رواية راعوث – الفصل التاسع
part 9 ”
نسرين :- نخلص بعون الله
راعوث :- جسمي يوجعني
نسرين :- ضربتج
راعوث :- اي ضربتني حيل على ايدي وبطني ورجليه
نسرين :- كسر بيدها انتي شكد عمرج
راعوث :- 16
نسرين :- اني 27
راعوث :- انتي مثلهم
نسرين :- شلون يعني
راعوث :- وكحه وتحبين الركص
نسرين :- هههه اي
راعوث :- باوعتلها بخوف وخيبة ويأس من الحياه كلها غمضت عيوني ودرت وجهي لجهة الثانيه بقيت اغفه وافز مرعوبه من كابوس عبالي افراح يمي اتفقد ملامحها بس تطلع نسرين مو افراح نمت وصافنه بالسكف ودموعي تنزل من عيني على المخده تنكعت بدموعي الكل نايم البيت صنطه صار الفجر حافضه الساعه من يأذن بس ما جان اكو صوت اذأن اني وين ليش محد يجي يخلصني ليش بس بيتهم بهاي المنطقه ليش ماكو بيوت كعدت ورفعت ايدي ودعيت ربي لو تاخذ روحي لو تخلصني من هاذا المكان ردت اكوم اصلي بس ماكدرت رجعت احاول انام واني افكر شصار ماتت افراح اتزوجت نسوني شويه وسمعت صوت حركه يمي درت وجهي شفت نسرين تلم شعرها بالقراصه باوعتلي وكالت بصوت كله نعاس وبحه
– هاي انتي لهسه كاعده
راعوث :- رجف حلكي باوعتلها وعيوني كلهن دموع تقربت يمي حضنتني وباست راسي وهمست
نسرين :- نامي انتي بحماية الرحمـٰن
راعوث :- بقيت بحضنها ثواني وغفيت عرفت بوقتها جنت محتاجه حضن كلام يطمن كلبي
– فزيت على صوت طكه درت وجهي شفت نور واكع من ايدها الشسوار باوعتلي وكالت
نور :- يله كعدي شعندج لهسه نايمه؟
راعوث :- كعدت متربعه على الفراش شفت الساعه بالتسعه الباب مفتوح شفت البنات يفترن بره عيوني حمر واحس شفتي مورمه وايدي تصل توجعني ماكدر احركها صوت الكدوره والماعين بالمطبخ كرهني بحياتي رحت للحمام غسلت وجهي بايد وحده شفت صابونه على المغسله بس ماغسلت بيها حسيتها وصخه رفعت شعري لوره باوعت على الخاولي معلك ردت انشف وجهي بس لعبت نفسي واحس اريد استفرغ طلعت اباوع على البنات هاي الي تلبس والتعدل والي راح تنباع طبيت للمطبخ ادور على نسرين شفت بنات كلهن باوعلي لابسات دشاديش واكو بجامه وبدي مو مثل هذنيج دورت على نسرين ماهيه ردت اطلع انلزمت من وره فزت روحي درت وجهي وكلت
– ها
جنات :- تعاي كعدي يمنه انتي جديده هنا
راعوث :- اي
جنات :- شلون اجيتي هنا
راعوث :- خطفوني
جنات :- ها عبالي انتي تردين تشتغلين
راعوث :- ليش اكو وحده هنا قانعه وتشتغل هيج شغل؟
جنات :- اي اني اجيت اشتغل هنا
راعوث :- وين نسرين
جنات :- بالخيم اعتقد
راعوث :- اجت الفرصه لازم اشرد عفتها وطلعت بسرعه طلعت لبره وشفت شكد زلم ونسوان بره والكل حط عينه عليه مستحيل اكدر اشرد اذا حاولت انلزم واحصل كتله رحت للخيمه الي جنت نايمه بيها اول ما اجيت لهاذا المكان وخرت الوصله وشفت نسرين ورجال حاضنها ويبوس بحلكها جمدت بمكاني وفتحت عيوني على وسعهن بعد ما اقوى على الحركه حطيت ايدي على حلكي حتى اكتم الصرخه الي حسيت رادت تطلع مني لا ارادي
– وركضت للبيت طبيت للغرفه حصرت روحي بالزاويه وحضنت رجليه وابجي دموعي تنزل لا ارادي من المنضر الشفته روحي تلعب احس اريد استفرغ مامعقوله نسرين يمكن ماشفتها يمكن مو هيه ضربت وجهي حيل بيدي اريد اصحه كككافي وصوت الساعه باذاني سديت اذاني حيل ومغمضه عيوني بقوه اريد اموت
– بقيت كاعده وساده اذاني حيل والبنات يطبن ويطلعن ولا مهتمات ولا يسألني شبيج هذني الاصوات خلن عقلي ينشل صوت ضحكهن وصوت المكياج من يحطن منه ويشمرنه بالجراره صوت الساعه صوت الماعين والكدوره ريحه التمن بزل
– طبت نسرين خزرتني وراحت يم الميز باوعت لوجها بالمرايه سحبت كلنس مسحت حلكها وحطت اديناتها على الميز رخت روحها عليه دنكت راسها ومغمضه عيونها بتوتر صاحت
– شبيج؟
راعوث :- مابيه شي ، شهكت ومسحت دموعي
نسرين :- راعوث تره مالي خلكج ما ابقه اعلمج اني كومي ويا البنات لبسي مكيجي ركصي طلعي شوفيلج واحد يحبج وتحبي هاي كعدتج ماتفيدج راح تحطمج لا اكثر لو تبجين دهر ماطلعين منا واذا طلعتي الكل يشك بشرفج حتى اهلج اقرب الناس الج وراح تعيشين مذلوله لا اكثر
راعوث :- ابجي بهستيريا وصحت ، جوعانه
نسرين :- ههههه راح يصير الغده
راعوث :- اريد اهلي احب اكل افراح
نسرين :- اهووو امشي احسلي
راعوث :- عافتني وراحت بقيت كاعده وحدي ومعدتي توجعني من الجوع وراسي يريد ينفجر صار الغده اجت نسرين كمت وياها وكعدت على السفره بس ما اكلت عندي وسواس احس الاكل وصخ حشى النعمه بس مادري هيج تفكيري جان ماكدر اكل مستحيل بقيت اكل خبزه وماي افراح سوتلي لفه اخذتها اباوع بيها ووسوس وصخه لا مو زينه يمكن مو طيبه جاي افكر وشفت شعرايه باللفه اني هنا انتهيت جسمي كله قشعر هديت اللفه من ايدي وكمت اركض للحمام وحاطه ايدي على حلكي طبيت وطبكت الباب حيل كعدت على الطبله واستفرغت طبت نسرين فتحت الحنفيه تغسلي واني ادفع بيها ماريد تشوفني استفرغت وغطيت وجهي بايدي وابجي دكتني بخفة ايدها على ضهري
نسرين :- شبيج راعوث شبيج حبيبتي
راعوث :- دفعت ايدها وصرخت حيل من القهر اريد اخلص اريد اطلع الصرخه الي بداخلي صرخت حيل وصدى صوتي يرن بالحمام ماحس اله صوتها المرعب ايمان
– هاي شبيهاااااا
نسرين :- مابيها شي بس استفرغت وتعبانه
ايمان :- كومي وياي راعوث
راعوث :- اجت لزمتني من ايدي حيل طلعت روحي حسيت ايدي خدرت اخذتني لفوك طبيت لغرفه دافيه وجربايه وكنتور كعدتني على الجربايه وطلعت من الغرفه بقيت كاعده وارجف معقوله راح تكتلني وين نسرين اريد نسرين اخاف منها هاي ايمان دموعي تنزل بدون صوت حنجرتي تكطعت من الصرخه الصرختها طبت ايمان بيدها صينيه جبيره وبيها اكل حطتها بالكاع
ايمان :- تعاي كعدي يله
راعوث :- ماريد خاله عفيه ما اشتهي
ايمان :- كولي عمه
راعوث :- عمه
ايمان :- تعاي اكعدي اكلي لا تخليني اضوج منج
راعوث :- خفت من نضراتها رحت كعدت يم الصينيه بيها كباب شوي وكله سماگ وخضره وزلاطه وليمون وبصل وطرشي منضر الصينيه يشهي بس ماكدر اكل احس معدتي ماتتقبل الاكل عندي وسواس قوي كعدت سوتلي لفه ووكلتني اكلتها واريد استفرغ
– عفيه عمه
ايمان :- شبيج عيني ما عاجبج كلشي مو صوجج صوجي اني اجيبج لهنا منو اسويلها مثلج
راعوث :- ماعندج بنات ليش ماتحسين بيه والله جاي اموت الف موته رجعيني لاهلي ابوس ايدج
ايمان :- اذا بعد حجيتي اموتج والله
راعوث :- ما ياخذ عمرج الله التحلفين بي ، ماهيس اله حلكي خدران من ضربه قويه من كف ايدها لزمت حلكي وصفنت عليها
ايمان :- بس اسمعج محاوله تشردين او ماتسمعين كلامي شايفه هاي السجينه وشالتها من الصينيه ادخلها الج تعرفين وين واخلي اربعه زلم يغتص** اربعه وتاشر باصابعها رقم اربعه وكدام عيوني اربعه وداعت عيونج هذني الزرك مدري شنو لونهن خبلتي غزوان بيهن
راعوث :- اباوعلها بعدم فهم دنكت راسي وكلبي يدك سريع احس راح ينشك صدري ويطلع كلبي من قوه النبضات تاكل وتخزر بيه من فوك لجوه وره ما كملت لزمتني من ايدي وصاحت لنسرين اخذتني بره للخيمه مدري شحاجتها وطلعت ..
الفصل التالي اضغط هنا
يتبع.. (رواية راعوث) اضغط على اسم الرواية لتجد الفهرس كاملاً بجميع الفصول.