رواية بين قبضتهم وقلبه – الفصل الرابع عشر
14
▭𝅼▬࣪▭𝅼▬࣪▭𝅼▬࣪▭𝅼▬࣪▭𝅼▬࣪▭
❂رقــــــو ـ الجـــوهر ❂
بـين قبضتهُم وقلبة
💙 .
الدنيا كلها تشوفك إنسان
عادي وانت عدي الدنيا كلها.
..
امي لزمت ديهم من زنده تريد تبعده وهو نايم فوك اشهب ويضرب بي بكل قووه اباوعله خشمه ينفرر ودمارات وجهه كلها طالعه نوار كوه يمشي اجت مرته اخذته لغرفته وشيلاء تضرب بـ دَيهم حتى يعوف اشهب
دَيهم : تضربهاااا تمد ايدكك عليهااا اكسرهااا الك وحق السواك .
رجع اشهب بطح دَيهم بالكاع ولزمه ضرب وبقى يضرب بكل قوته اني لازمه اشهب اريد اشلعه من فوك ديهم ما ينشلع صدره شعرضه ولا ينسند مستمرين واحد يضرب بثاني واحنا نتعايط نحجز بينهم دخل علينا ابوي
حڪيم : شديصيرررر هنااا شهل مهزله ماكو احترامات اليه
فز اشهب وكف بطوله و دَيهم مسح حلكه بردن التيشيرت وكف لحيله ابتسم وهوه يكول
دَيهم : هلا عمو شلونك
حڪيم : شنو انتو جهال تتعاركون هيج شصاير؟؟ بعدين انت ديهم اني مو كتلك لا تجي ولا تشوفني وجهك هنا
اشهب : شوف بنتك يابه تشتكيـله عليه لان كتلتها
دَيهم : اشكك حلكك اذا انت رجال تقرب الها .
اشهب سمعه هيج يكول لو انكلب ثور رجعو واحد يضرب الثاني والغضب بعيونهم
حڪيم : كافيييي ماتستحووون ماتخجلووون انتم؟؟؟ ماتحترمونيييي واااكف كدامكمم
واحد هد الثاني وبقوو ساكتين ومنزلين روسهم بالأرض
حڪيم : مخابيل انتمم شهل صيحه والضجه اعقلوووو عيييب عليكم
رجع باوع لـ اشهب ورفع اصبعه يتحلف بي
حڪيم : وانت ابو صماخ خفف عصبيتك هاي وعوف ياقوتَ بحالهااا
دَيهم يباوع لـ اشهب ويبتسم له بأستفزاز
حڪيم : دَيهم شنو تكسر كلامي؟ اني مو كتلك ما اريد اشوفك يمنه .
ديهم : عمو روحي يمكم شلون ما اجي
ابابيل : احتررررم عمكك لتحجي كدامه هيج!
حڪيم : اطلع برا
اشرله عل باب تقرب دَيهم يم ابوي وباسه من راسه
ديهم : عمو فدوا لراسك شواي واروح
حڪيم : دَيهم لا تلحح اطلعع
بقى دَيهم يتوسل بأبوي لحد ما قنعه الچلب ماعرف شلون كدر يقنعه صفن عليهم اشهب
اشهب : اروح لغرفتي احسنلي مهزله هاي
راح لغرفته وابوي وراه راح لغرفته هم وهوا يمشي كال لـ ديهم
حڪيم :بس اطلع ماريد اشوفك هنا
ديهم : اغديلك فدوا عمو
باوعلي ويبتسم رجع عكد حواجبه وتقربلي كدام امي و شيلاء
ديهم : تنكسر ايده النذل شمسوي بيج؟
تقربلي اكثر ولمس وجهي بأيديه ومركز وجهه بوجهي يتأمل مكان الضربات باوعتلنه امي صفح عوجت حلكها علينا مو راضيه عافتنه ولحگت ابوي همس بخفوت
ديهم : عندج تعقيم وقطن؟ .
ياقوت : اي بغرفتي
ــ وبلاستر؟
ــ هم عندي
ــ امشي اعقملج جروح وجهج
ــ دَيهم رووح هس …قاطعني وكال
ديهم : ما اروح الا اشوفج صرتي زينه
جرني من ايدي وصعدنه لغرفتي دخلنه بالغرفه وسد الباب وقفله
ديهم : كواد من اهلج ما اريد اشوف
ياقوت : دَيهم ابوي ميقبل هيج
راح يدور بالجرارات
ديهم ; وين ضامتهن هنا لو هنا؟
ــ بالجراره الجوا
فتحها ولكاهن طلع علبة الاسعاف الاولية ورجع اخذني من ايدي وكعدني عل جربايه
ــ دَيهم مابيه شي بس وجهي مورم عادي
ــ اش ولا حرف شلون مابيج بووويه وجهج متعوب طلع التعقيم وكعد يعقم بوجهي وكل تركيزه بجروح وجهي لمح الدم بحلكي وسع عيونه
ديهم : شبي حلكج؟
ياقوت : اتقيئت دم!
ديهم : شسوالج هذا العاررر؟؟
خزرني واني ساكته رجع كال بنتره
ديهم : ياقوتَ لا تضمين عليه شي احجيلي كلشي ولتخافين!
ــ اخاف عليك منهم دَيهم ذولي مجرمين متعرفهم
ــ تخافين عليه وانا صقر الحُـر؟
دنگ باس چف ايدي رجع باوع بوجهي اكو جرح بخدي وبخشمي خله قطن ولزك البلاستر عل جروح ديهم ; وهسه خلصنا
ابتسمت بوجهه
قدملي شفـايفـه وكال
ــ يلااا بوسينيي
ياقوت : ماريد
كال بتوسل
ــ حبابه
اتقربت بسته بخده وشفتي لاحت شاربه
ديهم : چؤ ياقوتي مو هنا
ــ وين لعد
ــ هنا
اشرلي على شفايفه اتقربت له وبسته بشفته ببرود وابتعدت عنه لزم راسي بأيده وسحبني اله بقووه واخذ شفايفي بين شفايفه حسيت بدن يوجعني
ديهم : هييج شمعتي هييج بوسيني هيييييجج
ياقوت : لا ما
كال وهوا يچتف ايدي بأيده
ديهم : بوسيييي لا اموووتچ بوسينيي
ياقوت : حبابب اشش هسه يسمعونه
ــ خلهم يسمعون انا مستحي خايف؟
حلالي انتِ لتخافين
فزيت على صوت الباب يندك
ياقوت : منو
ابابيل : اني افتحووو البااااب
ياقوت : دَيهم امي
گمت اريد افتح الباب لزم ايدي
ديهم : بوسيي
ياقوت : دَيهم بعدين خليني افتح الباب
ديهم : بوسييي واخليج
يايمه هذا مسودن راح يجلطني نزلت يمه وبسته شلعت شفته شلع
ديهم : ايي هيييج شمعتي برديييي گلبي
دفعته ورحت فتحت الباب لـ امي تخوصرت بالباب ابابيل : شعدنه هنا عرسان؟
ديهم : عمه شلونج
رجعت باوعتلي بدون ماترد علي
ابابيل : ياقوتَ عدلو تصرفاتكم اني ما اقبل ينفرد بيج وبعده ما ماخذج
كام ديهم وتقرب يمنه وگاللها
ديهم :عمه …
ابابيل : لا تضل طاب طالع
ديهم : عمه بنياتي يمكم ما اكدر ما اجي واشوفها وسعت عيوني مصدومه من سوالفه الچلب گرصته بأيده
ابابيل : لا تجي هواااي يلا صارلكم ٤ ايام من خطبتووو مو يوميه جاي اطلع ديهم
عافتنه ومشت
ياقوت : دَيهم عزا بعينكك شلون تحجي هيج كدام امي؟؟
ديهم : شحجيت
ياقوت : احترمهااا
ديهم : خل تحترمني هيه اول وانا بعدين!
تقربلي باسني بخدي حييل هيه بوسه وهيه شمه
ديهم : اووفف شمامه الخدد شمامهه اشتعلوو اهلك ديهووم .
ياقوت : ديهمم عوفنييي بشرررفك
ديهم : تحلميييين
ياقوت : روووح امي متقبل
ابتسم وضل يغني و يطگ بأصبعه :
دَيهم :
حَبيبي امك متقبل من احاجيك!
روحي معلگه بيك
وامي مفرعه تدعي ربي يهديك
روحي معلگه بيك
تقربلي يضحك ويتبوسم عدل شواربه وهوا يتقربلي يتمايل بجسمه
دَيهم :
امك طاغية يا زين الاوصاف تتباهى بجمالك
وخالاتك عليك تغار وتخاف حتى من خيالك
وعماتك يلقبنك يـ شفاف بالنسبه لدلالك
خجلت وهوا يغنيها لگيت روحي اضحك وابتسم وخدودي حمرر يمااايي نوب بعد مايسكتت
ديهم :
وانا الراح القبنك واسميك
روحي معلگه بيك
حبيبي امك متقبل من احاجيك اخخخ يمهه
باسني من خديي حيل وكال
ديهم : خررررب امججج الچلبه
ياقوت : ديههمممم خدييييي
ديهم : اغديله فدوا
ياقوت : ما احب احد يبوسه؟
باسني بشفايفي وضحك
ديهم : مناااا تمام ؟
ياقوت : مااا ديهممم
ديهم : هييييججج بوسينييي نفس مابستجج لا تعاندييين اموتججج
ياقوت : صارر بس روووح حباب .
اباوع لـ اصابعه كلها دم من حلكه لـ اشهب اجاه اتصال وهوَ طالع من يمي وراح لـ بيتهم يسولف ومندمج
اليوم الثاني .
كاعده بالحديقه العصر ورن تلفوني ريماس تتصل بيه جاوبتها
ريماس : هلا ريمو شلونج
كالت وهيه تبجي
ــ ياقوووت اجت الشرطه اعتقلت دَيهمم
اخترعت من كلامها وفزيت وكفت بطولي
ياقوت : شنوووو؟؟
ــ اعتقلووو دَيهم اخوياا غااح بيها ياقوووت
ياقوت : اصبري بالهداوه فهميني! ليش اعتقلووه شمسوي هو؟؟
ــ عليه شكوى اعتداء بالضرب والله هوَ مياذي احد بريئ
اجه بالي اشهب عرفته هوَ المشتكي!
ياقوت : شواي واخابرج
سديت الخط وصعدت لـ اشهب لغرفته ضربت الباب بقووه
ياقوت : وينكك حيوااان شلون تشتكي على دَيهم افتحح الباااب جاي احجي ويااااك
فتح الباب ونتر بعصبيه
اشهب : اررريده يعفن بالسجوون ارريد اكسر ضهرج عليه شتردين تسوين مثلاً اني اريد اشتكي واريد اسجنه لأن اعتده عليه بالضرب
ابتسمت بوجهه بخبث وگتله
ياقوت : انت هم اعتديت عليه بالضرب
تغيرت تعابير وجهه الخوف بعيونه
اشهب : تنطين بأخوج علمود واحد عار؟
ياقوت : خطيبي لو جان عار ما انطي بي
تمشييي كدااامي تتنااازل اشههب
ع صرختي التموو اهلي امي وشيلاء ومرت نوار
ــ شبيكم
ياقوت : لحد يدخل اليدخل يعتبر نفسه ويا اشهب يعفن بالسجن ها شهوبي شگلت تتنازل؟
اشهب : ما اتنازل وروحي سوي التريدي
ابابيل : ها تردين تضيعين مستقبل اخوانج علموده؟
تجاهلت كلامها وهزيتله راسي بتمام والغضب بعيوني وطلعت وعفتهم اسمعهم يدردمون ماعرف شيحجون بس اكيد عليه يحجون لبست عبايتي طلعت برا ادور سيارة توصلني وگفت اول سيارة مرت من يمي السايق شايب كبير بالعمر
ياقوت : عمو اريد اروح لمركز الديره
ــ اصعدي بنيتي
وصلت المركز لكيت عقيد
ياقوت : عمو اريد اقدم شكوى ضد اخوي
وسع عيونه بصدمه
ــ ضد اخوج عمو؟
ــ اي عمو مثل ماسمعت ضد اخوي
ــ ليش؟
ــ يضربني وهاي اثار الضرب واضحه بوجهي
ــ سوي تقرير بالأول وارجعيلي
رحت سويت تقرير طبي شايله فلوس وكفني وزياده كملت التقرير ورجعته للمركز وبقوو يراجعوو
ــ انتظري نص ساعه يكمل
رن تلفوني ريماس تتصل جاوبتها
ياقوت : حبيبتي لتخافين ديهم يطلع ميبقى بالسجن ثقي بيه
ريماس : ياقوت رحت شفت ديهم ويكول مشتاقلج ويكول العين بلا شوفتها ماتسوى النظر
ياقوت : يايمه يبعد روحي هوَ كليله ياقوتَ متخليك تحتاج لـ شكو واحد كواد
ريماس : الشرطه كالو بس يصيرلوو ٣ ايام يصير نطلعو بكفالة
ياقوت : وگلبي ينطيني اعوفه ٣ ايام بالسجن
دَيهمي مدلل روحي اذا تمسه شعره تخدش گلبي
سديت الخط منها
ثاني يوم
اجه عليه ابوي بالليل ودگ الباب ودخل
حڪيم :ياقوت شلون ترفعين دعوه ضد اخوج؟
ياقوت : خل يتنازل عن ديهم واني اتنازل عنه
تقرب يمي ونتر بعصبيه
حڪيم : تضيعين اخوج علموده ياقوووت؟؟
ياقوت : ياااابه هذا خطيبي وعن قريب زوجي وابو بيتي شلووون انطي بي محد الي غيره هو احتواني بوكت كلكم تهينون بيه وتضربوني وتأذوني بابا هوا يسمعني من اريد اشتكي وافضفض وابجي وانتو بالجذب ماكلفتو انفسكم بيوم تسألوني بشنو احس او شلون عايشه او مرتاحه لو لا؟؟ لا تلومني اذا قسى گلبي على اخواني وعليكم انتوو جبرتوني اصير هيج جبرتووو گلبي يصير حجر
صافن بوجهي مصدوم من سوالفي عافني وطلع رجعت لوعيي انصدمت من نفسي شلون اتجرأت انفجر واحجي هيج ويا ابويه دخلت عليه شيلاء
شيلاء : لو اني مكان اشهب اخلي يعفن بالسجن وما اتنازل
ياقوت : چن هيه بكيفج ميتنازل؟ حبيبتي اشهب مثل الچلب يتنازل مو بمزاجه
شيلاء : لا ميفيد بيج الحجي اروح اصيح لـ نوار عليج احسن
كالت كلامها وهيه طالعه
ياقوت : جيبي ابو نوار هم ماعاد اخاف
من طلعت من يمي شويه سمعت صوت عياط اجه من غرفة نوار ومرته ركضت مفزوعه اشوف شبيهم
وانصدمت من الشفته!
نوار لازم شيلاء ويكتل بيها ومهلس شعرها كله وجهه احمر من الكتل وملابسها مشگگه
شيلاء : نوااار عووفنيي هيه غلطه وبعددد متنعااااد واللهه عوفنييي بغلات ابنك
نوار : اني تسوووين بيه هيج شيلاااء تصاحبين صاحبي وتحبي وتنزلين راسي كداااامه لجج اخخخخ
مستمر يضرب بيها وهوا اصلاً حاله تعبان من الكتله الاكلها بس ما ادري منين اجته القوة شفتهم بهذا المنظر ركضت احجز بينهم وادفع بـ نوار عنها
ياقوت : نوااار عليكك اللهه لاااااا لا تمد ايدكك عليهااا نواااار اختيييي لا تموووتهااا
بنصهم امنعه يضربها اكلت كم ضربه من عنده واني ادافعلها امنع بي ومستمر يضرب بيها ويسبها طفرت روحي وصرخت بي
ياقوت : لا تضررربهاااا والله اشتكي عليككك واشمررركك بالسجن حيوااااان هيه مو لعبة بأيدك تضرررربهاا
شيلاء خاتله وراي ومحتميه بيه وامي تبجي
ابابيل : بيتي انهجم اني ولدي وبناتي تخبلووو
مرت نوار واكفه تتفرج و اشهب اجه انطانه نضره ورااح
نوار : اي علميهاااا لـ اختج وكوي عينها علينا بس هاي بقت ماسويتيها ماخليتي شي بنفسج
لزمني يريد يدفعني
ياقوت : بس تلمسني او تلمسهاا والله ومن ثم والله تلكه نفسك بالسجن حالك حال اخييك
وسع عيونه عليه مصدوم
نوار : گوت عينج ياقووووت احتميتي بهذا العار دَيهم
ياقوت : يسواا راسكك لا تجيب طاريه على لسانك تقرب يمي ودمه يفور يريد يضربني خليت ايديه على وجهي امنعه
ياقوت : حذرررتك نواااار والله اخليك تعفن بالسجن تراجع عني واني انطق الكلام نفرر خشمه بعصبيه
نوار : اخخخ
ضرب الحايط بأيده وطب لغرفته شيلاء مشموره بالكاع تبجي والخوف بعيونها وشعرها كله مهلس بالكاع وامي تبچي وكاعده عل درج وحالتها حاله رحت يم شيلاء دنكت رفعتها من الكاع واخذتها لغرفتها
ياقوت : لتخافين حبيبتي خيولي هذا عار وجبان مراجله يطلعهن عل نسوان مابي خير طايح حض خيولي
هزتلي راسها بـ اي وتبجي وتناشغ خايفه جبت المشط مشطتلها شعرها والخوف بعده بعيونها
ياقوت : شوشايتي عادي انام يمج اليوم؟
شيلاء : عادي
ياقوت : اليوم نسهررر ونسووولف مثل قبل؟
شيلاء : اي اريد افضفض روحي طافره
ــ يلا كومي بدلي وتعاي نسولف واحجيلج شسويت بأشهب اليوم ههههه
شيلاء : غير خرط العافيه الرجال
ياقوت : ما يجون الا بالعين الحمره
الضحكه انرسمت على وجهه حسيت روحي ردتلي احبها لو شما تسوي وياي حبيبة روحي هاي.
راحت بدلت ورجعت
ــ ياقوت سؤال؟
ــ جواب؟
ــ صدك دَيهم باگج بوگ غصب عنج ؟؟
ياقوت : اذا احجيلج راح تصدكيني؟
ــ اي اصدكج لان محد غيرج يدافعلي ويحبني
ياقوت : وغلات عيونج مارحت وياه برضاتي هوا تسودن واجته الحاله وصار سايكوو وطفرلي من الحديقه واخذني ولو اعرف يريد يخطفني ما اطلعله
تقربت يمي ولزمت ايدي
ــ اثق بيج بدون ماتبررين واني اسفه لأن قسيت وياج وعاملتج بقساوه
ياقوت : عادي ولا يهمج المهم هسه فهمتيني وعرفتي وضعي
بقينه نسولف لل٤ الفجر لحد ما تعبنا ونمنه والصبح اجه التبليغ على اشهب اجوو الشرطه وبلغوو باجر لازم يحضر واني حاولت اروح لـ دَيهم بس ما اندل بيتهم اعرفهم بتكريت وبس ماعرف بأي منطقه كلشي ما اعرف بقيت متجمده بمكاني بس احرك بروحي اجاني اشهب وانا بغرفتي
اشهب : ياقووت تمشين تتنازلين عني هسه
ياقوت : تنازل عن دَيهم بالأول واني اتنازل عنك
اشهب : موافق بس هسه تمشين وياي تتنازلين
ياقوت : اشوف تنازلك بعدين انا اتنازل
اشهب : هاهيه متفقين
لبست عباتي ورحت اني وياه هو تنازل عن دَيهم واني تنازلت عنه وانتهى الموضوع
ــ ديهم ـ
رجعت للبيت من السجن ولگيت ابوي بوجهي ينتظرني
غـيدان : ماتخلص طلايبك مو گلت بس تخطبوهااا اليه بعد ما اسوي اي مشكله؟ شلووون بيك دَيهم راح تجلطني
ديهم : يابههه اخوها يضربها وتريدني اسكت؟ والله اطررره بالنص
غـيدان : عجل خليك يوميه داااخل سجن من وراهاااا غاح تضيع حالك دَيههمم! تذكر كلامي
ديهم : اضيع عمري كله لأجل ضحكتها ياب احبها ما اتحمل احد يأذيها والله
اجت امي وضمتني والدموع بعينها
ــ يمهه ابني ايمتى طلعت من السجن؟
ديهم : توا طلعوني اخوها الكوااد تنازل
ــ يا يمه لا تورط حالك بهيج امور هيه واخوها تنجاز ديهم : يمهه شلوون ما اتدخل شنو نسيتووو هيه مرتي ترا مو غريبه عنكم المفروض انتو هسه توكفولها
ــ يا يمهه بعدهي ما اجت چنه لـ بيتنا من تجي نحطها بعيوناا
ديهم : يا يممهه والله ليأذيها اخذ روحه لو اعرف روحي انحكم مؤبد تعرفوني خبل ميحتاج احجيلكم غـيدان : دَيهم حضرر ملابسك وغراضك ومنا لليل ما اغيد اشوفك بالبيت
ديهم : ليش بويه؟
ــ تترك البيت وتذلف من هنانه انا ما اكدر اتقبلك ببيتي بعد السويتوو بعد مابگتني وشردت وياها وانا معاهد نفسي بس ترجع انت وياها اطردك ومثل الچلب تروح تكون حالك وحدك وتاخذها انا ما اخذها الك
ديهم : ياب بلال عادي تزوجه من فلوسك وتصرف عليه هوا ومرته بس انا وياقوت لا شهل تفرقه القذرررة
تقرب يمي نترر بوجهي
غـيدان : دَيهههمم لم ملابسك واطلع ما اغيد اشوفك خلقتك اغيد العوز يكتلك اغيد امرمرك مثل ما مرمرتني وذليتني كدام ابوها
ــ ماشي ياب هذا اخر كلامك عندك؟ سهله سهله يعني شتشوف دَيهم ميدبرهااا؟؟ ولكم انا خليتكم غصب عنكم تخطبوها الي زواج ما اكدر اتزوجها والله لأخذهاا وعيونكم تشوف
غـيدان : اطلععع براا دَيهم روووح كووون حاالك واخذها انا ما ازوجك ولا مستعد اصرف عليك
ديهم : وانا ما اريد من جيبك مرتي ماريدها تعيش على منيه احد هم تبقون تعايروها بالفلوس التصرفوها عليها .
طلعت خابرت صاحبي
ديهم : مُنير تكدر تجي تاخذني؟
ــ وين انت؟
ديهم : بيتنا
ــ ليش وين سيارتك
ديهم : تعال واحجيلك
ــ هسه جايك
سديت الخط ورجعت اتصلت بـ ياقوت
ديهم: حبيبي وينج
ــ بالبيت
ــ رايد اشوفج راح اجي
ــ لااا حباب لا تجي
ــ شلوون شغله بويه حتى ليريد يشوف مرته ميخلووه
ــ تعال بس لا تجي كدامهم تعال من الشباك
ــ يعني الشباك مانعوفه؟
ــ هذا كل البركه بي شلون تعوفه هههههه
ــ والله هذا استفاديت منه اكثر من ما استفاديت من اهلي
ــ دَيهم
ــ عيونه
ــ خما ضربووك بالسجن واذووك؟
ــ لو احد لمس شعره مني جان هسه انا ما احجي وياج
ــ لا يممه اسم الله عليك يا امي
ــ اوف اوف يا امي هاي منين تعلمتيها؟
ــ ههههه منك
ــ شحلاتها بحلكج عيديها عيديهااا
ــ يا امي
وهيه تكولها احس اررريد اطيرر كلام هل مخلوقة يعيشني بعالم ثاني هيج ودي اكمز عليها من التلفون واكرطها اجه صاحبي وصوت الهورن يدگ برا اجت ريماس بأيدها جنطتي وملابسي وشاحنتي والايربود
ريماس : خويا ذني ملابسك وابقى خابرني لا تگطع
ــ ان شاء الله حبيبتي وديري بالج على امي وخواتج كلهن لا تطلعن اكعدن بالبيت فتره وراجع واذا مارجعت واستقريت واخذت ياقوت اجي و ان شاء الله بأيدي طفل يصيحج عمه
ريماس :ان شاء الله
حضنتني تبجي ودعتني ورحت لصاحبي صعدت بسياره
ديهم : ها الحب شلونك
مُنير : ع الخير الخطوبه خالي
ديهم : يوم الك
مُنير : لا تكول لا تحجي حتى نكوم بالواجب
ديهم : والله كلشي صار بسرعه لان اهلها مايقبلون لا حفلات ولا هوسه
ــ ان شاء الله خير وانت مرتاح وياها؟
ــ اموت بالتراب التمشي عليه هيه منيري شدتحجيي انتتت اتسودن اذا يوم ما اشوفها وهسه توديني عليها قبل لا اروح
ــ وين تروح؟
ــ ابوي طردني ماتشوفني حتى السيارة ما اخذتها لان هوا اشتراها الي ماريده يعايرني بيها بعدين
ــ ووين راح تعيش وشلون ادبر عيشتك
ــ معليك بس شغل اخذني لـ بيت اهلها لـ ياقوتَ
لگيت شيلاء بالحديقه اجت بأتجاهي وصاحبي كاعد بسيارة
شيلاء : ها نسيبي شلونك
ابتسمت بوجهي صفنت عليها مستغرب سبحان الغير حالها هاي شبيها
ديهم : تكدرين تصيحيلي ياقوتَ
شيلاء : اي هسه اصيحها رجعت كالت تدري؟
ــ شنو
ــ احسد ياقوتَ على حبك الها
ــ قل اعوذ برب الفلق من شر حاسداً اذا حسد
تفلت بالكاع ضحكت
شيلااء : والله العظيم تحتاجون ايات قرانيه على هذا الحب دربالكم لحد يحسدكم
عافتني وراحت تصيحها وهيه تمشي كتلها
ديهم : صيحيلي ياقوت بسااااع كليلها دَيهم مستعجل
ــ اييي ايي فهمت
*****
شيلاء : ياقوت دَيهم يصيحج برا ومستعجل
ــ ماكلج شرايد؟
غمزتلي وكالت
شيلاء : رايدج
كفختها على ضهرها من مرت يمي
ــ انجبي لا تتعلمين على هل سوالف
اسمع صوت ضحكتها واني طالعه
فتحت الباب باوعتله واگف باب الحديقه ومخلي ايديه بجيوبه وجكارته بحلكه وعاگد حواجبه عرفت بي شي نسيت اخلي شال ع راسي وطلعت له
ياقوت : ها حبيبي خما اكو شي
التفتت وتعابير الغضب انرسمت على وجهه
لمحت صاحبه بالسيارة ورا
ديهم : بتتت الچلب شعرررججج
جرني من ايدي وهو يتلفت لصاحبه يريد يشوفه خما شافني اخذني بصف الحايط ونتر بعصبيه
ديهم : ياقووووتتت ترا اكو شي اسمه نعال شاااال
ياقوت : دَيهم والله ما ادري احد وياك
ديهم : ياقووتت لا تجلطينييي جايتني ناثررههه الشعررر ويلمعع مثلل الذههب ع الشمس
هذا يغااار يا يمهه شو عجبني الوضع حبيت غيرته ياقوت : حبيبي واذا صاحبك شنو يعني؟
دفعني بأيده بصدري
ديهم : ياقووووتتت تررردين ادفنجج؟ شهل كلااام هذااا شنو واذاااا اباوع لعيونه يجدحن من العصبيه شواي ويدفني من صدك
ياقوت : حبيبي وخررر عفيه مالي خلك اريد اروح
ديهم : ياقوووت تستفزينييي وين تردين تروحييين صاحبي كداااام الباااااب
على صوته وهوو يحجي باوعتلنه امي من الباب هزت راسها مو راضيه وراحت
گال بعصبيه وصوته انخفض
ديهم : تعرفين الفتحة السادسة وين صايرة ؟
ياقوت : بـ وادي السلام
ديهم : ادفنجججج بيهاااا اذا مره ثانيه تطلعين برااا هييج ودشداشتجج هاااي بعد لا تلبسيهاااا
ياقوت : شبيها يمعووود اني ما اطلع على احد
ديهم : ردانهاا گصاااارر وحتى لو ماتطلعين على احد اخواااانج وياااج بالبيت!!
انصدمت من كلامه يغار من اخواني يمهه فدوه
ياقوت : دَيهم اخوااني تراا
ضربني على زندي
ديهم : وزنودجج الطالعه ست الحسن؟ وحق خالع باب خيبر ادفنج اذا ماتجرين عدل لا تشوفيني احبج وتكولين استغله ترا انا مسودن تدريني
اباوعله يحد بأسنانه من العصبيه ملامح الزعل بوجهي
ياقوت : اوك اسوي التريده بس انت دزيت عليه شتريد
شمر جكارته وطلع الثانيه يورثها وايديه ترجف ونضره متشتت
ديهم : اجيت اشوفج بس انت چلبه بنت چلب تخليني افقد اعصابي واتخبل
ــ دَيهم خفف عصبيه راح تنجلط
ــ ماكو احد راح يجلطني غيرررج بس لا تعاندين
ــ شلونهم وياج؟
ــ زينين
ــ غصب عنهم
ياقوت : ديهم كول شتريد قبل ليجون!
ــ اريدچ بنت الچلب
ياقوت : بشرررفك احجي لا تتلوك زايد
همس وهوا ينفخ دخان الجكاره بوجهي
ــ راايح
كحيت. ختنكت من الدخان
ياقوت : ثولتني ثول
ــ راايح واحتمال ما ارجع
وسعت عيوني مصدومه من كلامه
ياقوت : شلووون ماترجع دَيهممم
ــ ابوي الكواد طردني من البيت
ياقوت : لأن خطبتني غصب عنهم؟ وهما ماراضين
ديهم : طبهم مررض فوك مررض يعرفوني ما انجرع ليش يعاندوني لو موافقين اخذج جان ما خطفتج وشردت بس جبرونيي
ياقوت : دَيهم والله غلط هيج سويت والناس راح تبقى تعايرنه والي بالاخص
گرصني من خدي وهوا يگول
ديهم : انتِ الصح الوحيد بـ اغلاطي كلها احرك عشيرتي لأجل عيونج الجُمار هاي مو بس اوكف بوجه اهلي
ــ دَيهم خبالك راح يضيعنا
ــ انا ضعت بحبج وتورطت وكملت
ــ ها ورطه؟؟
ــ اجمل ورطه
تقربلي وباسني بخدي شيلاء كاعده بالحديقه تباوع علينا ضربته بأيده
ياقوت : ديهمم شيلاااء
ديهم : هيه ماتستحي شسويلها
ــ دَيهم يعني صدك راح تروح؟
ــ والله رايح واجيت اشوفج وابلغج واروح ادور على شغل ابوي تبره مني يكول حتى بيتي ماريدكم
ياقوت : اسفه دَيهم
مسح على خدي بأصابعه وكال
ديهم : لا يا امي لا
ياقوت : كل اللي ديصير وياك لأن ما مشيت بشورهم راح اتعبك دَيهم
ــ تعبج راحة لـ گلبي انا احبچ شمعتي لا تضنين اتحسف بيوم لأم اختاريتج من بين بنات الناس كلها ينطق كلماته ومركز بعيوني
ديهم : انا حبيت روحج الطفوليه حبيت تصرفاتج الطايشه حبيت وكاحتج ولسانج الي يلعلع وما يسكت من يحجي حبيت البرائة اللي بعيونج جُمارتي مسح دموعي بأيده وهمس
ديهم : اوعديني متعيدين هذا الكلام كدامي مره ثانيه
هزيت له راسي بـ اي انرسمت ملامح التلاعب بوجهه وهوا يگول
ديهم : بس بوسه
حول نضره على شفايفي وبدأ يقترب مني
ياقوت : دَيهم احنا بالحديقه ترا مو بالغرفة
ــ بوووسيينيي ياقووووت بوسينييي
ــ ما والله ما
ــ تبوسييين لو انااا ابوس؟
ــ انچب ولييي منا
مشيت من يمه اريد اروح جرني من ايدي وطبع بوسه بشفتي بقوووه صحت بي
ياقوت : دَيههممم
حولت انضاري لـ شيلاء مغطيه وجها والضحكه شاكه حلكهااا
ديهم : ياقووووت هيييج بوسييي برررردي گلبي بنت الچلب
ــ روووح امااانه
ــ رجليه ماطاوعني ارووح واعوف الترافة هاي كلها وراااي
غم روحه وهو يگول
ديهم : عمت عينك دَيهم اذا رحت
مشيت متجاهله كلامه اريد اروح رجع سحبني
ديهم : خل نكعد هنا شويه
مُنير : دَيهمممم امشي ماضل وكت
ديهم : شوااي ميرروو شواااي
جرني وكعدني بالكاع يمه يشرب بجكارته وبقى يسولف ماخله موضوع ما فتحه سطرني سطر بس سوالفه حلوه الجلب.
كملنه سوالف وصاحبه خطيه صوته انبح وهو يصيح وكف بطوله
ديهم : وليدي انا رايح خاف يصير شي بيه ابريني الذمة
ياقوت : دَيهم احس انت متريد ترجع بعد
ديهم : وشلون اعوفج وراي هيج تتخيلين اسويها؟
ياقوت : لا
ديهم : خلاص وليدي لا تنقهر انا اجي اشوفك كل فتره
ياقوت : بس بالك ع نفسك دَيهم وو خابرني لا تگطع الاتصال بيه .
ديهم : دَيهم يموت اذا ما يسمع صوتج
ــ اسم الله على طوله يبعد طولي
ديهم. يابوويه راح اكتلل روحييي حتى تخافين عليه هيج
ــ خلاص ديهمم صاحبك فطس وهو يصيح
تقرب يمي يريد يبوسني اجانه صوت شيلاء
شيلاء : احم احمم
حول انضارة الها خزرها وكال
ديهم : شبيج مثل الضره التغار ع زوجها من مرته الاولى
شيلاء : هههههه نتعلم منكم خويه
ديهم : واكفه يمنا ما تنشعلين مو شعلتي لگلبي
بت الچلب اخيس من اخوانها
ماكدرت الزم ضحكتي وضحكت بعالي صوتي
ديهم : هيي هييي ضحكتججج لا تضحكيييين هيج بعد
ــ شبييك ديهم هيه ضحكه
تقرب يبتسم ويلعب بشواربه همس
ديهم : احبج ام عيون الجُمارة
ياقوت : اهيم بشواربك ابو شوارب
ضحكت وعفته ومشيت بقى يباوعلي والضحكه شاكه حلكه طلع وصعد بسياره وحركو .
ـ ديهم ـ
ديهم : مُنير اطلع للرمادي
ــ ها
ديهم : شنو ماتسمع كتلك للرمادي
ــ دَيهم شتسوي بالرمادي استقر هنا بتكريت
ديهم : لااا ما اريد هنا معارفي كلها بالرمادي مابلغت ياقوت لأن تخاف عليه ويضل بالها فـ كتلها هنا بتكريت ما ابعد
ــ براحتك خويي بس راح اشتاقلك والله
ديهم : حبيبي امرك ما اطول
طلعت جكاره وقدمتله ورثنه جكايرنه واحنا نسولف مُنير : شخبار سارة
ديهم : صارت من الماضي .
ــ لحد هسه تراسل امير تسأل عنك وتكول ما اعوفه
ديهم : اذا جبتها بطريقي مثل امير راسك افرمه
ــ معليه ما ادخل
ديهم : سارة ما حبتني صدك ما ضحت لأجلي ما صبرت عليه مو مثل ياقوتَ ياقوتَ ماتشتكي ماتتذمر تريد بس گربي يمه كلشي متريد من اكون وياها كلشي ما اريد من الدنيا حُب ياقوتَ خلاني اشوف الدنيا بعمري ماحسيت هيج ولو 1000سارة متعوضني عن شمعتي
ــ اخوي انت متسودن بيها
ديهم : اي اي تسودنت لككك كاموو يصيحوني الحرامي بسببها بس ما يهمني انا المهم فزت بيها كسرت خشوم اهلها واهلي وخليتهم امام امر الواقع وخليتهم يتقبلون علاقتنه غصب
انا اول مره اسوي غلط واشوفه رب الصح وبعمري ماراح اتندم من خطفتها ما اتخيل حياتي بلياها انا اضييع بدونهاا
مُنير : سارة تكول لو اعرف اطگه بسحر وما اخلي لغيري .
ديهم : هههههههههه 100سحر ما يبعدني عن ياقوتَ عزيز روحي هيه
وصلنه الرمادي لكيت مكان واستقريت وابو المطعم صاحبي بسرعه شغلني بالمطعم وانا دا اشوي بالدجاج لمحت سارة جايه للمطعم عرفته الساقط مُنيررر ماضم السالفه وكال لـأمير ديهم اجه للرمادي وهاي على كلامهم اجت
دخلت للمطعم ما شافتني كملت الدجاجه واخذتها اجهزها ولمحتني مريت من يمها خابرت امير
أميـر : والله هيه تلح شسوي
ديهم : تاكل خرا وتنجب انا رجال خاطب لا تكفرررنيي .
امير : انت متحس هيه تحبك ومامتخطيه لهسه
ديهم : وطبهااا مرض واذا ماتخطت انا تخطيت ونسيت خلها تنسى .
ــ والله مادري تفاهموو
ــ اي انت ابقى تفاهمو وتفاهموو على شنو نتفاهم لا تخبلنييي!
ــ وليي مالي خلك
ــ انجب وسد حلكك مره ثانيه لا تجيب لي هيج مصايب
عفت الدجاجه وتوجهت اريد اطلع من المطعم
سارة : ها دَيهم شلونك اخبارك
حجيت وانا ماشي
ديهم : بخير
سارة : اوكف خل اعزمك على ستكان جاي
ديهم : مستعجل والله
سارة : عادي اني اجي اتمشى وياك
لزكت غوحها بيه وبقت كل الطريق تحجي وياي اجاوبها بس بالمختصر ماعندي ميانه وياها
سارة : شلونك ويا خطيبك
ديهم : مداريتني مثل الماي بالصينيه تموت عليه
سارة : واهلك يحبوها
ديهم : ما يهموني انا تهمني هيه وبس
سارة : هممم دَيهم
ديهم : اتفضلي
سارة : ماتحن لأيامنه
ــ بصراحة؟
ــ اي
ــ ولا تمرين على بالي ولا اتفطن عليج
ــ هيج كلبك كرهني؟
ــ مو كره بس البيناتنه مات وانتهى وانتِ ماوكفتي بوجه اهلج لأجلي فـ عيفتج احسن اليه
ــ بس اني مانسيتك دَيهم مانسيتك ولا يوم من عفتك لهسه
ــ انسي هسه اغيد اغيح اترخص منج
سارة : هيج ماتتقبلني بحياتك
ديهم : عندي اميرة بحياتي ما ابدلها بألف حرمه لو يگطعوني تگطع وانتِ بنيه ماناقصج شي تكدرين تشوفين حياتج بس انا غيحي كلها يمها لا لا مو بس يمها هيه غيحي نفسها هيه النفس الـ ما اكدر بدونوو رن تلفوني ياقوتَ تتصل بيه اترخصت من سارة جاوبتها والخوف بصوتها وهيه تكول
ياقوت : دَيهم اشتاقيت لك
لعب گلبي و حَـن الها وهيه تكولها
ــ شمعتي؟
ــ ها
ــ عمري بدونج ضلمه
ــ يبعد حيلي معقولة ماتمرني بعد؟
ــ يبعد غيحي انتِ لا تخافين عليه يا امي
ــ دَيهم گلبي يأذيني
ــ الف اسم الله على گلبك وليدي ليش يأذيك
ــ احس راح يصير شي يبعدني عنك
ــ ما تثق بيه؟
ــ اي اثق
ــ كائن من يكون ما يكدر يبعدني عنك
هجست الابتسامه رجعت انرسمت على وجهه
ديهم : ابويه انت اضحك بعالي صوتك سمعهم لـ بيت شمر هل ضحكة الحلوه .
اجاني بس صوت ضحكتها اخذت گلبي
ياقوت : تصدك حتى اني حبيت اسم بيت شمر ههههه
ــ والله شبيك وليدي يلوگلهم اطلعك بس انت من نصهم ورداية ومزروعه بنص خيسه اوف والله ماترهم وياهم انت النفس مال غيحي
لمحت سارة تتسمع لكلامنه دارت وجهه وانگلعت ايي بس غيحيي سويتي عله بگلبي
ياقوت : لكيت شغل
ــ وليدي لا تخلي بالك يم هيج امور انا احلها لا تفكر بشي انت بس اكل ونام غيح جمالك الساحلني سحل
ــ بس فهمني لگيت
ــ لكيت والله وجاي اشتغل ومستقر ويوميتي كلش زينه
ــ بس بالك ع نفسك دَيهم معليك بأحد ولا تمشي ويا احد متعرفه
ــ هههههه توصيني وانا الحُـر؟
ــ گلبي مامرتاح ينغزني
ــ گلبك مشتاقلي وليدي كلشي مابي
ــ لا صدك ديهم اشتاقيت لك واحس ماعاد اكدر بدونك .
سارة : ديهم ما خلصت؟
الجلبه تقصدت تحجي وياي كدام ياقوتَ حتى تسوي مشاكل بيناتنه سمعتها ياقوتَ وكالت بتوتر
ياقوت : ديهم؟؟؟
ديهم : غيحه
ــ منو يمكك؟؟
ــ معاونتي بالمطعم
ــ العبب العبب اكو معاونات بنات؟
ــ شمعتي ماكو غيرج بگلبي الكواد
ــ ديهم تعوووف شغلكك بسرررعه
ــ حبيبي ماتسوى
ــ تعوووفه لخاطريييي
تخبلت دخيلك ياربي
ديهم : خلاص صارر صار انت بس اهدأ وليدي
ــ اي عفيه خاف تشوفني حبابه لا اني مو حبابه
ديهم : تغارين عليه؟
ــ اييي اغاااار ديهمم اذا تحبني لا تخالط بنات
ديهم : يبعد غيحه لـ ديهم غيحه تغديلج فدواا
سارة تحوس يمي ما ناويه تغيح
ديهم : من رخصتكم انا غايح
عفتها ومشيت يا بووويه ياقوتَ تشگني بالنص اذا سمعت صوتها انوب رجعت احجي ويا شمعتي
ديهم : نوار شلونوو هادئ لو مچلوب؟
ــ زين محترمني مثل الچلب
ديهم : عيفي لا تگربين صوبه هو ينبح من وحدوو ويسكت
ــ لا معليه
ديهم : واذا گرب احد صوبج ولمس شعره منج بس اتصلي بيه .
ياقوت : ديهم بعد ما اكلك شيصير ويايه هم تهد على اخواني وتتورط بدمهم
ــ وشحدج ماتبلغيني باللي يصير والله افرم راسج ضحكت وكالت
ياقوت : ديهم رووح نام مو تعبان؟
ــ شبيج بوويه بس تطردين بيه
بقينه نسولف انا وياها لحد ما وصلت البيت نسيت حالي وكعدت لا سبحت ولا ارتاحيت ولا نمت بقينه ساعات طويله نحجي
ياقوت : حبيبي شنو متسبح كاتلك الوصخ
ــ بنت الجلب الوصخ كتلني من وراج من احجي وياج انسى غيحي تاخذيني لعالم ثاني
فعلاً من اشوفها كبالي ما اسيطر ولا اتمالك نفسي ودي بگلبي اضمهااا وانسى انا بيا مكان وبيا زمان وانسى شنو جنت اغيد اعمل او اسوي ماعرف هاي البنيه منين اجت لعبت بأحوالي دمرتني
صرت انجن اذا ما اسمع صوتها واهجس النفس يضيق اذا ما اشوفها وما اشوف لوجودي معنى اذا ما اسمع رنة ضحكتها بحيث من تضحك تدخل رنة ضحكتها بأذني تخترقني كُلي بوجودها صرت لين انا الجنت ابو راس الحار المحد يكدرلي ولككك ديهم بنيه طولها متر تكدر تلعب بيك هيج سوووده بوجهكك سبحت وشسورت شعري واجيت اغيد انام ويايه ٢ شركاء بالسكن بنفس الغرفة
ــ ديهم باجر اكو سهرة ماتروح؟
ــ سهرة شنو؟
ــ سهرة مليانه حتيت
وسعت عيوني وكتلهم
ــ ولد ال***ه شايفين ديهم يحب هيج اماكن؟
ــ جرب مره والله ماتندم
ــ جؤ ما اوصل ولا اغيد اجرب
كلت كلامي ودرت وجهي للحايط اغيد انام اليوم
نمت بعد تفكير بمستقبلنا انا وشمعتي …
اليوم الثاني
بنص المطعم وعلينا لود رن تلفوني ابوي يتصل ما جاوبتوو رجعت التلفون بجيبي كال الكابتن
ــ ديهم لا تلتهي بالتلفون ركز بشغلك
ــ بعيني كابتن
وانا اشتغل هجست بدوخه وبديت اشوف الدنيا كلها تدور بيه وكع الاكل من ايدي وتنثر بالكاع لزمت الرف مال الكاشير استند بي على ما تغيح الدوخه شو هاي جاي تزيد لزمت راسي عصرتوو بأيدي شافني الكابتن واصدقائي اجو يركضون بأتجاهي
ديهم : مابيه شي شباب بس شويه تعب من الشغل
ــ ديهم روح ارتاح اذا تحس روحك تعبان
ديهم : لا كابتن مابقى شي غيح نقفل
رجعت لتوازني ورديت اشتغل طبيعي بس اهجس دوخه خفيفه براسي كأنُ شارب لي شي شنو هاي استغفر الله كملت شغل وطلعت للبيت فتحت التلفون لگيت رساله من ابوي
غـيدان : لو تغيح لأخر العالم الا اخليهم يطيحون حضك وماخليك تصير من الاوادم
هذا شنو يمسلت خله يسفط بكيفه اتصلت بـ ياقوتَ بساع جاوبتني بقينه نحجي ساعات طويله بدون ملل بدون ما احس بالوقت شفت الساعه بل ٥ الفجر ديهم : وليدي غاح اغيح للشغل
ياقوت : لااااا حباب خليك ويااايه .
هيه كالت هيج مستحيل اكوللها لا رحت بدلت والتلفون على اذني كملت وطلعت للشغل وهيه وياي عل تلفون وانا امشي بالشارع لمحت شي يخطم بين الاشجار وكأنُ ملاحگني
ديهم : حبيبي خليج وياي ثواني اتقربت للشجرة اشوف منو كفيتها بأيدي وضويت بالتلفون ما شفت احد رجعت امشي طبيعي بالشارع
ديهم : احبج شمعتي
ياقوت : احبك ابو شوارب
اجاني صوت ترس اذني من الصدى مالتو وهوَ يگول ــ گوللها اكرهج ياقوتَ اكرررهججج .
التفتت اشوف منو ماكو احد بس انا وحدي بالشارع استغفر الله كملت طريقي وصدى الصوت يتردد بأذني صوت مُخيف وخشن وشراني
ديهم : مُشمشايتي اذا هسه لزموني وشبعوني كتل شتسوين؟
ياقوت : شأسوي اروح انام
ديهم : افا و دَيهم مو انا الحَبيب؟
ياقوا : لا ما
ديهم : كرري الـ ما بحلكج هايم بيها
ديهم : ماكولها بعد
ديهم : تعاندين بت الجلب اجي انعل والديج
ياقوت : انجب انت ابن الچلب لا تغلط
ديهم : اموت على عمو الخلف لي هيج حاته وانطاها الي
اجاني صوت ضحكتها وتفاعلت وياها
ديهم : لا ما انطاها اخذتها غصب كسرت خشتوو لعموو و نواااار ههههه يابوويه بيوم الخطبه يحد بأسنانوو يريد يفرمني
ياقوت : اكيد سويت شي استفزهم
ديهم : بس كتلهم اذا ياقوتَ بقت يمكم فتره وتطلع حامل
شهكت وكالت
ياقوت : عليك الله؟
ديهم : والخلقچ وابدع بجمالج .
ياقوت : تفف بوجهك ديهمم متعرف تحجي يمه هسه شلون اررريد اواجه ابوي واباوع بعيونه.
قربت اوصل المطعم وجو الرمادي بارد ومخلي اديه بالقمصله والايربود باذني اسمع بصوتها اللي يرد غيحي
دديهم : شمعتي تمنيتج ويايه هسه
ياقوت : ياررريت
ــ بس مو تضلين تبعدين بيه وتدفعيني؟؟ اريد ابوووس بيج براحتي كووون اموتججج بتتت الچلب شكد احبججج اخخخ
اجاني الصوت مره ثانيه نفسوو وهو يحجي والشر بصوتوو
ــ كوووول اكرررهج ياقووووت شيلهااا من گلبك رجعت التفتت مفزوع حسيت اكو اشياء مو طبيعيه لأن انا مو مرتاح من دخت بالمطعم اهجس مو طبيعي انا .
حاولت ما ابين لـ ياقوتَ الديصير وياي
ياقوت : شبيك كل شواي صوتك يختفي؟
ديهم : بنياتي
ياقوت : ها يروحي
ديهم : اريد امشي على طولي وياج
واغور بيج الولاية
واكسر عين كلمن كال
ابد متصيرلك هايه .
وصرررتي الييي كسرت خشموو لأبوووج الكوااد حجت والحسره بصوتها وهيه تكول
ياقوت : دَيهمي اشتعل گلبي بـ نار بدونك!
ديهم : يروحلج فدوة دَيهمج يبعد غيحي انتِ
سمعته تبجي
ــ اشش وليدي امانه لا تكسرين ضهري بدموعج وتجبريني ارجع
كالت بخفووت وهيه تشهك
ــ تمام كتلها
ــ اش جُماراتي لا يتعبن لا تبجين شو دضحكي بشرررفج
ــ دَيهم ماكو ضحكه بروحي شأسوي
ــ هممم غاح احجيلج نكته بس والله اذا ماضحكتي اسنانج اكسرها
ــ يلا يلااا
ديهم : اكو فاره يوميه تدخل للمطبخ تاكل الشكر ابو البيت لزمها كسر سنونها كاللها هسه شلون تاكلين الشكر الفاره كلتلو عادي امث مث هههههه
ما حسيت الا ضحكتهاا شگت اذاني من قوتهااا
ياقوت : شنو امث مث شقصدك دَيهم
ديهم : تعرفين تمثين؟
ياقوت : انچب الساقط
واحنا نسولف ونضحك وصلت المطعم لگيت محد مفتحوو انا دائما اجي قبلهم اسوي صلصه للدجاج وتتبيله فتحت قفل الباب اول مادخلت طفت الكهرباء باوعت للمحلات اللي يمنا كلهم عدهم كهرباء توجهت للجوزه اريد اعيدها لمحت خيال بنية مر من جهة اليسرى لمحتوو بطرف عيني التفتت بسرعه وعيوني مركزهن اريد بس اعرف منو كتمت انفاسي اتهجس بخطوات رجليه
ديهم : وليدي بس اعيد الجوزه وارجعلك
سديت الخط اتبعت الخيال لمحتوو غايح بأتجاه المطعم دخلت للمطعم ونسيت اعيد الجوزة والمنظر الشفتوو بداخل المطعم قشعرلي بدني …
يتــبع ….
▭𝅼▬࣪▭𝅼▬࣪▭𝅼▬࣪▭𝅼▬࣪▭𝅼▬࣪▭
هلاو ذيباتي شلونجن
قناة تلي :https://t.me/
البارحه مانزلت بارت لان جنت مريضه وبعدني مريضه بس لان هواي بنات يراسلني علبارت انجبرت اكتب
انا يوميه انزل بارت بس هسه راح اضل بين يوم ويوم علمود ااطول البارت واحبكمم
بعدين اذا جنتي مامشتركه بقناة التلي لاتجين وتڪولين يمته البارت لوليش مانزل لان انا هناك ڪلشي احجي ونزلت هناك صورة لـلــ حُـر روحو للـقناة وشوفوها احبكم كثير يولو
وبعد شغلـة ديهم كلامة تكريتي بس موتكريتي اصيل لانو طالع محافضات هواي واصدقائه ااكثرهم من محافضات فـ ييخبـط لهجات الااخ
واحنه ماجنه نكتب كلامه بنفس الهجه الي يحجيها
لان مانعرف انا للنسبة لي ماعرف لهجة اهل تكريت
بس ياقوت عليك يا الله تتذكر كلامهم وتحاول تكتب نفسهم يعني الهجه .
الفصل التالي: اضغط هنا
يتبع.. (رواية بين قبضتهم وقلبه) اضغط على اسم الرواية لتجد الفهرس كاملاً بجميع الفصول.