رواية بنات المنشاوي الجزء الثاني – الفصل السابع عشر
بنات المنشاوي ج٢ الفصل السابع عشر
بقلم خلود وائل 🌻
زياد:هناء استني انتي فمهتي غلط
هناء بدموع:اياك تنطق اسمي علي لسانك انا بكرهك
زياد وهو يركض خلفها:والله بحبك انتي حقك عليا متزعليش
هناء:____
دلفت هناء لخارج المكان بخطوات غاضبه وركبت تاكسي وعادت سريعا لمنزلها
_________________________
امام مقر شركه الحديدي توقفت سيارتها وهبطت منها بأعين متورمه ووجه شاحب تتقدم للأمام بخطوات غاضبه لتدلف للداخل بسرعه فائقه متجهه نحو مكتبه وتدلف لداخله دون اهتمام لهتافات السكرتيرة التي تخبرها بوجود أشخاص بالداخل … توقفت آيه علي اعتاب الغرفه عندما شعرت بالاحراج لوجود رجلين بمكتب سيف يجلسان برفقته ويبدو عليهم انشغالهم بالعمل مما جعلها تتوتر قليلا بينما نظر اليها سيف بدهشه هاتفا:اتفضل انت يابشمهندس عنان وتقدر تكمل مع بشمهندس باهر الآنسه روان هتوصلك ليه
المهندس عنان وهو يجمع الاوراق سريعا:اه طبعا ….بعد اذنك ياسيف بيه
اتجه كلاهما للخارج سريعا بينما هتفت السكرتيرة
روان بتوتر:والله ياسيف بيه انا حاولت افهم مدام آيه ان حضرتك عندك اجتماع بس هي معطتنيش فرصه والله انا___
سيف مقاطعا:حصل خير ياروان اتفضلي انتي روحي مكتب باهر وشوفي لو محتاج حاجه مع مهندس عنان وممدوح
روان :اوامرك يافندم بعد اذنكم
سيف بعمليه:اتفضلي
دلفت روان للخارج واغلقت الباب خلفها متوجهه لمكتب باهر بينما هم سيف بترك مجلسه والاتجاه نحو آيه بملامح جامدة
سيف:انتي اذاي تدخلي هنا بالمنظر دة ها وليه اصلا جايه الشركه ؟
آيه : جايه اشوف اخرتها معاك
سيف :آيه اتكلمي عدل مش عاوز عوج ولا ألغاز قولي عايزة ايه وكان ممكن توفري مشوارك وتكلميني في التليفون
آيه بأنكسار:في الأول قلتلي لازم أثق فيك ومصدقش الرسايل ال بتجيلي ووثقت فيك وبعدين قلتلي اني لازم اكبر دماغي من موضوع الورد ال اتبعتلك وفعلا عملت كدة وبعدين قلتلي انك كنت في عشا عمل امبارح مع راجل صح
سيف بتعجب:صح
آيه:وسألتك عن الروچ ال علي قميصك قلتلي معرفش !
سيف:ايه لزمته الكلام دة الوقتي
آيه بصياح:لزمته اني تعبت تعبت منك ومن افعالك انت بتعمل معايا كدة ليه عماله بعدي بمزاجي وبدورلك علي عذر واحد مش لاقيه قولي بتعمل معايا كدة ليه
سيف بحزم:آيييه صوتك دة ميعلاش والا قسما بربي__
آيه مقاطعه بشرز:والا ايه هتعمل ايه اكتر من ال عملته هتتجوز عليا مثلا طب علي الاققل هيبقي بعلمي مش من ورا ضهري يابيه يامحترم
سيف بأنفلات اعصاب:متحضريش عفاريتي وترجعي تزعلي اخلصي قولي في ايه تاني
آيه وهي تضع الهاتف بوجهه مفتوحا على صورة مع لميس:في دة … ثم اكملت بأنكسار:في دة ياأماني وياسندي في خيانتك ليا بالدليل
اتسعت عيني سيف بشدة وبداخله قبضات عنيفه ودماء تتدفق بشدة داخل اوردته لا يدري بما يجيب فقد تلجم لسانه وفرت منه الكلمات واعتلت الصدمه ملامحه وغزت حبات العرق جبينه
آيه بألم:سكت ليه !
-هو دة الراجل ال كنت سهران معاه؟
-هي دي الثقه ال عاوزني اثقها فيك؟
-هو دة عشقك ليا؟
-مترد عليا انطق برر لنفسك كدبني قول اي حاجه
-كدبت عليا ليه ؟
سيف :_____
آيه:هتنطق تقول أيه ثم ابتسمت بسخريه مكمله:انا ال عبيطه وكدبت الرساله ال اتبعتلي فيها انك سهران مع حبيبه القلب بتاعتك ومن غبائي قولت دي صور فوتوشوب شفت انا باقيه عليك لأخر نفس اذاي!
سيف:آيه انا___
آيه مقاطعه بتعب:شششششش قبل ماتكدب تاني وتنزل من نظري وافقد ثقتي فيك للأبد انا روحت المطعم قبل مااجيلك واتأكدت بنفسي انك كنت سهران مع حبيبتك هناك وشفت الفيديو بعيني بعد مااقنعت صاحب المطعم اني ممكن اكون ظلماك واخرب بيتي
سيف مطأطئ الرأس ولا يجيب
آيه بدموع حارقه:هي أحلي مني ياسيف؟ مرتاح معاها عني؟ بتعرف تفهمك ذيي؟
سيف بحزن:ياآيه انتي فاهمه غلط
آيه بقهرة:بتحبك ذيي؟ زهقت مني علشان اتجوزتني بسهوله !علشان فرضت نفسي عليك تعمل معايا كدة
سيف وهو يقترب منها:آيه بالله عليكي تهدي
آيه بأختناق شديد:بتحبها ؟ رد عليا بتحبها
سيف وهو يخطو ناحيتها بحذر:آيه طولي بالك
بدأت عروق عنقها بالبروز أكثر وتباطئت انفاسها وبداء اللون الازرق يكسو شفتاها والوهن يسيطر عليها وهي تهتف:هتتجوزها ياسيف
سيف بألم :انتي مفيش ذييك ياآيه بس هدي نفسك علشان خاطري
آيه:انا بكرهكككك_____
توقفت الكلمات بحلقها وبدأت نوبه التشنجات من الاستيلاء علي جسدها بالكامل وسقطت أرضا بينما امسك بها سيف بسرعه البرق واجلسها ارضا بأحضانه وهي تصارع انفاسها للبقاء وهو يحتضنها بقوة ويضغط علي صدرها ليخفف عنها النوبه التي تمر بها والدموع تتساقط بكثرة من عينيه بينما هي أصطبغت بشرتها باللون الازرق واحمرت عيناها وبقيت علي حالها عدة دقائق وسيف يحاول اسعافها
سيف بدموع:حقك عليا حقك عليا والله مبحب غيرك ربنا شاهد علي كلامي والله بحبك انتي ومفي في قلبي غيرك
آيه تختنق ولا تستطيع الرد وجسدها متشنج بقوة وتنفسها شبه منقطع
سيف ببكاء حار:هتعدي والله هتعدي هتبقي كويسه متسبينيش علشان خاطري انا بحبك ياآيه متصدقيش فيا الله يخليكي
آيه:______
سيف وهو يقبل جبينها ودموعه تتساقط علي وجهها:اهدي اهدي خدي نفس براحه براحه علشان خاطري ايوة كدة خدي نفس
مضت دقائق كانت كالدهر لكلاهما حتي استقرت حاله آيه بين يديه وخارت قوها وأغلقت عيناها مغشيا عليها بينما حاول سيف افاقتها بضربات خفيفه علي وجهها ولم تستجب فحملها بين يديه ودلف بها للخارج متجهها نحو المصعد واستقله هابطا للأسفل وفور ان استقر في الطابق الارضي ودلف منه للخارج حاملا اياها متجهها لسيارته حتي اتجهت اليه جميع الانظار بتعجب وهمسات حتي استقر بها في المقعد الخلفي لسيارته وجلس هو بالامام خلف المقود وانطلق بها نحو الفيلا
______________________
من شرفه منزلها كانت تراقبهم بأعين ثاقبه وبداخلها تشتعل غيظا من تلك الوقحه التي تغازل زوجها علنا دون خجل وتحاول بشتي الطرق ان تلامسه وتتحدث معه في اي امر جانبي عدا مااتي لأجله حتي انهي حديثه معها واتجهه نحو المنزل وبدورها هي دلفت للداخل متجهه نحوة
ورد بغيظ:كنت واقف تهزر مع المهزءة دي ليه ياأستاذ
عاصم بتعجب:ورد!
ورد :عاصم متجننيش البت دي قليله الادب ومش متربيه ووقفتك معاها شبهه اصلا اذاي تسمح لنفسك انك تكلمها بالشكل دة لا وكمان بتهزر معاها في الشارع عادي
عاصم :براحه ياورد مالك منفعله ليه كدة انا بس كنت بتفرج علي الشقه بتاعتهم ال قصدتني اظبطهالها ولما نزلنا الشارع كانت واقفه معايا بتاخد رأيي في شويه حجات عاوزة تنفذهم وانا نصحتها بمهندسه ديكور وأظن اني كنت واقف بعيد عنها وبغض بصري ولو أخدتي بالك ف انا كنت ببص حواليا في اي حاجه علشان مبصلهاش واشتال ذنب
ورد بتروي:بص ياعاصم خليها تشوفلها اي مهندسه تانيه بعيد عنك انا بغير عليك والبت دي ملزقه وانا مبحبهاش
عاصم :مش هينفع علشان انا عطيتها كلمه ابقي عيل اذاي وارجع فيها!
في نفس التوقيت دلفت هناء من الخارج واتجهت نحوهم بملامح جامدة
عاصم:سلام قول من رب رحيم مالك داخله وواخدة في وشك ليه كدة!
هناء بضيق:ممكن تسيبني اتكلم مع ورد لوحدينا ياعاصم
عاصم :لوحديكو!… بمنظرك دة متقولي في ايه دة انا ذي اخوكي بردو
هناء:عاصم لو سمحت
نظر لها عاصم بتعجب ومط شفتيه هاتفا:والله شكلك هتضربيها بهيئتك دي انا طالع برة وانتو حريين مع بعض
دلف عاصم للخارج بينما هتفت هناء سريعا بضيق:مكنتش اعرف ان غلاوتي عندك هتخليكي تعملي معايا كدة ياورد
ورد:اعمل ايه ياهناء انا مش فاهمه تقصدي ايه؟
هناء:لا والله .. يعني انا اعتبرك صحبتي واختي وحبيبتي تقومي انتي تطعنيني في ضهري وعامله فيها الطيبه البريئه
ورد بعدم فهم:وضحي كلامك يادعاء انا مش فاهمه تقصدي ايه !!
هناء بصياح:اققصد زياد ياورد ال انتي وقفتي جمبي لحد مااتخطبتله وانا مفكراكي فرحنالي ومعتبراني ذيي اختك اتاريكي بتلعبي بيا وبتحبو بعض من ورانا كلنا
ورد بصدمه:ايه الكلام ال بتقوليه دة انتي اتجننتي ياهناء
هناء ببكاء:اتجننت !! عوزاني افرح ولا ازغرط لما مرات اخويا وخطيبي يبقو بيحبو بعض
عاصم من خلفها بلهجه مخيفه:هنااااء
ارتعدت كلتا الفتاتين من تدخل عاصم المفاجئ وملامحه الجامدة التي لا تنذر بالخير
هناء بتوتر:ننن. نععع نععم
عاصم :ادخلي اوضتك
هناء:عاصم انا___
عاصم بحزم:ادخلي اوضتك
انصاعت هناء لأوامرة خوفا منه ومن هيئته وفرت سريعا لغرفته بينما تقدم هو نحو ورد التي تقف مزعورة
عاصم:ال هناء قالته دة صح
ورد بدموع:هو قالي مرة انه معجب بيا بس والله ياعاصم مكانش يعرف اني متجوزة ولما عرف صرف نظر واعتبرني أخته وهو بيحب هناء والله
عاصم :وانتي بتحبيه ؟
ورد: ايه ال انت بتقوله دة ياعاصم انا بحبك انت بحب جوزي وابو بنتي اكيد في حاجه غلط
عاصم وهو يمسكها بعنف من ذراعها:تقومي تصممي تدخليه بيتي وتجوزيه اختي علشان يبقي جمبك وقريب منك وانا الاهبل ال في النص صح
ورد برعب:لا والله محصل انا خليتك توافق على الخطوبه علشان هو بيحب هناء والله
عاصم وهو يضغط على قبضته وهي تأن الما:كل الفترة دى وانا نايم علي وداني وعملالي فيها بتغيري عليا وبتحاكميني علشان كلمت واحدة جارتي
ورد ببكاء:اااه دراعي بيوجعني ياعاصم
عاصم بحدة:ياخسارة حبي ليكي واسمي ال انتي شيلاة ياورد طلعتي رخيصه اووي وانا ال مفكرك محترمه اتاريني اهبل
ورد ببكاء حار:والله بحبك انت انت فاهم غلط اديني فرصه افهمك
عاصم بصياح:انتي تخرسي خالص كان لازم افهم ان في سبب يخليكي تصممي علي خطوبتهم بالشكل دة بس سببك طلع بيوجع اوي ياورد اووي
ورد بتوسل:ابوس ايدك اسمعني ياعاصم والله انت ظالمني زياد ذي اخويا والله
عاصم بحدة شديدة:متنطقيش اسمه في بيتي غوري من وشي اطلعي فوق يلاااا
تعالت شهقات ورد ودموعها التي تسارع بالسقوط بينما تركها عاصم واتجهه نحو باب المنزل الذي يطرق بشدة وفتحه بغضب وكان الطارق هو زياد
زياد:اذيك ياعاصم … هناء موجودة
سدد اليه عاصم لكمه شديدة اسقطته ارضا وجعلته ينزف دما من انفه
عاصم بحدة:غور من هنا يازباله واياك اشوف خلقتك تاني احسنلك
زياد وهو ينهض:ياعاصم انت فهمت غلط والله ورد دي اختي اسمعني بس
لكمه عاصم مرة اخري بعينه مما جعل زياد يري امامه الالعاب الناريه التي تقفز بداخل عينيه وهو يسقط ارضا للمرة الثانية
عاصم :امشي من هنا بدل مااروحك لأمك متشال اتفوووو
اغلق عاصم الباب ودلف للداخل بينما صعدت ورد للأعلي تبكي بحرقه علي ماأصابها وكذلك هناء بداخل غرفتها تتجاهل اتصالات زياد الكثيرة وتبكي بشدة
___________________________
(غريب الحب مين فاهمه🤷🏻♀️)
فتحت عينيها بتعب فوجدته يجلس امامها وملامحه باهته ينثر البيرفيوم امام انفها علها تفيق لتجد نفسها نائمه علي سريرها بغرفتهم والألم يجتاح جسدها لتحاول النهوض سريعا ولكنها متألمه حتي اعتدلت في جلستها
سيف:براحه طب استني اساعدك
ازاحت يدة عنها بغضب شديد ونظرت للجهه الأخري
سيف بحزن:اسمعيني ياآيه واديني اخر فرصه علشان خاطري
آيه بحزم:قبل كدة قلتلي لو مسكتي عليا دليل ابقي اققتليني وانا مش هقتلك انا هطلب منك تبعد عن___
سيف مقاطعا:عمري مهعملها لو فيها موتي ارجوكي اسمعيني
آيه :_________
سيف:انا مبقتش فاهم ايه الحكايه بالظبط كل يوم حاجه جديدة تفرقنا عن بعض دورت كتير بس مش عارف اوصل لحاجه او امسك دليل في ايدي ال بيعمل كدة مش سايب اي غلطه وراه مش عارف اعمل ايه ولا اثبتلك اذاي اني مظلوم
آيه:________
سيف: والله انا مظلوم ياآيه وحيات ابننا ال في بطنك انا عمري مفكرت حتي اخونك او أوجعك بأي شكل انتي عارفه كويس انتي بالنسبالي أيه وحياتك عندي لما اوصل لل بيعمل كدة هخليه عبرة للدنيا كلها
نظرت له آيه ببرود هاتفه:مفيش حد في الدنيا هيسيب حياته ويتفرغ للتفريق بينا وأظن ان لو دة صحيح مش هيعرف يخلي حبيبتك تبوسك من قميصك او تتعشي معاك او حتي تبعتلك ورد
سيف بغصه بقلبه:يعنى انتي مصدقه فيا الكلام دة كله
اشاحت آيه بنظرها بعيدا ولم ترد بينما تألم سيف بشدة من فعلها
سيف: وحيات آيه لهخلي ال بيعمل كدة يندم علي الساعه ال اتولد فيها وانا مش هلومك الوقتي علي شكك فيا بس مثير الأيام تعرفك ان جوزك محبش في حياته قدك
آيه:طالما كدة كدبت عليا ليه ومين ال كانت معاك
شعر سيف بالحيرة ولم يجد مايجيبه بها خوفا من رد فعلها خصوصا في هذا التوقيت وبينما هو يفكر برد مناسب انسابت دموع ناعمه من مقلتيها ثم هتفت بتردد:طلقني
تجمدت ملامحه لبرهه ونظر لها نظرة تحمل الكثير من المعاني ثم هتف بنبرة مبحوحه:علي جثتي ياآيه
القي كلمته ودلف لخارج الغرفه والنيران تنهش قلبه وبداخل صدرة ضيق شديد كأن العالم أجمع قد تحالف علي افساد زواجه من محبوبته
______________________
حل المساء وسط أجواء مشحونه مليئه بالألم والضيق للجميع من بينهم عاصم الذي عاد من الخارج وجلس برفقه والدته كعادته
ام عاصم:ايه ال حصل دة يابني بقي اغيب ساعه عند خالتك يحصل كل دة
عاصم: ماما لو سمحتي قفلي علي الموضوع دة انا مش ناقص
ام عاصم:يابني اكيد الواد ميقصدش تلاقيه كان بيهزر مع اختك منتا عارفها عبيطه ومبتفهمش غير رابع يوم
عاصم:ماما الله يخليكي انا اعصابي تعبانه
ام عاصم:يابني اختك مموته نفسها من العييط ومراتك سابت البيت ومشيت بردو مش عايز تتكلم
عاصم بتفاجؤ:ايييه ورد مشيت!! راحت فين الساعه دي؟
ام عاصم:من ساعه ما انت سبت البيت ومشيت وانا رجعت لقيتها ياحبه عيني مستويه من العيياط وواخدة البت علي ايديها وماشيه حاولت امنعها كتير بس مقدرتش عليها وبتقولي مينفعش اققعد في بيت جوزي وهو شاكك فيا
عاصم:عوزاني افرحلها ولا اوديهاله بأيدي اتجننت دي ولا ايه
ام عاصم:يابني صدقني في حاجه غلط طب عشان خاطري قوم شوف اختك بدل ماتعمل في نفسها حاجه
عاصم بضيق:مش شايف حد انا طالع اتخمد
_____________________
دلف سيف لغرفته يبحث عنها فوجدها تجلس بالتراس شاردة لم تشعر بوجودة فأتجهه نحوها وهتف بصوت مسموع حتي تفيق:آيه
نظرت له بأعين جف الدمع منها ولم تهتف
سيف:قومي البسي يلا علشان هنروح للدكتورة
آيه:_____
سيف:بلاش عند قومي يلا علشان طيارتي كمان كام ساعه يادوب الحق
ارادت ان تستفسر عن سبب تقديم موعد رحلته ولكنها أبت واكتفت بالنظر للفراغ
سيف:طب مش هتسأليني انا هسافر بدري ليه؟
آيه:____
سيف:انا بكلمك علي فكرة
آيه بوهن:انا كويسه مش عاوزة اروح ولا اجي وسافر ذي ماتسافر وملكش دعوة بيا اعتبرني مت
سيف بنغزة بقلبه:بعد الشر عليكي ثم جلس بجوارها:خلي مشاكلنا علي جمب والبيبي ملهوش اي ذنب وقله اكلك النهاردة ودواكي ال مأخدتيهوش وكمان النوبه ال جتلك زمانها أثرت عليه خلينا نطمن واهو ابقي مسافر وانا مرتاح
آيه:_____
سيف بحزن:علشان خاطر ابننا ياآيه
آيه:______
سيف:هستناكي تحت ولو اتأخرتي هطلع اجيبك بنفسي
القي كلماته ودلف للخارج هابطا للأسفل ليجلس بأنتظارها اما بالأعلي فظلت شاردة لبرهه حتي شعرت بأنقاباضات عنيفه أسفل بطنها جعلتها تأن ألما ثم اتجهت نحو غرفه ملابسها وابدلتها سريعا وهبطت بوهن للأسفل لتتجه نحو السيارة بملامح جليديه دون ان تتفوة بكلمه متلاشيه النظر اليه او الحديث معه
______________________
مساءا في قصر المنشاوي كانت العائله مجتمعه حتي دلفت ورد حامله طفلتها التي تغط في نوم عميق وملامحها متعبه بينما هرعت نحوها دعاء وصفيه التي حملت عنها صغيرتها ودعاء التي بادلتها الأحضان حتي انفجرت ورد باكيه ……
_______________________
في زاويه أخري علي الهاتف
****:ايوة ياحسين بيه ذي مابقولك كدة جايبها متشاله وبينها تعبانه اوي
حسين:ايوة كدة هو دة الشغل التمام … طلقها ولا لسه
****:لا لسه دول راحو للدكتور وشكلها مش طيقه تبص في وشه
حسين:تمام اوي كدة لما يرجع من السفر مش هيلاحق ياعيني الخبط هينزل علي دماغه يعميه
****:ايوة بس انا ليا الحلاوة منا تعبت بردو
حسين:ايوا امال ايه بس الشغل يبقي علي ميه بيضه مش عاوز غلطات
****:عنيا الاتنين حاضر
حسين:اول مايرجع اديني خبر علشان ننهي الليله دي
***:حاضر يابيه
حسين:سلام
_______________
⭐⭐⭐ڤوت بليز ⭐⭐⭐
الفصل التالي: اضغط هنا
يتبع.. (رواية بنات المنشاوي الجزء الثاني) اضغط على اسم الرواية لتجد الفهرس كاملاً بجميع الفصول.