رواية احفاد عمران – الفصل السابع والعشرون
احفاد عمران
بارت_27_
🌱
…………….
بعد وي غيري شفتك لادور اعذار
مااصدكك بعد لمن تجي تجذب
بوكت جنت اني ارتب نفسي لملاكات
جنت انته ويه غيري بموعد ترتب
…………….
_انتِ شطلعج اقصد يعني شنو شو
الهسه مانازله
كل احنا ضلينا نباوع عليها هاي اشجاي
تحجي بس اشو ذولي ماهتمو الكلامها
ورجعو يسولفون بس اني لا حسيت
هاي البنيه مو راحه وووراها شي
ضليت اباوع عليها شلون تباوع الليان
بحقد هاي شبيها وجن ليان ماخذه
رجلها منها ماعرفت شنو سالفه
الهاي البنيه
جمانه صارت تضحك وطلع صوت انتبهت
الها تباوع لليان وعبالك صدك تعرفها جتي
ليان عليها وهاي كومي وشمري نفسج
على ليان حيل وهيه مدبدبه وليان كبل
غمضت عيونه وكأن هيه متالمه
ريم بخوف:: ليان أنتِ زينه
وعلى صوتي جوي حمزه وعمر واسمر
وياهم على ليان وكل واحد يسئلها شكل
اسمر:: ليان
عمر:: شبيج
حمزه:: أكو شي يوجعج
اسمر:: اخذج الدكتوره
عمر:: انتِ زينه
ليان بصياح:: اهووو شبيكككممم الخاطر
الله مابيه شي
عمر:: اهمداج فوك مانخاف عليج
ليان:: تبالغووون هواي لأن اني مابيه شي
عمر:: مو صوجج صوج القروده التخاف عليج
انتبه النفسه شحجه وباوع على اسمر وحمزه ابتسم ابتسامه وفرك راسه بيده وكال
عمر:: خل اشوف الولد
رادو يلزمونه بس طفر من بين اديهم
وطلع برأ الغرفه ضحكنه أين وليان على
سوالفهم وهاي الاسمها ميس طلعت هم
من الغرفه رجعو اسمر وحمزه ثنيهم
يحجون على ليان
حمزه:: يله ليان كومي
ليان:: حمزه هسه هيه خطوبه روحو إنتو
اسمر:: ليان لازم تروحين
ليان:: هسه اني ما……
حمزه:: ليان أن مارحتي انا ماروح
وكفت ليان كدامهم وخلت ايدها على
خصرها وكالت
ليان:: وإذا مارحت أنتَ منهو يخطب
فرح اني مثلاً
حمزه:: من الاخير ترحين لو ابطل
باوعت علينه كلنا ورجعت لحمزه نزلت
راسها وكال
ليان:: اروح
اسمر:: يله روحي غيري هاي دشداشتج
باوعت ليان للحمام ورجعت باوعت عليهم
وإلا شويه تكعد بالكاع تبجي وتنوح قبل
ماتحجي حجه اسمر
اسمر:: احجي شبيج قبل ماتبجين
ليان:: شوفو فستاني
رفعت ايدها واشرت على الحمام باوعنه
فستانها بالكاع بالحمام
ليان:: ماعندي بعد فستان البسه
حمزه:: ليان صدك تحجين
اسمر:: علمود فستان ماترحين
ريم بضحكه:: دبقي لعد
اسمر:: سكتي انتِ وانتِ الثانيه روحي
لبسيلج أي شي
حمزه:: أي لبسي أي شي وتعالي
يله أنا نازل
اسمر:: وأنا وياك
وفعلا نزلوا وضلينا احنا بالغرفه ضحكت
ليان وراحت الكنتوره طلعت فستان
عريض وراحت للحمام لبسته بس قبل
ما تدخل
ليان:: ريم ابقي هنا لما اخلص
ريم:: روحي اني موجوده
اطمئنت ودخلت للحمام انا ظليت اعزل
بالغرفه بين ما هي تخلص لميت الملابس
عزلت الجرجف مال الجربايه رحت على
المرايه اعدل بنفسي لحد ما طلعت ليان
من الحمام باوعت عليها لابسه فستان
العريض ما كاعد لها او مو لايك لها رحت
الكنتوره وضليت اكلب بملابسها لحد
ماشفت فستان واحد حلو وهوه كلوشه
بحيث حتى بطنها ماراح تبين منه طلعته
من الكنتور وقدمته الها
ليان:: شسوي بي
ريم:: لبسي
ليان:: مو لابسه فستان
ريم:: دروحي لبسي هاذا بهاذا الابسته
جنج لابسه كونيه
ليان:: اوو ريم بطلي هاي سوالفج جنج
عمر وبعدين اني لابسه
ريم:: مو بكيفج شو هاج هاج
كوه لزمته الها ودخلتها للحمام شحط
كعدت اني على الجربايه يم جمانه
وتذكرت ابني وين هسه كلت خلي
تطلع ليان واني انزل اله
شويه وطلعت ليان لابسه الفستان إلي
مطلعها تخبل وشعرها حالته بس مغسله
وجهه من المكياج وماكو أي شي مخليه
ريم:: شنو راح تكعدين تخلين مكياج
ليان:: لا
ريم:: لعد شلون وانتِ مغسله وجهج.
ليان:: احسن ماريد مكياج خلي اسوي
شي خفيف
وفعلاً كعدت كدام الامرايه وخلت بس
مسكاره وتنت فقط وطلعت تجنن خلصت
وكامت شالت جمانه
ليان:: يله
طلعنه برأ الغرفه نزلنه باول بايتين
وشناهن ديلبسن اعبي وشالات يلفن
انتبهت البنيه الشايله زيد علينه وجتي
صعدت النه
_بنات بسرعه تحضرو لأن دنروح البيت
العروس
ابتسمت واخذت زيد من ايدها ابوس بي
ليان:: أي قابل شعدنه مخلصين
_تروحين هيج
ليان:: أي طبعا
باوعت عليها من فوك ليجوه وكلت الها
ريم:: تردين هيج اطلعين حتى اسمر يحطج ويكتلج
_ برئيي مو زوجه اخوانها يحطوها
ويكتلوها كدام الزلم
ليان:: ياا غير أني مو محجبه
_نعرف شبيج مو محجبه بس مو اطلعين هيج
تافئفت وانطت جمانه للبنيه وراحت
الغرفته شويه وطلعت لازمه بيدها
صايه وشال بيدها
ليان:: هيج احسن
_طبعا احسن
ريم:: ههههه أي احسن
نزلنه من فوك وكلها صارت تبوس باليان
وكأن صار الهم سنين ماشايفيها وياهي إلي تبوسها تسئلها بيا شهر وخطيه هيه تريد
بس يفكن منها
لحد مادزو وكالو يله كلها لبستها عبيها
واني وليان الوحيدات لابسات صايات
صارن يطلعن لسيارات بس اني وليان
طلعنه آخر الناس شافنه عمر واجه علينه
عمر:: صدك تحجن وين جنتن
ليان:: هسه شكو كلنه خلي النسوان
يخفن يله نطلع وهم شو امي
ماسئلت عليه ولا تدري بيه طالعه لا
عمر:: هيه امج بشنو تدري هسه… وانتن
بلا هسه أنا منين اجيب الجن سياره
ريم:: شنو هاي السيارات كلها وماكو سياره
عمر:: قبطن كلهن
ماعرف منين وشلون وشوكت اجه
ولد شاب يطلع عمره من عمر عمر
باوع على ليان وكال بابتسامه
_شلونج عمري
ليان بضحكه:: هلا هلا كلبي
استغربت من ليان شنو ومنو هاذا
وتسىلم عليه هيج ونوب تكوله كلبي
والله إذا يعرف أسمر يخرطها العافيه
فجأة ليان صارت ادور بعيونها بخوف
على أحد
عمر بستغراب:: ليان أكو شي
ليان:: غفران وين
_راحت صعدت بالسياره
ريم:: منو غفران وليش تسئلين عليها
ليان:: جمانه جمانه يمها
عمر:: شبيج ليان وإذا يمها
نزلت دموعه على خدها وهيه ادور بعيونه
على جمانه تقربت الها وحاولت اهدي بيها
ريم:: ليان وإذا جمانه يمها عادي
ليان:: أخاف عليها اخاف والله
ريم:: لا ليش تخافين هسه احنه رايحين
لهناك وهناك اخذيها
ضلينه اني وعمر نحاجيها لحد ماقتنعت
وعمر كال روحن وي ضرغام سيارته
فارغه جان يحجي على الولد للي
دخل بينه وماعرفت اسمه لحد ماكاله
عمر بس ماعرفت شنو يقرب الهم
رجليه يرجفن من الخوف إذا إلياس
يعرف رايحه وي ولد ونوب مايعرفه
هوه يموتني بس كلت يله هيه رزاله رزاله
وصلنا إلي اسمه ضرغام البيت خالي علي
نزلنه إني وليان ودخلنا جانو الكل اهناك
ماعدانه
ومن ضمنهم ولد خالي هم بالطارمه جانو مجموعين نزلنه روسنه إني وليان ودخلنا البيت تلكتنه ياسمين اشو هاي شافتنه وخلت ودخلت الصاله
ليان:: كبوررر أي والله
ريم:: ختولي لشيلين هم
دخلنا ونزعنه صاياتنه انطتني صايتها ليان
وهيه عيونه ادور على جمانه صدفه طلعت
كبالها
عمه صابرين وهيه كبل راحتلها
ليان:: يمه شفتي غفران وين
عمه صابرين:: أي يمهه توه يمي جانت
ليان:: وينها أريد جمانه اخذها
عمه صابرين بستغراب:: جمانه شسوي
يم غفران
ليان:: اني انطيتها الها من جنه بالبيت
عمه صابرين:: ماما غفران مايمها لا
جمانه ولا غيرها
باوعت ليان إلي بخوف وإلا شويه
تكعد بالكاع وتصرخ ودتكول أريد
جمانه بس ماعرف شلون صبرت
راحت عمه صابرين لأن صاحو
عليها وليان بمكانه صارت ترجف
كبل رحت لزمتها واني احاول افهمها
ريم:: ليان شبيج
ليان:: ماسمعتيها تكول مايمها جمانه
ريم:: شبيج يجوز مخليتها يم أحد
ليان:: هسه غير الكه غفران
ريم:: امشي نشوفه وين هسه نلكاها
ليان:: اي اي
زيد بيدي وشلع كلبي وكل شويه صارخ
من صوت للأغاني حتى فرح ما شفته
التهيت ادور جمانه وي ليان خليت
صاياتنهة على حافه الدرج وضليت
اباوع بالوجوه عسه ولعل الكاها
الغفران ماكو اخير شي نوب
صادفت خالتي ام ياسمين
خالتي:: لا سلمين لا تكولين خالتي اسئل عليها
ريم:: والله ياخاله ملتهيه وهم تعرفين….
ضلت هيه تحجي وتعاتب بيه واني بس
اريدلي حجه حتى اخلص من الاسئله
واخير شي خالتي تحجي وجان تجي
عيني على البنيه غفران كبل كلت الخالتي
ريم:: خاله امي أهنأك جاي
هسه شويه وارجعلج
والحمدلله خلصت من السلالات وهم
لكيت غفران كبل رحت عليها وصدك
ماجان بيدها لا جمانه ولا شي مثل
ماكالت عمه صابرين جانت صافنه
وإني كبل رحت لزمته من ايدها
وخطيه هيه فزت كبل لزمت كلبها
بخوف
غفران يمهه شبيج اخخخ كلبيي
ريم:: والله اسفة بس اجيت اسئلج
على جمانه
غفران بستغراب:: جمانه بس جمانه مو يمي
إني ردت احجي واسئلها وين جمانه
بس قاطعتنه ليان وهيه جايه كبل
سئلتها لغفران
ليان:: غفران فدوه وين جمانه
غفران:: شبيجن انتن جمانه مو يمي
ليان:: شنو مو يمج غير إني انطيتها الج
غفران:: أي بس قبل مانطلع ونصعد
السيارات جتي ميس وكالت ابوها
لابنيه يريدها
ليان:: أسمر يعني عد أسمر
غفران:: والله ماعرف شنو اسمه وإني
انطيته الها وهيه عساس توديها بعد ماعرف
ليان:: أي الحمدلله للحضه حسيتها ضاعت
ريم بضحكه:: وين يعني تضيع شبيج ليان
هدي هسه عرفتي وينها
ليان:: أي بس أريد اشوف أسمر وين دااسويلها ممه سوده عليه ماراضعه صار الها كم ساعه
.
ريم:: تعالي هسه
اخذتها وخليته شويه يم مبرده تاخذ هوى
خطيه نهبطت باوعت عليه وضحكت
ليان:: شوفي شكلج شلون صار وي زيد
ريم:: يمعوده عوفيني
ليان:: بعد هم تردين جهال
ريم:: أبدا
ليان:: وإذا إلياس راد أطفال
ريم:: ازوجه
ليان:: نشوف نشوف…. بغمزه
ضلينا واكفين يم المبرده ودك سوالف
انا وليان الحد ما صارت توج الهلاهل
تعلى اعلى واعلى والتصفيك يعلى
والهواسات اندارينا انا ليان اثاي
كايلين يلا خل نعقد اجه الشيخ
ابتسمنه وتقربنه اكثر عليهم راحت
خاله أم ياسمين وكومت فرح خللها
كرسي يم باب الإستقبال وكعدنها
عليه وفتحو الباب شويه حتى تسمع
الشيخ لمن يحجي وهم الشيخ يسمعها
لمن تنطق موافقتها
{{نختصرها يابه شنهيه يوميه خطوبه
وكلها تعرف شصار ماصار}}
صوت الاهلاهل علت والتصفيك رجعو
كومو فرح وودوها للكوشه تكعد الكوشه
إلي هسه يله انتبهت عليها شويه وجتي
عمه صابرين صاحت بصوت عالي
عليهن حتى يسترن لأن راح يدخل
حمزه “” عريسنه “”
………………….
فرح………
عقدنه وخلصنه ورجعني البنات الكوشه
كعدت ودقائق وأمه دخلت وصاحت بأن
راح يدخل نزلت راسي وإيدي صارت
ترجف انفتح باب الاستقبال وعلت
الأصوات وإني ماعرف شبيه لأول
مره هيج يصير وماكدر اسيطر على
نفسي ولا على رجفتي
كعد بصفي هوه وكلها التمت فوكانه
حسيت راح اختنك واموت بالحضتي هااي
لو ما امه صاحت جان صرخت إني وكلت
ماريد الخطوبه بطلت
عمه صابرين:: بنوتاتنه شويه هوى للعرسان
وصدك هيه كالت هيج وشويه انطونه مجال نتنفس تقرب هوه عليه وهمس باذاني
حمزه:: هدي ليش ترجفين
باوعت لايدي ترجف رجف وكان
كايليلي راح نعدمج مو نخطبج
حاولت بكل الطرق بس اسيطر على
رجفتي بس ماكو مد ايده ولزم
بيها أيدي ورجع همس
حمزه:: باوعيلي فرح
كوه رفعت راسي وباوعت عليه وهاي
أول مره إني انتبه إله جانت بشرته
حنطاويه بس جان شعره بي شكار
ولحيته خفيفه
ولون عيونه الجوزيه
كالب شعره ليورا وطالع يجنن
بس فززني من صفنتي وهو يكول
حمزه:: فرح انتِ زينه
هزيت راسي بمعنى أي ورجعت نزلت
راسي اباوع لايده لازمه أيدي ابتسمت
ورفعته الراسي باوعت النسوان جانن
بيهن غريبات ماعرفهن وبيهن اقاربي
وناس تصور وناس تهوس
صاح حمزه على امه ديجيبن الذهب
وخطيه جتي شايله العلبه مال الذهب
خلتها كدامنه وهوه اخذه بايده وفتحها
جانت بيها
تخم كامل متكون من عقد وتراجي
ومحبس وحتى سوار ووياهن
جانت حلقه……….
…………………………..
ليان…….
اباوع عليهم من بعيد لأن نسوان هواي
وخفت على بطني
لا نوب اندفع وتصيرلي
سالفه كلت خليني هيج احسن لبسها
الحلقه وهوه عيونه متعلكه بيها بس
هيه لا جانت كلش خجلانه ومتوتره
بنفس الوقت لبسته هيه الحلقه
وصارن يهوسن نسوانه…
{{ اختصار}} {{ليش ماصوتووو}}
خلصت الحفله ومن بعد تعب طبعا
بس مو تعب ركص لا تعب وكفه
حيل تعبت واني مو من النوع إلي
اوكف هواي
بس وأخيرا كالو يله وأن راح نرجع
البيت فرحت حيل لأن هسه يله راح
اكدر اشوف بنوتي جمانه راحت ريم
وي الياس مايقبلون يرجعون يمنه
والفاهيه عافتني وحدي
اخذت صايتي ولبستها وخليت شالي
على راسي هم صاحتني أمي علمود
أروح وياهم
طلعت وعيوني تدور من مكان المكان أريد
المح اسمر بس ماكو وين راح اسمر نوب
ويا جمانه ركبت بسياره حمزه بس هوه
بعده ماصاعد دقائق وصعد تقربت عليه
وهمست إله
ليان:: حمزه هم شفت اسمر
حمزه:: اسمر من زمان رجع كال جمانه
وحدها وتعذر
ليان:: ليش ماجابها
أمي:: يمه خاف مارادها تشيبج وما جابها
ضليت افكر واصفن ليش ليش ماجابها
شنو السبب ليش هيج يسوي ضل تفكيري
وياي لحد ماوصلنا البيت نزلت أمي قبلي
ودخلت واني وراها بس نصدمنه ثنينه
واحنه نشوف ميس موجوده بالبيت
أمي:: يمه ميس انتِ وين جنتي
شبسرعه وصلتو قبلنه
ميس:: ها عمه مو اني مارحت الخطوبه
امي بستغراب:: مارحتي ليش
ميس:: مو خطيه اسمر جان حاير ببجمانه
وين يخليها واني ضليت علموده
هسه يله عرفت اسمر ليش ماجابه بس
حتى يخليها يم ميس اهنا مربط الفرس
نار وشتعلت بنص كلبي يامي التطفيها
بس الصدمني أكثر اسمر جان بالبيت
هو وميس بنفس البيت وجميع طلع
من الاستقبال شايل جمانه بايده
ماباوع بوجهي ولا كان اني موجوده
حاجه امي بس
اسمر:: من رخصتج أم حمزه تكدرين
بس ترضعيها مدتها حاولت وياها
هواي بس مارادت
أمي:: بعيوني صدك جذب
اخذتها امي من اسمر واخذت المميه
مالتها وكعدت هيه وعبايتها على القنفه
ورضعتها الها
دخل حمزه من برا وهوه جانت لابتسامه
على وجهه بس من شاف ميس واسمر
بالبيت صدمته مو اقل من صدمتنه
كبل اردف
حمزه:: إنتو شبسرعه وصلتو
محد حجه ولا أحد جاوب بس اني
ماتحملت نار ومشتعله بيه ع اقل خلي
احجي شويه وارتاح
ليان بضحكه:: الست ماجايه للخطوبه
عمود تكعد اداري بطفله هيه ماالها
قرب الها والاستاذ فرحان على هاذا
الشي المهم مايجيب الطفله لليان
اسمر بصيحه:: لياانننن
ليان:: نعم شنو غلطانه
امي:: ماما ليان شنو هاذا الحجي
مايصير يابنيتي
ليان:: ماغلطانه هاي الحقيقه
حمزه:: ليان الغرفتج
اسمر:: خليهااا بعد خليها تحجي العدها
ليان:: أي اح……
حمزه:: أنا شكلت امشي الغرفتج أنا
أريد افتهم الموضوع
مشيت صعدت كم بايه من الدرج بس
من حجه اسمر نصدمت من إلي كاله
اسمر:: أنا ماعندي حجي واوضح شي…..
أم حمزه بلا زحمه عليج بس تلميلي ملابس
جمانه واشيائاته
رجعت ونزلت بسرعه وكفت كباله
وكان اني جاي اتحدا
ليان:: ماتاخذها
اسمر:: أخذها
ليان:: ما تاخذها
اسمر:: كلت اخذها
ميس وهيه تدخل حديثهم
_هسه ليان عليش لازكه بجمانه
بالنهايه هيه بنته خلي ياخذها
ليان+اسمر:: انتِ لتدخلين
حمزه:: اسمر امشي راح تجي الزلم وانتِ
امشي الغرفتج واخذي جمانه وياج
اسمر:: لا ماتاخذها أنا……
حمزه:: دتعال ياعيني تعال….
وصدك اخذه حمزه وطلعو من البيت
انداريت الامي مخليه جمانه بحضنها
وترضع بيها الممه باوعت لميس وكلت الها
ليان:: بعد لا تدخلين بحديث مزوجين
ماعجبها كلامي راحت كعدت امي
وعود تلاعب جمانه هزيت أيدي على
سوالفها جنها زعطوطه ولا بالك هيه
أكبر مني
اقاربنه جوي خوال وعمام وهوسه
وتركيب على العشه اني ماسويت
شي غير اخذت جمانه وصعدت
الغرفتي بدلت الها وخليتها على
الجربايه تلعب ضليت حايره شلون
أسبح
اخير شي اخذت ملابس وقفلت باب
الغرفه ورحت الحمام خليت الباب
مفتوح وسبحت…… طلعت فتحت
القفل ورحت شسورت شعري باوعت
الجمانه نايمه بمكانها ابتسمت على
شكلها جانت مخليه اصبعها الابهام
بحلكها ونايمه رحت عدلتها بصفي
واني هم نعست كلت انام ماطولها نايمه
عدلت الفراش ونمت بصفها
حسيت شي يمشي على خدي رفعت
ايدي تلامست خدي ماكو شي بس
رجعت نوب تمشي على خدي
ماعرف شلون نكلبت وفتحت عيوني
اني فتحتها وتوني جاي اريد اشوف
ماحس غير نخلت ايد على حلكي…………
يتبععع…….
………….
الكاتبه ضحى اليوسف
الفصل التالي: اضغط هنا
يتبع.. (رواية احفاد عمران) اضغط على اسم الرواية لتجد الفهرس كاملاً بجميع الفصول.