رواية بنات المنشاوي الجزء الثاني – الفصل العاشر
بنات المنشاوي ج٢ الفصل العاشر
السلام عليكم ♥️حابه بس نكون متفقين ان اي تأخير بيكون غصب عني 🤦🏻♀️😅علشان طبعا ورايا مسؤليااات كتير ☺️🧜🏻♀️فمتزعلوش مني ❤️🥰وسيبولي كومنت يرفع من روحي المعدنيه 😍😍🙈
بقلم خلود وائل 🌻
“بيخونك”
اتسعت عيني آيه من شدة المفاجئه فظلت ساكنه لبرهه لا تدري ماتفعل تشعر وكأن تفكيرها قد شل بالكامل فحملت نفسها وتسللت لخارج السرير بهدوء ودلفت للمرحاض واغلقت خلفها الباب بالمفتاح وظلت تنظر للهاتف غير مستوعبه لما تري وجسدها يرتجف بشدة….💔 وبعد دقائق استعادت قوتها ودونت بعض الكتابات بداخل الشات
“انت مين ”
“مين دة ال بيخوني ”
دقائق مرت ودون رد ودونت مرة أخري
“انت عاوز مني ايه؟”
دون رد مرة أخري
“رد عليا هو مين دة ال بيخوني”
دقائق من الصمت القاتل التي ارتفع فيها صوت ضربات قلب آيه ودوي صوت رساله أثارت الرعب بداخلها كان مضمونها
“جوزك”
شهقت آيه بقوة وارتعش سائر جسدها بينما سقط الهاتف من بين يديها أرضا وتساقطت دموعها بصمت ….. مضتت دقائق تلو الأخري لا تدري كم مر عليها من الوقت وهي علي حالها هذا …..
__________________
في خطبه هناء كان عاصم يقف في أحدي اركان المنزل برفقه هناء وخاله يتبادلون التهنئه والاحاديث العابرة بينما كانت ورد تجلس بأحدي الغرف تجلس برفقه الضيوف ومن مسافه ليست ببعيدة كانت تلك العيون الرماديه ترمقه بنظرات الاعجاب الي ان عادت هناء لتجلس بجوار عريسها وخاله اتجهه نحو والدته ليهنئها علي خطوبه ابنتها فأستغلت الفرصه سريعا واتجهت نحوة
هايدي:هاي عاصم
عاصم: اهلا آنسه هايدي
هايدي:مابلاش آنسه دي ليه مصمم تحط القاب وبتاع
عاصم:معلش انا كدة
هايدي:طب ايه بقي
عاصم بلا مبالاه :هو ايه ال ايه بقي
هايدي بدلع:يعني مش هتقولي ايه رايك فيا النهاردة فستاني شعري الميكب بتاعي
عاصم بجديه:وانا اققولك رأيي بناءاً على ايه ولا بينا ايه اصلا علشان نقف الوقفه دي
هايدي بمياعه: الله بقي ياصوما احنا مش أصحاب وجيران ولا ايه
عاصم بحزم:لا ياآنسه هايدي احنا لا اصحاب ولا غيرة انتي صاحبه هناء مش انا وبعد اذنك
هايدي:استني بس انت قفوش ليه كدة
عاصم:بصي ياهايدي اسلوبك دة انا مبحبوش ومليش فيه وانتي بالنسبالي ذي هناء بالظبط ومتنسيش اني متجوز ومخلف وال يتجوز واحدة ذي مراتي ميشوفش بعدها اي واحدة
هايدي :ايه بس ياعاصم ال بتقوله دة انت فهمتني غلط خالص انا بعتبرك صديق مش اكتر
عاصم بضيق :ياريت اكون فاهم غلط
هايدي بأبتسامه صفراء:اتس اوكي ياعاصم حصل خير
اختلس عاصم النظر لهناء وزياد فوجدهم يتهامسون ويقهقهون فتركها دون استأذان منها واتجهه نحوهم
زياد:مساء البطاطس علي ال قلبي فيها غاطس
هناء:بس يابني بقي ارحمني الله يخليك
زياد:ارحميني انتي اكاد من فرط جمالك اذوب ايه الحلاوة دى لبسالي احمر امال ليله الدخله هتلبسيلي ايه
هناء:انت مش محترم علي فكرة
زياد:منا عارف 😂😂
هناء:زياااد
زياد: الله يمسيكي بالخير ياماما سمتني اسم اول مرة اكتشف انه قمر كدة وهو طالع من بين شفايفك
هناء:الا صحيح هي مجتش النهاردة ليه؟
زياد:مسافرة دبي مع جوزها عقبالنا ياروحي
هناء:هنروح دبي نعمل ايه؟
زياد:قولي مش هنعمل ايه دة انا هعمل عمايل ياولاد
هناء:اهمد بقي
زياد:احبك وانت متعصب ياشرس
هناء وهي تبتسم بشدة: مفيش فايدة والله انت مشكله
زياد:لا انا كارثه مشكله
هناء:يخربيت جنانك اسكت بقي لعاصم يشوفنا
زياد بثقه:عاصم مين والناس نايمين دي خطوبتي ياحجااااا داانا ياقاتل يامقتول الليله دي
عاصم:بتضحكو علي ايه انت وهي
هناء:ها … عاصم…. احنا احنا
زياد بتوتر: والله مبنعمل حاجه … احنا… احنا ساكتين اهوة
جلس عاصم علي مقربه منهم وهو ينظر اليهم بشك بينما همست هناء :مش كنت عاملي سبع رجاله في بعض وقتال قتله الوقتي!
زياد بهمس:ياختي انا مقتول الوقتي انتي مش شايفه اخوكي بيبصلي اذاي
هناء: اممم ماشي يابطل
زياد:بطل مين هو اخوكي خلي فيا حيل اسكتي والنبي دى هتبقي سنه ميعلم بيها الا ربنا
عاصم:بتقول حاجه
زياد:بقول منور ياعمنا …. حبيبي يابو النسب
عاصم:منور يخويا … ناوي تبات معانا النهاردة؟
زياد ببلاهه:ياريت والله حبيبي ياعصوم
عاصم:ولا
زياد:علي فكرة انا عندي ٢٧ سنه يعني اعتبر قدك مش عيل انا كل شويه هتقولي يلا
عاصم:والله دة اسلوبي ولو مش عجبك
زياد:اوعي تقولي شد في حواجبك هههههه
عاصم:بااارد انت بارد مش عارف عجبها فيك ايه
زياد:وسامتي وابتسامتي بيخطفو القلوب انا عارف
تنهد عاصم بضيق وتركهم ودلف للغرفه التي تجلس بها ورد وامضي بجوارها السهرة …
_____________________
دلف فارس للغرفه التي تقطن بها دعاء بعدما أوصي كريم بتوصيل والدته للقصر وسحب كرسي ووضعه بجوار سرير دعاء وجلس مقابلها ينظر اليها بحب بينما نظرت له بضيق واشاحت بنظرها بعيد عنه
فارس:عتفضلي مبحلچه في الحيطان كتير ؟
دعاء:____
فارس:دعاء … الله يخليكي بصيلي
دعاء:_____
فارس:اني عارف اني قسيت عليكي چوي وغلط في حقك بس دة من حبي ليكي وغيرتي عليكي بلاش تعاقبيني اكدة
دعاء:____
فارس:عتضيعي احلي لحظات بعمرنا وانتي مخصامني ولا ايه؟
دعاء:____
امسك فارس بكف يديها بينما حاولت سحبه سريعا ولكنه اعترض وتمسك بها بقوة هاتفا:اكتر من اكدة هتشوفي وشي التاني عاد
دعاء بأختناق:وهو لساته فيه وش تاني مشفتهوش عاد!
قبل فارس كف يدها برقه وهتف:حقك عليا اني غلط وواعي لغلطي وقابل اي حكم تحكميه عليا عاد
دعاء:تسيبني لحالي شهر بحاله متعتبليش اوضه ولا تشاركني بمجلس
فارس بتفاجؤ: وة …. واعر چوي حكمك دة يادعوتي اكدة تقدري علي بعدي وكمان تقاطعيني
نظرت له دعاء بعيون حمراوتين تملئهما الدموع التي تأبي السقوط:وانت لما كنت تنام علي الكنبه اديلك كام يوم مكنتش بعيد عني ولما كنت بتاكل لوحدك ومبتدقش حاچه عملتها بأيدي مكنتش بعيد عني واما كنت بتشوفني عتحايل عليك واصالح فيك وتسيبني وتخرج برة القصر كله وتغيب بالساعات مكانش دة كله بعد عني من أمتي بهون عليك ومن امتي بتشكك في شرفي ياواد عمي دااني تربيه ايديك كبرت وانا يتيمه ملقيتش حنان غير منك حبي وعشچي كان ليك وبس ولما واحد اتچراء وكلمني اكدة في غيابك صنت عرضك ورديته وعرفته حدة تاچي انت ياحب سنين عمري الطويله وتعمل معاي اكدة تشك في حبيبتك ومرتك لا وكمان حبله في ولدك ال عتترچاه من ربنا!!!
فارس بأسف:الشطان عماني يادعاء انتي مخبراش النار ال قادت چوايا لما شفت الكلب دة قريب منيكي وعيقولك حديته الماسخ دة عقلي طار مكنتش عارف اعمل ايه الود ودي كنت دفنته مكانه اما انتي فعمري مشكيت فيكي لحظه دة انتي رفيقه عمري كله بس كنت واخد علي خاطري
دعاء ببكاء:واني ذنبي ايه؟! قولي غلط في ايه الشبه ال بيني وبين اختك دة بتاع ربنا مش بتاعي ليه تلومني علي غلطه غيري عملها
فارس:غلطه والله ياحبيبتي سامحيني
انفجرت دعاء باكيه:وانت ليه تعمل في اكدة كنت بموت من الوچع كل يوم وانت ولا علي بالك واخرتها كنت هموت انا وابنك ال في بطني ليه توصلني لكدة ربنا خلقنا عقل نميزو بيه معني عملتك دي ان المرة الچايه لو واحد في الشارع قالي سلام عليكم هتقتلني ؟؟!
جلس فارس بقربها واحتضنها بشدة بينما تعالت شهقاتها وهو يضمها لصدرة بقوة
فارس:سامحيني يادعاء والله اني اسف مهكررهاش تاني حقك عليا
دعاء: اعمل ال قلتلك عليه
فارس: حاضر هعمل ال تطلبيه بس دلوق انتي نفسه متبكيش عاد علشان الواد يچي بالسلامه يلاجيكي زينه …. الا صحيح اسمه ايه الواد دة؟
دعاء وهي تجفف دموعها:وة لساك مسميتهوش عاد؟
فارس بحنو:أمه ال هتسميه
دعاء:لاة تعيش انت وتسمي
فارس وهو يمسد علي خصلات شعرها ويمسك بخدها بنعومه:عاوزك انتي ال تسميه
دعاء بفرحه:لو مش تمانع هسميه ريان
فارس بفرحه:زين الاسامي ياروح قلبي هيطلع قمر كيف امه تمام
دعاء:قوم من اهنيه انت ايه ال مقعدك چاري؟
فارس: نعم… اني چوزك ياحبيبتي انتي زينه
دعاء:قلتلك تبعد عني ولا تحددتني لمدة شهر
فارس:بلاة الكلام دة المسامح كريم
دعاء:لازمن تعرف قيمه ال عملته يافارس عشان متكررش عملتك دى تاني قوم
قام فارس من جوارها وجلس علي كرسيه وهو ينظر لها بدهشة
فارس:انتي بجد عتعملي اكدة
دعاء:شكلي بهزر معاك ولا اي؟
فارس :شكلك بونبونايه مسكرة عاوزة تتاكلي اكل
نظرت له دعاء بحدة قائله:كيفه ريان دلوق؟
فارس:زين چوي اطمني الدكتور قال انه هيبقي اهنيه يومين بالكتير وهيخرج بالسلامه وانتي بكرة هترچعي القصر واخواتك التنين هيچو بكرة
دعاء بفرحه:چد؟
فارس:چد يافرحتي
_______________________
صباحا في اليوم التالي تململ سيف في سريرة وفتح زرقاوتيه ونظر لتلك التي توليه ظهرها فأقترب منها بنعاس واحتضنها من الخلف ظنا منه انها نائمه ولكنه لا يدري انها لم تذق النوم طوال الليل وحينما شعرت به يحتضنها اغلقت عينيها لتمثل النوم بينما تفاجئت بقبله ناعمه يطبعها هو علي خدها
سيف ببحه خفيفه:حبيبي النعسان
آيه:___
سيف وهو يعدلها ناحيته لتصبح نائمه علي ظهرها:صباح الهنا علي حبيبه قلبي انا
فتحت آيه عيناها ونظرت اليه بحزن
سيف:بقول صباح الفل علي عيونك الزرقا الحلوة دى … الدلال دة كله نايم جمبي وانا محروم منه! بقي دة كلام
آيه : عادي ياسيف بكرة تتعود
سيف:امممم لا مش هعرف اتعود وشكلي هتهور ومش هسمع كلام الدكتورة بتاعتك دي
انسحبت آيه من جواره ودلفت لخارج السرير وهي تهتف:يلا علشان نوصل بدري ومنتأخرش
سيف:انتي كويسه ياحبيبتي
آيه بضيق:مالي يعني منا حلوة اهوة شايفني بقطع هدومي ولا بشد في شعري
ازاح سيف عنه الغطاء واتجهه نحوها وامسك بيديها بحنان:مالك ياأيوو في حاجه تعباكي
آيه وهي تسحب يديها منه:مفيش حاجه انا مصدعه شويه
سيف:طب بلاش سفر النهاردة خليها بكرة لما ترتاحي
آيه بعدوانيه:كنت اشتكيتلك اني تعبانه في ايه ياسيف
سيف:طولي بالك واهدي بس دي اكيد هرمونات الحمل هدي نفسك
زفرت آيه بضيق شديد ودلفت للمرحاض وهي تصفع الباب خلفها بينما أمسك هو بخصلات شعرة الكثيفه وجذبها للخلف واتجهه نحو الحقيبه الخاصه بالسفر وبداء بتجهيزها بينما غابت هي بالداخل لفترة ودلفت للخارج وهي تجفف خصلات شعرها متجهه نحو خزانه الملابس لتنتقي ماسوف ترتديه … بضع لحظات مرت واتجهه نحوها سيف
سيف:بلاش تلبسي چينز النهاردة ياقلبي
آيه: ليه بقي انشاء الله
سيف :الطريق طويل ومتعب ليكي البسي فستان واسع يكون مريح ليكي ولبطنك
آيه بحدة:انا لسه مبقاليش بطن وعارفه راحتي فين ملكش دعوة بيا وبال بلبسه
سيف بحزم :في ايه ياآيه مالك ع الصبح كدة متتعدلي ناقص تضربيني بالقلم اظبطي
آيه : انا عملتلك ايه وبتكلمني بالطريقه دي ليه
زفر سيف بضيق وهتف:اللهم طولك ياروح … حقك عليا ياآيه البسي ال يريحك واجهزي يلا عما اخد دوش وننزل نفطر ونمشي علي طول
آيه :مليش نفس
سيف:براحتك ..
دلف سيف للمرحاض وأخذ دوش سريعا ودلف للخارج وارتدي ملابسه وصفف خصلات شعرة بعصريه ونثر البرفيوم الخاص به ودلف للأسفل دون ان يهتم بها مما زادها اختناقا…
بالاسفل علي مائدة الطعام”””
سيف:دنيا
دنيا:ايوة ياسيف بيه
سيف :جهزي فطار مدام آيه وحطيه في بوكس واعمليلها عصير فراوله وجهزيلي القهوة بتاعتي بسرعه علشان مستعجل
دنيا:حاضر ياسيف بيه
سيف:خلي اي حد يطلع ياخد الشنطه يحطها في العربيه
دنيا: حاضر … حضرتك تؤمر بأي حاجه تانيه
سيف:لا .. اتفصلي انتي
نورة:آيه منزلتش معاك ليه يا حبيبي هي كويسه
فرح:هطلع اناديلها واجي
سيف:لا خليكي يافرح كملي فطارك
صالح:هنفطر ومراتك لا يابني
سيف:انا خليت الخدم يجهزولها فطارها اهوة يابابا اطمن هبقي اخليها تفطر في الطريق
ليان:طب منزلتش تفطر ليه
سيف:صحت متأخرة وسبتها بتاخد شاور وعما تلبس وتجهز اكون انا فطرت خلينا نلحق اليوم من أوله
سامر:متاخد سواق يابني ولا انت غاوي بهدله
سيف:لا خليني علي راحتي وبعدين احنا هنقعد هناك يومين ليه اذنب السواق معايا
صالح:تروح وترجع بالسلامه يا حبيبي
نورة:مش هوصيك علي آيه ياحبيبي براحتك وانت ماشي
سيف:حاضر ياماما
دقائق مضت وكانت آيه تجلس برفقه سيف بداخل السيارة وهو خلف المقود متجهيين نحو وجهتهم والصمت يسود الموقف
_______________________
علي الطريق بداخل سيارة عاصم..
ورد:الدنيا حر اوي النهاردة ياصوما
عاصم:اه والله خايف علي منال من جو البلد عندكو اصلا
ورد:لا متقلقش ياحبيبي هي هتبقي في التكييف جوة القصر ايه هيطلعها برة
عاصم:حبيبه بابي مسافرة سوهاج دي البلد هتنور بيكي ياروحي
ورد: اممم كانت منورة بأمها قبلها ياحبيبي
عاصم:ههههه بتغيري من منال ياوردتي!
ورد:بغير عليك من الهوا الطاير انت هتهزر !
عاصم:اهدي ياوحش دة انت ال في القلب كلهم مولتو الا انتي ماجنم
ورد:امممم ماشي
عاصم:مقولتليش دعاء سمت ايه؟
ورد:سمت ريان
عاصم:حلو الاسم يتربي في عزهم
ورد:يارب….. بس صوت دعاء مش عاجبني بقالها كام يوم
عاصم:دة تعب الحمل ياروحي انتي مش فاكرة كنتي في منوله عامله اذاي
ورد:انا عارفه ياحبيبي بس صوتها كان فيه حاجه مش مطمناني مش عارفه في ايه
عاصم:ممكن يكون فارس مزعلها
ورد:لا معتقدش دة فارس هو ال موديها تولد في المستشفي اول ماتعبت وهو ال بيبات معاها في المستشفي وبعدين اصلا فارس عمرة مزعل دعاء … تصدق أخر مرة زعلها كانت واحنا مخطوبين لما خرجت ونست تعرفه
عاصم:اه فاكر ودي حاجه تتنسي دة من يومها وحرمني اشوفك او حتي اكلمك في التليفون
ورد بقهقهه:اه مهو ذنب ناس بتخلصه ناس
عاصم:عيل لزج انا عارف عجبها فيه أيه الواد دة… ثم اكمل وهو يقلد صوته : لا وبيقولي وسامتي وابتسامتي نينينينينييي
قهقهت ورد عاليا علي كلمات عاصم بشدة :ملكش حل ياعاصم هههههه ربنا يفرحهم علي وش بعض ياعصومي
عاصم:عجبتك يختي أضحكي اضحكي وانتي ضحكتك قمر ذيك
ورد:بموووت فيك بدمنك والله ياصاصا
______________________
بداخل سيارة سيف مضت فترة طويله وهم صامتون وسيف يختلس النظرات اليها كلما اتت فرصه وبداخله يشعر بالضيق من علامات الحزن والارهاق التي تكسو وجهها ولا يعلم سببها الي ان قرر قطع الصمت
سيف:مش ناويه تفطري
آيه:مليش نفس
سيف:طب وال في بطنك ذنبه ايه؟
آيه:ذنبه اني امه معلش
سيف :مالك ياآيه ايه ال مزعلك
آيه:مالي !! انا كويسه اهوة هيكون مالي يعني
سيف:خليكي واضحه ياآيه انا احترت والله… طب انا عملت حاجه زعلتك ؟ عرفيني وانا اصالحك لكن متسبينيش محتار كدة
آيه:_____
سيف:لما اكلمك ردي عليا مبكلمش نفسي انا
آيه:مفيش تعبانه شويه
سيف بضيق:طب افطري وخدي علاجك ياحبيبتي ربنا يهديكي
آيه بضيق: ايه ربنا يهديكي دي شايفني مجنونه قدامك
سيف وهو يقبض علي مقود السيارة يكاد يفتك به :ربنا يهديني انا اتفضلي افطري واشربي العصير علشان تاخدي دواكي ايا كان السبب في حالتك دي ف الجنين ملهوش ذنب في اي حاجه وبلاش جنان واستهتار في حاجه ممكن نندم عليها بعدين ممكن؟؟!
شعرت آيه بصحه كلمات سيف بالاضافه لأنها تشعر بالجوع الشديد ولكنها كلما تذكرت ماحدث مساءا فقدت الرغبه بكل شئ أما هو فمد يده وسحب البوكس الموضوع علي تابلوة السيارة امامها ووضعه علي قدميها
سيف بلهجه آمرة:كلي
زفرت آيه ومدت يدها وفتحت البوكس وبدأت بتناول الطعام وبعد فترة انتهت منه وتناولت الدواء الخاص بها بينما توقف سيف بالسيارة علي جانب الطريق
آيه بتعجب:وقفت ليه؟
نظر لها سيف:الدكتورة قالت كل ساعتين اققف بالعربيه نص ساعه علشانك
آيه بتذكر:ااه
اقترب منها سيف بينما تراجعت للخلف قليلا قائله بحزم:انت بتعمل ايه
نظر لها سيف بضيق:هتنيل اعمل ايه يعني هفردلك الكرسي خليكي تمددي شويه القعدة دى غلط عليكي
شعرت آيه بالأحراج من اسلوبها الفظ معه وبداء بداخلها صراع مابين تصديق الرسائل و ماسبقها من الورود وتكذيب كل هذا وتصديق قلبها الذي يحثها علي عدم خسارة زوجها…..
مرت نصف ساعه وانطلق سيف بسيارته مرة أخري بينما آيه أصبحت تائهه في بحر افكارها وبعد الاستراحه الاخري بدأت تشعر بالضيق من البنطال الذي ترتديه وبدأت تتململ في جلستها بينما نظر لها سيف وهز رأسه بمعني (مفيش فايدة) أظن كلكو عملتوها الوقتي 😂😂
سيف:قلتلك البسي فستان واسع مسمعتيش كلامي
آيه : بالله عليك ياسيف انا مش قادرة اتخانق معاك الوقتي خالص
سيف : وليه الخناق اصلا ياحبيبه قلبي عرفيني ايه ال مزعلك وافتحيلي قلبك
آيه:مفيش حاجه مزعلاني ياسيف هو بس موضوع شاغلني وأول متأكد منه هقولك علي طول
سيف: موضوع أيه دة
آيه:حاجه كدة تخص الحمل متشغلش بالك بيا خالص وركز في طريقك
سيف:ال يشغلك يشغلني انا كمان قوليلي في ايه يمكن أققدر اساعدك ياجنتي
آيه بحدة:يوووة في ايه ياسيف مالك قلتلك مفيش
سيف بحدة شديدة:آاااااايه
…………..
هاااي هااااي حبيباتي☺️☺️😍😍😍
مفيناش من الزعل بقي هحاول انزل كل يوم 😂🧜🏻♀️🧜🏻♀️ القمرات ال بيسيبولي كومنت قمر ذيهم انتو في قلبي والله ياجماعه😍♥️♥️♥️♥️لاف يووو 💓 اما ال بينسو الڤوت لاف يووو بردو 😍 ❤️❤️🧡🎉يلا بقي توقعات الله يخليكو والكومنت القمر❤️❤️❤️❤️
الفصل التالي: اضغط هنا
يتبع.. (رواية بنات المنشاوي الجزء الثاني) اضغط على اسم الرواية لتجد الفهرس كاملاً بجميع الفصول.