رواية بين قبضتهم وقلبه – الفصل العاشر
10
▬࣪▭𝅼▬࣪▭𝅼▬࣪▭.
❂رقــــــو ـ الجـــوهر ❂
بـين قبضتهُم وقلبة
💙 .
..
يـاريت العــمر بـس ويـاك
بلـياها الاوادم كلهــا والـجـنه
بقلمـي : رقو الجـوهر
..
حڪـيم : اعرفك رجال اذا ذبحتها اليوم
رفع السلاح على راسي مسحوب بي اقسام وسعت عيوني ع السلاح وصرخت
ياقوت : نواررر للاااا لاا والله ماسويت شي نوااررررر دخل اشهب يلهثث وحجز بيناتنه وصاح بوجها
اشهب : نواارر تكتلل اختك من ورا واحد دايح صدككك جذببب
لزم نوار من زنده يريد يبعده عني والسلاح موجهه براسي اباوع للزناد نوار مخلي اصبعه عليه
اشهب وهوا يحجز دفعه عني وكع بالكاع
ضغط علمسدس
ماحس الا واجت الطلقه برجلي وكعت من طولي باوعت لرجلي الدم يجري منها صرخت بعلو صوتي من الوجع
ياقوت : اشهببببب الحگليييي اشهبب خويههه
حسيت بوجع برجلي وبدأ بيها الخدر حسيتها ماتت ماعاد اكدر احركها كمت اناشغ واصرخ
ياقوت : اشهبب رجليييي اشهببب
شالني من الگاع وطلع بيه برا
بعد ماحسيت على شي .
✺ دَيـهم ✺
سمعت صوت الرمي عليها متت بدمي
اتصلت على شيلاء
ــ شسويتووو بياااقووت شسويتووو
شيلاء : دديهم نووار صوبها برجلها ووهسه اخذها اشهب للمستشفى
ــ قسم بأيات الله اذا صار عليها شي اخوج موته راح يكون على ايدي
شيلاء : صوج ابوككك احنااا شعلينهه عوف اختيي بحالهاااا
ــ كائن من يكون اليأذيها اناا الاحاسبه لا تحسبون ياقوتت ماعدها سند وبكيفكم تسوون بيها انا بعدني عايش واكف بضهرها
شيلاء : نووواررر راححح يموتهااا راح تموتتت على ايده من ورا ابوككك
ــ بسرعه اسم المستشفى
شيلاء : تروحلها حتى يذبحوهااا
ــ اسممم المستشفى شيلااء
ردت بخوف
شيلاء : ثواني بس اخابرهم وارجع اخابرك
ــ بسرعهه فدوا
طلعت من البيت وانا انتظر اتصالها حتى تنطيني عنوان المستشفى ماكو شي بالي غيرها خوفي عليها دياكلني من جوا حسيت روحي التصوبت مو هيه دزتلي عنوان المستشفى تركت كلشي بأيدي ورحتلها
دخلت المستشفى اللثام بركبتي مخليه لمحت اخوها
اشهب درت وجهي وخليت اللثام على حلكي
اتجهت للسكرتيرة اسألها مر من يمي واحد لابس ملابس عسكريه
ــ اللثامك
ديهم : شنو
ــ نزله اشوف وجهك
نزلت اللثام صفن بوجهي بأستغراب وگال
ــ شجاي تسوي هنا
ديهم : جاي اشوف مرتي
ــ اوكف اوكف شني قصتك
صفنت حرت شنو ألف قصة حتى ما يشك بيه عندي شي
ديهم : مرتي اهلها اخذوها مني غصب وميقبلون يردوها وهسه هيه مريضه هنا واجيت اشوفها
ــ صدك تحجي؟ والقانون شنو شغله؟
ديهم : الخاطرها ما ادخل القانون تخاف على اهلها وتحبهم
بقى ساكت يباوعلي مستغرب
ديهم : اترخص ماعندي وقت
رجعت اللثام على حلكي وعفته ومشيت
ديهم : عفواً المريضه ياقوت حڪيم غرفتها اي رقم ــ نعم رقم غرفتها 66 ع الجهة اليمنى
دخلت بالممر وعيني ع الجهة اليمنى ع امل انو المحها المح روحها الذبلانه وصلت للغرفة 66 صادفتني حجيه جبيره بالعمر طلعت من باب غرفتها حسيت بيها امها بسرعه درت وجهي عنها سويت نفسي راجع وقفتني وهي تكول
ــ يمه وليدي تكدر تشيل النفايات اللي بداخل الغرفة اختنكت من الضحك
رغم كسرتي الجبيره على ياقوت
رجعت التفتت الها
ديهم : بعيني حجيه
ــ يااااا اعذرني والله عبالي اليلمون النفايات
ديهم : وشعرفج انا مو منهم
ــ يمه شكلك مال ضابط عقيد اني جداً اسفه
ديهم : لا يمه على بختج بلا زحمه بس سويلي درب ــ بعد عيني ياب مشكور
دخلت اباوعلها غطت شعرها لـ شمعتي بالشال ورجعت انا سويت نفسي ما منتبه
ــ فوت يمه
دخلت عيني اجت عليها ما كدرت اتمالك نفسي كدام امها عيوني دمعت باوعت لرجلها مضمده وعيونها ذبلانه واثار الخنگ على رگبتها شلت النفايات وطلعت ذبيتها ورجعت
يول ديهم تاليتك تفرغ نفايات وانت ابو خشم الطاخ بالسماء هههههه رجعت احوس يم الغرفة اريد اشوفها حسيت ماكو احد تقربت للباب فتحته لگيتها وحدها امها ماكو روحي فرفحت عليها دخلت وقفلت الباب وراي تقربت يمها الكانونه والمغذيات بأيدها واسمع صوتها تون كعدت يمها ع السديه لزمت ايدها ايدها مرتخيه مو ذيج الايد الصلفة التدافع وتعاركني وتضربني همستلها
ديهم : شمعتي؟ كومي عاركيني واضربيني وادفعيني بأيدينج الحلوه هايه ارجعيلي متلهف اسمع صوتج وانت تكولين حُـررررر وخررررر
وخرت اللثام عن حلكي احجي وياها
ديهم : اشتاقيت لـ عيارتج وانتِ تكولين ماريدككك اقلد كلامها من تحجي حركت ايدها وانا لازمها شدتها على ايدي فتحت عيونها
ديهم : ريت بيه ولا بيچ بويه
باوعتلي بعيون تعبانه
ياقوت : ديهم انني م مو الك عوفني و و وروح غنيتلها الاغنية اللي كل ماتجي هيه ابالي ارددها بعقلي خايف من خسارتها
ياس خضر :
گولولها باقي وفي وماخونها
گولولها مشتاگ اشوف عيونها
عايشه مثل البنات؟
لو بيها دارت هالحياة؟
شلونها ليلة الجنت مجنونها
ما يمر يوم والا وافكر بيها
وايدي ياما حلمت بلمسة ايدها
ع درب عيني واتاني اخبارها
گلبي من دون البنات اختارها
دمعتها نزلت تناشغ وانا اغنيلها
بس كملت لأن الاغنية كلش توصفها
انا احتار لو شفت دمعة عينها
وعمري شمعة يذوب بين سنينها
خوفي غيري يصير هوه احلامها
ويا ثاني تعيش تالي ايامها
شلونها ليلة الجنت مجنونها
دموعها تنهمر من طرف عينها قربت شفتي وبست دمعتها عصرت عيوني اتهجس بحسرتها خليت راسي براسها وهمستلها بحسرة
ديهم : تحرم عليه بنية غيرج
تبلع ريگها بالگوه توها تريد تنطق واندك الباب وسعت عيونها خايفه گالت بحسره
ياقوت : الله يخليك رووح منا لا يشوفوك
صخام بوجهي هسه وين ارووح المستشفى حتى شبابيكها بيها حديد وين اطفر رجع يندگ الباب بقوه الصوت كام يعلى اكثر واكثر باوعتلها ياقوت خايفه وتهز راسها بمعنى لا تفتحه قربت يمها بستها من راسها ورجعت اللثام على حلكي وكلت خلي اليصير يصير رااح افتحه للباب فتحته طلع بوجهي الشرطي الشفته بالممر يم السكرتيرة اكتله هسه هذا لو شسوي
ــ كملتو؟
ديهم : شنكمل خالي؟
ــ مو هنا مرتك
ديهم : ها اي هنا؟
ــ اخذ راحتك اني واكف هنا اجت امها ومنعتها تدخل گتلها اجرائات امنيه
ديهم : خالي مشكور بس ما يحتاج
ــ شنو ما يحتاج صارلك ساعه يمها
ديهم : خالي بس شفتها وضعها حيل تعبان
ــ صدك سمعت متصوبه منو مصوبها خل تقدم شكوى
ديهم : بيني وبينك؟
ــ اي
ديهم : اخوها
وسع عيونه بصدمة
ــ مصوبها؟
ديهم : اي بس هيه ماتعترف بهل شي
ــ وانت هسه اعترفت انتهى الكلام
ديهم : اقوالها المهمه انا مو مهم
اخذله صفنه طلعت جكاره وقدمتله اخذها مني ورافع حاجبه
ديهم : خالي انا رايح لحد يشوفني
ــ تخاف
عكدت حواجبي وكتله
ديهم : اخسى اذا اخاف بس خوفي
عليها عفته ومشيت
طلعت من المستشفى رجعت لـ بيتنا دفرت باب الصالة وطبيت عليهم ابوي كاعد واخوي وامي وياهم صحت بيهم
ديهم : شهل حجي الحاجيي عليهاااا
غـيدان : صوتككك ماريد نفس
ــ وانت شرايد؟ عفت بنات العالم كلها واختاريت بنت هذا العااار
ديهم : اييي كلمهه غلط بحقهاااا اشگ حلكك
تقرب عليه ابوي ودخل بيناتنه دفعني بصدري وخرني عن اخوي ونتر بوجهيي
غـيدان : دييهمممم شيلهااا من بالككك
ديهم : اخذ روحي ولا تگلي عوفهااا
دار وجهه عني لزم راسه متعصب
غـيدان : تعررررف منووو ابوووهااا؟ تعرررف شنو اصلهاااا؟
ديهم : مو مهم
غـيدان : لككك هاييي من الهواااششمم الغدر يمشيييي بدمهااااا حالها حال ابوها واخوانهاااا
ديهم : ياب تختلف والله تختلف مو مثلهم
غـيدان : دييهممم لو يگطعوني تگطع ماتصيرلك مره من عشيرة الهواشم
امي : يهون عليك ابنك هيج يصير بي
صاح بيها ابوي
غـيدان : انتت لا تدخلين بسوالف الزلم محد دمرر ابنج ذاك ماعرفتي تختاريله للأسف
التفتلي
غـيدان : ببااااوع انت الثاني موضوعها لتناقشني بي بعد
ديهم : ياب لا تجبرني اسلك غير طريق
غـيدان : انت لو شايف ابوهاااا شلون فشلنييي جان طميت روحك يالعار وبعدين يا طريق تريد تسلك؟ تهددني يعني
سحبت نفس حركت شواربي بأصابعي وگتله
ديهم : شلون تريد تفهمها افهمها متصيرلي مره غيرها نتر بوجهي
غـيدان : لعد ابقى هيج طووول عمررركك
عافني وراح لغرفته باوعلي بلال يبتسم بخبث ويكول
بـلال : انوب علينا الهاشميه تصير چنه بيتنا
فار دمي عليه وهوا يگول هيج تقربتله ولزمته من ياخة الدشداشه نفضته ع الحايط بعصبيه
ديهم : لتجييييب طاريهااا على لسانكك بعدد
اجه سالم من غرفته يدردم
سالم : هاي شبيكم مره تسوي بيكم هيج عمت عين الزلم طمنه وراح بلال مستمر يبتسم بخبث يحاول يستفزني هديت ياخته وطلعت لغرفتي صاحت امي امي : يـمه لتسوي بنفسك شي
نطق كلماتي وانا متجهة لغرفتي
ديهم : يمهه كولي لرجلج راح اسوي بنفسي شي اذا متاخذوها الي وانا حذرتكـم .
ـ ياقوت ـ
متمدده ع السديه دخل عليه اشهب
اشهب : لتخافين نوار ميكدر يسويلج شي خيولي جاوبته بصعوبه
ياقوت : نوارر ميعوفني بحاليي من وعيت وشفت وجهه هوا قاسي وياي! ليش اشهبب اذا تعرف گلي؟ نزلن دموعي دخلت علينا امي تخوصرت
ابابيل : ها كعدت المسعده
اشهب : يممههه
ابابيل : انجب انت لا تدافع عنها اثاري طلعتي حاطه اخو صديقتج جوا ايدج يولي؟ يل ماتخجلين لو الله ماخذج قبل لتطلعين من بطني اهون من الشفناه منج سافله!
ما جاوبتها بقت نضراتي عليها وهيه تحجي تقربت مني ولزمتني من دلعة الدشداشه وگالت بنتره
ابابيل : انت جيتج ع الدنيا غلط
نفضت ايدها من دلعتي وهيه خازرتني
ابابيل : الله ياخذج ان شاء الله ما تستاهلين النفس حرامات بيج
ماجاوبتها مستمره بكلامها اليجرح رجعت بغضب وهيه تنضرلي وعيونها مليانه كره وحقد
ابابيل : لا تجيبين طاري اخوج بالصار كله
ابوج دزني عليج ويكول وحق من انزل القران امثل بيها ابشع الجرائم اذا تجيب طاري اخوها
هزيتلها راسي بمعنى اي وهي خازرتني
ابابيل : غصب عنج مثل الجلبه
اشهب هزلي راسه بمعنى عوفيها
من التعب رجعت غمضت عيوني ونمت
اليوم الثاني اسمع صوت يگعد بيه
ــ عفواً ياقوت حڪيم؟
فتحت عيوني لكيته ضابط
ــ ممكن اخذ اقوالج
ياقوت : نعم
عدلت گعدتي
ــ احجيلي الحادثة بالتفاصيل
ياقوت : اخوي جان ينظف بسلاحه وجنت گاعده يمه تشاقينه اني وياه وضغطت ع الزناد بالغلط واجت الطلقة برجلي
ــ عمو هذا فلم هندي
حصرتني الضحكه يمه وين انطي وجهي ابتسمت ياقوت : عمو والله بالغلط
گال بخفوت
ــ ترا البارحه زوجج حجالي كلشي
ياقوت : زوجيي؟
ــ اي زوجج ابو اللثام المجرم هههه
ياقوت : هها اي جان يمي بس هو ميعرف شصار
ــ باعي هسه اخذج واخليج بأيد زوجج اذا حابه جاوبته بتوتر
ياقوت : لا لا عمو اني من اطلع منا اروح لـ بيتي
ــ واخوج ماتقدمين شكوى ضده
ياقوت : لااا عموو اني متنازله عن كلشي
ــ متاگده
ياقوت : اي واتمنى هل شي يبقى بيناتنه ماريد اهلي يتأذون
شال اوراقه بأيده وطلع من الغرفه
دخل اشهب مرعوب
اشهب : ياااقوتت خما حجيتي الصار؟
ياقوت : قابل تخبلت خويهه!
رجع مشى بي الدم وزفر انفاسه
اشهب : الحمدلله توني جنت يم الممرضه تگول نص ساعه ونطلعج عادي
ياقوت : ونوار؟
اشهب : خيولي حتى اذا يمسلت لتردين عليه
رجعنا للبيت واستقبلني ابوي بالصاله برزاله
حڪيم : ها يبنت الشيخ هاي تاليتج؟ تنزلين راس ابوج؟
بقيت ساكته كلامه صحيح واني نزلت راسه
نزلت راسي بخيبة امل
حڪيم : ما الج عين تباوعين بعيني مو؟
صاح على امي
حڪيم : ابابيل؟ هاي تربيتج لبناتج مع الاسف عليج امي بقت ساكته ما جاوبته من الفشله
حڪيم : تلفون بعد ماكو وين تلفونهااااا ردت شيلاء مخترعه
شيلاء : هذا بابا يمي
جابته وخلته بأيده هزتلي راسها بمعنى
وفهمت منها انو حاذفه كلشي
دخلت لغرفتي واني اسمع كلامهم مثل السجاجين يدخل بگلبي
نمت لا سبحت لا مشطت لا كلشي بعد ساعات سمعت صوت باب غرفتي يندگ
ـ منو
شيلاء : اني عادي ادخل
ـ تعااي
شيلاء : ها شلون صرتي
ـ اذا اكلج زينه اجذب عليج
شيلاء : والحل؟
ـ كلمن بـ طريق انا وياه
شيلاء : تصدكين اني هم اشوف هيج احسن الكم لان ابوي مستحيل ينسى ثاره
ياقوت : هه تعلميني بأبوي
شيلاء : صدك ماكتلج
ياقوت : شنو
شيلاء : اكو كاميرا باقيه مشتغله من احتركت الحنطه والمزارع مالتنه وهسه ابوي راح يجيب الكاميرا حتى باجر ياخذها للمكتب يسحبوها ويشوفون الفاعل
اتجمدت بمكاني لوني انخطف ريجي نشف بالكوه بلعته
ياقوت : يعني ميصير يسحبوه مباشر؟
شيلاء : لا ابوي يكول الا عل مكتب خاص بيها
حجيت بتلعثم
ياقوت : شوكت يروح ابوي
شيلاء : كال باجر اروح لأن العصر عنده شغل
ياقوت : ها
شيلاء :شبيج بعدج مريضه
خلت ايدها على كصتي
ـ شو عرگانه
ـ صخونه من الطلقه اثرت بيه حيل
ـ نامي لعد اني رايحه
ـ سدي الباب وراج
ـ تحتاجين التلفون
ـ اي اييي اريده بس فدوا لتخلين احد يحس بيه
ـ هاج راح اقفل الباب عليج من الخارج نص ساعه واجيج
ـ تمام
راحت وقفلت الباب وراها
اتصلت عليه مايرد اتصلت مره ثانيه هم ما يرد وينك رررد راح يذبحوونك اتصلت مره ثالثه فتح خط
ريماس : الوو يااقوت؟
ياقوت : ريماس حبيبتي وينن ديهمم
ريماس : مصايب يياااقوت مصايب
ياقوت : شكووو بي شي؟؟
ريماس : دديهم بالمركز ويمكن اعتقلوووه بعد ماشوف اخووووي ياااقوت
كمت مفزوعه بطولي من الجربايه
ياقوت : شيريدووون منه فهمينيي
ريماس : ابويا ابويااا خبر عنوو وبعد ماشوفوو يا كسيرة ضهرنه
ياقوت : ليش هوَ شمسوي
ـ والله ماسواه شي والله ماسوااا ديهمم ببرائتوو ماكو
ـ ومصيبه الثانيه اجتنه بالطريق
ـ شكوو
ـ ديهم حرك مزارع اهلي كلها وهسه اكو كاميرا باقيه مشتغله وراح يكشفووه
صرخت خرعتني
ريماس : يماااا اخوياااا ضاااع اخويااا راح يعدمونو تحجي بكلام غريب بس بعدين ادركت هاي لهجتهم
ـ بأي مركز هوَ
ـ مركز تكريت
ـ يعني انتو مو قريبين من عدنه
ـ لا وين احنا بتكريت قاطعتني
يماا انا غايحه شوفو لأخوياااا اذا صار بيه شي يجن جنوناااا
سدت الخط وراحت يمه عزا بعينككك شنو راح يسوون بيك ليش بكل هذا انيي مما ادري لييييش بقيت اروح وارد بالغرفه لمن دخت وكعدت مابيدي حيله بس فجأه اجت بالي فكرة يمكن تاخذني للموت و تخلصه من الموت .
الساعة 9 ليلاً
فتحت باب غرفتي البيت هدوء اسمع بس صوت امي بالمطبخ مدري شتگرگع خطيت خطواتي ع اطراف اصابعي خايفه لحد يسمعني باوعت للصالة الارضية ابوي يفتر وبيده علاكه راح لغرفته دخل وسد الباب رجعت لغرفتي من الخوف ما اكدر انزل ياقوت : لتضلين جبانه تشجعي بس هل مره لخاطره لخاطر حبج اله
رجعت فتحت الباب اريد انزل ولمحت ابوي طلع من الغرفه وسد الباب واتجه طالع برا البيت نزلت بخطوات صوتها خافت ع الدرج باوعت للمطبخ امي تگرگع ومخبوصه كملت خطواتي ع درج وصرت بالصاله توجهت لغرفة ابوي وامي
اتلفت يمنى ويسرى خايفه احد يشوفني
فتحت الباب ودخلت وقفلته على نفسي باوعت للغرفه ادور عل علاكه فتحت الكنتور مفزوعه گلبته گلب مالكيته رجعت سديت الكنتور ورحت للجراره فتحتها لگيت العلاكه الجانت بأيد ابويه فتحت العلاگه لكيت بيها الكاميرا وويا اشرطة فيديو هواي وشرايح اخذت العلاكه كلها اريد اطلع وسمعت صوت خطوات جايه بأتجاهي جمدت بمكاني من الخوف التفتت يمين يسار اريد شي اختل بي طفرت جوا الجربايه انفتح باب الغرفه رجلين امي تفتر بالغرفه وتدردم
ابابيل : هاي شمسوين بالغرفه هاجميها هجم انوب حتى البنات عبالك عرايس انزلن عاونني مو عيشه هاي تالي اهج واخلص منكم اشرفلي
حسيت بأطراف اصابعي وايدي صارت بارده من الخوف اتجمدت بلعت ريگي خايفه تحس عليه خلت تلفونها ع شحن وطلعت من الغرفه وتركت الباب مفتوح طلعت من جوا الجربايه وعيني عل باب خايفه يشوفوني غير يخلصون على حياتي
العلاكه بأيدي شايلتها توجهت اريد اطلع من الغرفه ورجعت اتذكرت اذا مالگو العلاكه شراح يصير؟؟ راح يشكون بيه والنبييييي يمههه رجع الخوف احتل گلبي بقيت متردده بين اخذها وبين ارجعها بمكانها بعدين فكرت بشغله بس هاي يمكن راح تجيب اجلي بس ما يهم المهم محد يعرف هوا الفاعل رجعت العلاكه بالجراره باوعت للرف لگيت جداحه لان ابوي يدخن فـ عادي الگه جداحه بكل مكان اخذت الجداحه وقربت البرده مالت الشباك من الجراره فتحت الجراره وشعلت شرارة نار بالعلاكه وخليت اطراف البردة بالشرارة حتى تلوحها النار
فز گلبي من افعالي وتراجعت خطوات ليورا مفزوعه يمهه ولج ياقوتت وصلت بيج تحركين اهلج علموده؟؟؟ فلك فلكني
حراره النار كامت تولع اكثر وتلفح بوجهي واللهيب يتطايررر گامت تلتهم كلشي قريب منها بدون رحمه طلعت اركض من الغرفه مفزوعه والصدمه واضحه على ملامحي وموسعه عيوني
ما وصلت المطبخ وگعت بالكاع وصرخت
ياقوت : يمههه احتررررركنههه اشتعلنهههه الحگوووونه
باوعتلي امي باب المطبخ مفزوعه وصرخت
ابابيل : يمصكووووعهه فلوووس ابوووججج ومستمسكاتنهه
كامت تعييط وتخلي ماي من السنك وتصب عل نار حتى تطفي بس مافاد النار جاي تكبر اكثر واكثر اكلت نص الغرفه امي وهيه رايحه وراده حتى اطفي النار باوعتلي مبهوته واكعه بالكاع على طيحتي متجمده اجت يمي ولزمتني من دلعة ثوبي ونفضتني بقووه وصرختت
ابابيل : كوميييي طفييي الناررر وياييي راح نشتعلل يمهه منين اجتني هل مصايب
دفعتني وكامت ودردمت
ــ كون تشتعلين بنار جهنم بجاه النبي محمدد
باوعت للغرفه والدموع بعيوني والنار كل ما اكثر تلهب ولهبها يسيطر علينه
احس بحروره جسمي من النار
والنار جايه بأتجاهي حسيت للحضه اريد النار تلتهمني وارتاح من كل هذا العذاب اللي جاي اعيشه
اريد النار تلتهمني لـ سوء تصرفاتي ليش هيج صرتي قاسيه ياقوت؟ يمكن من قساوتهم؟ او تعاملهم العديم الرحمه اليه هما اللي زرعوو كل هذا القوه بداخلي كله من افعال ايديهم الجانت تضرب بيه وتعذبني بلا رحمه كله من سوء ضنهم بيه واتهاماتهم الحقيره بروحي البريئة
بديت اجر نفسي بأتجاه النار واني كلي خيبة امل وكارهه نفسي كره شديد اريد النار تاكل كل جزء بجسمي
حسيت بأيدين تسحبني من ورا وتبعدني عن النار بـ مترين
انشمرت بالكاع
التفتت وراي لگيته اشهب مفزوع وشعره مخربط ومن الخوف حاير وين يروح راح للحمام شال سطل جبير واجه تارسه ماي وبدأ يطفي بالنار واني مركزه بي حسيت بدأ يغمى عليه لزمت رجلي المتصاوبه اتلمسها بيها شي؟ عزا بعينج ياقوت شسويتي حتى بوجع رجلج ماحسيتي!
عيوني بدت تغمض كوه افتح بيهن واعاين لـ اشهب همست بصوت خاف
ياقوت : اا. اشهب
حسيت براسي وكع ع الكاع وصار كلشي اسود
فتحت عيوني شفت روحي بالغرفة ومحد يمي والباب مفتوح واسمعهم يحجون كلام مو مفهوم صار عندي فضول شديت حيلي اريد انزل من الجربايه دخلت امي عليه
ابابيل : شجنتي تسوين بالغرفه مالتنه ها؟
ياقوت : شأسوي؟ أصلاً ماجنت بغرفتكم
ابابيل : لعد شمدريج اشتعععلت؟
ياقوت : اني شميت ريحة الدخان وطلعت اركض ومن شفتها خفت من المنظر واتجمدت بمكاني
ابابيل : والله ابوج تخبل وگف عقله شلون الغرفه اشتعلت وشاك بيج
ابابيل : شعندي حتى يشك بيه
گالت بأستهزاء وهيه ترفع بحاجبها
ابابيل : والله مادري اسألي روحج ست ياقوت طمتني ومشت
اذكرت ديهم فتحت التلفون وهمست
ياقوت : يمهه ريت بعدوانك يل تسوه سلفنه وزلمنه اتصلت عليه ميجاوب عرفته ما رجع من المركز هاهيه انتهى حبيبي ما اشوفه بعد رجعت اتصلت مره ثانيه ع امل انو يرد ردت ريماس
ريماس : اخويااا بالزنزانههه اخويا ماشوفو بعد انفزعت من كلامها
ياقوت : حُـر ميعوفنييي ابد هوَ وعدني اني اثق بوعوده ميعيش بدونيي
سمعت صوتها وهيه تبجي وتناشغ
ياقوت : اشش لتبجين لتبجيين ديهمي راجع ميعوفنييي
احس فقدت عقلي بهل جملة
ايدي ترجف سديت التلفون بالكوه اجت شيلاء
شيلاء : ترا تلفوني اريده
شمرته الها وبقيت ساكته
شيلاء : لججج بصعوبه اشهب مطفي النار ومسرة هبطت من الخوف واشهب النار لاحت ايده
ياقوت : جذببب؟
شيلاء : والله بس شويه مو هواي بس تشعوط شعر ايده ههههه وابوي متسودن بالصاله هسه
ياقوت : ليش
شيلاء : لكاميرا والاشرطه مشتعله بالحريق
ياقوت : يااا صدك تحجين
شيلاء : والله العظيم وشاك بيج هسه اشهب گوه هداه گاله ياقوت ماتسويها ليش تحرك الغرفه گاله ابوي يجوز تريد تنتقم من عدنه لان شجعنه نوار يكتلها وبالگوه اشهب قنعهم مو انت الفاعله
ياقوت : يريدون يصدكون بكيفهم
ميصدكون طبهم مرض .
گمت سبحت ومشطت وشسورت والبيت هدوء محد اجه وعاركني هم الحمدلله طلعتي منها ياقوت
****
ام بلال : ولككك شلووون تسجنووو شلوون هذا ابنك حشاشه يوفك شلون انطاك گلبكك؟؟؟
ابو بـلال : ما يسمع كلمتيي كله يسوي اللي براسو انا مابقلبي رحمه ع اللي مثلو يعذبني
ريام : لا ونوب يحبلوو وحده ههاااشميه منعرف اصلها من فصلها هي واهلهاا
ابو بـلال : ومن انزل القران متصيرلوو مره من الهواشم لو دنيا تنقلب
رغـد : سدوو موضوعها فدوااا نحنا مو ناقصناا هساع ديهم تطلعونو من السجن شتكول علينا الناس
ريهام : يابه خطيه اخونااا حاطو بسجن طيب واحنا نعرفو بريئ وماسواها وذبحوو للولد
ابو بـلال : ما يسمع كلتي وهذا عقابو حتى يتوب ما يعيدها بعد
ريماس : بس يابه والله ديهم اليريدو يسويه والبراسو ياخذوو اخوياا واعرفوو
ريام : والله لأخلي اخوانو يكسرون راسوو وانت الصوج منك يابه انت علمتوو ودللتوو
ابو بلال : تربيتي ضاعت بهذا الولد
ام بلال : والله ما انام الليل اذا ماتجيبلي وليدي اشوفو شيصبرني وهوا بعيد عناا
ابو بـلال : والله الا اخلي يتعفن بالسجون حرامات اخوه وسخ ايديه وذبحوو لهذا الولد .
ديهم اريدوو يتورط هيج ورطه حتى اخلص منووو ومن عمايلووو
بلال : حتى عمامي يشتكون من عندووو ومن عمايلوو تذكرون بنت الرمادي رمه عمي بالسلاح چيف عارضووو وگلوو ماترهملك عيفهااا
ولكك عمايلوو لا وحده ولا ثنتين من اذكرووو ادنگ راسي خجلان خليه بس السجن يلمووو ويكدرلووو
ريماس : وانت مرتاح واخوك بالسجون بتهمه انت اللي عملتها مو هوَ والله حرام عليك ياخويااا هذا اخوك شلون نطاك قلبك
سالم : انجبي انجبي لا تدخلين بسوالف اكبر منج
واحنا قاعدين نسولف اجا ابويا اتصال من المركز
ابو بلال : وعليكم السلام اي يعني الشغله انتهت؟ الحمد لله عادي هسه تطلعونو؟؟ نجي ناخذو؟ ان شاء الله مشكور حياك الله
الكل : هها يابه؟؟ شبي ديهم؟
ابو بلال : رايح اجيبوو يقولون الشبهات مو على ابنك اكو شخص ثاني بأيدوو علامه ما اعرف شنوو المهم رايح اجيبووو تروح وياي بلال؟
بلال : اي يابه انتضرني بس اجيب سويج السياره وانزل
ابو بلال : يلا ابني لا تتأخر ما اعرف شوكت راح اخلص من مصايبووو لهذا الولد
طلعوو وراحو يجيبوو وبقينه ننتظروو نغيد بس نشوفوو ادحگ لـ امي دموعها تنزل ومفجوعه عليه انفتح باب الصاله ودخل علينااا ديهم ايدوو مورمه وحالتو حاله وجهوو محمر ودمارات كصتو منفوخه وطاكه ويفور عصبيه تلكينااا مشتاقيلوو وضميناه وحده ورا الثانيه كعد يمنه بالصاله وحسيتوو هدي من عاين عليناااا ماراد يخرب فرحتوو بينا وفرحتنه بيه! بعدين امي قلتلوو
امي : غيح لدكتور شوف ايدك شنهو وجعهااا
ديهم : ما اهجس وجعهاا خلهاا تولي ماتهموو
ريام : لخاطرناا غييح شوفهاااا
ديهم : بس انام وارتاح وباجر اغيح عود .
تركناااه براحتووو وصعد لغرفتوو يرتاح لحقتوو اريد اقلووو على ياقوت وصل باب غرفتووو وناديتوو
ديهم : ها حبيبتي محتاجه شي
ريماس : لا بس ياقوت خابرتني مفجوعه عليك
عكد حواجبو وضايج وقال
ديهم : شقالتلج
ريماس : قالتلي كاميرات المراقبه بيهم كاميرا تشتغل وراح يلزمووو للفاعل وحسب ما قالتلي انت الفاعل! بقى ساكت قلتلوو
ريماس : ليش ياخويااا ح تضيع نفسك بيدك متخاف انت؟؟
ديهم : الايد اللي تنمد عليها مو بس ابترها اقتلعها من جذورها
بقيت مصدومه ادحگلوو عيونو جمار و دمارات وجهوو ورمت من العصبيه
ـــ ياخويها هل گد تحبها؟
ديهم : مو بس احبها مهووس بيها فكري كلوو يمهااا حسيت بالغيراااا من حبووو الهااا ما اعرف يمكن لأنوو ماجربت احد يحبني واحنا نسولف دخلت علينااا ريام
ريام : اللي خلقهااا خلق غيرهااا لا تتجنن جاوبها
ديهم : بس اخذها انتِ اول وحده غاح تحبيهااا
ريام : ايييع مابقت الا الهاشممميه احبهااا
ديهم : تسواا راسججج
رادوو يتكاونون وقلتلهم
ريماس : اشش كافي سدو الموضوع
انا غحت وشفتهااا للبنيه حيل حبابه وجعد تضلموهااا بكلامكم
ريام : والله انتِ المضلومه لا تصدكين بالمظاهر انطتنه نضره غريبه وعافتنه ومشت دحكت لـ ديهم لازم ايدوو توجعوو
ــ خوياا لا تهتم لكلامهاا هاي خبله
ــ انا بس هيه تهمني
حاير شرتكب يا راي فكري كله يمها وابوي يگلي عيفها مسودن هذا
ــ يجوز مو قسمتك ياخوياا
عكد حواجبه ودنگ راسوو وگال بحسره وقهر
ــ كووون بگلبي اضمهاا
انقهرت عليه جثيرر حملت نفسي وطلعت من الغرفه ماريد اشوفو مقهور وانكسر اكثر عليه .
ـ ديهم ـ
فتحت تلفوني خابرتها تلفونها مغلق اتصلت لشيلاء جاوبتني بقيت ساكت خاف احد يمها
ــ الوو ديهم؟
ــ وين ياقوت
ــ نايمه
ــ بسرعه كعديها اريد احاجيها
ــ ليش
ــ بس ٥ دقايق احاجيها
ــ راح اسده ومن اكعدها هيه تخابرك
****
الاحداث من طرف ياقوت
كعدتني شيلاء انطتني تلفونها وكفت تراقب بالباب لحد يجي اتصلت على ديهم ما جاوب دزيتله مسج
ــ ديهم رد ماعندي وقت بسرعه
شاف المسج واتصل جاوبته وگال
ــ هلا يبعد عافية هلي
ــ ديهم؟
ــ عيونه لـ ديهم
حجيت بصوت خافت
ياقوت : حرگت بيت اهلي
ديهم : عزا بعينججج ليشش
ياقوت : الكاميرات حرگتهن حتى ميعرفونك انت الفاعل
ديهم : هيج تحبينه لـ ديهم؟
ياقوت : عمري كله فدااه
ديهم : ويردوني اعوفج؟ ويلوموني ليش احبچ
ياقوت : وامي شاكه بيه تگول انت شعلتي الغرفه
ديهم : لعيونج اروحن فدوا يهوااي
همست بخفوت : حبيبي؟
ــ كولي شمعتي
ــ والله ما اريد اخسرك بس جاي احس انت مو من نصيبي
عصب ونتر
ديهم : لتعيديهاااا بعدد اكصه للسانج والخلقج
ــ بس خل نكون واقعيين
ديهم : اشش ولا حرف انت طمني بالج ودحگيلي من بعيد شراح اسوي بيهم
ــ شتسوي عزا بعينك
ــ اطشرهم وحق لا اله الا الله
ــ فدوا لا تحرگلهم شي هل مره
ــ احرگ اهلي انوب ههههه
ــ ياااا ذوله اهلك ديهمم
ــ وانت مو حرگتي اهلج؟
ــ ها بديت تعايرني؟
ــ ابوس الايدين الحرگتهم
ــ ديلا بلا لواگه
ــ بطني دتأذيني
ــ ليش؟
ــ مغص من سوالفج الحلوه هيييج اريد الزمج واخبزج بالكاع من كثرر خبالي بيج
خليت ايدي على وجهي وصحت
ياقوت : يبوووي راح اشبع تخبز منك
شيلاء : هها مافضيتوها
ياقوت : انجبي وعينج عل باب
شيلاء : الك الله الفقير اني يصير بيه هيج ههههه
ـ ديهمم راح اروح هسه احاجيك بعدين
ــ انتبهي لـ نفسج
ــ ان شاء الله
سديت الخط وانطيت التلفون الها
ـ بعد شهرين ـ
الامور كلها على حالها اهلي ماعرفو الفاعل لان اني ماقصرت حركت الغرفه باللي بيها ومابقى اي اثر للكاميرا صارت رماد ولا مره توقعت گلبي راح يقوه لهل درجه واحرك اهلي علموده نار گلبي ولعت شرارة بنصهم والتهمت اي شي يأذي ولمن ارتاحت يلا طفت هالنارر
رجلي طابت وديهم ماعندي اي تواصل وياه اهلي عيونهم على شيلاء يراقبوها خاف تنطيني تلفونها
اجيت اريد انام سمعت صوت جاي من الشباك مال غرفتي باوعت ماكو احد غلست يجوز يتهيئلي فتحت الكنتور طلعت ملابسي وبدلت بالحمام كعدت كدام المرايه اريد امشط طفيت ضوه الغرفه لأن اني اغلب الاوقات امشط بالضلمه فتحت شعري وبديت امشط والغرفه ضلمه وشعري يوگع بين ايديه خصل خصل انعصر گلبي على نفسي وع اللي ديصير بيه احس يطبق على نفسي بهاي اللحضه
( فوك الضيم العليه شعري يوكع بين ايديه )
كملت تمشيط وفتحت الجراره ادور عل كيتر اريد اضفره حسيت بأنفاس حاره وراي كلش قويه
ايد انمدت على شعري يسحبه من ركبتي
بقيت متجمده بمكاني حرت شأسوي قدم وجهه عليه خشمه طخ بخدي يشتمه ورموشه حادات وطوال يخدشن بخدي المشط بأيدي لزمته بكل قوتي ورفعته اريد اضربه بي عود اريد اطبق قانون
اترك اثر ع ضحيه حتى ينكشف ههههه من رفعته اريد اضربه لزمني من معصم ايدي وهوا مستمر يشم بخدي بأنفاسه الحاره احسها تلعب بدمي من حرورتها .
لوه ايدي ورا ضهري اسمع صوت دكات گلبه بـ اذني تدگ من قوتها ملامحه مو واضحه من الضلمه بلعت ريگي بالكوه واتلعثم الساني ضيعت الاحرف ما اعرف شلون انطقها قرب خشمه على وجناتي وهوا يشم بيها ورموشه ماتتحرك همسلي
ديهم : فراگج لعب بيه لعب سودني
وسعت عيوني متلهفه لصوته
ياقوت : حُـر؟
ديهم : اخخ ينار گلبي
گمت من طولي وبدون وعي ضميته نومت راسي بركبته عطره الحرموني منه حنانه ودفو گلبه احتلت گلبي ودفت روحي الجانت جليد بدونه
خله ايده على راسي يبوسه ويمسح بي
ياقوت : وين يردون يضموج مني؟
ياقوت بحسرة : روحي يمك مهما حاولوا
ديهم : لو يضموج بقفص اوصلج انتِ انخلقتي
لـ ديهم خليها ببالج
شغل ضوه التلفون وشمره ع جربايه حتى يشوفني
ابتعدت منه وباوعت بعيونه الحزن واضح عليه
ــ حنيت لك
ــ يبعد امي وابوي
ــ اريد اطلع
ــ وين؟
ــ اخذني
ــ احلفيي؟
ــ والله
ــ امشي
ــ وين نمشي
ديهم : نشرد وازوجج نخلف ١٥ طفل ونرجع لأهلنا
ياقوت : ههههه عزا بعينك شنو فريق ١٥ طفل
ديهم : انا احب الاطفال ونوب انتت امهم يابووويه اكرطهم
باوعتله بغيره ورفعت حاجبي
ياقوت : واني؟
ديهم : انت الروح مال انا انت العافيه انت شمعة بيتي
ياقوت : اوف ما اتحمل
ديهم : ها بس لا تتخربطين وين اوديج بهل ليل
غمزتله وانا اضحك
ياقوت : بس تضمني بحضنك اطيب
ديهم : والله العظيم راح اسحلج
ياقوت : هممم؟
ديهم : سوالفج تخلي الواحد يطلع من طوره ويسوي شغلاتتت استغفر الله ياربي
بقيت اعصر باصابعي وگتله
ياقوت : شني الشغلات؟
ديهم : متعرفيها؟ اعلمج؟
غطيت وجهي بأيدي
ياقوت : يبوووي شكد ثوله اني
ديهم :احبج لأن ثوله
لزمت ايده وهوا مجتف روحه
وگتله بنضرات توسل
ياقوت : حباببب طلعنييي
ديهم : بووويه شلون شغله وين اطلعج
ياقوت : اريد اروح لـ بساتين اهلي
ديهم : خرب روح اهلج نفر نفر
ياقوت : واهلك هم لا تغلط!
ديهم : هسه منين اطلعج
اشرتله ع الشباك وابتسمت
ديهم : ههههه متعبرين
ياقوت : لاااا مو سمينه اني
ضرب بأيده على اردافي ابتسم وكال
ديهم : وبغداد شيعبرهاا
كفخته على ايده وخزرته
ياقوت : صلافتك هاي بطلها
تقربلي وعيونه مركزهن بعيوني
وكال بتحدي
ــ واذا مابطلتها؟
تراجعت عل حايط
ــ اندمك
لزم ايديه وچتفهن ع الحايط بأيده
قرب وجهه مني وانفاسه تلفح بوجهي
ــ لسانچ يرادله *** لحد ما ينگطع يلا توبين
بلعت ريگي وحاولت افلت ايدي من ايده
ــ تخليني واعوفج؟
بقيت ساكته وجسمي يرجف من حركاته وكلامه الجريئ وياي
ابتعد عني طلع جكارته من جيبه ورثها خلاها بحلكه يسحب منها نفس وهوا منطيني ضهره
ديهم : اخاف عليج من روحي لتفكرين اذيج بيوم
اضمج بروحه لـ ديهم واقفل عليج بيبان روحي كلها لتشردين
كرص خدي وهوا يبتسم
ــ يلا امشي اخذج ناخذ فره بساتين اهلج وارجعج
ياقوت : راح اطلع من الباب وانت انتظرني بالحديقه اجيك
ديهم : اطلع وياج منا؟
اشرلي بحواجبه عل باب غرفتي وجكارته بشفافه
گتله بتوسل
ياقوت : لااا فدوا
شال الجكاره من شفايفه بأصابعه وانطاني بوسه بالهوى
ديهم : ما اعوفنج رجلي على رجلج
نفضت ايديه خزرته وهمست
ياقوت : يشوفوككك؟
ديهم : خلهم!
ياقوت : ديهممم؟
ديهم ببرود : الحگيني
لو بيدي الزمه واكتله بس ماكدرله
توجهه للباب يريد يطلع بطوله
ياقوت : ديهممم ابووسس ايدكك اني اول
خربط شعري بأيده وهوه مبتسم
ديهم : اغديلهااا فدوا للتخاف عليه انا
طلعت كدامه وهوا ورا ختلت بصف الدرج والبيت اضلم مطفيه الاضويه والمكان هدووء
وراي يلعب بشعري حضن خصري بأيديه الاثنين وخله راسه برگبتي يشمها
ياقوت : ديهممم مو وكتها برووح ابووك
ديهم : خرررب ابوي ياهو گلج انا احب ابوي؟
ياقوت : ديهممم وخررر
ديهم : انا احبج الج بسس اوفف
احوس اريد اخلص نفسي منه وهوا لازك بيه
همس
ديهم : شكد تحوسين خليني متونس
كرصته من ايده موته بالتكرص وهوا ولا يهمه
ديهم : دغدغين شنو؟
مستمر يحضن بيه و ويتأمل بأنفاسه واني الخوف اخترقني
ياقوت : كافييي اروحلك فدوا
لمحت احد يفتر بالصاله
حجيت بخفوت
ياقوت : ديهممم احد هناااا
همس
ديهم : اللهه ريحتج طيبه يولييي شنهاي شارده من الجنه؟
ياقوت : والله حرام الدتسوي ديهممم
ديهم : هوَ انا اريد الحرام
خرب عرضه شكد طيييب اثاريه
لمحت ابوي بالصاله يكح وشايل كلاص جاي بأيده
فز ديهم وابتعد عني
ديهم : عموو يعني شلون حتى اللحضة الحلوه تخربهااا!
ياقوت : اصگطك اذا لزكت بيه انوب
باسني من خدي وابتسم
ديهم : كولي والله
ــ واللههه اموتككك
سمعنه صوت ابوي وهوا صاعد ع الدرج وجاي بأتجاهنه كمزنه ورجعنه لغرفتي وقفلت الباب علينا
اندگ باب غرفتي رجليه صارن خيوط
وهنا جان الموقف الاصعب ….
يتــبع ….
الفصل التالي: اضغط هنا
يتبع.. (رواية بين قبضتهم وقلبه) اضغط على اسم الرواية لتجد الفهرس كاملاً بجميع الفصول.