رواية صرخة في الظلام – الفصل السابع
تـوُجعني عيني مـن أمس اليـوم
بيـها عزيز يـطيح ويكـوُم
ودگـتوري شـامت يـدوُر علـوُم
وغـطيت جرحَي بـچوُمة أهـدَوُم
~~~~~~~~~~~~~~~~~~
ايهاب: بقيت واكف ما أعرف أرد ولا شي بس افكر شلون يعني ريناد راح تكون سبب دماري
وبنفس الوكت هيه اللي راح تحي كلبي الميت
هاي شكاعد تحجي شلون هيج راح يصير معقوله ريناد لا لا اكيد جذابه هاي
:: ههه ادري انصدمت، بس هاي الحقيقة.هاي الطفلة،من تكبر، راح تاخذك العالم ثاني عالم ما تعرفه وراح تتعب وياه هواي مو أي تعب هواي راح تتعذب
ماكو بشر غيرك راح يمر بهيج شي هاي
البنية راح تكبر وتصير كلشي الك
بس راح يجي يوم تخليك تتحسر وتگول
يريت لو ما عارفج
-: انتي شنو؟ شجاي تحجين منين جبتي
مستحيل هيج يصير
:: هههه وداعتك هيج راح يصير اني جاي اشوف هاذا الشي ما كاعده اصفط عليك حجي وانتي امه كدامج اني كاعده احجي
هاي الطفلة راح تكلب حياته تخلي يحبها و راح تنهزم منه ويبقه هو وحده ضايع، مثل الخبل يبجي ويفتر بالشوارع يدور عليها
::فدوه داده، شجاي تحجين ليش تخوفين بالولد كل هالحجي خرابيط.كومي طلعي من بيتي خيه!
:: ههههه هاي الحقيقة ابنج راح يصير هايم بهاي البنت، راح تخبّله وتخلي يضيع،
واني عندي يقين تام بكل حرف احجي
يجي يوم ونتلكه، وبهذاك
اليوم اذكر كلامي…
ايهاب: الزمت راسي، حسّيته راح ينفجر من الوجع شنو هاي؟ شجاي تحجيرميت كتبي عالكاونتر ورحت للحمّام،فتحت الدوش، وبعده
كلامه يفتر براسي
جنت واكف جوه الماي أفكر بكلامهامعقوله كلامه لالا ماكو هيج شي هاي وحده دجاله
تعوذت من الشيطان سبّحت،
ولبست ملابسي وطلعت.
لكيت أمي كاعدة،حاطة إيدها ع وجههاو صافنه مادري ع شنو گمت وكفت يم باب وصحت..
-: ها يمه؟ شبيج بعدج تفكرين بكلام ذيج العرافه الخرفانه هههه و داعتج كله خرافات.
كومي صلي حتى نتغدّى اني وياج
:: والله يمه أجذب عليك إذا گلتلك
ما خفت من حجيها. لان
بيه هواي الغاز… ما فهمت قصده،
بس شگد ما أحاول افكر ورا كل هاي سر. كلشش
جبير بس الله اعلم بعد
: هههه يمعوده هاي وحده خرفانه،
اكومي صلي أحسن.
عفتها، ورحت غرفتي فتحت الباب وطبيت، حسّيت روحي تعبانمن كثر ما جاي أفكر هواي ضجت رحت تمددت اخخخ يابويه دخيلكيربي شنو هاي نوب
خلي أكوم أصلي ونتغدى حتا
اروح الورشه ما بقه وكت
كمت فرشت سجادة الصلاة، وبديت أصلي.كملت صلاتي، ورفعت إيدي أدعي من كل كلبي..
يارب كون كلام هاي العرافه كله جذب واحفظالي ريناد من كل شر يارب العالمين مسحت وجهي وكمت خليت السجادةعالميزوطلعت
رحت للمطبخ لكيت أمي صابّه الأكلوكاعدة
تنتظرني.كعدت مقابيلها، سميت بالله، وبديت آكل،بس عيونه ابد ماشلتهن مني وجهها… أصفر،عبالك ليمونة!
-: أحمم… شبيج يمه ليش وجهج مثل ليمونة؟
:: يمه، كاعدة أفكر… ليش ما تسمع كلام عمّك وتاخذ ريناد الدار الأيتام.
ايهاب: من سمعت هاي الجملة دفعت الصينيةبعصبية، وكمت ع حيلي، وصرخت بصوت العالي:
شنوووو؟ شگعد تحجين انتي؟ ليش آخذه الدار
الايتام شبيج انتي يمه
:: بس اسمعني… لا تعيط حچي بهدوء. أني خفت من كلام ذيج العرافة،وانته سمعت وياي، شنو گالت وشنو نطقت…
فـ خلي نخلص من البنية ومن شره انطيه لعمك، وهو ياخذها للدارهذا هو أحسن حل…
: ههههه كلتي أحسن حل”؟!ولچ يمه شبييييج؟ الخاطر الكائناتانتي صدكين بحچي عجوز خرفانةوالله يالله…
عفتها وطلعت بعصبية ضربت الباب وگلبّي
نار مشتعله بي ما ظل عليه بس العرافات يخربون ببيوت الناس حسبي الله ونعمالوكيل
جنت أمشي بالشارع وعيوني يتطايرمنهن الشرار من العصبيه وافرك براسي بقلقفجأة وجان اشوف نفسه
العرافه كاعدة يم محل قديم و مكسر
رحت أمشي بعصبية عليهاو اني نار مشتعله بيه أريد اعرف ع شنوجانت تلمح شلون جرأت تحجي هيج حجي،من وراه امي صارت تريد تخلص من ريناد
تقربت منها وكل خطوة احس روحي
مشتعله بنار وكلبي معطب من وراه جانت هي تباوع عليا بكل برود ما بيهن ذرة خوف.
خلتني اشيل روحي واركعه بالكاعمن العصبيه جان ازمخ بيه…
-: انتييي يا دجاله شنووو تحسين من تخربينبيوت الناس هاااا شنووو احساسج
شعندجججج ويااا رينادشنو تريديننننن واصلا منوو الدازج عمي الكواد مووووو احجييي
:: ههههه شلون ما تشوفني شوفني اني ما يهمني بس بعدك لهسه ما شفت شي بعدك اول الطريق
وحقك لان ما تعرف وهاي الطفلة اللي جاي تححي عنها هاي مو طفله عاديه هاي راح تغير حياتك هاذا التغير مو شي عادي ياما راح يكون الاحسن ياما الاسواء
ايهاب: صرخت و اردفت بكل بعصبيهكافيييي سكتي انتي وحده جذابه و تلعبي بعقول الناس!
:: اني ما لعبت بعقل احد اني گلت الحقيقه و نصحتك بس انتو البشر، متحبّون تسمعون إلا اللي يعجبكم.
واني گلتلك، هاي راح تغيّر حياتك،راح تدخلك عالم ثاني عالم لا گلبك ولا عقلك راح يتحمله.
ايهاب: اطراف جسمي كله ارتجفت من طريقت كلامه و كلش واثقه منا بس ماحبيت ابين انو اني صدكت بيه
وكفت بثقه واردفت
-: بس جذبه كل اللي گلتِي جذبواني مستحيل اصدك بوحده مثلج
عفته و درت وجهي مشيت خطوه وجان اسمعه تضحك ورايه باوعت عليه و خزرته
شكوو ع شنو تضحكين لان ماكدرتي تخدعيني مثل ما خدعتي امي موووو؟؟
محجت شي بقت تضحك و تهز براسه
جان تكول..
:: هههه اتذكّرني وكت أصير المصيبة، راح تتمنّى لو سامع كلامي بهاي للحظة…وساعتها، تذكر اني حذرتك بس انته ما سمعت مني وكته تحمل كلشي راح يصير بيك
ايهاب: وجانت تعوفني وتگوم بس كل ما تبتعد احس نفسي تنسحب مني و قلق و تواتر بقه كلامه يفتر براسي الزمت راسي بالم
فجاه و كفت جان تلتفت وراه رفعت اصبعه بحضر عليه و اردفت…
:: لا تصير عنيد يا وليدي لأن الدنيا ما راح ترحم بيك
ايهاب: وكفت بمكاني و أحس الأرضتنسحب من جوه رجليه شبيه هاي شنو تقصد
رجعت بيه الذكره لوجه ريناد العيونه للضحكة اللي شوفته تشفي وجع كلبي
رفعت راسي للسماء، وگلت بهمسوالعبره خانكتني..
يارب اذا بيها خير خلهه يمي وإذا بيها شر، ابعده عني ، بس لا تخلينيأنظلم و أظلمها وياي
درت ظهري ورجعت عبرتالشارع وگلبّي حيل يوجعنيما أدري وين انطي وجهي
مشيت الورشة أخخخ ياربي راسي راح ينفجروصلت ولكيت عمو أبو علي كاعدوكدامه مكينة جاي يشتغل عليها…
رافع راسه، ومن شافني، ضحك وگال:
:: هلا بيك وليدي اليوم متأخر؟عبالي ما راح تجي، گلت خلي اشتغل بين ما تجي لان تدري من انته ماكو اني ماعندي خلي. ولا واهس
: لا والله عمي طلعت الي شغله وتأخرت عليك اعذرني
:: لا بوي معذور عادي
ايهاب: كعدت يمه وصرت أساعده بس عقلي ابد مو وياي بقيت أتخيل وجه ريناد و نظرتها البريئة،بس بعده كلام العرافه يتكرر براسي
-: راح تصير كلشي الك بس وراح تتمنه لو ما عرفتهه…”
: هزّيت راسي بقوة، وگلت بصوت خافت
كافي ايهاب جذب جذب لا صدك بيها.”
:: “ها وليدي شتگول؟
: “ها لا لا بس أحچي ويا نفسي.”
هو ضحك، وكال:
:: هههه الله يساعدك اللي يحچي ويا نفسه،يا عاشگ، يا مفلس، يا مضيع عمره!”
ضحكت لان كلش انحرجت منا حكيت طارف حاجبي و اردفت..
-: يمكن أني كلهن هههه
تذكّرت سالفة البيت وباوعتعليه چنت متردد شوية بس گلت لازم أحجيكلتله واني افرك بيدي
: احممم شسمه عمي بخصوص الموضوعإللي حجينه اني وياك،
الولده يعني وافقت بس بشرط… إني أدفعلك إيجارالبيت، إذا ترضى خير ع خير،وإذا لا فا اعذرني مراح نجي
ضحك وكال وهو بهز راسه..
:: اخخ منك دوم نفسك عزيزة وما تقبل بالذل فا مثل ما تريد، شكد ما تنطيني راضي الخاطر عيونك.”
ابتسمت وگلتله: “مشكور عمي، ان شاء الله بليل نحضر غراضنه وأشوفلي سيارة علمود انقل غراضنه
رد عليّ وهو يحچي بهدوء:
:: ع راحتك بويه، الطابق الثاني كله إلكم، خذوا راحتكم ، ومثل ما تعرف، إحنا ما عدنه أحد ،بس أني والمرأة، جبيرة بالعمر.”
-: أدري عمي، ما قصّرت، والله
ما أعرف شلون أشكرك.”
:: افا عليك ، والله ما بيناتنه شكراً وليدي.”
ايهاب: هزّيت راسي وسكتت ورجعت أكمل شغلي،بس احس شويه ب طمأنين انو راح ابتعد ع المشاكل
بقيت صافن فجاه
اسمع صوت ابو علي وهوه يكول..
:: لهنا اليوم كافي شغل بويه،كوم ارجع للبيت، بلكتتلكي سياره حتا تنقل غراضكم. وتفضل بويه هاي أجرتك مال شغل اليوم.
: “مشكور عمي، ما قصّرت والله
يلا أترخص منك.”
:: “الله وياك وليدي.”
: غسلت إيديي وطلعت من الورشة ، الشمس بعده ماغايبه مشيّت للبيت، وما مريت ع السوكگلّت ببالي
باجر إن شاء الله أشتري الحاجات، هسه خلي أرجع بلكت الكي سياره
أول ما فتحت الباب، شفت أمي جانت شايله ريناد بحضنها، وبيّدها الممه، دتحاول تنطيها حليب.
بس هيه ما تقبل تاخذ الممه و بس تبجي و حيل متنحسه
قربت شويه، بهدوء و اردفت.. يمه شبيه ريناد
:: والله يمه مادري شبيه بس
تبجي و ما تاخذ الممه
ايهاب: هههه شو انطينياه خلي اشوف شلون ما تاخذ الممه ولج شبيج ليش هيج متنحسه اليوم بويه انتي
:: يمه العياره يمه صار ساعه اريد بس تسكت ماكو بس اجيت انتهوشلته بحضنك سكتت هههه
ايهاب: ههه يمه غير انتي ماتعرفين
شلون اسكتينه
ها صدك قبل ما انسه يمّه، خلي نجهّز غراضنا حتا اليوم ناخذهن للبيت حاجيت ابو علي وانتفقنه
جنت اباوع عليه وهيه بس تهز راسها سكتت اشوفه تفرك ابيديه. جان تكول…
:: زين يمه احنا نسكت وياهم بنفس
البيت لو شلون؟
-:لا يمه هوه البيت طابقين وهما بالطابق الأولو احنا بطابق الثاني مو وياهم بنفس البيت
يلا تعالي نلم الغراض و شوفي ريناد نامت بس اخليه بالستقبال و اشوف ابو حسن علمود ننقل من الغراض
:: خوش يمه، اني راح ألم، وانته
دبرلنا سياره
-: تمام حبيبتي، لا تشيلين هم، هسه أرجع أساعدج،لا تتعبين نفسج.عفتها وطلعت بيت أبو حسن.دگيت الباب، طلع حسوني
-: هلاوو حسون ، شلونك حبيبي
:: هلا بيك إيهاب، تمام، انته شلونك
-: بخير الحمدلله ، أبوك موجود
:: إي، موجود تفضل طب جوه.
-:غير مره ان شاءلله بس بلا زحمة،
ممكن تصيحله كوله ايهاب يريدك.
:: تمام عيوني ، هسه أصيحله واجيك.
-: أنتظرك حبيبي.
ركض حسون البيت وما طول
يمكن عشر دقايق وطلع أبوه
:: هلا عمي، هلا ليش واكف بالباب تفضل
-: تسلم عمي، اجرت بيت و اريد انقل الغراض كلت بلكت اذا عندك مجال نوديهن بسيارتك و شوف شكد تريد اني بالخدمه
:: خير عمي، ليش ناوين تشيلون
من بيتكم شعجب
-: والله، عمي يريد يبيع البيت، فا راح نطلع من البيت
:: اخ من عمك، هذا طايح الحض، ما صيرله جاره دوم اعوج مثل ذيل الجلب عل العموم، هسه أغير ملابسي وأجيك،تدلل من عيوني
-: مشكور عمي.
عفته ورجعت للبيت، لگيت أمي مطلعه نص الغراض حاطتهن باب البيت، وباقي الغراض بعدهن جوه.دخلت حتى أساعد، وفجأة شفت زهراء بالمطبخ
واكفه تعزل الماعين رفعت راسه
من شافتني ابتسمت و اردفت
زهراء:: احمم اسفه مجنت منتبه
شوكت اجيت؟
ايهاب: تقدمت عليه و الزمته من زنده
كزيت ع سنوني واردفت..
لججج شعندج هنا فعلا انتي وحده بلا شرف
وذرت كرامه ماعندج
لج لصبح تعرضين بنفسج عليه و شبعتج رزايل وهسه بكل عين صلفه واكفه كدامي ولا كانو صاير شي
زهراء:: احح هسه صرت بلا شرف
لان كتلك اريدك لك بس طاوعني صدك ما تخسر انسيك الدنيه واهله
ايهاب: ضحكت مستهزء و اردفت
هههه اذا هيج صاحبي موجود مدام كلش مستعجله
سوندوس هههه
زهراء:: الله ياخذك شكد حقير وبلا اخلاق
ايهاب: ديلا عيني عفت الشرف الج هاي اذا تعرفينه اصلا لج بربوك
شبيج بعدج بكد القندره من هسه دورين…. استجني وليدي
زهراء:: هههه باعي منو يحجي عل شرف
والله ضحكتني يحجي عل شرف و هوه بيوم واليله جاب طفله و اجا ع اساس الاكيه بزباله مشموره
روح احسن شوف وين امه الي غلطت وياه واجتك هاي بنت الح…
ايهاب: لجججج كح….ديري بالجججج جيبين طاريه ع السانج القذر قسمن بالله ادفنج هنا
زهراء:: هاي ضربتني علمود بنت الشوارع موووو لك والله اله اندمك يا حقير
ايهاب: طلعيييي مناااا لا ادفنج هسه
برااااا يلااا ولييييي من وجهييي
ضربت الحايط بعصبيه و رحت الغرفه
لكيت امي تخلي الملابس بالجنط سحبتهن بعصبيه درت وجهي اريد اطلع و استوقفني كلام امي
:: ايهاب انته تحب زهراء؟
:عقجت حواجبي بنزعاج و اردفتشنو هالحچي منو كالج؟
:: جاوبني تحبها لو لا لأن مبين عليها تحبك.
-: كزيت ع اساني و تردفت بعصبيه…
والله بس هاي الضلت عليه انوب احب اكح…
شبيجججج يمهههه لا تكفريني طلعت وجان انردم بيه خزرته رجعت وره بس
عيونها منفوخات وخشمه أحمر
،مبينه باجيه هواي اصلاا ما يهمني يطبه مرض وحده صاقطه بلا شرف
رميت الجنط بالحوش ، ورجعت للبيت حتا اخذ الباقيفتت من باب المطبخ، وتوجهت لغرفةبعدني ما داخل وطلعت أمي بيدها كارتونين
-: جيبيهن اني اخذهن انتي تعبتي حيل
:: لا يمه، مو ثكيلات خلي اني أشيلهن انته روح جيب الباقي.
: هزيت راسي و دخلت الغرفه لگيتها خزرته واردفت انتي هيي شعندج هناا
اني مو كتلج وليي شكو بعدج واكفه طلعي يلاا و اياج مره ثانيه شوفيني وجهج سمعتي
زهراء:: تمام راح اروح بس اوعدك يجي يوم الي راح اندمك ع كل حرف حجيته عني و كول زهراء ما كالت
ايهاب: هههه ديلاا لج طلعي ما ضل عليه بس العطلات والله يالله بقيت اباوع عليه ماحجت شي
بس هزت راسه و طلعت كعدت ع الكرسي مهدود
توه غمضت اعيوني و اسمع صوت امي فتحت عيوني بتعب و اردفت…
ها يمه شبيج صاير شي؟
:: اليش راحت البنيه شنو كلتلها حتا زعلت و مشت
-: هههه ليش شعندي وياه حتا أزعلها؟يمه، رحمه ال الله لا تبقين تفكرين بيه
شيليها من بالج ، لأن ماكو شي من الأساس ، ولايستاهل كل هالتفكير.
-: يلاا هاي الرجال أجا خلي نلحكنودي من الغراض قبل ما يصير الليل.
طلعت ع الباب ، لگيت ابو حسن واكف سلمت عليهم ، وفتح باب السيارة،وبدينا نحمل الغراض.
خطيه، جايب والده ويا اثنينهم.
حملناهن بسرعه ، أصلًا ما عدنه هواي أثاث،
والغراض كلها بسيطة
واني مشغول ، ما أعرف شلون،
رفعت راسي باوعت ع بيتهم وجان اشوفه واكفه يم الشباك و تباوع
-: ما اهتميت حملنه الغراض،صعدنه السيارة ، وصلنه للبيت وگمنا ننزل الغراض
رحت دگيت الباب، وطلع عمو أبو علي.
:: هلا بيك واليدي ، نورت الدار بوجودك.
-: وبيك أكثر عمي، منور بوجودك إن شاء الله.
راح يسلم عالرجال، واني والشباب ظلينا
ننزل الغراض من السيارة.
بس الطابق الثاني جان وصخ،لأن محد ساكن بيه من زمان فتحت وحدة من الغرف وگتّلهم:
-: خلو الغراض هنا شباب،
مثل ما دا تشوفون، البيت وضخ
رمينه الغراض بالغرفة وطلعنه، لكيت أبو عليى وأبو حسن كاعدين يشربونجاي بالحوش.
ابو علي:: ها: وليدي، صعدتو الغراض
كلهن لو ضل منهن بره
: لا عمي ، ما بقه شي، بس بعد كم شغلةإن شاء الله باچر الصبح نجي و نجيبهن وننظّف البيت. يرادله تنظيف لأن بيه تراب هواي.
: أبو حسن هز راسه إي والله يا عمي، الطابق الثاني تعرف لان ومحد كاعد بيه، كله قبار وتراب.
:: يلا تعالو، اكعدو اشربو جاي.
ضحكت وگلت..
هههه يلا، جاين بس خلي انغسل ايدينا
من التراب.
رحنا للمغسلة، غسلت ايديه والشباب همين، ورجعنا كعدنا بالحديقة.
أبو حسن:: صدگ إيهاب، عمي ، عرفت
أهل الطفلة لو بعدك؟
ايهاب: هزيت راسي ب لا
والله عمي، ما عرفتهم. واصلًا صار سنة محد سأل عنها، فما أظن عدها أهل
وإحنا أصلًا سجلناها ب اسمنه
وطلعنا إلها جنسية، يعني صارت من عدنا، ماكو داعي أدور عل أهلها.
:: بارك الله بيك وليدي ، الله يكثر من أمثالك.
يلا مشينا بويه، ما ضل وگت، راح تغيب الشمس.
ايهاب: يلا عمي، أودعناكم.
:: الله وياكم بويه.
::طلعنا من عدهم ، ركبنا السيارة
ورجعنا للبيت. الطريق مو طويل فد نص ساعة تقريبا.
وصلنا، نزلوني يم باب البيت.
شكرًا عمي باجر الصبح إن شاء اللهنكمل الباقيات ، علمود أدفعلك أجرتكورحم الله والديك.
ابو حسن:: أفا عليك، إحنا ما بينا فلوس
يلا أترخص منك عمي.
: الله وياك
دخلت للبيت، وشفت عمي الكواد جاي وجايب
وياه نفس الرجال اللي جابه يشوف البيت قبل كم يومجانو يتجولون ويباوعون ع البيت
تعدّيتهم و أردت أطب للمطبخ جان
اسمعه يكول ، سمعت يحجي و رايه
-: وين راح تسكنون؟
ايهاب: ضحكت باستهزاء وگلتله
ليش يهمك وين راح نسكن يا عمي المحترم هههه.
قبل لا أسمع الرد، عفته ومشيت،
دخلت المطبخ ما لكيت أمي، گلت يمكن بالغرفة.
بس جانت مخليه ريناد عالدوشكما نايم، جانت صافن عالباب، عبالك تنتظر جيتي
رحت عليه بلهفة شلته بحضني
و أبوسه وأحضنه بيه ، أشم ريحته
“أفّيش يا ريحتچ، جنه ريحة الجنة…”
يبعد عيوني ونظرهن انتي،
بنيتي جنتي تنتظريني
ضميته أكثر، وظليت أباوع بعيونه، رموشه طوال، عبالك مكناسه وعيونهكبار كلش حلوات سبحان الخالق.
ما أعرف ليش ، بس دائماً أحب أبوسه
من عيونه يمكن لأن أحس حنانه بيهن،
أو يمكن لأن بيهن طمأنينة غريبة.
أخذته ورحت أدور ع أمي، فتحت باب الغرفة
ولكيتها مخلّية شيلتها ع وجهها، وبس جسمها يهتز و صوته مخنوك تبجي
قربت منها، وگعدت نص گعدة كدامها،
سألتها بهمس..
– شبيچ يمّه ليش تبجين
بس ردها چان مثل السكاچين، بنص گلبي.
گالت وهي مختنكه
:: يمّه ، گلبي ما ينطيني أعوف بيتي
والله تعبت، بعد ما بيّه حيل قهرر،تعبت والله تعبت
-: حضنتهه بقوّة ، ودموعي طاحن بحضنه
صرت أمسح ب دموعها واني هم أبجي بقهر،
مو بس ع حاله لا ع كل التعب و كل السنين،
صرت اكوم بيه ماحب اشوفه
هيج مكسوره كدامه
: يلااا كومي الخاطري شوفي شلون
حتا ريناد مرعوبه وصارت تبجي.
قبلت تكوم، فـ أخذتهه للحديقه.
: يمه، هاي هيه الدنيا، هيج ما بيهه أمان
، مو بإيدنا كلشي بيد رب العالمين.
ليش كل هالبجي والقهر الله موجود وأكيد ما راح يعوفنه
أنـي وياج لا تخافين واللهلأضمّج بنص عيوني، أني أصلًا ما عندي غيرج بهاي الدنيا
:: ربي يحفظك اليّ يمّه أني هم ما عندي غيرك. والله
لو مو انته مصبّرني عـ ضيم الدنيا،چان من زمان طاكه وميّته من القهر.
: صمّله عليج يمّه الله يطوّل بعمرج
ويديمج سند الي ولريناد.
يلاا تعالي خلي انسوي العشه اني وياج. وره العشه نلم الغراض الباقيات، حتا من الصبح يجي أبو حسن يا خذنه للبيت انظفه لأن كلش وصخ.
:: ههه خير ان شاء الله وليدي يلاا انطيني هاي الطفله، خطيّه شوف شلون نعسانه، خل انومه واجي.
ايهاب: هزيت راسي بـ “نعم
ونطيتهه ريناد حتى تنيمها، واني رحت للمطبخ أساعدها بالعشه.
اعرف اطبخ، بس مو كلش، ههه
خليت الجاي عالطباخ ورحت فتحت الثلاجه
طلّعت روبه و أجبان، خليتهن بصينيه.ما طولت ، شويّه و اجت امي باوعت عليه وضحكت فا سئلته
-: هاا يمه ليش تباعين عليه وتضحكين؟
:: ههه، لأن ولا مره شايفتك تحضر الأكل
بوحدك عبالي ما راح دبره طلع سبع
: ههه افاا عليج يمه ابنج ما يندبر؟
لا تخافين كلشي أدبره.
:: خوش لعد ارمي الصينيه، وأكعد، خل اجيب الجاي والكوابه واجي
: يلااا تمام.
كعدت اكل، بين ما جابت الجاي و اجت، ضلينا نضحك ونسولف.
لحد ما كملنه، ما خلّيتها تشيل المواعين
شلت الصينيه، وغسلت الصحونوخليتهن عالسنك.
:: أكول يمّه، تعال اكعد يمي اريد
احجي وياك بهل جم كلمه.
: اي يمه بس أغسل ايدي واجيج.
غسلت ورحت كعدت يمّه، جان تكول:
:: يمه ما جبت طاري زهره بعد… شنو علاقتك بيهه؟
: أحمم والله يمه ماكو علاقه بينا،
ولا أكو شي أصلًا.
:: بس اني لاحظت عليهه شي، نظراتهه الك
مو طبيعيه. ليش يمه ما تحجيلـي؟
قابل اني اكرهك ليش دوم اضم كلشي بكلبك
ايهاب: شوفي يمه، مو قصّة ضامّ عليج،
بس البارحه، الصبح من رحت للدواملكيته واكفه باب بيتهم ف صاحتلي عبالي تريد شي.
بس فجأه، اعترفتلي بحبهه، كالت تحبني و..
قبل لا اكمل فزّني صوت أمي وهيه تكول
:: خوش لعد مادام تحبك خل اخطبها الك..
الفصل التالي اضغط هنا
يتبع.. (رواية صرخة في الظلام) اضغط على اسم الرواية لتجد الفهرس كاملاً بجميع الفصول.