رواية راعوث – الفصل السابع
part 7 ”
راعوث :- رحت كعدت اباوع ع الكنتور عليه دواشگ وبطانيات وصوبه بالكاع ويعني هوسه الغرفه بقيت حاضنه رجليه لصدري واهز وابجي وباوع يمنى ويسرى وباوع لسكف ودموعي ماتوقفن انفتح الباب وطبت مره جبيره ولابسه دشداشه صفره حصررر مفاتن جسمها بارزه ودلع صدرها طالع نصه وداكه وشوم وتارسه وجها مكياج وصابغه شعرها اصفر ونضراتها تخوف كعدت على الكرسي وصاحت
ايمان :- بلااااا بجييييييي
راعوث :- متت خوف طبكت على الحايط وباوعلها وارجف اريد اوقف دموعي ماكدر
ايمان :- شسمجججج
– را را راعوث
ايمان :- الكح*** راعوث شنو هاي الكلاااده بركبتج
راعوث :- اباوعلها وابجييي
ايمان :- مسيحيه احجييي سا*** لا تبجيييين لا اكوم افكس عيونججج
راعوث :- لا كلادة ماما
ايمان :- شجاي تخرطين شكد عمرجججج
راعوث :- 16
ايمان :- كح*** طفوله خليها على صفحه شناكل تاكلين شنلبس تلبسين شنسوي تسوين كلمتي مسموعه هنا اذا ما سمعتيها اشوفج شي ما يعجبج فاهمه شكلج كولي حاضر عمه فاااهمه
راعوث :- اهز براسي بـ اي لعده مرات من الخوف بعد ماسيطر على نفسي وكلامي كعدتها تخوف وشكلها عبالك رجال الله كالب خلقتها كلاب عاطت
ايمان :- نسرررين
– طبت البنيه نفسها مدنكه وكالت ، ها عمه
ايمان :- صيحي لـ ام ايه ودكيلها الوشوم وغيريلها لبسها وجريلها الكحل الليله اريدها متواجده وحالها حال أي كاوليه
نسرين :- حاضر عمه
راعوث :- صافنه عليهن شنو وشوم شنو من لبس غير هاذه شنو كحله ماريد اريد افراح ربي اخذ عمري قبل لا تشوفني شي يسلب برائتي وطفولتي وره شويه وطبت ام ايه ونسرين اجت نسرين يمي لزمت وجهي وكالت
– صيري عاقله بس ندكلج وشم هنا واشرت على حنجها مثلي اثبتي حتى مانخربلج وجهج خوش
راعوث :- قشعر بدني وسرت بيه الرعشه والخوف وكلبي انمرد مرد فاتحه عيوني على وسعهن وباوعلها دارت ضهري الها وحضنتني حيل حتى ايدي بعد ماكدر احركهن محاوطتني باثنين ادين اجت ام ايه بيدها ابرة مثل القلم مال وشم لزمت وجهي حيل كمت اصرخ و افرفر وجهي يمنى ويسرى
راعوث :- عوفينييييي هدينييييي مااااريد وخررري عنيييي وخررررري ودفع بايدها المحاوطتني بس ماكدرت عليها لزمتني بقوه بقيت اصرخ ودموعي تنزل وهاي تثبت بوجهي واني اصرخخخخ ضربتني راشدي وصاحت بوجهي
ام ايه :- اثبتيييييي يا من*** بت الكو***
– بقيت اصرخ لزمت وجهي حيل اتحرك واصرخ ماخليتها دكلي وشم نهائياً
ايمان :- عوفيهاااا غير مره
راعوث :- عافتني وكامت طلعت واسمع ضحكات ايمان عاليه مقرفه مخيفه كامن طلعن بقت بس نسرين حاضنتني واني ابجي بحضنها بعد ماريد اكوم اتمنى اموت اريد اخلص يربي وكف كلبي وموتني اريد ابجي واكطع نفسي بس علمود اموت رخت ايدها وباست كتفي حيل
نسرين :- لا تخافين
راعوث :- شتريد تسويلي وابجي واشهك وارجف بين ايدها
نسرين :- تريد دكلج وشم مثل هاذا العندي
راعوث :- ليش ليششش عفيه رجعيني لاهلي عفيه ابوس ايدج والله اموت هنا حبااابه
نسرين :- حتى تصيرين وحده منه ورجعه ماكو جم مره اعيد افهمي يا جاهله
راعوث :- شلون اجيت اني لهنا منو جابني شصار بالسوك وين افراح
نسرين :- افراح منو
راعوث :- اختي خطيه والله تريد تتزوج وتعيش حياتها بابا فقير ماعنده فلوس شتردون مني
نسرين :- صار انفجار بهذاك السوك وشايفج ناجح هاذا واحد يجيب لايمان بنات وتنطي فلوس حسب جمال البنيه شايفج غايبه عن الوعي والناس هوسه وكل واحد شايل بته وابنه شمدريهم العالم شالج وعسريع بدون ما ينتبهله واحد جابج وانتي هسه مو بغداد بالبصره انطاج مُنيم وبقيتي يوم كامل نايمه اثر الحادث والمُنيم وهيج مواصفات وبعدج بنيه ماملعوب بيج تنباعين بسرعه وبسعر غالي بس اني انصحج لا تخلين ايمان تبيعج جري وياها عدل واحترميها وطيعيها لان والله العظيم هنا ارحملج من الي يشتريج
راعوث :- تملكني الخوف من كلامها ، زين بس كليلي شسوي يعني ليش جبتوني هنا
نسرين :- شسمج انتي
– راعوث
نسرين :- باعي راعوث انتي هنا تهزين خصرج لضيوف ايمان بليل يجون وينطوج فلوس تاخذهن ايمان طبعاً لا تفرحين عبالج الج ويمكن حتى ينامون وياج
راعوث :- عيوني كلها دموع واشهك ومن كد البجي كمت اشوف غواش ، منو ينام وياي
نسرين :- والله ما فارغه اعلمج عود بعدين الله كريم المهم هسه انتي ارتاحي هنا و الله كريم
الفصل التالي اضغط هنا
يتبع.. (رواية راعوث) اضغط على اسم الرواية لتجد الفهرس كاملاً بجميع الفصول.