رواية بنات المنشاوي الجزء الثاني – الفصل الثالث
بنات المنشاوي ج٢ الفصل الثالث
بقلم خلود وائل 🌻
في قصر السلانتي كان يجلس سعد بمفردة في احدي غرف القصر الفارهه يصوب نظرة لنقطه في الفراغ دون تركيز اما بداخله فكانت تتطلاتم امواج الحيرة والتوتر والشعور بالخيانه علي ماسيقدم لفعله من اجل ارضاء عائلته ليقطع صفاء مجلسه صوت حمحمه انثويه
نعمه:احم …كيفك ياسعد
افاق سعد من شرودة ناظرا نحوها دون اهتمام اما هي فمضت ببضع خطوات نحوهه وهي تهتف:ايه المقابله دي عاد! كأنك متوحشتنيش
سعد بفتور:اهلا يانعمه
نعمه بدلال:اسمي طالع من خشمك يهبل عاد كاني بسمعه لأول لمرة
سعد بتجاهل:چيتي ميتي؟
نعمه:اول ماأمي كلمتني في التلفون وقالتلي انك طالب يدي چيت من بيت اخوالي طيارة مع اني مبقاليش يومين هناك بس قلت أچي اتأكد بنفسي … صوح الحديت دة ياسعد كانك رايدني في الحلال
سعد بلهجه حازمه:اسمعيني زين يانعمه انا لاطلبت يدك ولا يحزنون دة لساته كلام بس ولساني بفكر لحالي ولو تم وحوصل بيوم هتمشي علي كيفي ولازمن تتغيري عشان تناسبيني فاهمه
نعمه بدلع:فاهمه ياقلبي
نظر لها بضيق ودلف لخارج الغرفه وبداخله يلعن نفسه الآف المرات متجهها لغرفه والدته وبعد دقائق توقف امام الغرفه وطرق بابها ودلف للداخل بعدما سمحت له بالدخول
ام سعد:تعالي ياحبه عيني
سعد وهو يخطو نحوها:كيفك النهاردة يما
ام سعد:انا زينه ياولدي كيفك انت طمني عليك من العشيه مشفتكش ومتوغوشه عليك
سعد وهو يجلس بقربها وعلي وجهه علامات الضيق:انا قدامك زين كيف القرد اهه
ام سعد :مالك ياضي العين حالك معاچبنيش عاد
سعد :انا تعبان ومخنوق چوي يما
ام سعد:من ايه بس ياضنايا
سعد: نعمه رچعت القصر النهاردة ومرت عمي بلغتها اننا هنتچوز والكلام لساته مبقاش رسمي ولا انا طلبت يدها
ام سعد بحنو:ياحبه عيني البت مش مصدقه من الفرحه وانت خابر زين انها عتحبك من سنين طويله ياسعد ياولدي دي ال هتسعدك وتهنيك وبكرة تقول امي قالتلي
سعد :وانتو مستعچلين علي ايه عاد وبعتو چبتو البت والكلام مبقالوش كام يوم
ام سعد:وهنستني ايه عاد؟ خير البر عاچله
سعد:لاة … انا لازمن اروح للمنشاويه استأذنهم واديلهم خبر اني هتچوز بت عمي
ام سعد بأستغراب:عتچول ايه ياسعد يابني تستأذنهم ليه ولا هتخبرهم ليه مامثيرهم يعرفو
سعد:طبعا يما لازم استأذنهم ال ماتت دي كانت بنتهم واحنا مابينا عيش وملح وانا بعرف الأصول ولازم يعرفو مني اني احسن ميعرفو من برة علي الأقل ابقي راعيت شعورهم وخليت حبال الود موصوله
ام سعد:علي راحتك يابني … ناوي تروحلهم ميتي؟
سعد:في اققرب فرصه انشاء الله
_______________________
علي مائدة الطعام في فيلا الحديدي اجتمعت العائله لتناول الغداء سويا في جو عائلي يملؤة الدفء و الأطمئنان
سامر:ناوليني يالينو حته بانيه من ال هناك دي
ليان:حاضر
سيف:بتعملي ايه راحه فين بكل دة
ليان:واحدة ليه واربعه ليا!
سيف:ايه ياحجه خفي شويه بدل ماانتي عامله ذي المنشار كدة داانتي حتي داخله علي فرح
ليان :اختك عود فرنساوي متقلقش عليا
سامر:طب ياعم الفرنساوي جهزتي نفسك وخلصتي كل حاجه تخص الفرح ولا هنأجل
ليان:لا خلاص خلصت البركه في آيه اطحنت معايا الفترة ال فاتت
آيه وهي تلقي لها قبله في الهواء:اي خدعه
ليان وهي تلقي لها قبله طائرة هي الأخري:قلبي يارب
سيف:احم اجبلكو اتنين لمون وشمسيه ولا ايه
آيه:بالنعناع ياسيفو الله يخليك
سامر ممازحا:سيفو 😂😂😂بقي سيف الحديدي بجلاله قدرة ال كبار رجال الأعمال بيعملولو الف حساب وأسمه يوزن بلد بحالها يتقاله ياسيفو
فرح:متسبها تتدلعه ياسمور براحتها
سيف مقهقها:سمور!! تخيل كدة واحنا قاعدين في الغرفه التجاريه وانا اققولك ياسمور وانت تقولي ياسيفو يانهار مش فايت دي هزلت خالص
سامر:الستات دول في حته تانيه خالث
ليان:وبابي الجامد تقولولو ياصلوحه ..الللللله
نورة:بت ياليان عيب كدة
ليان:ايه يامامي بنهزر ايه يارمضان مبتهزرش
صالح:هزري براحتك ياقلب بابي …. المهم ياولاد طارق راجع النهاردة في طيارة ٦بليل وبكرة انشاء الله هنروح نسلم عليه ونحدد كتب الكتاب والفرح
سيف:انشاء الله يابوب يوصل بالسلامه
آيه:ايوا بقي في بيتنا عروسه
فرح:أحلي عروسه تشوفها عيني
ليان:بس العريس هيبقي مغطي عليا ياجماعه دة مووووووز
سامر وهو يعقد حاجبيه:نعم يختي!
ليان:بقول موز عاوز احلي بالموز بعد الغدا
سامر:احترمي نفسك يابت انتي
ليان:يابني انت ال سمعت غلط اعملك ايه وبعدين طارق دة يتحب كدة اعملكو ايه يعني جوزوني بقي
سيف: مستعجله اوي ليه كدة
آيه:ومتستعجلش ليه هو الجواز مش حلو ولا ايه بقي؟
ليان بمزاح:البس يانجم
سيف: الجواز دة أحلي قرار اخدته في حياتي ومش ندمان عليه بالعكس كل يوم ببقي سعيد ومرتاح معاكي عن اليوم ال قبله أنتي فرحه جت ليا بعد عمر من التعب يايويتي
أحمرت وجنتي آيه خجلا مما يلقيه غزلا بها علي مسامع الجالسين
سامر:ايوا ياعم والعه معاك
سيف:تولع معاك ذيي ياحبيبي وتشوف قلبتها عامله اذاي 😅
_________________
في منزل عاصم…
هناء:عاوزة حاجه ياماما انا ماشيه اهوة
ام عاصم:متتأخريش ياهناء وسلميلي علي البت شيماء وابقي خليها تجيلك هي بقي وحشتني اوي ونفسي أشوفها والله
هناء:حاضر … سلام ياورد
ورد:ذي ماقلتلك ماشي
هناء:ماشي .. طبعا… امال
دلفت هناء للخارج متوجهه لمنزل صديقتها شيماء وهي تهتف في نفسها”كافيه ايه دة ال اققابلها فيه أمال هشوف المز ابو غمزات ازاي انتو اتجننتو ياجماعه!”
بعد فترة طويله توقف تاكسي امام البنايه التي تقكن بها شيماء وهبطت هناء من التاكسي متجهه نحوها وهي تجوب المكان بنظرها تبحث عنه حتي دلفت لداخل المبني واستقلت الأسانسير وبعدها طرقت باب شقه شيماء لتفتح لها صديقتها الباب بعد دقائق
شيماء:هلا وغلا بالست هناء الندله ال بتحن عليا كل عشر سنين مرة بزيارة
هناء بمشاكسه:ملقتنيش سألت ابقي أسألي انتي ياأندل خلق الله
شيماء:وحشتني طوله لسانك والله يانؤة
هناء:متشوفيش وحش امال العيال فين
شيماء:مع بباهم عند جدتهم
هناء:امممم … جوزك عامل ايه لسه بيتخانق مع الواد جاركو دة ال بتحكيلي عنه
شيماء:اققولك ايه ولا ايه ياهناء دول مبيطيقوش بعض
هناء بتقصي:باينه واحد مش مظبوط جاركو دة
شيماء بأستنكار: استاذ زياد!….. دة يتحط علي الجرح يطيب يابنتي دة أدب وزوق واخلاق وعمري مشفت منه اي حاجه وحشه يكش بس نائل جوزي هو ال مبينساش بالساهل
هناء:ايه ال مبينساهوش
شيماء:عمر ابني من كام سنه كام تعب جدا والدكتور كان منعه من الأكل الحراق والشيبسي والكلام دة واول مابداء يتحسن راح يلعب مع ولاد دكتورة رنا جارتنا ال هي اخت استاذ زياد وهو ياستي اخدة مع ولاد اخته للسوبر ماركت وجابلهم حجات من دي كتير وعمر أكل وعوض الفترة ال تعب فيها ورجع أصعب من الأول واتحجز في مستشفي ويوميها نائل مسكه من ياقه قميصه وضربه بوكس في وشه وعينك متشوف الا النور بهدلو بعض أخر بهدله
هناء: ياعيني الراجل كان بيفرح العيال قام اتعمل عليه فرح هو !
شيماء:بالظبط كدة ومن يومها بقي ياستي ونائل مبيطيقهوش عرفتي
هتاء:امممم عرفت بس هو شكله جنتل خالص
شيماء:اه طبعا هو محترم اوي بصراحه ربنا يرزقه ببنت الحلال
هناء بتصنع عدم المعرفه:ايه دا هو مش متجوز 😅
شيماء:اه مش متجوز بس سمعت انه بيدور علي عروسه اليومين دول
هناء بأندفاع:عروسه مين ياروح النونه انتي اتهبلتي يابت
شيماء :في ايه يانؤة هو انا ال بدورله علي عروسه دي اخته ال كانت بتسألني !! وبعدين مالك محموقه اوي كدة ليه
هناء:وانا هتحمق ليه يعني كان من بقيه عيلتي ! انا بس استغربت اكمن كنت فكراة متجوز
شيماء:احنا هنقضي القعدة عنه ولا ايه متحكيلي عاملين ايه واذي مامتك……….
مرت فترة طويله تبادلت فيها الفتاتان العديد من الأحاديث ثم همت هناء بالمغادرة بعدما ودعت صديقتها لتهبط للأسفل وتقف امام البنايه في انتظار تاكسي وبداخلها تدعو الله ان تراه ولو صدفه وها هي دعوتها استجابت عندما رأته يصف سيارته علي مسافه قريبه منها ويهبط منها بهيئته الرجوليه الساحرة لتنظر له بتمعن وتفقد التركيز بتفاصيله الآسرة فقد حفظتها عن ظهر قلب منذ ان رأته للمرة الأولي فقد أدمنت رؤيه عينيه العسليتين وخصلات شعره الفحميه المموجه وبشرته البيضاء وملامح وجهه الرجوليه التي يزينها لحيه خشنه مهندمه بعنايه ……بينما هو يخطو ناحيه منزله رآها تقف كالملاك تنظر اليه بأهتمام فتوجهه اليها وقلبه يتراقص بشدة من الفرحه
زياد:أذيك ياآنسه هناء
هناءبهيام وعدم تركيز:أذيك يازيزو
زياد بدهشة:زيزو😅!
هناء وهي تفيق من شرودها:ها .. اه اهلا وسهلا استاذ زياد
زياد:طب منخليها زيزو دي حتي طالعه منك سكر
هناء:لو بس مكنتش تحلف يازيزو
زياد:المكان نور بوجودك بجد ..
هناء:امممم يعني مش بعاوميد النور دي
زياد ممازحا:تؤ تؤ تؤ بنورك أنتي ياقمر
هناء بخجل:احم … اذي دكتورة رنا ويوسف وتمارا عاملين ايه
زياد: الحمد لله كلهم كويسين
هناء:سلملي عليهم
زياد:هما لو كانو هنا كنت هخليكي تطلعي تسلمي عليهم بنفسك
هناء:امال هما فين؟
زياد:محمود جوز رنا رجع من السفر وحاليا هما في بيتهم
هناء:عقبال مايبقالك عيله صغيرة كدة تملي عليك دنيتك
زياد بحب:يااارب .. ادعيلي
هناء:ربنا يسعدك
زياد بمشاكسه:متعرفيش عروسه حلوة كدة تكون عنيها عسليه وشعرها بني في دهبي وقمورة وكريزة كدة في نفسها تكسب فيا ثواب وتتجوزني
هناء بخجل:بص حواليك كويس هتلاقيها الموضوع مش كبير اوي يعني
زياد:احم تفتكري لو لقيتها هتوافق
هناء:اممم مش عارفه انت وحظك بس تبقي عبيطه لو موافقتش عليك يعني انت محترم ووسيم وشهم والف بنت تتمناك
زياد لنفسه”يالهوي دي واخدة بالها من وسامتي طب اطلب ايدها الوقتي ولا اعمل ايه يخربيت كدة اكاد من فرط الجمال اذوب”….: كلك ذوق ياهنؤة والله
هناء:ايه دة انا بس ال ارفع الألقاب انت هتصاحبني ولا ايه؟
زياد بصدق :احم لا طبعا الألقاب محفوظه وكل حاجه وانا فعلا مطولش اني اصاحبك انتي أعلي بكتير من موضوع الصحوبيه دي وانا راجل دغري وطالب الحلال
هناء بسعادة بالغة بداخلها:يعني ايه مش فاهمه؟
زياد:يعني مليش في الحوارات دي نحن قوم أفعال لا أقوال
هناء بقهقهه أنثويه هادئه:ماشي ياعم الأفعال نفرح فيك قريب انشاء الله بعد اذنك
زياد:تعالي أوصلك الوقت اتأخر مينفعش تروحي لوحدك
هناء برفض:لا طبعا مش هينفع انا هركب تاكسي
زياد بأصرار:عيب في حقي لما أسيبك تروحي لوحدك بليل كدة اسمعي الكلام
هناء بأصرار:صدقني مش هينفع خالص والله
زياد:طب استني في تاكسي جاي علينا اهوة …. هاتي رقمك علشان لما توصلي اطمن عليكي
هناء بحيرة لنفسها:””اعمل ايه الوقتي اديله رقمي وابقي فتحت الباب ولا هبقي سهله في نظرة بس هو عاوزة علشان يطمن عليا لما أوصل … أنتي هبله ياهناء دي حجه علشان يتعرف عليكي “”
زياد:آنسه هناء… روحتي فين!
هناء:هاا انا اهوة معاك
زياد:طب اركبي يلا
دلفت هناء لداخل التاكسي وهي لازالت شاردة الذهن بينما دفع زياد الأجرة ونظر لها من الشباك الزجاحي : رقمك بس علشان اطمن عليكي والله ومش هرخم خالص
هناء:اااااا طب…. رقمي *******
دون زياد رقمها علي هاتفهه بسعادة بينما انطلق بها السائق لوجهتها والسعادة تملاء فؤاد كليهما
زياد :بينها هتحلو يازيزو البت طلعت واخدة بالها منك وحاسه بيك هييييح اخيرا يارب قلبي دق لواحدة
بعد فترة طويله وصلت هناء لمنزلها ودلفت للداخل والقت التحيه عليهم جميعا وبدلت ملابسها وتناولت معهم العشاء وعلي وجهها ابتسامه بلهاء لاحظها جميعهم ثم استأذنت واتجهت لغرفتها تطالع هاتفها لتتفاجئ برساله علي الواتس الخاص بها
-وصلتي ؟
-طمنيني عليكي
هناء لنفسها:قلب أخضر!! ايه دة ….ثم ارسلت له
-انا وصلت واتعشيت كمان
أجابها زياد سريعا فور سماعه صوت اشعار الهاتف:
-يابخت الأرض ال مشيتي عليها لحد ماوصلتي البيت ويابخت أهل البيت بوجودهم جمبك
هناء:ايه دة باين دخلنا في الجد يازوزو 😂😂
-احم علي فكرة بتكثف يعني مع أني عارفه أني ثروة قوميه وال حواليا محظوظين بمعرفتهم بيا 😌
زياد
-تبا لتواضعك يافتاه
هناء
-دي أققل حاجه عندي وأعلي حاجه في السوق
زياد
-هو انا ممكن اتكلم معاكي بصراحه؟
هناء بتوتر
-اه طبعا اتفضل
طرقت ورد باب الغرفه بينما اغلقت هناء هاتفها بتوتر سريعا واخفته بجوارها هاتفه:ادخل
دلفت ورد لداخل الغرفه تاركهه الباب مفتوحا وجلست بجوار هناء
ورد:الفضول هيموتني ايه سر الأبتسامه بتاعه الأعياد دي ؟
هناء:احم عادي يعني ياريري
ورد:عليا انا بردو
هتاء:لو في حاجه هقولك عادي هخبي ليه
ورد:امممم طاايب هعمل حالي مصدقاكي بس لو حابه تحكي انا في الخدمه
هناء:ربنا يخليكي ليا يارورو انا بس كنت محتاجه منك خدمه
ورد: ها قولي
هناء:انا وهايدي اتفقنا نروح المول بكرة نجيب شويه حجات كدة وكنت عاوزة عاصم يجي معانا وانتي ال هتعرفي تقنعيه
ورد :لاااا طبعا انتي عوزاني ابعته في حته مع البت المسهوكه دي انتي اتجننتي ياهناء
هناء:عملتلك ايه بس هي اه مسهوكه بس غلبانه والله
ورد برفض قاطع:لا يعني لا ياهناء البت دي عينها من عاصم وانا ساكته بمزاجي علشان معملش مشاكل
هناء:طب اهدي بس انتي اكيد فاهمه غلط
ورد:غلط او صح مفرقاش كتير المهم عوزاكي تبعدي البت دي عن البيت هنا خالص ماشي
هناء :حاضر
ورد:وانا هكلملك عاصم في موضوع زياد
هناء بصدمه:ايه زياد مين وموضوع ايه!!؟
ورد:عاوزة تفهميني ان القلوب ال بتطلع من عنيكي دي مش علشان شفتيه النهاردة؟
هناء بخجل:ايه ال بتقوليه دة ياورد انا مش فاهمه حاجه خالص
ورد:طيييب اققوم انام انا تصبحي علي خير
امسكت بها هناء من معصمها:تعالي بس رايحه فين الكلام مش كدة
ورد:مكان من الأول يانؤة
هناء:انتي عرفتي منين
ورد:انتي يابت عندك خال اهبل ولا عم عبيط
هناء بلا مبالاه:عمي مندور مخه لاسع حبتين ليه؟😂😂
ورد:يخربيت جنانك
هناء:هنقعد نجيب تاريخ جنان العيله ونسيب الكلام المهم انطقي
ورد:كان باين علي زياد انه معجب بيكي من يوم المشكله اياها واتأكدت أكتر يوم فرح دعاء
هناء:يعني شكله بيحبني؟!
ورد: احتمال كبير ليه لا
هناء:كل مرة بشوفه قلبي بيدق جامد وبتلبك في الكلام وبحس اني بسخن والدنيا بتبقي لبخه خالص
ورد:امممم لا دة طلع في مقابلات كمان من ورايا
هناء:لا والله ابدا دي بس كام مرة شفته صدفه مش اكتر
ورد:طب هو قالك حاجه او عرفك هو حاسس بأيه ناحيتك
هناء:مكانش في كلام بينا كتير هي سلمات وبس لكن انا بحس بأنجذاب رهيب ناحيته يعني الواد مزززز اوي بصراحه طول بعرض ودقن وتفاحه آدم وفورمه حلوة وفوق دة كله كيوت اوووي
عاصم :مين دة ال كيوت ياست هناء؟
هناء بتوتر:مربي تووووت بقول انا نفسي في مربي توت
ورد بقلق:اه فعلا صح جدا
عاصم بشك:هو ايه دة ال فعلا صح جدا انتي كويسه ياورد؟؟
ورد:ها … مش عارفه … ااا انا اققصد انها كانت نفسها في مربي توت وكدة يعني
عاصم بشك :طب تعالي شوفي منال علشان صحيت وبتعيط
ورد:حاضر ياحبييي جايه وراك علي طول …
دلف عاصم للخارج وخلفه ورد اما هناء فتناولت هاتفها سريعا لتري ماارسل لها زياد لتتسع عينيها بشدة من الفرحه مما رأت
زياد
-بصراحه انا ببقي فرحان اوي كل مرة بشوفك فيها مع انهم كام مرة يتعدو علي الصوابع بس بقعد افتكرهم مع نفسي والاقيني ببتسم لوحدي حاسس ان قلبي مبقاش معايا انتي اخدتيه من غير ماأخد بالي ❤️
هناء:يالهوي دة طلع بيحبني الحمد لله يارب
زياد
-انا مش بتاع مقابلات ولا الحوارات دي والله انا عاوز ادخل البيت من بابه واطلب ايدك من أخوكي هو اي نعم غتت حبتين ورخم تلات اربع حبات بس كله يهون علشانك ياقمر ❤️❤️
-تتجوزيني 🎉💍
-انتي فين ؟!
-بحبك 😘
هناء ودقات قلبها متسارعه من شدة الأغتباط: ايموشن بوسه علي طول كدة دة انت شكلك أجن مني ….
⭐⭐فوووت⭐⭐
لسه الأحداث جايه الروايه لسه طويله 😅🤩محدش يستعجل بس فرحوني بمتابعتكو وانا هنزل علي طول 😘🥰🥰
الفصل التالي: اضغط هنا
يتبع.. (رواية بنات المنشاوي الجزء الثاني) اضغط على اسم الرواية لتجد الفهرس كاملاً بجميع الفصول.