رواية أحفاد الشيخ علي الفصل التاسع 9 – بقلم تقى اللهيبي

رواية أحفاد الشيخ علي – الفصل التاسع

 

 

امِس مارحت عَن بالي
امِس وي كُلشي كُمت الكَاك
ضحكتِي ، بدمعي ، بخيَالي
امِس لو جايني چَتال
اصيحَن هلا بچتالي .

 

^ـــــــــــــــــــــــــــــــــــــــــــ^

 

فتنة نركض و عمامي كلهم متعاركين و عمه مروة گاعدة تبچي و عمي حازم يتهدد على ايسر و ايمن و بابا وليد يفشر عليهم

 

تراث:: يابة هسع الولد الضربو وين؟

 

عراق:: يا ولد شصاير هنا شكو؟

 

حازم:: ايمن و ايسر متكاونين ويه ولد و گايم هذا الولد شايل سچينه عليهم ماخذينها منو و ضاربينو بيها و هسع الولد بالطوارئ

 

نور:: عزاا العزاكم و صخام الصخمكم

 

عراق:: لااا تحچون صدگ شنو هذولة مجانين

 

حازم:: اني تالي عمري اگوم اركض وراكم بالمستشفيات

 

وليد:: خوية بس اهدء اول شي نشوف ايسر و ايمن وين و بعدين نگعد ويه اهل الولد

 

تراث:: الولد بعدو ما مات نسوي گعدة و شگد يريدون فلوس ننطي و نسد السالفة

 

حازم:: وليدي ياريت السالفة تمشي بالفلوس و تنسد لحد هسع الولد بالطوارئ و يامن و حازم و سجاد و عمك حسين هناك و يگولون الولد حالته حيل صعبة و يمكن ما يطول

 

سمرة:: يااا عزا العزاني

 

عمة مروة من سمعت گعدت تبچي و تلطم و جواهر گاعدة يمها تحچي و تهدي بيها

 

تراث:: تنحل بوية تنحل بس هدو اعصابكم ان شاء الله يطلع بخير و نتواصل ويه اهل الولد و تنحل

 

وليد:: عراق خلي نطلع اني وياك ندور للولد

 

عراق:: ليش وين همه

 

وليد:: الولد من دچو الولد خايفين و مهزومين محد يدري وين همه هسع

 

عراق:: عجل الولد منو وصلة للمستشفى

 

وليد:: واحد شايفهم و ماخذ الولد للمستشفى

 

عراق:: يلا عجل نطلع نشوفهم وحگ الله اليوم الا ادميهم على هل عملة

 

تراث:: اعصابك عراق بدون مشاكل مالنه خلگ مشاكل ثانية خلي نحل هاذي السالفة اول سيطر على نفسك

 

عراق:: الله كريم

 

طلع عراق و وليد يدورون للولد و جواهر و مروة راحن كل وحدة لغرفتها و بقينه اني و تراث و سمرة واحد يباوع لثاني و الخوف كاتلنه و لحد هسة مصدومين لأن محد صدگ الجاي يصير

 

سمرة:: ترى والله محد يستوعب الجاي يصير ولا يدخل العقل

 

تراث:: ما ادري ذوله الگوا** شنو من جرأة عدهم تا يضربون واحد بسچينه والله بس خلي يصيرون بيدي الا ادميهم هل گواو** نخلص من سالفة تطلع النه سالفة جديدة

 

سمرة:: بس اعصابك ترى مراهقين جهال

 

تراث:: يولي احنه عمرنه محد جاب طارينه بالموزين و كلها تحچي و تمدح بينه و هسع يجون هذوله يخربون سمعتنه

 

نور:: كافي شبيك ترى جهال و حالة عصبية هسة خطية محد يدري هم وين و شنو صاير بيهم و منو يمهم و ترى الولد هو الشال عليهم السچين خلي يجون و نفتهم منهم

 

سمرة:: خايفة الولد يموت و تكبر السالفة اكثر من هيچ

 

نور:: انچبي شبيچ خما ينسجنون

 

سمرة:: والله خايفة عليهم بعدهم مراهقين شعرفهم

 

تراث:: ترى ربچ انطى للبشر عقل يفكر بي

 

سمرة:: يجوز من صارت الكونه و اعصاب ما گدرو يضبطون اعصابهم

 

………

 

في مكان اخر::

 

سجاد:: استغفر الله هاذي شلون سالفة مدري منين طلعت النه

 

يامن:: ذوله ولد الكلب محد درة عليهم شي وين مولين

 

حسين:: لا والله لحد هسع محد يدري هم وين خابرت عمتك مروة گالت طلع عراق و ابوك يدورون عليهم و تراث ضل بالبيت

 

سجاد:: اعصابكم تنحل ان شاء الله بس الولد يطلع من الطوارئ و لحد هسع ما مبين احد من اهلو

 

حازم:: ما اعتقد تنحل بهل سهولة يارب صبرك

 

يامن:: استغفر الله ياربي

 

كلهم گاعدين بس يامن يفتر يروح و يرجع ميت على طلعة الولد تا يعرف شنو مصير ولد عمه

 

………

 

في مكان اخر::

 

صارت الساعة 4 باليل و لحد هسه ماكو خبر من عمي حسين ولا بابا وليد و سمرة تغفي و كل شويه تفز

 

نور:: سمرة….سمرة…..سمرة

 

سمرة:: ها يولي

 

نور:: گومي لغرفتچ من يجون اجي اگعدچ

 

سمرة:: لا خليني هين

 

نور:: گومي ولچ انتهيتي

 

سمرة:: تمام

 

گامت سمرة و صعدت لغرفتها و بقيت اني گاعدة و تراث طلع برة يشم هواا و بابا و ليد و عمي حسين ولا واحد منهم اتصل ولا احد اجه و بهاي الليلة محد نام انفتح الباب و دخل تراث

 

تراث:: هسع شلون سالفة نخلص من مصيبة و تجي مصيبة اكبر منها والله تعبت

 

نور:: بس اعصابك هسه اهدء تنحل ان شاء الله ربي ما يخلي عبدة حاير تعال اگعد هنا

 

اجه تراث گعد يمي

 

تراث:: نور والله خايف حيل على ذولة الاثنين اخاف يموت الولد و ما يقبلون بفلوس و يگولون تصير دم بدم

 

نور:: اشش اشش اسكت عليك الله لا تحچي هيچ ان شاء الله ما يصير شي خلي املك بربك چبير

 

تراث:: والنعم بالله انتي ما راح تنامين

 

نور:: لا ماكو نومة

 

تراث:: ههههه تمددي هين اغفي شوية من احد يجي اگعدچ

 

نور:: لا ما اريد انام اريد ابقى گاعدة وياك

 

تراث:: تمام على راحتچ

 

……….

 

في مكان اخر::

 

سجاد:: طولو حيل ايمت يطلعون؟

 

حسين:: صبرك وليدي

 

شوية و انفتحت غرفة العمليات و طلع الدكتور و كلهم ركضو على الدكتور

 

حسين:: بشر دكتور

 

الدكتور:: البقية بحياتكم سوية النگدر علية بس الولد حالته حيل خطرة منضرب ضربتين وحدة بكتفة و وحدة قريب من گلبة و ما تحمل ادعولة بالرحمة

 

نزل علينه الخبر مثل الصاعقة كلنه مصدومين محد يعرف شنو نحچي او شنو نسوي

 

راح الدكتور و عافنه

 

حسين:: راح اخابر عمكم وليد ضلو هين لحد يتحرك من مكانة خاف اهل الولد يجون

 

طلع عمي حسين و احنه ضلينه على صدمتنه واحد يدحگ للثاني ماطول عمي حسين و اجه بيدة التلفون

 

حسين:: حازم وليد يگول اهل الولد توهم عرفو و جايين عليكم على المستشفى

 

حازم:: ايسر و ايمن ما لگيتوهم

 

حسين:: وليد يگول الولد هسع وياي اوديهم على البيت و اجي عليكم

 

بعدنه نحچي و دخلو زلم كبار بالعمر و كم ولد وياهم
دخلو يركضون ركض لغرفة العمليات تا يشوفون ابنهم و دخل عمي حازم وراهم
راد يامن يفوت بس عمي حسين ما خلاه

 

حسين:: ضلو هين و ما اريد واحد منكم يتنفس

 

دخل عمي حسين و سمعت صوت كوان و حچي و صياح ما تحملنه و دخلنه نركض عليهم

 

………

 

في مكان اخر::

 

تراث:: خابرت عمي وليد و گال هسع اني جاي بالطريق ويا ايمن و ايسر

 

نور:: راح اطلع اگعد عمة جواهر و عمة مروة و اگعد سمرة

 

تراث:: تمام

 

طلعت اركض و گعدت عمة مروة و عمة جواهر و عفتهن و طلعت اركض على غرفة سمرة

 

نور:: سمرة ولچ سمرة اگعدي

 

سمرة:: يولي بس شويه خليني نايمه عليچ الله

 

نور:: گومي راح يجون ايسر و ايمن و من سمعت سمرة اسمائهم فزت و گامت على حيلها

 

سمرة:: والله؟

 

نور:: اي والله بابا جاي بالطريق و جابهم

 

وخرت البطانية و نزلت تركض و اني نزلت وراها گعدنه و انتضرنه تقريباً نص ساعة و دخل بابا وليد و ويا ايسر و ايمن گامت مروة من مكانها و تركض عليهم و تلگتهم و حضنتهم و گعدت تبچي بحرگة و هم ساكتين

 

مروة:: ليش هيچ يولو ليش تحرگون گلبي عليكم ما فكرتو بيه منو الي غيركم يولو شسوي بروحي بالاخير راح اموت من وراكم

 

گعد ايسر گدامها و مسح دموعها

 

ايسر:: اسم الله عليچ يمه والله هو و جماعتة سوو المشكلة و جايين علينه شايلين سچاچين و يتهددون و واحد منهم ضرب ايمن بكتفة

 

سمعت مروة الگالة و شهگت و گامت بسرعة على ايمن وخرت قميصة عن كتفة و شافت كتفة ملفوف بشاش و گعدت تبچي

 

وليد:: هذا حيل زين هسع لگفنه عليهم شي و ما يگدرون يحچون لأن ولدهم البادين و ولدنه هم متأذين

 

كمل كلامة و طلع تلفونه و طلع برة
راحت جواهر جابت معقم و لفاف جروح و گعدت ت

 

عقم جرح ايمن و تحچي ويا و تراث من شافهم هيچ
ما حچة شي ولا چنه الي قبل ساعة گاعد و يتوعد

 

الهم و يحچي عليهم و مروة گاعدة تبچي و ايسر گاعد يمها و يسكت بيها

 

دخل وليد و گال

 

وليد:: اهل الولد راحو للمستشفى و متكاونين وياهم و حازم هدئهم و گاللهم باچر نسوي گعدة و اذا ما ناسبكم باچر نسويها بأي يوم تريدو و الي تريدونه يصير واحد منهم گال ما تنحل اذا مو دم بدم

 

جواهر:: عزاا

 

وليد:: ورا ما حچة وياهم حازم بعدين گالو نسوي گعدة و نشوفهم و نجيب الي شافهم و نشوف الي صار الله كريم

 

مروة:: الحمد لله ما صارت بالدم

 

وليد:: الحمدلله لوما حازم چان صارت بالدم

 

سمرة:: ايمت يجون؟

 

وليد:: هسع هم على جية

 

جواهر:: عراق وين؟

 

وليد:: گال عندي شغلة اكملها و اجي و اني حيل تعبان راح اروح انام

 

راح وليد لغرفته و ما طولت جواهر و راحت وراه و بقت مروة گاعدة و عيونها حمر من ورة البچي على ولدها ايسر و ايمن

 

ايسر:: يا يمة كافي مو احنه زينين و كلشي ما بينه

 

تراث:: انچب و اكل خرا اذا اسمع حرف طالع من حلگك اشگ حلگك افتهمت؟

 

سكت ايسر و ما حچة شي

 

تراث:: يمه صعدي نامي شوفي عيونچ شلون صارن

 

مروة:: ما اريد انام الا يجي ابوك

 

تراث:: صعدي هسع يجي اروحلچ فدوة نامي و ارتاحي

 

مروة:: صار وليدي

 

صعدت مروة لغرفتها و شويه و فاتو الولد اجه يامن يركض على ايسر و كضه من ياخته و رفعة و گام تراث ركض على يامن و كض ايدة

 

تراث:: اصبر يول خلي يفهموك الغلط مو منهم لو منهم چان هسع اني عادمهم

 

ايسر:: والله احنه ما علينه همهه الي بدو تريد نعوفهم يكتولنه ؟؟

 

يامن :احجولي باتفصيل الي صار وين جنتو من البارحه لحد هسع

 

ايسر::……..

 

يتبع…..

 

^ــــــــــــــــــــــــــــــــــــــ^

الفصل التالي اضغط هنا

يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.