رواية بين قبضتهم وقلبه – الفصل الخامس عشر
15
▬࣪▭𝅼▬࣪▭𝅼▬࣪▭𝅼▬࣪▭𝅼▬࣪▭
❂رقــــــو ـ الجـــوهر ❂
بـين قبضتهُم وقلبة
وتعالو بقناة تلي تعالو ياقوت تحجي بيها
قناة :
💙 .
..
چا ليش عني تغيرت
مو تدري محتاجك لأن
لأبيه احب غير بشر
ولا بيه اعيش بدونك!
..
صارت كبالي بنيه
ملابسها كلها دم ومشگگه عضام جسمها بارزه من الضعف شعرها سواد الليل ومنكوش بمنظر مُخيف تاكل وصوت العضام تطگطگ بحلكها صوت انفاسها قوي وكأنُ جاي تاكل بـ فريستها وهيه گاعده بالارض وتفترس بالشي اللي بين ايديها قربت اريد اشوف وجهه ومستمر بخطواتي تجاهه وكلشي ضلمه حواليه بس ملابسها لونهم ابيض والدم متنثر بيها مبينه بالضلمه بلعت ريگي وعيوني توسعت من قوه المنظر بحياتي ما شايف هيج شي وبقيت مستمر اتقرب الها وصلت يمها خليت ايدي على چتفها التفتت الي وجهه چان مشوهه وملامحها مو مفهومه اسنانها طوال و كلهن دم اخترعت منها سحبت حالي بقووه ليورا حسيت شي دخل بجسمي واخترقني وگعت بالكاع من طولي والبنيه اختفت باوعت يمين و يسار ماكو اي اثر الها المكان هادئ بس صوت الريح يضرب بالباب والشبابيك هجست دوخه براسي افترت بيه الدنيا
ا
تعوذت من الشيطان وگمت
وبعدو صدى الشر يتردد بأذني وهو يكول
ــ اكرهاااا لـ ياقوتَ
تجاهلت الصدى ورحت رجعت الجوزه و رحت اكمل شغلي صارت ساعه ٩ واجو العمال كلهم والكابتن
كـالعادة مثل كل يوم هوسة المطعم مُتعبه اخذني الشغل باوعت للساعة ب١١ لككك دَيهم نسيييت تتصل بـ ياقوتَ فتحت تلفوني لكيت ٤٥ مكالمة فائتة منها انوب التلفون صامت يمه تعمى عيوني شلون ما انتبهت اتصلت عليها
ياقوت : زين اذكرت تتصل
ــ حبيبي والله شغل ولود علينا ما الحگ
ياقوت : دَيهم من اتصل عليك جاوبني اضل خايفه لا بيك شي
ــ حبيبي الكابتن ما يقبل نفتح تلفوناته بعدين هذا تعبي كلو لخاطرج
ياقوت : لااا دَيهم حتى لو لخاطري لازم ما تنسى وتخابرني
سالفه مني وسالفه منها زعلانه متقبل ترضه فار دمي وانفجرت بيها وعلى صوتي عليها
ديهم : ياقووتتت لااا تكفريينييي مااتفهمييين جاااي اكلج شغل
ياقوت : دَيهم لاااا تصييييح بوجهيي
ديهم : اكلجج شغل تكليليي ليييش اتأخررت ما خابرتني ياقوووتتَ انااا مووو فاضي تعرفين شنوو يعني مووو فاااضي؟؟
اختفى صوتها ما راددتني سحبت نفس وزفرتو طلعت جكارتي ورثتها
ــ يلا اناا غايح عندي شغل هواي
سديتو ورحت اكمل شغلي وانا جاي اشتغل واسولف واضحك ويا اصدقائي اتذكرت شلون حاجيتها حسيت بالندم
ديهم : لصاحبي عينك ع السمچه لا تحترك
ابتعدت عنو مسافه اتصلت بيها ما تجاوب اتصلت مره ثانيه هم ماتجاوب كتبت الها مسج
ديهم : ياقوتَ هيج تصرفين وياي ؟ سهله انا اعلمج رجعت لشغلي طبيعي بس اهجس بروحي مو مرتاح اهجس شي بداخلي ثگيل على صدري بگد الجبل ثگلوو كملنا شغل وعزلنا المطعم وتوجهت للبيت ياقوتَ مو على بالي وانا اتمشى تذكرتها من تكول دَيهممم وتجرها احبها هواي بحلگها يبعد طوايف هلي اتصلت عليها هم ما تجاوب لگيتها شايفه المسج مالتي وما ماجاوبتني رجعت كتبت الها
ــ دَيهم اشتاق لج يبعد هلي
شافتها واتصلت بيه اتذكرت كلامها وياي وشلون تصيح بالتلفون من تعاركنه تراجعت ما اغيد اجاوبها حسيت نفسي چازه منها صارت عندي مشاعر مُختلطه بفس اللحضة حنيت لـ صوتها ما
بقت تتصل جاوبتها
ــ غيحه لـ دَيهم امه وابوه انتِ
ــ ما انچب ما اريدك
ــ افا زعلان وليدي؟
ــ دَيهم شلون تصرخ عليه؟
ــ وليدي تعرفني اعصاب لا تضوجني
ــ اعتذر مني
ــ بنت الچلب ماتردين ابوس ايدج؟
ــ اي بوسها دَيهم بوسها
ــ لسانچ طولان ولج هاي لأن انا مو يمج
ــ محد غيرگ كوه عيني
ــ زيدي بدلالج تباهي بيه وحبيني ترا استاهل تحبيني
ــ لا متستاهل چلب
وانا احجي وياها رجع لي نفس الصوت الشراني والمُخيف وهوَ يگول
ــ اكرهااا ياقوتَ تخوونك
التفتت يمين يسار ماكو احد بس انا بشارع واكو شكم شخص يتمشون كملت حديثي وياها
بديت اسمع الصوت يتردد بعقلي يشجعني
اكرها ويقنعني بخيانتها لزمت راسي وگتلها
ــ ياقوتَ شواي واتصل عليج
سديته و كعدت بنص الشارع والصوت مستمر يتردد بعقلي وعقلي الباطن يشجعني اكرهااا خفت لا تفكيري ينعكس على گلبي واطاوعو يكرها لا لا مستحيل ياقوتَ متت وما صارت الي مستحيل اكرهااا ضربت راسي بأيدي مره ومرتين وثلاثه وبكل ضربة ازيد قوتي اكثر من القبلها هجست الصوت اختفى من راسي ورجعت لطبيعتي دَيهم شديصير وياك احاسيس مُختلطه وشعور الحب والكراهيه بدت تختلط عندي كمت كملت طريقي للبيت لگيت اصدقائي كاعدين ومكبسلين واحد يسفط ويفشر ع ثاني طبيت كفخت هذا ودفعت هذا وكمنه نضحك سوا
ديهم : انا منو
ــ ديهووم
ديهم : زين بعد عدكم ذاكره
كعدت اشرب بجكارتي واضحك عليهم قدمولي حبوب الكبسله
ــ جرب؟
ديهم : ما اكدر
ــ ماتضر هيه مره وحده
ديهم : ههههه حتـلو
رن تلفوني ياقوتَ تتصل بدون تفكير انطيتها رفض رجعت اسهر وياهم طبيعي واضحك ع حركاتهم مليت منهم وگمت سبحت وشسورت شعري اذكرت ياقوتَ ما اتصلت بيه! فتحت تلفوني لگيتها متصلة وانا منطيها رفض شوكت دَيهم؟؟ ما اذكر ياقوتَ اتصلت وانطيتها رفض بعدين انا گلبي يطاوعني ارفضهاا لااا مستحيل
اتصلت بيها بسرعه جاوبت
ديهم : حبيبي والنبي اسف ما ادري رافض اتصالج
ياقوت : ولا يهمك حبيبي بس اشتاقيت لك
سمعت الزعل بصوتها بس خايفه تزعلني
ديهم. اسف وليدي وربي ضغوطات شغل ومجاي الحگ
ياقوت : عادي ديهم المهم هسه سمعت صوتك
ــ شلونج
ــ مو زينه
ــ افا ليش؟
ــ تعبت اليوم حيل
ــ ليش بيت ابو لهب خما اذوج سمعوج شي؟
ــ لا بس يمنه خوالي وجنت اسويلهم غده
حسيت بنغزه بگلبي من كالت بيت خوالي فار دمي وطلع مني الكلام بدون وعي
ديهم : ها واجو ولد خوالج هم؟
ياقوت : اي اجه بس واحد منهم
ديهم : ايييي وطلعتييي كدامووو بدشداشتج ام ربع نعال ررردن .
ياقوت : دَيهم اعصااابك شبييك ترا ولد خوالي يعني اخواني
ديهم : وهسه السوالف والشقه وياهم بفلس
ياقوت : على گد السلام وياهم لا تتبلى عليه!
ديهم : لا ليييش اتبلى عليييج هاااي سوااالفج
الكلام كام يطلع مني بدون وعي وماعاد اسيطر ع نفسي بقينه متراددين ومتكاونين
ــ دَيهم انتتت متغيررر!
ــ لا ياقووووتتت انتِ ترديني ثور وشاد گرون وبشرط الگرون ستيل والمعهن
ياقوت : دَيهممم؟؟؟
ديهم : دروووحيييي يانعال
سديت الخط بوجهه
رجعت عندي مشاعر مُختلطه بين الكراهيه والحب احس احبهااا بس مو كادر استحملها ركزت بذول المخابيل مايخلوني انام طردتهم برا ونمت وانا افكر شديصير وياي وليش احس بحمل على صدري
اليوم الثاني مر وياقوت ما اتصلت بيه ولا دزتلي اي مسج ولا كلفت نفسها تتنازل وتحاجيني
عابت الها ام خشم عود عدها عزة نفس كعدت بأستراحة الشغل واجت ع بالي اشتاقيتلهااا
دنكت راسي عصرت عيوني جاي استوعب تصرفاتي واتصلت عليها ما تجاوب اتصلت مره ثانيه وهم ما تجاوب بقيت اتصل واتصل لحد ما مليت خلصت استراحة الشغل ورجعت لشغلي بس بقى بالي يمها وينها وليش ما تجاوب؟ صار الليل وعزلنه المطعم ساعه 11 ومشيت للبيت وانا اتمشى اتصلت على ياقوتَ وهم ما جاوبت بديت اشك صاير وياها شي لأن ياقوتَ ماتتجاهلني هيج مستحيل
اتصلت بـ شيلاء جاوبتني
ديهم : شيلاء وين ياقوتَ؟؟
ــ هاي يمي كاعده!
ديهم : طيني احاجيها من يمج
ــ متريد تحجي وياك
ديهم : لااا تكفرينييي غاح اخابرها خلها تجاوب
ــ متقبل
ديهم : انعل والديهاااا يعنييي؟؟
ــ تكول حتى يتوب بعد ما يعصب عليه
سدت الخط نوب هاي الصخله يابووويه لو يمي بهاي اللحضه اكلها بسنوني خابرت امير وكتله
ديهم : تعال اخذني
امير : وين
ديهم : لتكريت اغيد ارجع
بعد مد ة اجاني و رجعت لتـڪريت
ـ ياقوت ـ
شيلاء : امداج شلون تتصرفين وياه هيج؟
ياقوت : احسن حتى يتعلم يحجي وياي عدل
شيلاء : متخافين يعوفج؟
ياقوت : دَيهم روحه بروحي صح يعصب ويحجي ويغلط بس يعوفني مستحيل!
شيلاء : اني هم احس ميكدر بدونج بس خطيه لتسوين بي هيج
ياقوت : خليه خليه حتى يجر عدل باجر اخابره بقينه كاعدين نسولف بغرفتي ونتشاقه طلعنه فيلم على تلفوني نشاهد بقينه لل٥ الفجر واحنا نشاهد باوعت لـ شيلاء غافيه والنعس اجه بعيوني اجاني مسج من دَيهم
ديهم : افتحيي الباااب لو اكسررره؟
وسعت عيوني من الصدمه اخترعت هذا شجابه هسه فزيت وكفت لحيلي ونزلت للصالة بدون وعي امشي ع اطراف اصابعي خايفه لحد يشوفني فتحت الباب لگيته واگف بالباب مالحكت احجي دخل للصالة وجرني من ايدي للمطبخ والاضويه طافيه كتله بخفوت
ياقوت : دَيهم شدسويي؟
ـ انا ما تجاوبيني ياقوووتت؟؟ هيج تجازيني؟ هيج تجازين گلبي اللي يحبج؟؟
اباوع بعيونه تجدح شرار ويحجي بعصبيه
ديهم : ليييش ما تجاوووبين انااا موو اشترريت لج نعاال تلفوون
ياقوت : دَيهم
قاطعني وكال
ديهم : ترا اخذتوو الج اسمع صوتج مو حتى تعانديني ومتررردين!
ــ دَيهم صوتك هسه نتفاهم تعال نكعد
ــ وتگلي اكععدد لججح راااح اموتجج ياقووتتت!! خوالج بعدهم هنا
ــ اي هنا
ــ هلوو وشيسوون لحد هسه هنا؟؟ ياقوتتت لا تكليلييي طلعتي عليهم؟
ــ دَيهم طلعت بس….
ــ ليييش تكفريينييي ليييش؟؟؟ اخخخ يااا الله شسوييي وياااااج ههواي تعاندييين
حك خشمه بأصبعه ونضراته متشتته وعاگد حواجبه خفت منه والله ورث جكارته وانطاني ضهره ورجع يمي ركز نضراته عليه وحجه بخفوت
ديهم : اغااارر عليج لا تلومينيي هسه ودي ادفنجج هنااا والله
ــ جاي ومتعني حتى تگلي هيج؟
سحب نفس ورجع زفره باوعلي ودنگ حتى يوصلني وهمس بحسرة
ديهم : گلبي ملهوف علييج بنياتي
سحبني وضمني لصدره جسمي كزبر من حضنه احس بشواربه بركبتي طخت رحت لعالم ثاني نسيت حتى اذا اني وياه متزاعلين وكل ميزيد ويشد بحضنه اكثر عليه اسمع صوت ضلوعي تطگطگ من قوة الحضن
ــ ديهم ــ
وانا حاضنها اجاني شعور غريب دفعتها بكل ماعندي قوه وانضربت ياقوتَ بالحايط وكعت بالكاع وسعت عيونها مصدومه وخايفه من ردة فعلي رجع صدى الصوت يتردد بعقلي يشجعني اكرهااا ايدي كامت ترجف واحس بوجع بصدري اباوع بعيونها مخترعه والصدمه بوجهه وترجف وكعت بالكاع سحبت نفسي تراجعت للحايط لزمت راسي اريد امحي هذا الصوت من عقلي اريد اتخلص منه اهجس راح اتخبل راح انجن جسمي كله يرجف ياقوتَ تباوع لي عرفت انا مو بوضع تمام اجت مخترعه وكعت يمي بالگاع
ياقوت : دَيهمم شبييييك
ديهم : عوفينييي ياقوووتتت
ياقوت : حبيبي يمهه شجاك ليش ترجف ووجهك عرگان
ديهم : اكلجج عوفينيي
ــ اش حبيبي ابوس ايدك يسمعونه اهلي
عيونها دمعت وهيه تحجي همست بخفوت
ياقوت : شبيك دَيهم
لازمه ايديه بأديها وتحاول تعرف شبيه الرجفه احتلت جسمي والصوت يتردد بعقلي بدأ جسمي يطبقوو ويطيعوو وبدون وعي دفعت ياقوتَ بكل قوتي و وكعت عني مسافة انصدمت من السويتوو رحت يمها وضميتها لـ حضني
ديهم : اسف بوويه والله اسف يا الله شديصير ويايي
كامت تبجي وتناشغ بحضني خافت من تصرفاتي وياها رجعت باوعت بعيونها ووكانو كلشي مابيه
ديهم : حَنيت لج يبعد طوايف هلي
ما جاوبتني والخوف بغيحها مسحت دموعها
ديهم : شمعتي اخذج؟
حجت والرجفة بصوتها
ياقوت : وو وين
ديهم : اخذج لـ مكان بعمرج ما شايفتو
هزت راسها بـ اي وانرسمت الضحكة بوجها رفعتها من زنودها وهمست الها
ديهم : شواي واجيك حب ما اطول
غمزت الها وانا اكول كلامي طلعت لصاحبي
ديهم : امير عادي تنطيني سيارتك
امير : واني بيش ارجع
ديهم : لا ترجع بات يم اخوك اليوم وهاك فلوس كروه اتوكل
امير : هذا تقفيص علني ههههه
ديهم : مثل الجلب عوفلي السيارة
نزل وراح يمشي رجعت لـ ياقوتَ لگيتها تنتظرني
ــ وين نروح
ــ امشي وياي وانتِ ساكته
طلعنا وصعدنه بسيارة
ــ دَيهم ساعه ٥ الفجر ياخبل هسه يطلع؟
ــ انا خبل وهسه طلعت
ــ خاف اهلي يكعدون وما يلگوني؟
ــ اهووو هم جبتي طاري بيت ابو لهب حبيبي طالعين نتونس انسيهم انتِ حلالي محد يكدر يحجي
سكتت انخلست فد مره لزمت ايدها وبستها حسيت بيها خايفه مني وما نست الموقف دَيهم فكر فكر شلووون تنسيها شلوون تراضيها؟؟
****
مانسيت الموقف اللي صار كدامي واحس دَيهم بي شي مو طبيعي حتى لهفتة اليه مو مثل قبل
احس دا يتبدل بشخص ثاني! طلعنا بالسيارة واخذني لـ مكان اول مره اشوفه بحياتي ماكو بشر بس البساتين والاشجار حوالينه محاوطه الشارع ياقوت : هاي وين؟
غمز وگال
ديهم : شردت بيج مره ثانيه
ضحكت وضربته ع ايده بخفه
ياقوت : اول مره اشوف واحد يبوگ حلاله هههههه فتح تلفونه بث ع السيارة وشغل اغنية
:
ضلمتوه بالوصف لمن وصفتوه
حَبيبي شكد حلو بس ما نصفتوه
احسه بروحي وبگلبي وبالعيون
احلى من الحلو لو ماتصدكون
هاكم هاي عيني بيها شوفوه
اجت عيني بعينه والاغنيه مشتغله ابتسمت لا ارادياً وطفرت يمه ختلت بحضنه وهوَ يسوق انوب اني لا شال لا صخام براسي نسيت حتى روحي طلعت وياه مثل الخبله اركض واجه بارت الثاني وانا بحضنه
:
احب بي الصدك لو راد يحچي
من ينحرج يرجف يضل يبچي
دموعه تسيل ترفه
احس بالروح رجفه
واحسه بروحي وبگلبي والعيون
واحلى من الحلو لو ماتصدكون
راسي بحضنه وهو مستمر يبوس براسي
اجه بالي اذا ابوي عرف طالعه وياه شيسوي بينا يا يممه ياقوتَ شلوون تجرأتي الفجر طر والسماء نورت كمت اعض بأصابعي واگرط باصابعي من الخوف باوعت لـ دَيهم غير الاغنية
ديهم :
تمايل ياحلاته ومره شفته
تمايل ياحلاته ومره شفته
مره يعض بأصبعه ومره شفته
مره يعض بأصبعه ومره شفته
وسعت عيوني اباوع له
ياقوت : چلب شكو مركز وياي؟؟
ضحك ورجع غمزلي
والاغنيه مستمره
:
عسل ياطعم شفته من رشفته
عسل ياطعم شفته من رشفته
سبگني ونزلن دموعه بأديه
ابتعدت من حضنه اباوع له عض شفته السفليه وهز راسه بشراسه وسعت عيوني يمه هذا شيقصد
ياقوت : دَيهم بوااگ الحلوااات رجعنييي لـ بيتناااا خفظ صوت الاغنيه وباوعلي بتلاعب وگال
ديهم : واذا مارجعتج شتسوين؟؟
ياقوت : ررجعنييي چلب والله اخاافف!
ديهم : لا لا شمعتي صراحة لو هسه اخذتج لـ مكان مابي اي بشر
ياقوت : وو وشنسوي بمكان مابي بشر؟
ديهم : نلعب وليدي
ــ دَيههمم رجعنيييي
ــ هسه ولونج انخطف بس تصيرين يمي شيصير بيج ههههه
ــ حبااب لتسوي شي
ــ تثقين بيه؟
ــ ديهمم متسيطر ع نفسك تخوف!
ــ كلمتي ما اثنيها
ــ اي شنو ؟؟
مدلي ايده واشرلي لحضنه وهمس
ديهم : تعالي لحضني
الله ياخذ غيحي اذا امس شعره منج
ضمني لصدره وباس راسي الشمس طلعت والشوارع انترست سيارات وصرنه ننشاف صعد الجام عمداً
ــ خليه دَيهم الهوى يرد الروح
ــ سيارات تمر من يمنا بويه يشوفوج
سكتت خليت راسي بحضنه وهو يسولفلي ويضحك بيه ويشاقي ويدغدغني سحبت تلفونه اشوف الساعه شفت رسالة من رقم مجهول مراسله واتساب وكاتب له
ـ دَيهم ماتجي للرمادي ـ
ركزت اكثر الصوره صورة بنيه يعني المراسلته بنية ضجت ابتعدت منه
ديهم : شمعتي شكد الساعه
ياقوت : ب7
ديهم : قربنه نوصل
ياقوت : ديهمم رجعني للبيت
ديهم : ليش بويه؟
ياقوت : احس ما اكدر
لمس وجهي بأيده يطمئن عليه
ــ شنو بيج؟ حساسيه؟ لو شنوو
ــ لا ديهم بس دخت
ــ خاف الحساسيه ردت لج
مستمر يتلمس بوجهي دفعت ايده بضوجه
ــ دَيهم مابيه شي بس رجعني
ما جاوبني صعدنه لـ جبل عالي حييل وگفنه يم مكان كله اشجار والكاع مفروشه بورق اشجار يابس ومتساقط
ــ نزلي
ــ ديهمم وين جبتني
نزل وافتر عليه فتح الباب ونزلني ركزت بالمكان غررريب اول مره اشوف هيج شي بهذا الجمال لزم چف ايدي واخذني ع طرف الجبل شفت المنظر يجنن مدينة بأكملها تبين واني وياه فوك الجبل نتأمل المنظر
ديهم : مالحكت اجيبج والدنيا ضلمه جان شفتي منظر اجمل من هيج .
ــ دَيهممم رجعني للبيت
ــ ها مشتهيه نتكاون؟
ــ لا بس رجعنيي
ورث جكارته وكعد ع طرف الجبل
ــ ما ارجعج!
ــ موو بكيفككك تكووم ترجعنييي ههسه
ــ جؤ
ــ ديهمم؟
نفضت روحي بالكاع وكف بطوله وصار قريب مني انفاسه اسمعها وهمس لي
ــ عافيته لـ دَيهم امريني؟
يايمه ذبت ذبت بصوته وهو يحجي ارتبكت وكتله ياقوت : رر رجعني
ــ اطلبي شي ثاني وبعيني بس هذا الطلب جؤ
شمر جكارته ورث الثانيه جرني من ايدي
ــ تعالي
ياقوت : وين
كعدني بصفه ع طرف الجبل اتمدد ع رجليه وبقى يسولف ويمسلت بسوالفه واني العب بشعره ومندمجه وياه بس ما ناسيه الرسالة الشفتها بجهازه صارت الساعه 9
ياقوت : كوم رجعني
ــ جؤ اخذج وياي
ياقوت : حباااب عوف الشقه
ــ يلا كومي
صعدت بالسيارة قبله وهو اجاه اتصال وبقى يسولف باوعت له اتعصبت منه حييل ويامن ديحجي هذا الچلب والله اذا طلع يخوني اموووتههه لاا يممه ما يخوني ما يخوني اش بديت اهدي بنفسي لا اروح اتخبل عليه واكتله هنا الجبل وادفنه ومحد يدري كمل اتصاله واجه صعد بالسيارة وما مشى
ــ دَيهم استعجل هسه اهلي كعدو ومالكوني
باوعت له قفلها للسيارة يمه هذا شديسوي؟
ــ دَيهم؟
تقرب يمي وهو يكول بصوت ذايب
ــ كرري اسمي بلسانج احبه
ارتبكت ورجف جسمي
ياقوت : د دَيهم حبااب رجعني
عض شفته السفليه بطرفها وجرني
ياقوت : دَيهم شدسوييي؟
صرت يمه جسمي لزگ بجسمه وهوا مغمض عيونه وجسمه خدران
ديهم : اريد
بلعت ريگي وكتله
ياقوت : ش شنو؟
قرب شفايفه بس ما لاحن شفايفي ما تفاعلت وياه
ــ دَيهم مو وكتها
ــ ترا اكدر اگطعهن بس انا اريد اشوف قوتج!
وسعت عيوني واتفاجأت من كلامه يمااا هذا شكد فويسد وحقيررر الحگيلي يمه وينج ضربته بصدره وخزرته
ياقوت : انچب وعوفني
ديهم : حتى بأحلامج ما اعوفچ
راسه طاخ براسي وانفاسنه تخالطت هوا يزفر وانا اشهگ احس بأنفاسه تدخل بصدري دافيه ايديه محاوطه جسمي بعز البرد حضنه دفاني ايده صارت تلعب بگصيبتي من ورا احسه يرتبها رجع حاوط خدي بچف ايده وايده تغلبت بشعري اقترب اكثر مني وشفايفه لاحت شفايفي احس بنغزات شواربه بخدي همس
ديهم : تبلشين لو انا ابلش؟
بلعت ريگي بصعوبه وكتله
ياقوت : ديه… قاطعني وهوا يطبع بوساته بشفايفي بكل قوه وانتقام احس بحرورة شفايفه وانفاسنه امتزجت اكثر حسيت جسمي بدأ يخدر ورجليه نملت جسمي ذاب وخر شفايفه وهمس
ديهم : شلعبتي بحالي ياقوتَ؟ شسويتي لي؟ خليتيني امشي بلا عقل!
رجع يطبع بوساته بشفايفي ونزل على ركبتي يبوسها بـ شراسة استسلمت كدامه وما نطقت حرف واحد ذبت بين ايده وهو مستمر يطبع بوساته بركبتي لزم الدشداشه من الدلعه جرها يريد يشگها ورن تلفونه فزيت على صوت الرنه وهو مستمر ولا يمه الموضوع
ــ دَيهم تلفونك
دفعته ابعده عني
ديهم : ياقوتَ اوف عوفي عوفي خله يرن
ياقوت : ديههمم جاااوب
ابتعد عني ونتر
ديهم : خررررب بالتلفوناااااتتت
لمحت رقم غريب يتصل بي شاف الاتصال وما جاوبه
ديهم : خليه مثل الچلب يتصل ما اجاوبه
ياقوت : ليش
عض شفته وكال
ديهم :كطع رزقـي
ياقوت : انچب دَيهم رجعني لـ بيتنا
ديهم : نعيد من جديد؟
ياقوت : راح اكتلك!
ديهم : اش خلاص يلا مشينه
رجعني للبيت والحمد لله لگيت اهلي نايمين .
دخلت البيت اريد اصعد لغرفتي لحگني الملكوففف فتح الباب ودخل وراي واشرلي بأيده اروحله همست
ياقوت : ششبيك؟ رووح
ديهم : تعاليي
يمه هذا شاخط خل اروح. تقربت يمه احجي بهمس
ديهم : خيرر
سحبني و گال
ــ شنو خير؟ احجي عدل وياي ومن اتصل عليچ جاوبي لا تعاندين
ــ ومنو گال اني رضيت؟
ــ ارجع واكلج كلمتي ما اثنيها
باوعت هذا يحجي صدُك وعصبي
ــ تمام
دد گولي تمام حبيبي
ــ تمام
ــ كولييي ياقووتتت كوليي
ــ ديهمم روووح بعدين اكول
ــ يمكن ماكو بعدين!
انرعبت من كلامه ما اعرف شيقصد بـ ماكو بعدين
ــ دَيههمم شنو يعني؟
ــ يمكن وانا راجع اسوي حادث وتلگيني بالنجف نايم صميت حلگه بأيدي
ــ لا تعيدهااا بععد! دَيهم اني ما صدگت الگاك وترجع تروح من ايدي؟
احجي والبجيه بصوتي مركزه بعيونه
ياقوت : انتَ عوضتني عن الدنيا كُلها عوضتني عن اب واخ واخت وام الدنيا بعيني صارت جنه من لگيتك وبلياك الدنيا جهنم دَيهمي
ــ عروگ گلبه لـ دَيهمج
سحبني لحضنه وهوه يحجي
ديهم : انتِ الروح العايشه بصدري
راسي صار يم گلبه اسمع صوت دگاته
ــ دَيهمات
ــ العبب شنو هاي جديده
ــ يعني الكثير من الديهمات هههه
ــ كلهم يمشون بأمرج شمعتي
ــ رووح حباب هسه يكعد ابوي ومايقبل يشوفك هنا
ــ ابو لهب مَرمرني حرمني حتى اتنفس بس انا اله الچلب
ــ دَيهم ابويه!
ــ خررب ابوچ
دفعته مني كرص خدي وباس اصابعه غمز لي بتك عين وهمس
ديهم : امووع عليچ
ــ تروح لو شلون؟
كال بخفوت
ديهم : مهووس بيججج
رجع حضني بسررعه طگطگ ضلوعي
ــ اوي خرب ابوك
ــ وابوج بت الچلب
طلع مستعجل يريد يروح قفلت الباب ورحت لغرفتي نمت وافكر بسوالفه .
****
ــ احمم الووو امير شسمه نرجع للرمادي
ــ اعرف سوالفك اي وين انت؟
ــ انا اجيتك اطلعلي
ــ تمام بس اتريك
رحتله يم بيت اخوو طلعلي صعدت انا اسوق ورجعنه الرمادي واحنا نسولف انا وياه اجاني مسج من ابوي
غـيدان شلون تتجرأ وترجع لتكريت؟
ديهم : شتريد مني انت مو تكول انا مو ابنك؟
غـيدان : عواقب تصرفاتك غاح تكون وخيمه!!!
ما جاوبتو شمرت التلفون وقدمت جكاره لصاحبي وضلينه ندخن ونسولف باوعت للمرايه سيارة سودة ورانه شكيت اكو شي بقيت متابعها وين مانروح تروح ويانه
ـــ اطلع ع صحاري الانبار
صحاري الانبار جانت قريبه
ــ لييش؟
ــ راح اطلع اكو سيارة تمشي ورانه
ــ الصحاري تخوف يذبحونه هناك .
ما جاوبته مركز ع الجامه السيارة السوده ورانه تتبع سيرنا صاحبي يصيح يريدني اوكف وانا مستمر متوجه للصحاري دخلنا الصحاري والسيارة ورانه دگيت الها هورن متعصب وكررت الدگه السيارة كامت تراوغ وتفحط بنص الصحراء وصاحبي اباوع لو بعد شويه وينجلط من الخوف مدري اضحك مدري ابجي هههه رجعت انضاري للسيارة كام يمشي سرعة وطخ سيارتنا من الصفحة وخدشها اجانه صوت رمي والطلق اخترق الجام رموني مره ثانيه وماحسيت الا طلقة اخترقت چتفي والوجع احتل جسمي وبدأ يمشي بايدي الخدر ونملت بلعت ريگي بصعوبه طلعت راسي من الجام وصحت
ديهم : هييييي ابن ****** شدسويييي
بديت افقد توازني رجعت شديت بقوه ع الستيرن ومستمر ما اغيد استسلم واوكف صارت السيارة بصفي الجام مضلله ما شفت وجوهم
ــ دَيهم چتفك ينزززف راح تگلبنههه
لازم چتفي وضاغط عليه بأيده فار دمي اغيد اعرف منو هذول هذا الجلب يمنع حركتي دفعتو وصرخت بي متعصب
ديهم : ابتعددد عنيي
ميلت سيارة على سيارتهم وطخيتهم الا صرخت التايرات من قوه الضربه رجعت السياره وهم تحاول تگلبني ضربت سيارتنه انگلبنه وانضرب راسي بالكشن ورجع ع الستيرن بقووه راسي بدأ يدور اباوع لصاحبي السيارة مگلوبه واجسامنه مقيده وكفت السيارا اللي تتبعنه ونزلوو ٤ اشخاص واجو بأتجاهنه يتمشون شفت بس رجليهم بديت افقد وعيي والمكان صار اسود وصوت صدى الحادث يتكرر براسي صاحبي ينزف بصفي وفاقد وعيو جسمي خدر فقدت حاسه السمع وما اسيطر على عيوني ابقيهن مفتوحات اشوف منو ذولي حاولت افتح عيوني ماكدرت واخر كلمه لفضتها قبل لا يغمة عليـه
ديـهم : ياقوتَ ابريني الذمة
ماوفيت بوعدي وعشت لأجلج .
اسمع صوت خطواتهم قربت مني ويحجون بكلام مو مفهوم صار كلشي اسود بعدما احس بشي .
كعدت لگيت غيحي بالمستشفى وراسي يدور حولت انضاري ممرضه يمي
ــ ارتاح على ما يرخصوك تطلع
عافتني ومشت كاعد يمي شخص غريب
كال
ــ شلونك؟
كتله بتعب وكوه حجيت
ــ جاان ووياي وينه وين؟
ــ صاحبك؟
ــ اا اي
ــ زين زين مابي شي احسن منك
ــ كتلو انا منو جابني هنا؟
ــ اني لگيتكم مسوين حادث بصحراء الرمادي
ــ صح سوينه حادث
ــ شتسوون هناك الوضع خطر
ــ جانت اكو سيارة تتبعنه
ــ اي وبعدين
اريد احجي دخل الدكتور وگلو
ــ عيفوو يرتاح لا تذكروو بالحادث الا لمن يتحسن استرخص مني الشخص الغريب ودافع تكاليف العلاج ومعالجات چتفي اتشكرت منو وراح فگدت تلفوني ديهم : وين تلفوني
الدكتور : هيه بقه بيها تلفون ههههه جابوك بس انت ماجابو تلفونك
ديهم : انطونيي تلفوون
ماقبلوو ينطوني كعدت اشيل الكانونه والدكاتره مقيدين حركتي يحاولون ما يخلوني اتحرك صرخت بيهم وكلت
ــ عيفووونييي اغيد اطلععع
ارتخت ايديهم وابتعدو عني من حجيت هيج طلعت من الغرفة رحت للممر شفت لافته مكتوب عليها
ـ مستشفى الرمادي العام ـ !
عرفت نفسي انا بالرمادي توجهت للسكرتير وشايل ايدي ساندها ورجلي توجعني واعرج منها واحس اكو اثر شضايا بجسمي كلت للسكرتير
ديهم : اغيد اخابر
ــ وضعك مو زين اكو احد من اهلك هنا
ديهم : ماكو احد اغيد اخابرهم يجون ياخذوني انطاني التلفون حافظ رقم ابوي سجلته واتصلت بي
ديهم : ها يابه تغيد تكتل ابنك؟ تغيد تاخذ روحووو هيييج الابووه صاررررت؟؟
غـيدان :انا حذرتك ديهم!!
ديهم : ابقى حذرررر مناااا العمر كلووو ياقووتتَ اخذهاااا وبنص بيتك اكعدهااااا
ــ ماتعتبون بيتي ولا اغيد المح شكولتكم
ــ انا وانت والزمن طوووويل سيد غيدان!!
ــ بس انا ماكتلك
ــ اهااااا شسويتليييي ؟؟؟ احجييي شسووويت؟؟ على صوتي السكرتير اجه اخذ التلفووون مني غصب فار دمه من كلام ابوي ضربت الحايط بأيدي انهز هز سألت السكرتير عن صاحبي وانطاني رقم غرفتوو ورحتلوو لگيتو مو متضرر مثلي احسن مني بس راسو شوي مشگوك خليتوو لمن يصحى وطلعني من المستشفى واخذني لـ غرفتي المستأجرها .
وصلني صاحبي وغاح تمددت اغيد ارتاح اهجس دوخه براسي والدنيا ادور بيه بوويه ياقوووتَ
سوده بوجهك دَيهم هسه عبالها بيك شي بس تلفونييي ووين؟ يابووويه شلوون هسه
باوعت لصاحبي شريكي بالسكن كتلو
ــ اريد اخابرك بتلفونك على ما اشتري تلفون
ــ عادي
اخذتو منو وسجلت رقمها واتصلت عليها ما جاوبت هيه تخاف من الارقام الغريبه دزيتلها مسج وكتبت الها
ــ شمعتي انا حُـر جاوبي
اتصلت عليها جاوبتني حاولت كل جهدي ما ابين الها بيه شي
ديهم : وليدي شلونج؟
ياقوت : بخير دَيهومي وانتَ
ديهم : يبووو انا بنص الخير
ياقوت : ليش
ديهم : اليوم ردت لي روحي من سمعت صوتج ياقوت : صدُك دَيهمي
ديهم : وغلات عيونج الـسحلتني سحل
زاد صوت ضحكتها وهيه تكول
ياقوت : يروحن لك فدوه يبعد حيلي
حسيت بنفسي بعد ما اكدر اقاوم دايخ ونفسي تلعب وجرح ايدي ينتف من الوجع
ديهم : شمعتي غايح اتوضى واصلي صلاة الضهر
ياقوت : ادعيلي وياك
ديهم : انسى غيحي وما انساج انا بكل سجدة اتمناج يبعد روحي انتِ
سديت الخط وحذفت رقمها وانطيتو التلفون لصاحبي
ابو الشغل داز عليه يريدني ارجع للشغل رجعت لو خبر على ما اصير بخير وارجع .
مرت الايام تحسنت و الحادثه شهر تقريباً بس وضعي أبداً مو تمام دائماً اسمع صدى بعقلي يكرهني بـ ياقوتَ ويحذرني منها وبالي دائماً مشتت وماعندي تركيز
اشتغل بالمطعم رن تلفوني ياقوتَ تتصل فز گلبي بس شفت اسمها
ديهم : هلا يبعد الما يرمشن من يشوفنچ
حجت بحسره
ياقوت : ماتجي اشوفك؟
ديهم : يا بويه انتِ اجيج؟
ياقوت : اي وجيب لي شي وياك
ــ اممم شتردين
ــ اي شي منك حلو
ــ صار بعيني يا امي غيحي تطلعيها من صدري وتاخذيها
ــ اممم احبك دَيهمي
ــ احبج شمعة عمري
بقيت اشتغل وهيه وياي ونسولف ونضحك ماركزت بشغلي عدل بس لخاطر عيونها كلشي اتحمل كملت شغل وعزلنه المطعم وكلمن رجع لـ بيتوو
رجعت اتمشى بشارع واحجي وياها
ديهم : ياقوتييي
ــ ها
ديهم : وجعا خما جاي تطلعين؟
ــ لاااع
رجع صوت الصدرى يتردد براااسيي يكرهني بيها ويشككني وهاي المره ماسيطرت ع نفسي وصرخت بوجهه
وهيه تحجي ومتلهفة تسولف
ديهم : ياقووتت كااافييي شكد تحجيييين دوختينيييي
اختفى صوتها وانكتمت انفاسها سديته بوجهه بدون ما يرف لي جفن جسمي عرگ يرجف شفايفي نشفن من الرجفه كعدت ع طرف الرصيف
اجاني صوت بنيه كلش ناعم وهيه تكول
ــ دَيهم؟
التفتت يمين يسار ماكو احد بس الصوت يتكرر بأذني ضغطت ع اذاني وراسي بثنين ايديه وفار دمي من اللي ديصير وياي اضررب براسي واصيحح بعالي صوتي تمنيت الله ياخذني واخلص من هذا العذاب سمعت صوت خطوات محسوبه جايه بأتجاهي التفتت اشوفها بنيه طلعت من جوا الشجره وشعرها ناعم مثل الحرير ركزت بيها اكثر هاي بنيه اعرفها مو غريبه عليه بس المكان ضلمه ما يبين كلشي بوضوح كمت وتقربت الها منطيتني ضهرها صرت يمها وحسيت الحنين ترس گلبي اجت بالي ساارة حسيتها هيه ونغزات بكلبي اخذتني بغير عالم خليت ايدي ع چتفها وصديتها عليه هيه ساررة بدون وعي وتفكير ضميتها لصدري
ديهم : سااارة حنيت لج ماتعرفين فراگج شسوه بيه
حسيت انِ فقدتها ومشتاق الها
سارة : دَيهم شتسوي وحدك بالشارع هنا؟
ديهم : ضايع ضاااايع ساارة اهلج شلعوج من گلبي واخذوج
دموعي تنزل عشره عشره واناشغ احاسيس غريبة بداخلي اول مره احس بيها ياقوت انمحت من گلبي وعقلي فد مره نسيتها
سارة : دَيهم نرجع نفس قبل؟
نكعد ونسولف ونتمشى بشوارع الرمادي ونسهر للصبح ع تلفون؟
ديهم : اي ساارة ايي انا كلشي ما اغيد غيرررج من عفتيني كرهت الدنيا بكبرها حتى الدنيا بعيني صارت ضلمه
رجعت ضميتها بحضني
بادلتني الشعور نفسه
نتمشى بالشارع ونسولف كالت
سارة : دَيهم وخطيبتك؟
ديهم : ماحبيتها سارة وما اغيدها
سارة : وشلون راح تقنع اهلك؟
ــ اصلاً هما ما يريدوها اتندمت يوم خطبتها
ــ بينكم مشاكل؟
ــ تعاااند هواي وماتسمع كلامي وتصرفاتها كلها غلط بديت اكرهااا
ــ دَيهم
ــ كولي يروحي
ــ مستعد ترجع توكف بوجه اهلك لخاطري؟
ــ مستعد وغصب عنهم ياخذوج الي
ــ يعني رجعنا لبعض من هاي اللحضه
ــ اصلاً انتِ ما عفتيني علمود ترجعيلي
ــ شلون
ــ ساكنه بگلبي بعمرج ما طلعتي منه
رن تلفوني ياقوتَ تتصل اشمئزيت منها وانطيتها رفض ورجعت اكمل حديثي ويه سارة
بقينه نسولف ونسولف ساعات طويله بدون ملل اخذنه چاي وكعدنه نشرب ع طرف الرصيف
ديهم : تدرين سوسايتي؟
سارة : شنو حبيبي؟
ديهم : صار هواي انتظر هاي اللحضات وهسه مامصدك جاي اعيشها
وهيه تشرب الچاي جسمها صار شفاف اعضاء جسمها ضهرت بشكل مُخيف ومرعب!! امعائها تبين والچاي ينزل بأمعائها واضح وحلكها بلش ينزف دم وجفون عيونها صارت سوده ع رماديه والبؤبؤ انگلب ابيض ايديها ترجف واسنانها طلعت برا بشكل مُخيف وسعت عيوني مصدوم من الشفته ايديه كامت ترجف وكع كوب الچاي من ايدي وانكب بالكاع بقت تتقرب مني وتكول
ــ دَيهم انا سارة اللي تحبها اللي تمنيتها ٣ سنين تكون من نصيبك
اسمع صوتها بشكل مرعب ويتهيء بالشر اجه صاحب المحل اللي اشترينه منه الچاي وگال
ــ يا ولد ويامن تحجي؟؟
نضراتي توجهتلو كتله
ديهم : ويا حبيبتي
ــ مو شايف احد انت بخير ابني؟
رجعت انضاري الها مالگيتها بس بقع الدم ع الرصيف عقلي داخل بحالة هلع من الشفته
اختفه صاحب المحل وكوبي مالت الچاي اللي انكب بالشارع اتحول الى دم واشياء قذرة اشتم ريحة غريبة تدخل خشمي مثل ريحة الدم القديم المتعفن التفت اغيد احد يمي يخليني استوعب الشفته ماكو احد لمحت ياقوتَ وهيه جايه بأتجاهي رحت اركض الها
ديهم : ياقوتَ ساعديني
كعدنه ع رصيف المكان هادئ بالشارع
بحيث الأشجار تظلل الطريق كعدنه انا و ياقوتَ جوه هاي الاشجار أجواء هادئة تهمس الريح بأغصان الأشجار
ديهم : ياقوتَ شتسوين هنا؟
ياقوت : شلون گلبك طاوعك تخوني؟
الدمع ترس عيونها فجأة بنية غريبة الظهور تلوح بأيدها عيونها متوهجة بنظرات غريبة تقترب من عدنه بخطوات هادئة وجايه بأتجاهي شكلها مُرعب نفسها اللي شفتها بسارة احس اكو لغز بس مو مفهوم البنيه حجت بصوت منخفظ
ــ انتو سويه بس هذا مو قدركم وانتوا مو لبعض . اتجمدت بمكاني اباوع الها بشكل غريب وعيون ياقوتَ جانت تراقبني بخوف
ديهم : الها شتقصدين؟
ابتسمت ابتسامة غامضة ومدت ايدها ع جنطتها طلعت منها دمية معگوده بخيوط ودبابيس صغيرة خلتها قريبه من ايدي لوحت النه بأيدها
وكالت بصوت خافت
ــ راح انطيك اختيار أو يمكن راح اخذ منك شي حبك راح يكون بأيدك ولكن الكراهية راح تسكن گلبك الكراهية راح تكون أقوى من كل شي .
بديت احس شعور بشي غريب نضراتي متشتته نضري غوش اشوف كلشي ضباب ياقوت لاحضت التعب بعيوني تقربت مني
وكالت بتوتر
ياقوت : دَيهم بيك شي؟
ديهم :ماا اكدررر اتحملجج اكثررر من هيييج ياقووووتتت عيفينييي
تجمدت بمكانها عيونها غركت بدمعها وكأنُ تعاتبني على افعالي وياها ابتعدت عنها بسرعه بدون وعي وبدون ما ادركت اللي حجيته والبنيه الغريبة واكفه بعيد تراقب اللي صار بأبتسامة خبيثة
اجاني صوت البنيه وهيه تكول
ــ هسه بديت تتصرف صح دَيهم والقرار بأيدك هسه لا تتراجع
ابتعدت اكثر عنها التفتت اشوف ياقوتَ
تتراجع خطوات ليوره
و اختفت البنيه
رجع المكان خالي من البشر اجاني صوت ياقوتَ وهيه تصرخ
ياقوت : دَيههممم تخونيي
سديت اذاني بأيدي وعصرت عيوني وكعت بالشارع على ركب رجليه حلكي حسيت شي حار نزل من حلكي فتحت ولكيت حلكي ينزف دم ويوكع منه لحم بشر وسعت عيوني ودخلت بحالة هلع باوعت لـ اديه كلهن دم شفت بنيه واكعه ع الرصيف تقربت يمها شفت ساارة ولحمها بحلكي اكله وما اسيطر امنع نفسي صرخت بعالي صوتي وماكو كائن من يكون بعدين باوعت لي سارة وانا اكل بلحمها وهيه تكول
سارة : تعوفني دَيهم؟؟؟
عيونها كلها دمايه وينزفن دم صرررخت بعالي صوتي من الشفته وگلبي ماعاد يتحمله
فجأة لگيت روحي بنص الشارع والناس ملتمه عليه باوعت لجسمي كلشي مابي والمكان مليان اضويه والارض مابيها اي اثر للي صار .
بس اصوات الحادثه يتردد بعقلي ومدا يغوح كمت لحيلي وطلعت من بين الناس وكلها تسألني شبيك شصاير وياك وين غايح؟ ما جاوبت اي احد منهم اغيد جواب باللي ديصير بحالي وليش جاي اتعذب عيفتهم ومشيت مسافة عنهم واصواتهم تنسمع براسي وصلت البيت لگيت اصدقائي مكبسلين كعدت يمهم بقيت اضحك عليهم واكفخ بيهم بس بالي مو مرتاح من اللي انا بيه اجتني ريحة حبوب الكبسله وتدخل لخشمي مثل العلاج اللي ريح لي اعصابي واخذني لغير عالم كمت واخذت الحبوب بأيدي باوعت الهن دَيهم مره وحده ماراح يسون شي بس مرره وحده
بقى عقلي الباطن يشجعني اسويها شمرت الكيس وتوجهت للباب اريد اطلع خانتني رجليه وانا راجع واخذت الحبوب وشربت الكيس كله حسيت لأول مره ارتاح هيج بعد مدة طويله الصوت اختفى من راسي والهدوء ترس المكان .
حسيت بدوخه والدنيا كامت تدور بيه من كل جهة ورجليه خفن ماعاد يشيلني وكعت بفراشي وابتسم ويا روحي مثل الخبل وماعرف شنو سبب الابتسامه اشتعلو اهلك دَيهم اتخبلت رسمي اجت بالي ياقوت وفكرت شلون خنتها بهاي الطريقة وشلون گلبي طاوعني اضم لحضني بنيه غيرها؟؟ دَيهم وين هوسك بهاي ام لسان اللي من تكول ديههممم وتجرها تجر گلبي وياها تخالطت دمعتي ويا ابتسامه اتهسترت حتى انا مو عارف غيحي شتريد طلعت تلفوني واتصلت عليها جاوبتني
ياقوت : ديهومييي وويينكك؟
حجيت بصوت ثگيل وكوه جمعت الاحرف
ديهم : هه هللا ي يي يبععد اا الما يهدئ مم من يسمع ا اسمج
اختفت اللهفة من صوتها وهيه تكول
ياقوت : يممه دَيهم شبييي صوتكك؟؟
ديهم : انا ما استاهل تحبيني انا خاين وجذااااب
ياقووتَ
ياقوت : يا يممه يبعد روحي دَيهم شبيك فهمني همست بصوت مليان خيبة والدمع ترس عيوني
ديــهم : دَيهم خان شمعتو الچانت تضوي لو بليلة الضلمه .
يتـبع ….
▭𝅼▬࣪▭𝅼▬࣪▭𝅼▬࣪▭𝅼▬࣪▭𝅼▬࣪▭
رايكم بلبارت💔 اخخخ يسااارة
يبوگن الڪحل من العـيين
الفصل التالي: اضغط هنا
يتبع.. (رواية بين قبضتهم وقلبه) اضغط على اسم الرواية لتجد الفهرس كاملاً بجميع الفصول.