رواية بنات المنشاوي الجزء الثاني – الفصل الثالث عشر
بنات المنشاوي ج٢ الفصل الثالث عشر
بقلم خلود وائل 🌻
كانت تتمايل آيه بفستانها المميز ذو اللون النود بين أحضان سيف علي نغمات الموسيقي الهادئه في رقصه السلو وتسود بينهم لغه العيون الساحرة التي اخذتهم لعالم خاص بهم لا يسكنه سواهم
سيف بعشق وهو يميل علي أذنها:بحبك
آيه بأبتسامه :القلب قلبي انا لكن نبضه أنت
نظر لها بعيون تلمع بالسعادة :انتي نصيبي الحلو من الدنيا ياآيه
آيه:وانت الفرحه ال دعيت ربنا يرزقني بيها … بحبك ياسيف وهفضل احبك لحد ماقلبي يبطل ينبض بأسمك
ضمها سيف لصدرة بقوة واستكانت هي بداخله واستمرا في رقصتهما بتناغم
عند فارس ودعاء😍
دعاء:هفضل احبك بجنونك وعنادك وعصبيتك وغيرتك بقلبي ال مملكهوش حد غيرك
فارس:واني محبيتكش بعقل اني حبيتك بجنون الدنيا بحالها بحبك يادعوتي بحبك ياعمري ال چاي وأحلي أيامي
عند عاصم وورد💖
عاصم:اقسم بالله لو النحل يعرف طعم شفايفك كان ساب العسل وجه جري عليكي
ورد بأبتسامه:عاااصم بقي الله عيب كدة
عاصم :متيجي هنا وانا احبك
ورد:لا دي هبت منك خالص مالك يابيبي انت واخد بالك ان حوالينا ناس وكدة
عاصم بهيام:يولعو الناس انتي حياتي ونصي التاني وحته من روحي ومقدرش اعيش من غيرك ربنا يخليكي ليا
ورد وهي تضمه برقه:ويخليك ليا ويديم عليا نعمه شوفتك جمبي اول ماافتح عيني كل يوم الصبح
عاصم وهو يضمها بسعادة:آمييين
عند طارق وليان🤤🤩😍
طارق:عروسه قلبي وصاحبه عمري مش عارف اوصفلك فرحتي بيكي ربنا يتمملنا علي خير ويسعد ايامي ولياليا بيكي يارب
ليان بكثوف:مبروك عليا ياحبيبي
طارق:مش مصدق انك بقيتي مراتي ياليان الليله بيتحقق اكبر حلم ليا انا عاشقك وتايهه فيكي قلبي بيرقص علي اوتار فرحتي بيكي
ليان بكثوف:ربنا يخليك ليا
طارق:لا انا مش جايبلك كيس شيبسي دة فرحنا يالينو ركزي معايا كدة
ليان بخجل شديد:احم… ح حاضررر
طارق غامزا:دي هتبقي ليله ولا الف ليله
ليان :طااارق
طارق:عيون طارق وقلب طارق وروح طارق هو فيه حلاوة اسم طارق وهو طالع من شفايفك الكريز دول
احمرت وجنتي ليان بشدة ونظرت أرضا من شدة الخجل بينما ضيق طارق من احتضانه لخصرها وضمها نحوة بتملك وسط خجلها الشديد
_________________________
نورة:الولاد كبرو ياصالح واحنا كبرنا معاهم
صالح:ربنا يسعدهم يانورة أنا كدة الحمد لله اطمنت عليهم وبالي ارتاح
نورة: الله اكبر عليهم لايقين علي بعض كلهم ربنا يحميهم من العين
صالح: يارب
ام طارق:الولاد كبرو بسرعه يانورة
نورة:اه والله ياسعاد
ام طارق:عقبال مانشيل ولادهم
نورة:مستعجله علي ايه سبيهم يفرحو ببعض شويه قولي عقبال متفرحي بحسين
ام طارق:نفسي اجوزه واطمن عليه اووي بس اعمل ايه مجنني انا وبباه
صالح:بمرة ربنا يهديه وهتلاقيه غيران انه قعد في البيت لوحدة مش بعيد تلاقيه راجع البيت النهاردة مختار عروسه
ابو طارق:ياريت والله ياصالح مشاء الله البنات هنا حلوين اوي ومن عائلات محترمه بس هو يشاور
نورة:كل شئ بأوانه
انتهت الرقصه وصفق الجميع لهم بحفاوة وعاد كل منهم لمجلسه والبعض اتجهه نحو الكوشه لالتقاط الصور التذكاريه مع العروسان اما سيف فأتجه نحو طاوله بعض كبار رجال الاعمال وجلس برفقتهم وآيه كانت تتنقل بين المدعوين ترحب بهم وتسمع الاطرآآت علي طلتها وجمالها الاخاذ وبينما هي تمضي استوقفها حسين
آيه بحدة:افندم حضرتك عاوز حاجه
حسين:عاوزك تسمعيني بس
آيه:امثالك مينفعش اتكلم معاهم ولا اسمعلهم ومن فضلك ابعد عن طريقي والا هبعدك بمعرفتي
حسين:اوعدك هقول الكلمتين ال عندي وهبعد عن طريقك خالص بس اديني فرصه
آيه بتأفأف:اتفضل قول ال عندك!
حسين:انا عارف اني غلط في البدايه وكلمتك بأسلوب مش ولابد واعترف اني كنت مستهتر وطايش وغلط في حقك اكتر من مرة بس والله انا اتغيرت وعقلت خلاص وانتي مرات سيف ودة بعتبرة اخويا وحبيبي وبعتذر عن ال حصل مني
آيه بأستهزاء:اااه دة بأمارة ال عملته يوم كتب الكتاب؟
حسين:انا اصلا كنت ناوي اعتذرلك ساعتها بس قلت اجيبها بهزار بس انتي هزقتيني ومدتنيش فرصه اكمل كلامي
آيه:واديك كملت بعد اذنك
حسين:استني بس
آيه:اخلص
حسين:والله انا اتغيرت وحابب نفتح صفحه جديدة وتنسي كل ال فات احنا خلاص بقينا اهل و اوعدك مش هتشوفي مني غير كل خير دة حتي انا نويت اخطب خلاص
آيه:اممم ماشي يهدي من يشاء بردو ربنا يسعدك
حسين:بجد فرحتيني ياآيه انك قبلتي اعتذاري
آيه:بعد اذنك
حسين:طب مش هتمدي ايدك تسلمي دة خيرهم من يبداء بالسلام بردو
نظرت آيه ببرود ليدة الممدودة ثم نظرت اليه وهتفت:معلش مبسلمش علي رجاله
القت كلماتها ورحلت دون اهتمام لردة بينما سحب هو يده وهتف:معلش بكرة نشبع سلامات التقل صنعه بردك
ساعات مضتت بسعادة غامرة وانتهي حفل الزفاف واتجهت ليان للجناح المخصص لها برفقه طارق وسيف وآيه وبالخارج انتظر فارس ودعاء وورد وعاصم وسط حيرة دعاء وورد وعدم علمهم سبب تواجدهم هنا وعدم عودتهم لمنازلهم
بداخل الجناح احتضنت آيه ليان وادمعت عيناها بفرحه بعدما تركت أطراف الفستان من بين يديها واتجهت نحوها
آيه:الف مبروك ياقلبي
ليان :الله يبارك فيكي يا يويو
آيه:مش مصدقه انك اخيرا اتجوزتي وسبتيني
ليان:اديكي ارتاحتي مني
آيه وهي تمسح دموعها:البيت هيفضي عليا ياصاحبه عمري
ليان بدموع تلمع بعينيها:بس بقي هعيط والميكب هيبوظ وهبقي نيله خالص
آيه بأبتسامه وسط دموعها:انتي قمر في كل حالاتك يالينو ربنا يسعدك ياروحي
ليان وهي تحتضنها للمرة الثانيه:ويخليكي ليا ياقلبي
علي الجانب الأخر بعيدا عنهم بقليل
سيف:الف مبروك يا نجم
طارق:الله يبارك فيك ياابو الصحاب
سيف:شغل عقل النهاردة ها البنات بيبقو خايفين ومقلقين خلي بالك منها مش محتاج اوصيك عليها حطها في عنيك ياتيتو
طارق:جوة قلبي ياسيف والله متقلقش عليها
سيف وهو يربت علي ظهرة:ربنا يسعدكو ياحبيبي… مش يلا ياحبيبتي العرسان عايزين ينامو بدري
آيه:حاضر جايه اهوة …. مش عايزة اي حاجه قبل ماامشي
ليان: سلامتك يا يويو
آيه:تصبحو علي خير
كلاهما:وانت من اهل الخير
دلف سيف برفقه آيه للخارج واغلقو الباب خلفهم بينما تفاجئت آيه بوجود دعاء وورد وفارس وعاصم
آيه بتعجب:انتو لسه هنا!! مروحتوش ليه ياحبايبي؟
ورد:مش عارفه الاخين دول مزنبينا هنا وخدو مننا العيال ذي ميكونو خاطفينا !
دعاء:انت العاقل ياسيف وهتچولنا في ايه انا قلقانه علي ريان
آيه:في ايه يافارس ؟ قول انت ياسيف
عاصم:خلاص خلصتو هيكون في ايه يعني هنخطفكو ولا هنثبتكو بمطوة اهدو بقي
فارس:صداااع ياربي من التحقيق دة متتحددت ياسيف مش دي كانت فكرتك
سيف:بتبعني يعني طب يلا كل واحد ياخد مراته وعلي جناحه ومشفش وشكو تاني غير الصبح
فارس:انا بقول اكدة يلا يامهجتي
دعاء:علي فين
فارس:دلوق تعرفي
عاصم:بينا يابنت قلبي يلا
ورد:بينا علي فين ومنال وديتها فين
عاصم:وديتها لامي هتيجي ولا اغير رأيي
ورد بتعجب:هاجي اما نشوف اخرتها
رحل كلاهما وتبقي سيف وآيه التي تنظر له بحيرة
آيه:هو في ايه انا مش فاهمه حاجه؟
حملها سيف بين ذراعيه واتجهه نحو جناحه الذي قام بحجزة مسبقا دون علمها وسط احتججاتها التي تطالب بأنزالها حتي فتح باب الغرفه ودلف للداخل واغلقه خلفه وهو لازال يحملها
آيه:نزلنااااي نزلني بقي
أنزلها سيف برقه وهي تهندم من فستانها وتنظر اليه هاتفه:ممكن تفهمني احنا هنا ليه؟
اقترب منها سيف :الجناح دة محجوز علشانا النهاردة هنقضي فيه ليله من احلي ليالي العمر بس عاوزك تلبسيلي دة
آيه:هو ايه ؟!!
اشار سيف لفستان موضوع خلفها علي الأريكة بينما التفتت هي لتنظر وعينيها تتسع بشدة من المفاجئه والفرحه ⬇️⬇️⬇️
شهقت آيه بسعادة :دة… البس دة ثم التفتت لتنظر اليه قائله:سيف دة فستان فر___
قاطعت كلماتها رؤيه سيف جاثيا ارضا علي قدميه وممسكا بعلبه قطيفه مخمليه بداخلها خاتم ماسيا يشبه قليلا الذي ترتديه والذي قدمه لها بيوم زفافهم
آيه بفرحه تهز اوصالها:سيييف
سيف بعشق:تقبلي تكوني عشقي اللامنتهي وجنتي وراحتي من تعب الدنيا كلها
آيه:سيف انا مراتك ياحبيبي وقابله اكون كدة من زمان
سيف:كوني ليا عمر جميل مينتهيش ❤️
فاضت عينيها بدموع كحبات اللؤلؤ وانحنت لمستواة وامسكت بكفي يديه وقبلتهما وهي تهتف بعشق خالص:انا ليك وبيك ومعاك لاخر لحظه في عمري انا بحبك بحبك اوووي ياسيف انت راحه قلبي وسعادتي انت حبيبي واغلي من عمري
احتضنها سيف بقوة أحدي يديه تمسك برأسها تدفنها بين اضلعه والاخري تحاوطها بجنون بينما يوزع القبلات علي خديها وجبينها …..😍😍😍😍😍😍
______________________
دلفت دعاء للجناح المخصص لها برفقه فارس وهو يغطي عيناها بيديه
دعاء:ها افتح بچي
فارس:ثانيه واحدة
دعاء:هاااا
اغلق فارس الباب خلفه بقدمه وازاح يديه ببطئ عن عينيها بينما فتحتها ببطئ ونظرت حولها بملامح تملؤها الدهشه الممزوجه بالسعادة مما رأت فقد كانت الغرفه ملييئه بالشموع والبلالين الحمراء ويتوسط الغرفه بوستر كبير محاط ببالونات هيليوم حمراء يحتوي علي صورة دعاء بأحضان فارس بيوم زفافهم …اتجهت دعاء نحو البوستر وهي تنظر له بأعين تلمع بالسعادة ومن خلفها يتبعها فارس حتي التفتت له
دعاء:فارس …
فارس وهو يقبل يديها: حيات فارس وراحه قلبه
دعاء: كل دة علشاني؟!
فارس:ولو اطول أچيبلك نجمه من السما هچيبها لحدك ياحبيبتي
دعاء:بحبك ياأهلي وناسي
احتضنها سيف بتناغم :عمري مادقت حنان في حياتي ذي حناننك ولا حسيت بالحب الا عشانك عشان حبيتك يامالكه كياني
دعاء:انت حبيبي واغلي ماليا انت حته من قلبي يافارس
انهال عليها فارس بقبلات ناعمه تشعرها بما في اعماقه من مشاعر دافئه يكنها لها 😍
_________________________
دلف عاصم للجناح المخصص لهما وهو ممسك بيد ورد التي شهقت بنعومه لدي رؤيتها الشموع التي تملاء الارض علي مدي خطواتهم علي كلا الجانبين حتي تنتهي بطاوله معدة بعشاء رومانسي يتوسطه الشموع الحمراء المضاءة وبضعه بلالين تملاء السقف اعلاهم وعلي الجانب الاخر سرير مزيين بالورود المنثورة بعشوائيه بشكل رومانسي يخطف القلوب والانظار
ورد:ايه دة؟
عاصم وهو يقبل جبينها:دة يبقي مكافئه صغنونه علشان القمر بتاعي دايخ بقاله فترة مع النونو ولازم يتدلع ويرتاح النهاردة
ابتسمت ورد بسعادة:ربنا يخليك ليا ياعصومي كل دة علشاني
عاصم:علشان بنت قلبي ❤️ الست ورد ست الحسن والدلال ربنا يقدرني واكون سبب لراحتك وفرحه قلبك
ورد وهي تحتضنه بسعادة:انت فرحتي وراحتي من يوم ماعرفتك ياعاصم كل دقيقه بتعدي وانت جمبي بكون مبسوطه ومتطمنه بيك انا بعشقك ياعاصم ومحبتش في حياتي كلها قدك
نظر لها بهيام وحملها بين ذراعيه وتقدم نحو الطاوله وانزلها برفق علي مقعدها ثم سحب كرسييه نحوها وجلس بجوارها واخرج من جيب حلته علبه قطيفه فتحها واخرج منها سلسله ناعمه من الفضه يتوسطها فص كبير من الالماس ⬇️⬇️⬇️
ورد بأعجاب:دي علشاني انا
عاصم:ولو اققدر اجبلك احسن منها مكنتش اتأخرت ياوردتي
ورد:كفايه انك بتفكر تفرحني اذاي انت مش متخيل انا حاسه بأيه الوقتي الليله دي هفضل فكراهه طول عمري ربنا ميحرمني منك ابدا انا مش عارفه عملت ايه حلو في حياتي علشان ربنا يرزقني بيك
ابتسم عاصم بوسامته المعتادة بينما ابتسمت هي الاخري بسعادة غامرة والتفتت للجانب الاخر وهي تمسك بخصلات شعرها جانبا بينما امسك هو بالقلادة ووضعها حول عنقها والبسها اياها وطبع قبله حانيه بجوارها ….🙈
_______________________
كانت تقف ليان بخجل تفرك بيديها وتنظر بعينيها البندقيتين أرضا بينما اتجه نحوها طارق بهدوء وامسك بكف يديها برقه بالغه وقبلهما وهو يطالعها بنظرات هائمه
طارق:أحلي واحدة في البنات بقت مراتي انا فرحتي متتوصفش بيكي يالينو
ليان بخجل:احم… ربنا يقدرني واكون سبب لسعادتك
طارق:انتي سعادتي نفسها وحب حبيته سنين طويله ودعيت بيه في كل صلاة وربنا استجاب دعائي وجمعني بيكي انا بجد مش مصدق ياليان انا حاسس اني بحلم
ليان:لا مش بتحلم دى حقيقه انا خلاص بقيت مراتك وحبيبتك ليك انت وبس
طارق بمكر:قولي كدة تاني اخر كلمتين
ليان بتوتر:احم .. هو الحمام منين!
حاوطها بذراعيه وحملها بخفه هاتفا:تعالي بس نكمل كلامنا اول
ليان بتمنع:نزلني الله يخليك استني بس ياطارق
طارق:مبقاش ينفع استني اكتر من كدة
وضعها طارق بهدوء علي السرير وجلس بقربها ومد يده وازاح التاج عن رأسها بمهارة وتبعته الطرحه التول وبداء بتوزيع القبلات الناعمه علي ملامح وجهها الفاتنه بينما سكتت شهرزاد عن الكلام المبااااح 🙈🤭
_____________________________
في اليوم التالي صباحا في مكتب حسين الجبالي للمحاماه كان يجلس بغرور علي مكتبه واضعا قدما فوق الاخري طارحا جسدة للخلف علي كرسيه الجلدي الفخم يتفحص بعض الاوراق الخاصه بأحدي القضايه المشبوهه التي يتولاها …. دقائق مضت علي حاله حتي ارتفع صوت رنين هاتفهه برقم مجهول ولكنه سرعان ماحمله والقي الاوراق من يديه علي المكتب ونظر للهاتف وتعلو وجهه ابتسامه انتصار
حسين:الوو
المتصل:……..
حسين:اهلا وسهلا اشرقت الانوار صباح الفل اول
المتصل:…………..
حسين:كنت متأكد انك هتتصلي
المتصل:……..
حسين:مشكلتي اني شاطر في الحسابات اوي وال بعمل حسابه بلاقيه وسبق وقلتلك ان هدفنا واحد ومصلحتنا مع بعض
المتصل:………
حسين:الكلام مينفعش علي التليفون خلينا نتقابل في كافيه***** كمان ساعتين ايه رأيك
المتصل:………
حسين:انا متأكد اننا مش هنختلف وقريب اوي كل واحد هياخد ال هو عايزة
المتصل:…..
حسين:تمام علي معادنا مع السلامه
اغلق الهاتف والقاه امامه ومال بجذعه للخلف متكأ علي كرسييه ووضع كلتا يديه اسفل رأسه وهو يهتف:دي احلوت علي الاخر … قريب اوي ياآيه هتبقي في حضني وبمزاجك وانت ياسيف الكلب هخليك تموت بحسرتك وانت بتتفرج عليها وهي جيالي برجليها
ارتفعت اصوات قهقهته عاليا وهو يتوعد بما سيفعله في الايام القادمة…
__________________
فتحت آيه عيناها بنعاس فوجدته جالسا بجوارها يتأملها وهي نائمه ويمسد علي خصلات شعرها بحنو فأبتسمت تلقائيا لافاقتها علي تلك الملامح الرجوليه الساحرة
آيه:صباح الجمال
سيف:صباح التفاح علي ال منيم قلبي مرتاح
اعتدلت آيه قليلا في جلستها بنعاس هاتفهه:وحبيبي المرتاح صاحي من بدري وعمال يتفرج عليا وانا نايمه ليه
سيف وهو يقرصها بخفه من وجنتيها:احنا بقينا الضهر ياروحي وبعدين ملامحك دي انا مبشبعش منها ابدا عنيا بتحب تشوفك اعمل ايه انا بقي؟
آيه:اممممم طب اثبت علي مبدأك دة لبعد مااولد علشان لو اتغيرت ونسيتني وبقي كل حياتك البيبي هزعل وهجيب ناس تزعل معايا
سيف بضحكه رجوليه:لا لا طبعا هو انا اققدر
آيه:ايوة كدة
سيف: النهاردة اول يوم ليكي في الشهر الثالث ومعادك عند الدكتورة بعد بكرة
آيه:ايوة … الدكتورة قالتلي انها ممكن تعرف نوع الجنين اخر الشهر دة
سيف :ياروحي كل ال يجيبه ربنا نعمه اهم حاجه انتي تقومي بالسلامه
آيه براحه:ربنا يباركلي فيك ياسيف انا بعشقك
سيف:نسيتيني بكلامك الحلو دة انا كنت هقول ايه وصاحي من بدري عشان الحركه دى
آيه بأستغراب:حركه ايه
سيف:نامي كدة تاني
آيه:منا نايمه اهوة
سيف:لا افردي ضهرك واعملي نعسانه
آيه:😂😂😂😂 اهوة
مال عليها سيف بجذعه هاتفا:صباحيه مباركه ياعروسه
انفجرت آيه بالضحك بينما اغتاظ سيف منها وهتف:انتي رخمه اوي
آيه بتروي:معلش ياسيفو حقك عليا بقي … احم الله يبارك فيك يا قلبوبي
سيف:بس الفستان كان عليكي حكايه
آيه:عجبك؟
سيف غامزا:انتي ال عجبتيني
آيه:احم سيف متتهورش الدكتورة لو عرفت ال انت عملته امبارح هتقتلني
سيف وهو يقترب منها بشدة:خليها تفكر تزعلك الحقودة دي وانا هتصرف معاها
آيه:مجنوون
سيف: قلبه
____🙈🙈_____
هاااي🧜🏻♀️😍😍اذيكو عاملين ايه 🤩🤩♥️ كنت حابه اخد رايكو في كام نقطه وياريت تجاوبوني علشان اكمل انشاء الله 🥰🙈
اول حاجه اسلوبي في الكتابه كدة تمام ولا في اي تعديل محتاجه اعمله 😍😍
تاني حاجه ايه الحجات ال مش عجباكو في الروايه 🥀💖او العكس ايه ال تحبو انه يحصل الاجزاء الجايه
اخر حاجه🧡🎉ايه عيوبي ككاتبه غير اني اوقات بتأخر في التنزيل 😂😂😂
فضلا وليس امرا تجاوبوني وتعملو كومنت ⭐⭐ ياقمراات دمتم حلوين ومبسوطين
الفصل التالي: اضغط هنا
يتبع.. (رواية بنات المنشاوي الجزء الثاني) اضغط على اسم الرواية لتجد الفهرس كاملاً بجميع الفصول.