رواية احفاد عمران – الفصل الرابع والثلاثون
أحفاد عمران
بارت _34_
وسترجعت بعضاً من الايام ذاكرتي
التأخذني الى اقصى محطاتي
الى حباّقديمً في مدينتنا
الى وقتً بهِ اختلفت قناعاتي
فما فارقت قرب الناسِ من عبثً
ولا اقوى ع ملئ الفراغاتِ
•~•~•~•~•~•~•~•~•
فرح….
ضل صافن بوجهي يمكن مامتوقع
هاذا ردي يمكن جان متخيل آخذة
بحضني ونسى كلشي صار بس هوه
كبل كالها وكأنه جاي يأمرني
حمزه:: يله طلعي بره
فرح بابتسامه مكسوره:: اكرهك
حمزه:: وأنا ميت بيج على أساس
امشي بابا امشي روحي طلعي كلج
على بعضج كصتج زليه علينه على
شنو نحبج وانتِ أول ما خطبناج
وجبتينه المشاكل كلها
ضحكت من كلبي بس ضحكه بكلب
مكسور بيها وجع ودمعه محبوسه
وجع إنو اقرب ناس إلي صار يحچي
هيچ وجع إنو حمزه نفسه صار مثلهم
باوعت بوجهه ودموعي بدت تنزل
ببطء تجوي خدي
فرح بصوت مبحوح:: حتى انت تفكر
مثلهم تعرف شغله
رفعت راسي عليه ودموعي بعدهن ماوكفن
فرح:: اتندمت على شغله وحده بحياتي
هوه بقى ساكت عينه تشتعل فضول
وخوف تقدم بخطوه وكأنه يريد يسمع
بس اني سبقت الخطوه ووكفت كباله
رفعت ايدي وبأصبعي ضربت على كلبه
فرح:: تندمت على الأيام الكضيتها وياك
كرهتك بكد ما حبيتك حمزه كرهتك
صوتي انكسر بنص الجمله بس حاولت
أبين قويه واني من جوه منهاره كل حرف
كلته طالع من وجع من خيبة من حب
تحوّل رماد هوه بقى يباوعلي وعينه
صارت تميل للحزن بس بعد فات الأوان
عفته بالغرفه وطلعت سديت الباب
بقوه كعدت على الدرج خليت أيدي
على حلكي وصرت ابجي واشهك بس
ماخليت صوتي يطلع أبدا كتمت وجع
كلبي ماينحمل كأنه كل شي انكسر
بداخلي
جنت احاول أتنفس بس الهوا
صار ثكيل على صدري ودموعي
تنزل بدون توكف حسيت بروحي
تختنك واني احاول اخفي كل شي
حتى عن الحيطان حتى عن نفسي
•~•~•~•~•~•~•~•~•~•~
ريم…..
على كعدتنه بقينه بس عمه زهور
واكفه بالمطبخ نزلت فرح بوجهه تعبان
عيونها حمره مبين عليها جانت تبچي
ما باوعت علينه أبداً كأنها غايبه عن
الدنيا راحت لبست صايتها وعدلت
شالها وراحت تمشي بتجاه المطبخ
فرح:: عمه فدوه خلي واحد يوصلني البيت
كمزت ورحت للمطبخ بخطوات سريعه
وشفتها واكفه يم عمه زهور وجهها باين
عليه التعب
ريم:: فرح شبيج بيج شي
فرح:: أريد ارجع البيت
ريم:: ليش؟ احنه مو علساس نضل للّيل
فرح:: لا ريم ماأكدر ماضل اهنا
عمه زهور التفتت عليها وهي مستغربه
عمه زهور:: ليش يمه حمزه حاجاج شي
خوما ضوجج بشي
سكتت شويه وبعدين نزلت راسها
وصوتها كأنه يختنك
فرح:: عمه فدوه خلي واحد يرجعني
سكتت ودموعها نزلت بسرعه حاولت
تمسحها حتى ماواحد يشوفها وطلعت
من المطبخ بهدوء ضليت أباوع وراها
واني حايره وكلبي يوجعني أحس
بيها مكسوره بس ماعرف شنو السبب
باوعت لعمه زهور تباوع وراها ورجعت
باوعتلي وكالت
عمه زهور:: شبيها ليش مخنوكه
ريم:: ماعرف شنو بيها
رحت وراها الصاله لكيت ليان كاعده
يمها وتحاجيها وهاي تبجي كعدت يمهن
واني مو فاهمه شي
ليان:: ليش تبجين حمزه سوالج شي
خلت ايدها على وجهه وصارت تبجي بوجع
ليان:: فرح احجي شبيج
ريم:: فريحه حبيبتي احجيلي شنو صار
ليش تبجين
وخرت ايدها من وجهه وهيه صايره حمره
من البجي حجت واحنه كوه افتهمنه عليها
فرح:: الله يخليجن خلي أحد يرجعني
ليان:: هسه اني اكول لحمزه يرجعج
كبل طفرت تصيح
فرح:: لا لا ماريد حمزه خلي أي واحد
يوصلني
ليان بستغراب:: فرح حمزه مسويلج شي
احجيي
فرح:: أريد ارجع البيت ماريد اضل فدوه
كولو الواحد يجي ياخذني
ليان:: كومي ريم كومي كولي لعمه زهور
هزيت براسي أي واني صافنه على فرح
شلون تبجي وتريد بس ترجع البيت حسيت
شي بخاطرها موجعها كمت بسرعه ورحت
المطبخ خطيه لكيت عمه زهور كاعده تغسل بالدجاج تريد تسوي ثواب لان اليوم خميس
ريم:: عمه صيحي واحد من الولد
عمه زهور:: ليش عمه
ريم:: فرح تريد ترجع البيت ماترضه اضل
عمه زهور بهمس:: شجاها هاي الابنيه
ريم:: والله ماعرف عمه يجوز تعاركو
هيه وحمزه ونهارت
عمه زهور:: هسه اني ادز على واحد
يوديها لان اذا اضل هاي تضل تبجي
عاد ترجع واحنه نشوف بعدين شبيها
ريم:: اي والله عمه احسن
رجعت الصاله وكتلهن عمه زهور راح
ادز واحد يوديها وهاي كامت بسرعه
غسلت وجهه وعدلت شالها ووكفت
بالمطبخ اتاني واني ليان بالصاله
ريم:: ماعرفتي شبيها
ليان:: ماحجت
كمت رحت يمها بالمطبخ وشويه
وندك الباب طلع محمد
محمد:: يله وينها
فرح:: هياني
سلمت علينه وطلعت راحت وي محمد
واحنه ضلينه على صفنتنه اشو احنه
وواكفين حمزه دخل المطبخ وكبل
برا حتى عمه زهور مالحكت تحجي
ويا شي
عمه زهور:: شماله هاذا
ريم:: ماعرف
رجعت الصاله وكعدت يم ليان ولا اني
اعرف شكو ولا هي..
•~•~•~•~•~•~•~•~•~
فرح…..
طلعت من بيت عمو جاسم واني كوه
مصبره نفسي احاول ما ابين اني تعبانه
بس الوجع جان واضح بعيني وصلني
البيت محمد نزلت من السياره
بسرعه ولا حتى
كدرت احجي كلمه
فتحت باب الشارع ودخلت
لكيت باب المطبخ مفتوح دخلت وشميت
ريحه الاكل بعده عالنار بس محد بالمطبخ
حسيت بدفئها شويه بس هم رجعت
دموعي
تنزل غصب علي
واني أتذكر
كلام حمزه
بسكوت وبدون ما احد يحس عليه كبل
صعدت الغرفتي واني دموعي تنزل دخلت
الغرفه وكعدت على الجربايه لميت رجليه
على صدري ونهاريت بالبجي صوت شهكاتي
يطلع بخفه حتى محد يسمعني
_معقوله اني فكر وهيج صار معقوله
حتى اهلي اني فكرتهم وجنت مو
خير عليهم
حسيت الدنيا ضاقت علي كلشي بيه
وجع وصمت وحرگه مديت روحي على
الجربايه خليت راسي على المخده ونمت
واني كاتمه صرختي جوه انفاسي خايفه
تطلع وتفضح وجعي
ماحسيت على نفسي شكد نايمه كعدت
واني كوه افتح عيوني احسهن منفوخات
وجسمي كله ثكيل راسي يوجعني وكأني
صارلي ايام ما نايمه
باوعت يمين ويسار ماشفت شي الظلام
مغطي المكان كله كلبي ديدك واني احاول
اتنفس بهدوء وتأكدت ان صار أليل كمت
على كيفي واني كلش خايفه لا اعثر بشي
واوكع حسيت رجلي كوه امشي عليهن
مشيت شوي شوي وفتحت الضوء طلعت
من الغرفه بخطوات بطيئه ونزلت
لكيت امي بالصاله كاعده وساكتة كبل
عدلت نفسي ومسحت وجهي بديه احاول
امسح التعب والخوف حتى ما تحس بشي
رسمت ابتسامه جذابه على وجهي رغم اني
من جوه كلبي كلشي بيه مو طبيعي وكملت
مشيي
هيه شافتني صفنت بوجهي نظرتها
غريبة وكأن ده تشوف شي ما تفهمه كالت
امي:: انتِ مو رحتي
فرح:: اي
امي:: اشوكت رجعتي
فرح:: اااءء رجعت ومحد جان موجود
واني نعسانه جنت وكبل صعدت نمت
امي باستغراب وصوتها بيه خوف كالت
امي:: وشبيهن عيونج
فرح:: شبيهن
امي:: انا مادري انا الريد الجواب
من سمعتها كلبي صار يدك اسرع حسيت
ببروده تمشي بجسمي مشيت كدامها
بسرعة حتى لا تبين ملامحي رحت
للمغسله باوعت على عيوني بالمرايا
وانصدمت عيوني حمر ومورمات
شكلي كلش تعبان حسيت بغصه
بحلكي ودموعي جمعت بعيني بس
كتمتهن انداريت عليها وكتلها
فرح:: هاي يجوز لأن فزيت من نومي
وماشبعت نوم
باوعتلي بعين صغيره وكأن ماصدكت
كلامي صارت عيونها تلاحكني واني
احاول اتصرف طبيعي كعدت يمها
وضليت صافنه حسيتهه نظراتها تحفر
بوجهي بس ماحجيت شي ظليت
ساكته وداخلي مليان خوف وتعب
وحزن ما اعرف منين جاي
•~•~•~•~•~•~•~•~•~•~•~•
ريم….
اليوم السبعه مال عمر الله يرحمه
جني عماتي من الصبح ووياهن امي
همين وهيه بس شايله زيد ما تحجي
ولا تساعد بس كاعده وساكتة
خلصنه تشريح المواد والولد اخذو
وجابو خضره الجو كله ثكيل محد اله
خلك يحجي ولا يضحك حتى الحركه
صايره بطيئه
عمه زهور:: شسوون بيها
محمد:: هاذ عمي جاسم
وكعدنه نلكط بيها لحد ماخلصناها كلنه
نتحرك ووجعنا بداخلنه محد اله نفس
يحچي سوت عمه زهور غده الموجودين
وغدتهم بس الاكل بلا طعم ولا ريحه
تعب ويأس بكل مكان واني وكلت جمانه
ووشويه وكلت زيودي وياها زيد كلشي
ماياكل يلعب بشالي ويحضني وكأنه
حاس بالحزن الي مغركنه
جابو كراسي وميوزه للزلم وللعصر بلشت
النسوان تجي وكل وحده تدخل تصيح
وتبجي وتكول كلام يخنك الكلب كل
وحده تجيب وياها وجع جديد والبيت
صار كله نواح وصوت قرآن من بعيد
ليان من الصبح نايمه بغرفه عمر مخليه
ملابسه بحضنها كأنها تخاف يختفن منها
صعدت الها اكثر من مره اكلهه نزلي بس
ماترضه تنزل تكول بعدني نعسانه بس
عيونها كلها دموع واني عفتها على راحتها ماجبرتها لأن حتى النفس ثديل والحيايه
هم موجودات
عمه صابرين كاعده على قرانها تقرا
بصوت حزين كل آيه تجر وراها تنهيده
واجني خواتها ونسوان اخوتها وهنه
بالصاله كاعدات يحجن بس واضح
الحزن بعيونهن حتى الضحكه تصير
وجع
واحنا بالمطبخ واني كل شويه عيني
تروح على الباب اكول يمكن تجي
فرح بس ماكو لا هيه ولا عمه فاطمه
عمه زهور:: ريم اشو فرح ماكو
ريم:: والله مادري عمه يجوز ماتجي
عمه اقبال:: ليش مابقت البارحه مو علساس
تجي
عمه زهور:: مو اجتي بس مارضت تضل
عمه اقبال:: الله كريم يجوز لأن جتي
البارحه ماتجي اليوم
ريم:: ماعرف اني بعد
ضلينه بالمطبخ واني شايله زيد متنحس
اليوم ومايريد احد حتى عمه اقبال مايريدها
جمانه يم ابوها وجود يم ليان فوك خلينه
احسن مايضل من ايد اليد
للمغرب كلش يله اندك باب المطبخ
وفتحت الباب عمه رنا وتفاجئنه من
دخلت عمه فاطمه بهيج وقت وجهها
متغير تعبان
عمه رنا:: فريحه وين
عمه فاطمه:: والله ماكدرت تجي
عمه زهور بستغراب:: شبيها
عمه فاطمه:: والله دتكول راسها يوجعها
عمه زهور:: سكتت شويه وبقت باوع
عليها بنظره كلها شك وحيره
انتبهت عليها عمه رنا وسكتت وياها
فوتت عمه فاطمه للصاله يم النسوان
والجو صار اثكل من قبل
عمه زهور:: منين ماجيبها حمزه مسويلها شي
ريم:: والله عمه اني هم اكول هيج يعني
البارحه فدنوب صارت ورا مانزلت وتريد
بس ترجع وهسه ماجتي اكيد صاير شي
عمه زهور:: اني احجي وي ام حمزه بس
يصير الوقت المناسب
ريم:: أي عمه والله ياريت
صبو العشه وعماتي رتبن هاي لامور
واني بقيت بالمطبخ لحد ماصارن يلمن
الصياني ويطلعن برأ الغسل اجتي ودخلت
المطبخ الحيه وهيه تحجي من ورا خشمها
ميس:: اكولج ريم
ريم:: نعمم
ميس:: شو ليان ماكو شنهو وين راحت
ريم:: موجوده موجوده بس ماتريد تشوف
اوجوه تسد النفس
ميس:: يا هاي ياهي الوجهه يسد النفس
ريم:: انتِ اقصد… لا وين اكو هيج حجي
ميس:: غير انت كلتي
ريم:: شوكت اني حجيت
ميس:: يا غير هسه ستوج كلتي هيج
ريم:: اني ماعندي هيج سؤالف
ميس:: ترا انت حجيتي
ريم:: شبيج حبيبتي صايره تتخيلين
حجي ماموجود
عافتني وفتحت باب المطبخ ضلت واكفه
واني اعرف كُلش زين الشباب تطلع وتطب بالطارمه وهيه على وكفتها ماتحملت
وكبل كتلها
ريم:: ماطبين وسدين الباب
ميس:: عفوا واكفه بباب ابوج
ريم:: ولا بيت ابوج وماخذه راحتج بي
وثاني شي بيت عمي بيت أبوي الثاني
ميس:: ههه ضحكتيني واني ماجاي على
بالي اضحك
ريم:: لعد ديري بالج كلبي لا تبجين
ميس:: لا حبيبتي لا تخافين مو إلي البجي
عفتها ماحاجيته وضليت ارتب بالكاونتر
واني زيد بيدي وكل شويه احس راح اروح
واشحطها من شعرها بس سكتت وماحجيت
شي
عماتي طلعن غسلن الصياني والكدروه
وماخلني اطلع وياهن علمود زيد بس
اني ضليت بالمطبخ هم اسوي جاي للزلم
لان ما شاء الله ولا وحده من اقارب عمه
صابرين كامت وكالت خلي اساعدجن
بشي ضلن كاعدات وبس الحيه ميس
وياهن ماكو اي بنيه شابه وياهن
غير الحيه ميس
وكملنا وهاي هيه وخلص هاذا اليوم
وكلمن راح الاهله واني رحت الغرفه
عمه صابرين الم ملابسي وملابس
زيد ولميتهن بجنطه ورجعت اخذت
جنطه من عمه صابرين الم بيها ملابس
جود وجمانه عمه صابرين كاعده على
الجربايه وتسبح ودموعها تجري بهدوء
عمه صابرين:: شسوين بملابسهم
ريم:: عمه اسمر كال بس تخلص السبعه
ليان ترجع لان اذا اضل اهنا تنتهي ليان
وما تتحمل
عمه صابرين:: زين يسوي يمه خسرت
وليدي وقطعه من كلبي ماريدن اخسر بعد
ماعرفت شنو احجي وشنو أرد عليها
رجعت الم بملابس لحد ماخلصتهن عفت
زيد وجمانه يم عمه صابرين وكمت
طلعت من الغرفة وصعدت فوك الغرفه
ليان حضرت جنطه الها وبيها ملابس
سود لان أعرف بيها ماعدها ملابس
اسود اهناك
شلت الجنطه وطلعت من غرفتها خليت
الجنطه يم الدرج ومشيت الغرفه عمر
وبالي ليان نايمه فتحت الباب على كيفي
ودخلت بس لكيتها كاعده وبحضنها جود
اطبطب على راسه
ريم:: عبالي نايمه
ليان:: جنت نايمه وجود كعد
ريم:: يله همزين كعدتي اني هم ردت اكعدج
ليان:: ليش
ريم:: خليت ملابسج وملابس الجهال بجنط
ليان:: شسوي بيهن
ريم:: اسمر كال راح ترجعون
هزت براسها بمعنى أي استغربت
معقوله هاي ليان ماحجت ولا علقت
على حجيي ولا على اسمر عفتها
وطلعت شلت الجنطه نزلت ونزلت
وياي الجنطه هم خليتها بالغرفه يم
الجنطه الثانيه وفجاة انصاح عليه
درت وجهي حمزه بالمطبخ ويصيح
حمزه:: ريمم ام زيددد
رحت عليه وكبل كتله
ريم:: ها ها
حمزه:: اليأس دز عليج
ريم:: ها اي اي بس دقائق
عفته وكبل الغرفه عمه صابرين واني
اكول هسه عمتي ليش تعوفني وتروح
طلعت صايتي ولبستها وعدلت شالي
سلمت على عمه صابرين وليان ماكدرت
اصعد الها لان فوك وتوني جنت فوك
شلت زيد وشلت الجنطه ومشيت جمانه
جلبت بيه وتريد تمشي وياي طلعت برا
وهيه وياي مجلبه بصايتي اسمر كبل
اجه عليها
اسمر:: تعالي بابا
جمانه:: اما
اسمر:: تعالي انروح المحل
برطمت شفايفه وعود زعلت بس مارضت
بعرض اسمر وضلت مجلبه بصايتي
ريم:: خليها تروح وياي وباجر تعال اخذها
اسمر:: لا تكتله لزيد اذا راحت
اليأس:: اي عمي بتك وكحه
اسمر:: عساس ابنك فقير
ضلو واحد يرد الثاني لحد مااسمر صدك
قرر يبقي جمانه تروح وياي واني هم
فرحت اخذها لان خطيه ليان عليها
ثنين اصغار
•~•~•~•~•~•~•~•~•
ليان…..
بعد مانزلت ريم وعافتني وجود نايم
خليته على كيفي على الجربايه وغطيته
كمت اني ورحت الكنتور عمر فتحته
واني متاكده راح الكه ولكيته اخذته
ورحت كعدت يم الجربايه بالكاع
وفتحته واني داخلي يصرخ ويبجي
بس اريد اعرف اكثر
“دفتر عباره عن رهف جان دائما يكتب لقائهم”
صفحه1_ طلعت من البيت مستعجل
وجان الكه جيرانه الجدد بنيه واكفه
وهي لابسه عبايتها الميزتها عن كل
البنات ومره جبيره وياها ومتاكد هاي
امها ضليت صافن بيها ونسيت طلعتي
وكل همي ردتها بس تلوف راسها وتباوعلي
بس ماباوعتلي وحطمت كل مشاعري
صفحه2_ ضليت ايام صوره لبنيه نفسها
مارايحه من بالي وكل الي اريده أريد
أتواصل وياها اريدنه اريدها الي
ماتحملت وسديته كبل واني اعرف اخوي
من زمان رايد هاي الابنيه ومااخذها بس
اخذ حبها بكلبه ويا الموت نزلت دموعي
بس مسحتهم كبل واني اهمس النفسي
_اشش لا تبجين لا تخلين امج تشوفج
تبجين لا تقهريها بدموعج كافي
كاتمه صرختي ودموعي كلهن بكلبي
وماريد اطلعهن ضليت بغرفه اني
وجود وحتى نمنه بيها لصبح
كعدت الصبح على ضوء الشمس اول
مافتحت عيوني جتي على جود النايم
وداير وجهه عليه تقربت وشميت ريحته
ابتعدت عليه وكمت لميت شعري وفتحت
كنتور عمر طلعت تشيرتات وقماصل ورجعت الجربايه خليتهن عليها وكعدت ارتب بيهن
رجعت ادور بالكنتور على جنطه لكيت
وحده صغيره كوه خليتهن كلهن بيها
خليت الجنطه بجتفي واخذت جود
بحضني ونزلت جوه
البيت هدوء وكان محد بي غيري
وبس صوت خطواتي تبين
خليت جود على القنفه ومشيت الغرفه
الباب مفتوح لكيت بس أمي تقرأ قرآن
باوعت يمنه يسره ماكو جمانه على
وكفتي وباوعت بتجاه المطبخ عسه
ولعل الكاها ماكو رجعت على امي
وكبل حاجيته بخوف
ليان:: يمه وين جمانه يمه
صدقت وباوعت عليه وهزت راسها اطمني
امي:: اخذته ريم
اهنا اطمئنت هيه بايداي امينه وماحاجه
اشيل هم الها طلعت من الغرفه ورحت
المطبخ خدرت جاي وسويت بيض
سلك وطلعت اجبان من الثلاجه رتبتهن
بصينيه وطلعت خبز هم خليته وكلاص
جايه اخذت الصينيه ورجعت الغرفه
خليتها كدام امي
ليان:: يله يمه اتريكي ورجعي اقري قرآن
ضلت تقرأ ولا بالك حاجيته
ليان:: يمه يله اتريكي… يمه اروحلج فدوه
اكليلج شي
ضليت احاجيها واتوسل بيها بس تاكل
بس هيه ولا كأنما اني جاي احجي بس
اخير شي ماتحملت وكبل كتلها واني
دموعي تنزل على خدي
ليان:: يمه بروح عمر عزيز كلبج تاكلين
صدقت ورفعت راسها إلي وهيه مو أقل
مني دموعه على خدها وتنزل بدون توقف
سدت القرآن وباسته وخلته على صفحه
واني قربت عليها الصينيه بس هيه دفعته
كبالي وهي تكول
امي:: اكعدي انتِ اكلي يله
ليان:: اني ماشتهي
امي:: لا تشتهين يله
ليان:: اكلت قبل شويه بالمطبخ
أمي:: جذبج بطلي ويله كبالي تاكلين
بروح اخيج
مسحت دموعي واني اكللها
ليان:: يمه لا تحلفيني لا تحلفيني
امي:: يمه كلبي خلصان بعد مابيه حيل
لا تزيديها عليه انتِ وحمزه
ليان:: يله ماما حبيبتي اكلي حتى
انطيج علاجج
قربت الصينيه يمها وهيه سمعت مني
واكلت لكمتين ودفعت الصينيه
ليان:: هاي شنو يمه
صرت اسويله لفات وانطيها يله اكلت
شويه ودفعت الصينيه واني ماجبرتها
هلمره شلت الصينيه وطلعت من الغرفه
رجعت المطبخ عزلت ومسحت الكاونتر
ورحت جبت وصله مسحت البيت كله
وجود على نومته لحد ماندك الباب
بسرعه نزل حمزه من فوك واني أصلا
ماجنت اعرف وينه
شويه ودخل ودخل ورا اسمر ماستغربت
من جيته وعرفت ايريد ياخذني
اسمر:: وين الجنط
اشرتله على الغرفه وحمزه كبل كله
حمزه:: أنا اجيبهن
رحت اني يم امي وصرت اوصي بيها
على اكلها وعلاجها وهم وصيت حمزه
عليها واني اعرف بنفسي لو ردت اضل
كلهم ماراح يرضون ورضيت من البدايه
اخذت صايه وشال خليته على راسي اسمر
مودي الجنط البيت وبس شال جود
وطلعت من البيت دخلت بي فرحانه
اسوي عيد ميلاد لاخويه وطلعت
اني فاقدته
مر سبوعين على رجعتي اسمر رجع
ماشوفه لليل طول هالسبع ايام
هاحتراماً عيادته احتراماً
عمه سناء ماتغيرت بعده تحجي وتريد
واحد يردها بس اني اسكت وعايفتها
واهنا بدت تفرقتها صارت تريد بس
جود يمها وماتريد جمانه حجيت لاسمر
وكلت اله بس يكول لان صغير ومااهتم
الكلامي
اصرت يوميه اروح االاهلي الصبح لأن
امي حيلها رايحه وماتكدر تكوم تنضف
صرت يوميه انضف هاذا البيت وارحع
البيت اهلي انضفه ويا التنضيف اهتمام
الثنين صغار……
•~•~•~•~•~•~•~•~•
فرح…..
كاعده بغرفتي واكلب بالموبايل بالانستا
وجان تندز إلي رساله
“هلو فرح شلونج”
ستغربت منو هاذا واني حاضره حمزه
معقوله شخص اعرفه كتبتله
فرح:: منو
_معجب
فرح:: احجي منو لا نحضرك
_الحضر منج غير طعم
فرح:: منو أنتَ
_كتلج معجب
فرح:: احجي احجي كلاواتك لا تمشيها عليه
_امممم اعرفج علة نفسي
فرح:: أي منو انتِ
_انا ابن سجاد ال………..
فرح بصدمه:: ياااا هاي أنتَ
_اي
ضلينه نحجي ونسولف سؤالف قديمه
هاذا سجاد ابن خالي من جنه صغار اني
وياه نلعب ولحد ماكبرت اني وياه بس
بعدين صرنه مانروح عليهم ومن اشتريت
تلفون اتواصلنه فتره وقطعنه
سجاد:: ذكرين من جنتي صغيره جنتي
تكوليلي ني حبك بس ابر زوزك
فرح:: لا لا اني ماحجي هيج
سجاد:: بلي بلي حجيتي
عجبتني المحادثه اخذتلها سكرين
ورتبتها على الاستوري تبع الانستا
ونشرتها كلوز وبسرعه فتحت الحضر
من حمزه وضفته الكلوز الاصدقاء
ونمت………
بصوت واحد فزيت فزه عمري كعدت
بسرعه وجان اشوف شخص واكف بزاوية
الغرفه نظراته ثابته عليه وعيوني اتوسعت
من الخوف حسيت بدفئ يختفي جسمي
وكلبي يدك بقوه كأنه يريد يطلع من
مكانه ماكدرت احرك ولا حتى احجي
بس ظليت أباوع عليه ودموعي على
خدودي تنزل بدون صوت…….
يتبععع………
•~•~•~•~•~••~•~•~••~
الكاتبه ضحى اليوسف
احفاد عمران
الفصل التالي: اضغط هنا
يتبع.. (رواية احفاد عمران) اضغط على اسم الرواية لتجد الفهرس كاملاً بجميع الفصول.