رواية بنات المنشاوي الجزء الثاني – الفصل الثاني عشر
بنات المنشاوي ج٢ الفصل الثاني عشر
بقلم خلود وائل 🌻
تلجمت الكلمات بفم فارس وتبادرت الي ذهنه لحظه وقوفه مع دعاء وتفوهه بتلك الحماقات التي اثارت جنونه وجعلت الدماء تغلي بأوردته لكنه تروي قليلا وهتف :چاي علي طول
اغلق الخط واخفض الهاتف من موضعه وبداخله يعزم علي فعل الكثير
عاصم:ريان كويس يافارس
سيف:في حاجه يافارس
فارس:لاة .. ريان زين اطمنو انا بس هستأذنكو ساعه وراچع علي طول
عاصم:رايح فين شكلك مش مطمني
سيف:لو في حاجه يافارس قول واحنا معاك
فارس:ريان زين والله اطمنو بس واحدة معرفه محجوزة بنفس المستشفي محتاچه نقل دم دلوك حالا وفصيلتها نفس فصيلتي وهروحلها بسرعه وبالمرة اطمن علي ريان
سيف:طب خدنا معاك نشوفه ونطمن عليه بالمرة
فارس: اتفضلو
انطلق ثلاثتهم نحو المستشفي وبلغو وجهتهم بعد فترة ودلفو للداخل فوجدو كريم في استقبالهم
كريم:اهلا بشمهندس عاصم خطوة عزيزة ياسيف بيه والله المستشفي كلها نورت
عاصم:منورة بوجودك ياكرم امال ريان فين
كريم:ثواني بس اوصل فارس بيه للچماعه ال مستنينه واچي معاكم عند الحضانه
سيف:روحو انتو علشان فارس ميتأخرش واحنا هنوصل لريان
فارس:ماشي … يلا ياكريم
اتجهه كل منهم لمبتغاه …
فارس: مالها مرت سعد
كريم:كلام في سرك بيقولو انتحرت
فارس: انتحرت ولا سعد عمل فيها حاچه وبيدارو عليه
كريم:اباي عليك يافارس دة انت خابر سعد زين وخابر انه طيب وبيخاف ربنا وبعدين دي مرته ومتچوزين اديلهم سبوع واحد بس هيعمل فيها حاچه ليه
فارس:مهو عشان انا عارفه زين بقول اكدة
كريم:طب قفل علي الكلام احنا وصلنا حداهم
تقدم فارس بخطوات ثابته نحو المقاعد التي يجلسون بها والحزن يخيم علي وجوههم جميعا بينما أسرع هارون لتحيته بأحترام
هارون:اهلا بفارس بيه نورتنا ياولد الغالي اتفضل
فارس:الف سلامه علي الست نعمه
هارون:الله يسلمك….. سعد قال انك هتتبرعلها بدمك ؟ صوح الحديت دة
فارس :ايوة صوح انا وهي نفس الفصيله وانا مأخرش نفسي ابدا ودي الاصول ولا ايه ياسعد؟
سعد بتوتر:ها… ايوة صوح طول عمرك ولد اصول يافارس بيه
هارون: اتفضل ارتاح يافارس بيه وچميلك دة مهنسهوشي العمر واصل وهيدنه دين في رقبتي
جلس فارس بأحدي الغرف ودلفت اليه احدي الممرضات وبدأت بسحب الدماء التي كانت نعمه بحاجه اليها وبعد فترة انتهت ودلفت للخارج بينما دلف سعد للغرفه وفارس يعدل من هيئته ويرتدي الچاكيت الخاص به
سعد:كنت عاوز اشكرك علي ال عملته معانا النهاردة
فارس بحزم:انا معملتش غير الصوح ال أمثالك ميعرفهوش
سعد :انا عارف اني غلط يافارس وكرم منك انك مغلطش معاي بأي شكل ولا حاسبتني علي ال عملته وعلي راسي انك باقي علي العشرة والعيش والملح ال مابينا بس كان غصب عني دى وزة شيطان والله ومهكررها تاني
فارس بلهجه محذرة:لا كررها تاني عاد وهخلي امك تولول عليك كيف مابتعمل دلوك علي مرتك
سعد :انا اس____
فارس بحدة:ولا كلمه تنطقها ولو فاكر اني سكتلك علشان العيش والملح تبقي غلطان اني ساكت بمزاچي وحسابك چايله معاد ولو راجل انطق اسم مرتي بالغلط علي لسانك
سعد :حاضر … طلباتك اوامر يافارس
فارس بحدة:فارس بيه ياسعد نسيت حالك ولا ايه
نظر له سعد بأنكسار وهتف:طلباتك اوامر يافارس بيه
فارس:وابقي خلي بالك علي المدام لساها عروسه بردك ولا ايه ياعريس
دلف فارس للخارج دون انتظار رد سعد واتجهه نحو الحضانه للأطمئنان علي ابنه ولحقه كريم
فارس:الدكتور بيقول ان ريان بقي زين وممكن ناخدة النهاردة معانا
سيف :دي هتبقي مفاجئه حلوة اوي للجماعه
عاصم:ايوة فعلا خليها مفاجئه ومتعرفهمش اننا راجعين بيه
كريم:يتربي في عزك ياغالي عقبال ماتخاويه يارب
جميعهم:يارب
انهي فارس الاجرائات الخاصه بالحضانة وحمل وليدة بين يديه ودلف لداخل السيارة وعاد سريعا للقصر ودلف به للداخل متجهها لمجلس الفتيات
عاصم:انتباه انتباه انتباااه
ورد:في ايه ياعاصم
عاصم:سلااام للنونو
آيه بفرحه:فين هو فين النونو
تنحي عاصم جانبا وظهر من خلفه فارس يحمل ريان بين يديه بينما انتفضت دعاء من مجلسها سريعا وهرولت نحوة وحملت صغيرها بين أحضانها وعيناها تقطر دموع الفرحه والجميع حولها يهنئها بسعادة ودفء ويتسابق علي حمله…..
مضي اليوم سريعا بأجواء مليئه بالسعادة والفرحه لوصول ريان وتوالت الايام التاليه وبدأت الاستعدادات لسبوعه الذي اقيم بعد يومين من وصوله حيث عمت الاجواء الخاصه بالسبوع في ارجاء القصر الذي تزين بالانوار الكثيفه والبلالين باللونين الازرق والابيض وامتلئت الطاوله الفارهه بالاطعمه المخصصه لمثل هذه الاحتفاليه بالاضافه للذبائح التي اقيمت نهاراا لوجهه الله
في الاعلي بغرفه سيف وآيه كانت تجلس بتوتر علي طرف السرير وتهز قدمها بسرعه مما أثارت غيظ سيف
سيف:ايه يابنتي بطلي الحركه دى بتضايقني
آيه:معلش ياسيف بس انا هموت من الاحراج مش عارفه فاتتني اذاي
سيف:هي ايه دي ال فاتتك ياروحي
آيه :هديه ريان انا اتلبخت في الموضوع اياه ونسيت خالص اجيب هديه لريان والنهاردة سبوعه ومش عارفه اتصرف اذاي
سيف ممازحا:اممممم دي فعلا مشكله كبيرة هنعمل ايه الوقتي
آيه:انت بتهزر
جلس سيف بجوارها وابتسم ابتسامته الساحرة التي تزين نهايتها غمازاته البارزة وحاوطها بذراعه يضمها اليه:انتي نسيتي لكن انا معرفش انسي تفاصيلك
آيه بفرحه:بجد … يعني انت جبت هديه ياسيف؟
سيف:ايوة ياروح سيف جبت أسورة حلوة لدعاء هديه ميلادة ريان ايه رايك
آيه والسعادة تلمع بعينيها:ربنا ميحرمني منك ابدا ياسيف ويديمك ليا
القت كلماتها واحتضنته بشدة وهي تدفن وجهها بصدرة العريض
سيف وهو يحتويها بحنان:ويديمك نعمه ليا وتفضلي العمر كله مجنناني بهرموناتك
آيه:تقصد ايه يعني بقي؟
سيف:اققصد يعني انك وحشاني وكلك نظر يعني وبعدين الاوضه دي ياما قضينا فيها ليالي حلوة ولا عايزة تبوظي الاجازة دي والأوضه تزعل مننا
آيه: سيف بقي الدكتورة قالت ايه الله
سيف:تصدقي وتأمني بالله
آيه:لا اله الا الله
سيف:اول حاجه هعملها لما انزل مصر هغير الدكتورة دى خالص واوديكي لدكتورة تفكلنا الحظر دة
آيه:مجنون انت مجنون والله متصبر خلاص معاد الدكتورة قرب مع اني سألت ورد واكددتلي ان الحظر دة هيتمد كمان اسبوعين لما نروح للدكتورة تاني
ابتعد عنها سيف وهم بفك ازرار قميصه مكملا حديثه:دة عند ام لطفي ال بتئيد وتطفي عرفاها
آيه:سيف بلاش هبل
سيف :انا الوقتي هوريكي الهبل علي اصوله قال تمد الحظر قال
آيه بخجل:سيف سييييف
سيف:ايوة بقي
آيه:سيف .. عيب كدة علفكررر___
قاطعها سيف وذهب بها لعالمهما الخاص …..🙈
بالاسفل اجتمعت العائله بأكملها من رجال ونساء وأطفال وأقيم احتفال صخم وقدم الجميع الهدايا لدعاء متمنيين لها الفرحه والرفاء هي ومولودها بينما كانت هي تجوب بعيناها عن ذاك الذي توج ملك علي كيانها بين الموجودين وتختلس النظرات علي مدخل الغرفه الفارهه التي يجلس بها جميع رجال العائله منفصلين عن النساء كعادات اهل الصعيد ودقائق تمضي وهاهو يدلف للداخل ويتجهه اليها بينما تصنعت هي التجاهل حتي جلس بجوارها وهو ممسك بعلبه قطيفه سوداء اللون وفتحها ثم قدمها اليه وهو يهمس لها:الف حمدالله على سلامتك ليا ياام ريان يتربي في عزنا انشاء الله يادعوة قلبي
تناولت دعاء العلبه ونظرت لما بداخلها بأعجاب شديد ⬇️⬇️
ثم نظرت اليه وبداخلها قلبها يتراقص علي انغام الفرحه لاهتمامه بها وتدليله الذائد لها ولكنها تصنعت البرود وهتفت:الله يسلمك تعيش وتربي ياابو ريان
فارس بحب:احلي ابو ريان اتقالتلي النهاردة ورب الكعبه
دعاء:ماشي
فارس :عاوزين ننول رضا الست دعاء وتبيتني الليله في جناحي چارها علي السرير
دعاء:لاه … لا ممكن ابدا احنا اتفقنا شهر
فارس:حرام عليكي يادعاء النوم مجافيني في بعدك بكفياكي عاد شكلي بقي عفش قدام اچواز اخواتك
دعاء:محدش قالك تشك فيا وتزعلني كيف ماعملت
فارس:غلطه عمري وندمان عليها
دعاء:لاه خليك لحد ماالمدة تنتهي وتبقي عرفت غلطك
فارس:بقي اكدة … طب مترچعيش تزعلي لما اتچوز واحدة تانيه وانام بحضنها بقيه الشهر بتاعك دة
دعاء بثقه:متقدرش تعملها عاد ياواد عمي
فارس: ليه بقي انشاء الله هخاف منيكي ولا ايه؟
دعاء : لاة هتخاف عليا وعلي زعلي ال كان غالي عندك
فارس:كان وهيبقي وهيكون لاخر يوم بعمري يامهجه قلبي
ثم امسك كف يديها الناعم وقبله بهيام امام جميع الحاضرين
دعاء بكثوف:فارس … عيب ميصحش اكدة
فارس:مليش صالح بحد عاد انتي مرتي
دعاء:سيب ايدي الله يخليك هموت من الاحراج عاد
افلت فارس يدها وهم بالوقوف والابتعاد عنها بخطوات حتي توقف بمنتصف الحضور وهتف عاليا :ياجماعه …. ياجماااعه
اتجهت نحوة جميع الانظار بأهتمام بينما أكمل حديثه بنبرة عاليه مسموعه للجميع
فارس:اني فارس حسان المنشاوي بعلن قدام الكل النهاردة اني غلط غلط واعر چوي في مرتي وحبيبتي ورفيقه عمري غلط بلحظه جنون وتسرع أهوچ مني وقدامكم كلكم بعتذر منيها وبقولها حقك علي راسي من فوق ياست ام ريان غلطه هعيش باقي عمري امحيها ….. ثم نظر لها بأعين عاشقه مكملا:سامحيني … وحيات حبنا
امتلئت عيناها بدموع الفرح ووضعت يدها علي فمها من هول المفاجئه بينما تعالت الثرثرات والهمسات
-سامحيه يادعاء يابنتي هو فيه رچاله اكدة
_وة فارس بيه بذاته يعمل اكدة هنيالك يادعاء
-يابختك يادعاء والله داانا راچلي بيزعلني بالشهر وانا ال اصالحه قومي فزي يابت صالحي چوزك
عاصم من الداخل:هتفضل واقف كدة ياروميو روح شيلها ولف بيها ولا اي حركه كدة
فارس :انت شايف اكدة ياصاحبي
عاصم:مش شايف غير كدة بس اوعي ورد تكون عندك لاحسن انا ضهري بعافيه
قهقه الجميع علي دعابه عاصم بينما اتجهه فارس نحو دعاء وسحبها لاحضانه وسط اعتراضها الشديد وحملها ودار بها مرارا وتكرارا حتي توقف بها وهي لازالت تحتضنه بينما تعالت تصفيقات الجميع بحراره وارتفعت اصوات الزغاريد
دعاء بوجنتي مصبوغتين بلون نبيذي :يالهوي … اودي وشي فين عاد
فارس:جوزك علي فكرة والناس عارفه
دعاء:اسكت انت دلوك خالص
فارس بضحكه رجوليه:بعشق شوفتك وخدودك كيف الطماطم يا قلبي
_________________________
انتهي اليوم بسعادة علي الجميع وفي صباح اليوم التالي حزم الجميع امتعتهم وقام الخدم بوضعها في السيارات الخاصه بهم وقام اهل البيت بتوديعهم علي بوابه القصر الداخليه
فارس: والله كانو يومين حلوين چوي ياريت لو تعيدوهم تاني
سيف:يتعادو تاني انشاء الله لما آيه تولد بالسلامه ونتجمع عندنا
عاصم:ربنا يقومها بالسلامه بس قبلها هنتجمع في فرح الانسه ليان ولا مش عاوزنا نيجي
سيف:دة كلام بردو ياعصوم هو انت محتاج عزومه
غمز له عاصم قائلا:طبعااا
اقترب فارس من عاصم وهمس له:بكفايك غمزات عاد هتخرب المفاچأه
عاصم:حاضر ياولد عمي
دعاء:اسمها واد عمي
عاصم:معلش يادعاء اصل الصعيديه بتاعتي بعافيه شويه
سيف:ورد مبتعلمكش صعيدي ليه ايه ياورد متحضرينا
عاصم:لا يسطا عيب عليك دي استاذة
ورد وهي تلكزة في كتفه:اتلم بقي
عاصم بهمس:هموت ونعمل سهرة صعيدي من بتوع زمان بالجالبيه البل___
ورد وهي تهمس بحدة :عااااصم
عاصم:طاااب ياجماعه نستأذن احنا بقي ونتقابل في الفندق انشاء الله
وضع سيف كفه علي وجهه بفقدان امل بينما هتفت دعاء:فندق ايه دة!
فارس:يقصد الفرح بتاع الانسه ليان يعني مش هيبقي بفندق بردك ولا ايه ياسيف
سيف وهو يكز علي اسنانه :ايوة طبعا
عاصم:احم … طب انا ماشي يلا سموعليكو
قهقه فارس وسيف وتبادلوا السلامات وانطلق كل منهم بسيارته عائدا لمنزله
___________________________
مساءا في فيلا الحديدي كانت تجلس آيه برفقه ليان وفرح في الحديقه
ليان:ايوة منتو روحتو هناك ونسيتو ان في فرح وسبتو البائسه تدوخ لوحدها عاااا
آيه:طب بذمتك يافروحتي عمرك شفتي بائسه حلوة كدة
فرح:بصراحه لا
ليان:يعني هبقي عروسه حلوة
فرح:هتبقي قمر دة انتي الحلاوة بذات نفسها يالينو بلاش التوتر ال بيبوظ كل حاجه دة خليكي فريش كدة
آيه:احنا فريش وفرافيش احنا فريش نحب نعيش
فرح:كل حاجه تعتبر جاهزة مبقاش غير الفستان ومعادة بكرة
ليان بوجه عابث:ايوة
آيه:ايه مالك ضربتي البوز المتين ليه دة منظر عروسه هتختار فستان فرحها بكرة
ليان:تختار … ومين قالك اني هختار دة امر واقع يابنتي لنا الله والله
آيه:انا مش فاهمه حاجه!
فرح:يابنتي طارق عاجبه فستان فرحك و اخد ليان وراحو الاتيليه ال انتي جبتي فستانك منه وطلب منهم فستان نفس التصميم وأخدو مقسات ليان ومعاد استلامه بكرة ولينو مزعله نفسها من ساعتها
آيه:طب ليه كدة فستان فرحي دة كان تقريبا من ٣سنين يعني موضه وبطلت واصلا كان اختيار سيف مش انا
ليان:هو طارق انتيم مين؟!!
آيه:لا متقوليش … 😂😂😂😂
ليان بصياح:انتي بتضحكي علي أيه؟!!
آيه بضحك أهلكها: سبحان الله طلع متملك ذيه 😂😂😂عشت وشفتك في نفس الموقف يااااه علي الاياام
فرح:😂😂😂 الحمد لله الذي عافنا مما ابتلي به آيه وليان
ليان:ايوة ياستي يابختك كان سامر حبيب قلبي سايبك تختاري ال انتي عوزاة وكنتي خرباها مش الاخ ال عاملي فستان بكم .. فستان بكم في عز الحر القادر المفتري
آيه:معليييييش اسمعي كلامه ياقلبي
ليان: والله لو مبطلتي ضحك انتي حرة
آيه:خلاص سكت اهوة 😂😂😂
ليان:آاااايه
توالت الايام وجميعهم منشغلون في تجهيزات الزفاف والعلاقات بين فارس و دعاء بلغت ذروة السعادة تمام مثل ورد وعاصم وجميع الامور تسير علي اكمل وجهه الي ان أتي اليوم المنتظر يوم حفل زفاف ليان الذي اقيم بأكبر فنادق القاهرة حيث اطلت بفستان ذو استايل ملكي ⬇️⬇️
برفقه والدها تمسك بيديه وباليد الاخري بوكيه الورد وتتقدم بخطوات خجوله ناحيه الاستيدچ حيث يقف عريسها الوسيم وسط انظار جميع المدعوين كانت تخطو بفرحه وسعادة بطلتها الناعمه التي تعكس شخصيتها وجمالها الطبيعي الخلاب وسط دندنات الموسيقي الفلكوريه الي ان توقفت امام طارق وناول والدها يديها له هاتفا:حطها جوة عنيك ياطارق
طارق بسعاد غامرة:دي جوة قلبي ياعمي اطمن ♥️🙈
أمسك طارق بكلتا يديها وقبل جبينها وسط الفاير شو الذي كان يحيط بالاستيدچ من جميع الاتجاهات وسط الموسيقي الرومانسيه التي تناسب الموقف 😍😍😍😍😍
بدأت مراسم الزفاف واخيرا وبعد طول انتظار احتضنها طارق وادمعت عيناه كمن فاز أخيرا بمبتغاه وهمس في أذنها
(ياحلم راهنت عليه بعمري وجه اليوم ال بقي ليا )
ادمعت ليان هي الاخري بسعادة بالغه وسط احضان طارق وبدأو سويا رقصتهم السلو الثانيه وانضم لهم سيف برفقه آيه وبعد قليل تبعهم سامر وفرح وعاصم وورد وفارس ودعاء وبعض اقارب العروسين ….
من مسافه ليست ببعيدة كانت هناك أعين تراقب بصمت وتشتعل غيظا تتابع ذاك الثنائي اللامع بحقد يلفت انظار الاعمي 😨وعلي مقربه كانت هناك اعين تراقب هي الأخري ثم وقعت بناظريها علي تلك التي تسترق النظرات بحرقه ثم اقترب منها بخطوات واثقه
حسين:تسمحيلي اشاركك القعدة الجميله دي
نظرت له دون اهتمام قائله: اتفضل
حسين:مش لاييقين علي بعض صح؟
هي:تقصد مين؟!
حسين:اققصد ال عينك منزلتش من عليهم من ساعه ماالفرح ابتدي
هي: عادي يعني ماكل الناس بتبص عليهم اشمعنا انا
حسين وهو يمط شفتيه:امممم ممكن بردو … بس تعرفي كان هيليق عليكي انتي اوي
هي بتعجب:هو مين دة ؟!
حسين بمكر:سيف الحديدي
هي بصدمه:ايه ال انت بتقوله دة
حسين: حسين الجبالي…. محامي يعني اعرف ال قدامي بيفكر في ايه من غير مايتكلم ومن الاخر انا وانتي هدفنا واحد لو حابه نساعد بعض اتفضلي دة الكارت بتاعي هستني منك مكالمه
هي:ايه الجنان دة هدف ايه وبتاع ايه انا مش فاهمه حاجه
حسين وهو يلقي بالكارت امامها ويهم بالوقوف بينما ينظر اليها بثقه:هستني منك مكالمه … سلام
__________
هااااي قلبوباتي 😍😍😍😍💓
ياتري مين ال حسين كان بيكلمها 🙈وايه هيحصل الحلقات الجايه 💔😅تابعوني 🤩 ومتنسوش الكومنت 😘😘😘فضلا وليس امرا
الفصل التالي: اضغط هنا
يتبع.. (رواية بنات المنشاوي الجزء الثاني) اضغط على اسم الرواية لتجد الفهرس كاملاً بجميع الفصول.