رواية راعوث – الفصل الخامس والثلاثون
part 35 ”
راعوث :- نايمه على الجربايه انفتح الباب دخل عُقاب كعدت بسرعه
راعوث :- عُقاب اريد احجي وياك
عُقاب :- واني اريد اشوفج شي
راعوث :- شوفني
عُقاب :- لا احجي
راعوث :- اول انته
عُقاب :- شتشوف ياهوه اهم سالفتي لو سالفتك
راعوث :- سالفتك
عُقاب :- خوش
راعوث :- راح بدل ملابسه طفه الضوه شغل ضوه احمر أردف
عُقاب :- نخلي شويه اچواء رومانسيه
– تقرب كعد يمي على الجربايه بيده علبه
عُقاب :- مادري اذا راح تعجبج او لا المهم مدحيني جذب
راعوث :- شنوه
– قدملي العلبه وفتحها شفته سوار يجنن ابتسمت لا ارادي طلعن كل سنوني وعيوني كامن يلمعن
راعوث :- الللله يجنن والله يجننن هاذا اليه
عُقاب :- جا لابوي
راعوث :- رفعت راسي باوعتله وشاكه حلكي الضحكه من الفرحه شمرت روحي بحضنه وحضنته حيل همست
راعوث :- شكراً
عُقاب :- اخخ بابا اكعدي عدل
راعوث :- وخرت من حضنه وكعدت اباوعله مبتسمه نسيت سالفتي وكلشي من فرحتي حلو الاهتمام الدلال النضرات احد يذكرك بشي حتلو بنستله هاي اكبر فرحه عندي
عُقاب :- وهسه تلبسي حتى يحلى اكثر
راعوث :- مديت ايدي لبسني باوعت بي ومبتسمه
عُقاب :- حبيبي
راعوث :- حيلل حلوو
عُقاب :- زقوچتي
راعوث :- ها
عُقاب :- شتردين تحجين
راعوث :- باوعت بعيونه واختفت ابتسامي ادركت راح اطلب منه يطلكني ومن الممكن يوافق وبعد ماشوفه؟
عُقاب :- نضرتج بابا شصاير؟
راعوث :- عُقاب
عُقاب :- احجي راح تنشكين
راعوث :- انته مو لكيت غزوان وهسه هوه بالسجن
عُقاب :- اي وبعد جم يوم ينعدم
راعوث :- اي خلاص انته مو تزوجتني لان خايف عليه
عُقاب :- اي؟
راعوث :- اريد ارجع لاهلي
عُقاب :- شتسوين باهلج
راعوث :- طلكني
عُقاب :- مو حبلتك شلون بعد
راعوث :- اباوعله بارد وكأنو متاكد مراح يطلكني هوه بكيفه كلشي بيده
راعوث :- شنو حبلتني
عُقاب :- اي سويتلك فريخ
راعوث :- اني حامل؟
عُقاب :- شهر ويبين
راعوث :- بس اني ماريدك اريد اهلي
عُقاب :- ماتريديني؟
راعوث :- اي ماريد اعيش وياك اكرهك
عُقاب :- راعوث كوه حبيت
راعوث :- شحبيت شبيك كلتلك ماريدك هيه لزكه طلكنييي عوفني ارتاااح مليت ماريدك
– لزم الاسوار سحبه بكل قوته انحبس الدم بايدي عطت
راعوث :- اخخخ اخخ
عُقاب :- مليتي مني؟
راعوث :- سحبه اقوى ، اخخ عُقاب جاي تأذيني عوف ايدي
عُقاب :- اني لزكه؟
راعوث :- ايدي ايدي حبااب عُقاب ، لزم السوار اقوى ويسحب بي بكل قوته وخازرني عينه بعيوني وابد مايرمش ويحجي
عُقاب :- صرتي للعُقاب بعد لو يكلبها الله ماخلي غيري يطخج او يحاول ياخذج مني
راعوث :- والله ماريد اطلك بس عوف ايدي حباااب راح اموت
– احاول اسحبها منه لازم الاسوار بكل قوته
عُقاب :- محد كدر يوصل للعُقاب مثل انتي الوصلتيله انتي شي خاص بالعُقاب صرتي مثل سلاحي مايفاركني وين ماروح
راعوث :- ايدي توجعني حبااب
عُقاب :- دخلتج لغرفة كلها خصوصياتي وخليتج وحدج بيها بس انتي بربوگ حتى بقندرتي دورتي المفتاح وشفتي خصوصياتي وتردين اطلكج
راعوث :- عوفني كافي حتى الصور صارن خصوصيات اصلاً انته كلها حياتك خصوصيات وشغل وكتل ودم وصراخ وضلام وعصبي بس تصيح وتخزر
– سحب الاسوار وطك على ايدي باوعت على ايدي صايره طبعه سوار احمر لزمتها حيل ودموعي كامت تنزل من الوجع الحسيت بي كمت من يما اريد اطلع من الغرفه كام كبالي قفل الباب وحط المفتاح فوك الكنتور
راعوث :- عوفني اريد اطلللع
– ماهتملي راح كعد على الكرسي وفتح الابتوب رحت للكنتور ما اوصل سحبت كرسي التسريحه صعدت عليه ما وصلت باوعتله عاقج حواجبه بعصبيه ومضيق عيونه ويكتب علكيف بكيبورد الابتوب وايده الثانيه يدخن بيها جكاره نزلت ورحت يما
راعوث :- عُقاب
– ما جاوبني
راعوث :- عُقاااااب
عُقاب :- الغي
راعوث :- اريد المفتاح
عُقاب :- نزلي
راعوث :- ما اوصله نزله اليه المفتاح
عُقاب :- مالي خلك اكوم
راعوث :- اريد اطلع
عُقاب :- عود لمن اكوم
راعوث :- بس اني اريد هسه اطلع
عُقاب :- اشششش كافي لغوه عندي شغل
راعوث :- صفنت عليه ولا باوعلي ولا كأنو واكفه يما درت وجهي باوعت على الابتوب وضربت الكيبورد حيل بيدي وبقيت اضرب بي وهوه يباوعلي ويدخن باوعتله وعطت
راعوث :- افتح الباااااب
– سحبني حيل لحضنه دفعته عصر خصري بكل قوته وخازرني حط الجكاره بحلكي
عُقاب :- دخني دخني التدخين يفيد هيج حالات من العصبيه
راعوث :- سحبت الجكاره من حلكي ردت اچوي بيده بس ماكدرت احس راح اكتل انسان مو چويه
– سحبها مني باس خدي
عُقاب :- وين تريد موقع الچويه
راعوث :- هنا ، اشرتله على ايده مثل مكان الاسوار الجان بيدي عبالي يشاقه مايسويها حط الجكاره على ايده بسرعه سحبتها منه انطفت الجكاره بيده شمرتها ومسحت ايده
عُقاب :- ليش ماتعقل بابا
راعوث :- انته اول اعقل
عُقاب :- جنت عاقل بس خبلني عيونك
راعوث :- طلكني
عُقاب :- طلئني
راعوث :- طلكني لا تضحك
عُقاب :- طلئني لا تضحك
راعوث :- كافي
عُقاب :- كافي
راعوث :- دنكت ورفعت راسي باوعتله ، عُقاب
عُقاب :- عُقاب
راعوث :- يربي عُقااااااب
عُقاب :- يربي عُقاااب
راعوث :- والله راح اطلكج
عُقاب :- والله ما اطلكج
راعوث :- لا تعيد كلامي حباب
عُقاب :- خوش بابا
راعوث :- عُقاب
عُقاب :- عيونه
راعوث :- انته مو متزوج ليش ما طلكني حباب لا تصيح بس احجيلي
عُقاب :- اششش بس انتي زوچتي
راعوث :- ليش ماتريد زينب
عُقاب :- اششششش
راعوث :- لو تحجيلي لو طلكني
عُقاب :- خانتني ويا واحد مايسوه تفله
راعوث :- يعني تحجي ويا غيرك
عُقاب :- اي بابا ماجنت مقصر وياها حتى اهلها شبعتهم فلوس ماعدها بس ام وتوفت واخوانها واخواتها متزوجين طلكتها وبقت تتوسل وتبجي اجتني للمركز تتوسل كدام العالم خليت الحرس يطردوهة ماحافضت عليه لعبت من وراي لو اشوفج واراويج الذله الذليتهة خليتهة تعيش برعب
راعوث :- شوكت هاي
عُقاب :- قبل 4 اشهر هاذا الحجي رجعتها لان توسلت ورادت تموت تتوسل ودزت حتى اخوانها واخواتها يتوسلون وخطيه ومالها احد وصلت الانتقام وياهة ونعلت الشيطان طبيت ليهة للبيت بسلاحي وخفت على اهلي المهم خل تولي فدوه نعالج
راعوث :- تحبها؟
عُقاب :- نمحت من گلبي من يوم الحسيت بيهة هسه مابداخلي بس انتقامهة اذا اخلي شخص بالي يأذيني واني ماغلطان بشي وياه يبتلي على عمره وتعرفني هيه وسوت هجي
راعوث :- هيه ليش ماتحبني
عُقاب :- سوتلج شي؟
راعوث :- لا لا بس ماتحجي وياي وضايجه مني مبين
عُقاب :- بيها رفسه اخليها كاعده بحضن الميتين
راعوث :- اريد مدرستي
عُقاب :- شنو يابه؟
راعوث :- مدرستي
عُقاب :- مو وكتها ارجعها بس مو هسه
راعوث :- ادرس بغداد ماريد ادرس هنا
عُقاب :- *** بحسام على هاذا الحجي
راعوث :- بعد سولفلي على حسام
عُقاب :- اخ اخخ يحسام
راعوث :- ابوك عايش
عُقاب :- لا
راعوث :- جا ليش تكول الله ياخذ روحه
عُقاب :- الله ياخذ روحه من ذاكرتي
راعوث :- افراح تكلي حرام تحجين وتدعين على الميت
عُقاب :- الله يعذبه بكبره
راعوث :- بس حرام
عُقاب :- يستاهل
راعوث :- شمسوي
عُقاب :- اريدهن
راعوث :- شني
عُقاب :- مخدراتي
راعوث :- صفنت عليه تذكرت زينب والشوفته اليه ، الله يخليك رجعني لاهلي
عُقاب :- روحي نامي
راعوث :- تغيرت ملامحه وعيونه كلهن شراين حمر وعاقج حواجبه بعصبيه نزلت من حضنه ورحت نمت على الجربايه صفنت افكر بيني وبين نفسي
راعوث :- شنو الي يثبت هاي الصوره حقيقيه شنو الي خلاني اصدك بيها يمكن جذابه كافي انسي الشفتي راعوث لا تهتميلها
– غمضت عيوني وغفيت بنص الاحلام واسمع همسه باذاني
عُقاب :- وين بوستي قبل النوم؟ شلون تنام وماتنطيني بوسه
راعوث :- فتحت باوعتله بعدني بنومتي وكلشي ماحس بسته بخده
عُقاب :- اخ بويه مو هنا
راعوث :- نمت صفح وحطيت راسي بركبته وغمضت عيوني رجعت غفيت
عُقاب :- لج يللله
راعوث :- هااا عُقاب
– لزم وجهي و باس شفايفي بوسه قويه وحضني
راعوث :- فتحت عيوني الصبح شفت عُقاب نايم عليه وحاضني ضربته على ضهره بخفة ايدي رفع راسه باوعلي
عُقاب :- صارلي ساعه اكعد بيج من نمت كعدتي
راعوث :- انته ثكيل فزيت لان صدري كام يوجعني منك
عُقاب :- اكعدي راحه ناويه تجربين الحقوق الصباحيه
راعوث :- عوفني نايمه بعد وكت روح لشغل
عُقاب :- نام بويه نام
راعوث :- رجعت غمضت كام من عندي راح للحمام اشتميت ريحة ريوك اشتهيت بيض وطماطه بللت شفتي وكمت من مكاني نزلت لكيت زيد وفرح وابتسام كاعدين ياكلون ريوك
ابتسام :- صلوات اهلهل اول تالي اليوم من وكت
راعوث :- جوعانه
فرح :- تعاي يروحي مدي ايدج ويانه
راعوث :- رحت غسلت وكعدت يم فرح اكلت وباوع لفرح احسها افراح باوعتلي ابتسمتلها ودنكت اكل
ابتسام :- عمه راعوث ترحين ويانه نبارك لبت اختي جابت بنيه لو تبقين يم زينب ماتروح
راعوث :- حجيت بخوف ، لا لا والله ما ابقه يمها اروح وياكم
– باوعت لزيد يضحك
ابتسام :- هاهيه يمه بس حاجي عُقاب خاف مايقبل
راعوث :- شوكت ترحون
ابتسام :- وره شويه ونروح لمن تحضرين روحج وتكملين احنه طالعين
راعوث :- اممم ، بقيت اكل واسمعهم يسولفون وره شويه ونزل عُقاب راد يطلع حجت بصوت ناصي ابتسام
ابتسام :- يله حاجي
راعوث :- حاجي انتي حبابه
عُقاب :- الغي شعندج
راعوث :- صفنت شلون سمع نحجي بصوت ناصي؟
راعوث :- اريد اطلع وياهم نروح للبنيه جايبه فريخ
ابتسام :- يايمه علمها على الفريخ
راعوث :- هههههه ها عُقاب حباب ، صفن عليه تقرب مني نزل لمستواي صفن بعيوني
ابتسام :- يمه احنه كاعدين خاف ماتدرون
راعوث :- دنكت اكل واحس راح اموت بمكاني من المستحه طكتني حراره واحس صرت حمره سحب كلاصي الجاي وشربه يباوع عليه وحجه
عُقاب :- منو جايبه فرخ
ابتسام :- ابتهال بت خالتك
عُقاب :- خوش روحي وتعلمي منها ولزمي الفرخ لان عدنه بالطريق فريخ
ابتسام :- صدك عليك الله صدك يمه حامل راعوث فرحني
عُقاب :- صلي على نبيج ومعليج بعد
ابتسام :- اللهم صلي على محمد وآل محمد يمه والله احس كلبي راح يوكف من الفرحه
عُقاب :- علكيفج حجيه كولي يالله ، وجه نضره لراعوث ، كومي للغرفه
راعوث :- عفت الاكل ورحت ركض غسلت وطبيت للغرفه كلبت الجنطه ادور ملابس حلوه وره ثواني ودخل عُقاب كعد على الكرسي حط رجل على رجل رخه روحه ويدخن أردف بصوت حاد
عُقاب :- طلعي هاذا البدي الوردي
راعوث :- وينه هاذا
عُقاب :- اي حطي ع صفحه
راعوث :- باوعتله سويتر وردي وبي رسم ارنوب حطيته على صفحه وباوعتله
عُقاب :- طلعي بنطرون اسود
راعوث :- طلعت بنطرون اسود رفعته اله ، هاذا
عُقاب :- اي بابا طلعي كعب اسود
راعوث :- كعب
عُقاب :- اي
راعوث :- ماعرفله
عُقاب :- شيرادله لبسي ومعليج هوه روحه و رده سياره
راعوث :- شلون اخاف امشي بي
عُقاب :- مو كلش عالي شو شوفيني شوو بابا يله لا تصفنين
راعوث :- طلعت انصه كعب هاذا
عُقاب :- اي حلوو هسه تمام كومي لبسيهن كبالي
راعوث :- يااا
– ضحك بصوت عالي باوعتله صفح اخذت ملابسي ورحت سبحت وبدلت بسرعه خاف يعوفوني طبيت لكيته بعده كاعد وجاي يخابر
عُقاب :- اي عيني خوش جاي
– سد الاتصال وتقدم مني نشف شعري بالخاولي وسحب المشط مشطلي شسوره راح للميز مخلي عليه نضارات وربطه شعر على شكل مثلث حطها على شعري وربطها طلعلي كدلتين لبست الكعب لبسني النضاره سحبني للمرايه الطويله وكف وراي ايده حاوطت خصري وسحبني اله اكثر باس راسي
عُقاب :- اشتعل حسام على چمال البغداديات
راعوث :- حلو تختار ملابس
عُقاب :- شو باعيلي
راعوث :- درت وجهي ابتعدت عنه شويه تخصرت و باوعتله
عُقاب :- اخخخ بووويه تعال خلي اشبكك
راعوث :- ابتسمت ، يله اريد اروح
عُقاب :- تعاي ولج مو سطرتي للباشا سطر دتعاااي
راعوث :- باوعتله بخوف من نضرته ونبره صوته ردت امشي اطلع اجه لزمني و حضني من وره ورفع راسي اخذ شفتي حسيت ركبتي طكت ادفع بايده حيل باسها بوسه قويه ووخر بسرعه مشيت ومسح بشفتي نزعت الكعب شلته بيدي وركضت نزلت جوه
ابتسام :- هاي منو البت
راعوث :- باوعت على روحي وباوعتلها سمعت صوته الحاد وكله ثقه وراي
عُقاب :- مرت عُقاب
ابتسام :- عين الله تحرسكم فدوات يمه
راعوث :- نزعت النضاره باوعت لـ عُقاب وبسرعه دنكت تقرب مني طلع خمسين براسها
عُقاب :- هاج بويه هذني واجب حطيهن يم الفرخ
راعوث :- اخذتهن لازمتهن بيدي وابد ما باوعتله
عُقاب :- حجيه انطيج فلوس اشتريلج شي تاخذي للبنيه
ابتسام :- لا والله يابعد روحي عندي يمه ماتقصر بعد عمري
راعوث :- رحت لغرفة فرح اشوفها فتحت الباب لكيتها تبدل للولد باوعت لعلوش لابس بنطرون جينز كصير وتيشيرت اسود وساعه بيده طالع يجنن
راعوث :- يمه حبيبي هاي شطالع
فرح :- اي شعبالج وليدي يخبل
راعوث :- حضنته وبسته وهوه مبتسم
علي :- انتي حلوه والعباس تخبلين تخبلين فوديتجج
راعوث :- حبيبي انته باع قموره يربي اريد اكلها
فرح :- ههههه يله امشينه ساعه وكام يصيح زيد
راعوث :- يله ، طلعت باوعت لـ عُقاب بعده وجاي يحجي ويا امه
عُقاب :- ديربالج عليها خوش تره ملكلكه مو تخليها تطلع منا منا
راعوث :- شني السالفه
عُقاب :- اششش انتي معليج
راعوث :- لبست الكعب طلعنه صعدت بالسياره قبل لا اسد الباب اجه دنك باوعلي
عُقاب :- مو تبقين تباعين من الجامه فرحانه عيد عدنه ديري وجهج وكعدي راحه
راعوث :- صفنت عليه طبك الباب حيل
زيد :- انكسررررت شنو الساااالفه
عُقاب :- اتوكل
راعوث :- حرك السياره أردفت بملل ، هاذا شبي اخوك اسم الله
زيد :- والعباس مادري لو ادري شبي جا ارتاحيت
راعوث :- اسم الله دخيل ابو فاضل ، شفتهم يضحكون ضحكت
فرح :- يغار عيني يغار
راعوث :- استغفرالله
علي :- تعاي هنا واني اكعد هنا
راعوث :- لا بالله جامتي
علي :- شنو جامتج سياره بابااا
راعوث :- بس اني اريد اكعد يم الجامه
علي :- ما
راعوث :- من نرجع الك الجامه
– باوعت عليهم يضحكون وابتسام تضحك بصوت عالي
زيد :- الله يساعد عُقاب
علي :- اي والله الله يساعد عمو بس تعاندين هسه خليني اكعد هنا
راعوث :- ما مكاني
زيد :- اهلاً وسهلاً هلا بيك هلا بعد روحي
راعوث :- رفعت راسي باوعت من الجامه سيطره واكفين ثنين جنود واحد قريب من الجامه اليمي بس باوعت غمز بسرعه دنكت العب باصابعي ضربني علي حيل بكتفي حرك السياره باوعت لـ علي خازرني وابد مايرمش
علي :- توخرين لو احجي
راعوث :- تعال
زيد :- ها خوش تهديد شلازم عليها
راعوث :- اخذ مكاني كعدت بالنص دنكت ساكته احس عُقاب شافه وهوه ماموجود يمنه اصلاً وحدي ارجف خايفه
– وصلنه نزلت راح زيد طبينه للبيت سلمت على النسوان صاله مو كلش جبيره وبيها جربايه كاعده عليها البنيه وبحضنها الطفله ترضعها انطيناها الواجب كعدنه شويه حجينه اتأقلمت ويا الوضع كمت يمها كعدت على الجربايه
ابتسام :- تعاي يمه كعدي هنا خلي البنيه براحتها
ابتهال :- لا خاله عادي خليها
راعوث :- باوعتلها وابتسمت باوعت للطفله
ابتهال :- هاج تشيليها بحضنج شويه
راعوث :- اي ، حطتها بحضني ايدي كامت ترجف اباوعلها ومبتسمه تجنن ناعمه تلمست خدها ناعم وحلكها صغيرون
راعوث :- عادي ابوسها
ابتهال :- اي
راعوث :- بستها بخدها
ابتسام :- ناخذها ويانه
راعوث :- اي حبابه حبابه
ابتهال :- والله اخذوها ريحو راسي منها والله من اول يوم ترجعوها
راعوث :- ليش شبيها حبابه وتشرب حليب وتنام
ابتهال :- هاي هستوها نامت الليل كله مسهرتني شويه وبعد هم تكعد
راعوث :- صغيرونه حلووه
ابتهال :- هاهيه اخذيها بس مو ترجعيها
ابتسام :- يله عمه كومي اخذيها و خلي نرجع
ابتهال :- لا لا يمه بنيتي جيبيها اشاقه
راعوث :- ضحكت ورجعتها لحضنها بقينه عدهم للمغرب واجه زيد اخذنه رجعنه للبيت طبيت للصاله لكيت زينب تخابر وتضحك اول ما شافتنه طفت الاتصال
ابتسام :- ها يعمه
زينب :- حجت بضوجه ، شكو اجيتو بعد وكت
ابتسام :- اطرديني من بيتي كومي من خلقتي كومي لا مسويه عشه لا منضفه رحت واجيت وانتي على الموبايل
زينب :- واني الي خلك اسوي عشه لحضرتج
فرح :- كافي جاي يأذن لا تتعاركن كافي صايح اسم الله هسه اسوي العشه وكلشي عوفيها عمه
راعوث :- صعدت للغرفه طلعت بجامه وبدي بدلت وصليت كملت طلعت لكيت زينب صاعده بالدرج
زينب :- ها عيني حجيتي ويا عُقاب بموضوع الطلاك
راعوث :- اي بعد يومين ويطلكني
زينب :- صدك
راعوث :- اي
زينب :- عفيه عليج نادره حتى افك السحر
راعوث :- اي خوش
– عفتها ونزلت جوه البجامه طويله طبكتها وطبيت اساعد فرح بالعشه
علي :- شفتي البنيه الصغيرونه حلوه يله سويلي منها وسميها اسيل
فرح :- ولك يا اسيل مخبله الولد الامس الليل كله يبجي كعد حلمان مدري شبي اريد سيسي واريد سيسي يكله ابو منو سيسي يكله بت عُقاب وراعوث
راعوث :- اي غير تصبرلي لمن اجيبها جا مو بسرعه تجي
علي :- يللله راح اكبر تشوفني جبير بعد ماتحبني
راعوث :- ابن عمها شلون ماتحبك وين تلكه مثلك وبجمالك
علي :- جا يله
فرح :- الله يسمع منك وتصير حامل بهاذا الشهر يارب
راعوث :- ابتسمت ورحت اسوي زلاطه واسولف ويا فرح
– بـ 10 مريت على غرفة زينب الباب مفتوح شويه شفتها كاعده على الجربايه ولابسه سيت نوم احمر مفضوح من يمي استحيت كله مشكك مثل المايو وعليه روب همين مشكك هيج مجرد خيوط على جسمها وكله احمر وفاتحه شعرها ولابخه لبخ والحمره لونها احمر طوخ خفت من المنضر ماعرف ليش جاي تمسح بيدها بمرطب ومشغله شموع
– عفتها وصعدت للغرفه وكفت كبال المرايه باوعت لنفسي البدي شعرضه وردن طويل والبجامه اطول من حياتي طابكتها من جوه
– لزمت البدي من الجهتين بيدي وسحبته عرضته واباوع بالمرايه واشوفها كدامي الملابس والتعديل بين الغصه والبجيه ضحكت على منضري والبدي شكد عريض كمت اضحك بهستيريا وثواني تجي الغصه يتغيرن ملامح وجهي للبجي وارجع اضحك من اشوف منضري والردان نازل على كف ايدي نزلت دموعي من الضحك والقهر حطيت ايدي اثنينهن على عيوني ومسح دموعي بردان البدي واضحك
– وخرت ايدي باوعت بالمرايه طويله اشوف جسمي كله شفت بالمرايه جسمه الضخم احتل المرايه كلها ومن كد ماطويل بس جسمه طالع اله يدنك يشوف وجها عملااق ماخذ عرض المرايه
– درت وجهي ورفعت راسي اله بلعت ريكي مخصر واكف وبين اصابعه الجكاره مضيق عيونه ويباوع عليه بلعت ريكي للمره الثانيه دنك عليه
همس :- ها زقوچتي
– عافني وراح فتح الملفات على الميز دخن الجكاره دار وجها اليه زفر الدخان من خشمه وحجه بصوت حاد
عُقاب :- منو لاعب بالأوراق !؟
راعوث :- عضيت شفتي الجوه بخوف ونزلت عيوني بالكاع حايره شكول اني كلبت بيهن شلون عرف
عُقاب :- حجاهن متقطعات وهوه يأشر بيده الي بيها جكاره ، منو .. لاعب .. بالأوراق
راعوث :- بس شفتهن ماسويت شي والله
عُقاب :- وهسه شلون امسح البصمات؟ ليش احس عاجبج تعيشين تجربة السجن
راعوث :- يعني هنه بصمات شنو يأثرن
عُقاب :- شغلي واني اعرفه كلش زين لا تلحين هوايه مو زينه الملحه تلكين ملف تلكين سلاح تلكين جيس بي غراض لا توصليله لمسه من اصبعج ماريد تبربك ماريد كرصيها دودتج وعوفي غراض شغلي ولا توصليلهن
راعوث :- رحت كعدت على الجربايه ومدنكه العب باصابعي وحلكي يرجف وعيوني متحضره للبجي ماحس اله واكف يمي بطوله وضخامته رفع شعري لوره كرص خدي وسحبه رفعت راسي اباوعله
عُقاب :- يبووي زقوچي لا تزعل غير اخاف عليك
راعوث :- اووووي خدي
عُقاب :- سامع هواي اويات بس مثل اويتك ماكو
راعوث :- باوعت عليه بعدم فهم ، ها
عُقاب :- خليك فاهي
– طلع من الغرفه يفتح بدكم القميص والجكاره بحلكه
راعوث :- نمت على الجربايه وصافنه بالسكف وايدي على بطني بقيت صافنه بالسكف واني افكر راحلها شافها حلوه يحب هيج لبس اليوم ينام يمها هم يبوسها مثلي هم يحاجيها مثل حجيه وياي بقيت افكر احس نعست
– اليوم كاعده من وكت وتعبت كمت اغفي انفتح الباب سمعت صوته الخشن وعطره ويه سحبه من ريحه الجكاره
عُقاب :- بربوگه عُقاب نمتي
راعوث :- چؤ ، همست ، شصار
عُقاب :- شصار؟
راعوث :- زينب
– اجه فاتح دكم القميص كلهن ونام على بطنه
عُقاب :- ما صار شي
راعوث :- امم
عُقاب :- لابستلي احمر وتكلي قلد صوت انثوي مستهزأ ، اليوم خميس اريد ليله حمره ، تهي بهي شغلة عاوية
راعوث :- اممم
عُقاب :- اريد اطلكها بس اريد اشوف وين توصل وبس اوصله هاذا الواحد عندي خطه معدله
– ما كالت امم باوعتلها غافيه ايدها على بطنها والثانيه رافعتها وضهر ايدها على خدها خصل صغيره من شعرها على وجها تقربت يمها همست باذانها
عُقاب :- شيصير لو انته تكلي اريد ليله حمره؟
– عقجت حواجبها وحركت شفايفها بضوجه وهيه مو بوعيها غافيه
عُقاب :- عروك گلبي
راعوث :- نمت صفح فتحت باوعتله ضميت راسي بصدري حضني أردف
عُقاب :- اخخ كلبي راح يوككفف الحكلي نويصررر
راعوث :- تحركت ومبتسمه اني ومغمضه ووجهي بصدره
عُقاب :- اريد احضنج حضنه غميجه بس خايف اكسر ضلوعج ترفه وبيد الخشن
راعوث :- تقربت منه اكثر
عُقاب :- يوم يومين واجيبلك شغله تموت عليها
راعوث :- شنيه
عُقاب :- ما اكول خليها مفاجأة
راعوث :- حباب بعد شلون انااام
عُقاب :- اشششش نامي تره ماجيبها
راعوث :- حباب بس اول حرف
عُقاب :- حرف الألف
راعوث :- شنيه
عُقاب :- نامي
راعوث :- غمضت عيوني واني افكر شنو بحرف الألف ومتحمسه لليوم الي راح يجيبلي بي المفاجاة تقربت منه وغفيت بحضنه …
الفصل التالي اضغط هنا
يتبع.. (رواية راعوث) اضغط على اسم الرواية لتجد الفهرس كاملاً بجميع الفصول.