رواية راعوث – الفصل السابع والأربعون
part 47 ”
راعوث :- شكت حلكي الضحكه ودموعي كامت تنزل من الفرح اريد احضنه بقوه بس الاجهزه مانعتني بسته بكل قوتي باوعت بعيونه ذبلانات شافني ضحك بتعب ..
عُقاب :- هاي شصاير بيك
راعوث :- صرت ابجي اقوه ، ليش عفتني ليش هيج سويت بيه ليش طلعت بالسياره شصار والله ردت اموت ماريد واحد غيرك اريدك بس انته ابقه يمي
عُقاب :- حبيبي ما اعوفك اخخ بويه صدري ، منو جابج للبصره
راعوث :- رائد
عُقاب :- هسه رائد هنا
راعوث :- كلهم هنا حتى عمتي و افراح وهذوله الولد شايلين اسلحه ضباط كلهم جاين
عُقاب :- بويه صيحيلي رائد
راعوث :- ما مايقبلون بس واحد يدخل يشوفك اريد اني ابقه يمك
عُقاب :- يدري بيه الدكتور اريد شفه
راعوث :- بست خده ابتسمت باوعت بعيونه ، شصار سولفلي
عُقاب :- حادث بسيط
راعوث :- ليش هيج سويت بيه
عُقاب :- شسويت بويه انتي كلبج رقيق
– اخذت حسره خليت راسي يم ركبته بست كتفه وبايدي اتلمس خده وشواربه انفاسه مسموعه كلبي يدك سريع تقربت من اذانه اتجرأت وهمست بهدوء ..
راعوث :- احبك
– جهاز نبضات الكلب تغير صوته نبضات كلبه سريعه باوع بوجهي وحضني بكل قوته والاجهزه وكعن من صدره شم شعري بكل قوته
عُقاب :- عيديها بداعت فروخنه عيديها اريد اسمعها مره ثانيه عيديها راعوث
راعوث :- عُقاااااب الاجهزه عُقاب وخر عمليتكك عفيه عُقااب راح تتأذه
– تحرك وحضني قوي كمزت من مكاني بعد ماعرف شسوي خايفه تتأذه عمليته
عُقاب :- وچ تعااي وچيتي بكلبي نار
راعوث :- طلعت ركض من الغرفه والضحكه شاكه حلكي شفت رائد واكف بره شافني اضحك ضحك
رائد :- يالله اللهم صل على محمد وآل محمد
راعوث :- رائد شوف عُقاب وكعن الاجهزه من صدره
رائد :- ليش وكعن شصار خويه ، دروحي كعدي يم ام عُقاب هسه اصيح الدكتور
راعوث :- رحت كعدت يم عمتي و مبتسمه فرحانه سمعتها تخابر
ابتسام :- لا يمه بعد روحي لا هسه شافته مريته صار احسن براحتك لا اذا كملت شغلك تعال بعد روحي زيودي مع سلامه ، شصار بعد روحي كعد شفتي حجه وياج
راعوث :- حضنت عمتي بكل قوتي وغمضت عيوني
افراح :- احجي راعوث شلونه عُقاب
راعوث :- زين كعد وحجه وياي بس اتحرك وكعن الاجهزه وهسه رائد صاح لدكتور
ابتسام :- رفعت ايدها والابتسامه على وجها ، يالله الف الحمد والشكر نخيتك يا ابو فاضل ما فشلتني
راعوث :- باوعت لعمتي وابتسمت كلبي يدك سريع واحس طايره من الفرح من بعد البجي البجيته تذكرت كلمة احبك كزبر جلدي وره شويه واجه رائد ..
رائد :- حجيه كومي تكدرون تشوفو كال الدكتور حتى تطمنون عليه وترجعون للبيت خوش يمه
راعوث :- دخلت امه حضنته حضنها وباس راسها طمنها عليه و افراح تحمدت على سلامته كعدنه يمه شويه شايلين الاجهزه منه بس الكانونه باقيه عُقاب كام من السديه
رائد :- ها عُقاب وين
عُقاب :- نتوكل على الله
رائد :- دكعد بلكت يجيبولنه الغده بلاش
عُقاب :- كوم خويه فضحتنه احنه مو وحدنه
رائد :- لا جا عندي بس اطيب البلاش
عُقاب :- لا كول ضام فليساتك لمهر المره وشلون يطلبون مهر همه يابويه
رائد :- همه غير يوافقون حتى كلبي انطي الهم ولو همه اخذو من زمان
راعوث :- باوعت لافراح وابتسمت رادت تدخل بملابسها من المستحه باوعلي عُقاب وعض شفته الجوه
عُقاب :- بويه البنات مصيبه بويه بلوه ضيم البنات
راعوث :- رائد يباوع على افراح و عُقاب يباوع عليه وعمتي صافنه علينه
رائد :- اكوم اشوف الدكتور شيكول خاف مايصير نطلع هسه
عُقاب :- هيه بكيفه انطيني باكيت جكاير بين ما اشتري
رائد :- مو وكت جكاير مو طالع من عمليه
عُقاب :- هف الباكيت بلا لغوه
راعوث :- انطاه الجكاير وجداحه وطلع رائد عُقاب اخذ جاكيته من عمتي لبسه ورث الجكاره اخذ المحفظه فتحها طلع هويته والحجل دور بالمحفظه اخذ نفس وزفره بعصبيه حط المحفظه بجيب البنطرون وطلع من الغرفه بدون ما يسمع لعمتي حجت وراه
ابتسام :- وين عُقاب فدوه اروحلك تعال هسه يجي الدكتور عُقااااب يالله اخذ عمري والله موتني عُقاب على ايده شوكت تتغير
افراح :- اسم الله خاله ليش هيج تدعين هوه اذا يحس روحه تعبان مايكوم بس يمكن ما متأذي حيل الحمدالله كام بالسلامه لا تضلين قلقه
ابتسام :- شسويله هذا كلبي اشمره لجلاب
راعوث :- تخافين عليه
ابتسام :- جا شلون قطعه من كلبي عُقاب
راعوث :- شلون عفتي يم حسام ، صفنت استوعب الحجيته
– توترت وحسيت كلبها راح يطلع من مكانه من دكاته
راعوث :- صفنت عليها كمت من مكاني قبل لا اسمع جوابها طلعت سديت الباب وراي وصفنت
– ليش حجيت ليش خاف كسرت كلبها خاف أذيتها خاف ضاجت مني لا يمكن عادي شلون عادي شلون ذكرتها بحسام خاف تحبه يربي يربي بس اطلب منك طلب تخليني ما احجي الكلمه لمن اتاكد منها مابيها شي ولا تأذي المقابيلي واحجيها ..
رائد :- طلعت من غرفه الدكتور شفت عُقاب صاك على سنونه ويحجي بعصبيه ويا الممرضين
عُقاب :- ويييين الماااااشه ويييين ضاعت منككككم هاااا ماتعرفون تحافضون على غراض المريض بين ما يجون اهله وينها بس واحد منكم يفهمني وينها والخلق الكون اذا ما طلعتوها اطلع روحكم هسه دوروها بكل المستشفى مخليها بالمحفظه وين راحت !؟
رائد :- سمعته بكلامه الاخير ما لحكت رحت عليه ، خير خويه شضايعلك
عُقاب :-ماشه لراعوث
رائد :- طلعتها من جيبي ، على كيفك بعد اخوك هذني عندي الماشه والفلوس حطيتهن بجيبي ونسيت انطيهن لراعوث وبقن بالجيب
– بقه خازرني بعيونه كحيت ومديتهن اله اخذهن وباوع على الممرضين
عُقاب :- عذروني عزيزه عليه
رائد :- اي خطيه بيبيته خلتها عنده وتوفت وصته مايضيعها لا تذكرونه بالماضي راح ابجي
– الله يرحمها بس مو هجي وكلتنه رزاله بدون سبب يله ما صار شي
عُقاب :- اعتذر بعد عيوني اعصابي تعبانه وهيه عزيزه عليه
راعوث :- طلعت عمتي وافراح ننتضرهم وره شويه واجه رائد
رائد :- يله حجيه امشينه عُقاب ينتضرنه بالسياره
راعوث :- مشيت كدامهم وضجت حيل ليش عافني وصعد شلون يعوفني بعد كل هذا وما خاف من السياره اني اعلمه
رائد :- على كيفج خويه راح يروح الطفل صفح
راعوث :- خلي يروح
رائد :- هاا خير ان شاء الله شو ضايجه
راعوث :- عفته ومشيت اسرع رحت لسيارة رائد فتحت الباب تخصرت تك ايد وباوعت على عُقاب يدخن ومرخي راسه على الكشن نفخ الدخان لفوك وباوعلي من فوك لجوه
راعوث :- ليش تصعد بالسياره وحدك بالله صار حادث ثاني
عُقاب :- استچني ام الحوادث محد جاي يسوق
راعوث :- بالله تحركت وحدها شلون
عُقاب :- كولي اريد مشاكل لا تضلين تلفين ودورين
راعوث :- اخاااف عليكك
– حط الجكاره بحلكي سكتني بحركته رخيت جسمي وهدائن اعصابي ركزت بشواربه سمعت عمتي تحجي وراي ويا رائد جاين على السياره اخذها من بين شفايفي ودخنها ومركز بشفتي ..
رائد :- ها خويه ليهسه ما صعدتي
راعوث :- صعدت وره وسديت الباب بكل قوتي
رائد :- بالعباس فلوس التصليح عليك
عُقاب :- هاهيه بويه بس اخذنه للبيت رحمه لابيك
رائد :- حجيه سوي شوربه وصاني الدكتور ونام على ضهرك اكعد على تخم رخي جسمك
عُقاب :- حافضهن كلهن بس سوق سريع فدوه لعيونك
رائد :- شو مستعجل شعندك
عُقاب :- ضحك واهتزت اكتافه ، رائد سوق سريع بلا ملحه
رائد :- لا نسويلنه حادث على كيفنه بعد اخوك بعدني ما معرس اريد اعرس
عُقاب :- صوج الوكت خلاك توصلني بسيارتك
رائد :-كول غيرها تريد سريع يله هاي لعيونك اقوه سرعه
ابتسام :- لا فدوه لعيونك يمه والله كلبي مايتحمل على كيفك طاير البيت
عُقاب :- ليش ما يسون كرسي ثالث لكدام
رائد :- ليش شتسوي بي
عُقاب :- اخخخ يرائد
راعوث :- بقيت اباوع على الطريق وحمدت ربي عُقاب زين وهسه يحجي ومو تعبان وماصارله شي الشمس حيل قويه بوجهي عركت مسحت كصتي واحس راح اغفه شفت عُقاب نزع جاكيته ونطاني الجاكيت
عُقاب :- بويه خلي على راسج الشمس أذت عيونج
رائد :- اي بالعباس صارن خضر مدري شني
عُقاب :- ماخذ ميانه زايده
رائد :- جا غير صرت نسيبهم
عُقاب :- خليني لازم لساني
راعوث :- خليت سترته على راسي وغمضت عيوني غفيت واسمع صوتهم بعيد تعبانه متكسر عيوني يحركني اسمع صوت صريخ بجي خوف كوابيس مرعبه
ابتسام :- بعد كلبي نامت فرفحت روحها عليك يمكن ما نامت ابد من اجيتو للبصره مو
افراح :- اي والله خاله كضت الطريق كله تبجي
رائد :- بس يابويه شكد تبجي عبالك مخليه خزان ماي بعيونها هسه اكللها لا تبجين شو تزيد
عُقاب :- يابعد عيوني
رائد :- خوافه كلش بشكل مو طبيعي وتلح وتعاند عدها كلمات طفوليه وتموت على ربك كضت الطريق ، قلد صوت انثوي ، احبببه احببه تفهم اموت بدونه لا ونوب تكلي دفنونه سوه واني كلبي يرجف خاف صايرلك شي
راعوث :- كافي !
عُقاب :- كافي حبيبي سد الموضوع
رائد :- جا مو نامت
عُقاب :- كافي لغوه
راعوث :- سكت رائد صار هدوء اريد ارجع اغفه ماكدر ، وصلنه للبيت نزلنه اول مادخلنه للبيت اجت قمر تركض حضنت عُقاب شالها اخذها منه رائد لان مو زين يشيل ثقل
فرح :- ها خويه شلونك شلون صرت الحمدالله على السلامه والله كلبي يمكم سوده عليه شلون صرت يخوي
عُقاب :- الحمدالله يابه لا تكبرون الموضوع
رائد :- يله خويه الحمدالله على سلامتك محتاج شي اني رايح
عُقاب :- تسلم الغالي حبيبي هلا بيك
راعوث :- رائد سلم وراح صعد عُقاب للغرفه فرح سلمت على افراح وباستني عمتي نامت على التخم بالصاله ولزمت راسها كامت تون منه فرح جابتلها علاج ضغطها اخذته ونامت
افراح :- راعوث روحي خاف عُقاب يريدج روحي شوفي طلعيله ملابسه خاف جوعان يريد اكل
فرح :- اني سويت شوربه و زيد رجع الفجر ردت اوديها بيده بس خابرو على شغله مهمه وكال من ارجع اخذها هسه راح احميها اله
راعوث :- يعني زيد جان بالمستشفى
فرح :- اي والله خابرونه بنص الليل والفجر رجع للبيت هسه روحي شوفي رجلج
راعوث :- هزيت راسي بـ اي وصعدت للغرفه شفت عُقاب يخابر ويكلب بملابسه
عُقاب :- تمام عيني خوش مع سلامه ، هلا بحبي هلا بعروك گلبي تعال بحضني تعبان
راعوث :- رحت حضنته وبست صدره ، خابرت منو
عُقاب :- هذا المطي واحد من الجماعه
راعوث :- روح اكعد واني اطلعلك ملابس
عُقاب :- اريد اسبح ماكدر وحدي
راعوث :- هسه اكول لامك تسبحك
عُقاب :- *** اختي
راعوث :- عُقاااب لا تفشررر
– راح نام على الجربايه ايده على عيونه ويدخن طلعتله ملابس ورحت يمه وخر ايده من عيونه باوعلي فتحلي حضنه
راعوث :- طلعتلك ملابسك تريد تسبح كوم
عُقاب :- تعال
راعوث :- كعدت بصفه ومدنكه راسي سحبني من خصري نمت على ايده حضني وباس راسي
راعوث :- توجعك العمليه
عُقاب :- لا ابني
راعوث :- وين الكانونه
عُقاب :- شلتها بويه
راعوث :- جوعان تريد شي اسويلك
عُقاب :- ما رايد شي بس رايدك يمي رايد اشبع شوف منك
راعوث :- شتاقيتلك
عُقاب :- ها صدك عود يو حجي السان الله عليج
راعوث :- ليش اول مره واحد يشتاقلك
عُقاب :- لا بس اول مره اسمعهة منج مو صحيح
راعوث :- اممم
عُقاب :- فدوه لهل شتياق اني اكثر شوك وبل اخص للحصره
راعوث :- شني الحصره
عُقاب :- ولك تقرررب
راعوث :- تقربت منه حضنته اقوه وباوعت على وجها حطيت ايدي على خده ومسحته باصبعي الابهام اباوع على عيونه شواربه حلكه خشمه حواجبه اريد احفظ كل تفاصيله ..
عُقاب :- عيدها
راعوث :- شعيد
– تقرب من اذاني انفاسه حاره باسني بوسه خفيفه وهمس ..
عُقاب :- احبك
راعوث :- كزبر جلدي همست برجفه ، عُقاب
عُقاب :- امه وابو
راعوث :- كوم اسبح واللبس واكل حتى تنام وترتاح
عُقاب :- اويلي اويلي حسام تسمع منو يهتم بابنك
راعوث :- غصبن عليه
– ضحك وباسني بقوه ومن كل مكان بوجهي يبوس بيه ويحجي
عُقاب :- اريد اضمك اريد اكلك اريد اجعصك بوووويه راحتييي تسوه السياسين والعكل انتي روحي ومحد يتخلى عن روحه
راعوث :- تره رقيه عتذرتلي
عُقاب :- بويه سدي هذا الموضوع الفاشل شني السالفه
راعوث :- اممم سديته
عُقاب :- كايم للحمام تعاي وراي جيبي ملابسي
راعوث :- كمت وراه اخذت الملابس طبيت للحمام باوعتله بطرف عيني يدخن ومضيق عيونه فتحت المي سمعت الباب انقفلت درت وجهي صفنت عليه
– تقدم مني بخطوات بطيئه ابتسم تك خد سحبني اله وباس راسي
عُقاب :- فتحي البنطرون
راعوث :- والله ما
عُقاب :- تقبلين عمليتي تتأذه
راعوث :- عليك العباس لا
عُقاب :- دفتحي مايرادلها شي
راعوث :- عُقاب لا شبيك يا عزه عُقاب ..
فرح :- زين انتي ليش ما توافقين بس شرطي عليه كليله بيت بغداد وبمنطقتكم حتى بين فتره وفتره مري على ابوج
افراح :- فرح باعي اني اعرف لابوي اكثر من اخواتي علاجه اكله نومته حتى بالمستشفى ابات ويا اني والبنات يبقن بالبيت كلبي يم البنات وكلبي يم ابوي لا اكدر اخلي وحده تروح ويا ابوي ولا اكدر اعوفه وحده صغار واخاف عليهن ولد الحرام هواي اني عاد جبيره واعرف اتصرف انتي تدرين شصاير بحالي شيصير بيه وحدي وابوي نايم مايدري ينطو علاجاته ينام تعرضت لتحرش اكثر من مره احسبج اخيتي واسولفلج وحق القران نفسيتي مدمره ، نزلت دموعي وشهكت ، صار عندي حالة نفسيه لو اسولفلج ضيمي وحياتي واني بعدني هلكبرني يمكن تموتين قهر لا ليلي ليل ولا نهاري نهار
فرح :- سوده عليه والله لو بيدي اساعدج واجي اني اوكف ويا ابوج بس الجهال وزيد شغله وانتو بعيدين والله العظيم بس فدوه اروحلج وافقي على رائد والله ماتلكين احسن منه يصونج ويستر عليج ويوكف ويا ابوج هوه اذا كالج اعيشه ويانه بعد شتريدين ومبين حابج الولد
افراح :- ماكدر قرار صعب الله لا يحط واحد بموقفي لازم اختار وحده من الثنين يا حياتي يا حياة ابوي
فرح :- بس رائد كالج اخلي ابوج يعيش ويانه بعد شتريدين
افراح :- كله جذب
فرح :- جربي
افراح :- فرح صدك تحجين شجرب هيه لعبه لو شغل واجربه هذا زواج مسؤوليه اوراق ومحاكم خو ما اسبوع واطلك
فرح :- متأكده راح يسعدج رائد
افراح :- مادري الله كريم هسه منو يرجعني لبغداد عفيه ماتنطيني موبايلج اتصل على ابوي خليت يمه موبايلي
فرح :- اي حبيبتي هسه اجيبه
راعوث :- كمل سبح عُقاب لبس وراد يطلع باوعلي وابتسم تك خد ، اذا تكدر جيبلي شي البسه ملابسي تنكعن
عُقاب :- اوووووف
راعوث :- دنكت مبتسمه طلع من الحمام رحت قفلت الباب سبحت ما اجه عُقاب كملت سبح لبست البرنص ورحت للغرفه لكيته نايم طلعت ملابس تأكدت منه نايم رحت من الجهة الثانيه نزعت ولبست دشداشه سوده جوه ركبة سمعته حجه
عُقاب :- اخخخ اذا الزم الاخترع المرايه ابوسه بوسه اخلي مايعرف دربه
راعوث :- مشيت بهدوء واباوع عليه ردت اطلع عبالي الباب مفتوح نسيت انضربت بالباب لزمت راسي ودنكت
عُقاب :- علكيفك شايفك شايفك
راعوث :- فتحت الباب ونزلت جوه لكيت افراح وفرح يحجن
راعوث :- اصب من الشوربه حاره مو
فرح :- اي يروحي بس ديربالج لا تنجوين
افراح :- شنو تنجوي صبي صارت جبيره لا تخافين عليها
راعوث :- شبيج
افراح :- مابيه شي يله صبي خلي اشوفج دبريها
راعوث :- خزرتها هاي شبيها وياي مشيت بعصبيه صبيت من الشوربه خليتها بصينيه وخبز اخذت الصينيه وباوعت لافراح حجيت بعصبيه
راعوث :- يله هاي دبرتها
افراح :- لو مو عيب جا هلهلت
راعوث :- هاي شبيها اسم الله ضايجه مني
فرح :- ههههه امشي ولج شوكت تكبرين عوفيها اختج ضايجه
راعوث :- منين ضايجه
افراح :- مابيه شي امشي
راعوث :- ليش ماتحجيلي
افراح :- والله احجيلج بس اخذي الاكل وروحي
راعوث :- صعدت للغرفه بدون ما اباوعله خليت يمه الصينيه ردت اطلع من الغرفه عاط
عُقاب :- وين؟
راعوث :- اروح يم افراح
عُقاب :- تعاي بويه تعاي يمي كابليني
راعوث :- ليش تباوعلي بالمرايه
عُقاب :- وين باوعتلج
راعوث :- اي اي
عُقاب :- دتعال ابني بعدك تستحي مني
راعوث :- كعدت يمه وكلته اخذ مني الخاشوكه وكلني رفع شعري وره اذاني
عُقاب :- اموت على ربچ
راعوث :- ابتسمت اباوع بعيونه قدمتله الخاشوكه وايدي ترجف اكل ويباوع بعيوني
عُقاب :- اشوفه غضب الله اليبجيج
راعوث :- انته اذا يمي ابد ما ابجي بس اذا عفتني والله اموت
عُقاب :- تغرك اهل بغداد بدموعك
راعوث :- اي اسوي فيضان
عُقاب :- تسونامي
راعوث :- اكلب الدنيا
عُقاب :- هلكد تحبني
راعوث :- ردت اوكله وخر الخاشوكه شال الصينيه حطها على الكومدي سحبني نيمني بحضنه شم ركبتي بكل قوته غمض عيونه ونام ..
– وره ما تأكدت نام كمت من حضنه غطيته وبست خده اخذت الصينيه غسلتهن وغسلت رحت لغرفة فرح شفت فرح وافراح نايمات بعد الهوسه والسهر سديت الباب وصعدت للغرفه طفيت الضوه نمت يم عُقاب غمضت حسيت حركه يمي غطاني واخذني بحضنه غمضت و نمنه نومه عميقه ..
راعوث :- عُقاااب عُقاب اكعد عفيه جاي تشوف شنو هذاا
عُقاب :- شنو بويه وينه
راعوث :- الشرطي يطير شووووف الشرطي جاي يطيررر
عُقاب :- اسم الله بويه حلمانه رجعي نامي
راعوث :- والحسين ما جذب الشرطي يطير مو حلمانه عُقاب تره والله جاي اشوفه
عُقاب :- اي خطيه تعب من المشي كام يطير يله رجعي نامي
– رجعت نامت بحضني كل دقيقه وفزت خايفه ومرعوبه ..
راعوث :- كعدت بـ 5 العصر باوعت على عُقاب لابس لبس رسمي يلبس بالساعه ولا عبالك مسوي عمليه
راعوث :- وين رايح
عُقاب :- لبغداد
راعوث :- نروح وياك
عُقاب :- اي بويه هسه زيد اجه كالي اوصلكم افراح تلح تريد ترجع
راعوث :- جا لعد ليش مبدل ومكمل ماتكعدني
عُقاب :- جا لعد هاي وين صايره ، كومي لبسي
راعوث :- صفنت ثواني و كمت طلعت ملابس حضني باوعتله وابتسمت
عُقاب :- شلونه الشرطي اليطير
راعوث :- صفنت اتذكر لمحات من الحلم ضحكت بصوت عالي ، شكلتلك عفيه
عُقاب :- امشي البس بعدين اسولفلك
راعوث :- ضحكت ورحت بدلت مشطت شعري باوعتله مخصر تك ايد ويدخن
عُقاب :- هاهيه خلصنه من الحجاب لبسه وحده ونشمره
راعوث :- ههههههه اصبرلي ما متعلمه عليه
عُقاب :- يله بويه راح يصير الليل
راعوث :- كمت رحت يمه رفعت رجليه بست خده
عُقاب :- اوفففف بووويه
– رحنه لبغداد زيد يسوق باوعت لافراح نضرتها تكسر الكلب حايره ماتعرف شتسوي شتختار توافق لا وزواج شمس منا وبابا منا عدها هواي سوالف بالها اخذت حسره وباوعت لطريق
رائد :- شفت القران مالت افراح بالسياره سحبته بسته وفتحته بكم سوره مخليه ورق صار عندي فضول اشوف اول ورقه شفتها كاتبه دعاء للشفاء وجوه مكتوب اسم ابوها كامل الورقه الثانيه بغير سوره بيها دعاء لاختها راعوث يصبرها ويريح بالها ويهدي عليها عُقاب وهواي امور الورقه الثالثه كاتبه بيها للحفظ على اخواتها والرابعه الها كاتبه هواي والورقه عليها دموع ناشفه حتى الكتابه مامبينه كلش وجوه مكتوب اسمها مادري اذا هيه كاتبتهن او اخواتها او ابوها بست الدموع على الورقه ورجعتها لمكانها اخذت نفس وزفرته رحت للبيت اخذت الوالده وطلعت لبغداد ..
راعوث :- لليل وصلنه لبغداد دخل زيد و عُقاب سلمو على ابوي راح زيد و عُقاب بقه ابوي تحمدله على سلامته عباله حادث بسيط ما كاله عمليه مايريد يخوفه عُقاب شاف صحة ابوي تعبانه اخذه للمستشفى بتكسي يشوف شلون صاير شنو يحتاج ما يحتاج
– افراح كامت نضفت البيت هوه نضيف بس ماتعرف اله كله ترتبه على ايدها
شمس :- اتصلت على ام عقيل وسولفتلها الصار والحادث كالت يله نأجل العرس
افراح :- يله الله كريم بيها صالح يمكن
شمس :- الحمدالله والشكر
راعوث :- سوينه العشه وتعشينه وراها واجه ابوي طلعت لـ عُقاب ، شلونه بابا
عُقاب :- زين ابني اني رايح ديربالج على نفسج
راعوث :- ترجع للبصره
عُقاب :- لا بويه باقي هنا بغداد
راعوث :- اي لا تروح اذا رحت اخذني وياك
عُقاب :- اخخخ بويه صار يحبني اكثر من اهله
راعوث :- شبكت ركبته وباوع بعيونه وعلى شواربه مبتسمه همست ، اموت عليك
عُقاب :- لا بشرفك راح اخطفك
راعوث :- لا لا
عُقاب :- ولج شني انتي شني
راعوث :- راعوثتك
عُقاب :- اريد راعوثتي محتاجها بويه اريدهاااا
راعوث :- حضني وصار يتقدم مني واني ارجع لوره طبكت بالحايط باوعت بعيونه ، وخررر
عُقاب :- اشششششش
راعوث :- رفع شعري وراي اذاني وباس شفايفي وخر مني عرك مسح كصته فتح دكم القميص خزرني من فوك لجوه وطلع من البيت رحت سديت الباب وطبيت كعدت بين اخواتي استمعت لابوي اليحجي ويا افراح
ناصر :- بويه هذا مستقبلج وماريد اجبرج على شي اني بس لازم اطلعين وتعيشين ويا واحد يسعدج ويريح بالج اني ما بقالي شي مدة زمن واروح من هاي الدنيا صيرن قويات ذيبات ما ينخاف منجن لا تخلن واحد يذلجن او يهينج او يدوس على كرامتجن حتى لو اقرب واحد الج حتى وان كان زوجج ديربالجن على روحجن من تجيبن جهال ذكروني يمهم كلولهم جدو جان يحبنه ومدللنه وجان يتمنى يشوفكم بس هاي منيته اجت بهيج وقت واني اتمنى اموت ما خايف من الموت اريد اروح يم رب كريم اريد اخلص من هذا الوجع اريد اشوف امجن مشتاق لشوفتها
– كلنه نستمع اله ودموعنه حاره على خدنه
افراح :- بابا عفيه لا تحجي هيج غير اموت وراك ما بقالك شي واطيب لا تيأس فدوه اروحلك كول كلام ايجابي والله راح اموت
ناصر :- ان شاء الله اتشافه واتعافه واكوم على حيلي واجي لبيوتجن برجليه ودك باب بيوتجن وحده وحده تستقبلني بالغده الطيب والجهال يلعبون داير ما دايري وضحكتجن على وجوهجن يابعد اهلي
افراح :- اي هذا الكلام الحلو هيج دوم اريدك تحجي هذا الكلام الحلو يريح البال
ناصر :- بعد عيوني بناتي وافقي يبويه وافقي على رائد
افراح :- الله كريم
راعوث :- باوعلي ابوي وابتسم ابتسمتله
ناصر :- شلونج بويه شلونه حملج
راعوث :- كلش زينه
ناصر :- دوم زينه ان شاء الله يوم الاشوف ابنج او بنيتج بحضنج
راعوث :- يوم الاشوفك زين واكف على حيلك وترجع شباب وبدون هاي العكازه ولا العلاجات هاي عندي احلى من الطفل
ناصر :- يا بعد عويناتي الله يحفظجن اليه البنات نعمه طلعتن على امجن كلجن ساندتني وماعفتني وحدي يوميه احمد الله بليل قبل لا انام لان جبت خمس بنات
راعوث :- حضنت افراح وبجيت بحضنها باستني افراح ومسحت على ضهري
ناصر :- لا تبجين يبويه لا تبجين ماريد اشوفجن تبجن
راعوث :- كمت من يمهم ماتحملت ابجي يم ابوي و أذي دخلت للحمام بجيت غسلت وجهي باوعت على المرايه ابتسمت تذكرت طفولتي وحمامنه القديم وبيتنه القديم شكد تغيرنه بسبب عُقاب تغير هواي اشياء من دخل لحياتنه شكد فرحانه واني اشوف اهلي مرتاحين ما جنت متوقعه راح اسامحهم وانسه الماضي واجبارهم على زواجي من عُقاب بس سامحتهم واصلاً ودي اشكرهم لان زوجوني لـ عُقاب غير حياتي خلاها احلى خلاني اعرف معنى الحب والاهتمام والغيره صرت اشتاقله اذا راح عني ثواني اشتاق لصوته وملامحه وطوله وشواربه شبكت ايدي كزبر بدني اخذت نفس وزفرته بأريحية ..
الفصل التالي اضغط هنا
يتبع.. (رواية راعوث) اضغط على اسم الرواية لتجد الفهرس كاملاً بجميع الفصول.