رواية احفاد عمران – الفصل التاسع والعشرون
..
أحفاد عمران
بارت _29_
…………………….
ذنـبي بـعشـࢪتك مـاخنـت
حبيتـك ومـاحسبت بـلتالـي هيـج أجـازه
مـادري مـاعنـدك گـلب تتـركنـي
أعـمى بنـص دࢪب وتـكسر العـكـازه 💔…؟
………….
………..
ليان…..
أسمر: افتحي لا اكسره على راسج
كلبي
يدگ بسرعة ماعرفت شجابه هسه
خفت يطلع كل عصبيته عليّه بس كلت
لنفسي ليش تخافين وأنتِ أخت حمزة
وعمر.
مشيت رجل تطك برجل خايفة بس
أشجع بنفسي غصب عني أدور براسي
وأكول هسه بلكي يطلع حمزة أو عمر
أو حتى أمي المهم ما أريده يشوفني
بهالشكل. بس خلاص، يا ليان
ما عندج مهرب.
فتحت الباب وإيدي ترجف باوعت
عليه عيونه كلها غضب وكأنّ يريد
يكتلني بس أني شسويت ابتسمت
بوجهه ابتسامة طالعة من كل كلبي
هو بس يباوع لا سلام ولا كلام
أسمر: جمانه شجابها الج
ليان: إني ما عليه
أسمر بستغراب: شنو ما عليه
ليان: أمي راحت البيتكم وجابتها وياها
كتلها أسمر يعرف كالت إني ماعليه هيه
سناء كالتلي خذيها لليان
حاولت أطلع نفسي من السالفة وذبيتها
براس عمه سناء
أسمر بتفاجئ: أنا أمي كالت لام حمزة
خذي جمانه تشوفها ليان
ليان: أي إذا ما تصدكني أروح أصيح لأمي
أسمر: بلا لغوه زايدة جيبي جمانه
ما اعتراضت ولا حجيت خلاص مليت
وطاقتي انتهت تقربت عليه ونطيته
جمانه، وهو بس يباوع بعيوني وأني
ما باوعت بوجه أبدا أخذها ومشى
وما حجّه شي
سديت الباب ورجعت للبيت دخلت أمي
كاعده بالصالة وعمر يمها يتلفتون عليّ
مستغربين.
عمر: وين جمانه
أمي: مو توه جانت وياج
كعدت
يمهم على القنفه وگلت
ليان: أخذها أسمر
أمي: شنو شوكت إجه عليها
ليان: توه إجه
•~•~•~•~•~•~•~•~•~•~•
فرح…..
مر على خطوبتنا شهر ونص ووخلصنه
كل التجهيزات وإني وحمزة على تواصل
دائم بالموبايلات أحياناً يجي يشوفني
وعمه صابرين حضّرتني كلش ما خليت
شي ناقص حتى الأشياء الزايدة أخذتها
كا
اعده بغرفتي أعزل بملابسي دگ تلفوني
شفت المتصل ابتسمت ابتسامة شكت
حلكي. فتحت الخط خليته هو يحچي
وصوته الحنون
حمزة: فرحتي
فرح: همم
حمزة: شلونج فريحتي
فرح بنزعاج: لا تكلي فريحتي كلي فرحتي
حمزة: ليش
فرح: أحبك لمن تكلي هيج
لحظة حسيت بنفسي شنو… جفصت
بس هو ما فاتته
حمزة: عيدي عيدي شكلتي
حاولت أغير الموضوع وگلت
فرح: يعني من تكول فرحتي أحلى تجي
عليه
حمزة: ولهجج لا تغيرين بالكلام
فرح: عزااااا شوووف حمزهه أبويه جاي
يصيحني
حمزة: أنا أعلمج
فرح: يلا حبيبي معه السلامه
حمزة: اخخ منج يا فرحتي
•~•~•~•~•~•~•~•~•~
ريم
مر شهرين بهاي الشهرين حسيت الدنيا
فعلاً ضحكتلي علاقتنه اني واليأس
احسن من قبل بهواي وهم ماننسه ابنه زيد
واليأس رجع قدملي المدرسه وصار هوه
يوصلني ويرجعني بيده بل أول مارضيت
لأن زيد بعده صغير ويحتاجني بس
عمه اقبال مارضت وكالت
_انا المن مسميني عمه إذا مااداري بحفيدي
قنعوني وشجعوني ارجع رجعت بس
جنت حيل متمنيه لو ليان وياي مثل
قبل بس هاي هيه بعد كلمن رضه
بعيشته وحياته
كاعده وابدل الزيد لأن توني اجيت من
الدوام وخطيه عمتي هم جانت بالسوك
وهمزين جان
إلياس موجود وما رايح الدوامه
مهتم بزيد
اندز إلي أشعار على موبايلي بس تعاجزت
اكوم اله إلا خلصت الزيد يله رحت التلفون
لكيت الرساله من اسمر دخلت عليها
جان كاتب بيها
اسمر:: ماطول باجر عطله عندج راح
اجي اخذج اليوم
رجعت اني كتبتله
_خوش
بهاي الأيام اسمر صار دائماً يجي ياخذني
علمود جمانه لأن هوه صاير يتاخر هواي
بالعياده وامي هم ادور حجج بس حته
ماتضل يمها جمانه
حضرت جنطه زيد لأن العطله يومين كلت
خلي اكضيها يم اهلي دخل إلياس الغرفه
باوع عليه وعلى الجنطه البيدي وراح
تمدد على الجربايه
إلياس:: هم راح ترحين
ريم:: أي اسمر توه راسلني
إلياس:: وشنو هوه أستاذ اسمر مايرجع
مرته شعنده يوميه ماخذ مرتي مني
ريم بضحكه:: يا إلياس هسه اني قابل
شوكت رايحه هيه بالاسبوع مرتين
إلياس:: أبد ماكايله شي
شال زيد من يمه وصار يكركر اله
وهاذا يبتسم على أبوه خليت الجنطه
على صفحه ونزلت العمتي لكيته هم
كالعاده بالمطبخ
ريم:: عمه يعني اضيعج ادورج الكاج
بالمطبخ
عمه اقبال :: لعد شسوي بنيتي… ليش
مانزلتي زيودي وياج
ريم:: خليته يم ابوه يلعب
ساعه مرت واجه اسمر عليه أخذ الجنطه
طلعها واني وعدت عمه اقبال وعمو واليأس
جان كلش ضايج بس شنو اسوي أخوي
بحاجتي
صعدت وي اسمر وتوجهنه البيت اهلي
نزلت وسلمت على امي وابوي إلي
ماشايفته ورحت الجمانه جانت
بالصاله بالكاع وتكركر وتضحك
وحدها وهيه تكلب على بطنها
ضحكت وذبيت زيد من أيدي…
لليل كاعدين اني واسمر وحدنه
وحتى زيد وجمانه منومتهم باوعت
عليه مهموم وضايج من شنو ماعرف
رحت يمه كعدت بصفه واحجي ويا
ريم:: اسمر
التفت إلي وابتسم بوجهي ابتسامها مجامله
اسمر:: ها يروحي
ريم:: ليش ماتودي جمانه لليان
خزرني وكبل كال
اسمر:: إذا ماتكدرين تجين عادي بس لا
تسئلين هيج اسئله
تقدمت عليه اكثر ولزمت ايده وخليت
راسي على كتفه واردفت
ريم:: تعرف اني ماقصد هيج اشياء….. بس
أريد اعرف ليش هيج صاير وي ليان
اسمر:: شصاير مافهمت
ريم:: ليش حارمها من جمانه وأنتَ اكثر
شخص يعرف بيها هيه إلي تهتم بجمانه
أكثر وحده بينه
اسمر:: ماكو اهتمام جذب كله مزيف
وخرت راسي من كتفه وباوعت بوجهه
واني اعرف هاذا الكلام ماطالع من كل كلبه
ريم:: اسمر أنتَ تحجي هيح وعلى منو لياان
اسمر:: ريم اعرف أنا شنو جاي احجي
وثاني شي أنا اعرف شي أنتِ ماتعرفي
ريم:: وبله احجيلنه شنو هاذا الشي إلي
تعرفه واحنه مانعرفه
صاح بوجهي
اسمر:: مثلاً ليان تريد تزوج
صفنت بوجهه هاذا شيحجي شنو تزوج
ريم:: اسمر شنو هاذا الكلام
اسمر:: هههه أي أي لا تتفاجئين هاي
الحقيقه اتريد ورا ماتولد تطلك
وتروح تزوح
ريم:: هه تزوج ومنو ليان
اسمر:: بله ريم اسكتي انتِ ماتعرفين
ريم:: أي وأنتَ تعرف
اسمر:: أي أنا أعرف كل شي واعرف
منو دتريد تزوج
ريم:: صار عندي فضول اعرف منو بله
ممكن تكلي
خزرني وصرخ بوجهي
اسمر:: هاذا ضرغام ابن خالتها مادري خالها
صفنت اضن سمعت بهاذا الاسم بس
وين بس لحضه وحده وتذكرت ضرغام
نفسه الولد إلي وصلنا البيت خالي علي
باوعت لاسمر قابض على ايده من
العصبيه واني ضحكت كبل وكلت
ريم:: ياااا ضرغام نفسه هذاك الولد
إلي وصلنا البيت خالو علي
اسمر:: بارك الله بيجن طلعتي حتى
انتِ تعرفي الولد
ريم:: ياا شبيك وين اعرفه اني بس لأن
وصلنا بس لحضه لحضه شجابه على
ليان شنو تزوج شنو الربط بينهم
اسمر:: أنا ما أعرف شي بس…..
ريم:: اسمر بس شنو احجي
اسمر:: كالولي راح تزوج بس تجيب
وتطلك منك لأن تريد تشوف حياتها
معقوله ليان صدك هيج تسوي بس مستحيل
هيه أصلا قرار الطلاك ناسيته وما تذكره أبدا
ريم:: منو إلي وصلك هاذا الحجي
اسمر:: ريم لا تدخلين بهاذا الشي
ريم:: ليشششش مادخل هااا تحجي على
ليان عاديي بس من اسئل اني لازم ماادخل
اسمر:: صوتجج
ريم:: احجي منو إلي وصل الك هيج معلومات
اسمر:: ريم سدي الموضوع شنهي
تورطت حجيت الج
ماتحملت بروده راسي صار يوجعني
فركت راسي بقوه وصحت
ريم:: احجييي اسمررر احجي كول منو إلي ديحجي ويوصل هيج حجي
اسمر:: ميس كالت ارتاحيتيي هسه
فتحت عيوني بصدمه ميس معقوله
ميس نفسها اقارب ليان رجعت يمه
كعدت بصفه وكلت
ريم:: مميس نفسها اقاربهممم
اسمر بهدوء:: أي
ريم:: صدك تحجي اسمرر تاخذ بحجي الغريب
اسمر:: مااخذت بس بحجيها لا أنا شفت بعيوني
ريم:: شنووو شفتتت..
اسمر:: شفتها شلون تسولف وتتمضحك
وي هاذا الاسمه ضرغام
ريم:: شنو شوكت لمن حجت ويا اني جنت موجوده وياهم
اسمر:: لا جانو بالمطبخ انتِ مو وياهم
حاولت اهدي شويه واخفف من عصبيته
ريم:: أسمر ترا الولد اقاربها وإذا حجت
وضحكت ويا يجوز تعتبره اخوها
هز ايده وضحك على كلامي
أسمر:: تعتبره اخوها اكللها اتريد تطلك حتى يزوجون تكلي يجوز تعتبره اخوهاااا
ريم:: زين وجمانه
نزل راسه وطبك أيد بأيد
ريم:: أسمر
أسمر:: هممم
ريم:: ليش جاي تبعد جمانه على ليان
أسمر:: أحسن واصلأ هاذا الشي المفروض
يصير من قبل مو هسه
ريم:: ليش شنو السبب
أسمر:: هاي هيه ماريدها تشيل هم جمانه
فوك همها فوك ما أنا اداريها هيه حامل
هيه جاي إداري ببنتي
ريم:: بس تعرف أنتَ هيه تحبها هواي الجمانه
أسمر:: اعرف ولهذا مستحيل ارجعها الها
ريم:: اسمر….
اسمر:: لا اسمر ولا شيء هاذا قراري
أنا…… تصبحين على خير
عافني وصعد الغرفته هزيت أيدي
على سوالف وكلت
ريم:: ترجعها بيدك الها تاليتك..
•~•~•~•~•~•~•~•~
ليان……
مر شهر ونص دخلت بشهري السابع
وحملي حيل تعبني بهالفترة بطني
كبرت اكثر وكل يوم جنت أشوفها
تكبر كدامي عمر ما يرحمني كل
ما يشوفني يصيح
عمر: يلا يا نفاخة
وكلمة النفاخة كانت مثل طعنة كل
مرة يكولها أبدي أبچي بدون ما
أسيطر على نفسي
أسمر شفته مرتين بس بهالشهر ونص
حتى جمانة ما خلاني أشوفها كأنه
يريد يعاقبني كلبي يلوب عليها، كل
يوم أتخيلها
هسه صارت تمشي
يمكن صارت تحچي
يمكن كالت كلمة ماما وأني ما سمعتها
اشتقت إلها وتذكرت الوصية مال رسل
بس والله مو بيدي ما ردتها تبتعد هو
اللي اختار يبعدها
ريم ملتهية بدراستها وحياتها وكل اللي
عرفته إنو بس بالعطلة تجي وتدير بالها
على جمانة. كلش ضجت يعني إحنا
جيران وما يجيبها لهالدرجة وصل أسمر
جنت بالغرفة أرتب ملابس البيبي الجديد
أمي جهزت أغلبهن سمعت من أمي إن
أسمر جاب فلوس حتى نجهز بس هي
رجعتله الفلوس وكايله
أمي: هاي عاداتنا أم البنية تجهز أول طفل
هيه رادت نجهز بالشهر الثامن بس أني
ما صبرت أحب ملابس الأطفال من زمان
وهسه صار عندي طفل بعد ما أكدر انتظر
طلعت من الغرفة وگلت أنزل الصندوق
القديم من الطابق الثالث بي صور أحب
أشوفهن صعدت السلم شلت الصندوق
بحضني، ما كان ثقيل لأنه بس صور. نزلت
بس ويا آخر بايتين حسّيت رجلي شخطت
اتزحلكت بكل قوتي وگعت على بطني
ماعرف شلون صحت
ليان: عمرررررر
حسّيت بطني وضهري انقسموا نصين
دم ينزل ووجع مو طبيعي نفسي صار
ثكيل.. الدنيا ضلمت بعيوني وصوتي
اختفى
يتبعععع……..
الفصل التالي: اضغط هنا
يتبع.. (رواية احفاد عمران) اضغط على اسم الرواية لتجد الفهرس كاملاً بجميع الفصول.