رواية احفاد عمران – الفصل الثامن والعشرون
أحفاد عمران
بارت _28_
…………………
يسئلوني واكلهم عايش بخير
أنة جذاب عشت العمر موزين
لااحد فكدني ولاشفت ناس
عيشوني بظلام بصور ميتين
تعبت وروحي جزعت من العتاب
كل ما أريد اسولف تغرك العين
……………
ماعرف شلون نكلبت وفتحت عيوني
اني فتحتها وتوني جاي اريد اشوف
ماحس غير نخلت ايد على حلكي
فتحت عيوني ماكو شي يبين
ضلام دامس أيد محطوطه
ومانعتني الصرخه
بلعت ريكي بصعوبه وضلت عيني
ادور بالغرفه بس كل شي مااشوف
رفعت ايدي ولزمت ايده بكل قوتي
حاولت ابعدها عني حتى اصرخ
واخلي شخص يساعدني بس
ماكو ميهدني
ضربته بأيدي على وجه عسه ولعل
يهدني بس جبل ميهزه ريح
ماتحرك ولا ايده تحركت بس
بايده الثانيه لزم ركبتي وخنكني صرت
ماكدر أجر النفس وهوه اضرب بي بقوه
وهوه بادينه ثنيهن خانكني لحد ماسمعت
صرخت جمانه
فزيت فزه من نومتي كلبي يدك سريع
وإني مو مصدكه هاذا حلم مو حقيقيه
بنفس الحضه انفتح الباب ودخلو عمر
واسمر باوعت عليهم وإني الهث وكان
جنت كاعده اركض تقرب عمر عليه
وهوه يحجي بخوف
عمر بخوف:: ليش هيج شكلج ليان
ليان:: مابيه مابيه شي
اباوع لاسمر مامهتم إلي ولا سئل عليه
راح شال جمانه وصار يسكت بيها أما
إني ماباوع الوجهي أبدا استغربت
من بروده ماتعلمت عليه هيج جان
هوه ليخاف عليه أكثر من إخواني
بس هسه صار العكس صحاني عمر
من صفنتي وهو يعيد الكلام إلي..
عمر:: ليونه…. ليان
ليان:: هممم
عمر:: شبيج
ليان:: كتلك مابيه شي
أسمر بصياح:: ليشش هيج عايفتهه تبجي
بشنو جنتي ملتهيه
عمر:: وأنتَ على شنو تصيح ترا تسمع هيه
انتبهت عليهم ثنيهم واحد خازر الثاني
حاولت أهدي الوضع احسن ماانوب
يتكاتلون أنها حجيت كوه عليه وإني
ريكي ناشف
ليان:: جنت نايمه
أسمر بستهزاء:: نايمه هههه بس أنتِ تنامين
والطفله يمج تبجي ماسمعتيها
عمر:: كالت الك جانت نايمه ليش تلح
أسمر:: عمر بله أنتَ لا تدخل…. وانتِ
جهزي جهزي غراض جمانه
باوعت عليه بصدمه اشو هاذا لزك
على هاذا الكلام
ليان:: شسوي بيهن
أسمر:: كلت الج أنا اخذها لجمانه
ليان بعصبيه:: واني كلت الك ماتاخذها
الجمانه
عمر وهو ينسحب:: أنا مادخل بهاذا
الحديث حلو وحدكم
وفعلاً عافنه وطلع من الغرفه وبعدنه
دنريد نحجي دخلت أمي الغرفه
امي:: يمه ليان شبيه جمانه ليش هيج تبجي
ليان:: مابيها شي يمه
امي:: ردت اصعد ورجليه توجعني بس
ماتحملت كلت خلي اصعد اشوفها
أسمر:: روحي عمه روحي ارتاحي مابيها
شي جمانه
وصدك امي نزلت وهوه سد الباب وراها
وندار عليه وبيده جمانه
اسمر::يله كومي
ليان:: شنووووو
اسمر:: صوتج لج
ليان:: نعم شتريد
اسمر:: مثل ماكلت الج يله كومي لمي غراضها
ليان:: أي شسوي بيهن
اسمر:: شنهي أنا اضلن أعيد بكلامي
ليان:: جمانه ماتاخذها
اسمر:: مو بكيفج
كمت وكفت كدامه ورفعت اصبعي
بوجه واني اكول
ليان:: مو بكيفك تاخذها أنتَ
رفع ايده ولزم اصبعي بقوه لدرجه
حسيته انكسر ووجع بي
اسمر:: اصبعج اليرفع بوجهي ينكسر
ليان بالم:: اسمر عوف أيدي
نتر أيدي بقوه لزمتها متوجعه هاذا
شبي تخبل
ليان:: اسمر شبيك
اسمر بنتر:: كلت الججج ألف مرههه لمي
غراضها
ليان:: مو بكيفكككك جمانههه تبقه
يمي يعني تبقهه
اسمر بصياح:: مو بنتججج هي مو
بنتجججج بنتي إلي أنا لراح اهتم
بيهااا ماريد اهتمامج المزيف
طلقه وضربه بكلبي من كال هاذا الكلام
ماتخيلت يجي يوم واسمر يكول هاذا
الكلام بعد كل الاهتمام والسهر على
جمانه يجي يكلي مو بنتج هيه دموعي
صارت تنزل لل ارادياً رحت الكنتور
وطلعت جنطه
جانت امي مشتريه الها جرارات علمود
ملابسها من صارت اضل يمنه جابتها
الها رحت الجرارات وفرغت كلشي
بيهن ماخليت شي الها ورجعت الكنتور
هم جانن أكو ملابس الها هم خليتهن
بالجنطه واني ابجي واشهك بس
ماهتميت الدموعي وضليت أخلي واخلي
بشيائها ماخليت شي يمي وهوه بس يباوع
عليه شلت الجنطه وخليتها يمه وباوعت
بعيونه وكتله
ليان:: يله روح
اسمر:: ليان..
ليان بصياح:: أخذ بنتككك وروححح
لازم جمانه بايد وتقرب عليه راد يلزمني
بس رجعت اني خطوتين ليورا
ليان:: شمتاني يله اخذهاا البنتك وروح
اسمر:: ليان ماجان قصدي
ليان:: اسمر كتلك اخذها البنتك واطلع
من غرفتي يله
اسمر:: ليا….
ليان:: بسرعه اسمر اطلع اطلع
هز راسه ودنك شال الجنطه وباوع
إلي اني ماهتميت اله درت وجهي
داحاول ابين طبيعيه بس اني انهاريت
بكتم ماكدر ابجي براحتي إلا أن انطبك
الباب درت وجهي لكيته فعلاً طالع كعدت
يم الجربايه وضليت ابجي
_حتى من جمانه حرموني
ضليت كاعده بمكاني بالنص ساعه
ودخل إلي عمر وحمزه ثنينهم جوي
كعدو يمي بالكاع ويحاجوني
عمر:: اسمر اخذها الجمانه
ليان:: اعرف
حمزه:: ليش اخذها مو كلتي اله ماتاخذها
باوعت بوجوهم يباوعون علي يتانون
احجي الهم بس اني عفتهم كاعدين
وكمت على الجربايه تمددت على
الجربايه ورفعت الغطى عليه وهمه
ثنينهم صافنين من حركتي هاي
واني انطيتهم بس رد على سؤالهم
ليان:: بكل بساطه اخذها لأن هيه مو
بنتي بس بنته……. فدوه لمن اطلعون
سدو الضوء بدربكم
حمزه:: ليان كومي تعشي لا تنامين على
معده فارغه
ليان:: ماشتهي اريد انام
سدو الضوء وطلعو واني انتهيت
من البجي شبي ليش هيج صار
يعاملني شسويت اني……
مر كم يوم واني ماشايفه بيهن لا اسمر
ولا جمانه وامي حاولت تخلي يجيبها الي
بس هوه جان معاند وراسه يابس ابدا
ماجابها إلي هواي اشتاقيت الها
وشتاقيت الضحكه
امي صارت تجهز العرس حمزه لأن
مايردون يتاخرون بالعرس
وعمر أكثر واحد فرحان بينا لأن
هاي هيه بس يزوج حمزه يرجع
يفتح موضوعه وي أبوي
اني دخلت بشهر الخامس وحملي زين
وبين إلي جنس البيبي طلع بيه “”ولد””
عمر يركض ورأي من يوم العرفت جنس
البيبي ويكلي اتسمي “”جود”” واني م
اقابله على الاسم مالته وأريد
اسمي “” سند””
ماخليتهم يكولون لأحد شنو بين ماردت
أحد يعرف وبلاخص اسمر ماردته يدري
بيه ولا ردته يعرف اخباري مثل ماهوه
عاند اني اعاند وازيد
بدت الدوامات وريم قنعت إلياس
حتى ترجع وفعلاً هوه قبل ورجعت
قدمت وصارت تروح المدرسه شكد
جنت احلم اني هم ارجع واكمل
دراستي بس كلت على السنه التجي
حتى اكون اني جايبه سند وجبير
يصير وارجع اني ادرس
جنه كاعدين كل احنه وملتمين ساعه
10ونص باليل وحتى ابويه جان موجود
ويانه عمر ماتحمل السكوت وكمز من
بكانه وهو يكول
عمر:: يابه أنا اريد ازوج
أبوي بضحك:: أي ازوجك ليش لا
امي:: دكعد هسه خلي انزوج اخوك الجبير
عمر:: شنهي هيه يعني
حمزه:: عموره اكعدي بعدين نزوجج
عمر:: ولهج ست حموزه ازوجي باسرع
وقت حتى نزوج وراج
حمزه:: ادللي عمورتي
عمر:: فدوه القلبج حموزتي
امي:: يعع مو تبطلون هاذا الحجي
أبوي:: دعوفيهم بعدهم صغار
عمر بشقه:: صغار وله كبار ههههه… لحضه ماتضحك نريد لاقوه
ليان:: عمر دكعد وسكت
عمر:: نجبي لجج
ليان:: اشوف بويه تشوف كدام عيونكك
غلط عليه
ابويه:: ليوين اكبر بيكم أنا وتالي
سوالفكم سوالف زعاطيط
عمر:: افاا أنا سوالفي سوالف زعاطيط
ماضحكت غير من ابوي طنشه وكام
دخل الغرفته وذولي ضلو بيناتهم
يتاحاجون اخير شي صفن عمر وكال
بصوت خافت يخاف ابويه يسمعه
عمر:: أكل الكم اشو عمران ماله حس
امي:: هسه بعينكك عمر اسكت لا ابوك يسمعك
عمر:: لا لا هاذا غيابه ماكو إله غير خيارين
عدل كعدته حمزه وامي ضلت صافنه عليه و
اني اريده بس يحجي
عمر:: الخيار الاول عنده قنبله وناوي
يفجرها الأحفاده
حمزه وليان:: والثاني
عمر:: الخيار الثاني ناوي يودع ويخلص
أحفاده منه
امي جانت يمها الشاحنه مالت حمزه
كومي وملصيها اخذت الراسيه بيده
وشمرته على عمر
امي:: طايح الحظ هسه لو سامعك
ابوك شيكول عليك
عمر:: شيكول قابل أنا غلطان
حمزه:: اوافقك الرئي
امي:: يمه حمزه هاي عود انته الجبير العاقل
حمزه:: يعني شنو نسوي إذا كلها طالعه
مخابيل على عمران
امي:: إنتو مو مال واحد يكعد وياكم
عمر:: روحي الغرفتج خلينه كاعدين وحدنه
كامت ودخلت الغرفه واحنه بقينه همه
يسولفون بينهم واني رايحه الغير عالم
دك تلفون باوعت تلفون حمزه جاي
يدك باوع علينه وكال
حمزه:: اسمر شعجب يدك هيج وكت
عمر:: دفتح خط وشوف
انتبه عليه اني اباوعله واتاني يفتح
خط واشوف ليش داك بهاذا الوقت
فتح خط حمزه وراد يخلي على اذنه
بس عمر سبقه وبسرعه فتح سبيكر
حمزه:: ها اسمر
اسمر:: حمزه شغل سيارتك بسرعه
حمزه بستغراب:: ليش
اسمر:: جمانه تتقيئ وتصرخ ماعرف شنو
سالفتها وإذا تكدر شغل سيارتك نأخذها المستشفى
حمزه:: أي أي طالع
سد الاتصال وعمر كبل كله
عمر:: أنا هم اروح وياكم
حمزه:: شسوي أنت رايح أبقى اهنا
راح حمزه وأخذ سويجه وطلع من البيت
رجع عمر كعد على القنفه ويكلب بجهازه
واني التوتر اكلني والخوف عليها شبيه
ليش هيج صاير ماعرف يهتم بيها كم
يوم شلون راح يهتم بيها العمر كله
ضليت كاعده على نار واني اريد اعرف
شبيها وكل ساعه اكول العمر يدك عليهم
بس هوه يكلي شبيج هسه بعدهم ماواصلين
لحد الساعه 3:00 احنه ضلينا اتانيهم
بس اني وعمر أهلي مايعرفون بالليل
انفتح باب المطبخ ودخل حمزه من
يمه كمزت اني من بكاني وكمز عمر وياي
ليان:: ها شبيها حمزه زينه هيه هسه
ووينه رجعت البيت
حمزه بضحكه:: شبيج ليان هدي اتنفسي
واحجي
عمر:: شلونه جمانه
حمزه:: بخير بس جانو همه مغيرين
الحليب الها وما موالمها
لزمت كلبي وأخيرا اطمنت عليها
وعرفت بخير خليتهم وصعدت نمت……
الصبح نزلت لكيت عمر كاعد يم أمي
ويهمس الها ماحاجيتهم رحت المطبخ
سويت ريوك وتريكت رجعت يمهم وكعدت
أمي:: كوم كوم جيبلي عباتي
عمر:: عيب أنا اجيبها كومي ليان
ليان:: كالتلك ما كالتلي
عمر:: لا أنتِ ماسمعتي زين هيه كالت
كومي ليان كومي جيبي عباتي
ليان بصيحه:: يمههه شكالتي عمر لو
ليااانن
أمي:: عمر
غم كصته وكام الغرفه صددك جاب عبايتها
ليان:: يمه وين رايحه
امي:: رايحه افتر البيت جاسم اشوف جمانه
ليان:: صدك والله
امي:: أي أي كومي جيبيلي جواريبي
عمر بضحكه:: حيل يله كومي
فرحت لأن أحد راح يشوفها ويرجع
يطمني عليها كمت الغرفة وطلعت
جواريب امي وديتهم الها وهيه لفت
شالها ولبست عبايتها وطلعت وإني
بقيت اتانيه تجي
كاعده واكلب بموبايل عمر انطه إلي
وراح الحمام ضليت العب بي لحد
ماصاحت امي عليه
امي:: ليونه…
كمت وباوعت المطبخ عيوني ماصدكت
الشافته جانت امي شايله جمانه بيدها
وهيه جايه بتجاهي ضحكت وتقربت
عليها اخذتها من حضن امي الحضني
_ يمهه ياريحتج الترد روحي
بس فجأة كلام أسمر كله مر من يمي
باوعت لامي وكلت الها
ليان:: شلون جبتيها
امي:: شنهو شلون جبتها
ليان:: تعرفين أسمر مايقبل تجي النه
امي:: هوه أسمر وينه عايف بنته متبهذله
يم سناء ورايح العيادته
ليان:: يعني أسمر مايعرف أنتِ جايبتها
امي:: لا وشنو يعني وإذا عرف اضن
اخاف منه أنا أمشي يمه امشي روحي
أنتِ والبنيه روحي لعبيها شي
اخذتها ورحت الصاله بيدي موبايل
عمر كمت وشغلت الها صيصان وهاي
كيفت عليه صارت تهادد وتريد التلفون
ماخليت بخاطرها ونطيته الها هيه اخذته
وصارت تمص بي وإني اوخره منها
_ولج هاي مو مصاصه
طلع عمر من الحمام واجه عليها ومن
شافها شايله جهازه صار يدك ويلطم
على راسه وكوه يله اخذه منها
عشت وياها ساعات حلوه ماجنت
فرحانه بطفلي اكثر مافرحت بجمانه بس
المغرب توني طلعت الطارمه واني بيدي جمانه وندك الباب بقوه صحت من وره للباب
ليان:: على كيفك راح تكسره الباب
اجاني صوته يرعد رعد
أسمر:: افتحي لا اكسره على راسج……..
يتبعععع…..
…………..
انضمو للقناة
الفصل التالي: اضغط هنا
يتبع.. (رواية احفاد عمران) اضغط على اسم الرواية لتجد الفهرس كاملاً بجميع الفصول.