رواية راعوث – الفصل الثامن
part 8 ”
راعوث :- اكللللي قندرررررره يا حيوااااانه يا جلللللبه لزمت كتفها غرفت اضافري بي وصحت بوجها واني فاتحه عيوني على وسعهن عوفينيييييييي
– ماحس اله وحده سحبتني من وره وضربتني بوكس بطني رجعت لوره خصلات شعري على وجهي صوتي انكتم كوه اخذ النفس لزمت بطني باثنين ادين وعصرتها حيل بس اريد يهدى الوجع صرخت اخخخخخ
نور :- اله اخلي العمه ايمان تربيج على ايدها رايحه اكللها
نسرين :- لا نور تعاي معليج لا تحجين الصار نهائياً ، رجعت اخذت الفستان ورحت يمها ردت الزمها وكعت بالكاع كعدت وعاصره بطنها بقوه وتبجي تناشغ وتدفر برجليها تنزل رجل وتصعد رجل وتصيح
راعوث :- ماريد ماريد مااااريد
نسرين :- نزلت المستواها رفعت شعرها وره اذانها ، كوثر انطيني قراصه
راعوث :- بقيت ابجي ومدنكه راسي وحاضنه بطني من الوجع وهم ماريدها تنزعني لمت شعري بالقراصه ورفعت وجهي وهمست بصوت ناصي
نسرين :- مسحي دموعج لا يصير شي مايعجبج
راعوث :- خفت من نضرتها كمت امسح بدموعي وباوعلها رادت تنزعني دفعت ايدها ومدنكه اصيح لا لا لا لا ماهتمت لكلامي وبسرعه نزعتني البدي همزين لابسه ستي** لميت روحي واشهك لبستني الفستان ودموعي تنزل عشره عشره عاطت
– كومي
راعوث :- بقيت كاعده ومدنكه بالكاع ماريد اكوم الفستان يفشل لابسه بجامه بس الصدر والضهر والايد كلشي مفضوح لزمت ايدي اثنينهن وصاحت
نسرين :- دكوميييييي
راعوث :- وكفت وسحبت البجامه نزعتني باوعت على رجليه دم
نسرين :- مو لبستج الفستان ماتكولين نااازفه اريد ابدلل؟
راعوث :- اباوعلها وابجي والبنات يحطن مكياج وصافنات عليه جابت شال حطته على كتفي وغطت جسمي بي واخذتني للحمام تريد ترفع الثوب دفعتها حيل وارجع لوره
نسرين :- رفعي الفستان لفوك وغسلي رجليج راح اجيبلج ملابس داخليه واجي الكاج مكمله غسل خووش
راعوث :- ابجيي بغزاره ورحت غسلت ثواني واجت دكت الباب بسرعه نزلت الفستان طبت نطتني الي احتاجهن وخزرتني وراحت لبست وفتحت الباب لكيتها واكفه بالباب رجعت دفعتني وطببتني للحمام وصاحت
نسرين :- شو تعاااي
راعوث :- غسلتلي وجهي واخذتني للغرفه كعدت بالكاع مسحت وجهي حيل بدون رحمه لدرجه وجهي كام يوجعني وارجع راسي لوره عيوني حمر دم ودموعي نشفن فتحت الكحل وكالت
نسرين :- لا تتحركين احسن ما أذيج خوش
– سحبتلي الكحله خفت اتحرك واتعور بعيني وسحبت الكحله بالعين الثانيه فتحت شعري ومشطته رتبته اليه تعدل بالكدله وباوعتلي همست
نسرين :- يروحي
راعوث :- منزله عيوني بتعب وخيبة وخوف ويأس من الحياه كلها كومتني باوعتلي بنيه وكالت
كوثر :- ﷲ فدوه تجنن
نور :- بس مو بجمالي ، ورفعت شعرها لوره وطلعت
نسرين :- ام سنون صفر ولا تكعد راحه ، يله انتي امشي ابقه اسحل بيج
راعوث :- مشيت وياها طلعت لبره انزل بالفستان انزله من جوه يبين صدري ارفعه ينرفع من جوه حسيت راسي راح ينفجر من الموقف الي اني بي اخذتني للخيمه كعدت على تخم ارضي شفت زلم هواي واغاني ونسوان هواي لابسات لبس ركص والعيون عليه بسرعه دنكت بالكاع وانزل بالفستان من الخوف والتوتر بعد ماكو دموع اريد ابجي ماكدر لامه روحي بس حتى مايشوفون جسمي وادعي يارب اموت يارب اموت كامت نسرين من يمي واني بقيت منزله راسي بالكاع ابد مارفعته
– اجه يمي رجال كعد ويباوعلي من فوك لجوه ومبتسم وانفاسه تلعب النفس ابد ما باوعتله مدنكه بالكاع حط ايده على رجليه ويمشيها على كيف يريد يرفع الفستان
– بحركه سريعه ضربته على حلكه بضهر ايدي ضربه قويه لدرجه اني ايدي كامت توجعني رجع لوره وحط ايده على حلكه وصافن عليه
– بسرعه كمت نزعت الكعب شمرته من رجليه وركضت اريد اشرد ركضت والهوى عالي والدنيه بارده ثلج بس ماحس بالبرد من الخوف والتوتر ركضت طلعت من الخيمه وحسيت نفسي طير وشرد من القفص طلع للحريه طار بجناحاته بالهوى حراً طليق ..
– ثواني من شعور الحريه وانلزمت من وره وواحد واكف كدامي ضربني بخصري صرخت اخخخخخ واخذني سحل للسجن رجعني لنفس المكان ايمان اشرتله على البيت طببني شفت نسرين تباوعلي بخوف وقهر مديت الها ايدي
راعوث :- خلصينيييي
– ماتكدر تسوي شي جانت خايفه حيل وكانو تعرف شراح يصيرلي شمرني بغرفه مخيفه بدون فراش كاع صبه والباب حديد ماكو أي تهويه فقط من جوه الباب وضوه يرمش ينطفي وينعلك يبقه معلوك دقايق ويرجع ينطفي اباوع يمنى ويسرى فارغه حضنت روحي ورجعت لوره انطبكت على الحايط صافنه هدوء البيت واتذكر كلام نسرين يكطعون راسچ يبيعون اعضائج يبيعوج لواحد غمضت اهدى روحي محد اجه عيوني يغمضن من وحدهن من النعاس هستوني غفيت سمعت الباب تنفتح فتحت عيوني شفت ايمان وبيدها حزام بقيت فاتحه عيوني على وسعهن وباوعلها …
الفصل التالي اضغط هنا
يتبع.. (رواية راعوث) اضغط على اسم الرواية لتجد الفهرس كاملاً بجميع الفصول.