رواية بنات المنشاوي الجزء الثالث – الفصل الأول
بارت ١
عاصم +ورد=منال ‘ محمد
فارس + دعاء= ريان ‘ زين’ نغم ‘أنس
سيف +آيه= يونس ‘حمزة ‘هايا (نفس نطق آيه)
زياد +هناء= فيروز
سعد +نعمه= ماجد ‘ابرار
طارق +ليان= مالك
تمام . .. تمام انشاء الله 🙈🥰🥰
بقلم خلود وائل 🌻
مساءا بأحدي القاعات الفخمه وبالكوشه تجلس منال مرتديه فستانا أبيض ذو طابع ملكي لايليق الا بها وبجوارها زوجها (عز) يضمها بحنو اليه لألتقاط الصور التذكاريه برفقه العائله وعلي طاوله قريبه من الاستيدچ يجلس شباب العائله يمرحون كعادتهم في كل تجمع
حمزة:يااااه العيال كبرت ياد يازين واتجوزو اهئ اهئ لحظه ابكي اهئ اهئ
زين :ايوة عقبالنا انا وانت ياموزة
حمزة بضيق:ولااا
زين:وة مالك وشك انقلب ليه اكدة انا قلت حاچه دلوك
يونس برزانه: معلش يازيزو اصل موزة دى بتعصبه
حمزة:انت شفتني اتعصبت الوقتي ولا اكنش بقطع بدلتي وبنكش شعري وانا مش واخد بالي
ريان:حقك علي اني ياواد خالتي هو يقصد يعني ان موزة دى عتزعلك وبعدين تعالي چولي هو حد يزعل من الموز دة طعم چوي
حمزة:انا ياسيدي بزعل ولو هترخمو عليا همشي واسيبلكم الترابيزة وابقو قابلوني لو بنت واحدة عبرتكم وبصت نحيتكم
أنس :حوش حوش ياواد طوم كروز ال چواتك مچوي قلبك عاد
محمد:اوعا تكون فاكر أن البنات دايبه فيك ياض ياميمو داانت من غير دقنك وغمزاتك ناثينج فوق يلاا
حمزة بضيق:داانتو شويه عيال فصيله والله انا ماشي وسيبهالكو ناشفه اشبعو بقعدتكو يخويا انت وهو اتملو في جمال خلقكم البهيه جتكو ال…. اكمل كلمته وهو يشيح بنظرة لفتاه تمر بجوارهم مكملا :الهنا في جمالكو ال ذي اللوووز يامووز
ريان:تعال ياعم احنا عنهزرو معاك
حمزة:هزرو مع نفسيكو انا رايح اققعد مع القيادات العليا قعدتهم طريه ومليانه حنيه اما انتو معرفه تقصر العمر
اتجه حمزة ناحيه طاوله خالته ووالدته ومن معهم وسحب كرسي وجلس بجوار هايا أخته
حمزة ممازحا:دخول رايق يسبب حرايق
هايا:سلام قول من رب رحيم أيه ياعم انت ال جابك هنا
حمزة: انا قلت اتكرم عليكو بقعدتي معاكو وامن عليكم بحبه ضحك وفرفشه من بتوعي
نغم:وأنت ال عتوزع الفرفشه علي المعازيم كلياتهم ولا ايه!
حمزة :اه طبعا يابنتي انا الراعي الرسمي للمزاج العالي دة انا عين اعيان نزله السمان مع حمزة الحديدي مش هتقدر تغمض عينيك
أغمضت جميع الفتيات اعينهم بقصد اثارة غيظ حمزة ليهتف هو بضيق :يووووة أيه الليله الرخمه دي جتكو القرف عيال غتته
ورد: زعلان ليه بس ياحبيبي دى الليله فرحه منال وفرحتنا كلنا
حمزة:ربنا يفرحها ياخالتو ويسعدها هي و عز
دعاء:عقبالك يانور العين
حمزة:الف بعد الشر عليا يادودو ايه ال بتقوليه دة بس
دعاء بتعجب:شر!! ابنك ماله اكدة ياآيه؟
آيه:دة أخرة صبري حمزة مشاكل مطلع عيني من يوم ماجه الدنيا ربنا يهديه ويبعتله بنت الحلال ال تعقله شويه
نغم بتريقه:مين ال امها داعيه عليها عاد دي؟؟
نظر لها حمزة بغيظ هاتفا:دي هتبقي ستك وست بلدك بحالها
هايا بهمس ممازح:أفرشي الملايه واديله يااوختشي
نغم:ست مين ياللي متنسمي انت دة انا ست بنات بلدك ومحافظتك كلها أنت اتچنيت ولا إيه ياسي موزة 😂
انفجر الجميع ضاحكا علي اسلوبها وملامح وجه حمزة التي امتلئت بالغيظ وفضل السكوت
ورد:خلاص يانغم كفايه كدة ياحبيبه قلبي نلم الليله بقي ونزق اليوم سوا هتفضلو طول عمركو عاملين ذي القط والفار كدة
دعاء:بكفياكي يانغم
آيه:البت نغوم حبيبه قلبي دى طلعالي اوي بتفكرني بنفسي زمان وانا في سنها كدة
ورد:طول عمرك غلباويه ياآيه ربنا يكون في عون سيف والله
هايا:دة بابا دة حته سكرة
آيه وهي تعقد حاجبيها:تقصدي ايه يابت انتي وانا مش سكرة انا كمان ولا ايه
حمزة:دة أنت بمبونايه السكر كلها ياأيوش دة انت الحظ ياحظ سيبك منهم كلهم كشري وانتي ال مكرونه بشاميل
يونس من خلفه وهو يضع كف يدة علي كتفه:الحلو باينه جعان ولا ايه
حمزة: اووي ياونوس ياخويا اما البوفيه فيه شويه اصناف انما ايه لوووووز
انهي كلمته وهو يطيل النظر لفتاه تلتقط الصور بجوار منال وتقبلها ثم تتركها وتهبط من جوارها
يونس وهو يمسك بوجه اخيه:تعالي هنا بطل بقي دة أنت الملك بتاعك قلمه خلص من كتابه السيئات حرام عليك
حمزة بمرح:قمرن يهبلن يايونسن ياخويا
يونس:يونسن!! اتعدل يلاا مالك كدة
حمزة:بص علي المنجايه ال لابسه فستان أحمر وداخله علينا دى هو في طعامه كدة ياناس
نظر يونس للفتاه التي تقترب منهم بخجل ثم عاود النظر لأخيه قائلا:مفيش فايدة فيك ربنا يهديك
حمزة:فورتيكه حبيتها من اول نظرة
يونس:تملي بتحب علي روحك ارحمني بقي
اقتربت الفتاه من الطاوله ووضعت كفي يديها علي أعين ورد قائله بمرح:انا ميين!
امسكت ورد بيديها بحنو قائله بلهفه:فيفي … حبيبه قلبي
ازاحت الفتاه يديها ودنت لمستوي ورد وقبلت وجنتيها واحتضنتها
ورد وهي تقبلها:اتأخرتي يافيفي لا انا زعلانه منك بجد
فيروز: وانا مقدرش علي زعل دودو قلبي
هايا:اذيك يافوفا
فيروز بحب:الله يخليكي ياشيخه بلاش فوفا دى
نغم بمرح:اشمعزا بقي يافسفسه
فيروز:بتحسسني اني رقاصه
ضحك الجميع علي كلمتها ثم تبادلو السلام بحب وحبور
آيه:مشاء الله يافيروز بقيتي عروسه ذي القمر طالعه لمامتك
فيروز:ربنا يخليكي ياطنط آيه … أذي اونكل سيف
آيه:بخير ياقلبي هو قاعد هناك مع بباكي وخالك اهوة
حمزة بحمحمه:مش تعرفونا ياجماعه مين الجميل ؟
هايا:دي فيروز بنت طنط هناء واونكل زياد
حمزة وهو ينظر لفيروز بأعجاب:مساء الغرام ممكن الأنستجرام؟
اتسعت عيني فيروز ثم نظرت ل ورد بدهشه:مين دة ؟!
ورد بقهقهه:دة حمزة ابن طنطك آيه ياستي
رمقته فيروز بلامبالاه ثم استكملت حديثها ومرحها مع الفتيات
يونس بشماته:طرقعتلك يافخم
حمزة:فشر دى بس تقلانه عليا حبه طب وحياتك البت دى هتموت عليا
يونس بقهقهه:ياشيخ اتلهي في خيبتك واسكت دى حلقتلك زيرو
حمزة :هههه طب قابل انت بقي ياشبح
من خلف يونس ظهرت فتاه في اوائل العشرينات ترتدي فستان ذو لون فضي قصير واقتربت منه متحدثه بدلال
مليكه:يونس يلا ياقلبي
يونس بجمود:يلا فين؟
مليكه:نرقص سلو انت مسمعتش الديچي بينادي للكابلز ولا ايه
يونس ببرود:لا مسمعتش وانسي انا مش بتاع رقص ولا غيرة وقلتلك اققعدي وداري رجليكي ال ماشيه فرحنالي بيهم دول
حمزة:سيطرة ياوحش عاااش
رمقه يونس بنظرة اسكتته بينما اكمل:مليكه روحي اققعدي مع صحباتك ذي ماكنتي او احترمي والدتي واققعدي جمبها بدل ما انتي مش معبراها من اول الفرح هي والناس ال معاها وراحه تقعدي مع صحابك
مليكه بضيق:اووف بقي يايونس
آيه :واقفه عندك ليه يامليكه تعالي اققعدي
مليكه بتصنع الزعل:يرضيكي ياطنط يونس مش راضي يرقص معايا سلو
آيه:لا ميرضينيش
مليكه:شفت حتي طنط ميرضيهاش يلا بقي تعالي
امسكت بكف يده واتجهو سويا نحو الأستيدچ وملامح وجهه يكسوها الغضب
دعاء:يونس باينه هينكد عليها الليله
آيه:بخت ياشيخه خليني ارتاح بقي
ورد:يابنتي بالهداوة سبيه يفرح
آيه: وانا كنت زعلته ياورد دة ابني وحته من روحي بتقهر علشانه كل مااشوفه مش مرتاح معاها من يوم ماخطبها وبقي واحد تاني دايما مهموم وزعلان لما بقيت مبحبهاش والله
دعاء: بالهداوة يخيتي لو ممرتاحش معاها عيسيبها طوالي يونس راچل مش عيل كيف عيال اليومين دول
اقتربت هناء منهم وبرفقتها دكتورة رنا وتبادلو التهنئه والترحيب وجلسو سويا بينما استأذنت الفتيات واتجهو لأحدي الزوايا لألتقاط الصور
رنا:عقبال متفرحي بمحمد ياورد
ورد:تسلميلي ياحبيبتي عقبال فرحتك بيوسف اول
رنا : اللهم آمين احنا بس مستنيين العروسه تخلص دراسه وهنعمل الفرح علي طول
علي طاوله أخري يجلس كلا من ( عاصم وفارس وسيف و زياد وفريد والد العريس و انضم لهم حمزة)
فريد:المكتب بتاعك ياعاصم بقي الترشيح الاول لأي حد يسالني علي مكاتب هندسيه
عاصم :دة بس من زوقك يااستاذ فريد
فريد:شهادة لله ومفروضه عليا ياراجل
فارس:ربنا يديم الود بيناتنا يارب
جميعهم:يارب
حمزة:بقي قاعدين هنا وسايبن الهوانم هناك الا ماواحد فيكم خذي عين الشيطان وخد مراته ورقص معاها سلو طق طق طق يخسارة تعليمي فيكم كبرتو وراحت عليكو ولا ايه
عاصم:بتقول ايه ياض انت هو مين دة ال كبر دة انا اصغر من ابوك
حمزة بمرح:صلي علي النبي في قلبك ياعصوم دة ال يشوف ابويا يقول دة اصغر مني ومنك
سيف بقهقهه:عاوز ايه يابكاش انت
حمزة:بابا … انا يعني…
فارس:ايوة انطق بچي يامحوراتي انت
حمزة:انا عاوز اخطب
سيف بهدوء:عنيا الاتنين حاضر اختار الجامع ال يعجبك وهخليك تخطب فيه الجمعه الجايه بأذن الله
قهقهه الجميع علي جمله سيف الاخيرة بينما حمل حمزة كرامته المبعثرة وعاود الجلوس برفقه ابناء خالاته مرة اخري 😂😂🙏🏻
يونس: اوووف ابعدي شويه انتي لازقه فيا كدة ليه
مليكه بمياعه:يوة بقي يايونس انت محبكها اوي ليه كدة انا خطيبتك عادي يعني مش واحدة من الشارع
يونس:طالما مكتبتش عليكي تبقي مش من حقك الوضع ال احنا فيه دة وسبق وقلتلك مليون مرة انا مش كدة ومبحبش الاسلوب دة
مليكه بغيظ:طب بترقص معايا ليه دلوقت
يونس:وفرت علي نفسي ام الموال ال كنتي هتفتحيه قدام والدتي والموجودين
ملكيه:فك بقي ياونوس دة فرح
يونس بغضب:مليكه ياريت تحترمي رغبتي واسلوب حياتي ال سبق وعرفتك بيه قبل ماارتبط بيكي فاهمه ولا
مليكه بأختناق:حاضر يايونس حاضر هلبس واسع وطويل حاجه تانيه لسه هتنكد عليا بيها
ابتعد عنها يونس قائلا:كفايه كدة يلا نقعد
اشتعلت منه غيظا وعادو سويا للجلوس بينما علي الجانب الأخر كانت تمزح فيروز مع الفتيات
هايا:هتسافري امتي بقي
فيروز:انشاء الله اخر الاسبوع
نغم:متنسيش ال اتفقنا عليه
فيروز:عنيا الاتنين حاضر
تدخل يوسف:فيروز
فيروز :ايوة يايوسف… بعد اذنكم يابنات
يوسف:ايه ياقلبي مش هتيجي نرقص سوا
فيروز:لا
يوسف وهو يعقد حاجبيه:لا ليه!
فيروز:لا علشان لا انا تعبانه من السفر وعاوزة اروح اصلا
يوسف:طب ايه رأيك نروح نتعشي سوا في اي مكان وأوصلك البيت
فيروز بأبتسامه:معلش يايوسف خليها بكرة النهاردة مفرهدة خالص
يوسف بتفهم:سلامتك يا قلبي المهم تكوني مرتاحه عقبال فرحنا
فيروز:ربنا يسهل
_____________________________
انتهي الحفل وعاد الجميع لمنازلهم بعدما اطمئنو علي منال بمنزلها برفقه زوجها متمنيين لهم السعادة والهناء بينما اتجه فارس وعائلته برفقه سيف ليمضو الليله برفقتهم ويعودو للبلدة في صباح اليوم التالي
في غرفه آيه وسيف وهما يجلسان سويا
آيه بفرحه: الايام جريت أوام ياسيف ومنال مشاء الله بقت عروسه قمر .. مين يصدق ان النهاردة فرحها
سيف:ربنا يسعدها عقبال ولادنا ياجنتي
آيه:يارب ياحبييي
سيف بود:شكلك عاوزة تقولي حاجه
آيه بضيق:يونس ياسيف
سيف باهتمام: ماله ياقلب سيف
آيه:دايما ياحبيبي شايل الهم ومخنوق ومغرق نفسه في الشغل وناسي نفسه وحياته طب دة انا ابتديت انسي ضحكته شكلها أيه ولا أنت مش واخد بالك انه من يوم ماخطب بنت الشهابي وهو مش مرتاح!
سيف بعقلانيه:هو ال اختارها ياآيه محدش فرضها عليه سبيه يختار حياته وشريكته فيها براحته وأكيد هو لو مش مرتاح هيسيبها من نفسه
آيه:انت عارف يونس كويس وعارف انه بيعاند نفسه انا سبق وكلمته قالي انا مرتاح
سيف:يبقي هو ادري بحاله ياقلبي
آيه بحزن:لا ياسيف دة كأنه كان بيقولي اهي جوازة والسلام
سيف بتنهيدة:يعني انتي عايزة ايه الوقتي
آيه:عايزة ابني يكون مرتاح مش شايل الهم من بدري كدة هو احنا هنجوزة يفرح ولا يكبر قبل أوانه … علشان خاطري ياسيفو كلمه وشوف دماغه فيها ايه
سيف:خاطرك بدنيتي كلها ياكياني ..حاضر لما تيجي فرصه هكلمه بس انا مش هطلب منه يسيب مليكه هو واعي ومسئول عن قراراته
آيه :المهم يفضفض ويفك عن نفسه ياسيف انت عارف ابنك عامل ذيك ومبيحكيش كتير
سيف بأبتسامه :عيوني ياأيوو
آيه:يسلمولي العيون الحلوين دول
سيف:مش شايفين غيرك ياست البنات
آيه بقهقهه:ياسيف احنا كبرنا ست البنات أيه بس دي تقولها ل هايا بنتك مش ليا
سيف وهو يقترب منها:هتفضلي طول عمرك صغيرة قمر في عيني مهما كبرتي ومرت علينا سوا سنين العمر أنتي عشقي اللامنتهي ياأيوو
آيه:ربنا يسعدلي قلبك ذي منتا ديما مفرحني ياسيفو
سيف:يعني أنتي ال كبرتي علي ست البنات وانا مكبرتش علي سيفو حرام عليكي ياأيوو جننتيني
آيه وهي تنظر لزرقاوتين بحب:أيوة أنت صغنن قلبي وهتفضل كدة طول عمرك ها ليك شوق في حاجه
سيف:دة انا ليا شوق في حجات تعالي اما اققولك
آيه :بس يامجنون
_________________________
في غرفه فارس ودعاء
دعاء:عقبال فرحتنا بريان ياعمري
فارس بأبتسامه:كأنك مستعچله يادعوتي الحلوة
دعاء وهي تومئ برأسها:چوي چوي ياقلب دعوتك انت مخابرش كنت فرحانه كيف النهاردة بمنال فمبالك بچي فرحتي بولد بطني هتكون كيف
فارس بحنو:انتي بس تشاوري ياست الناس وليكي عليا بس نوصل البلد وانا اخطبله أحلي عروسه بنت نسب يشرف
دعاء:طب مش نسأله لأول يكونش يعني في خاطرة واحدة كدة ولا اكدة
فارس وهو يعقد حاجبيه:ريان ولدي!!
دعاء:مالك متعچب اكدة ؟! ايوة ولدك حدانا ريان تاني يعني
فارس:وماله اسئليه انا بس يعني مستغرب ريان مش بتاع الحچات دي
دعاء :وة … ابنك زينه الشباب يافارس ومن حقه يحب ويتحب واذا مكانشي بيحب واحدة بذاتها ساعتها اختارله النسب ال علي كيفك
فارس بأبتسامه:عدت سنين العمر كيف غمضه العين ياعشقي وولادنا كبرو وعيتچوزو كمان
دعاء وهي تربت علي كفي يدة بحنو:ربنا يديك طوله العمر وتفرح بيهم يازينه الرچال وتاچ راسي
__________________________
في غرفه هايا ونغم ****
هايا:متقعدي بقي يابنتي رايحه جايه من ساعه ماوصلنا خيلتيني
نغم:نااار ياهايا نار چوايا
هايا:يابنتي اهدي ومتعمليش في نفسك كدة هتلاقيه والله قاعد تحت في المطبخ يتعشي ويحلي كمان وهو ولا علي باله
نغم:يتعشي !! والوكل ال كله في الفرح دة مكانش عشا ولا إيه
هايا:لا مهو حمزة اخويا بيتعشي ٣ مرات مش ذي البني أدمين الطبيعين دة ربنا يعينك علي ماابتلاكي والله
نغم:هو ولا حاسس بيا ولا كأني موچودة أصلا شفتيه كان مبحلچ في بنات الفرح كيف عمال يبص لدي ويعاكس دي ويضحك مع دي وانا قاعدة أدخن كيف الفرن الحطب
هايا بقهقهه:طولي بالك بس لتلسعيني
نغم بغيظ:انتي عتهزري واني حالي اكدة
هايا بضحك: معلش والله غصب عني بص منظرك يهلك من الضحك
نغم:ماشي ياحمزة ان مكنتش اخليك تندب علي بوزك ورايا مبچاش نغم
هايا:ربنا معاكي يانغوم دة حمزة دة كارثه
ارتدت نغم حجابها واتجهت لباب الغرفه بينما استوقفتها هايا:رايحه فين استني
نغم :نازلاله تحت لازمن ابرد ناري مهو انا مهقضيش الليله دمي محروق اكدة وهو ولا علي باله
هايا:اعقلي الله يخليكي انتي عارفه موزة دة قطه جمل وانتي غشيمه بلاش الله يخليكي
نغم:باعدي عن سكتي احسنلك قلتلك هبرد ناري يعني هبرد ناري
هايا بقله حيله:اللهم اضرب الظالمين بالظالمين واخرچنا من بينهم سالمين
دلفت نغم لخارج الغرفه وهبطت درجات السلم ثم اتجهت نحو المطبخ ولمحته بالداخل يعد أكياس الاندومي لتتسلل بخفه وهي لاتنوي خيرا
___________________________
كانت تجلس فيروز بغرفتها علي سريرها تقراء أحدي الروايات ليقاطعها رنين هاتفها مرة تلو الأخرى وهي تتجنب الرد ليصمت بعد فترة من الرنين وتمر الدقائق ثم تدلف للغرفه والدتها هناء
هناء بأبتسامه:لسه صاحيه ياحبيبتي
فيروز :تعالي ياماما عاوزة حاجه
هناء وهي تغلق الباب خلفها وتجلس بجوار هناء:سلامتك ياحبيبتي أنتي لسه منمتيش ليه لحد الوقتي
فيروز:مش جايلي نوم
هناء :طب كلمي يوسف اسهرو سوا علي التليفون ذي كل المخطوبين
فيروز بملل:انا كنت بقراء الروايه دي وخلاص بنعس واصلا يوسف زمانه نام
هناء :هتفضلي كدة لحد أمتي
فيروز بتهرب:انا ذي الفل اهوة ياماما
هناء:فيروز…. انا سبق وكلمتك في الموضوع دة كتير وانتي دماغك ناشفه
فيروز:يوووة بقي ياماما هو كل ماتشوفيني تنكدي عليا قلتلك انا مرتاحه كدة في ايه بقي
هناء:في أنك لسه قدامك شهرين دراسه وهتتجوزي ولحد دلوقتي مش عاوزة تفتحي مخك دة وتشوفي مصلحتك
فيروز:انا قلتلك ال عندي قبل كدة وانتو مصممين علي ال في دماغكو يبقي انتو حرين
هناء:يابنتي انتي عاوزة تقهريني ليه أنتي ال طلعت بيكي من الدنيا انا وابوكي ليه مش فاهمه اننا بنخاف عليكي وبندور علي مصلحتك
هناء:مش عوزاة مش عوزاة هفضل اققولهالك كل شويه يوسف بالنسبالي أخويا ومش شيفاه غير كدة حاولت كتير والله بس مش قادرة أعمل أيه
هناء بتروي:ياحبيبه قلبي افتحي قلبك ليه يوسف طيب وابن حلال وبيحبك دة انتو متربيين سوا
هناء:مهو علشان متربيين سوا انا شيفاه اخويا الكبير ومش هشوفه غير كدة ماما بالله عليكي متضغطي عليا اكتر من كدة كفايه احساسي بالذنب وانا بعامله بجفا
هناء بتنهيدة:الكلام معاكي ذي عدمه يافيروز
فيروز:ايوا بالظبط كدة وصدقيني لو ضغطو عليا اكتر من كدة انا مش هعمل خاطر لحد واولهم عمتي رنا ماشي
هناء بحزن:بقي كدة يافيروز دى اخرة تربيتي فيكي💔
______________________________________
قمراتي الحلوين 😍😍توقعات بقي وكومنتات قمر ذيكو بأحداث الجزء دة عاوزينها عامله اذاي💚💚
الفصل التالي: اضغط هنا
يتبع.. (رواية بنات المنشاوي الجزء الثالث) اضغط على اسم الرواية لتجد الفهرس كاملاً بجميع الفصول.