رواية بنات المنشاوي الجزء الثاني – الفصل التاسع
بنات المنشاوي ج٢ الفصل التاسع
بقلم خلود وائل 🌻
اومئت آيه برأسها ايجابا وملامحها لا تنذر بالخير
سيف:ورد أحمر علي الصبح كدة امممم دا يابختي بيكي والله ياعشقي
آيه:_____
امسك بها من يديها وسحبها نحو الاريكه وجلس واجلسها علي قدميه ووضع الورود بجوارة وهتف بهيام:ملاكي و جنتي وفرحتي وكل حاجه حلوة ليا سرحانه في ايه واخدها مني كدة
نظرت له آيه بضيق وهتفت:عجبك الورد؟
سيف :جدااا بصراحه وعجبني اكتر انك ال جايبهولي بنفسك
آيه : بتحبني ياسيف؟
سيف:”أنا بحبك حب العشرينات و عشق الثلاثينات ووياكي لحد ضحكة الأربعين و مرض الخمسين و وحدة الستين و يأس السبعين ، أنا هفضل احبك لحد ما يقولوا “رحمة الله علينا” …. بتسألي ليه ؟
قامت آيه من موضعها ونظرت له بألم وهي تسحب الكارت من باقه الورد والقتها اليه بينما نظر لها بأستغراب وهو يتناول الكارت ويقرأ مافيه وتعتلي ملامحه الدهشه
سيف بتعجب:ايه دة؟!
آيه:أنت ال المفروض تفهمني ايه دة؟
سيف وهو يقف من مجلسه :انا مش فاهم اي حاجه ياآيه انتي ال كتبه الكلام دة ولا ايه
آيه :وانا هكتبلك كنت مع مراتك وسايبني !!
سيف بحيرة:تقصدي ايه
آيه بحزم:اققصد يابيه ان الكلام دة كتبته الهانم ال بتقضي معاها اسعد لياليك وباعتالك الورد دة علي بيتي علشان تعاتبك بشياكه انك كنت خارج معايا عرفت
سيف بعدم فهم وتعجب شديد:هانم مين وليالي ايه وايه الكلام الغريب ال بتقوليه دة
آيه بشراسه:لو عندك تفسير تاني قوله يمكن تطفي النار ال جوايا
اقترب منها سيف وهم بوضع كف يديه علي خدها بحنو قائلا:اهدي ياحبيبه قلبي
ازاحت آيه يده عنها بعنف قائله:شيل ايدك عني
سيف بضيق:في ايه ياآيه مالك
آيه :انت بتستهبل ياسيف هو ايه ال مالي الوقتي حالا تفهمني ايه ال مكتوب دة والا قسما برب العزة
سيف مقاطعا:هتعملي ايه
نظرت له آيه بأختتاق:مش عارفه بس ال اعرفه ان تصرفي مش هيعجبك
سيف بحدة خفيفه:اول واخر مرة تهدديني ياآيه فاهمه ….دة اولا ثانيا اياكي تفكري تتكلمي معايا بالاستهتار دة تاني انا مش عيل معاكي انا راجل وليا احترامي ولو دة هيكون اسلوبك علشان دلعتك زيادة فأنا هيكون ليا تصرف تاني
آيه بألم :سايب الموضوع الاساسي وعمال تديني درس في الاخلاق طب من باب اولي كنت تدافع عن نفسك يمكن الاقيلك عزر يرحمني من الحيرة ال هتفرتك نفوخي
سيف: موضوع ايه مفيش موضوع اصلا مين دي ال بقضي معاها ليالي وسبتها عشان اتفسح معاكي متعقلي الكلام ياآيه ولا هو نكد من الهوا
آيه بصوت مرتفعا نسبيا:يعني هكون اتجننت وكتبت الكلام دة لقيت نفسي فاضيه ومرتاحه فقلت اجي اعكنن عليك وعلي نفسي
كور سيف قبضته في محاوله السيطرة علي اعصابه وهتف بنبرة محذرة:صوتك ميعلاش عليا تاني
زفرت آيه بضيق ونظرت جانبا والدموع بدأت تتجمع في مقلتيها بينما استكمل هو حديثه بجمود:انا معرفتش في حياتي كلها غير ريهام الله يرحمها وانتي انا راجل لست واحدة ياآيه مليش في الشمال ولا الحرام وانتي عارفه كدة كويس وعمر مابنت هزتني ولا حركه جوايا اي مشاعر غيرك انتي حتي جوازي الاولاني كان جواز عادي ذي اي اتنين متجوزين علشان دي سنه الحياه حتي لما ماتت محبتش ارتبط بأي واحدة بعدها مش وفاءا ليها وانما علشان ماقابلتش ال قلبي يدقلها ويحبها لحد ماطلعتيلي انتي وخطفتي قلبي وأول مااتاكد اني بحبك طلبتك للجواز علشان انا معرفش غير الحلال ومعاكي عشت كل حاجه من اول وجديد ودوقت طعم الحب وحسيت بكل حاجه حلوة ومن بعدك ميملاش عيني ولا قلبي اي واحدة تانيه اما بقي حوار مين بعت الورد ولا كتب الهبل دة فمش مستاهل انه ياخد من وقتي دقيقه افكر فيه اما لو انتي بتشككي في حبي وولائي ليكي دة يبقي موضوع تاني
آيه بحزن:انا مقدرش اشكك فيك بس بطلب منك تفسير حط نفسك مكاني
سيف بثقه:انا لو مكانك هرمي البتاع دة في الزباله ومترددش لحظه اني اولع فيه
آيه:_____
سيف: سكتي ليه ؟
آيه:طب مين ال يعمل كدة وليه ؟!
سيف بجديه:مش لازمني اعرف بس ال عمل كدة هز ثقتك فيا ودي حاجه وجعتني منك اوي ياآيه
تساقطت دموع آيه سريعا بحرارة علي خديها ونظرت لسيف بخجل مما فعلت ولم تدري كيف تتصرف اما هو فأتجهه نحوها وضمها اليه بأحدي يديه وبالاخري يمسح دموعها بهدوء
سيف:اشششش خلاص العيط دة غلط علي البيبي
آيه:😭😭😭
سيف:قلتلك خلاص
آيه:انا ….. انت…. انا والله …. مكنتش اققصد ازعلك
سيف :خلاص بقي انا مش زعلان بس خليكي واثقه فيا شويه عن كدة
آيه :انا واثقه فيك والله بس بموت عليك والكلام دة جالي كنت عاوزني اعمل ايه
سيف:لو الكلام دة صحيح يبقي ساعتها اققتليني ومش هلوم عليكي
آيه وهي تمسح دموعها :بعد الشر عليك متقولش كدة
سيف:طب خلاص بقي عاوز اشوف ضحكتك الحلوة
آيه:يعني مش زعلان؟
سيف:اممممم شويه صغننين
آيه بأبتسامه:طب اصالحك اذاي الوقتي
سيف: امممم هفكر واققولك
آيه:طب مش هتطلبلي حاجه اشربها انا اول مرة اجيلك الشركه من يوم متجوزنا
سيف:اه منك ومن جياتك فاكرة اول مرة شوفتك فيها
ابتسمت آيه بشدة وسط دموعها الخفيفه:قلبك ابيض بقي
سيف وهو يقبل جبينها:يشبه روحك ♥️
آيه:الا صحيح هو الحيوان ال هزقته يوميها لسه بيشتغل هنا
سيف:واحد غلط فيكي وعوزاني اسكتله !!
آيه:بجد عملت معاه ايه؟
سيف :متشغليش بالك ياروحي يلا تعالي اققعدي هنا عما اطلبلك حاجه ساقعه وبعدين اخدك اروحك وارجع تاني اخلص شغلي وبليل نروح لدكتورة سوا علشان نطمن عليكي وتتابعي الحمل بقي
آيه بطاعه:حاضر بس انا جايه بعربيتي
سيف وهو يتجهه لمكتبه:ياواد ياجامد بقينا بنسوق لوحدنا ومبنخافش
آيه بثقه:ايوا طبعا امال داانا بسوق احسن من ڤن ديزل
سيف :اه طبعاااا اومال…..ثم التقط الهاتف :روان لو سمحتي هاتي واحد عصير فراوله بلبن بسرعه
آيه وهي تتجه نحوة:سيفو ياسيفو ياحته سكرة
سيف وهو يقف بمحاذاتها:طلبك مرفوض ومدروس بالمسطرة
آيه بدندنه:خليك دمك خفيف والضحكه منورة
سيف بتناغم:عاوز الحمل خفيف لطيف كفايه زمجرة
آيه مكمله:سيبني اروح لدعاء وهبقي منورة
سيف مقهقها: لو الدكتورة وافقت انا هجهز الشنط بنفسي
ارتفعت آيه لمستواه وقبلت خدة بخفه بينما دلفت روان في نفس التوقيت
روان: احم… انا .. انا . .. انا اسفه مكنتش اققصد
آيه بخجل : يادي الفضايح
سيف :احم .. اتفضلي ياروان حصل خير
روان وهي تضع العصير علي الطاوله : بشمهندس باهر مستني حضرتك برة يافندم
سيف:خليه يدخل واطلبيله القهوة بتاعته بسرعه
روان:حاضر يافندم
دلفت روان للخارج ودلف بعدها باهر للداخل وهو يحمل بعض الملفات
باهر:السلام عليكم…. وانا اققول الشركه نورت ليه طلعت علشان آيه عندنا النهاردة
آيه بأبتسامه:اذيك ياباهر عامل ايه
باهر بود:انا تمام ياستي انتي ال مختفيه فين محدش بيشوفك
آيه بأبتسامه:انا اهوة
باهر وهو ينظر للورد الملقي علي الأريكه واطلق صافرة خفيفه:ورد كمان دة باين الواحد جة في وقت غلط خالص
سيف:نق بروح امك مهي نقصاك
باهر:يسهلو ياعم واكلها والعه
سيف:تولع بيك يابعيد انت والورد في ساعه واحدة
باهر:جوزك ماله كدة ياآيه انا سايبه من ساعه كان فله
آيه :معلش ياباهر اصل طلع عنده حساسيه من الورد
سيف بتغير مجري الحديث:كنت جاي ليه ؟
باهر بعمليه:صالح بيه عاوز يدخل المناقصه الجايه وطلب مني اجبلك الملفات دي تراجعها قبل مايمضيها و__
سيف مقاطعا:طب خليك هنا عما تشرب قهوتك هوصل آيه وارجع علي طول مش هتأخر انشاء الله
باهر :ايواا ياعم
سيف:بقولك ايه ياباهر
باهر:اي
سيف:خد بوكيه الورد دة اديه لمراتك عليه شويه حظ انما ايه يكش ينوبك منه حاجه وتحل عني
قهقت آيه ودلفت للخارج وتبعها سيف وامسك بها من معصمها بقوة امام المصعد لتتروي قليلا
آيه:ايييي براحه
سيف:وجعتك ياقلبي
آيه:ايوة
توقف الاسانسير ودلفو للداخل واغلق سيف الباب بضغطه علي احدي للازرار ليتوقف عن العمل واقترب منها هامسا:بتوجعك اوي كدة
آيه وهي تدلك معصمها:ابعد شويه كدة
سيف هامسا:لا مش هبعد انا كدة كويس
آيه:سيف بقي
سيف وهو يمسك بمعصمها ليدلكه:وجعها مش ذي الوجع ال خلتيني احس بيه من شويه
آيه :متزعلش مني بس
سيف:هشششش نكمل كلامنا في بيتنا مش هنا
آيه:سيف انا___
قاطعها سيف بقبله ناعمه اسكتتها ثم ابتعد عنها قليلا وضغط الزر ليهبط بها للأسفل وفي غضون دقائق كانو بداخل سيارتها وعاد بها للفيلا وصعدو سويا لغرفتهم
آيه:سيفو انت لسه زعلان
سيف وهو يخلع چاكيت بدلته:امممم
آيه:حقك عليا والله
سيف وهو يحرر كرافتته ويفتح اولي ازرار قميصه:طق مش هتصالح كدة
آيه:طب انت بتقلع القميص ليه الوقتي؟
سيف وهو يسحبها من يديها لصدرة:علشان تصالحيني
آيه:طب وباهر؟
سيف:هيستني عادي
حملها بين ذراعيه متجهها نحو السرير: هتعمل ايه يامجنون!
سيف:هعمل الصح….. 🙈
_________________________
في ڤيلا السلانتي وتحديدا في جناح العروسان استيقظ سعد علي صوت طرقات الباب فتململ في سريرة بضجر واتجهه نحو الباب ليفتحه بعدما بحث عنها بعينيه في ارجاء الغرفه ولم يجدها ليجد والدته وزوجه عمه ومعهم الخادمه تحمل الطعام هم من يطرقون الباب
ام سعد:صباحيه مباركه ياحبيبي
سعد وهو يسمح لهم بالدخول:الله يبارك فيكي يما
ام نعمه:امال فين عروستنا امال
سعد:باينها في الحمام عاد
ام سعد :تعالي ياضنايا افطر ودوق الحمام ال عملتهولك بأيديا حطي يابت ياعنيات الوكل اهنيه وانزلي انتي
سعد:مفياش نفس الوقتي يما
دلفت نعمه من داخل المرحاض مرتديه روب من الستان الفيروزي واسفله لانچيري أسود قصير وخصلات شعرها منسدله تبرز جمال ملامحها وعندما انتبهت لوجودهم اغلقت الروب عليها واتجهت نحوهم وهمو بأحتضانها وتهنئتها
ام سعد:الف مبروك ياحبيبه قلبي
نعمه :الله يبارك فيكي يامرت عمي
ام نعمه:مالك ياحبيبتي عيونك مورمه اكدة ليه
نعمه وهي تنظر اليه بتوتر:اصل… اصل ..
سعد:كنا سهرانين امبارح شويه يامرت عمي
ابتسمت كلتاهما واستأءذنتا بالرحيل بعدما اطمئنو عليهم بينما اقترب سعد من نعمه وامسك بها من خصلات شعرها وهي تتألم
نعمه:اااه حرام عليك يا سعد اااه سيب شعري اااه
سعد:قلتلك متلبسيش الحچات دي ولا مقلتش
نعمه:والله مااقصد حاچه اااه
سعد:اول واخر مرة اشوفك لبساهم يامرام فاهمه
نعمه :انا نعمه اسمي نعمه حرام عليك
سعد: واني قلت مرام يبقي مرام روحي انقلعي غيري ال لبساه دة
نعمه:انا لبست اكدة عشان لما يچو يباركولنا ميشكوش في حاچه …ثم اضافت باكيه :انا هصبر واستحمل واسمع كلامك وانفذة ياسعد ومستنيه يچي يوم وتحس بيا وتحبني كيف مابحبك بس عبال مايچي اليوم دة متقساش عليا عشان تلاچيني لساني بحبك كيف مني
سعد ببرود:لاة متخافيش وراكي لحد ماتلعني الساعه ال اتچوزتك فيها واليوم ال عتحلمي بيه دة مچاييش واصل….
القي كلماته ودلف للمرحاض وصفع الباب خلفه بقوة بينما جلست هي علي الاريكه تبكي وتنعي حظها الذي اوقعها في حب من لا يشعر بها
________________________
حل المساء وكانت خطبه هناء وزياد في منزلها حيث حضر المقربون فقط من العائله وقليل من اصدقاء هناء حيث كانت كأميرة خرجت من روايه بفستانها الاحمر وشعرها المصفف ببراعه والميكب الناعم الذي تفننت في وضعه بالأضافه لقطعه ناعمه من الاكسسوارات زينت شعرها فكانت رائعه بحق فلم يبتعد عنها زياد بناظريه اطلاقا وماان حانت لحظه تلبيس الدبل حتي امسك بيديها بقوة والبسها دبلتها ثم قبل كف يديها بحنو .. من بعيد اغتاظ عاصم من فعلته وهم بالتدخل ولكن منعته ورد قائله:ابوس ايدك بلاش نفرج الناس علينا علشان خاطر هناء
عاصم:شايفه الواد البجح!
ورد:بكرة تبقي حلاله طول بالك علشان خاطري انا
عاصم:انا قلتلك من الاول انه عيل لزج وانا مبحبوش
ورد بقهقهه:والله انت سكر ياصوما
عاصم: والنبي مافي سكر هنا غيرك انت ياقمر ايه بس الطعامه والشياكه دي وايه الفساتين الحلوة دي
ورد:حلو الفستان ياعصومي
عاصم:الفستان مش حلو غير علشان انتي ال لبساه لكن ال جوة الفستان قمرررر تهوس … ام الليله دي هتخلص امتي خليني اعرف اوصفلك انتي جميله اذاي النهاردة
ورد بخجل:بس ياعصوم عيب كدة
عاصم:يعني الواد الغتت دة يبوس ايدها تقوليلي ومالو هتبقي مراته وانا تقوليلي عيب
ورد :😂😂😂😂مليش بركه الا انت ياابو منال
………….
زياد:انتي مش قاعدة في مكانك ليه؟
هناء بعدم فهم:اذاي منا جمبك اهوة!
زياد:يابنتي انا بصيت في السما وسط النجوم وانا جاي ملقتكيش قاعدة مكانك فقلت أسألك لما اشوفك
هناء بأبتسامه:امممم دة بجد واشمعنا انا انشاء الله
زياد :عشان قمررررر يخربيتك جبتي رجلي ببصه واحدة
هناء:بس بقي الله انا مبحبش كدة علي فكرة
زياد :امال بتحبي ايه ياوحش الكون
هناء:يابا اهدي علي نفسك شويه دااحنا لسه خطوبه
زياد:طب متستعجلي اخوكي الرخم ال قاعد يحب في مراته هناك دة ونجيب المأذون ويبقي كتب كتاب
هناء بقهقهه شديدة:لااا اجمد كدة لسه عاصم ناوي يلعب بأعصابك شويه عما نوصل لمرحله المأذون
زياد:اخوكي دة جبروت
عاصم من بعيد:هناااء تعالي يانؤة
زياد:مش بقولك جبروت
هناء :ثواني وجيه
زياد بمعاكسه:ياعم الاحمر متسبنيش وتمشي كدة ياعم الاحمر انت
____________________________
في أحدي عيادات النسا والتوليد الخاصه بأحدي الطبيبات كانت تجلس آيه برفقه سيف ينتظران دورهما ومن بعيد كانت هناك فتاه ذات ملامح جذابه تختلس النظرات لسيف وتتابعه بأهتمام منذ دخوله من باب العيادة ولفتت نظراتها انتباه آيه اما سيف فقد اعتاد علي مثل هذة الاشياء فلا يبالي اطلاقا ولكن بالنسبه ل آيه فهي لازالت تفكر بما حدث في الصباح ومثل هذة الاشياء لا تمررها مرور الكرام
نظرت آيه للفتاه بأهتمام وهتفت:في حاجه!
الفتاه بتوتر:ها لا ابدا
آيه بنبرة حازمه:بصي انا مش بغير عليه بس لو في عيلتك راجل بصيله تاني
وضع سيف يدة علي فكه لمحاوله إخفاء ابتسامته علي مافعلت ومال عليها هامسا: حرام عليكي حرجتي البنت
نظرت له آيه بعتاب:خايف علي مشاعرها
سيف:لا والله مش قصدي بس براحه
آيه:حاضر المرة الجايه هطبطب عليها
سيف:مفيش مرات جايه خلاص البطل بتاعي طير جبهتها
ابتسمت آيه واعلنت الممرضه دورهما ودلفا سويا لحجرة الكشف
الطبيبه:اهلا وسهلا …. حضرتك بتشتكي من ايه؟
آيه بسعادة:انا حامل
الطبيبه بأبتسامه:الف مبروك يا.؟
آيه:اسمي آيه …. آيه الحديدي
الطبيبه:اهلا يامدام آيه … حضرتك جوزها
سيف:ايوة
الطبيبه:اهلا بحضرتك ….. عرفتي اذاي بقي يامدام آيه انك حامل؟
آيه:البيريود اتأخرت اكتر من اسبوع وعملت اختبار وطلع ايجابي
الطبيبه:اتفضلي حضرتك نشوف علي السونار
بعد دقائق من فحص آيه جلسو مرة أخري علي المكتب ..
سيف: خير يادكتورة
الطبيبه:الف مبروك المدام حامل شهر ونص والحمل طبيعي جدا هكتبلها ادويه بسيطه تلتزم بيها وتعمل التحاليل دي ونشوفها كمان اسبوعين وتسمعو النبض انشاء الله المرة الجايه
آيه بفرحه:طب هو ولد ولا بنت يادكتورة
الدكتورة بأبتسامه:مش هنقدر نعرف غير في اول الرابع انشاء الله وأظن ان دي اول مرة ليكي صح؟
آيه:اه
الطبيبه:ربنا يكملك علي خير … طبعا مطلوب منك الراحه النفسيه والجسديه متطلعيش سلم بسرعه متلعبيش رياضه ممنوع الاكل الغير صحي بأي شكل وتحافظي علي الدوا بمواعيدة تمام
آيه:تمام
التفتت الطبيبه لسيف مكمله:طبعا هنعفي حضرتك من الواجبات الزوجيه لحد معاد الزيارة الجايه
سيف بضيق مكتوم:ااه اكيد
الطبيبه:عند حضرتك اي استفسار
سيف:هو ينفع يادكتورة المدام تسافر بالعربيه لمدة ٧ساعات متواصله ؟
الطبيبه:والله هو السفر للحوامل في بدايه الحمل مش محبب خالص الا اذا كان الامر ضروري والحمل تمام ومفيش منه خوف وبيكون بشروط
سيف:اي هي الشروط دي
الطبيبه:يعني مثلا تكون عربيه مريحه وتركب قدام وتمدد رجليها طول الطريق والعربيه تقف استراحه كل ساعتين و تشرب سوايل مسكرة علشان ضغطها ميوطاش وسرعه العربيه تكون متوسطه مش سريعه وتخلي بالها من نفسها ومن علاجها ويكون الطريق كويس مش مليان مطبات وحجات تخليها تترج في بعضها
سيف:شكرا لحضرتك
آيه:ميرسي جدا لحضرتك
دلفت آيه برفقه سيف للخارج واتجهو لمعمل قريب من الطبيبه واجرو التحاليل المطلوبه وعادو سويا للمنزل وطمأنو العائله وبعد فترة صعدو للأعلي وبدلو ملابسهم واتجههو لسريرهم بسعادة
سيف:انا بقول نغير الدكتورة دي ولا ايه رايك
آيه بضحكه أنثويه:كلامها معجبكش انا عارفه
سيف:اكيد مش متجوزة وبتحقد علي الستات الحوامل
آيه:نام واتلم بقي ياسيفو ها
سيف وهو يحتضنها:طيب امري لله
أستسلمو سويا للنوم وغط سيف في نوم عميق بينما لازالت آيه مستيقظه تتذكر ماحدث في الصباح ولا تستطيع طرد الفكرة من خيالها بيننا اعلن صوت هاتفها عن وصول رساله حاولت تجنبها وتركها للصباح ولكن فضولها دفعها للأمساك بهاتفها وفتح الرساله وكان مضمونها “بيخونك”
____________________________
⭐⭐كومنت ⭐⭐
حبايبي الحلوين ناااو بليز كومنت برأيكم محتاجه اعرف الدنيا تمام ولا فايتني حاجه 🙈🥰🥰🥰🥰قولولي مين اكتر كابل بتحبوهم🙈🥰🥰🥰
الفصل التالي: اضغط هنا
يتبع.. (رواية بنات المنشاوي الجزء الثاني) اضغط على اسم الرواية لتجد الفهرس كاملاً بجميع الفصول.