رواية راعوث – الفصل السادس
– كح** حلوه اذا اشتغلت ويانه يطك شغلنه فد طكه ونربح ربح بعدج بنيه لو ملعوب بيج؟
– اباوعلها وجسمي كله يرجف وابجي بقوه وبكلبي ادعي ياربي خلصني يااارب يطلع كابوس ياارب طلعني منا سالمه يارب لا تعوفني وحدي خلصني ياربي ماما جاي تشوفين بتج وين وشجاي تسمع كلام خلصيني ماما حتلو اخذيني يمج بس ماريد ابقه يم هذني النسوان يردون يكتلوني ويبيعون جسمي افراح تعالي خلصيني
راعوث :- عافني وكامن طلعن كمت بسرعه اريد اشرد لان الخيمه مفتوحه بس كمت وفدشي ينزل بين رجليه اباوع على الدوشگ ينقط دم
راعوث :- سوده بوجهيييي ياربي شصار ياربي راح اموت شمسويلي مين هاذه الدم باوعت على لبسي لابسه ثوب جوه ركبة رجلي منو لبسني شصار ابجي و رفعت الثوب باوعت على فخذي نازل خط دم ويابس على رجليه وبعده جاي ينزل دم من شفت المنضر عيوني غوشت ونغزات كلبي موتني سمعت وشوشه باذاني وكعت على الدوشگ وعيوني ذبلن واديه صارن خفيفات واني افكر بالدم ومنضره وباذاني صوت الانفجار والناس والركضه وصوت افراح وبابا وابرار وصوت هذني النسوان
– ثواني وطبت البنيه بيدها طاسه بيها شوربه وكلاص ماي شافت منضري اجت تركض عليه حطت الطاسه والكلاص بالكاع و دكتني بيدها على كتفي كعدت يمي فركت وجهي بيدها ورفعت شعري لوره كالت
نسرين :- شبيج
راعوث :- ابوس ايدج خلصيني حسبيني اختج الصغيره وطلعيني منا عفيه بداعت امج بداعت ابوج والله افراح تموت من البجي عليه ابوس ايدج
نسرين :- اسكتي وصيري عاقله وماخلي واحد يأذيج خوش بس جاي اكلج اخذيها مني نصيحه اسكتي لا تحجين ولا شي
راعوث :- يعني تساعديني هزت راسها بـ اي ومبينه تجذب عليه
نسرين :- اكلي هاي الشوربه وشربي المي كله وعيدي صحتج ورانه شغل
راعوث :- شغل شنو
نسرين :- اكلي ومعليج
راعوث :- اني ليش نازفه
نسرين :- مين نازفه
راعوث :- كمت ابجي بهستيريا وحاطه ايدي على وجهي اتمنيت الموت بوكتها وين اني وييين راسي راح يطككك راح اموت شصااار ليش طلعتي راااعوث ليششش لو ميته المن عشت رفعت ثوبي وباوعت لرجليه باستغراب
نسرين :- هاذا مين الدم
راعوث :- اباوعلها وابجي حضنت رجليه ورجعت لوره واناشغ وانتفض عافتني وطلعت كمت بسرعه والدم كام ينزل على اصابع رجليه وبالكاع هستوني رفعت الوصله مال الخيمه وشفت خيم ثانيه وبيت قريب يم الخيم وزلم كاعدين لابسين دشاديش وقمصله ونص عكال ونص بدون بس مو هواي جم واحد اربعه اقل بس الي صدمني لمحت حيدر جيرانه ماحس غير وحده دافعتني ضخمه وجبيره اي هيه نفسها المره جانت يمي اول بدايه من قوة دفعتها وكعت بالكاع رفعت راسي واباوعلها
ام ايه :- لا طلعييين ك*** سا*** لو تموتين ماتكدرين تخلصين من هاذا المكان اليطب لهنا بعد يحلم يطلع حتلو حلم شرد نكطعله راسه
راعوث :- شترديييين منيييي عوفينييييي ضربتني برجلها حيل بخاصرتي وصاحت بوجهي
– دواج العمه ايمااان
راعوث :- لزمت بطني حيل واناشغ واعصر بيها حيل والدم ينزل من جواي سمعت وشوشه باذاني رخيت روحي وغبت عن الوعي ..
راعوث :- فتحت واحس واحد يغسل بوجهي باوعتلها البنيه
نسرين :- اني مو كلتلج اسكتي لا تحجين اني مو نصحتج ليش تحجين ها يله هسه ارتاحيتي على هاذا حالج
راعوث :- ماريد ابقه هنا اريد اهلي شتردون مني
نسرين :- مثل ماكلتلج ام ايه اليطب لهنا بعد يحلم يطلع خليها ترجيه باذانج وكومي جايتلج الدوره؟
راعوث :- ماعرف
نسرين :- هسه انطيج ملابس كومي اخذج للبيت حتى تغسلين
راعوث :- باوعتلها بنضره توسل وكلت ، ابوس ايدج
نسرين :- لو تبوسين ط*** هم ماطلعين منا
راعوث :- غمضت عيوني واني مستحيه من كلامها وجرأتها كامت وسحبت ايدي كومتني لزمت بيها لان دايخه سحبت شماغ بالكاع فتحته كله وغطت راسي وكتفي بي
نسرين :- غطي وجهج
راعوث :- نزلته على وجهي وهيه حضنتني واخذتني للبيت طبيت حوش جبير كاعيته صبه والحايط طابوك كبار مبينات بدون لبخ وكدامنه باب حديد شويه قديمه فتحته وطبينه جان بيت مقرف ريحته مو حلوه نصه مفروش ونصه لا الكاع صبه والحايط بس ملبوخ بسمنتو باوعت يساري المطبخ والكاع كلها فوح مال تمن ووصخ وكدوره كبار ومعجنات ومصافير بي بنات جاي يشتغلن بقن يباوعن عليه مشينه شبر عن المطبخ بصفه مثل الدربونه صغيره طبينه بيها على اليمنى باب الحمام فتحتها وطبيت كالت
نسرين :- طبي سبحي دقايق واجي اجيبلج ملابس
راعوث :- طبيت للحمام سديت الباب اريد اقفلها ماكو قفل اصلاً وحتى السقفاله مكسوره مجرد ارد الباب وطب اسبح واني دموعي تنزل عشره عشره وجسمي كله يرجف وبس اشهك باوعت لفوك عش عنكبوت وبزاويه الحايط رف عليه صابونه رگي وشامبو وليفه وهاهيه وبالكاع طشت ودولگه وطبله ودوش مزنجر لعبت نفسي من المكان احس اريد استفرغ رحت فتحت الحنفيه على الطشت وابجي كعدت على الطبله واني متردده انزع ملابسي ما احس بأمان خايفه صافنه على الماي وافكر بافراح وين راحت معقوله ماتت بابا يدور عليه هم يجي يوم اخلص من هاذا المكان لو هاي نهايتي فزت روحي على دكت الباب
نسرين :- اطب
راعوث :- طبي وابجي واشهك طبت باوعتلي اخذت حسره وعلكت الملابس وحطت الغراض الاحتاجهن على الغساله واجت كبالي نزلت لمستواي ولزمت اكتافي وكالت
نسرين :- بجيت وبجيت وبجيت وصرخت وملخت روحي واذيت روحي وحركت روحي وحاولت انتحر بس ماخلصت منهم اتقبلت امر الواقع وعشت براحه هاذا البجي والنوح ما راح يفيدج نهائياً ابد ابد والله ما يأثر بيهم كلبهم صخر اليكطع راس بيده شتردين كلبه يصير تقبلي حياتج الجديده وعيشيها بحلوها ومرها هذني دموعج راح يأذنج بدال ما ينقذنج
راعوث :- اني عندي رب كريم وراح يخلصني منا ما راح أياس وراح اضل ادعي لربي يخلصني منكم حرام عليكم وين تشردون من عقاب ربنه ، ابتسمتلي بعدم اهتمام وكامت
راعوث :- تعاي عفيه
نسرين :- لا تكليلي هم خلصيني
راعوث :- ابقي واكفه لازمه الباب حبابه والله اخاف واحد يطب عليه
نسرين :- ههههه سبحي سبحي
راعوث :- عافتني وطلعت بقيت اباوع على الباب وباوع لدم لعبت نفسي اريد اغسل نزعت واني دايره وجهي للباب باوعت على ايدي الملفوفه رفعتها من المي وسبحت وابجي وصافنه على الحايط المي دافي ينزل على جسمي وذاكرتي تعيد مشهد الانفجار وافز على طكه بالبيت عبالي واحد طب عليه او نعاد الانفجار عين على الباب وعين على الماي اني ابجي وماي ينزل على وجهي حسيت اختنكت وانكطع نفسي فتحت حلكي وجريت النفس جر باوعت على جسمي كله جروح من الانفجار وايدي ماكدر احركها اصابعي ماكدر احركهن اذا حركتهن اموت وجع اكوم اصرخ وراسي احسه مورم ويريد ينفجر سبحت وغسلت الدم وكمت لبست حطيت الشماغ على راسي فتحت الباب شفت ماهيه البنيه بسرعه سديتها ورجعت كعدت بمكاني وارجف ماريد اطلع بقيت كاعده نص ساعه انفتح الباب
نسرين :- هاي لهسه انتي هناااا ماتحجين ماطلعين همزين ما متي
راعوث :- ساكته واباوعلها وعيوني ماتوقفن دموع
نسرين :- شكد تبجين؟
راعوث :- سكتت وامسح بدموعي كمت وياها اخذتني لغرفة وطلعت قفلت الباب وراها
الفصل التالي اضغط هنا
يتبع.. (رواية راعوث) اضغط على اسم الرواية لتجد الفهرس كاملاً بجميع الفصول.