رواية بين قبضتهم وقلبه – الفصل الثالث عشر
13
▭𝅼▬࣪▭𝅼▬࣪▭.
❂رقــــــو ـ الجـــوهر ❂
بـين قبضتهُم وقلبة
💙 .
يَنظر لي دائماً
بكل حُب كانّني
حلمهُ الضائع
او نَصفه الثانِي
كأني شِيء لايمكنه
العيش مِن دونهُ
كُل ما يَطلبه
أن اكون دائماً له .
..
حڪيم : شتسوين رجعتيييي حفيدة ال هواشم رجعتج عااار عليناا .
اجه نوار هادود يريد يسحبني من ورا ديهم ومخوزر وخشمه ينفر من العصبيه وجسمه يرعش يريد بس يلزمني ديهم وكف بوجهه
وگال بخفوت
ديهم : اخذ روحك اذا لمستها وحق خالع باب خيبر
نوار : تشردين ويااااه؟؟ ما فكرتي بينا؟؟ مافكرتي بأبوي شنو راح يكون موقفه بنتت الشارع شكو جايهه؟؟؟
ديهم واكف بوجهه وساند صدره حتى ما يسحلني
ديهم : نوارررر رد مكانكك انا ما احجي ويا زعاطيط
نوار فار دمه وضرب ديهم بصدره وصار عياط النسوان اهلي واهل ديهم وگامو يريدون يفكوهم ام ام بـلال : عيفوووو يا يمهه ابني راح يمهه راح يمووووت
ابابيل : فضحتونهه وخرررر عن وليدي وخرر الله لا ينطيك شسويت بحالنه
تعاركن امي وامه وخوات ديهم يعيطن خايفات لا نوار يموته
بنص هاي العركه اجه ابوي بأتجاهي بلعت ريگي وتراجعت ليورا صاح بعلو صوته
حڪيم : تعاااليييي
فزيت مخترعه من الخوف اجيت عليه لزمني من ايدي جرني وهوا متجهه على امي يريد يخليني يمها حڪيم : نزلتيي راسيي خزيتينيي بين الاوادم بعد ما الي وجه اكعد يم احد واناقشه بشييي
تفل عليه واني كمت ابجي واناشغ
يا يمهه شيسوون بيه اليوم دفعني يم امي وگعت بالكاع سمعت خوات ديهم يعيطن ويكولن
ــ يمهه اخوياااا راح يموووت هدوو هدوو ابن الچلب وسعت عيوني اباوعلهم واحد خانگ الثاني وديهم حلكه كله دم ونوار ملابسه مشگگه وديهم ضاربه بسجينه بأيده وشاگها واني اباوعلهم ديهم يضرب بـ نوار بالسحينه شگگ بطنه وايديه هذا منين جاب السجينه دخيلك ياعلي صرخت بدون وعي
ياقوت : يمهه ديهممم لتأذيي عوفههه نوااررر مستمرين واحد يضرب الثاني ومايسمعوني
جرتني امي من دلعة دشداشتي
ابابيل. ها الساقطه تخافين على هذا الچلب متخافين على اخووجج شدعي عليج الله لا يشوفج عافيه بجاه النبي محمد
وهيه تدعي تفتح دلعتها وتباوع لسماء وتدعي
ابوي وابو ديهم يحاولون يفكون ديهم ونوار انوب اجه اشهب من جوا يحد بأسنانه على ديهم فزعوو نوار واشهب على ديهم يريد يكتلوو تشگگت ملابسه ودمه ترس جسمه واخواني اثنينهم انترست ملابسهم دمايه
ياقوت : عوووفوووو اتكسرت ايديكم لا تضربووونه لا تأذوونهه يمهه ديهمم راااح حبيبي راااح يموتووونه
اجت شيلاء تباوعلي
شيلاء : شسويتيي ياقوتتت شلون گلبج انطاج تعوفيني
قربت يمها اريد احضنها دفعتني
شيلاء : والج عين ترجعين وادافعين عنه كدام اخواني وابوي
ما بررتلها اني بيا حال رحت اركض لـ نوار واشهب ابعدهم عن ديهم
ياقوت : عوووفوووو ابوس ايديكم عوفووو
لزمت زنده لـ نوار. واتوسل بي
ياقوت : ابوسس ايدكك عوفهه نوارررر اني السبب مني اني الغلطانههه عووووفههه
باوعلي اشهب وعيونه شويه وينفجرن
اشهب : وادافعين عنههه الجج عيييين ياقووووت لججج اخخخخ حسافه
جرنييي من شعرييي بقووووه وسحلني للبيت
ديهم : عوووفهااا اكسررر ايدك اشهبب اذا تأذيهااا اشرررب من دمكككك وحق الله
اريد اباوعله واشوف شسوو بحاله اشهب يحاول ميخليني التفت ويصيح
اشهب : تردين تشوفينهه اني اخليج تشبعين شوووف منه
شمرني بالبيت وسد الباب ورااح رجعت فتحت الباب اريد اروح اشوفه يمهه عمت عيني عليه شسوو بحاله اذا يصير بي شي اموت بعده
حڪيم : شوووف ابنككك شسوووه بنتي ماتشرررد هوا اخذهااا باكهاااا
غـيدان : ابو نوار صاررر اللي صاررر وابني وبنتك اثنينهم غلطانين والحل شنوو اغيد الحل منكك
حڪيم : الحل تاخذوهااا وتذلفووون انتووو وياهااا ماريد اشوف وجهكم ولا وجههه القذررر
غـيدان : شلووون اخذهااا هيييج احنا الطرفين غاح ننفضح وتصير سمعتنه بالارض
حڪيم : ابنككك القذررر الساااقط ماريد اشوفه بيتيي منا لمن ياخذهااا يجي بس بوكت الاخذه ياخذهااا ويذلف هوااا وياهاا وسووو بيها التريدوووو هاي مو بنتييي انا ماعندي بنات ينزلن راسيي
غـيدان : ابو نواررر ولا انا اجرررع ابني وبنتك وخلها بالك ما يجي يوم ونصيررر انسااااب انا معتبر ابني ميتتتتت من يوم الطلع عن شورييي
حڪيم : واني ماريد النسب هذا ولا اتشرف بي وبينا وبينكم كعده طويله ماتنفض بسهوله
غـيدان : احنا نمركم بأنفسنه المهم ماتطلع السالفه وتصير فضايح بعد ماتنسد ويصير طاريي وطاريكك على كل لسان
حڪيم : اني ما يهمني خلها تطلع الفضايح بنتي ميته بالنسبه الييي
غـيدان : وانا ابني مييييتت بنضرييي هممم بس نستر الفضيحه وين ميريدون يغوحووون خلهم يغوحووون
خاتله ورا الباب اتسمعلهم وهما واكفين بالحديقه يحجون وعياط اهلي واهله برا مستمر .
اجوو نوار واشهب وملابسهم مشگگه والدم تارسها والغضب واضح بملامحهم لگفوني واكفه بالباب
نوار كفخني راشدي ورجع لزم شعري بقوووه وضرب وجهي بالحايط حسيته تفلش
اجه ابوي وصاح
حڪيم : عوفهاااا كلشي لتسويلهااا بالتالي هيه مو بنتنه مامحسوبه علينا
ياقوت : بابا والله ما شردت مثل ماتفكرون
حڪيم : اشش ولا حرف صار اللي صار وعندي غير حساب وياج
اسمع صوت سيارات اهل ديهم تحرڪن
اشهب بس يخزر بيه ويهز براسه والدمع تارس عيونه احسه يعاتبني عزيز روحي
فااتت شيلاء تباوعلي بحقارة صعدت لغرفتها اجت امي
ابابيل : اصعدييي لغرفتججج وجهج ماريد المحه هناا
اتجهت لغرفتي واسمع كلامها وهيه تكول
ابابيل : والله لو جايبه بنيه من الشارع متسوي السويتي انتي يولييي كووون ماتصبح دنيا عليج
نوار : انطوهااا اله خل يذلهااا خل يشبع بيها كتل ومسبه هاي مو مال احترام وزواج مثل البنات
صعدت لغرفتي مصدومه شلون ابوي گال لنوار عوفهاا! شيريد يسوون بيه يمهه
عده الموضوع على خير اهلي ساكتين بس ابوي واخواني اشوفهم كاعدين يتناقشون بشي ما اعرفه شنو وشيلاء متحاجيني وامي كل ماتشوفني تسبني وتسبه
ــ ديهم ــ
ريماس كاعده يمي بالسيارة باوعتلها
ديهم : اخوانج وين
ريماس : بالبيت
ديهم : يعوفونيي بهيج وضع؟؟ جان استحووو العارات
ريماس : خويااا بـلال وسالم يكولون خليه يتحمل عواقب اغلاطووو مانوكفلووو
ديهم : اخخ انا اخواني هيج يعوفوني بأيد الغربة يشبعوون بيه كتل
كالت وهيه تضحك
ريماس : بس والله شبعتهم كتل انا من يمي خفت منك من عضيتوو من ركبتووو لأخوهاا هههههههه
ديهم : انا اخوج السبع ما احتاج ذولي العارات
غـيدان : ديهم بس توصل تلم غراضك كلها وتذلف وين ماتغيد تنگلع انگلع بيتي يتعذرك
ديهم : بعيني ابويه الذهب
غـيدان : مو ابوووك ماعندي هيج خلفة قذرررة وماتسوه
ام بـلال : يمه ديهم خما سوو بيك شي؟
ديهم : لا يمه كلشي مابيه
ام بـلال : شلون مابيك جسمك كلووو مضرب ومتروس دم ليش عملت بحالك هيجج؟
ديهم : يمهه ما تاخذوهااا الي اذا مو هيج اتصرف
ريهام : العارر تفتخر بأفعالك وماهمك راس ابوي النزلته وله كلمته الكسرتها
ديهم : اصلاً تندمت ما اتصرفت هيج من زمان وانعل ابوج لابو كلمه ابوج
غـيدان : والككك عييين تغلط وتحجيي عليه يووول ماتوووب انتتتت تغلطط عليهه وكدامييي؟؟
گتله واني اضحك
ديهم : اسف يُبه بس عصبتني متعرف تحجي
ريام : الله ياخذككك حرامات تموت الزلم وتبقى انت العار تخزيي بأبوي كدام الناس وتخلي يترجه شكو واحد عااار
ديهم : اكلي خرااا ام حلك الخايس لا اجيبج براشدييي هسهه
رغد ساكته والموضوع مو يمها بس صافنه عل جام
كال ابوي وهوا يضرب على رجله
غـيدان : ياربييي الصبررر ياصاحب الزماان شنو غاح يصير بينا اكثر من الصاررر
دار على السايق وصاح
غـيدان : استعجل يمعووود غاح انجلط وعلاجي بالبيت نسيته
رجع باوعلي يخوز. بيه ونتر
غـيدان. بسببك انتتت حتى ضغط مزمن صار عندييي وبس يعلگ عليه اموت وانت السببب العاااار
ديهم : يُبه بعدك شاب بيك مجال تتزوج الثانيه
باوعتلي امي وگالت بضوجه
ام بـلال : ديهمم شو متعرف تسولف
ريماس : هههههه اول مره اشوف امي تغار على ابوي يمااااه
ابوي طول الطريق يكرر بـكلمة
ـ استغفر الله العضيم واتوب اليه يارب الصبر ــ
ـ ياقوت ـ
اجت امي وفتحت الباب بقوة فززتني
ابابيل : كومي ست الحسن ابوج واخوانج يصيحولج بالصاله
ــ جايه
كالت كلامها وهيه رايحه
ابابيل : بسرعهه لا تطولين
نزلت ونضراتهم مبتعده عني وكعت من عيونهم وماعاد اسوى
ياقوت : ها بابا خير
ــ اكعدي
كعدت يمهم ادي يرجفن من الخوف
حڪيم : اتفقنا ع الكعده باجر راح تصير بس اني عندي شروطي ولازم انتي تعرفيها بالاول
ياقوت : اي ياب كول
حڪيم : اولاً راح اكله ياخذج وتروحين منا وجهج بعد ماريد اشوفه
دمعت عيوني وهوا يحجي عصرتهن بقووه
حڪيم : يخطبج بأسرع وقت وياخذج خلال اشهر وشروطي مقدم ماريد والمؤخر هم ما اريده
هزيتله راسي بـ اي
حڪيم : اريد اكسر ضهرج وضهره اريد انطيج اله بدون كرامه وقيمه مثل ماكسرتي ضهري
بقيت ساكته وهوا مستمر بكلامه اليصدمني اكثر
حڪيم : شما يسوي بيج لا تجين وتدكين بابي وتكولين يابه محتاجتك لو يخلي طلقة بنص راسج ويذبحج اكله بكيفك ماراح اوكفلج ولا اسندج بعمري كله
كتله واني اشهك
ياقوت : بابا والله ماشردت اني هو ….
حڪيم : اششش وجهه ماريد اشوفه بفتره الخطوبه و عرس ماكو ياخذج انتي وعباتج وتذلفون عسى ما بشارع تكعدين ما همني
نوار : واحنا هم تبرينه منج راح نبلغه يسوي بيج اليريده
حولت نـضراتي الاشهب مسحت دموعي وابتسمتله
غابت ابتسامتي واني اسمعه يكول .
اشهب : يضربج يذلج يسويج خدامه جوا رجله اهله يهينوج يغلطون عليج مانتدخل احنا
حڪيم : اعتبري نفسج ميته وهذا البيت يتعذرج لا تجين وتعتبين عتبة الباب هذا ترا من الباب نطردج ونشبعج قنادر ومسبه وهذا كلامنه وياج ماجاي ناخذ رائيج هذا امر وغصب عنج تمشين بي تحملي اثر اغلاطج وعمايلج القذررة
وهسه يلا كبل لغرفتج ومانريد نشوفج الا بيوم يجي هذا النغل يخطبجج
صعدت لغرفتي والدمع تارس عيوني واناشغ
ياقوووت شصاار بحالج؟؟ ما الوم اهلي شما يسوون بيه السواه ديهم مو قليل اسبوع واني يمه وعبالهم عمل عملته وياي مايدرون هوا مالمس شعره مني ولا اذاني بشي غير الراشديات الاكلتهن منه
عدة اليوم وبليوم الثاني
اجو اهل ديهم وهوا وياهم طلعوو اهلي استقبلوهم غصب عنهم من كلام الناس خايفين من الفضايح باوعت لديهم نزل من السيارة لابس الدشداشة رماديه والسبحة بأيده يلعب بخرزها والمناضر لابسهن لون اسود وكاشخ على اخر حباية صدك عريس والضحكة شاگه حلكه نزلو اخوانه وابو
وياهم الحمايه فتحوله الباب نزل واتجهوو على اخواني وابوي استقبلوهم اخواني وديهم ما سلموو على بعض واحد يخوزر بالثاني شويه ويتعاركون دخلوو للمضيف وام ديهم وخواته كلهن اجن سلمنه عليهن وكعدن بالصالة يسولفن ويضحكن وكأن ماصار شي البارحه واضح ابو ديهم موصيهم هيج يتصرفون
ام بـلال : صيحولنه چنتنه الحلوه نشوفها
اني بالمطبخ واكفه وسمعتها صاحت امي وكالت
ابابيل : ياقووت تعالي خليت ماي بصينيه ورحت اقدملهم وخواته يتهامسن ويضحكن
ريماس : شوفن شوفن شحلاتهاا حقووو اخوي خطفهاا وشرررد بيها
رغد : امداني عجل انا ليش محد يخطفني هههههه سمعتهن امي وحسيتها خجلت من كلامهن بحقي باوعتلي خازرتني وصلت يم امه شربت ماي وجرتني من ايدي
ام بـلال : اكعدي يمي اغيد اشوفج عدل
كعدت يمها وهيه صافنه تتأملني واني من الخجل بسس اوزع ابتسامات
شيلاء بغرفتها مانزلت وخواتي سمعن بالسويته وحلفن ولا وحده تجي وتشوف وجهي وكلش زعلانات مني بقينه نسولف بأمور عاديه وخواته يسألني شتحبين وشكد مكمله دراسه وشنو لونج المفضل واي برج يعني ماكو شي مهم كلش عاديي
ـ ديهم ـ
كعدنه بالمضيف وابوها واخوانها يخوزرون بيه
العب بشواربي استفزهم شلعتها من بطن عيونهم وراح اخذها
ــ الله بالخير
ــ الله بالخير
حڪيم : ابو بـلال اني عندي شروط واسمعوها قبل كلشي
غـيدان : تفضل ابو نوار
حڪيم : وجهه ابنك ماريد اشوفه وبعد ما يدخل مضيفي ولا بيتي وبنتي من تاخذوها من بيتي بعد لا تجيبوها ولا اريد اشوف وجهها المقدم والمتأجل متنازل عنهم اخذوها بثوب الـ عليها
غـيدان : ميصير ابو نوارر الناس شتكول علينا هيج غاح تشكك العالم بينا
حڪيم : وذولي اخوانها واني ابوها متبرين منها ليوم القيامة ماعدنه بنيه سوو بيها التريدوو اعتبروها خدامه جوا ايديكم بنتنه ياقوت ماتت
غـيدان : على بختك ابو نوار احنا صح بينا عداوه ومستحيل نتناسب بس ولدي ما يعاملون نسوانهم بهل طريقه
حڪيم : عاملوهاا باللي تريدو ماعدنه مشكله
غـيدان. المقدم والمُأجل من حقها ماغيد تبقى خطيئه بركبتي وشكد تأمر انا حاضر
حڪيم : بقت يمك اذا تريد تنطيها احنا المهم ماتبقى يمنه البنيه
اتفقووو على كلشي وانا لو عندي جناحات اطيررر من الفرحهههه اخوانها بعد شويه يفرموني بأسنانهم كاعد كبالهم امسح بشواربي اباووعلهم وابتسم
واحرك بحواجبي باوعت لـنوار غمزتله صك على اسنانه غمض عيونه بنفاذ صبر
حڪيم : انت اسمع اكلك
ديهم : كول عموو تاج راسي انت
حڪيم : لا تجيبها من تاخذها منا وخل تعتبر اهلها ماتوو فيها ماريد المحه
ديهم : اي صار
حسيته ضاج واستفزيته بحركتي
غـيدان : ابو نوار ترا ابني ما لمس بنتكم ولا گرب صوبها هوا حجالي كلشي .
ديهم : لا عموو جذاب اابوي والله ياقوت شكم يوم اذا بقت يمكم تطلع حامل
گام نوار فاير دمه يريد يضربني لزمني من ياخه الدشداشه بقيت اباوعله بأستفزاز بدون ما دافعت عن نفسي
حڪيم : نوار اكعد اتركه يحجي ليريده ما همني البنت مو بنتي
ديهم : عمو هاي الصراحه ما اضم عليكم ياقوت حبلتها
باوعلي ابوي موسع عيونه
غـيدان : ديهممم شهل كلام ماتحترررمم عمامكك
اخوانها اباوعلهم خشومهم تنفر من العصبيه بعد شويه ويگطعوني
حڪومي يسحب نفس ويزفره بصعوبه ردت اجلطه وانا جذاب والله ما لمستها بس هيج گلت حتى ينطوها الي بأسرع وقت مابقى بگلبي صبر حنيت لـ شوفتها .
حنيت لـ صوتها من تكول ديهممم وتجر اسمي بلسانها حنيت لـ ايديناتها وهيه تضرب بيه وتصرخ حنيت لـ شعرها اللي مثل الشلال نازل على جسمها حنيت لـ نعومتها و سوالفها الدافيه اللي مثل البَلسم على جروحي
اتفقوو وحلوو الموضوع وابوي كال لـبلال
ــ خاابر على سيد يعقد الهم
ديهم : ميحتاج عموو ابو نوار موجود هوا يعقد
حڪيم : ابوها شنو كدامك فرخ اعقد لـ بنتي
حصرتني الضحكه عيونه تجدح عليه.
اشهب : روحوو هسه بغيرر وقت نعقد جيبوو مشيه مثل الناس والاوادم مو جايين بس انتو
غـيدان : كلامك صح والله يلا عجل نتوكل احنا نجيكم بغير وقت
حڪيم : براحتكم المهم ماتطولون الموضوع اريده ينحل بسرعه
غـيدان : ان شاء الله
صفنت عليهم شلون واحد يصافح الثاني فرفحت وين جانو وشلون صارو مثل الخوش خليتهم يجرون عدل
رجعنا لـ بيتنا
ومر على روحتنه عليهم يومين
اجيت المغرب لگيت ابوي يصلي بالصاله انتضرته يخلص صلاة
ديهم : يُبه
غـيدان : وجع بگلبك شتريد؟
گتله واني ابتسم
ديهم : شوكت تروح تخطب لي شمعتي؟
ضرب على ركب رجليه
غـيدان : اللهم طولج ياغوووح ديهم غاح تجلطني صار يومين من اجينا من يمهم
اجت العاملة وبيدها استكان جاي لـ ابوي اخذته منها اريد انطي لـ ابوي عود ادلله حتى ميرفضلي طلب انطيته اله وگع عليه وسخ دشداشته كلها شبعت مسبه وغلط
العـامله : لو انا ينطي لـ بابا اهسن
كتلها بعصبيه
ديهم : اي انتِ معدله وين اكو منج
عافتني تضحك ومشت
دورت على امي لكيتها اويليي يابهه امي الحلول كلها يمها كتلها
ــ شلونج يمه كالت
ــ ديهم ادخل بالموضون بسرعه
ــ نروح اليوم تخطبوها الي؟
ــ اي اي نغوح بس هدي بالك انتَ
ــ والله؟؟؟
ــ والله باجر انغوح
ــ مو باجر اليوم
ــ ابوك گال باجر يعني باجر ديهم لا تلح فدوا لعينك
عفتها وطلعت رغد بالصاله كاعده تضحك عليه لان اترزلت من امي
وكفت برا بالحديقه والدنيا كلش صغيره بعيني ومشتاقلها صليت المغرب طلعت لكراج السيارات صعدت سيارتي وحركت .
ـ ياقوت ـ
كاعده اقرة قران دخلت عليه شيلاء
شيلاء : السم مالتج هنا تاكلي لا تنزلين يمنه تتعشين
ــ خلاص روحي فهمت
شيلاء : وحده رخيصه
عافتني ومشت واني جاي اقرة قران حجاره انضربت بالجام مالت شباك غرفتي فزيت ع صوتها گمت اشوف منو گلبي يگلي هوا هذا الچلب اجه باوعت لگيته جوا بحديقتنه واكف بطوله ولا خايف شهكت
ياقوت : عزاا بعينك ديهمم .
يباوعلي واللثام على وجهه وخرر اللثام
يبتسم ويباوعلي كمت الطم بثنين ايديه فتحت الشباك وحجيت بخفووت
ياقوت : الچلببب ابن الچلب شتسوي هنا
ــ اجيت ملهوف لـ ياقوتيي
ياقوت : روووح رووح هسه يطلعون ويشوفوك
ما جاوبني تقدم للشجره وصعدها وهوا يتلفت
ياقوت : هسه يشوفوك يا يمهه يموتونه ثنين وحق ربي
صعد وكمز طرزان يمي باوعلي يتأملني
ــ شني المصلايه تسحل عليج
ــ حتى اليعبد الله تنتقدونه
گال وهوا يتأمل شفايفي ويقترب مني ويبتسم
ــ حنيت للحارمتني منهن
گتله بخجل وتلعثم
ــ دد ديهم انچب عوف هل سوالف
ــ تخجلين؟ لعد بأول ليلة النه شراح يصير بيج!
ــ وانت مصدگ ابوي انطاك بنته؟
ــ شني مو بكيفه اخذتجج غصب
كسرت خشمه لأبوج الكوااااد
ــ ديهم لا تكول على ابوي هيج بعد صار عمك
ــ ابوس عمو من حلكه لأن خلف هيج كيك وانطاه الي
وهوا يحجي كرص خدي بقووه
ــ ديهم لا تكرص بعد راح اموتتككك
ــ شفتي ياقوتي!
هممم
انتچه ع شباك وهوا يكول
ديهم : راح اخذج غصب ع اليرضه والما يرضى
كتله والدمعه بعيني
ياقوت : بس اهلي تبروو مني ديهم!
تقرب مني لزم جف ايدي وهمس
ديهم : انا اهلچ انا امچ وابوچ وكلشي الچ لا تفكرين بيوم استغلج لأن ماعندج اهل انا كل همي افرحج واشوف الضحكه بوجهج الحلو هذا .
ــ ديهم لا تخليني بيوم اتندم لان حاربت اهلي علمودك
ــ يخسى شاربي اذا بيوم ازعلج
طلع جكارته ورثها سحبني لـ حضنه وضمني بصدره يلتمس جسمي بلمسات غريبة واسمع صوت انفاسه قوي خله ايده على شعري يمسحه ويرجع يرتبه يلزم اطرافه بأصابعه وايده الثانيه ضامني بيها لصدره بكل قوته همس بأذني ودفو انفاسه اخترقني
ديهم : نار وشابة بصدري انتِ
حسيت بدفوو احضانه وايديه محاوطتني
ديهم : لو حبچ جمر مستعد احترگ بـ نارچ عمري كُله
همست اله والحسره بصوتي
ياقوت : مابقى الي غيرك بهاي الدنيا لا تأذيني
ــ ريت الله ياخذني وما اتهنى بيچ اذا اذيج بيوم
اذكرت الباب مال غرفتي مفتووح
ياقوت : ديهممم الباب مفتوحح هسه يجووون اهليي
ركضت قفلته ورجعت يمه نزعت المصلايه
ديهم : لكك خرب امريكا شهل جمال انوب لابس دشداشه ربع ردن
تقرب وصار يمي
ــ سحلتيني بت الچلب
نزل باس خدي بقوه مسحت خدي بأيدي
ديهم : اووي يبزز ديهم
ــ اي يبزز ويلعب الروح هم
ديهم : بت الچلب تصيرين يمي وانا الچ
ــ اي اي ما انسى شبعتني كتل من خطفتني
گال وهوا يمسد بشعري
ديهم : افا افا حاقده على وانا الحَبيب
بس والله رعبتيني من رميتي بالكسريه وخليتيها براسج والله يطلع منج البتره هههه
ياقوت : اطلعع برااا
ــ وين
ياقوت : براااا
طلعته دفراااات شبعني تكرص وتعضعض عبالك جلاب اني وياه موتني يلا راااح شلع گلبي من مكانه .
رجعت اريد اقرة قران
ياقوت : ياربي والله دمرني هذا المسودن لازم ارجع اتوضه من جديد لان هوا سويقط ونيته ما تصفه ابد ونضراته مو راحه
رحت توضيت ورجعت اقرأ قران .
عدة اليوم ومحد من اهلي يحاجيني
شيلااء ولا كانو اني اختها تروح وترجع تسمعني كلمة
اجو اهله وهوا وياهم و ك العادة لابس دشداشه سوده والسبحه بيضه بأيده والساعه ويلعب بخرزها اباوعلهم من الطابق الثاني وهوا بحديقتنه ويا ابوو واخوانه دخلوو لمضيف ابوي وجايه وياهم فوك ال50 سيارة كلها لـ ولد عمامه وخواله اعتقد امه وخواته ما اجن كالو ما يحتاج راح تصير مشية زلم بس
اجه اشهب كال
اشهب : حضري روحج شواي واجي اخذج بس يجي السيد حتى يعقدلكم
رحت بدلت ملابسي لبست نفنوف عادي و شال شيلاء حبيته خليته ع راسي دخلت شيلاء للغرفة شافتني لابسته سحبته من راسي بقوه خربطت شعري ونترت بعصبيه
شيلاء : ملابسي لا تلبسيها بعددد
ياقوت : شوشوو خليني افهمج الصار وياي
ــ ماررريد اسمعجج ابددد
ياقوت : وغلاتج عندي اخذني غصب اخذني بالكوه مو بأيدي لا تصيرين قاسيه ويايه
لزمت ايدها واني احجي نفضتها بقوه ودفعتني
شيلاء : وخررريي جذاااابه ماعندج ذرة صدك
كمت ابجي بدون ما جاوبتها
شيلاء :صدك لو كال نوار ساقطه وبلا شرف انتِ مو اختنا اختنا ياقوت ماتت من زماااان
ــ احبچ شوشايتي احبچ حتى لو تغلطين عليه انتِ هسه معصبه ومو بوعيج اعذرج بس يجي يوم وتفهميني .
ــ على شنووو افهمجج؟؟ تشردين وتعوفينا لحجي الناس اليسم البدن؟؟
مافكرتي بيه مافكرتي اذا احد تقدملي وسألو عني وكلوله اختها شردت ويا حبيبها شنو راح تكون ردة فعله يمكن ما يتقبلني بحياتة يشوفني رخيصه مثلج
اباوعلها بنضرة مليانه خيبة
هاي مو مو اختي حبيبتي اللي ربيتها وهيه صغيره ودللتها وضميتها بكلبي
شيلاء : روحي اشبعي بـ ديهم بس اخذي وخلصينا اخذي وريحينا تعبنه من مشاكلج انتِ وياه
اندك لباب واجانه صوت اشهب
اشهب : امشي اجه السيد
رحت وكفت باب المضيف واني اسمع السيد يطلب من ابوي يكول لـ ديهم
ــ زوجتك موكلتي وابنَتي ياقوتَ على كِتاب الله ورسولهُ بحضور الشّهود والحاضِرين
رد عليه ديهم والضحكه بصوته وهوا يكول
ديهم : قبّلت الزواج من ابنَتك ياقوتَ على الصِداق المُسمى وسُنه الله ورسوله
اجه السيد وكف بصفي اشهب همس
ــ قربي الشال لوجهج ياقوتَ
قربته وغطيت وجهي السيد صاح لـ ديهم وكف بصفي بالباب والسيد بيناتنه وگال
ــ دَيهم غيدان علي هل تقّبل الزواج من ياقوتَ حكيم عبد القادر؟
اسمع صوته يضحك وكال
ديهم : اقبّل
كررها 3 مرات وبكل مره الضحكه تشك حلگه اكثر
السيد: ياقوتَ حكيم عبد القادر هل تقبّلين الزواج من دَيهم غيدان علي
جاوبته والخجل بصوتي
ياقوت : اقبّل
كررتها 3 مرات
السيد : الف الف مبارك عقد الدهر يارب
دَيهم من الفرحه باس راس السيد
ديهم : بعد روحييي سيدنااا اروح فدوا لعمامتك
حصرتني الضحكة كاتمتها خاف يسمعوني عزاا .
راح السيد وهوا مبتسم على سوالف دَيهم حسيت
بـ دَيهم وهوَ ينضرلي وخرت الشال عن وجهي لگيت عيونه بعيوني والضحكة شاگه حـلكه غمزلي وطفر جواا يمممه بالدشداشه سحل گلبي ابن الچلب لازكلي بملابس العصابه عبالك مجرم اجه اشهب رجعني للبيت
ـ اليوم التـالي ـ
كاعدة اتريك بالمطبخ ومحد طايقني من اهلي ولا واحد يحجي وياي اندك باب بيتنا رحت فتحته ريماس واختها رغد
ــ شلونج چنتنه الحلوه
حضنني ثنينهن والضحكه تارسه ملامحهن
ــ بخير وانتن شلونجن؟
ــ اجينه نشوفجج
رغد : تصدكين؟ كمت احبج اكثر من دَيهم وربي اصلاً ماصرت الومووو من حبچ
ضحكنه ضحكه وحده وكعدنه بالصالة اجت امي سلمت عليهن وكعدت يمهن بقينه نسولف ونضحك
ريماس : ياقوتيي دَيهم دزلج شي وياي
طلعت ضرف من جيبها ع شكل هديه اخذته منها فتحت الضرف جايبلي تلفون و مبلغ مالي بصفه
ياقوت : حبيبتي ريماط كوليله لا يتعب نفسه ممحتاجه شي والله
ريماس : رغدد اسمعيها شتكول
لجج اخويااا تجنننن جنانن عليهااا وبعدها تكوللل لا يتعب نفسوووو ههههههه
ياقوت : عاد لا تبقن تعايرن بيه اخوجن هوَ اجاني مارحتله
ــ اي اي نعرف بكلشي نعرف
رغد : ولجج شسوه بحالنه لعب بينه لعبب
لو هياااا لو ماغييد غاد يحرگ نفسووو مره علمودج
وسعت عيوني مصدومه
ــ لااا ديهم ميسويها
ــ والله سواها والجداحه بأيدوو وگف كلوبنه وما عافهااا للجداحه جان ولعت بي النار
فز كلبي من كلامهن
ياقوت : اسم الله عليه يحتركوون عداونه ياررب
نسيت امي يمنه كاعده باوعتلي بنضره تستحقرني كامت وعافتنه .
ركزن بيها خوات دَيهم عرفنها كارهه وجودهن بالبيت ودعني وراحن
فتحت التلفون اريد اتصل بـ دَيهم دخل ابوي عل صالة وگال
حڪيم : اللي تريد تخابر تخابر بغرفتها ماعندي وحده بنص الساعة تسولف بالغراميات والحب
فشلني صعدت لغرفتي قفلت الباب ع روحي وشمرت التلفون ع جربايه ضايجه تمددت وعيوني بالسقف معلكتهن ياقوتَ هذا الصار وياج حقيقه لو حلم؟ لا يمكن حلم او ربما حقيقة ، ياترى دَيهم راح يكون عَوض الي عن اهلي وناسي؟ لو بمرور الوقت ماراح يتقبل تصرفاتي الطايشه وكلامي بدون قصد وما يستحمل عصبيتي! ياترى راح يتحمل اخطائي؟ راح يتقبلني بعيوبي؟ راح يتقبل كلامي الجارح وياه بوقت العصبيه؟ راح يتحمل عنادي؟ وعركاتي؟ راح يتحمل تصرفاتي الطفوليه؟ راح يحتويني من هذا العالم الكئيب اللي عشت وكبرت وتربيت بي؟ انتِ فعلاً مُختلفه ياقوتَ! كل الناس القذرة والمتخلفه اللي حواليچ عشتي بگلب طفولي ومرح متعرفين تأذين احد! تنطقين الكلام بعفوية وغيرج من خبث نيته يفهمه بالطريقة اليريدها عقله! دَيهم راح يتحمل عفويتي هاي ومياخذها بأي نضرة ممكن تزعجه؟ هم يجي يوم ويأذيني؟ ياترى راح يتحملني بكل حالاتي؟!
بقيت اسأل نفسي اسئله هواي ومالكيت جواب الهن الوقت كفيل بـ انو يخلينه نسمع الجواب بأنفسنه ميحتاج ننتظره من احد الجواب موجود بتجارب المستقبل! الجواب موجود بأختياراتنه ومصيرنه اللي راح يحدده رب العالمين النه .
فتحت تلفوني واتصلت على دَيهم بسرعه جاوبني و
ديهم :شلونها مريتي ؟
كتله بضوجه
ــ مو زينه
ديهم : افا ليش يماي عيني
ــ دَيهم احس تصرفت غلط من خطفتني وفضحت اهلي واهلك كدام الناس
كال بنترة
ديهم : ياقوتَ لا تكفرينييي!
ــ والله صراحة دَيهم اني هواي متندمه واحس غلطت!
ديهم : ياقوتَ شدتحجيين؟ ندم شنو؟ غلط شنو؟ والناس شنو؟
ــ دَيهم.. قاطعني وكال
ديهم : احط رجلي****الناس
ياقوتَ انا متت الف موته يلا حصلتج وهسه جايه تكليلي الناس وغلطانه وندمانه؟؟؟
ــ دَيهم احب اهلي
ديهم : اشتعلووو اهلچ!!
ــ دَيهم اهلي والله احبهم وتصرفاتهم وياي تزعجني
كال بعصبيه
ديهم : ريت اشتعلووو والله ما اطفيهم والله ازيدهم حطب
ــ دَيهممم
قلد صوتي وكال
ديهم : دَيهمممم شعلتي الخلفووووه وعشيرة الخلفوووه!!
ــ هاي لأن جاي احجيلك اللي بكلبي؟
ديهم : بوويه ابوس گليبج انا لتعيديها بعد
ياقوت : ما اريدك
ديهم : ها مترديني؟ ليشش ياقوتَ ليشش بسببج يصيحونيي الحرامي ترا اتسودنت يم خطفتج ولو ما مسويها هسه انتِ رايحه من ايديه
كتله بحسرة
ياقوت : بس هواي اذيتني من اخذتني
ــوانا اعترف اسف وليدي والله اسف ماقصدي اقسى وياج بس انتِ تعاندين هووايي
كتله والبجيه بصوتي
ــ دَيهم؟
ــ يروحه انتِ وليدي
ــ ماتقسى وياي هيج بس اصير يمك؟
ــ تنكسر ايدي اذا المسج بس خليج حبابه وياي وبعدين تعرفيني مسودن لا تعانديني
ياقوت : وعد؟
ديهم : وعد وصوتچ الناعم هذا
حبيبي اوفف اشتاقيتلج ما اتحمل بعد
اسمع صوت انفاسه تتسارع ويلهث
ياقوت : دَيهم شبيك شبي صوتك؟؟
ــ دَيهم شبت بي نار وبالجابووه
وسعت عيوني وفهمت الموضوع
ياقوت : عزااا دَيهمم باي باي
ديهم : تعالي وين تردين؟؟ تعوفيني هييج؟
بقيت ساكته مصدومه شكد ساقط هذا
كال وانفاسه تتسارع اكثر
ديهم : اووفف شمعتي بس انطقي وانا اسمع صوتچ
سديت الخط بوجهه من الصدمه وموسعه عيوني من الخرعه وايدي على حلكي متفاجئة .
رجع اتصل وهوَ يگول
ديهم : رايد انفرد بيچ شمعتي
جاوبته بعصبيه اشوفه وين يوصل
ياقوت : مهووس انتَ؟ مريض بيك شي؟
سحب نفس وزفره
ديهم : مريض وبس انتِ تشفيني بس ماتحنين شمعتي گلبج قاسي
سمعت صوت جداحة ورث جڪارة
ضحك واردف
ديهم : سمعتي بس الصوت وخرطتي العافيه لو تشوفينه شلوون؟؟
سديت الخط بوجهه
رجع دزلي مسج
ديهم : ادزلج صورته؟
وسعت عيوني شهكت وقفلت التلفون طفيته نهائي
ـ بعد مرور 5 ايام على خطوبتـنة ـ
سمـعت صوت عياط اجه من الطابق الارضي طلعت اركض مفزوعه شفـت نـوار والدم تـاارس مـلابسـه ورجـله مكسوره وفاقـد وعيـه بالـكاع
اجيت اركض يمهه
ياقوت : شبيك خويهه نواار؟؟
اجى اشهب دفعـني وابعدني عنهم
ابابيل ; لغرررفتجج ياقوووتت
شيلاء : مسويه نفسج تخافين عليهم هو انت سبب كل الديصير بيهم .
كتلها بأستغراب
ياقوت : شلون اني السبب؟
شيلاء :صبح نواار متعارك ويا واحد بالشارع لأن معايره بيج كايله روح الزم اختك الشردت ويا واحد ورجعتلكم حبلانه!
وسعت عيوني بصدمه اكبر
صدمتني شلون تحجي .
شيلاء : ماتستحييين والجج عيين تنزلين هناا
تقرب اشهب مني وضربني دفره بطني
اشهب : شايله بـ بطنج نغل؟ اريد اصگطج واصگطه وياج
مستمر يضرب بيه ودموعي تنزل عشرة عشرة
واتوسل بي يعوفنيي
اشهب والله ماسوالي شي ماتقرب منييي ابووس ايدك عوفنييي والله ماكو شي بطني
ما يسمعلي ومستمر يضرب بطني دفرات بحذائه وامي تكعد بـ نوار وشيلاء يمها متسودنات عليه يعيطن عياط خايفات لا ميت .
بقى يضرب بيه حلكي كام يطلع دم شفت الدمم بملابسي وعلى ايدي وسعت عيوني بخووف
ياقوت : كافي اشهببب تعوفنييي لو اكول لـ ديهم عليك
اشهب : تخوفيني بي؟
جرني من الكاع من ياخة الدشداشة وكام يضرب بيه راشديات وبوكسات وين تجي ايده يضربني على عيوني على خشمي على حلكي على خدي
ضامه وجهي بثنين ايديه امنعه بس ميفيد ما قاومت واستسلمت
ياقوت : دَيهم يكسر ايدك اذا عررررف والله يكسرها لـ ايددكك
ازداد بالضرب وصار اقوى
اشهب ; خليه يجي اريد اشوف شلون يفكج منيي ولججج انتي شسويتي گلبتي الدنيا گلب خليتي كل واحد عار يتشمت بأخوانج ويقلل من احترامهم
ولج ما الي عين اطلع كدام الناس ويشوفوني اريد مستحي من العالم اخاف احد يسمعني حجايه واني بعز فرحتي ولج مافكرتي اهل مرررتي شنو راح يكون ردة فعلهم على السويتي؟؟
مستمر يضرب بيه ويلزكني بالحايط الحياطين انترست دم شيلاء و امي يشجعن بي يضربني
شيلاء. موتها الحقيرررة الساااقطه
ابابيل :خلصنا منها ريحنااا هاي ماترتاااح الا تذبح واحد منكم
اباوع لـشيلااء واكفه تبتسم بخبث .
يضرب بيه لحد ماتعب عافني وراح لـ نوار يصحي بي ابوي مموجود وكعت من طولي بالكاع واني ابجي واناشغ اباوع بعيونهم المليانه حقد وكره اليه واشياء هواي ماتتفسر معقولة ذوله اهلي؟؟
كعد نوار بصعوبة ومرته حاضنته وتبجي اخذوو بسيارة وراحوو للمستشفى اجت شيلاء يمي وحجت بخفووت
ــ هسه ارتاح كلبج اخوج وراح تموتي بعمايلج ارتاحي
أصلاً انتِ تكرهي لـ نوار وبس تردي يموت حاقده عليه لان قاسي وياج .
باوعتلي بحقد وكالت ادعي ميصير بي شي والله ابوي يذبحج!!
اجت مرته يمي وحجت بعصبيه
مسرة : الله لا يوفقج شسويتي بأخوج؟ اذا مات انتِ السبب فهمتييي؟؟؟
ابنها يبجي بأيدها يريد يجي لحضني لان كلش يحبني اخذته وراحت لغرفتها صعدت لغرفتي اريد ابدل ملابسي ورن تلفوني باوعتله دَيهم يتصل
يمه شنو اگله هذا شيطان ويعرفني من صوتي اذا متأذيه ما جاوبته رجع اتصل انوب هم ما جاوبت رحت بدلت ملابسي باوعت بالمرايه وجهي وارم وعيوني مورمه وحمر باوعت لـ اديه الحساسيه تارسه جسمي واريد بس احكها اجتني مسجات هواي مسج ورا مسج شفتهن من فوك مافتحت
ــ ياقوتَ بنيةة گلبي جاوبي!
بيج شي بالي يمج ترا انوب احس گلبي يأذيني عندي احساس قوي بيج شي جاوبي ابوس ايدج
رجع رن التلفون سحبت نفس ورجعت زفرته
ماكو شي خلاص خليج ريلاكس فتحت خط
ياقوت : ها حبيبي بس الحسره بصوتي
كال بخوف
ديهم : شبي صوتجج ياقوتَ؟
حاولت جهدي اخفي حسرتي وگتله بتلعثم
ياقوت : مم م مابيه دَيهم
ديهم : ششنننوو مااابييج وصوتج اليرجف هذا؟؟
ياقوت : مم ماكو شي دد دَيه…
قاطعني وكال
ــ وين انتِ؟؟ وشصاير وياج ياقوتَ رااااح انجلط احجييي
ياقوت : والله مابيه
ديهم : احجيييي يااقوووت احد اذاااج بشيي؟؟؟
فزيت على صرخته وخرطت العافيه
كتله واني اناشغ
ياقوت : د دَيهم ح اكولك بس لا تعصب
ديهم : انطقيييي لا اجررررم بييجج بتتت الچلبب
ياقوت : د دَيهم ن نوار اجه للبيت فاقد وعيه لان متعارك ويا واحد ومعايره بيه كايله روح لأختك الاجتكم حبلانه مدري من منو
وو واشهب ضربني وو واذاني حييل
ديهم : تحجييين صدكك وينهه هوو ويننهه بالبييتت؟ هسه جاي انااا لا تبچين يبعد روحي انتِ
مستمره اناشغ صاح
ديهم : اشش ماريد اسمع شوغتج ابد مارررريدد اسمعهاااا
سد الخط بوجهي.
رجعت اتصلت عليه مايرد مرت 3ساعات و دَيهم ما يجاوبني اجو نوار واشهب وامي للبيت واني كاعدة بالصالة كال نوار بصوت متعوب
نوار : هيج تكسرين ضهري ياقوت؟ تخلين الناس تعايرني بيج؟ حسافه
عيوني دمعت ماكدرت اجاوبه عصرت عيوني ابجي واناشغ دخل علينا دَيهم رفس الباب برجله فززنه كلنا باوعلي اشهب وابتسم
اشهب : ها خابرتي العار يوگفلج؟
اجاه دَيهم بدون تفاهم ولزمه من ياخه التيشيرت وخبزه بالكاع وبلش بي ضرب يمهم
ياقوت : ابوس ايدك ديهممم عوووفه راح تموت اخوييي يمممه اخويي دَيهم عووووفه
يتــبع …
الفصل التالي: اضغط هنا
يتبع.. (رواية بين قبضتهم وقلبه) اضغط على اسم الرواية لتجد الفهرس كاملاً بجميع الفصول.