رواية صرخة في الظلام – الفصل التاسع
~~~~~~~~~~~~~~~~~~
هههههه هاي الطفلة راح تجيب اخرتك بيدها مثل ما كلت الك واني كلامي ما يصير اثنين…هههههه
راح تخليك مهوس بيها ههههه راح تطيحك
بلوه، الها اول ماله الها تالي هاي
قسمتك شكد ما تبعد عنه القدر
يرجعك اله ما تگدر تبعد هاي نصيبك من الدنيا
بس راح تندم وتتعب وانته تدفع الثمن ههههه
راح توصل المرحلة تقتل واحد من دمك ولحمك ههههه هههههه.
:: يمه ايهاب اصحه شبيك يمه جاي تحلام اكعد يمه شبيك اسم الله الرحمان وليدي اكعد
ايهاب: بنص الحلم فزيت من نومي
لكيت امي واكفه عل راسي و هيه تصيح حلام يمه حلام اكعد
استغفر الله… أعوذ بالله من الشيطان الرجيم
:: كوم شرب ماي صارلي
ساعةأصيح ماكوشي يمه حلم و راح صمله وليدي
-: سحبت نفس بعمق وكعدت عالسرير خليت ايدي ع كصتي لكيته عركانه مسحته تعوذت من الشيطان الرجيم
كلشي بداخلي يرجف حتا اطرف رجليه رفعت راسي ع امي جانت عيونها مليانة خوف بلعت ريكي وكلت بصوت مبحوح..
ايهاب: يمه والله حلم كلش يخوف عبالك واحد يوسوس براسي…”
:: يمه لا تفكر استغفر ربك هاذي وساوس الشيطان كوم توضا وصلي ركعتين و ارجع نام وليدي
-: هزيت راسي كمت بهدوء رحت للحمام
فتحت البوري نزل المي مثل الثلج
بس الكلام بعده يرن بذني
راح تقتل واحد من دمك ولحمك
بقيت اقنع روحي انو بس حلم،
بس كلبي، كلبي ما جان مرتاح…
رجعت، نمت جنت حاير أريد أنام بس النوم طار من عيوني وكل ما أغمض ينعاد الصوت
هاي قسمتك… ماتگدر تبعد عنه
جبرت نفسي ع نوم لا ن راسي راح ينفجر من التفكير،كعدت أقنع روحي
إنه مجرد كابوس… وراح فعلاً نمت بس كلبي أبد، ما جان مرتاح.
للصبح حسّيت إيد ناعمة تلامس وجهيوطبعاً،عرفتها من المست ايده فتحت عيوني شوي
وسويت نفسي بعدني نايم،هيه جانت صافنة بوجهي…مرة تحط ايدها ع وجهي لو تسحب التيشيرت.
فتحت عيوني لكيتها ميتة من الضحك
،هههه فدوة أروح للضحكة،من لصبح، جعل محد غيرج يگعدني بويه انتي
“تعالي تعالي خلي آخذ بوسه أم حلكيمّه فدوة لهل وجه.”
اخذته بحضني، أبوس بيه واناغيه،وهيه سكرانةمن الضحك بنت الذينه ههه
:: يلاا يمه ايهاب ما ضل وكت،هسه يجي الرجال حتى نحمل الغراض،تعال تريك.”
: تمام هسه جاي بس أغسل وجهي وأجي.”
وبعدين التفت ع ريناد وانتي ست ريناد عاجبج الوضع شبيج طايرة ورايه مثل الفارة؟ ههههه”
ما تكدر تحجي بس فاكه حلكها وتضحك،
لا واضح كرت عيني مبينة
من هسه فاهية،بعد أبوج ههههه.
خليتها بالغرفة، ع الفراش،
ورحت للمغسلة، غسلت وجهي،
ولكيت أمي محضره الريوك .
تريكت ع الساكت وهيه بس تباوع،
واضح تنتظرني احجي …
بس بقيت سكت، لأن مو سهل الي سوته بيه.
هيه طعنتني بظهري،
وحاولت تبعد ريناد عني
كملت ريوك وكمت حتا أشوف الرجال،أريد نكمل نقل الغراض،جان تكول..
:: هاي تاليته متحجي وياي علمود هاي الطفلة؟
وسفه عليك والله يا ابن بطني!”
ضحكت بستهزاء و اردفت
-: ههه، وسفه عليه؟
لا والله صدك لعد شلون تطعنين ابنج بظهرهومنتفقة انتي وعمي الكَـ… من وراي؟”
“جان استحيتي ع شيباتج ولو بهل دنيا ما بقه أمان كلشي صار عادي.”
عفتها وطلعت مشيت باتجاه بيت أبو حسن…
لكيته يغسل بسيارته، وگلتله بصوت عالي:
: صباح الخير عمي، شلونك؟
:: صباح النور هلا بيك عمي، شلونك انته؟
-: عمي يلاا تعال نحمّل باقي الغراض.
هز راسه وأشر بأصبعه ع عيونه،
يعني من عيوني”.
ضحكت وگلتله…
سلامه عيونك عمي، يلاا
لعد أني راح أرجع للبيت كمل وتعال
:: ان شاء الله عمي شويه وأجي.
رجعت للبيت وبالي ألف فكره وفكره تدور براسي.
والله تعبت كلش تعبتيارب كون بعوني ماعندي غيرك.
بلكت إذا ابتعدت عن عمامي،أمي تغيّر تفكيرها شويه،وترجع مثل قبل… يارب.
دخلت البيت و اول ما شافتني امي كالت:
:: ها يمه، شكالك شوكت يجي
-: هسه كال شويه ويجي.
كملتي كلشي خاف ناسيه شي؟
:: لا يمه، ما نسيت، بس بقى شوية من الغراض
: هزيت راسي بـ “نعم”
وجان نحجي وما حسيت اله ع ايد
فوك كتفي عرفته هوه ضحك و كال..
:: معقولة يا صاحبي تشيل من بيتكم
وما تكوللي؟وسفه عليك والله!
اني وياك عشرة عمر، يا صاحبي
ضحكت وحضنته:
-: والله ونعم الأخ بس ما حبيت أدوخك
بمشاكلي،انته مشاكلت مكفيتك و زايده
-: أفاا عليك انته أخوي وماكو شي ينسيني اخوي
بعدنا نحجي وفجأة سمعنا صوت هورن السياره.
وهاي اجى أبو حسن
يلاا خلي نحمل الغراضاحسن بعد دنيه صبح والجو بارد.
رحت فتحت الباب ودخلت السياره للبيت.
علي:: اني اصعد بساره وانته انطيني الغراض
ايهاب: يلا خوش اني صرت انطي
الغراض و علي يصفطهن لحد ما هلكنه من التعب.
علي:: ها عمه، بقى شي لو كملنه؟
-: لا عمه ما بقى شي… يلا نتوكل
ايهاب: علي، تندل البيت لو لا؟
:: إي أعرفه، مو بيت أبو علي الشايب؟
-: اي هو نفسه روح ويا أبو حسن واني اجر تكسي واجي وراكم
علي:: تمام.
ابو حسن:: يلا عمي، نتوكل
ايهاب: اي عمي توكل.
أخذ السيارة وراح هوه وعلي
اني أجرت تكسي واجيت أخذت أمي وريناد.
-: يمه صعدي انتي وريناد خليها
بحضنج أني راح أقفل الباب.
وفعلاً صعدت أمي وريناد
واني قفلت الباب.
بس قبل لا أروح عيوني
راحت ع باب بيت عمّي،
شفت عمي واكف هناك يباوعهوه وعماتي كلهم واكفين بجذب ما اجوي سلمو
بس يبوعونمثل الناس الغريبه والناس الغريبه هم احسن ساعدونه
عفت الباب مشيت بخطواتي
وهموم الدنيا كلها فوك راسي فجأة صار عمّي كدامي
مسحت وجهي ضحكت بسخرية،
تقدمت خليت شفايفي يم إذنه وهمست..
-: حسابي وياك ماخلص،يا عمي وعد مني راح أبجيك دم
وحق رب العزه وغلات عيون رينادأشوفك ابن الحرام شراح يسوي بيكم،
سهله؟ الأيام بينه اله اخلي
طشاركم ماله والي
ابتعدت عنه وشفت شلون
مفتح عيونه بصدمه واكف بمكانه ماحجه ولا حرف
عفته ورجعت السيارةصعدت وكلت للسايق.
-: يلاا أخويه تكدرت تمشي
عفت كلشي وراي وعندي أمل واحد…
إن شاء الله هاي نهاية وجع و بدايت خير
بقيت أفكر بالكلام الي ويا عمي
اني كد كلامي ومثل ماوعدته
مثل ما طلعونيه من بيتنه
راح أخليهم مثل الجلاب دايحين بشوارع
واخذ حقي من بين عيونهم
وصلنا للبيت نطيت أجرة أبو التكسي،
نزلنه فتحت باب السيارة ال امي
اخذت ريناد من حضنها.
لحد ما نزلت امي جانت تباوع عليا،
فا كتله تفضّلي البيت
بعدنا واكفين ع الباب خطيه
اجت زوجة أبو علي،
مره جبيرة يطلع عمرها بكد امي
بس من القهر ع ابنها الكتلو داعش،
من القهر هيج صارت عدها ضغط
وسكّر.خطية اجتي تركض وتكول..
:: يمه هلا زارتنه البركة هلا بيكم
تفضلو ليش واكفين عالباب البيت
بيتكم، تفضل يمه ايهاب!”
كتله بابتسامة:
“زاد فضلج حجيه بس دخلي امي،
خليها ترتاح بين ما أساعد الولد
نصعد الغراض.”
:: صدگ جذب مو تدلل
تفضلي خيه البيت بيتج لا تستحين
: نطيت ريناد ال امي ورحت
ويا علي ولد أبو حسن هم خطية
جايبهم وياه.
صعدنا الغراض كلها ما طولنا
بربع ساعة صعدناهن للطابق الثاني.
ابو حسن ما راح هوه والده
اله صعدو الغراض كلهن الطابق الثاني
دفعتله اجرته وطلعت وياهم
الباب راحو و رجعت عل علي
حتا نكمل ترتيب البيت
صعدت الطابقه الثاني بس البيت
كلش وصخ!
باوعت عل علي يهز بيده ماعاجبه الوضع
علي:: أكولك ايهاب هالبيت كلش وصخ وإذا دخلنا الغراض هسه راح يتوسخن
خل نغسله اني وياك وبعدين ندخل
الغراض هااا شتگول مو أحسن؟”
: اي والله يا علي كلش وصخ!باع
هاي ماسحة خلي أنزل أجيب ماسحة
من بيت أبو علي وأرجعلك.”
:: ماشي لا تطول.”
: تمام
نزلت بعدني باب الستقبال جان
وسمعت أمي تحجي
ويا زوجة ابو علي چانت تكولها..
:: والله يا حبيبة مو كتله خلي عمك
ياخذه الدار الأيتام
بس هوه معند ما أعرف شبيه
مجلب بالطفلة يتخبل إذا أحد
يلمسها لو يسويلها شي
حتا اني امه هسه معاديني
من وراه معرف شسوي خبلني
ايهاب: فتحت الباب مديت راسي
“احمم أكولج خاله بلا زحمة،
وين الماسحة؟ نريد انظف البيت.”
ام علي:: لا عيوني ماكو زحمة،
تلكيها بالطرمة مرميه
: هزيت راسي ورحت للطرمة،
أخذت الماسحة وصعدت بعدني
ماطاب البابو جان علي يعيط فزيت من عاط
علي:: ووووووين رحتتتت شنوووو نمتتت
ردت اجيبلك بطانية ومخدة
“شبيك ضايج شكوو
-: كتله و متنرفز شوية
علي أمي مخلية ريناد بالهاما أظن تعوفها!”
:: ليش شبيها أمك وياها؟”
: “تتذكر من رجعنا من الدوام ذاك اليوم؟”
:: إي وشصار؟”
: لما رجعت لكيت مره عجوز
كاعدة يم أمي بالمطبخ عبالي خطار لو من الجيران،
طلعت هاي عرافه جان تكول
جيب كف ايدك و جان انطيه معرف تقره وتحجي حجي غريب!
وأمي من يومها تخبلت…
::يمعود هالعجايز من يكبرن يبدن يخرفن،
لا تاخذ بكلامهن غلس بس أهم شي
لا تصير مثلهن رحمه الكائنات
:ضحكت بصوت عالي وكتله
الله يطيح حظك وحظ الحجالك
تالي تطلع أمي خرفانة لا بارك الله بيك هههه
لو تسمعك والله تفطسك من الضرب
يلا كوم خل نغسل البيت قبل لا
تجي امي طيح حضك
:: ههه إي والله صدگ يلاااا
: وفعلا بلشنة انظف بالبيت
من التسعة الصبح للتلاثة العصر!
:: ولك تعبت الله يساعد البنات،
خطيه والله، مظلومات كلش ههههههه
ايهاب: أوووي فديتك جويسم الحنين،
ماعرفتك أبو الغيرةصاير هههههه
احممم شايل هم البنات؟ يااا شكد لوكي انته
علي:: انجب ولك منو لوكي؟!
ايهاب: هههه ليش أكو غيرك هنا؟!
:: هاااا هسّة أني صرت لوكي
لأن كلت خطيه البنات مظلومات؟
نشوف باجر عكبه شلون أصير من تتزوج
أجي عليكم ولكَيك تغسل مواعين
وملابس بمكانه والله أشهرك شهيره ههههه
ايهاب: ههه منو ولك انييي صدك والله
علي:: أيوه يبيبي انته ههههه
ايهاب: هههه يابه شكد واحد صويقط
كملنه التنظيف ورتّبنه الغراض
وجان يجي ابو علي باوع علينه
ضحك و اردف..
-: هااا بويه كملتوا تنظيف؟
يلااا انزلوا تغدون
ايهاب: اي عمي الحمدلله خلصنه
يلاا علي تعال ننزل
علي:: تمام يلاا امشو
-: نزلنه جوه لكينه أمي و ام علي
يحضرن الغده خطيه
ما متقبلة أمي تساعدها
كوه عليه أمي تساعدها بالغده
كعدنه بالديوانية أني وعلي
وأبو علي كل شويه يجيب شي
-: عمي تعال اكعد ويانه والله
هذا خير من الله، شلك بي
منو يخلصه تجيب وتخلي
:: لا عمي بالعافية عليكم والله عبالك
اليوم أبوك الله يرحمه جايني خطار
انته ابن الغالي وليدي كل الهلا بيكم
ان شاء الله نظل بيت واحد.
-: تسلم والله ما تقصر تعال اكعد
ويانه عالواهس.
خطيه سحبت إيده وكعدته يمنا
تغدينه وكملنه وظلينا نتحشش ونضحك
لحد ما علي كام و كال..
:: يلا جماعة انه لازم أروح تأخرت.
إن شاء الله مره ثانيه أمرلكم.
-: هاا عمي بعد وكت خلينه كاعدين.
:: لا والله ما أكدر أبقه أهلي
ما يدرون وباجر عندي امتحانات
آخر السنة وكلشي ما محضر.
غير مره أجيكم إن شاء الله.
-: براحتك عمي كل الهلا بيك.
: يلا خلي أوصلك الباب
:: اي والله ياريت لأن تأخرت كلش.
ايهاب: تفضل عيني.
طلعت ويا علي للباب وبالطريق كال..
علي:: شوف ايهاب باجر أول يوم امتحانات
شد حيلك ولا تفكر لا بحجي العجوز
ولابحجي أمك خلي كل تركيزك عالمتحانات مفهوم
: والله يا علي أفكاري متشتته
حيل ما جاي أكدر أركز، حاير.
:: لا ايهاب درست وتعبت كل هاي السنين،
وما بقى غير كم يوم عوف كلشي
وفكر بحُلم أبوك هوه جان يتمنى
يشوفك محامي يفتخر بيك
لا تضيع الفرصة شد حيلك.
-: اي والله، إذا نجحنه
بهاي الامتحانات راح ندخل كلية.
:: إن شاء الله ننجح بس
لا تضيّع الوكت سمعني شد حيلك
يلا جاو
-: الله وياك
قفلت الباب رجعت للبيت
دخلت للديوانيةلكيت أبو علي
نايم خطيةما حبيت أزعجه
صعدت للطابق الثاني،
لكيت أمي تنوم بـ ريناد
ماحجيت شي بس جانت ساكتة
عفتهن دخلت الحمام توضيت
وطلعت،أخذت السجادة وكعدت أصلّي
صلاة العصر خلصت
بس ما كمت ضليت كاعد أدعي
“يارب شد حيلي وابعد هالتفكير عني
ما إلي غيرك ربّي كون بعوني
يارب انته السند الماعنده سند
خليني أركز عالمتحانات يارب العالمين
مسحت وجهي وكمت رحت للغرفة
الثانية أخذت مخدة ومندر ذبيتهن
عالأرض،
ونمت راسي يوجعني كلش
حتا من اكعد ادرس شويه
ما حسيت بنفسي االساعة خمس العصر،
فتحت عيوني بثكل و سمعت صوت
خربشة خفيفة ع الباب
رفعت راسي بتعب،
لكيت الباب مفتوح شوي وريناد
واكفة تتمايل شايلة بطانيتها
وتباوع عليه بنعاس
اجتي تمشي بخطوات متعثرة
قربت مني وهي تهذي بكلمات
غير مفهومة،
مدّت إيدها الصغيرة وتعلگت بركبني
-: يمه هلا بريحة هلي
يبعد رويحتي انتي نعسانه
سحبته الحضني ضميتها
حطّت راسها ع صدري وسكته بس تتنفس بهدوء.
حسّيت بكل التعب يذوب
هالطفله مثل الملاك،
تجي بحضني وتنطيني سكينة الدنيا كلها.
غمضت عيوني واني أحضنها،
وگلت بيني وبين نفسي..
يارب خلّيها إليه وخليني إلها.
لا تخليني أقصّر وياه بيوم
ظليت شايل ريناد بحضني
لين ما غفت صوت نفسَها صار ثكيل
كمت بحذر خاف تكعد شلته وفرشت البطانية عالأرض و رميته غطّيتها زين، وبوست جبينها
طلعت بهدوء من الغرفة،
رحت للحمام غسلت وجهي، رجعت الغرفه
شفت الكتب والدفاتر مبعثرة
اخذت نفس عميق وكلت..
-:يلاا ايهاب ما بقت شي… لازم تشد حيلك.
كعدت عالكُرسي حتا أراجع،
بس راسي يوجعني ومالي خلك
بس چنت أحاول
كل ما أحس بتعب اباوع عل ريناد
واتئمل ملامحه البريئه
وأگول بيني وبين نفسي:
“لازم أنجح علموده و علمود احقق حلام ابويه
بقيت أقرأ للساعة بالـ ١٢ بالليل،
كمت توضيت، صليت،
ودعيت ربّي نفس الدعاء:
“يا رب قوّيني وسهّل عليّ لا تخليني
أضيّع هالفرصة.”
وذبيت نفسي من التعب مادري شكد نمت
ماحسيت اله امي وهيه تكعد بيه
:: يلا يمه ايهاب اكعد مو عندك امتحانات
ايهاب: كمت وجسمي متكسر من التعب
كوه كمت سبحت و لبست ملابسي
حضرت غراضي وكعدت اتريك
رفعت راسي وجان اشوفه تفرك بعيونه
بعده نعسانه ههه ابد ما تشبع نوم
ابتسمت رحت لها شلتها وبوست خدها
التفتت عل امي و اردفت..
محتاج دعاء ادعيلي حتا لو خاطري
مكسور منج
طلعت من البيت اجرت تكسي
چان الجوء بارد والشمس بعد
ما طالعة بس احس نار بكلبي
متوتر وقلق وتفكير. ماعرف شنو مصيري
بس متكول عل الله ان شاءلله مايضيع تعبي
وصلت للمدرسة،
الباب مخبوص بطلاب كله جاي تراجع
بقيت ادور عل علي جان اشوفه من بعيد
اجا يمشي بخطوات سريعة وحالته
مو احسن مني بس من شافني ضحك
علي :: هااا ظلع! صباح الخير، شلونك
إن شاء الله قاري زين
ايهاب: والله علي قريت، بس اصدگ كلش خايف…
حسّ نفسي ناسي كلشي!
علي :: هههه الله كريم، لا تفكر احنا كده
يلاا تعال گالوا راح يبدي الامتحان.
-: دخلنه سوا أني وعلي قاعة الامتحانات،
الكل كاعد بمكانه
الستاذ مروان چان يوزع الأوراق
وياه السلام، سلّم علينا وانطانه
اوراق الامتحان،
:: تفضلوا شباب بلّشوا، الله يوفّقكم.
ايهاب: الزمت الورقه وايدي ترجف
باوعت ع للسؤال الأول
من التوتر احس نفسي ناسي
اخذت نفس عميق وبعدين تذكرة
“هذا قاريه البارحة!”
اصلان السئله جانت كلش سهله
بس اني جنت خايف لا ارسب
صرت اتذكر بديت احل سؤال
وره سؤال الحمدلله كملت
سلمت الورقه و طلعت
وع هاذا الروتيت اسبوع او سبوعين
بقينه دك امتحانات واني كلشي
تعبت من السهر والقرايه بس
الحمدلله أخيرا خلصنا
و بيوم العصر، جنت
كاعد أعلك زينة عيد ميلاد ريناد،
أمي نزلت للسوك اجيب
كيك وعصاير وغراض البيت
وملاحضه اني ماعرف
تره ما أعرف هيه بأي يوم انولدت،
بس مثل هيچ يوم، لگيتها…
ذاك اليوم، حسّيت روحي نولتدت،
الهاذا السبب هيج حبيت أحتفل
واعتبره يوم ميلادها…
چانت أمي طالعة جان تجي
روحه طالعه من الحر،
دخلت للبيت وتگعد تصيح..
-: يمّه، انكطع نفسي السوك
شكد بعيد والجو عبالك جهنم
يمه، إيهاب گلاص مي فدوة الطولك!
:: ضحكت ورحت للمطبخ أجيب الكلاص،
ما حسّيت إلا بإيدين صغار
تلزم ب رجلي باوعت جان اشوف
ريناد مجلّبة برجليه تباوع عليه
ضحكت، شلتها بحضني،
ها ولج من هسه دورين حضن
بربوك بعدج بكد زري
اخذته وطلعت انطيت كلاص المي
جان اسمع الباب يندك نزلت
ريناد من حضني ورحت حتا افتح الباب
فتحت الباب طلع بوجهي
علي واكف شايل كوم علاليك
وضحكة شاكه حلكه
علي:: اهووو هم انته بلاا دوخر
وين بنيتي ريناد بويههه وينج
سوده بوجهي وين ضامج هاذا الضلام
ايهاب: احح منو ولك الضلام
ابن ال….. اليش تخليني اهينك
بعدني جاي احجي ويا اشو هاي
جانت تلعب وبس سمعت صوت علي
اجتي طايره وهاذا هم راح يركض
حضنه ويبوس بيه بقيت فاك حلكي
علي:: يمه بنيتي رنود فدوه الهل وجه
يروحلج فدوه الجلح الملاح ايهاب
علي:: اي يبعد ابوج يروحلج فدوه
هاذا جنه بومه يمه صدقه الله
خاب انته هم بشر دباع الجمال
دباع العيون يربييي فلك
طرج مو بنيه ضيمممم
ايهاب: انجب حبيبي تره ما قبل
تتغزل بيه كدامي شايفني شاد كرون
علي: خاب انته منو معترف بيك
ها وعل طاري الكرون لو ادري جان
جبتلك اكرون الجبش ابويه البارحه
ذبحه وذبينا اكرونه ههههه
: كوم من يمه كواد لا اجي اصمط
اهلك ابن ال…. نزله من حضنك لا احركك
علي: شوفي بويه هاذا يغار
من عدنه امحح ع عناد
ذاك الجلح الملاح
ايهاب: كواددد جيبه وانتي
البربوك تكيفين ع حضن الزم
من هسهكرت عيني شلون
تربيه فاشله
ولو اعرف منو طلع عينج وجه السطل
علي:: ايعععع شكد واحد غيور
لان تحبني وما تحبك و شي ثاني
منوووووو وجه السطل ولك تروح فدوه
الوجه جنه كمر وانته اجلح املح
ايهاب: انجب لا صيح تعال خلي نكمل
باقي الزينه ماضل وكت
علي:: كليبي هاي كل الهدايه الج
يبعد روحي راح اكمل الزينه
ويا هاذا لان ميدبر شي من دوني
ايهاب: اهوو هسه دمشي شكد تلغي
وع صوتنه طلعت امي من المطبخ
-: هااااا شنو هاي الهوسة؟
ردّ عليها علي وهو ينفخ البالونات
:: خالة جاي اساعد ابنج لان مايدبر شي
:كعدنه كلنا نشتغل
اني أعلّك الزينة علي يحضر الباقيات
وأمي تحضر الكيك والعصاير
أما ريناد…
جانت تركص وتصيح من تفرح
وتصفّگ كلشي ما تفهمه، بس فرحانة
امي لبسته فستان وردي
اشتريته قبل شهر و ضميته كلت
بيوم ملاده البسه الها
البسته واجتي رفعت راسي
باوعت عليه جانت كلشش فرحانه
شغلت الموسيقى وضوّينا الشمع،
كلنه گعدنا وصرنه نضحك ونغني اله
وريناد تصيح وتضحك وتمد إيده
عالشمع بس أمي لحگت عليها بسرعة،
:: عيب يمه لا تنحركين!
ايهاب: بنيتي منورة
الله لا يحرمني منج يرويحتي
هذا اليوم مو بس عيد ميلادچ،
اني اعتبره يوم كلش مهم
لان بسببج صرت انسان ثاني
توه بدينه نحتفل ريناد جانت
توها راح تنفخ الشموع حتى تطفيهن،
بس فجأة… رنّ تلفون علي.
الكل سكت، وأنا نظرتله،
جاوب وهوه يضحك..
علي: ألووو هااا يابه!
صدگ عليك العباس أبو فاضل
صدگ تحچي
ايهاب: اني كلبي وكف ما أعرف ليش،
بس شفت ملامح علي تغيّرت،
رجع سكت، وعبوسه نزل راسه
سئلته واني كلبي وكع من الخوف
-: هاااا علي شكوصاير شي؟
التفتلي وهو يباوع عليه
علي:: هسه خابرني أبويه،
يكول طلعت نتايج الامتحانات!
ايهاب:هوه كال نتايج الامتحانات
واني كل جسمي تجمد رجلي
مايعينني
باوعت ع امي وريناد ورجعت گلتله..
-: صدگ اي همزين بس
ناجحين لو لا
ضحك علي وشمر التليفون عالطاوله:
علي:: اني ناجح ومعدلي يدخلني كلية الشرطة!
ايهاب: ههه والله وكفوو
راح اصير ضابط بعد شنو تريد
زين واني؟
سكت شويه باوعلي بنظرة غريبة،
وكال..
علي :: ان… انته معرف شكولك بس
ايهاب: گلتله بارتباك
شنو أني؟
فجأه حضني وابتسم ابتسامة
بيها دمعة وفرحة وردف..
علي :: ولك معدلك أكثر منيييي!
معدلك يدخلك كلية المحاماة…
ايهاب تحقق الحلام و راح نوصل
المكان الي جنه نحلام بي
لك ما مصدك واخيرا
ايهاب: بقيت ساكت ما كدرت أجاوب،
بس دموعي نزلت بدون
شفت أمي اجتي حضنتني
-: فدوة العمرك يا يمه والله ورفعت
راس ابوك و حققت حلامه
الله لا يحرمني منك يمه
باوعت ع ريناد چانت تباوع عليه وتضحك
ما تعرف شنو دا يصير،
بس چانت تضحك…
وهيه ما تدري انو مو بس
عيد ميلادها لا هاذا حلامي الانتضرته
من اسنين واليوم تحقق….
الفصل التالي اضغط هنا
يتبع.. (رواية صرخة في الظلام) اضغط على اسم الرواية لتجد الفهرس كاملاً بجميع الفصول.