رواية بريئه بين قيود مجرم – الفصل الخامس والثمانون
بريئه بين قيود مجرم
***************************************
براء… ليش جاي تلاحگني
ناصر…. عفوا
براء… انت جاي تلحكني ليش
ناصر… شبيج مالاحكج
براء…. من المحاضره للكافتريا للحديقه انت نفس المكان ويايه اي ليييش
ناصر… كلتلج مالاحكج لاتضلين تعيدين الموضوع
رفعت اصبعي اهدده وكلت
براء… اذا مره ثانيه شفتك تلاحكني ونفس المكان ويايه اندمك
ناصر… روحي روحي
ورحت وعفته وكعدت يم ريم وهوه راح وهيه كالت
ريم… شحجيتي ويا
براء… كلتله بعد لاتلاحكني
ريم… يمعوده خاف واحد نصاب بي شي ليش تروحيله
براء… خاف احد من طرف امي واني شاكه
ريم… خلي يولي امشي خلي نروح للمحاضره
وكمت وياهه ورحنا للمحاضره وجان فرات ماجاي استغربت ومر وقت وخلصت وكفت بره انتضر كرم وشفته نفس الرجال كلبت عيون واباوع عالساعه وكرم مااجى وهوه لساته واكف خفت منه واجى كرم اخذت نفس بأريحيه وصعدت السياره وكرم جان جاي يباوعله وعاكد حاجبه وكلت
براء… تعرفه؟
كرم… مادري وين شايفه
براء… من الصبح هوه يراقب بيه
كرم… شنووووو
وراد ينزل وجريته وكلت
براء… كرم عوفه مو هسه خلي نرجع ولله تعبانه
وهوه هز راسه يتوعد وساق السياره ورجعنا للبيت نزلت ودخلت البيت ورحت على غرفتي ودك موبايلي جانت نور وجاوبتها وكلت
براء…. هلا حبيبتي شلونج
نور… الحمدلله گلبي وانتي
براء… الحمدلله
نور… اكلج
براء… كولي؟
نور….. اليوم جاسم خطب ليام
براء… شنوووو
نور… اي ولله سواهه وخطبها
براء… ايي وافقوا؟
نور… وافقوا بس بشرط جان
براء… شرط؟
نور… هيه ليام موافقه بس عمر شرط على جاسم انوا يتزوج هاله هم
براء… يااااااا
نور… ههههههههه احلى خطوبه واسرع خطوبه باجر العقد مال ليام
براء… شنو باجرر
نور… اي هوه والحنه
براء… لا مو هالكددد
نور… اولي جاسم مستعجل
براء… يخاف لاياخذونها منه
نور… هههههههه باجر تعالن من وكت نتجهز تمام
براء… تمام ذكرتيني اخذ اجازه من هالجامعه
نور…. تمام حبيبتي
وسديت الخط فرحانه ورحت طلعت تراكي وبدلت ولبسته وحليت شعري امشطه ونزلت جوه نسيت اكول الكرم ورحت بسرعه نزلت ودخلت الصاله وكلت
براء… كرررررم باااجررر خطوووبهه…
ماكملت كلامي وانصدمت اشوف فرات كاعد بسد كرم وجاي يشتغلون بل لابتوب وفرات يباوعلي وكال
فرات…. خطوبه؟
براء… ءءء اني رايحه
وردت اروح وكفني صوته وهوه يكول
فرات… تعالي خطوبه منو
استحيت نازله بتراكي واحجي وكرم كال
كرم… عوفها خليها تروح
ورحت بسرعه للغرفه دخلتها وسديت الباب وكفت وحطيت ايدي على خدودي مستحيه وكلت
براء… هسسسه اني شمدررريني هوه هنااا اوووف يااربي
ورحت اخذت فستان ابدل…
خلصت ونزلت جوه جان بس هوه كرم ماكو كعدت وهوه يباوعلي ومبتسم وكال
فرات… ماكلتيلي خطوبه منو؟؟
براء… خطوبه جاسم من ليام
فرات… شنو شنو؟
براء… خطوبه جاسم من ليام
فرات… شلوون صاارتت
براء… ليش شنو الغريب
فرات… يعني الماضي وهاي شلون وافقوا
براء… هيه راضيه وصارت اتفاقيه زواج
فرات… ههههههههههه شلون خطوبه
براء… سريعه كلش
فرات… يوم النا
براء…. يااا اسكتتت
فرات… شنو بس لا ماتريدين
براء… اخلص جامعتي وافكر
فرات… تفكرررين
براء… اي افكر انت خوش رجال لو لا
فرات… براء شنو اول مره تتعرفين عليه
براء… لا بس يعني انت بالبدايه جنت دكتور وناجح بشغلك بس بعدين اكتشفت انت غير شي
فرات… بس هاذه مايعني انوا مانتزوج
براء… اذا اخويه وافق عليك ليش لا
فرات… الله يعني هسه لازم اخذ رأي اخوج؟
براء… طبعا اخويه اولى بهذا الشي حتى يتعرف عليك خوش رجال
فرات… اخووج مجرررم شيتعرررف
براء… يعني مااوافق
فرات… بلا يعني مانتزوج؟؟
براء… طبعا
فرات… ومنو يتزوجج غيري؟
براء.. نشوف ياسعيد الحظ اليتزوجني
فرات… لاتخلييييينيييييييي افلشججج هسسسسهههه منوووو هذذذذاااااا
برتء… يااا منوووو
فرات…. منوووو سعيددد النعااال التحجيييين عنههه
براء… هذااا مثااال مووو احدددد
فرات… لاتنطييين امثله ولا ايييي شيييييييي
براء… يااا ليش تصيححح
فرات… انوب عليه سعيد الحظ
براء… اي غير يجي هوه
فرات…. بررررررررراء
براء…. ها شبيك غير اليتزوجني سعيد حظ
فرات…. انعل عشييييرتتته خووووششششش كااااافييييييي
وشال البطل وذبه بالكاع ويباوعلي معصب ضحكت واباوعله وهوه كال
فرات…. لاتضحكييين كااافي
براء… تمام تمام سكتت
ودخل كرم ورحت اسويلهم شي ياكلونه…
………………………………
هاله… كعدت الصبح وباوعت عالساعه جانت سبعه وصيحت
هاله… ولجنننننن كووووومننننننننن
وكامت نور فازه وكالت
نور… يمممه شكووووو
حور… شصااار
ميرال… شكووووو
هاله… ولجن اليوم يووم العقددددد
نور… بيش الساعه
حور… هاااله الساعهه سبعه ترى
ميرال… خلي ارجع انام بعد وكت
نور…. ماااانلحككككك كوووومننن بعد عدنا ترتيبااات هوووايه لازم نطلع للسووك
نور… تعباااانهههه
هاله…. يلااااا اني رايحه اتجهز البارحه التهيت احجز يم الصاالووون يلاااا ولجننننن
وكمت ورحت للحمام سبحت ورطبت جسمي ولبست سوت اصفر وطلعت انشف بشعري وشفتهن لساتهن نايمات وكلت
هاله… هااااي بعدددجننن هااااا
نور… كااايمه
وكفت وطلعت ملابسه وراحت للحمام خلصت ترتيب شعري وشديته ذيل حصان وخليت حمره ومسكاره ورشيت عطر وطلعت خارج الغرفه شفت جاسم بالصاله جاي يخابر وماعنده وقت انور ماموجود عرفته نايم ورحت على غرفته فتحت الباب مسويها ثلج ماكدر ادخلها من التبريد وكلت
هاله… انووورررر كووووم شنهاااييي شووو باااردههه كووم
وهوه كام مفزوع وكال
انور… ياستار شصار منو مات
هاله… يمه اسم الله محد مامات بس اليوم تحضييرات العقد فه كوم سااعد جاسم
انور… هاله
هاله… ها
انور… تدرين اني اله شويه ويكف گلبي
هاله… يااا تأخرناااا عووف گلبلكككك يلاااااا
ورحت للبنات شفتهن جاي يتجهزن نزلت جوه حضرت الريوگ وخلصت واجى جاسم كعد ياكل وكعدت اني هم وكلت
هاله… بيش الساعه كعدت؟
جاسم…. كاعد من الفجر احجز
هاله… يا جاسم هسه انت مجبور تخلي كلشي بهالسرعه
جاسم… كلشي ولا ياسين وجماعته يعرفون بالعرس لان يخرب رسمي
هاله… هم صح اني شلون نسيتهم
جاسم… احنه ماراح نخلص منهم ماطول الفلاشه يمهم
هاله… عوف الموضوع هسه لازم نخلص كلشي
واجن البنات وانور نزل عطره تارس البيت واجى كعد وكعدن هم يتريكن وخلصنا كامل
جاسم… انور وصل البنات للسوك والحكني
انور… تأمرني حضرة القاضي بعد عندك شي ثاني
جاسم…. اي تروح تجيب الشيخ خوش
وطلع موبايله يخابر وراح وانور يباوعله وكال
انور…. لا صدك ماعنده وقت هذا
نور… متاخررين احنه
هاله… اي ولله لازم نستعجل يلا
وطلعنا خارج البيت وانور طلع وصلنا عالسوك واشترينا فساتين هوايه وكلشي نحتاجه وبعد مرور ساعات خلصنا وجاي نتتضر انور يرجع
هاله… وييين صاااار
نور… بعدددناا مامتجهزييين وييين اختفى
واجت سياره ورحنا صعدنا وكلت
هاله… ويييين صررررت
انور… ازدحااام ماكوا مجال شلون نجي ركض
حور… يلا بلاحجي زااايد خلي نررروح للصالون
انور… لجججججج
ميرال… ماقصده عليك بس يلا
وهوه استغفر وساق وصلنا للصالون ونزلنا ولبسنا فساتينا وبدت تسويلنا المكياج والشعر وصلن نسرين وبراء وواخذنا موقعنا بلشن يحطن النا المكياج ويسون شعرنا
ام الصالون… ما شاء الله وحده احلى من الاخرى ماتحتاجن المكياج
هاله… تسلمين حبيبتي
وبدت تحطلي المكياج طلبتو يكون خفيف وسوتلي تسريحه الشعر وبعد وقت خلصت وكفت وشافني البنات
نور…. يااا تخبلييين
براء… تجننيننن
باوعت على روحي بل مرايه لابسه فستان زيتوني بي لمع من يم الردان نص ردن كلش حلو وبي كلوشه يجنن وتسريحه شعر رافعه نصه والباقي محلول والمكياج خفيف يجنن وبعد وقت خلصنا كلنا وردت احجي وقاطعني صوت الموبايل عمر يتصل جاوبته
هاله… عمر
عمر… حبيبتي احنه گدام الصالون يلا اطلعي
هاله… تمام حبيبي
وسديت الخط وباوعت على نور لابسه فستان سمائي بي لمع يجنن نص ردن وشعرها مسويته تسريحه مرفوعه ومكياجها يجنن
هاله… تخبلين حبيبتي
نور… وانتي هم
هاله… عمر اجى
براء… يلا خلي نطلع
وطلعنا وشفت مو بس عمر وفرات واركان وعلي الاكبر
ونور خلت الحجاب تغطي روحها وشافها علي الاكبر وراحلها وشافني عمر بقى صافن عليه واجى وكال
عمر… ليش هيج طالعه حلوه ها ليش طلعتي
هاله… يا ليش مو حلو
عمر…. دوختيني انتي شنو موحلو غطي رووحج ليش هيج فستانج ليش مكياجج هيج
هاله… مابي شي عادي
عمر… لا لا شنو هذا على الاقل غطي روحج ومن نصل القاعه ونزعي
ونزع سترته وغطاني ضحكت وهوه هم ويتغزل بيه…
………………………………..
نور… ياا راح اختنكك
علي الاكبر… شايفه فستانج شنوو هذاا
نور… ماابي شي ولله مابي شييي
علي الاكبر… ليش هيج حاطه مكياج امشي مسحي
نور…. لا لا ماريد امسحه شنو خطوبه اخويه
علي الاكبر…. غطيي روووحج
لازم الشال يغطي شعري وركبتي حتى مايبين شي
نور…. الاكبر
علي الاكبر…. روحه ودنيته
نور… اختنكتتت ترى بس وخررره
علي الاكبر… ماوخررر امشي خلي نروح للسياره
نور… اريد اروح مع البنات
علي الاكبر… كلمن رايحه ويا رجلها امشي يولي
وجرني من ايدي وصعدني السياره وهوه صعد ونزعت الحجاب
علي الاكبر… لاتنزعيينه
نور…. مااكوو احد هنا بس لاتخررب التسريحه
علي الاكبر… ليش هالكد طالعه حلوه ها ليش
نور… خطوبه خطووبه
علي الاكبر…. وذااا خطوووبهه اله تروحين صالون
نور… لا تمام بس اكلك شي
علي الاكبر… خير
نور… مو اكوا حنه بليل
علي الاكبر… ايييي
نور… وبس بنات
علي الاكبر… ايي شنو ناويه ها
نور… ماناويه شي بس هيج كلتلك
علي الاكبر… نور اذا البالي هسه ارجعج للبيت
نور… لا لا ماكو شي ماسوي شي ابقى كاعده
علي الاكبر…اذا رگصتيي نوور..
نور… لا لا ابقى كاعده ماسوي شي
علي الاكبر… يصير خير….
يتبع…..
///////////////////////////////////////////////////
الفصل التالي اضغط هنا
يتبع.. (رواية بريئه بين قيود مجرم) اضغط على اسم الرواية لتجد الفهرس كاملاً بجميع الفصول.