رواية تجبر أبناء العم – الفصل الرابع عشر
“” ايلين “”
كلنه نجمعنه يم سارة ونور كاعده تمشط
لسارة وابشركم شلت الجبس من يدي
وصرت حرة طليقه عفت البنات يم
نور ورحت صعدت فوك الكيت
حاتم يريد ينام
رحت يمه
ايلين : شراح تسوي
حاتم : والله الحائط معاجبني اريد
افلشه وارجع ابني
ايلين : لا حاتم شنووو وين انام انييي
حاتم : بشارع عل رصيف نفرش ونام
ايلين : عزززااا وناس مو عيب صاير متستحي
حاتم : بويه صدگتي يعني تشوفيني كاعد
عله جربايه واريد انام ليش تسئلين
اسئله مدري شلونهااا
ايلين : وهاي ليش تعيط عليه انت صاير
متحبني
حاتم : دخيلك ربييي
ايلين : اي متحبني بعد ماريدككك
حاتم : ايلين تعبان اريد انام والله
ايلين : تمام انت مو عيطت عليه راح
اروح اكول لسارة بسيطه
اجيت اروح بسرعه فز وكال
حاتم : لا لا اله سارة يمعودة اذا تفتح
حلكهه بعد شيسده عوفيهاا فدوة تعالي
نامي يمي عوفي سارة قسور مبتلي بيهه
ايلين : لا تحجي عله سارة
حاتم : ابد ماحجي تعالي نامي يلاا
تقربت يمه ونمت واني شلون جنت نعسانه
بس خليت راسي بحضنه غفيتت …..
فزيت بل ليل شبعانه نوم باوعت
لساعه 2 عزاا هاي شكد نايمين احنه
باوعت لكيت حاتم هم نايم
كمت غسلت وجهي وجعت اشتهيت
اندومييي بس اني ماعندي أهنأ اندومي
رحت كعدت حاتم
ايلين : حاتممممم كوممم حاتمممممم
حاتم : يا ستارررر شكووو احتركنهههه
ايلين : هاي شبيك فززتني لا ماكو شي
بس اريد اندوميييي
حاتم : استغفر الله ماكو اندومي باعي
بيش الساعه
ايلين : لا لا اكو سوبر ماركات مفتحين
هسه كوم جيبيليييي اندوميييي
حاتم : كافي ناميي
ايلين : حاتممم كوم شبيكككك
حاتم : شتريدين ايلين
ايلين : اندوميييي
كام من لا چاره يجيبلي اندومي قبل
مايطلع كال
حاتم:: شنو تريدن بعد
ايلين : ماريد شي بس اندوميي وكندر
وحليب شوكولاته
حاتم : شنهييييي
ايلين : اندومي وكندر وحليب شوكولاته
غمض عيونه بياس ونزل رحت ورا
اكمززز بس نزل وجان نشوف بيبي
كاعده كالت
هاشميه : ها يمه شعدكم
حاتم : لا جده ماكو شي بس رايح اجيب
جكاير
ايلين : لا بيبي جذاب والله وديته يجيبلي
اندومي وكندر وحليب شوكولاته
دار وجه عليه فاتح عيونه
درت عيوني عله بيبي لكيتهه بلكوة كاتمه
ضحكتها كالت
هاشميه : دروح يماا جيب دومي وحليب
وقندرة
ايلين : لا بيبي كندرر
هزت راسها بيبي وهيه ميته ضحك
باوعلي حاتم
حاتم: ايلين بابا هاي فهاوتج بطليهااا
عليج الله بداعت غواليج
برطمت شفايفي بزعل
ايلين : انت ليش دتعيط عليه اني شنو
سويت الك ماريد بعد حته لا تجيبلي
اندومي ولا كندر ولا حليب شوكولاته
خليت ورحت قهرني شايفين من انتم
جوعانين وفجئه أحد يزعلكم وتصير
الخنگه بل بلعوم حته بعد ماتشتهون
فتت للغرفه وكمت ابجي يمكن تشوفون
الموضوع ماله داعي بس اني ملچومه
من اهلي مخذوله مكسورة خاطر من
اهلي عله اي شي ابجي آخذة حجه
علمود ابجي براحتي عله اهلي
كعدت ابجي يمكن مرت تقريبا نص
ساعه ودخل حاتم بيده علاكه وصينيه
خلاهه عله الطبله وجر الطبله خلاها
كدامي مسحت عيوني بزعل
حاتم : ايليني لا تزعلين ترا مو قصدي
سكتت مارديت عليه
حاتم : اسف بابا اعتذر ليلوو
ايلين : اني مزاعلتك روحح
حاتم::لا لا تزاعليني والله ماكدر انام
اكوم ابجي
ايلين : يلا يلا لا تبجي مصاحبتك
حاتم : عفيههه بشاطره شوفي جبتلج
حليب ككو وهاي كندر وهاي اندومي
مامطبوخ وهاذه اني سويته
باوعت بل علاكه لكيتهه متروسه حليب
وكندر واندومي
ايلين : شكرا حتومتي
حاتم : يا بعد روح حتومتج
ابتسمت بوجهه وكعدت اكل اندومي
ايلين : حاتم اكلللل
حاتم : لا يروحي ماريد
ايلين : مااكل والله انت اكلل
حاتم : بويه رجال شكبرني اكل ندومي
مدري شسمه
ايلين : هاييي شبيكك حاتممم اكللل يلااااا
هز رأسه ماراضي ومد ايده اكل
حاتم : اكلج شو هاذه مو طيب
ايلين : اكل ولصم
//////////////////////////////////////
“” منار””
ومرت الايام ويوم من هاي الايام جنه
كاعدين نتغدة اتصل صاحب عبد الإله
الي جان شاهد عله زواجنه ‘ احمد ‘ رد
عليه واشرتله يفتح سبيكر
عبد الإله: ها حمودي خوماكو شي
احمد : والله ياخوي ماعرف شكلك
عبد الإله: احجي شبيك
احمد : عبد ترا اهلك شاكين بحسين
عبد الإله: شنوووو شلونن
احمد : اي والله البارحه لتقيت بي وكال
ابوي وعمامي جاي يخلون ميثم ورضا
يلحكون بيه وين مرحت
عبد الإله: وهسه شلونه وينه هوة
احمد : والله ياخوي بيتكم بس أطر
يمسح رقمك
عبد الإله: عادي يمعود بس فدوة
طمني عليه
احمد : أن شاء الله بس انت هل فترة
لا تتصل بي
عبد الإله: اي اي ماتصل بس مثل
ماكتلك طمني
احمد : ادلل خويه
عبد الإله: مع السلامه
سدة عبد الإله واني متت بدمي
منار : عبد يجوز اليوم شكو بحسين
باجر يعرفونن
عبد الإله: لا أن شاء الله ماكو شي
منار : عبد والله اذا يعرفون مكانه
يموتونه خلاص
عبد الإله: لا لا دكولين هيج اذا الله
كاتبنه نبقه سوى لو دنيه كلهااا تجتمع
ماراح يفرقونه
منار: خايفه اني احس متندمه
عبد الإله: اشش تعالي
جراني الحضنه يهدي بيه بس اني ناررر
وشابه بكلبي …
//////////////////////////////////////////
“”هاله””
نايمه بحضن ليث بعد ماعشت ويا احلا
ليله بكل عمري
رجعت ذاكرتي عله اليله البارحه …..
كاعده بغرفتي أعزل بل ملابس دخل ليث
ليث : مساء الخير يبا
هاله : هلا مساء النور
ليث : هاله اريد احجي وياج ممكن
تتركين الي بايدج وتجين ؟
هاله : اي تفضل
عفت الي بيدي ورحت كعدت گباله
كال
ليث : شوفي اني بصراحه غلطت
بحقج يعني قبل بدايه زواجنه جنت
مثل المعمي عله كلبي مانكر جنت احب
ريهام بس هسه تغير كلشي حبيته بصدق
ردته تقدمتلهاا أكثر من مرة وتدرين شنو
اكتشفت اكتشفت انو هيه الي جانت ترفض
مو أهلها انصدمت وجذبت الي سمعته بس
الواقع جان غير نخذلت اني رجال شكبرني
شكدني ضابط كاعد بدوواين خلتني انكسر
اني بنسبه الي طويت صفحه الماضي الله
يعوضني وفعلا عوضني عوضني بيج انت
وكفتيلي وكفه صرتيلي فعلا سند
لزم يدي واردف
ليث : اسف مرة ومرتين وميه والف
ومليون وترليون ومليار اسف
هاله : ماعرف شكول بس اني مسامحتك
ابتسم وتقرب وحضني خليت ايديه الي
يرجفن عله ضهرة ومسحت عليه جانت
مشاعري متخربطه ماعرف شعورر غريب
والأغرب من هيج عقلي عقلي رافض
يتقرب إلي بس كلبي هوة جاي يقربني
اله أكثر واكثررر
عشنه ليلتنه بتفاصيلها جانت من احب
الليالي عله كلبي اني جنت عله يقين انو
مستحيل راح تجي هل ليله بس اجت
وجانت سريعه
فزيت الصبح عله اثر بوسه بخدي فتحت
عيوني لكيته ليث
ليث : صباح الخير هيلايه
هاله : صباح النور بس منو هيلايه ؟
ليث : انت !
ابتسم ودنگت راسي بخجل باوعت عليه
لكيته لابس بدلته ودايلبس بساعه
هاله : يمته حتروح؟
ليث : هسه عمري
هزيت براسي ورحت للحمام سبحت
وبدلت خليت بس تنت وهستوني ااريد
انزل
بس وصلت مسجات وحده ورة بعضهه
عله تليفون ليث هستوني شلته اريد اودي
اله بس فتحت عيوني واني اشوف مسجات
من وحده اسمها ‘ ريهام ‘
ريهام : يلااا حبيبي منتضرتك وينك لهسه ؟
صدمه ضليت صافنه عله التليفون وهيه
مستمرة تدز اله
دخل ليث وهوة يكول
ليث : هيله نسيت تليف….
هستوة يريد يكمل بس شافه بيدي
ضليت اباوعله صافنه الدمعه تلالي بعيوني
هاله : شنو هاذه ؟
اجه أخذ التليفون من يدي
ليث : ترة تصرفج ابد مو حلووو شغله
مووو الج ليششش تاخذيهااااا
صحت بصوت عالي
هاله : لاا تغيررر الموضوعععع شنووو
هاذههه فهمنيييي مو عساس طلعت من
حياتك مووو عساس طلعت من نفسك
وكلبككك احجييييي ليششش ساكت
ليث : هالهه لا تعلين صوتجج
ماهتميت ورجعت عليت صوتي وصحت
هاله : احجييي ماعندككك تبريررر ؟؟؟
ماعندككك شي دكولههه ؟؟؟ ماعندككك
شيبيي تحجييي ؟؟؟
ليث : هاله بس خل اكملج بس خل اشرحلج وافهمجج
هاله : ولككك شتشرحليييي كوووللل
شتشرححح خل اكولهه بدالك ليش تعب
روحك اني بعدني احبه الريهام واريدههه
وانت مجرددد طرففف ثالثثث
ليث : هاله
هاله : الله ياخذ هاله علمود ترتاح منكم
الله ياخذهااا ولك سلمتك نفسي بكل
بساطه ولكك امنت بيك بس تدري
شنووو انت مو رجالللل
انت عاررر عل زلم
اني كلت هيج ماحس اله جابني
براجدي خله راسي ينسطر…………..
يتبعععع……
الفصل التالي اضغط هنا
يتبع.. (رواية تجبر أبناء العم) اضغط على اسم الرواية لتجد الفهرس كاملاً بجميع الفصول.