رواية احفاد عمران – الفصل الخامس والثلاثون
احفاد عمران
بارت _35_
اشو طول غيابك ماتمر بينه
وحنه لشوفتك كلش أشتاگينه💔•~•~•~•~•~•~•~•
فرح…
وكلبي يدك بقوه كأنه يريد يطلع من
مكانه ماكدرت اتحرك ولا حتى احجي
بس ظليت أباوع عليه ودموعي على
خدودي تنزل بدون صوت
بس هو
كسر السكوت وكال
حمزه:: تحبي وتردين تزوجينه من
تكبرين مو
فرح:: ممنو
حمزه بهدوء:: لا تقشمين نفسج
فرح:: أنت شجابك البيت وبعدين شلون
فتت لغرفتي
حمزه بهدوء:: لا تخافين مافايت من
الشباك فتت من الباب وبراضه عمتي
أم فرح
كمت من الجربايه ووكفت على حيلي
كلبي يدك دك حسيت وجهي حار
ودموعي واكفه بعيني
فرح:: تمام يله ماصار شي وهسه
تكدر تتفضل برأ
حمزه:: آفا عليج تطرديني وأنا زوجج
كلمة زوجج خلت دمي يتجمد بمكانه
نظراته كلها هدوء بس بيها نار
ماتحملت كلامه تقدمت عليه
وصرخت بوجه
فرح:: شتريد بعد عدك كلام ماكلته إلي
وتريد تكوله يلا احجي اسمعك
كلماتي طلعت متقطعه من الغصه
صوتي مبحوح ودموعي نزلت غصب
عني
هوه ظل ساكت عيونه ما تفاركني
بيها شي غريب خوف وجنون يمكن حزن
كلشي سكت بس أنفاسي العاليه تملي المكان
حمزه:: أي
واني كبل فتحت حلكي دااريد احجي
واصيح عليه بس هو بسرعه وقبل لا
انطق باي حرف خله إيده على خصري
وسحبني اله حسّيت نفسي انردمت
بصدره كل نَفَس بيه حره وغصّه
وبحرگه سريعه رفع إيده الثانيه
خلاها على حلكي مانعني الحجي
حسّيت دمي تجمّد تقرّب نزل راسه
الركبتي وهمس بأذني
حمزه:: شنو رئيج اكسر اصابيعج الي
راسلت الك*** هذاك
توسّعت عيوني واني اسمع الكلمه
نغزت أذني مثل سجينن حسّيت
وجهي يحترك وقلبي يتخبط
قرب راسه أكثر وطبع بوسه خفيفه
على ركبتي بوسه بيها تحدي مو حنيه
وابتعد يباوع بوجهي واني مانطيت أي
رده فعل بس رفعت إيدي ودفعته كل
جسمي يرجف ورجعت خطوتين ليورا
فرح:: اطلع برا
حمزه:: اطرديني!
فرح:: إي يله اطلع برا
حمزه:: وتحجيها مره ثانيه؟
فرح:: نعم واحجيها بعد مره ومرتين
شنو خايفه منك مثلاً؟
فرك راسه باديه وصار يفتر بالغرفه
مثل المخابيل يروح ويرد كل حركه
بيه غضب مكبوت واني كتّفت إيدي
عالصدري أباع عليه وانتظره يخلص
فرّانه ويطلع
فجأة وكف وباوع عليه عيونه نار
تجدح خفت منه ومن نظرته بس
مابَينت قلبي يدك مثل الطبل
فرح:: يله اتفضل برّا
حمزه:: فر…..
فرح:: يله اطلع من غرفتي ووجهك
ماريده أشوفه بعمري كله
إجه بسرعه كدامي ولزم إيدي بقوه
قبضته موجعه
حمزه:: ماتريدين تشوفيني بس تريدين
هذاك الـ*** سجاد تشوفينه
وتراسلينه عادي؟
فرح بابتسامه مكسوره:: على الأقل
سجاد أحسن من باقي الناس
شد قبضته أكثر غمّضت عيوني الألم
شدني بس كتمت صوتي حسّيت نَفسه
يدفه باذني
حمزه:: فرح قسم بالله العظيم أنهيجج
بس الكاج نوب حاجيه ويا
فتحت عيني وباوعتله بوجهه كل الحزن
والقهر بيّن بعيني
فرح:: اطلع برّا غرفتي
حمزه:: ف…
فرح:: اطلع
عاف إيدي وراح متمشي الباب كل
خطوه يخطيها يندار علي نضراته
تحركني وكف يم الباب وفتحه
واني كبل صحت عليه بصوت
مرتجف بس قوي
فرح:: ورا أربعينيت عمر تجيب الشيخ
وتجي تطلك
حمزه بابتسامه فيها وجع وسخرية:: چن
هواي تحلمين العصر
دار وجهه وعافني وطلع من الغرفه
ظليت أسمع صوت خطواته لحد
ما اختفن طلعت وراه على كيفي
لكيته نازل باوعت من فوك الدرج
سلم على أمي وطلع من البيت
واني رجعت غرفتي قفلت الباب ورجعت
حضرته من الانستگرام وإيدي ترجف
ودموعي واكفه بعيني ما نزلت لأن
بعدني مو مصدكه الي صار…….
•~•~•~•~•~•~•~•~•~•
ليان…….
بليل أسمر بعده ماجاي واني مخليه
جود بكركوته وجمانه مخليه الها العابها
الجو ساكت إلا صوت المروحه احسه
يخنك واني اعزل بالغرفه طلعت ملابسهم
للغسل وعفتهن بسله بالحمام
ورجعت انضف بيها وامسح حسيت
التعب ماكل جسمي بس استمريت لحد
ماخلصت كعدت يم جمانه بالكاع شفتها
تلزم لعبتها وتضحك بس ضحكتها جانت
مثل نسمة خفيفة تنطي طاقه لجو ثكيل
فجأة انفتح الباب رجف كلبي من
الصوت دخل أسمر ملامحه تعبانه
بس عيونه ثابته شايل بيده علاكه
مرسوم عليها موبايلات اجه وانطاها
إلي ومشه الحمام بدون ما يحجي
بديت أباوع على العلاكه الفضول
غلبني فتحتها ولكيت كارتون موبايل
جمانه شافت الكارتون يمي وركضت
تريده خذت الكارتونه منها وفتحتها
طلع موبايل جديد حتى لزكته بي
حسيت كلبي ضج بالأسئله
شنو أسمر مشتري جهاز جديد ليش
انطيت الكارتونه الجمانه وكمت
خليت التلفون على الميز بس عيوني
كل شوي تروح عليه غصب
صاح أسمر بصوته الهادئ الثكيل
أسمر:: ملابسس
كمت بسرعه ماعرف ليش حسيت
نفسي متوترة رحت الكنتور طلعت
إله ملابس ونطيتهن اله ورجعت
كعدت يم جمانه حاولت أتجاهل
وجود التلفون بس كلبي مو راضي
يسكت هو طلع من الحمام شعره بعده
مبلل وكف على الميز يشسور ريحة
عطره انتشرت بالغرفه وخلتني أتخربط أكثر
أسمر:: شنو ماعجبج
التفتت له ملامحي جامده بس جواي
فوضى
ليان:: شنو
أسمر:: الموبايل
ليان:: هو مالتك يعني قابل شعليه اني بي
أسمر:: لا هاذا الج
تجمدت لحظه حسيت قلبي نغزني نظرت
للتلفون وبعدين له
ليان::شسوي بي اني
أسمر:: شنو شسوين بي غير ماعندج موبايل
ليان:: احسن ماريد موبايل اني
صوته بدا يعلى شوي بي نغمة أمر
أسمر:: ليان اخذي واسكتي
رفعت راسي وباوعت بعينه بثكل نبرتي
جانت ممزوجة بالوجع والعناد
ليان:: وشنو هيه اجباري اخذه ماريده
صمت لحظه بعدين كال ببرود
أسمر:: السبب
غصة طلعت بصوتي قبل الحجي
ليان:: كله مشاكل واني ماعايزني
رجع فتح الشسوار وكمل جان يتصرف
طبيعي كأنه كلامي ما وصل له بس
كال بنبرة بيها سخرية خفيفة
أسمر:: طبعا إذا انتِ تجيبين المشاكل الروحج
صرخت بدون تفكير بصوت مبحوح من القهر
ليان بصيحه:: شنوووو
التفت إلي وصاح بصوت عالي
اسمر:: ليشش مستغربههه من كلاميي
مو انتِ إلي يهددوججج وانتِ ساكتههه وماشيهههه بحجيهم لو أنا غلطانننن
جمانه كبل جتي لزمتني من دشادشتي
وضامه نفسها وراي عيونها مليانه خوف
وقلق من صوت ابوها العالي
ليان:: اسمر لتصيح كافي
ماحاجاني عدل شعره واخذ سويجه
ومحفظته وطلع من الغرفه نزلت نفسي
لمستوى جمانه وابتسمت بوجهها برفق
حتى تطمئن قلبي يخفف شوية من توترها
ليان:: ماكو شي لا تخافين
فتحت اديها وحضنتني واني هم حضنتها
وحسيت دفء صغير يدفيني شلتها
ومشيت بيها للجربايه خليتها على
المخده ورحت طفيت الضوء ورجعت
تمددت يمها وهيه كبل شمرت نفسها
بحضني وتبوس بوجهي كأنها تبحث
عن الأمان
ليان:: ولج كافي نامي
جمانه:: ماما ماما
ليان:: ها ياروح ماما
جمانه:: حبس
ليان:: واني هم احبس يله نامي ماما
رجعت حضنتني بقوه كأنها ماتريد
تبتعد عني كلبي ينبض بسرعة من
إحساسها بالرهبة والحنان باوعت
عليها غمضت عيونها واني هم غمضت
عيوني توني وجاني صوت جود وجمانه
أول ما سمعته طفرت وكفت على الجربايه
تباوع عليه وهي تصيح
جمانه:: ماما داده
ليان:: اي ماما دادا
كمت من الجربايه شغلت الضوء
ورحت الجود شلته وجمانه على
وكفتها كلبي مليان حب واطمئنان
لهواهم رجعت خليته على الجربايه
وهو يبجي ورحت الكنتوره وهوه بعده
يبجي
ليان:: اصبر ياماما
طلعت اله ملابس وبودره باوعت
عليه لكيت جمانه تبوس بي ابتسمت
على منظرهم وكلبي يدفى من الحنيه
إلي بينهم واني اشوف جمانه حنيتها
على اخوها وما تغار عليه رحت
يمهم وكعدت
سحبت جود وصرت ابدله وهو يبجي
وجمانه تبوس بي عبالها راح يسكت
كلبي مليان شعور الدفء والأمان
ليان:: كافي ياماما هسه اني
شمسويتلك غير جاي ابدلك
ماكو ماسكت إلا كملتله تبديل شلته
أرضعه يله سكت وجمانه فوكنه ساعه
تبوس بي ساعه بيه شبعته وخليته
يلعب وجمانه يمه كلبي ينبض
من فرحة المشهد
انفتح الباب ودخل اسمر وجمانه بس
شافته كمزت عليه حضنتني استغربت
منها
ليان:: شبيج ماما مو جنتي تلعبين وي اخوج
رفعت ايدها واشرت على اسمر واسمر
انتبه عليها عكد حواجبه عيونه مليانه حنية
اسمر:: شبيها
ليان:: بسبب صوتك العالي خليت الابنيه تخاف
تقرب وفتح ايده
اسمر:: تعالي بابا
ضلت متردده تروح اله كلبي يحس
بالخوف والاستغراب بنفس الوقت
بس بعدين مشت على كيفها وراحت اله
شالها حضنها ويبوس بركبتها وهي
تدفع بي لحيته اجكجكها تضحك
وترجع تدفع بي كلبي مليان شعور
دافئ لحد ما نزلها وشال جود يبوسه
بس هي چنه غارت على ابوها كبل
كعدت على الجربايه وصرخت كلبي
رف من الحنان والغيرة بنفس الوقت
كبل طفرت عليها واريد اشوفها شبيها
شلتها الحضني وهيه على صرختها
اسمر شايل جود ماكدر يشيلها بس
تقرب عليها ويحاجيها
اسمر:: شبيج بابا
وجمانه ماتسوي شي بس تبجي تقرب
اسمر عليها بس هيه اول ماتقرب رفعت
ايدها ولطشت جود على وجه وسكتت
وجود صرخ نزلتها من أيدي وكبل اخذت
جود من اسمر وصرت اهز بي اريده
يسكت بس هو يزيد ماينقص بجي
ليان:: شجاك يمهه
ضليت احاول واحاول اسكت بي بس
هو مايسكت عفت اسمر وجمانه بالغرفه
واني طلعت منها نزلت جوه فتحت باب
المطبخ وطلعت برا واسكت بي وهو
سكت بس صوت شكاته كطعت كلبي تكطع
مشيت الحديقه واني تضربني نسمه
هوى بارده كعدت على الكرسي وبحضني
جود لحد مانام بحضني جود محلل شلته
على كيفي ودخلت جوه سديت الباب
بهدوء ومشيت كلت لو هسه عمتي
شايفته هيج باجي جان كلبتها على
راسي صعدت الغرفه لكيت اسمر كاعد
وبحضنه جمانه مشيت خليت جود
بكركوته محلل وغطيته
رجعت كبل بدون حجي اخذت جمانه
من حضن اسمر وتمددنه على الجربايه
وهي بحضني ضليت امسح على شعرها
لحد ماهيه هم نامت وردت اشيلها بس
اسمر:: عوفيها أنا اشيلها
اجه وشالها على كيفه وداها على جربايتها الصغيره وطفى الضوء اجه تمدد يمي انطيته ظهري وتغطيت داريد انام بس
الغطه تحرك عليه ما حسيت غير حضني
اسمر ومخلي راسه بركبتي جسمي كله
رجف احس بحرارته تلامس جلدي وكلبي
يدك بسرعه غمضت عيوني احاول اهدي
نفسي بس همسه قرب اذني خرب كل شي
اسمر:: شوكت يجي اليوم تجين بي
تنامين بحضني وبرضاتج
نفسه على ركبتي حسيت بيه
يدخل لروحي فتحت عيوني بخفه
وكلماته بعدها تدور براسي عافني
وابتعد عني بس حضوره بعده ملا
المكان معقوله يجي يوم واصير احبه
لاسمر واني ما عايشه وياه غير
علمود الاطفال
التفتت له اشوفه يكلب بجهازه ولا
كأنه صار شي نزلت نظري ورجعت
على نومتي بس كلبي بعده يوجعني
والحراره بعده بصدري غمضت عيوني
واني تنهيدتي طالعه بصمت ونمت
بحيره وخوف
كعدت على دكه تلفون أسمر فتحت
عيوني أسمر نايم وماحاس على نفسه
ومخلي جهازه فوك رأسه على تاج
الجربايه وجاي يدك ندسته بيدي
ليان:: اسمرر… اسمر تلفونك راح
يكعد الجهال…. اسمرررر
اسمر::: مممم
ليان:: كوم شبيك رد عليه
رفع ايده وشال جهازه باوع عليه كوه
مفتح عينه بس چنه اصلا مانتبه لاسم
جاوبه وهو يكول
اسمر:: منو……… ها
اشو هاذا انطاني الموبايل باوعت شفته
حمزه كبل اخذته واسمر نكلب نام على
بطنه وجاوبت عليه
ليان:: ها حمزه إني هسه شويه واجي
حمزه:: اخذي نفس بلاول أمي تريد
تحجي وياج
ليان:: كللها هسه شويه وتجي…
حمزه:: دحجي وياها هسه
ليان:: انطيني ياها
أمي:: الو يمه
ليان:: ها يمه اتاخرت بالنومه هسه اجي
أمي:: لا يمه لا تجين
ليان بستغراب:: ليش يمه
أمي:: هاي هيه يمه ليومين تضلين
تجين تنضفين
ليان:: يمه….
أمي:: خلي اكمل يمه… هاي هيه أنا
انظف أنتِ هم اهتمي بالجهال وهم
بيت عيالج ليوين تردين اضلين تنضفين
بيتين شصاير عليج
ليان:: يمه على اقل خلي اجي اليوم انظف
أمي:: لا وبس تجين احودج ارجعي نامي
اليوم جمعه
ليان:: هاي هيه يمه مثل ماتردين
سديته منها باوعت الجهال على نومتهم
واسمر نايم رفعت الغطى عليه وإني
هم نمت
وهيج مرن كم يوم وكتشفت جمانه
تغار على ابوها من جود بس من عندي
طبيعي ماعليها منعت اسمر من جود
بوجود جمانه لأن صايره بس تشوف
اسمر قريب على جود تضربه وهيه
منه تشوف عمه سناء هم تهتم الجود
اكثر من عدها حسيت البنيه هسه يله
بلشت تغار بالرغم هيه من البدايه
ماغارت هسه يله….
اسمر بالعياده وعمي مو اهنا بغير
محافظه هو واصدقائه وعمتي بسوك
شايله جود وعلى كيفي نكعت التمن
جمانه وراي تمشي هيه ولعابتها
ليان:: ماما جمانه روحي بالصاله العبي
وهيه ماكو رد بس تمشي وراي الباب
اندك وحرت بيهم فتحت باب المطبخ
ومشيت الباب بس التفتت وراي جمانه
واكفه بباب المطبخ فتحت الباب إني
وطلعت عمتي جايه دخلت بس من دخلت
جمانه ركضت عليها وكان تاني حضن
جدتها بس عمتي لاسف دائما تبعدها عليها
عمه سناء:: جيبيلي جود اريد احضنه
ذبت علاليكها بالكاع وجتي اخذت جود
من حضني وإني اباوع لجمانه إلي اتاني
يمته يجي دورها وتحضنها وعمتي بس
اخذت جود راحت البيت دخلت باوعت
للعلاليك لكيت مثل العبه بس شنو
مادري تقربت وفتحت العلاكه لكيت
سياره ابتسمت وإني اكول
ليان:: شوفي جمانه جده شنو جايبتلج
ابتسمت وتقربت اخذته من أيدي
ومشت قبلي دخلت البيت وإني دنكت
اخذت العلاليك من الكاع ومشيت
وراها دخلت المطبخ وجمانه راحت
الصاله توني نزلت العلاليك بالمطبخ
وجتني جمانه تبجي وتاشر على الصاله
ليان:: شبيج ماما ليش تبجين
تبجي وتاشر على الصاله شلتها وإني
امسح بعيونها رحت الصاله لكيت عمتي
مكعده جود بحضنها وبيده السياره
ليان:: عمه السياره ليش ماخذتها من
جمانه غير أنتِ جايبتها الجمانه
عمه سناء بستغراب:: ومنو كلج أنا
جايبته لجمانه
ليان:: عمه لعد المن منين النه جاهل
يلعب بلالعاب غير جمانه
عمه سناء:: لا أنا جايبتها الجود
صار توزع بوسات على وجه جود
وجمانه تباوع الهم ومبرطمه شفايفها
تريد السياره اتأكد عمتي مو مال
واحد يحجي رحت التلفونه على
الكاونتر وتصلت على اسمر شويه يله رد
اسمر:: يمه محتاجين شي
ليان:: هاي إني
اسمر:: ها تردين شي
ليان:: أي
اسمر:: أي احجي
ليان:: تجيب ملاعيب الجمانه وأهم
شي سياره وياهن
اسمر:: شسوين بيهن تردين تزيدين
العدها ماجيب العدها هواي
ليان:: أي لا تجيب وبس تجي ايدك
فارغه احسبني لبست عباتي ورحت لاهلي
سكت ماجاوب بسرعه وبعدين حجه بضحكه
اسمر:: ليش هوه أنتِ عندج عبايه
ادركت نفسي شنو حجيت بس بسرعه كتله
ليان:: نفس ماكتلك اذا جيت ايدك فارغه
احسبني طلعت من البيت ورحت البيت اهلي
ماخليته يحجي وكبل سديت الموبايل
باوعت لجمانه تباوع لموبايل لزمت
ونطيته الها ونزلتها راحت تلعب بي
واني ضليت بالمطبخ اكمل الغدا
جمانه طلعت برا وبيدها الموبايل
ماصحتها خليتها على راحتها واني
كملت كلشي صاحت عليه عمتي
رحت الها
ليان:: ها عمه
عمه سناء:: شو جيبيلي موبايلي خلي
اخابر على عمج
ليان:: أي أي
رحت ادور عليه على الكاونتر مالكيته
بعدين يله اذكرت إني منطيته الجمانه
وهيه طلعت برا طلعت ادور عليها لكيته
كاعده ومطيتني ظهرها تقربت ازيد عليها
ووسعت عيوني بصدمه واني اشوف
الموبايل كبالها مفلشته تفلش
ليان:: جمانهههه
هيه سمعت صوتي خطيه كبل طفرت
شردت دخلت جوه واني بقيت
بالمصيبه السوتها هيه
_هسه شيخلصني من لسان عمتي
شلت الموبايل من الكاع وضليت صافنه
بي هاي شلون كسرته حاولت اشغله
اشتغل والشاشه كلها مكسره سميت
بسمِ الله واني هم دخلت وديته العمتي
انطيته الها وهي فتحت عيونه بصدمه
عمه سناء:: هاي شمسويتلههههه
ليان بخوف:: عمه هاي مادري ووكع من أيدي
عمه سناء:: شلوننن ولججج شلونننن
توكعي تعرفين هااذ بيش
ليان:: ياعمه بس لا تصيحين مو زين
عليج إني اجيبلج جهاز أحلى منه
عمه سناء:: ولجج أنتِ جهاز مابيدج تردين اجيبيلي
ليان:: انييي جهاززز مابيدييي غير اسمر
جابلي تلفون يخبل
عمه سناء:: يمته
ليان:: قبل كم يوم تردينه إني ماريده
عمه سناء:: بله جيبي دشوفه
عرفتها مستحيل تفوته واني هم كيفت
لأن الموبايل ماريده يضل بالغرفه يمي
عفتها وصعدت الغرفتي اخذت الموبايل
ورجعت نزلت انطيته الها ضلت تكلب
بس وجان تكول
عمه سناء:: ماشي حاله يله نمشي بي امورنا
عفتها ماحاجيته المهم ماضلت تحجي
وبسرعه اقتنعت باوعت الساعه على
طبه اسمر مشيت صبيته شويه بماعون
لجمانه حتى يبرد بهل اثناء دخل اسمر
بيده علاكه جبيره انطاني ياها بدون
مايحجي شي وراح الصاله كعد يم
عمتي فتحت العلاكه وصحت على جمانه
ليان:: جمانهههه مامااا تعالي
جمانه:: اء اء
جتي إلي شلت سياره ونطيته الها
وهيه الضحكه شكت حلكه وراحت
تركض الصاله باوعت بلاعلاكه لكيته
جايب لعابه باربي حلوه وجايب دبدوب
الها هم خليت العلاكه على الكاونتر
وصرت اصب بالغده واسمر كام
يصلي هو وعمتي………..
مر سبوع على هاي الاصطوانه عمتي
تروح تجيب من السوك الجود وتخلي
جمانه وحتى ملابس صارت تجيبله
وجمانه تضل تباوع عليهم واني وره
ماعمتي تجيب الجود اخابر على اسمر
اخلي يجيب الها اشيائات وماخلي
شي بنفسها
وبسبب تفريق عمتي جمانه صايره
ماتريد جود أبدا وحتى من اني اشيله
اضل تبجي لحد مانزله اهلي مارحت
عليهم بعد وحرت بجمانه وجود
وكلت لاربعين اروح
•~•~•~•~•~•~•~•~•~
فرح……
طول هلشهر الكامل صرت بعناد حمزه
اراسل سجاد وانشر محادثتنه كلوز
وماضايفه أي شخص غير حمزه وهو
يشوفهن كلهن بس أبدا ما راسل ولا
اتصل عليه أبدا واني هم اضغطه
وهم مرتاحه منه
اليوم اربعين عمر وعزمنه عمو يوسف
ردت وتوسلت بامي أن اني ماريد اروح
بس لا امي الها رئي ثاني ولازم ترحين
وعيب عيب ونجبرت اروح وياهم
لبست وخلصت واخذت وياي عبايه لأن
من الصبح نروح النجف فاماراح نرجع
البيت خلصت ونزلت الهم لكيت أمي
مخلصه وابوي ماراح يكدر يروح لأن
عنده شغله مهمه طلعنه من البيت
ووصلنه ابوي وتعذر منهم وراح
دخلنا البيت وجانو كومه عالم
ومامسوين الزلم بالشارع لا جانو
بس الاقارب والزلم بالاستقبال
دنكت راسي واني امشي وامي وياي
لحد مادخلنا من المطبخ
جانت موجوده ريم وميس وعمه
زهور سلمت امي ودخلت جوه
يم النسوان واني سلمت عليهن
وكلت لريم
فرح:: أكو نسوان هواي؟
ريم:: لا بس النعرفهم روحي سلمي
هزيت براسي أي ورحت الصاله سلمت
عليهن بس ذني اقاربهم كلهن سلمن
من ورا خشمهن بس اني عادي جان
عندي وماهتميت رجعت الهم بالمطبخ
وضليت واكفه يمهن بس شو ليان ماكو
فرح:: ريم ليان وين
ريم:: فوك اول ماجتي راحت الغرفه عمر
عمه زهور:: سودا عليه جانت تجي تنظف
البيت وتصعد تنام بيها يله ترجع
ريم:: عمه هاي شوكت
عمه رنا:: ورا السبعه
ريم:: ماعرف والله حتى اهلي مارايحه عليهم
عمه زهور:: شعجب ريمه ليش ماترحين
جان رحتي بالايام علمود ليان
ريم:: عمه والله إلياس موتني ولان
ضاله لسبعه اهنا ماخلاني بعد اروح
عمه رنا:: جان كلتي لعمتج اقبال حاجته
ريم:: عمه هوه قافل واذا حجيت العمتي راح غصب عنه يرضى واني اريد يوديني برضاته
عمه زهور:: أي عمه احسن ضلو بينكم اتفاهمو
ضلن يسولفن واني واكفه بس ابد
مادخلت بحديثهن بس ضليت استمع
دنيا عصر وكالساعه جاين على جاي
لو مي ياخذون الزلم وعمه زهور وريمه
هنه الي متكلفات بهلشي وميس بس
واكفه مثل العامود ما منها فايده ابد
عمه زهور بصوت متعب:: تعالي فريحه
وي ريم ظهري وجعني
فرح:: اي عمه اني اهنا روحي ارتاحي
خطيه راحت هيه واني استلمت الجاي
وريم تخلي مي بالثلاجه وميس بس
تيل وواكف بالجذب ماتكول خلي
نساعد واخير شي طلعت من المطبخ
وضلينه بس اني وريم بي
ريح المي
المختلطه بالزاهي تمله المكان وصوت
الكلاصات لما تصفها ريم يصير مثل
نغمه تعب واني بس احاول اشغل
نفسي حتى ما افكر بس كل شي
جوه يضوجني ويخنكني
ريم:: هم شفتي حمزه
فرح:: لا
مطيه ظهري الباب واشكر الكلاصات
السفري واخلي الهن خواشيك هم سفري
مااهجس غير انفتح الباب وبس صوته
يدخل المكان مثل شي جنت متوقعه
من البعيد
حمزه بصوته الهادي الثكيل:: سبع
كلاصات جاي
ريم:: اي فرح صبي سبعه
أ
يدي ترجفت شوي واني اشيل القوري
وصبيت الجاي ريحة الجاي تخنكني شلت
الصينيه ونطيتها اله وعيوني ظلت مركزه
على الصينيه بس حتى ما اشوف وجهه
بس حسيت بعيونه عليا حسيت بنظره
ثكيله تجرح من دون حچي اخذها
وطلع بدون ما يكول كلمه
ريم:: انتو متعاركين لو شنو
التفتت الها مستغربه من كلامها بس
كلبي بعده مضطرب من حضوره
فرح:: ليش
ريم:: حسيتكم باردين وبالك اول مره
تشاوفون صاير شي
فرح:: احنه راح نطلك
فتحت عيونها على وسعهن صوتها
تغير بي خوف واستغراب
ريم:: تخبلتي شنو هاذا الحجي
فرح بصوت متكسر:: اصلا هاذا الشي
من زمان جان لازم يصير
ريم:: هاذا قرار منو
فرح:: اني
•~•~•تصويتكم•~•~
ريم:: وحمزه
فرح:: هو بالاساس الي دمر كل شي
بينه وهسه خلي يتحمل
ريم:: فرح شنو صار الكم شبيكم
فرح:: مابينه شي بس احنه مستحيل
نكون سوه وهم اولها احسن من تاليها
وهمزين عرفت تفكير حمزه قبل مانزوج
وتصير علاقه بينه
ريم:: ماعرف بعد هاي حياتكم وانتو
بعد تقرروها وتشوفون الصح من الغلط
هزيت براسي اي وسكتت بس جوه
نفسي صوت يبچي حسيت تعب مو
طبيعي كلشي بيه يريد يصرخ بس
بعدي ساكته مثل مي ناشف
ضلينه ننطيهم مي وجاي وجان محمد
يجي على المي صار حمزه يجي ياخذ
المي والجاي وماشفنه احد بعد من الولد
للمغرب بعد ماجوي على الجاي بس
مي ياخذون وصارو يصبون عمه زهور
وعمه رنا كالعاده هنه الي يرتبن بهل
اشياء وودن النسوان اني وريم مارحنه
يمهن بالصاله مجرد اكلنه لكمتين وقرينا
الفاتحه الجو كله هدوء وثكيل حتى
النفس يطلع بصعوبه
ريم خلصانه زيد مو وياها يم عمته
موديته واني وياها استلمنه المطبخ
نغسل ونمسح الماي حار على ايدينه
والزاهي ريحته قويه بس مانتذمر
متعودين تعبنا نغسل الصياني
وصياني الزلم كلها وطلعوا الزلم
من الاستقبال وكلمن على بيته
اني وريم حضرنه سطل وبي زاهي
ودنريد أنظف الاستقبال خالات
ونسوان خوال ليان الي تروح النجف
بقت والي ماتروح رجعت البيتها
وضلينه بس احنه هيج كم وحده
وعمه رنا وقبال وزهور رجعن يحضرن
نفسهن وهم بيوتهن فارغه كالن غبشه نجي
رحنه للاستقبال اني وريم ولكينه
حمزه اهناك ريم ماهتمت بس كلشي
تجمد بيه نظرتله لا حس ولا صوت
سطل الزاهي بيدي ويدي ترجف كلبي
يضرب بسرعه مو طبيعيه كل التعب
وهو على كعدته ما تحرگ أبدا ماتحملت
إني وكبل كتله
فرح:: ممكن تطلع برا نريد نظف
رفع راسه وباوعلي كأنه مصدوم
من حجيي أو لأن أول مره هيج
احاجي
بهاذا الأسلوب
حمزه:: شنو
ردت احجي وارد عليه بس سبقتني ريم
ريم:: حمزه خويه انريد نظف الاستقبال
تكدر تطلع حتى ناخذ راحتنه
كام وبيده الموبايل خلاه بجيبه باوعلي
بنضره عجزت افسرها وطلع من الاستقبال
هو طلع وريم جتي عتتني من أيدي
ريم:: بشرفج هو هاذا حجي
فرح:: اهووو عوفيني إني اعرف شلون احجي
ريم:: أي أي ضلي على هاذا حجيج
ماحاجيتها وصرنه نظف بالاستقبال
لحد ماكملنا شغلت ريم بي بخور
وخلينه وماعرف شعجب لكينه
خوات عمه صابرين منظفات
المطبخ والصاله وشباب همه
غاسلين الطارمه وي الكدوره
مابقينا كاعدين يمهن وأصلاً هيا عمه
صابرين كاعده تقرأ قرآن على شنو احنه
نكعد يمهن صعدنه لليان كبل رحنه لغرفه
عمر لأن نعرف بيها وين
فتحنه الباب ودخلنه لكيناها نايمه
ويمه جود وجمانه ثنينهم رجعنه
سدينه الباب عليها وكعدنه بغرفتها
تمددت إني على الجربايه اخذت
شويه راحه وما عرف شلون غفيت….
ريم:: فرح…. يمعودههه اكعدي…. خايبه
شبيجج ولج فريحههه
اسمع صوته بس ماريد ارد عليها
اريد اكمل نومتي ماحسيت غير قطرات
مي على وجهي كبل فزيت وهي كبل حجت
ريم:: همزيننن كعدتي صالي ساعه اكعد بيج
فرح:: شبيج ريم ليكعد هيج
ريم:: عوفي الحجي تعرفين بس ربع
ساعه وراح نطلع النجف السياره على جيه
فرح:: جذابههه
ريم:: وعلي يله كومي بسرعه حتى عمه
فاطمه كالت هاي شنو تريد اضل نايمه اهنا
كمت بسرعه الحمام ليان غسلت وجهي
على السريع وعدلت شالي زين نزلت
بسرعه لكيت الكل متحضر والنسوان
كلها لابسه اعبيها وعمه زهور والبقيه
هم جايات وجانت ليان لابسه صايه
مو عبايه وشايله جود وجمانه يمها
رحت إني على السريع لامي
اخذت منها عباتي ولبستها وصدك
كبل كالو السياره اجت طلعن بلاول
اقارب عمه صابرين وصعدن ليورا
النسوان الكبار كلهن وخلنه احنه
نكعد ليكدام جانو جايبين كوستر
أم ال28 راكب
صرنه إني وريم وليان وويانه عمه
رنا بالبدايه وكدامنه الزلم حمزه صار
صفحه واكدر اباوع عليه وهو مايشوفني
ونطلقنه النجف الاشرف
طول الطريق جمانه تنك على ليان وجود
هم كاعد وهيه تريد بس تنوم واحد بيهم
وثنينهم ماينامون مديت أيدي لجمانه
وحجيت بصوت خافت
فرح:: جمانه تعالي يمي
باوعت عليه ودارت وجه مني خلت
راسها على رجل ليان وطنطن
فرح:: ليان انطيني جود واخذي جمانه
وخطيه هيه بسرعه انطتني جود
وشالت جمانه الحضنها وهاي حضنتها
وسكتت ضلت ليان اطبطب على راسها
لحد مانامت وجود بحضني مانايم وأبدا
مانام وكان الاصوات تزعجه
باوعت على يباوع بالموبايل ميلت
راسي شويه داشوفه شديسوي لكيته
مطلع إيه قرآنية ويقرأ ضليت اباوع
عليه لحد ما دار وجه إلي وشافني
اباوع له ماعرفت شنو اسوي بهل
لحضه حسيت لو الكاع تنفتح
وتبلعني على هاي الدكه كبل
نزلت راسي وضليت مسويه
نفسي اباوع لجود
ضلت تمشي وتمشي بينا السياره
لحد مادخلنا القبور ” ماقبلو بالبدايه
الزياره وكالو زياره القبور الفجر
وي طلوع الشمس ”
تمشي بينه السياره واحنه نذكر
الفقدناهم وكل واحد بينه غارك
بحزنه نحچي عنهم بصوت مبحوح
ونكول “ياريت الزمن يرجع يوم
واحد بس حتى نحچي وياهم حتى
نكوللهم شكد حبيناهم وشكد وجعنا
بعدهم وجوههم بعد محفوره بذاكرتنه
وضحكتهم بعد تصدى بآذاننه كل نفس
بينه موجوع وكل ذكره تجر بدمعه
من العيون”
دموعنه تنزل على خدنه اباوع لليان
مخليه راسها على جامه السياره وصافنه
على القبور عيونها زايغه كأنها تفتش
بينهم عن وجه تعرفه صوت البجي
صار بالسياره وصوت عمه صابرين
يكسر القلب
عمه صابرين:: يايمهه ياعمير اجيتك يمه اجيتك
أصوات البجي تكسر الهدوء عمه
صابرين رجعت تبجي وتضرب على
رجلها وعلى أثرها كل احنه بجينه
بس ليان إلي بينه صافنه وكان
ماتريد تتقبل هاذا الشي
فجأة توقفت السياره وزاد النحيب
ونفتح الباب وصارو ينزلون تقربت
ريم واخذت جمانه من حضن ليان
وهيه بسرعه نزلت وراهم ودور
بعيونها
نزلنا احنه وهيه بس ادور بعيونها تريد
تلمحه قبر اخوها لحد ماستقرت عيونها
على قبر مكتوب عليه “عمر زياد عمران”
مشت ليان بخطواتها السريعه القبره
لحد ماوصلته وشمرت نفسها عليه
ليان:: يمههه عمررررر
نزلن عماتي وعمه صابرين بسرعه لحكت
ليان ونامن ثنيهن على قبر عمر ويبجن
صارت تحجي ليان بصوت مبحوح مليان وجع
ليان:: ليشش رحتت عمر ليشش
ليششش عفتنيييي
عمه صابرين:: يايمههه وليدي
والله البيتتتت وحشههه بدونككك
عميررر يمهههه
صوتها يرجف والدموع تنزل مثل
المطر على خدها كأنها تتكسر ويا
كل حرف تطلعه من حلكها شفايفها
ترجف تحاول تحچي وتختنك بين
شهقه وثانيه
ليان ببجي:: تتذكر شلون جنا نحجي
ونتعارك ونتصالح بعدين تتذكر شلون
جنت تغطي علي حتى لا أتعاقب جنت
تحبني حب الاخ الكبير إلي يخاف من
نسمه تاذي اخته ليش ما خفت علي
من غيابك عمر ليش ماراعيت وعدك
إلي وعدتني بيه تبقى وياي
تصرخ وهي تبجي صوتها يوجع القلب
وجسمها كله يرجف من الحزن حضنت
القبر بكل قوتها كأنها تريد تطلعه من
جوه التراب وتكول بصوت متكسر
ليان:: عمر تعرف شلون البيت صار
بعدك ساكت مابي صوتك مابي ضحكتك
اخخخ ياخويهه
نزلت على ركبها وراسها على القبر
ودموعها تغسل الحجر صوت شهقتها
يمتزج بصوت البجي حوالينها وبهمس
متقطع من بين دموعها تكول
ليان:: عمر سامحني إذا قصرت
وياك سامحني إذا مره زعلتك
بس صدگني ماأگدر أنساك ماأگدر
اتقبل انته صرت جوه التراب واني
بعدني اتنفس فوكه كلشي بيه
يوجعني لأن انته مو يمي
انكسر صوتها أكثر وصارت تبجي
بصوت عالي وكول بين شهقاتها
ليان:: عمر تعال مره وحده احس بيك
حسسني إنته بعدك قريب كلشي بيه
يوجع بدونك عمر اني ضعت والله ضعت
اباوع حمزه بعيد عنه كاعد ودموعه تنزل
ماتقرب على قبر اخو وعمه زهور يم ليان
وتحاول تحجي بيها بس جيب اليهيدها
وهيه فاقده اخو
عمه زهور:: ولج يمه على كيفج وي
روحج
عمه رنا تبجي بس تحاول تهديها
عمه رنا:: شيفيد البجي راحح يرجعه
الجج لو يفيد البجي جان رجعنه القبلهم
ضلت ليان تبجي وصوتها عالي وعماتي
هم خلنها على راحته وطلع البكلبها وهيه
هم ماقصرت وضلت تحجي وتبجي جدو
عمران على وكفته وبيده عكازته ومنزل
راسه دموعه تصب عمو نفسه هم
دموعه تصب على خده
تقرب حمزه وهو جهازه بيده ويباوع بي
كعد يم قبر عمر ولزمه بايده وصار يقره
اله قرآن بصوته الهادئ وليان وعمه
صابرين على حطتهن وبجيهن
ساعه كامله واحنه بالمقبره أخير شي
كالو يله وليان تخبلت عليهم
ليان:: ويننن وينننن شبيككممم
تردوننن تعوفوننن عمررر
عمه زهور:: ولج ليان يمه نجي نوب
نجي ونوب مانعوفه كومي يايمه هسه
نروح نزور أمير المؤمنين
ليان:: ماتجيبوني اعرف بيكم ماراح
تجيبوني اله
تقرب اسمر ونزل نفسه كعد يمها لزم
وجهه بثنين اديه وهو يكول اله
اسمر:: شوكت ماتشتاقيله وتردين تجين
تزورينه أنا اجيبج
ليان ببجي:: اعرف بيكم تحجون هيج
حتى ااروح وياكم
اسمر:: وعد بس تكولين وديني لعمر أنا اجيبج
هزت راسها بمعنى أي ودموعه على
خدها وكوه كومها اسمر من القبر
وينكت بصايتها من التراب وعمه
صابرين كوه كوه عليها قنعوها
وخلوها تكوم صعدنا بالسياره
بس حمزه بقه يم قبر عمر وضل
يقرا له قران اباوع اله من جامه
السياره دموعه تنزل على خده
بس مستمر يقرا قران
سد الموبايل قراءه الفاتحه
وانطلقنا من النجف
نزلونا بمكان بعيد عن الامام وظلينا
نمشي اسمر اخذ جمانه من ريم
ومشى بيها بس جود عندي اني اللي
ضليت شايلته ومنطيته الليان ابدا
نمشي صرنا ونتقرب للامام
الهوى يختلف وتحسه راحه نفسيه
للشخص ضلينه نمشي وجود كعد
بس بقه ساكت مابجه وكف اسمر
يم محل وأخذ لليان جادر صلاة
لأن مايفوتوها بالصايه كسره
من جيسه وتقرب على ليان لبسه
الها ورجعنه نمشي
وصلنا التفتيش وتفارقنه دخلنا
للنساء وزدحامات بالنص ساعه
يله اجه سرانه وطلعنه وهم انجمعنه
ورجعنه اتفارقنه للتفتيش واخير
شي انجمعنه يم الامام كعدو همه
على الفراش المفروش وكالت عمه
زهور
عمه زهور:: عيني اني راح اخذ البنات
الحمامات يتوضن حتى ندخل نزور
_روحن روحن
راحت ليان واخذت جمانه من
اسمر ومشينه ورا عمه زهور دخلنا
الحمامات بس شنو بالك الناس
كلها جايه الحمامات ماتنطب ماتعرفين
دربج ونسوان وجهال هوسه هوسه
كوه لكينه مكان اخذت ليان جود
وغيرتله وجمانه تروح وترجع عليها
ليان:: اوكفي جمانه هسه اغسلج
نزعت عباتي وخليته على مكان علمود
اتوضى وعمه زهور وريم هم توضينه
وندارينه دنلبس بس ستوقفنه صوت
ليان
ليان:: جمانه وينن
باوعنه عليها تلوف يمين يسار
ادور بعيونها
عمه زهور:: مو جانت اهنا
ليان:: أي أي وماعرف وين راحتتت….
باوعنه اهنا وندور بالمكان الاحنى
بي ماكو جمانه ولا أكو طفله صغيره..
يتبععع……….
•~•~•~•~•~•~•~•
الكاتبه ضحى اليوسف
الفصل التالي: اضغط هنا
يتبع.. (رواية احفاد عمران) اضغط على اسم الرواية لتجد الفهرس كاملاً بجميع الفصول.