رواية صرخة في الظلام – الفصل الثامن
اسولفلك على الرادوني والحبوني وانته تكلي شو مغرور مو مغرور بس وداعتك مليت حبوني شكثر هل ناس بس غيرك ولا حبيت
~~~~~~~~~~~~~~~~~~~~
ايهاب: ضحكت بستهزاء
ههه شنوو شنوو؟بلا عيدي كلامج ما سمعته زين!
:: أكول خلي أخطبها إلك مدام البنية تحبك و رايدتك شكو بيه يعني؟
ايهاب: بقيت مصدوم لااا يمّه انتي صدگ صايرة مدري شلون، تحجين
لج اني وين أفكر و انتي وين بلااا خلصينا من هالسالفة سدي الموضوع رحمة الله.
:: ليش شكو بيه ليش أسدّه؟ الموضوع
اني هم اريد افرح بيك واشوفك عريس،هواي بعمرك ازوجو اذا تحب
وحدة وياك بالدوام هم عادي اروح اخطبها إلك، شنو المشكلة؟ لو اله تشالع كلبي انته
-: لا انتي فعلا مدا تفهمين شنو جاي احجييمّه شنو اخطب الك شنو ازوجك
أني كل همّي أكمّل دراستي أريد الشهادةتصير ابيدي ما يهمني كل هاذا الخرطي سمعتييي
وبعدين اني ما عندي وكت لا أعشك ولا أتمعشك،هذا كلّه حجي فاضي وما يوكل خبز
:: اخخ منك دوم شالع كلبي ولك اريد افرح بيك واشوف اطفالك ليش دومك ما تسمع حجايه
ايهاب: لج يمه تفهمين شنو جاي احجي
لو لا ؟ الحب بس حجي وهم وضياع وكت ماكو شي اسمه حب وعشك، سمعتي؟
والله تعبت، راح تجلطيني كافي والله تعبت والله تعب يا رب اخذ روحي و خلصني مليت…
ما تحسين بيّه؟
:: والله ضلت حسره بكلبي احجي وياك احجايه و ما تكب عليه بس فالح اصيرخير و داري بطفال العالم بغير شي مو فالح
ايهاب: ليش ليشش تكفريني؟
شكوو دخل ريناد بالنص هاا؟
:: لأن حضرتك كل همك صايره
خايفه كلام العرّافه يطلع صدگ وتروح من ايدي ساعته شنوو اسوي اتصخم واكعد
: أوففف ياربي رجعنه مره ثانيه عل خره هممم العرافهههه وتالييي شلوننن فهميني شلوننن اروح اشمر هاي لطفله بشارع من ورها
لجج يمه تصدگين بوحده دايحه بشوارع، تضحك وتلعب بعقول الناس
:: وإذا صدگ كلامها والله اني بعد يوم واحد ماأتحمل يا هيه يا اني بهاذا البيت لان ما مجبوره أربي بنت حر…
ايهاب: كافيييييي جم مره كتلج ما أريد اسمع احد يگول عليها بنت حرام ورب العزه اخذهه واهج اخليج تتحسرين ع شوفتي وحق ربج
شبيج مخليه كلام هذيج الدجاله بالجكافي سدي الموضوع
ع صوت عياطنه كعدت ريناد من نومهاوصارت تبجي ردت اشيلها بس هيه قبلي أخذتها واردفت..
:: عوفه اني اسكته انته روح نام امبين عليك تعبان
: عفتهم ورحت للغرفه فتحت الباب، دخلت وسديته وراي، تنهدت بقهر ذبيت نفسي ع الفراش
صبرك يارب والله تعبت فدوة لعينك ربي الك بيه حكمه أخلص من هم اطيح بهم ثاني
بين نايم وبين كاعد سمعت دكة الباب بس عبالي حلام سمع اصوات وحجي
لحد ماسمعت صرخة ريناد
كمزت مرعوب من الفراش ركضت فتح باب الغرفة
توجهت الغرفت امي لان نايمة يمه وصلت غرفة لكيت الباب مفتوح و الفراش فارغ استغربت
وين راحن بهل اليل؟ يجوز راحت اسوي اله مامه بالمطبخ
دخلت للمطبخ وكلبي مغبوض باوعت جان اشوف باب المطبخ
الخارجي مفتوح مشيت بخطوات ثكيلة ناحيت الباب
جان أسمع صوت امي تحجي ويا احد الصوت موغريب مألوف هليه و سامعه من قبلقربت اكثر وصرت اسمعهم بوضوح امي هيه و تكول..
:: مثل ما اتفقنه اخذه هسه الدار الايتام بس اني وايهاب نبقه بالبيت ومو بس هيج لا اريد أسجل قطعة الأرض الجبيره باسم ايهاب
-: خوش بس جيبه هسه قبل لا يحس ويجي
ايهاب: هنا اتجمدت بمكاني من السمعته
معقولةهاي امي؟
منو هذا اللي تحجي وياه؟وصلت يمهم مديت
ايدي ع جتفه و اردفت
يمه منو اللي جاي تحجين وياه؟
بسرعه شهكة والتفتت عليه
جان اشوف عمي شايل ريناد
ههه لا يمه لهنا وصلات بيج المواصيل
تبيعينه طفله بقطعة أرض؟
بدون ما اسمع الرد منهم
سحبت ريناد من حضنه بسرعة
وهيه مفرفحة من البجي حجيت بعصبيه وكلبي نار
“شنو من كلب عندج
ما اصدك انتي نفسج امي
:: اييي اني بس بعد ما اكدر اشوفك
تتعذب و تتبهذلمن من وراه،
من ساعة ماحجتلي العرافة
واني كارهته، ما اريده، تدمر حياتك كافي سمعتني؟!”
: هههه لا صدك تخافين دمر حياتي
وهذا الشخص الي واكفه ويا هسهمو هوه نفسه التبره مني لولااا
وهسه جاي تكولين البنية
اللي عمرها سنةهيه دمار حياتي؟!”
صرت اصرخ واحس روحي جاي تطلع واني حاضن ريناد
اسمعووو زين خلوه ترجيه باذانكم لو الدنيا كله اصير ضدي اني ماعوفه و ريناد تبقى خط أحمر
سمعتوووو لولااا
هاي قطعة من روحي
ديرو بالكم تحاولون تبعدونه عنييي
مفهوم؟ لو اعيد الكلام؟”
حضنتها بقوة عفتهم ومشيتما جنت اتوقع بفد يوم امي تطلع هيج
مشيت بخطوات ثكيلة رجليه ماا يحملني
كل خطوة أحسها تكسر بيا شي
لو مو رحمة رب العالمين جان هسه الله أعلم شنو صار بيج
يبعد عمري انتي أخخ دخيلك يا ربيلا تحرمني منها ما اتخيل حياتي بدونها
دخلت الغرفة وسديت الباب وراي نزلته ع الفراشي و كعدت كدامه الزمت إيديها،
أبوس بيهن بكل حب وحنان
يبعد رموش عيني انتي
رويحتي ليش تبچين
ورب العزه ما أحد يكدر يلمس شعرة من راسج
كل كلامهم مايهمني وحتا لو
انتي دمرين حياتي اني راضي
غطيته حتى تنام، مبينه تعبانة يلا نامي بنيتي نومتها بحضني وبقيت امسد ع شعرها
الي مثل الحرير
ما أعرف ليش أمي هيج صايره؟
قبل ما جانت هيج ليش تغيرت
اسمع بس شهكات ريناد
بدون بجي أخخ يبويه وين أضمج
من هالعالم؟تعبت… شوكت تكبرين
ما ادري وين اوديج، من عيونهم
ومن كلامهم
بس والله فدوه يرحون الج للي يكرهونج يا ماي عيوني انتي
ضليت حاضنها لحد ما نامت بهدوء
سحبت ايدي من جوه راسه
كِمت وغطيته زين طلعت من الغرفة واني الدم يغلي بعروكي
لكيت امي بعده كاعدة بالمطبخ حاطة إيدها ع وجهها
كتلها بصوت عالي صوتي رج المطبخ رج
الليييي يشوفجججج يكول مال أهلج منهوب وصافنه عليه
انيييي مو كتلججج لا تقربين عليه بكل عين صلفه تساومين عمي
بالبيت وقطعة الأرض بس حتا تاخذينه الدار الايتام هااا
چانت ساكته رفعت راسها وگالت بنبرة هادئة
:: اني كلشي سويته علمودك…”
ايهاب: ههههه علمودي تسوين هيجي بطفلة علمودي؟ موووووو!”
:: “كافييي تره مو طفلة كدامك أني أمك،
احترم نفسك
هواي انطيتك مجال وگلت خطيه بس مدام تريد تدمر حياتك ع يدها؟
روح يطبك ألف مرض مليت جزعت
وين ما تريد تاخذه اخذه اني ما مجبورها
داري بنت الناس والعالم!”
: اضحك بستهزاء و ردفت
ههههه تحلامين تطلع ريناد منا
سمعتي كلامي لولا
راح تبقه هنا لحد ما اموت
ذاك الوكت وين ما تردين اخذيه
بس هسه اني عايش وأشتغل وأصرف عليها
ماحد تعبان و دافع شي من جيبه
الها غيري وإذا تعبانه لأن دارين بيه
أو تنطينها حليب، هم بعد لا تعبّين روحج
اني من هسه اتحمل كلشي كامل المسؤولية
“يلا… تصبّحين ع خير”
رجعت للغرفة لا سمعت رد ولا چنت أريد أسمع
روحي تعبانة ومالي خلق بعد
فتحت الباب بهدوء لكيتها نايمة
ع بطنها شعرها مغطّي وجهها
ههه من هسه امبين شكله
اكبر من عمرها بهواي
“ههههه… بلااا هذا هم نوم بشر
يمه فدوة البنيات الغاليات يبعد عمري انتي
سحبته الحضني ردت انام بس جذبمكدرت انام بقيت افكر معقوله
هيج شي يطلع من امي بس بعدين كلت بيني وبين نفسي
ليش ما يطلع منه هيج شيهاي الدنيا
كلشي بيه و كل يوم ننصدم بناس
جنه انضنهم سند النه و بعدين
منهم تجي الطعنات شحجي يربي
حتا امي صارت مثلهم
حسبي الله ونعم الوكيل
يارب شنو ذنب هاي الطفله
من هسه كله شاده وياه لو كبرت شلون بس اني ليش شايل هم
اني لجبته واني اتحمل مسوليته
وداعت عيونج الحلوة
اني بضهرج و اخو خيته ليدنه يمج يرويحتي
~~~~~~~~~ ~~~~~~~~~
الفصل التالي اضغط هنا
يتبع.. (رواية صرخة في الظلام) اضغط على اسم الرواية لتجد الفهرس كاملاً بجميع الفصول.