رواية تجبر أبناء العم – الفصل الخامس عشر
////////////////////////////////////////////////
“” ساره””
كاعده بغرفتي واسمع صوت عياط
عگدت حاجبي باستغراب وطلعت
العياط من غرفه هاله وليث الصخل
نزلت جوة لان ماعرف اجاني شعور يكلي
لا تدخلين
بس اني شلون بيه نزلت لكيت نور وايلين
واكفات يم الدرج
نور : سارة شكو شصايررر فوك
سارة: واني شعرفني بس هاذه الصوت
جاي من غرفه هاله وليث للل استغفر الله
ايلين : اني بس اريد افتهم ليش متحبي
ليث ؟؟
سارة: يااختي اكو بشر بس تشوفي
لا ارادي تحبي عكس ليث المطي بس
اشوفه اشرب دولكه مي ويبقه واكف
بل زردوم ماينبلععع اني لو متزوجه
ليث هلا هلا جان من زماااننن نفطته
بنفط وحركته وهوة نايم بس ابتليت
بل اخيس من اليث الزمال الي
هوة ابو شهاب
ايلين ؛ هسه مافتهمنه ليث زمال لو مطي
لو صخل
نور : والله لعضيم انتن مو صاحياتتت
ولجن هاله مدري شبيهه
سارة: صار لازم ادخل
////////////////////////////////////////
“” ايلين””
اباوعلههه جرت ردانات الدشداشه
خلت الشال منا ومنا
اباوع عله نور تهز بيدهه
ركضت صعدت وراهه ماتحمل فضولل
اول ماصعدت لكيت سارة
تدك بل باب
طلع ليث
ليث : خوماكو شي ؟؟
هستوهه سارة جاي ترد بس دفعت
ليث هاله واجت تركض حضنت
سارة وتبجي وخرتهه سارة من
حضنهه وجان اشوف حلكههه كله
دم وخدههه احمرر عليه طبعه مال ايد
فتحت عيونههه سارة حيلللل بحيث كلت
راح يطلعن من مكانهن
سارة: منووووو ضربججج
سكتت هاله تناشغ وتشهك من البجي
اخذتههه سحبتهه لحضني
سارة::: هااااييي ليش تضربههه
ليث : مرتي وبكيفي
سارة: هوةةةة شنوووو مرتكك وبكيفككك
انتم شنووو تستعبدونن المره
ليث: اضربهااا اكتلههه ادفنهااا كتلججج
مرتيبيي
سارة: واذا مرتكككك شنو مشتريهااا
ولككك انت شلون تقبلههه رجوليتككك
تضرب مره
صاح ليث بعلو صوته
ليث ::: سارةةةة لا تكبرين بكلامجججج
سارة: اكبررر ونصص
هستوة يريد يرد اجه قسور عاكد
حواجبه وگال
قسور: هاييي شكووو
ليث : تعالللل خويه رد مرتكك
سارة::: لا حبيبي تعالللل رد اخوككك
الرجاللللل
قسور + ليث : سارةةةةةة
سكتتت سارة صدرهاا ينزل ويصعد
من العصبيه
قسور: احجووو شصايررر
سكتت سارة راحت لغرفتهااا باوعلي
قسور ودار عيونه عله هاله
باوع عله ليث باستغراب جراه ليث وطببه
الغرفه وسد الباب نزلت هاله جان تشوفنه
نوررر شهكت يدهااا عله صدرهااا
نور : هاييي شنووو يمه صخام بعيني
منو. سوة هيج
كعدت هاله تحجيلنه وحنه فاتحين حلوگنه….
///////////////////////////////////////
“”ساره””
ضليت افتررر بل غرفه هوةةةة
منووو ويضربهااا واذا كان زوجهااا
مايحقله يمد يده عليهااا ليش اسلوب
العنف دائما يطبقو عل مرآة ليش
بس المرأة تنضرب وتنهان وتنخذل
وهمه لازم محد يدوسلهم عله طرف
هاذه مو عدل المرأة نصف المجتمع
الرسول صلى الله عليه وسلم وصه بل
مراه رب العالمين بعضمته
وجلالته وصه بينه
قال تعالى
[واذا بشر احدهم بالانثى ]
صدق الله العلي العظيم
دخل قسور صاير بارودد
قسور: سارة تعبتيني سارةةة
سارة : لا تعبتك ولا شي بس انتم هيج
تحبون تغيرون المواضيعع علموددد لا
احجي عله اخوكك
قسور: سارةةةة اني شلوننن بيج
وبلسانجج
سارة : اوي عيني لازم غاثك صوتي
ولساني قسور اخوك ضرب
هاله تعرف لو لاااا
قسور: اي اعرف رجلهااا وبكيفهه
سارة: لاااا انتم بيكم شيييي شاربيننن
شييي لو رحيق اجت وسجاددد
ضاربهاااا تسكتونننن
قسور: لا تدخلين رحيق اهنااا
سارة: احجي احلفك بل عباس تحجي
الحقيقه تسكتتت
قسور: لا
سارة: زينن ليش هسه تريدنييي اسكتتت
لان ماعدنههه ضهررر لان مفكرينننن
محددد يطلعععع ورانههه وحق داحي
باب خيبر احرك البيت بيكم ومايرفلي
جفن الي يجرب يمس وحده من خواتيبيي
قسور : هسه انت شتريدين سارة انت
مامليتي ؟؟ مامليتي من وضعنه حالتنه
انت ملاحضه انو اني انام عل قنفه
وانت عل جربايه احنه واحد ينام
بمكاننن ملاحضههه
سارة: لا دخل هاذه الشي دنحجي
عن هاله وليث
قسور: لا اني اريد ادخلللل سارة اني
ميت عله ما تجيبين طفل مني
اني اريد ولد او بنيه منج نفسج
يشبهوج بكلشي اني رايدج سارة رايدج
سكتتت مارديت عليه
قسور: اني رايد بنيه تشبهج تشبه
عيونج حلكج شعرج طولج حته اريدها
تشبه لسانج قوتج شجاعتج اريدهاا
نسخه مصغره منج تدرين حته الاسم
محضره اي اي ‘ سارلين ‘ اني هيج كلت
اسميه
سارة: لا تضغط عليه لا تضغطط
قسور: بس اني تعبت من الانتضار تعبت
رحميني
سارة: روحح مني قسور روح
قسور: بهاي تصرفاتج جاي تجبريني
اسوي شي مايرضيج ابد
سارة : سوي الي يعجبك ويرضيك لا
دخلني ولا تجيببي هل طاري بعددد
درت وجهي انطيته ضهري اديه وكلي
ارجف خليتي ايدي وحده فوك الثانيه
اخفي علمود رجفتهم
هز رأسه وطلع فتحت دكم الدشداشه
من كدام اريد اتنفس هل سالفه بذات
تخوفني تسببلي رعب بدون شعور كمت
احجي ويه نفسي واكول
سارة: جؤ جؤ جؤ مستحيلللل اخلي
أحد يتقرب إلي مستحيلللل اني ماسلم
نفسي لمنووو مجان اني اني سارة القويه
الشجاعه اني اني
‘ لبوة القسور’
همسته بكسره
////////////////////////////////////////////
“” هاله””
الخذلان…. التسامح …. الخيانه…. تبرير… الانكسار … الانحطام…الكذب ….. الحب الكاذب…. توليد مشاعر مزيف….
الضغط.. الالم ….
كلهن هذن اجني مرة وحده هذن كلهن
عليه احس الدنيه تجيب وتخلي عليه
مشاكل ودكولي اتحملي اذا كدرتي
اني بنهايه هم انسانه اريد راحه
معقوله ماكو يوم بحياتي كلهااا
حلووو ماكووو دورت بطفولتي
مراهقاتي زواجي ايام عرسي ماكوووو
كلها عبارة عن حزن خذلان مشاعر وكلب
مكسور
ليمته كلللولييي ليمته اذا مكسورة
خاطر وكلب ليمته اذا معلعله ليمته
ماعيش اني اعرف وعلى يقين انو
الإنسان يمر بتجارب بحياته تخلي
يفقد السيطره عله نفسه اتاذي
تقرهاا
بس بعدين رب العالمين يحن عليه
ويوديله احلا الايام زين واني ؟؟؟؟
وانيييي يمته تجيني الايام الحلوة يمته
احب وانحب من صدگ يمته اعيش
شنو ذنبي اذا ماعندي أهل شنو ذنبي
اذا زواجي غصب زين عوفكم من ذني
شنو ذنبي اذا حبيت بصدق !!!!! شنو
ذنبي كلبي نكسر تهشم من كل الي
حواليه
تعبت هلكت اريد راحه مليت اركض
وره فلان وعلان مليت اعتب مليت
احجي مليت اسمع مبررات مليت
حته من الصبر وصبر هم مل مني
نكسرت وقويت نفسي ونكسرت
ورجعت قويت نفسي
بس هسه خلص هاذه حدي اني بعد
ماتحمل كلبي ياذيني عيوني ملت من
البجي والقهررر مليت اخاف مليت ارجف
من القهر مليت ابجي ومليت اسكت
دخلت عليه سارة عيونه مورمه من البجي
تبجي وحدهااا عمرهااا مابجت كدامنه
علمود تبين النه هيه قويه وراح تسندنه
وفعلا سارة سندتني سارة عوضتني عن
اهواي اشياء أحسه قطعه مني ماعافتني
دافعت عليه بحب ولا يوم ملت من وحده
بينه ولا يوم كالت اني مالي شغل بيجن
ولا يوم شافت أحد يهينه وسكتتت سارة
سند وضهر
جتي كعدت يمي وهمست
سارة: شلون صرتي يعيون اختج
هاله : مو زينه
سارة: مقدرة وضعج
سكتت دنكت راسههه شفايفهه ترجف
لزمت يدهااا خفت عليها خاف ترجع لحالتهه
هاله : شبيج حبيبتي
سارة : اسفه عليج الله تسامحيني
هاله : عله شنو ياعيوني
سارة : ماكدرت احميج من ليث ماكدرت
اسفه اسفه وعدتجن كلجن اسندجن بس
ماوفيت اني اسفه غفلت عنج وخليته
يضربج اسفه
هاله : اششش انت سويتي الي عليج
وأكثر اني مزاعلانه من اي احد
سارة: بس اني ماراح اسامح نفسي
لان عفتج
هستوني ردت ارد ودخلن نور وايلين
نور: شنووو مجموعين بدونه
هاله : تعالن
ايلين : فدوة هاله لا تنقهرين خيولي هاذه
ليث اني اخلي حاتم يزاعله
ابتسمت عله كلامه كعدت نور وكالت
نور ::تعاللن صارلجن اهواي مانايمات
عله رجليه شنو نسيتوونيي
تربعت بل گاع رحنه الهه اني نمت
من اليمنه عله رجلههه وسارة عل
يسره وهم عله رجلههه وايلين بنصنه
گعدت تلعب بشعرنه
سارة : احنه وين وقصر محمد العلي وين
هاله : من دخلناله لحد هسه مشفنه الراحه
ايلين : كلما اشوفه احس روحي بمتاهه
نور : الله كريم عدنه رب ماينسه عباده
هاله : نضره منك ياربي عله حالنه
گامت سارة وحجت بجديه
ساره:::شوفن ترااا اني شاكه بشي
واريد مستاعدتجن
كمت وكلت
هاله : خير شكو
سارة : اني شاكه بسماح هيه الي
سوتلي سحر وياههه ريماس الوصخه
نور:: شنوووووو سحر ايش
سارة : اي ترااا اني مو غشيمه اني شاكه
بيههه
ايلين : واذا طلع شكج بمكانه
بتسمت. سارة بمكرر وكالت
سارة : بوكتهااا متعرف شسوت
بروحه وبوكتهااا تعرف ويامن
ندكت وحق داحي باب خيبر
اخليها تحسب نجوم الضهر
نجمه نجمه
نور: تمام اني وياج بس شلون حنعرف
سارة : براسي خطه
هاله : كولي شنو؟؟
سارة:……
///////////////////////////////////////////
“” رحيق “”
نفس الروتين اليومي ابد ماكو شي
جديد من كد ما صرت فارغه صرت
اصرف العامله واني اشتغل بدالهه
سجاد يطلع الصبح للدوام ميرجعلي
المغرب لو بليل مرات من امل
وتطگ روحي اروح يم عمتي
نسولف وندردش سوى
معنو عندي تليفون بس ماريدة اريد
ارجع الحياتي القديمه بس مهما حجيت
أو كلت ماراح اغير شي هاي الدنيا وهاذه
اكيد اختبار من رب العالمين جاي يختبرنا
بصبرنا وبتقوانا بي واني أن شاء الله
حكون كد هاذه الاختبار و ماكو احد
متعذب وتعلعل بحياته حته لو تشوفون
هاذه الإنسان عنده فلوس أملاك
ما تاكلهااا النيران لازم يكون محتاج
أحد يمه محتاج راحه البال ماكو احد
مرتاح بهل دنيه
بس اني كل يوم يتولد عندي امل جديد
كليوم اعيشه عل امل ارجع التقي واحجي
واشاقه ويه اخواني بس شكله هل يوم
حيطول وراح يتعبني حته يجي يمكن
يخسرني نضري يمكن يخسرني صبري
أو املي الي عايشه عليه عله كولن
الله كريم واني مامنه بكرمه
جاي ارتب بلفراش وصافنه
فجئه دخل سجاد دخل سجاد
سجاد :: ها حب شلونج وين صافنه
تقرب عليه راد يحضني واني بس
شميت ريحته حسيت أريد اتقيئ
رحيق : بهل دنيه بعدين شهل ريحه
عيعععع شماكلللل
سجاد : هاي شبيج اكلنه سمج اني
واخوتج قبل منجي
رحيق: عليككك الله سجاد روححح
أسبح وانزعة ملابسككك
شهل ريحه
سجاد : شبيج ترااا سمج عادي يعني
رحيق : عوعععع سجادددد
كلت هيج ورحت اركض للحمام اتقيئ
ذبيت الغدة كله متتت احس روحي دتطلع
دخل سجاد وراي للحمام
سجاد : هاي شبيج يمعودة تراا سمج
ماماكل لحم خنزيررر
رحيق : ولككككك روححح منيييي
شهل ريحه يبووووو
سجاد : اي يأبه رايح شبيج
رحيق : صخام بوجه العدووو شهل
ريحه التكتلللل
طلع سجاد ضايج مني
بس اني ماهتميتله غسلت وجهي
وطلعت وكلت خل اروح أرش معطر
رحت اخذت العطر وبلشت
ارش بلغرفه فجئه
وحسيت بدوخه………
يتبعععععععع…….
///////////////////////////////////////
الفصل التالي اضغط هنا
يتبع.. (رواية تجبر أبناء العم) اضغط على اسم الرواية لتجد الفهرس كاملاً بجميع الفصول.