رواية أحفاد الشيخ علي – الفصل السابع
أود ان اُخبرك بأنني
احُبك بقلب لايَهوى غيرُك
واحُبك بـ أعيُن لاتبصر سواكَ
واحَبك بـ روَحاً لاتُفارقك
واحَبك بـ عُمر لا اريد أن ينتهي
سَوى مَعك
احَبك وكأنك اعظم انتصَاراتي
^———————–^
في مكان اخر::
عمر:: الوو
نور:: هلا هلا گواك الله
عمر:: هلا بيچ بوية شنو اخبارچ يالگاطعة
نور:: ههههه اني گاطعة؟
عمر:: لا ابد مو انتي…شلونچ؟
نور:: والله الحمدلله انت شنو اخبارك؟
عمر:: الحمدلله تحضري جاي اخذچ
نور:: تمام بس تعرف عنوان البيت؟
عمر:: اي عمي وليد دزلي العنوان تحضري جاي اخذچ
نور:: تمام باي
نور:: سمرة گومي تحضري حتى نروح و حضري ملابس حور حتى ننطيهن الها و نگوللها باچر العرس وراح نجي ناخذها
سمرة:: تمام خية عجل راح اروح احضرهن
راحت سمرة و اني گمت تحضرت و فد نص ساعة و اجتي سمرة وياها ملابس حور و هي لابسة عباية عريضة تجنن طالعة عليها و مكياج خفيف و لابسة علية كعب اسود تخبل طالعة و انوب هي حلوة صاروخ
نور:: اويلي يابة شهنيالة
سمرة:: ههههه انچبي لچ يلا امشي ترى عمر من قبل شوية وصل و واگف بالباب خطية صارلة ساعة امي تريد منه ينزل و هو ما يقبل يگللها مشكورة خالة ما تقصرين والله مستعجل
نور:: هاا سودة علية لعد امشي
نزلنه جوة و طلعنه شفت عمة مروة واگفة ويه عمر
مروة:: يا عيني هسع انزل اول مرة تجي علينه عيب تروح و ما نضيفك شي على الاقل اشرب چاي
عمر:: تسلمين خالة والله ما جاي اجربكم و النعم منكم بس والله مستعجل و تعرفين بيت جديد و هواي محتاج شغل
مروة:: اذا تحتاجون اي شي بس اتصلو الولد يكونون يمكم
عمر:: مشكورة خالة ابد ما تقصرون
مروة:: ربي يحفضك و يخليك يارب
عمه مروة وحدة حبابة و نفسها طيبة فدوة اروحلها تخبل
نور:: ههههه هسه فوت خلي نضيفك شي و تعرف عليهم
مروة:: بنيتي احچي ويا صار ساعة احچي و ماكو فائدة عيب جاي علينه اول مرة و يروح و ما نضيفة شي
عمر:: هههه ولچ نور لا تحرجيني والله يا خالة مستعجل ان شاء الله على الجايات
مروة:: هاهية وليدي انتضرك عجل
عمر:: صار خاله هسه يلا تمشون لو شلون؟
نور:: أعصابك عيني اعصابك فدوة لهل وجه الحلو
مروة:: هههههه
عمر:: ههههه يلا صعدي ام لسان
سمرة بقت ساكته ما حچت ولا كلمة صعدنه بالسيارة اني و سمرة ليورة و هو يسوق
عمر:: ها بوية لازم مرتاحة ما تردين ترجعين؟
نور:: والله الوضع حلو هنا
عمر:: كلش مفتقديچ هناك
نور:: انتو راح ترجعون هسه؟
عمر:: اني ما ابالي ارجع لأن شفت أصدقائي
نور:: عندك أصدقاء هنا؟
عمر:: شلون لعد غير اكثر سفراتي للعراق عندي كومة اصدقاء هنا و اصلاً يمكن اسوي نقل و اجي هنا و اشوف ابوي اذا يبقى هنا همات؟
نور:: اي والله احسن الك
سكتنه و انتبهت على عمر يباوع بالمراية ياخذ نضرة و ينزل عيونه عمر ما عندة سوالف بنات و هاي بس استغربت من نضراتة لسمرة…… وصلنه و نزلت اجت حور تركض علية مثل المخبلة و حضنتني قوي
نور:: ههههه ولچ خرب شگد مشتاقتلچ يولي
حور:: والله اني اكثغ شلون گدغتي تعوفيني و تبقين هنا؟
نور:: ههههه يمعودة شبيچ بس على كيفچ شنو هاي الدموع
طبعاً حور من النوع كلش حساسه و تبچي بسرعة
انتبهت حور لسمرة و گالت….
حور:: هلا بالنسوان الحلوة و مية هلا
سمرة:: ههههه هلا بيچ حبيبتي
حور:: حچتلي نوغ هواي عليچ
سمرة:: ههههه فدوة والله اني هم نور هواي حچتلي عليچ و شنو هاذي الدغة الحلوة ههههه تجنن بحلگچ
حور:: ههههه هلا هلا
ايلين:: هههه ولچ عوفيهن خلي يفوتن موگفتهن بالباب
نور:: يمه يمه شگد مشتاقتلچ
رحت اركض عليها و حضنتها صحيح ماما ايلين مو امي الحقيقية بس عمرها ما حسستني اني مو بنتها و ما چانت تفرق بيني و بين أولادها ابد
ايلين:: ولچ هلا اويلي شنو هاي الريحة الحلوة المشتاقتلها يمة اروح فدوة لطولچ تعاي فوتي
انتبهت لسمرة و گالت…
ايلين:: هلا هلا بنيتي تعاي فوتي تفضلي وگفناچ على الباب اعذرينه
سمرة:: لا خالة عادي
دخلنه للبيت كلش حلو ما شاء الله
عمر:: ها يمة راح اطلع اني محتاجين شي؟
ايلين:: لا وليدي سلامتك
طلع عمر و احنه گعدنه نحچي و گلت لحور كلشي صار وياي من التقيت بتراث لحد هسه و هي كل شويه تشهگ و تبلع صدمه
حور:: ولچ هاي شنو صايغ بيكم فلم هندي منو يصدگ سالفتچ هاي؟
سمرة:: اي ولچ ما شفتيها من شافته صارت تصيح حرامي و كل الي بالبيت گعدو على صوتها
نور:: ههههه اني شمدريني؟
سمرة:: وثول وين اكو حرامي يفوت من الباب و انوب من الصبح؟
حور:: اي والله بس خية هاي ثولة ما عليها عتب
سمرة:: ههههه اي والله
نور:: ها ها توچن تعارفتن على بعض و اتفقتن علية شنو السالفه؟
سمرة:: ههههه صدگ حور اگلچ
حور:: گولي خية
سمرة:: باچر ان شاء الله رايحين اني و نور لعرس صديقتي و اريدچ تروحين ويانه و طلعنه اني و نور اشترينه الچ ملابس ويانه
حور:: ياا عمغي انتو والله ما
اعغف شنو احچي ههههه باچر اشعلها شعل
نور:: ههههه ولچ لا تفضحينه العرس مو النه
سمرة:: هههههه
………
في مكان اخر::
تراث:: اي يابة….هاهيه صار….هلا
حمزة:: شنو صاير؟
تراث:: عمتك نجلاء تريد تجي
عراق:: استغفر الله ولا نخلص
من هل حياية
سجاد:: شعدها تريد تجي؟
عراق:: شافتنه هل ايام هدوء ماكو شي گالت خلي اروح اعلگهم و امشي
تراث:: لا والله ابوي يگول اني ما اگدر بعد اتحمل هل مسؤولية و من توفة زوجها تگول اريد ارجع و اجيب بناتي و اعيش بيت ابوي
عراق:: ادري مو عمامي جاي يدزولها مصروف كل شهر شني لزگت؟
تراث:: تگول ما يكفي
سجاد:: اجتني كلمة على طرف لساني بس ما اگدر احچيها
حمزة:: هاي ايمت تريد تجي؟
تراث:: يومين ثلاثة و تشرف
حمزة:: عبالي اجيب مرتي
عراق:: ههههه عاد يبدي الحماس من هنا تصير مالخ من الشعر
تراث:: هي ليش زعلانه؟
حمزة:: ……..
الفصل التالي اضغط هنا
يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.