رواية بنات المنشاوي الجزء الثاني – الفصل التاسع عشر
بنات المنشاوي ج٢ الفصل التاسع عشر
بقلم خلود وائل 🌻
نعمه:بحبك يا سعد
انهت كلماتها بسقوطها من علي حافه السور بينما امسك بها سعد بنفس اللحظه بسرعه البرق وهو يصرخ:نعماااااه
نعمه بخوف وبكاء:هملني ريحني بچي
سعد وهو يسحبها بقوة:امسكي في يدي
نعمه بصراخ:هملني چلتلك
سعد :ممهملكيش العمر كله
في غضون دقيقه واحدة امسك بها بقوة وسحبها دفعه واحدة وسقطا سويا في ارضيه التراس بجوار السور وهو يمسكها بأحضانه
نعمه ببكاء:انا بكرهك ياسعد بكرهك
سعد بحيرة :انتي غاويه تچننيني عاد ولا ايه كنتي من هبابه عتموتي حالك عشان بتحبيني ودلوك عتكرهيني
نعمه وهي تقف مبتعدة عنه ببكاء هستيري:انا بكرهه حالي وقلبي ال كسرني بحبه ليك
سعد وهو ينظر لها بتمعن :وأيه ال مخليكي تحبيني لحد دلوك بعد كل ال عملته معاكي؟
نعمه : ومين قالك اني لساتني عحبك …ثم اكملت بدموع حارة :من دلوك ورايح عدوس علي چلبي ال چابلي الكافيه وانسي سبب اوچاعه ولو ليا عنديك خاطر طلچني وريحني
فرت باكيه للداخل كعادتها تحتضن وسادتها بألم تشكو لها همها واحلامها التي تهشمت
_______________________
مضي الليل علي الجميع بما يحمله من ألم وأنكسار لقلوب سكنها العشق وعزف علي اوتارها حتي اصبح البعد والاشتياق من صفاتها المنسيه الي ان اتت ليالي عچاف مظلمه لا تداوي افئدة منكسرة لتشرق شمس اليوم التالي حامله معها الكثير في اشعتها التي تتسلل لغرفه آيه تداعب عيناها لتفتحهما بضيق كما تفعل في اغلب ايامها وتتململ في سريرها بضجر حتي تفيق وتعتدل في جلستها وتهبط لخارج السرير متجهه نحو المرحاض وتدلف للخارج بعد دقائق وتؤدي فرضها ثم تمسك بهاتفها الذي امتلي بمكالمات فائته من سيف ورسائل كثيرة من ضمنها واحدة من رقم غريب لتزفر بضيق وتضع الهاتف جانبا وتنادي احدي الخادمات وتأمرها بأحضار الافطار لغرفتها وبينما كانت تنتظر عودة الخادمه بالفطور دفعها الفضول الشديد للأمساك بالهاتف وفتح الرساله التي كان محتواها
“سفريه شغل و فرفشه اتنين في واحد ذي النسكافيه تعيشي وتاخدي غيرها ياعبيطه هانم”
جحظت عيناها بشدة وهمت بألقاء الهاتف ولكنها تراجعت وقامت بالرد بتسجيل صوتي بنبرة حازمه هاتفه:ايا كان هدفك ياحقير مش هتوصله انا بحب جوزي وواثقه فيه ومتأكدة انه مبيحبش غيري ولا عمرة هيخوني فوفر علي نفسك شغلك الرخيص دة علشان مش هصدقه وشيلني من دماغك احسنلك والا قسما برب العزة لهخليك تنام تحلم بأسمي فاهم
انهت تسجيل الريكورد وبعد اقل من الدقيقه علت نغمه الرسائل الخاصه بهاتفها معلنه وصول رساله جديدة مضمونها”😂😂😂😂معذورة بردو منتي بعيد ومصدقه الوهم عموما لما يرجع بالسلامه هثبتلك خيانته وهتشوفيها بعينك ”
ثارت آيه غضبا وامسكت بهاتفها تمحو الرسائل والصور السابقه وتضع الرقم بخاصيه البلاك ليست بينما دلفت الخادمه حامله صينيه الطعام تتقدم نحوها وهي بقمه غضبها
الخادمه:الفطار جاهز ياهانم
التفتت آيه بغضب شديد وأعين حمراء تفيض دموعا وتنظر للطعام بغضب ثم تلقي بالصينيه ارضا صافعه اياها من الأسفل ليسقط ارضا وتتهشم الأطباق وهي تصيح:غوررري من وشيييييي
الخادمه بتوتر:ححح حاضر ياهانم
هرولت الخادمه للخارج سريعا بينما جلست آيه أرضا متكورة علي نفسها في وضعيه الجنين تبكي بحرقه وفي تلك الأثناء دلفت فرح للغرفه بهدوء واتجهت نحوها لتجدها تجلس أرضا وتأن حزنا بشهقات مكتومه لتجثو علي ركبتيها وتربت علي كتفي آيه بحنو هاتفه:آيه …. حبيبتي انتي كويسه
رفعت آيه وجهها الذي يفيض دموعا وهي تنظر لفرح وتهز برأسها نفيا
فرح:طب اهدي كل مشكله وليها حل قومي من الأرض تعالي معايا
انصاعت آيه بهدوء لمطلب فرح وجلستا سويا علي الأريكه
فرح:مالك يا حبيبتي في حاجه بتوجعك؟
آيه:قلبي قلبي ال واجعني انا تعبت اوي يافرح واعصابي تعبت مبقتش قادرة استحمل اكتر من كدة انا بموت بالبطئ
فرح وهي تمسح دموعها وتمسد علي خصلات شعرها:الف بعد الشر عليكي يا حبيبتي انتي كويسه وذي الفل بقي كل دة علشان سيف مسافر وبعيد عنك
ابتسمت آيه بألم وسط دموعها علي عفويه فرح:اااه
فرح:طب هدي نفسك بس واحكيلي ايه تاني مزعلك وخلاكي ترمي صينيه الفطار كدة؟ … سيف مزعلك
آيه:لا انا … انا… انا بس
فرح بتفهم :ربنا يهدي سركو ياحبيبه قلبي قومي اغسلي وشك وتعالي ننزل تحت الجو النهاردة جميل وهاخدك معايا مشوار هيغير مودك للأحسن
آيه:معلش يافرح سبيني لوحدي انا تعبانه ومش قادرة اعمل اي حاجه
فرح:مستحيل طبعا اسيبك للتعب والزعل قومي يلا ومش هقبل اي اعذار يلا بينا
آيه بوهن:حاضر
______________________
كانت تجلس بغرفتها شاردة الذهن تفكر بتصرفها الخاطئ وتسرعها الغير مبرر وتلوم نفسها بشدة عما فعلت وماآلت اليه الأمور بعد فعلتها لتنوي اصلاح ماافسدته ولكنها لا تعلم من اين تبداء ولكنها عزمت علي انهاء الحزن الذي تسببت به فأمسكت بهاتفها وضغطت بعض الازرار وانتظرت الرد الذي اتاها بعد فترة
زياد بفرحه:الووو اذيك ياهناء انا كنت متأكد اني مش ههون عليكي تسبيني كل المدة دى
هناء :لا هنت عادي وانا مش مكلماك اعاتبك انا عوزاك تساعدني اصلح ال انت بوظته
زياد :كلامك دة من ورا قلبك وانا عارف اني اتسرعت لما حكيتلك حاجه ذي دي كنت مفكرك عقلك كبير وهتفهميني طلعتي عيله عبيطه وزمانك خربتي بيت اخوكي ومراته
هناء:احترم نفسك وحاسب علي كلامك احسنلك
زياد: والله … طب طلباني ليه ياابله
هناء:قلتلك لازم تصلح غلطتك
زياد:منتي رميتي دبلتي هصلح غلطتي اذاي اجي لأخوكي يضربني بوكسين كمان واققوله سي عاصم سي عاصييييم جوزني نؤة اختك والنبي
ابتسمت هناء علي طريقه حديثه الساخرة رغما عنها :دة بعينك انا خلاص صرفت نظر عن موضوع جوازنا دة بس انت الوحيد ال تقدر تساعدني اني احل المشكله ال احنا فيها لأنك كنت اصلا سببها
زياد:صرفتي نظر ولا قبضتيه حتي انا هتجوزك والجذمه فوق رقبتك ومش باخد رأيك انا بس بعرفك وبالنسبه للمشكله ال انتو فيها فحضرتك ال عملتيها وانا متأكد انك عكيتي الدنيا منتي متسرعه وحمارة
هناء بغيظ:انا حمارة ياابو لسان طويل
زياد :لمي نفسك ياحب علشان عيب تغلطي في جوزك قرة عينك
هناء:دة بعدك نجوم السما اققربلك
زياد:وانا اعمل ايه بنجوم السما وانا معايا القمر بتاعهم
هناء بأبتسامه:لم نفسك يازياد
زياد: بحب اسمي اكتر واكتر كل مرة بسمعه منك
هناء:انت يبا افهم بقي قلتلك مش هتجوزك
زياد:رأيك يحترم وكل حاجه بس لايعمل به المهم ورد وعاصم عاملين مع بعض ايه الوقتي؟
هناء بحزن:ورد سابت البيت من ساعه ال حصل وعاصم مبيكلمش حد فينا من شغله لشقته ومن شقته لشغله وانا قلقانه عليه
زياد:منهم لله ال كانو السبب
هناء:ماخلاص بقي يبا هلاقيها منك ولا من مامتي
زياد:والله دي ست سكرة وانا بحبها
هناء: امممم طب ابقي اكلمك في وقت تاني شكلك رايق وعاوز ترغي وانا مش فيقالك
زياد:طولي بالك علينا يانابغه عصرك وأوانك احتا لازم نتصرف ونرجع ورد البيت والموضوع دة مش هيحصل غير لما اخوكي بنفسه يروحلها بعد مايتأكد انه ظلمها وانك فهمتي غلط
هناء:ودة نعمله اذاي
زياد:هتاخدي حبايه شجاعه وتبلعي بميه كتير عشان متتحشرش في زورك تجيب اجلك وتدخلي علي هركليز اخوكي وتتكلمي معاه وتفهميه انه غلط في حق ورد واتسرع ذيك بالظبط واني انا الواد الجامد الهايل ال محصلتش علشان يوافق يجوزك ليا فهمتي
هناء:ينهار ابيض … انا اتكلم مع عاصم لا طبعا مستحيل
زياد:خلاص خليه معاند لحد مايطلقها والبت منال تتشرد وانا اتحنط واتحط في متحف عما ابقي اتجوزك
هناء:متتكلم انت معاه الله
زياد:هعمل كدة بس مش الوقتي
هناء:انا مستحيل اكلم عاصم في الموضوع دة العنر مش بعزقه ….
بالأعلي بشقته كان يجلس وحيدا ينهي بعض الرسومات الخاصه بعمله لكن استوقفه صوت طرقات الباب ⚡⚡⚡فأتجهه نحوه وقام بفتحه ليجد هناء تبتسم ببلاهه
عاصم:افندم
هناء:طب ايه مش هدخل !
عاصم:ادخلي
دلفت هناء لداخل الشقه وجلست برفقه عاصم وهي تنظر للرسومات الخاصه بعاصم ثم نظرت له قائله:تسلم ايدك ياصوما انت ال رسمت الحجات دي؟
عاصم:امي ال رسمتها عارفه امي
هناء:في ايه ياعاصم انت مش طايقني ليه كدة
عاصم:انا مش طايق نفسي اصلا فأنجزي وقولي ال عندك
هناء بتوتر:روح هات ورد ياعاصم انت غلط فيها
عاصم:غلط مغلطش ملكيش فيه وطلعي نفسك من وسطنا علشان مترجعيش تزعلي
هناء:ياعاصم انا اصلا ال غلط وعملت المشكله دي كلها زياد كان قصدة___
عاصم مقاطعا:هناااء الواد دة متجبيش ثيرته تاني سامعه
هناء:طب اسمعني اول علشان خاطري
زفر عاصم بضيق ونظر في الفراغ لتكمل هناء حديثها:اي شاب في الدنيا لما يشوف واخدة حلوة هيعجب بيها خصوصا لو في جمال ورد وأدبها انت بنفسك اول مرة شفتها مبطلتش تفكير فيها صح
عاصم:____
هناء مكمله بأصرار: ولما كلمها بخصوص انه معجب بيها هي صدته وفهمته انها متجوزة وهو اعتذر واعتبرها اخت ليه وحافظ عليها وعاملها احين معامله لحد مارجعت لينا صح؟
عاصم:___
هناء:انا غبيه ياعاصم ومتسرعه ومفهمتش قصد زياد ومقدرتش صراحته معايا ومشيت ورا شيطاني وخربت الدنيا بينك وبين مراتك ولازم اصلح غلطتي حتي لو كانت علي حساب راحتي وسعادتي
عاصم:____
هناء بحزن:ياعاصم والله زياد محترم وقصدة خير اختك هي ال عبيطه ومتسرعه فهمت صراحته غلط ومن خيبتي جيت اعاتب مرات اخويا ال عمري مشفت منها غير كل خير وال المفروض اني احط جميلتها علي دماغي لأنها الوحيدة ال وقفت معايا علشان توافق اني اتخطب لزياد… ياعاصم انت اكتر واحد عارف اخلاق ورد كويس وعارف انها بتحبك وبتحترمك في غيابك ووجودك
عاصم:وهو كان حد قالك اني بشكك في اخلاق مراتي
هناء:يعني انت مش مصدق الحوار الاهبل دة؟
زفر عاصم بضيق:انا اتسرعت وشكيت في مراتي ال انا عارفها اكتر من نفسي بس لما هديت وفكرت لقيت ان الغبي خطيبك دة كان قصدة خير بس انتي وهو اغبي من بعض وفي النهايه انا ال زعلت مراتي بس بردو انا معزور
هناء بفرحه: يعني هتصالح ورد وترجعني انا وزياد لبعض!
نظر لها عاصم بحدة:انا مسافر بكرة الفجر اصالح مراتي وارجعها بيتها عاوزة تيجي معايا انتي وماما اهلا وسهلا مش عايزين خليكو هنا وكلام في موضوع سي زفت بتاعك دة مش عايز اسمعه تاني فاهمه
هناء:بس ياعاصم__
عاصم:هناااء
هناء بحزن:ال تشوفه صح اعمله انا نازله
________________
استمر هاتف آيه بالرنين ولكنها كعادتها تتجنب الرد حتي رن هاتف فرح فأجابته سريعا
فرح:الووو….. حمد لله على السلامه …. آيه…. ايواا معايا اهييه…. طب ثواني
–يويو خدي الفون كلمي سيف بيقول عايزك
امسكت آيه الهاتف بضيق واجابته:الو
سيف:ايه ياهانم مشوفتيش تليفونك من امبارح بتصل بيكي مبترديش عليا ليه
آيه:مأخدتش بالي عاوز حاجه
سيف :لا ياآيه مش عاوز حاجه خليكي براحتك مترديش عليا ولا تعبريني وكمان بتخرجي من البيت من غير اذني
آيه :معلش كنت زهقانه شويه وخرجت للنادي مع فرح
سيف بهدوء:طيب…. انتي كويسه؟ لسه بطنك بتوجعك بتاخدي دواكي طيب؟
آيه:ايوة الحمد لله بقيت كويسه
سيف :طب وحشتيني والله ومن ساعه مامشيت وسبتك وانا قرفان من الدنيا كلها وعاوز ارجعلك بأي طريقه
آيه:وانت كمان واحشني اووي
سيف: الهرمونات دي غريبه جدا والله
آيه بقهقهه:بقيت خبرة انت في الهرمونات دي
سيف:انتي ال يعرفك لازم يحفظ الهرمونات هرمون هرمون
آيه:معلش حظك بقي
سيف: احلي حظ في الدنيا انتي الحظ بعينه يايويتي
آيه:هترجع امتي بقي
سيف:اخر الاسبوع بالكتير ….. اوعدك لما ارجع هنسيكي كل ال حصل الفترة ال فاتت
آيه:ياريت ياسيفي انا اعصابي تعبت والله
سيف:سلامتك وسلامه اعصابك ياروحي انشالا باهر ابن خالتي وانتي لا
ضحكت آيه بشدة علي أثر كلمه سيف ثم اكملت:ربنا يحفظك وترجعلي بالسلامه ياكياني
سيف:ويديمك في حياتي فرحه ملهاش نهايه ياجنتي
انهت آيه المكالمه براحه وسعادة وامضت اليوم برفقه فرح في النادي ثم عادت للفيلا وحل المساء واشرقت صباح يوم جديد علي قصر المنشاوي والعائله مجتمعه علي طاوله الطعام لتناول الافطار في وقت متأخر من الصباح
فارس:واكدة تكون الميزانيه زينه چوي يبوي
حسان وهو يجلس علي كرسييه المتحرك:تمام ياولدي دلوق تفطر وتبعت ورا الاستاذ عبد الله يخلصلك الاوراق دى ويسچلها كلياتها وبعديها تروح المخزن الكبير تشوف المحصول وهو عيتسلم للشركه تبعه وتعاود اهنيه طوالي
فارس:انشاء الله
دلفت الخادمه لمجلسهم هاتفه:ياست صفيه
صفيه:خير يازينات؟
زينات:چوز الست ورد مشرف برة هو ووالدته والست الصغيرة اخته
صفيه بأبتسامه تهلل وجهها:يامرحبا يامرحبا دخليهم يابت ورحبي بيهم بسرعه
زينات:دخلتهم الصالون الكبير ياست الناس وهما بيسألو عليكي
صفيه وهي تقوم من مجلسها:قدمي واچبهم والفطور ليهم واني هطل عليهم دلوك
ورد بضيق:خير يارب ايه ال جابه دة
دعاء:يابت بدال ماتفرحي عاد دة اليوم عيد
ورد وهي تزم شفتيها: امممم عيد اوي بعد ماهزقني واتهمني بخيانته يبقي مجيه هنا عيد
دعاء:اباي عليكي عاد قومي نقابل الناس دول چايين من اخر الدنيا وعيب لما منطلش عليهم قومي
ورد بحزم:مش جيه روحي انتي
فارس وهو يهم بالاتجاه نحوهم:ورد … يلا روحي قابلي چوزك
ورد:سيبني علي راحتي يافارس
فارس:راحتك هي راحه چوزك قومي فزي عيب لما ياچي لحدنا ونهمله اكدة چومي يلا
ورد:يوووة
اتجههو جميعا للصالون الفاره ورحبو بعاصم وذويه بحفاوة بالغه عدا ورد التي تجاهلت وجودة وسلمتةعلي والدته وهناء التي احتضنتها بشدة قائله:حقك عليا ياورد انا أسفه
ورد بحنو:انا مش زعلانه منك ياهناء العيب والغلط مش عليكي اللوم علي ال مبيصدق ويطول لسانه
عاصم :بتقولي حاجه ياورد
تجاهلت ورد حديثه واتجهت نحو غرفتها بعد دقايق بحجه انها متعبه قليلا تاركه ابنتها برفقه عاصم
___________________
في ڤيلا الحديدي بغرفه سامر وفرح
فرح:وطول اليوم قاعدة سرحانه ومبلمه وملهاش نفس تاكل ولا تشرب وبجد زعلت اوووي علشانها في حاجه مزعلها جامد ياسامر وانا مش عارفه في ايه؟
سامر:هي محكتلكيش اي حاجه؟
فرح:حاجه ذي ايه
سامر:يعني ممكن تكون زعلانه مع سيف مثلا
فرح:منتا عارف آيه مبتحكيش اي حاجه شخصيه بينها وبين سيف وانا بحترم خصوصيتها ومبرداش اسألها
سامر:بصي يافرح بس اياكي تجيبي ثيرة الموضوع دة لماما فاهمه
فرح بتوتر:خير ياسامر خوفتني
سامر:من فترة آيه بقي يجيلها رسايل ان سيف بيخونها وبتيجي في اوقات واحداث مظبوطه بالدقيقه بمعني ان لما بيكون عندة عشاء عمل بيجلها رساله انه بيتعشي مع واحدة تانيه غيرها ولما بيكون نايم بيجلها رسايل بتفاصيل يومه بس متحرفه ولما آيه بتيجي تواجهه مبقدرش يثبت عكس كلامها والموضوع عمال يكبر ويدخل فيه حجات صعب ان آيه تصدق ان سيف مظلوم
فرح :ياستار يارب كل دة بيحصل واحنا منعرفش … طب هنسكت علي الموضوع دة دة كدة جوازهم يتخرب
سامر:دورنا كتير ومسبناش اي ثغرة الا ومشينا وراها بس المشكله ان ال بيعمل كدة عارف هو بيعمل ايه وعارف تحركتنا هنا في البيت ودي حاجه هتجنني انا شخصيا وبقيت اشك في نفسي
فرح:عارف تحركتنا في البيت؟؟ اذاي دة
سامر:يعني مثلا سيف مسافر من امبارح اهوة معملش اي حاجه جديدة وقبل كدة بعت ورد في غيابه علشان يوصل ل آيه نفسها واكتر حاجه محيراني ان سيف لقي روچ علي قميصه كأن دى شفايف واحدة
فرح:متقلش ان آيه شافتها
سامر:ايوة شافتها وكانت ليله سودة
فرح:انا ابتديت اخاف
سامر:انا بحكيلك علشان نفكر سوا وتساعديني الموضوع كبير فعلا ولازم نتصرف قبل ماتحصل حاجه تزعلنا كلنا
فرح:الله لا يقدر بس انا مش عارفه اعمل ايه او اساعدك اذاي
سامر:انا هقولك …..
الفصل التالي: اضغط هنا
يتبع.. (رواية بنات المنشاوي الجزء الثاني) اضغط على اسم الرواية لتجد الفهرس كاملاً بجميع الفصول.