رواية بنات المنشاوي الجزء الثاني الفصل الحادي عشر 11 – بقلم خلود وائل

بقلم خلود وائل 🌻

سيف :آاااااايه

توقف بالسيارة سريعا علي جانب الطريق والتفت بجذعه نحوها وملامحه وجهه متجهمه وهتف بنبرة توحي بنفاذ صبره:بتكلميني كدة اذاي انا جوزك ياهانم مش عيل معاكي تعلي صوتك عليه مالك من صباحيه ربنا ومعوجه كدة

نظرت له آيه والدموع تترقرق بعينيها وهتفت:مفيش قلتلك مفيش

سيف:اللهم طولك ياروح بصي يابنت الناس أنا أخر مرة هسألك هو في ايه وانتي حرة هتشوفي مني وش عمرك متعرفيه علشان انا مبقاش سايب شغلي ومعطل مصالحي عشان خاطرك وجاي المشوار الطويل دة بنفسي مع أني كان ممكن ابعتك مع سواق وكان هيحافظ عليكي الا أني مبطمنش عليكي غير وانا معاكي فمتزوديهاش معايا علشان انا جبت أخري

آيه:___

سيف بحدة:انطقي

بكت آيه قائله:أنت بتخوني ياسيف!!

رمش سيف بأهدابه عدة مرات ونظر اليها بتعجب وغيظ شديد ثم وضع كف يديه علي وجهه يفركه بضيق وهو يجز بيديه علي خصلاته الفحميه ويرجعها للخلف

آيه: سكت ليه رد عليا

سيف بأختناق:أرد عليكي اققولك ايه أنتي عاوزاني كل دقيقه اققعد احكيلك انتي بالنسبالي ايه ولا كل مااشوفك أوصفلك قد ايه بموت في بعدك!

آيه:انت بتتريق عليا ياسيف أنا بسألك بجد انت بتخوني

سيف :أنتي هتجننيني ياآيه امبارح تقوليلي مبعوتلك ورد والوقتي تقوليلي بتخوني نفسي افهم بتفكري أذاي انا مش متخيل اصلا ان واحدة مكانك وعايشه حاله الحب ال بينها وبين جوزها تقول الكلام دة !

أنهارت آيه باكيه وهي تنظر للجهه الأخري بينما زفر هو بقوة وضيق ثم استعاد رزانته وامسك بيديها وبيده الاخري أمسك بها بخفه من دقنها ولفت وجهها نحوة

سيف:بصي انا مش عاوزك تتعبي نفسك ولا تفكري في التهيؤات دي

آيه:دي مش تهيؤات دي حقيقه في رسايل مبعوتالي انك بتخوني تفسر دة بأيه … واتفضل شوف تليفوني اهوة لو مش مصدقني

سيف:انا مصدقك في اي حاجه تقوليها من غير تفكير ياآيه وبلاش علشان خاطري نحط نفسنا في حيرة ممكن تهد كل ال بينا أنا والله العظيم مبخونك ولا في في حياتي غيرك وبلاش تحمليني فوق طاقتي أنتي بالذات مش هستحمل انك تشكي فيا

آيه :حط نفسك مكاني

سيف:هو علشان رساله اتقالك فيها اني بخونك ابقي فعلا بخونك

آيه:___

سيف:لما نرجع هاتيلي الرقم ال بعتلك الرسايل وانا هشوف الحوار دة اخرته أيه والوقتي تقفلي تليفونك لحد مانرجع ماشي

آيه :حاضر

سيف:خليكي واثقه في جوزك شويه عن كدة وبلاش تخسريني بأسلوبك المستفز دة تاني

اومئت آيه برأسها ايجابا :غصب عني والله انا أعصابي تعبت

سيف وهو يمسد علي خصلات شعرها:مفيش حاجه مستاهله التعب ياأيوو ريحي اعصابك ونامي شويه عيونك ورمت من العييط

آيه:متزعلش مني علشان خاطري

ابتسم سيف :حاضر مش زعلان

أدار مقود السيارة واكمل طريقه ومضتت الساعات وماأن أقترب من وجهتهم حتي غفت في نوم عميق تغلب عليها من شدة الارهاق وبعد فترة توقف سيف بداخل القصر والتفت نحوها يحاول ايقاظها

سيف:آيه …. أيوو حبيبي أصحي ياقلبي

آيه:منمنننمن

سيف:أحنا وصلنا ياملاكي فوقي بقي

آيه:______

سيف:طب الناس هيقولو ايه جايين ننام عندهم

آيه:منمنننن_______

سيف :فوقي بقي الله يخليكي فارس طلع يقابلنا

دلف سيف لخارج السيارة وسلم علي فارس واحتضنه بينما رحب به فارس بحفاوة

فارس:ياالف خطوة عزيزة نورت القصر ياغالي

سيف:منور بناسه يافارس

فارس:آيه مچيتش معاك ولا ايه؟

سيف:والله هي جت بس فرهدت من الطريق ونعست

فارس:وة … عمرها نومها تقيل لو الدنيا انطربقت حواليها ولا هي داريه عاد

سيف بقهقهه رجوليه:اه انت هتقولي

فارس:طب هاتها وطلعها لجناحها فوق تكمل نومها براحتها

اتجهه سيف نحو السيارة وفتح الباب وحاول ايقاظ آيه عدة مرات ولكن دون فائدة فقد تملك منها التعب فحملها بين ذراعيه ودلف بها للداخل وسط انظار ودهشه الحضور

ورد: آيه… في ايه ياسيف آيه مالها

صفيه:ياساتر يارب مالها البنيه ياولدي

حسان:قومي ياصفيه شوفي خبر ايه

فارس:اطمنو ياچماعه دي نعسانه وانتو خابرين انها نومها تقيل

عاصم ممازحا:متعوقش يازومل

ابتسم سيف ومضي في طريقه نحو غرفتها ومال بجذعه مستندا بها علي الباب لفتحه ثم دلف للداخل ووضعها علي السرير برفق ودثرها بالغطاء وقبل جبينها هامسا:ربنا يهديكي ياآيه

ثم اتجهه نحو الحقائب التي دلفت بها الخادمه خلفه ووضعتها ارضا واخرج هاتفها من حقيبتها واغلقه ووضعه مرة أخري بمكانه ثم أغلق الباب وهبط للأسفل ….

____________________

دلف سعد لداخل جناحه يبحث عنها فوجدها نائمه علي السرير تغط في ثبات عميق فأتجهه نحوها وهم بأيقاظها ولكنه بقي دقائق يتأمل ملامحها الهادئه الناعمه يكسوها بعض الشحوب لكنها  تبدو كحوريه نائمه  ليست كتلك العنيدة التي تشاكسه بأستمرار فلاحظ أنه لأول مرة يتمعن في ملامحها بل أنه لم يكن ينظر اليها سابقا ولكنه نفي تلك الوساوس وايقظها بتأفأف

سعد:چومي يازفته انتي

نعمه:______

سعد:مناقصش دلع ماسخ عاد قلتلك چومي

نعمه:___

سعد:عتعمليلي زعلانه عاد قلتلك قومي

نعمه:______

زفر سعد بضيق وسحب عنها الغطاء وصعق من هول مارأي أنها نائمه في بركه من الدماء وبيدها سكين قطعت به أوردة يدها فحملها سريعا وهو يصيح وهبط بها للأسفل وسط صدمه المتواجدين وصرخات والدتها التي رأتها والدماء تصبخ ملابسها

ام نعمه:بنتي نعمااااه

هارون:وة خبر ايه عاد ياسعد

سعد:الحقني يبوي نعمه قطعت شرايينها

هارون بفزع:ياوقعه مقندله ايه ال خلاها تعمل اكدة

ام نعمه بصراخ :هتقفو تتحدتو وتسيبو بتي دمها يتصفي يامراااري ياني ياحبه عيني

هرع سعد للخارج وخلفه العائله بأكملها ودلف بداخل سيارته بالمقعد الخلفي وهي بين أحضانه وأمام المقود كان والدة وعمه وانطلقو مسرعين للمستشفي

_____________________

تململت آيه في سريرها بتعب وفتحت عينيها بوهن وهي تشعر بوجع في بطنها فأعتدلت سريعا في جلستها وهبطت نن من السرير وهي تضع يديها علي فمها متجهه نحو المرحاض بسرعه لتتقيأ وتفرغ مابداخلها بتعب وبعد دقائق دلفت للخارج وجلست علي أققرب مقعد وهي تنظر حولها بتعب

آيه:انا جيت هنا اذاي؟!!

استعادت قوتها ببطئ ثم بدلت ملابسها وارتدت عبائه منزليه فخمه بلون أسود ⬇️⬇️

وعقصت شعرها للخلف علي شكل كعكه ودلفت للأسفل تتبع اصوات ضحكات جميع المتواجدين (عاصم .فارس. سيف.حسان.صفيه.دعاء.ورد)في بهو القصر الفاره‍

آيه وهي تهبط أواخر درجات السلم:السلام عليكم

جميعهم:وعليكم السلام ورحمه الله وبركاته

القت التحيه والسلام علي جميع المتواجدين عدا حسان ثم اتجهت نحو دعاء واحتضنتها بشدة قائله:الف حمدالله على سلامتك ياقلبي

دعاء بفرحه: الله يسلمك ياروحي عقبالك

آيه:هو الواد الصغنن دة هيجي امتي

فارس:بكرة انشاء الله هروح اجيبه عشان ينور القصر كله

حسان:كيفك ياآيه يابنتي

تصنعت آيه عدم استماعه وظلت تحادث اختها ورد

سيف بصوت مرتفع نسبيا:عمك حسان بيقولك اذيك ياآيه

نظرت له آيه بضيق ثم هتفت: بخير

حسان بود: مالك وشك اصفر ليه اكدة يابنتي

سيف:آيه عندها خبر حلو لينا كلنا ياعمي

صفيه بأغتباط:فرحينا ياحبيبه قلبي ربنا يفرح قلبك

آيه بسعادة:انا حامل

فارس: حامل صوح

ورد:بجد يايويو يعني هبقي خالتو كمان مرة

آيه:ايوااا

صفيه:يوم الهنا والمنا ياضنايا تقومي بألف سلامه

آيه:الله يسلمك يما

عاصم:طب كان لزمته ايه تجبها المشوار دة ياسيف

سيف:هي صممت تيجي تبارك لدعاء بنفسها وانا سألت الدكتورة وقالتلي انه ممكن تيجي عادي بس لازم اققف بالعربيه كل ساعتين وشويه حجات كدة

فارس:عشان اكدة عوچت في الطريق دة عاصم مشاء الله اهنيه من بدري

عاصم:ربنا يكملك علي خير وتجيبي نونو يطلع عينك ذي منوله كدة

آيه:حرام عليك دي منوله قمرايه خالص

عاصم:جربتي تسهري بيها ليله؟

آيه:لا

عاصم:يبقي متتكلميش

قهقهو جميعا علي أثر كلمته الاخيرة بينما هتف حسان:لازمن تقعدي اهنيه كام يوم تريحي عاد عشان تروحي لبيتك بالسلامه

آيه :متخافش ياعمي انا ممطولاش وراچعه بيتي اهنيه مليش مكان عن أذنك

القت كلماتها التي أثارت الحزن في نفوسهم جميعا وانسحبت من مجلسهم متجهه نحو الحديقه لتجلس بمفردها بينما بالداخل طأطأ حسان برأسه أرضا وهو جالس علي كرسيه المتحرك وبداخله غصه تؤلمه

سيف:حقك عليا انا ياعمي هي لسه مش قادرة تنسي وتعدي ال فات

حسان بندم:حقها ياولدي انا چيت عليها كتير وظلمتها چوي هي واخواتها حقكم عليا يابنات اني محققولكم سامحوني وحيات الغوالي الله يرحمهم

دعاء:ملوش لزمه الكلام دة عاد ياعمي ربنا نور بصيرتك الحمد لله واحنا مسامحينك وآيه مثيرها هتروق وتبقو كيف السمنه علي العسل

ورد:ربنا غفور رحيم ياعمي انتا في مقام ابونا الله يرحمه ربنا يطولنا في عمرك

فارس:قوم روحلها ياسيف الزعل مش زين عشانها وهي حبله

سيف:انا رايح من غير ماتقول عن أذنكم

نظرت دعاء لفارس بعتاب علي ماقاله لسيف فهو من أحزنها وأبكاها في أيام حملها فبادلها النظرة بأبتسامه ولكنها ولت بناظريها بعيدا مما ذادة ألما وعتابا … في الخارج كانت تجلس آيه شاردة الذهن تداعب نسمات الهواء خصلات شعرها الذي طال علي مدي السنوات الأخيرة ومن خلفها أتي سيف وجلس بجوارها وسحب كف يديها وامسك به بشغف وطبع عليه قبله حانيه

سيف:عشقي سرحان في أيه؟

آيه:فيك

سيف:لا دة انا يابختي بقي

آيه:تعرف بحبك قد أيه … طب تعرف انا ممكن يحصلي أيه لو ___

سيف مقاطعا:اشششش انا في ضهرك وهفضل سندك وأمانك وحمايتك ليوم ماأموت

أحتضنته آيه بشدة وبكت بين أضلعه بينما هو يربت علي ظهرها بحنو بالغ

سيف:اششش اهدي اهدي انا معاكي محدش هيقدر يقربلك

آيه:مبحبوش ياسيف مبطقش أشوفه بيفكرني بأسود سنين حياتي ال عشتها تحت رحمته انا بكرهه

سيف:طب هدي نفسك علشان خاطري لو عاوزة نروح هنروح الوقتي حالا بس أهدي

آيه بأنفعال:دمرني وضيع أحلي أيامي انا بخاف لما بشوفه ياسيف مش عاوزة اشوفه تاني

سيف:خلاص ياحبيبتي مش هتشوفيه بس بالله عليكي براحه علي نفسك دي كانت سفريه هم

ابتعدت آيه عن أحضانه :مش كل سفرياتي وحشه علي فكرة

سيف غامزا:اه فعلا سفريه المالديف مثلا ولا الساحل بتاعه السنه ال فاتت .. ثم أضاف وهو يضغط بأسنانه علي شفاه السفلي ولا السخنه أموت انا في السخنه

آيه:أتلم ياسيف احنا في الجنينه

سيف:حلاوته في الجنينه وهو مكسوف

آيه:علي فكرة انت قليل الادب

سيف مقهقها:منا عارف فين الجديد

آيه:أنت رخم اصلا

سيف:طب تعالي ندخل جوة علشان دقيقه كمان وهتهور والله انتي والعبايه القمر ال انتي لابساها دي

آيه:عارفه انك بتحب اللون الأسود فعلشان كدة لبستهالك

سيف غامزا :طب اعتبر دي دعوة صريحه ولا ايه

آيه:اتلم 😂 الدكتورة قالت ايه

سيف:الدكتورة دي غيارة علي فكرة وبتغير منك علشان متجوزة واحد چان ذيي

آيه:بس ياعم انت علي فكرة انت مش مز اوي كدة

سيف:طب احلفي

آيه: والله انت برنس 😂😂اللهم اني أغار عليه فأچعله في عين غيري ضفدع

سيف وهو يلوي شفتيه:ضفدع!! ضفدع يعضك يابنت المنشاوي قومي جوة يلا

آيه بأذعان:لا مش هقعد في حته هو قاعد فيها

سيف بعقلانيه:بصي يا ست قلبي وست الناس كلهم عمك غلط وربنا اداله عقابه في صحته وجبروته وكمان عياله … مش حاجه سهله علي فكرة ان ولادة الاتنين يموتو ورا بعض وواحدة منهم التاني هو ال قتلها دي حاجه تكسر وتموت بالبطئ وانا متأكد انه بيموت في اليوم ميه مرة كفايه عليه ضميرة دة غير انه بقي لاحول ليه ولا قوة … ياآيه عمك فاق خلاص وندم واخواتك سامحوة وبدأو معاه صفحه جديدة هو بجد ندمان ونفسه انتي كمان تسامحيه حاولي تديله فرصه جديدة وتسامحي وتنسي

آيه بحدة خفيف:أنسي!!! دة ال هو اذاي … انسي سنين طويله عريضه من يوم ماوعيت علي الدنيا عيشاها في قهر وحزن بسببه هو عياله من ضرب لهزاءة لتلطيش لقله قيمه وحرمان أنسي ليالي كتيرة متتعد نمتها معيطه ولا انسي كسرة خاطري ولا قسوته وجحودة عليا ولا أنسي ابنه وال عمله فيا انسي أن عمايلهم سيبالي أثر ونقطه سودة في حياتي مش قادرة اتخطاها واعديها … انسي ايه ولا ايه!!

سيف بغصه مريرة بداخله لأجلها:ربنا بيسامح ياآيه

آيه:انا مش ربنا انا بشر من لحم ودم … كل ال كان نفسي الاقيه منه هو شويه حنيه والله مكنت عاوزة غير كدة كان نفسي احسن يعني ايه يبقالي اب واخ وسند كنت مكسورة ووحيدة ملقتش منه حنان انا تعبت بسببه كتير اوي وانت بنفسك شاهد علي كدة

سيف وهو يحتضنها:بس انا جيتلك وعوضتك عن كل دة ياجنتي

آيه:انت هديه ربنا ليا ياسيف والنعمه ال بدعي انها تفضل منورة حياتي ومتفارقنيش

سيف:اسمعي كلامي علشان تنسي كل ال فات لازم تنسي وتبدائي من جديد مش يمكن تلاقي الحنيه ال كنتي بتدوري عليها من زمان

آيه:لقيتها فيك انت ياسيف … انا حبيتك علشان حنين عليا لقيت فيك ال كنت مفتقداه انت بقيت ليا ابويا واخويا وصاحبي قبل ماتكون جوزي انت بتتكلم في أيه مفيش وجهه مقارنه اصلا

سيف:جربي مش هتخسري حاجه

آيه:سيبني براحتي متضغطش عليا

سيف:توعديني؟

آيه بتردد:اوعدك

سيف:هفرحلك بجد لو نفذتي وعدك ياآيوو

آيه:انا جعانه😂🙈

سيف:ام الهرمونات انتي يابنتي بتزعلي وتعيطي وتفرحي وتجوعي في نفس الدقيقه اذاي انتي هتجننيني

آيه:ابنك عايز كدة الله

سيف: الباشا يؤمر هو ومامته القمر وانا أنفذ

آيه:طب عاوزة كاكا

سيف:نعم!! اجبهالك منين دي الوقتي مش موسمها اصلا اطلبي حاجه تكون موجودة الله يخليكي

آيه بدلع:ليش فيه عاوزااا كاكا هه

سيف:يادوختك ياسيف انا قلت لأبويا متجوزنيش يقولي لا ابدا …. كان مالي ومال الجواز منا كنت برنس والبنات هتموت عليا

آيه:بتقول حاجه يابيبي

سيف:لا ياقلبي … هروح اجيب فارس من قفاه وندورلك علي الكاكا حاضر

______________________

بداخل المستشفي وامام غرفه العمليات كانت تجلس العائله بأكملها يتملك منهم القلق والتوتر وبأحدي الاركان كانت تجلس والدة نعمه تنحب علي ماحدث لبنتها اما سعد فلأول مرة يشعر بالقلق نحوها ويتابع باب الغرفه بأستمرار متلهفا لخروج احدي الممرضات والاطمئنان عليها حتي دلفت احداهم بالفعل فهرول الجميع اليها وعلي رأسهم سعد

ماجد:بتي كيفها ياابله طمنيني

هارون:نعمه زينه صوح قولي انها بخير

سعد:كيفها دلوق العمليه خلصت

ام نعمه:بتي كيفها قولي انها بخير الله يباركلك

ام سعد:هي كويسه صووح طمنيني يابتي

رشاد اخو نعمه:طمنينا عاد مكتومه ليه

الممرضه:ادوني فرصه اتحددت العمليه زينه الحمد لله بس محتاچين نقل دم بسرعه وفصيلتها مش موجودة دلوق في المستشفي

سعد بلهفه:فصيلتها ايه؟

الممرضه:A+

هارون:فصيلتك دي ياولدي؟

سعد بحزن:لاه يبوي

ماجد بدموع:ياعالم حد فيكم فصيلته دى بتي بتروح مني

سعد:الاقي الفصيله دي فين بسرعه

الممرضه:تروح بنك الدم ال في البد ال چارنا ممكن تلاقيه هناك لو ملاقيتهوش يبقي ربنا معاك

سعد بحزم:هلاقيه انشاء الله مالك بتتحددتي اكدة ليه نعمه مهتموتش عاد لسالها عمر طويل باعدي عن خلقتي

هرول جميع الشباب المتواجدين برفقتهم لسيارتهم سريعا بينما انهي سعد بعض المعاملات الورقيه وهم بالتوجهه لسيارته وبحوزته بعض الاوراق التي سيحضر بها الدماء وبينما هو يهرول ببهو المستشفي سريعا اصتدم بكريم صديق فارس ودراع الايمن في الشغل

كريم:مش تفتح عاد يااستاذ انت

سعد:معلش

كريم:وة سعد بيه معلش مخدتش بالي والله

سعد بأستعجال:خير خير ياكريم عن أذنك

كريم:استني اهنيه عاد مالك اكدة عتچري ورا حالك

سعد بقلق شديد:مرتي بتموت وعاوزينلها نقل دم دلوق حالا

كريم :فصيلتها ايه يمكن تطلع فصيلتي

سعد بأمل:A+

كريم:وة دي نفس فصيله فارس  استني اطلبه هيچي دلوق بسرعه

سعد :چد … كلمه خليه يچي بسرعه

امسك كريم بهاتفه وضغط بعض الازرار واتصل بفارس الذي اجابه بعد فترة

_________________

عاصم:يابني الشغل مع الستات بيجيب صداع يعني عندك مثلا مهندسه الديكور ال بتعتمد تصميماتي في اول اجتماع تبقي مختارة الالوان وتمام وخلاص هنسلم الشركه بكرة تيجي الصبح تلاقيها قالبه كيان التصميم ومختارة حجات تانيه خالص وتقولك لا اصل حسيت اللون دة مش ناطق مع دة اصل الكورنر دة محتاج الوان مبهجه اصل مش عارف ايه وصداع ودوخه انما لما يكون مهندس راجل بيبقي ماشي بمبداء عك وليس كله كويس

فارس بضحكه رجوليه:والله انت مليكش حل عاد ياعاصم

عاصم:لا كله كوم وبسام زميلي كوم تاني خالص ساعه مايتنزنق في غلطه يقف مخشب ويمد ايدة ويقولي اعمل ايه اعمل ايه

سيف بضحكه رجوليه : اعمل خط وامشي عليه

قهقه ثلاثتهم بينما رن هاتف فارس فأمسك به واجاب المتصل سريعا

فارس:ايوة ياكريم

كريم:تعال دلوق حالا علي المستشفي

انتفض فارس من مجلسه وهب واقفا بتوتر:ريان چراله حاچه!!؟

كريم:لاة ريان زين بس كنا عاوزين نقل دم اهنيه في المستشفي لواحدة من نفس فصيلتك

فارس:منك لله وقعت قلبي في رجلي …. مين الواحدة دي؟

كريم: مرت سعد بيه السلانتي چوز الست مرام الله يرحمها

فارس:______

⭐⭐كومنت بليز ⭐⭐

رأيكم بيفرحني 🥰🥰💓💓💓شجعوني بقي 🤤😍😍