ياقوت : عوفونييي اريد ارجع لـ اهلي
تلفوني كسرته بالسياره هوا والخط وشمرته وطلعنه للموصل اخذت تلفون صاحبي العقيد وخابرت صاحبي الثاني بالموصل
ــ اريد مكان مال يومين
ــ تعال وتدلل اخليك بطن عيني
وصلنه الموصل ونزلتها بالدفرات تصرخ وتعيط
فار دمي وتلفت اعصابي من لسانها طول الطريق ماسكتت
لزمتها من زنودها ونفضتها
ديهم : ياقوتت تسكتييين لو شلووون؟؟
مستمره تصرخ وتحاول تشرد مني واني متجه بيها للبيت اللي انطاه الي صاحبي مافاد تهديدي الها لزمت فك حلكها بقوووه ونترت بعصبيه
ــ ياقووووت جرييي عدل ويااااي جرييي عدل لا تخليني اتسودن عليجج
متسمع كلامي ومستمره تصرخ ووتغلط
ياقوت : ابن الچلببب وين تريد توديني ويين عوفنييي ارجع لـ بيتنا ماريد ابقى يمك
فقدت اعصابي ماحسيت الا كفختها براشدي وصميت حلگها بأيدي وسحلتها للغرفة وقفلت الباب علينا شمرتها ع جربايه بقسووه شو هاي ماعت بالكاع ما الها نفس فز گلبي خفت لا اذيتها من صدك
تقربت يمها خليت اصبعي يم خشمها انفاسها مكطوعه وجهه محمر من العياط
يمه يمه شكد وكحه الخوف احتل گلبي اكثر لوني انخطف قربت يمها وبقيت مركز بأنفاسها اريد اسمعها شو هاي كمزت وعضتني من زندي
ديهم : اخخ شني مچلوبه فززتيني بنت الچلب
بقت مثبته اسنانها على زندي وتگزگز بكل قوتها شكلها يضحكني وهيه تگزگز هيج سحبت ايدي من اسنانها باوعت لأيدي طابعه سنونها بزندي ابتسمت بوجهه رغم التصرفات السوتها بس فرطتني ضحك خربطت شعرها بأيدي وهمست الها
ديهم : احلى من يگزگز ابوس الكتكوت انا لزمت فك حلكها والتهمت شفايفها بشفايفي دفعتني من صدري ونترت
ياقوت : تلعب روحييي منككك چلب لا تلمسنييي بعد لا تلمسنيي .
ابتسمت بوجهه وعفتها لكيت فراش بالكنتور طلعته وفرشت وفتحت ازرار قميصي اريد انام اباوعلها تبجي بالكاع وتناشغ ياربي شلون بيه ماكدر اشوفها هيج گلبي ما يطاوعني
رحت يمها
ديهم : كومي نام
گالت وهيه تناشغ
ياقوت : وخررر عنيي لتحجي وياي بعد
ديهم : كوميي وليدي لا تعبيني
ياقوت : حنيت لـ اهلي ولـشيلاء وبابا وماما ديهم ابوس ايدك رجعني شيلاء صغيره متعرف تتصرف بدوني
ديهم : اوعدچ اردچ
باوعتلي بنضره مليانه امل
ــ والله؟
ديهم : وغلات بنياتي
ياقوت : شوكت ترجعني؟
ــ مو هسه
ــ شوكت؟
ــ لا تلحين وياي كتلج مو هسه
مسحت دموعها
ياقوت : اثق بيك بس هي المره!
ــ امشي بگلبي مغمضه وبعمرج ماراح تعثرين
يلا كومي وليدي
الله هداها وكامت وياي
تمشي بدون ما تصرخ وتعيط وتتسودن جان انجلطت غير
نمنه على فراش مال نفر واحد مديتلها ايدي وفتحتلها حضني
ديهم : تعاي
اجت يمي بدون ماتنطق بحرف واحد خلت راسها ع صدري والشوغه بروحها ختلت بحضني كأنما تشتكيلي من اللي سويته بيها حسيتها طفله بريئة واني سبب خطيئتها
بس خليت عنادي براسي ومُصر ما ارجعها الا يصيرلها اسبوع يمي حتى بكل الاحوال ينفضحون وينطوها الي
بعد يوميــن
صارلنه اسبوع كامل وانا خاطفها اشتريت تلفون وخط جديد وخليت رقم ابوي واتصلت عليه
ديهم ; ها ياب
كال بعصبيه
غـيدان : لا هلا ولا مرحبا شعملت بينا انتتت شعملتتتت
ديهم : تجي تاخذنه ؟ لو انا اجي
گال وهوا يصيح
غـيدان : شتسويييي ترجععع نزلت راسي كدام ابوهااا وذليتنييي
ديهم : راجعين احنا
غـيدان : تريلة كون تدعسك وتخلصني منك ومن عمايلككك السووووده
ديهم : راح اردها لـ بيت اهلها
سد الخط بوجهي التفت الهاا والابتسامه شاكه حلكي
ديهم : ياقوت لمي ملابسج
ــ نرجع؟
ــ اي
ياقوت : وشيصير بحالي؟
ديهم : محد يكدر يلمس شعره منج لتخافين
ياقوت : نوار يذبحني والله
ديهم : هاي المره غير
ياقوت : اي هاي المره يعلگون راسي بمضيف ابوي
ديهم : اعلگ روسهم قبل راسج الحلو هذا
يلا لمي ملابسج هسه راجعين
****
لميت ملابسي بعلاكه حتى جنطه ماكو واتحضرت وهو ينتظرني بالباب اخذني وطلعنه وكل الطريق شابگ ايدي ويهمس
ديهم : لا تنطين بيه كدام اهلج!
لا تكليلهم جان قاسي وياي
لا تحجيلهم شكد ضربتج واذيتج
لا تنطين بگلبي المسودن عليچ
هزيتله راسي بـ لا رن تلفونه كال
ــ انتظرك بالفرع هسه
رجع سد الخط وعيونه مركزهن بعيوني وحاضن وجهي بأثنين ايديه وهمس الي
ديهم : ارجع واگلج تروح روحي اذا اعوفج
بنياتي صيري قويه ولا تبچين!
ايام قليلة وتصيرين على ذمتي
انا وعدتچ وگد الوعد صقر الـحُـر
دمعت عيوني من كلامه وناشغت شفايفي ترجف خله اصبعه على شفايفي وهمس الي
ديهم : احبـچ يبعد الما يعيش بلياچ
باسني بعيني ورجع باس عيني الثانيه سمعنه صوت سيارة اجت
ــ انطيني ايدج نروح
انطيته ايدي وصعدنه بالسيارة ورجعنه واني كل ما اقترب من بيتنا احس يقترب موتي اكثر غفيت هواي بالطريق ورجعت كعدت يفز گلبي من الخوف لأن اعرف اهلي شلون راح يستقبلوني غفيت ورجعت فزيت للمره الثالثه التفتلي ديهم ولزم حنچي بأصابعه ديهم : خايفه؟
هزيتله راسي بـ اي
ديهم : لتخافين ثقي بـ ديهمچ
رجعت غفيت وهوا مادلي ايده ورا ولازم ايدي يطمني فزيت على صوته بعد مدة
ديهم : شمعتي اكعدي وصلنا
فتحت عيوني وباوعت شفت نفسي كدام بيت اهلي نزلت امشي وياه بأتجاه الحديقة شفت اهله كلهم واهلي بهاي اللحضه رجليه صارن خيووط ودگات كلبي تريد تطلع من صدري خاتله وراه محتميه بضهره وهوا يمشي كدامي بخطوات ثابته وبدون رهبه وخوف وخازرهم بعيونه تقربنه يمهم
غـيدان : رجعتوو بعد ماكسرتوو اضهورتنه
اباوع الابوي بخووف جسمي كله يرعش
حجه وعيونه تجدح شرار
حڪيم : شتسوين رجعتيييي حفيدة ال هواشم رجعتج عااار عليناا .
يتــبع ….
الفصل التالي: اضغط هنا
يتبع.. (رواية بين قبضتهم وقلبه) اضغط على اسم الرواية لتجد الفهرس كاملاً بجميع الفصول.