رواية أحفاد الشيخ علي – الفصل الرابع والعشرون
عفتني وتكلي
ما تجين؟
تارس الدرب الغام وسچاچين
اذيت گلبي بأيدك وتگلي
ما تجين؟
لا وحق كلمن تعزة ما اجيك
________________§§§______________________________________________
اردف حمزة بعصبيهه
حمزة:: احچيلي كلشي و شلون صار هيچ وياچ و شلون اغتصبوچ؟
غزل:: چنت راجعة من المدرسه و ابوي ضارب امي
سكتت ما حچت شي من نطقت هل كم كلمه
حمزة:: احچي علش سكتي؟
سارة:: حمزة على كيفك
سكت حمزة و حجت هيه وشفايفها يرجفن والخوف باين بملامحها
غزل:: ابوي سكير كلما يسكر يجي على امي يغتصبها گدامي و يضربها
من سمعنه اني وحمزة هيچ معد نعرف نحچي شي لان السالفه كلها تصدم كلما تحچي شغله تصدمنه بعد اكثر من الي قبلها
حمزة:: ما عندچ اخوان؟
غزل:: لا چان عندي واحد و مات هم ما يفرق عن ابوي صار بيَّ مرض خبيث من وره المخدرات وما تحملنه تكاليف علاجه و مات
حمزة::ابوچ و صاحبه شلون اغتصبوچ؟؟
حچت و صوتها متروس خنگه بالگوة اطلع الكلمه
غزل:: امي اطلگت من ابوي و عافتني يمو گالت اني ما اتحمل غلطه مثلچ وصخه و ماعندي فلوس تكفي اصرف عليچ ضلي يم ابوچ هو يتكفل بيچ
حمزة:: شگد عمرچ؟
غزل:: عمري 15 نجحت للرابع اعدادي و ابوي بطلني
حمزة:: ليش بطلچ؟
غزل:: خاف لا اهرب او اسوي شي غلط
حمزة:: هو كله اغلاط و خايف لا انتي تغلطين؟
غزل:: اي
حمزة:: كملي احچيلي
غزل:: من عافته امي گام يسكر اكثر ويجيب صاحبه وياة هو ما چان عنده فلوس للشرب ف صاحبه هو الي چان يشتري ف بليله سوده اجه هوه عليه للغرفهه و ضربني وراها اغتصبني غصب عني من گعد الصبح و عرف شسوة حچه لصاحبه و شصاحبه گال انطيني ياها ازوجها و اسدلك عارها
حمزة:: يا ابن الگ** و تزوجج؟
غزل:: عقدنه شيخ و صرت مثل العشيقه اله من يشرب يجي يضربني و يغتصبني
حمزة:: تعرفين وين ساكن
غزل:: لا ما اذكر وما اعرف المكان
حمزة:: هو متزوج؟
غزل:: اي و صرت مثل الخدامه يم مرته كلما تصير عركه بينهم تجي تفرغ عصبيتها بيه و تضربني
البنيه مبين عليها اثار الضرب وجها مخمش وجسمها كله اثار هيَّ حلوه حيل شايله جمال كلش حلو وشايله برائه محد شايلها بس اخذو منها كلشي اخذو شرفها و اخذو برائتها و اخذو طفولتها وهيَّ بس عمرها 15 سنه اتعرضت للاغتصاب من الشخص الي المفروض يصير سند الها ويحميها وباعها لصاحبه وصارت عشيقه اله وهيَّ بعمر الورد ما خلوها تنمو بأول ايامها حتى تزهر دمروها و ذبولها وهيَّ بالبدايه بس عيونها الحلوه مليانه خوف وقهر وخوفها من كلشي لان من اجتي هيَّ ترجف ومچتفه ما تخلي احد يلزمها ولا يجي يمها وبس تبچي الما اجينه وتحچي هيَّ وتبچي شايله خوف ورعبه بگلبها من الي عاشته گامت ما تثق بأي بشر وما نشوف بس عيونها الحزينه الذبلانه هيَّ تشهگ وتبچي اني ما تحملت جيت حضنتها وهيَّ حضنتني حيل وبدت تبچي أكثر وتحچي چانت تحتاج حضن يلمها….
غزل:: عليكم الله لا ترجعوني الهم تعبت والله معد اكدر
سارة:: يعمري والله بعد ما تشوفيهم والله بعد محد يضربچ ولا يجي يمچ
غزل:: لا ترجعوني.. الهم امانه.. راح يموتوني
هيَّ تبچي و تشهگ انتهت بحضني و باوعت على حمزة وهو باوع عليها
حمزة:: لا تخافين اني احلها لو اعرف اموت و اطلع حقچ و اسجن ابوچ و صاحبه والله لكسر اديهم و اكسر كل ايد نمدت عليچ
غزل تسمع صوته وتبچي و تحضني اقوه و اني زدت بحضنتي عليها ما تحملت وگعدت ابچي وياها
غزل:: لا ترجعوني الهم
سارة:: ما يعيش الي يرجعچ اني يمچ لا تخافين
طلع حمزة بره مادري شعندة بس سمعت يحچي ويه ضابط و غزل بعدها بحضني تبچي و منهارها و تردد نفس الكلمات
غزل:: لا ترجعوني الهمم
سارة:: محد يرجعچ اني يمچ
شويه ودخل حمزه وسد الباب
حمزة:: غزل تحضري انتي طالعه ويانه
هيَّ من حچه هيچ خافت ولزمت ايدي قوي
غزل:: لا ترجعوني الهم
سارة:: محد يرجعچ انتي باقيه يمنه هسه تطلعين وياي للبيت مالنه ما اعوفچ ولا ترجعين الهم وعد هذا
من سمعت هل حچي ثقت شويه بس بداخلها خوف َوافقت تجي ويانه طلعنه اني وياها صعدنه السياره ننتضر حمزة
سارة:: امچ شلون تعوفچ يمو وهو تعرف بي سكير
غزل:: امي ما تهتم بس بنفسها هيه من چانت موجوده چنت مثل الخدامه يمها بعدين خوالي گالو لأمي اطلگي وهيَّ ما صدگت على الله اطلگت و عافتني
نعصر كلبي من حچت هيچ ومتت قهر عليها ماعرف ابچي ماعرف شسوي
سارة:: تنحل دام انتي حچيتي الحمزة ما يعوفچ اله ياخذ حقچ لا تخافين واني وياچ
………
في مكان اخر::
نور::
كملنه الشغل و احنه بالنه يم سارة قررنه نرجع للبيت خابرنه سجاد وگال على جيه احنه كملنه وشلنه الغراض وسدينه الباب وبقينه گاعدات بالحديقه ننتضرة
زهراء:: گلبي يوجعني عليها اخاف بيها شي
نور:: لا ان شاء الله ما بيها شي
سمرة:: زهراء تجين تتعشين يمنه؟
زهراء:: لا حبيبي تعيشون اريد ارجع للبيت عندي قرايهه
سديم:: عندچ قرايه و دايحه
زهراء:: الدياحه اهم
نور:: اتفق
زهراء:: باچر اداومين انتي
نور:: اي اداوم
زهراء:: ككككلللللووووششش
نور:: هههههه
شويه وسمعنه صوت هورن سيارة سجاد طلعنه وسدينه باب الحوش وصعدنه احنه كل وحده صافنه بغير عالم الطريق كله ساكتات فتنه البيت الساعه 8 بليل وره ما وصلنه زهراء لبيتهم كلمن راح لفرفته يبدل واني طلعت لغرفتي فتت وسديت الباب بدلت ملابسي جنت اريد افوت اسبح مابيه حيل فتت گبل بدلت وتمددت بالفراش شويه وسمعت رنة جهاز فتحته لگيت رساله من تراث
تراث:: رجعتي؟
نور:: اي
تراث:: جايچ
عبالي يشاقه سديت جهازي و حطيته جوه المخده شويه و سمعت الباب يندگ
نور:: فوتت
فات للغرفه وسد الباب
نور:: شكو خوما اكو شي؟
تراث:: تعبان
استغربت من حچايته لان هو صارله كم يوم مو على بعضة
تراث:: عادي اضل يمچ؟
نور:: اي
چنت متمدد گعدت وهو اجه گعد شويه و تمدد على رجليه وحط ايده على راسه
نور:: خوما بيك شي؟
تراث:: لا بس مشاكل وضغط بشغل ومشتاقلچ
نور:: ها الله يساعدك
تراث:: هههه ويساعدچ باچر اداومين؟
نور:: ايي
تراث:: لازم راح تنامين من هسع؟
نور:: اي من التعب
تراث:: تعبان
نور:: اي؟
تراث:: انام يمچ
نور:: لا مستحيل شبيك تراث؟
تراث:: مرتي انتي شني مستحيل اريد حقوقي
دفرته من رجليه
تراث:: اخخ كون الله يصگعچ
نور::هو انتَ اله بالعين الحمرة شني تنام يمي؟
تراث:: يابه والله ماسوي شي بس انام اريد يمچ تعبان
نور:: لا بالله شني تنام يمي
تراث:: ترى ما نايم بالحرام هو بالحلال
نور:: هم لا
تراث:: ومنو ماخذ رأيچ؟
گام من مكانه واجه عليه بسرعه و مددني وياهه صرنه اني وياه علي نفس المخده وهوه لازمني قوي ما اگدر لا اتحرك ولا اگوم
نور:: ولككك وخرر راح اموت
تراث:: موتتهم اخليچ هيچ لو تنامين مثل الاوادم
نور:: هيَّ شني غصب؟
تراث:: اي غصب
نور:: يلاا بس وخرر
وخر عني واني بالگوه اخذ نفس گمت من مكاني
تراث:: هاا
نور:: دقيقه
طلعت مخاد وسويت فاصل بيني وبينه على الجربايه وهوه يباوع بأستغراب و يضحك
تراث:: مخبلهه وربيي
نور:: اريد من الله تتجاوز هل فاصل اله اشعل عشيرتك
تراث:: كلهم يرحولچ فدوهه يطرگات گلبي
نور:: ههههه
هوه ضل بمكانه متمدد و انيي جيت تمددت بالجهه الثانيه وبينه حاجز مخاد چنت حيل تعبانه ومنعسهه وهو بس صافن عليه
نور:: لا تباوع عليه
تراث:: هههه صار
من التعب چنت اجر الكلمه جر وبالگوه تطلع من حلگي
تراث:: اششش نامي
نور:: لا توخر الحاجز
تراث:: ما اوخره صار
نور:: مابيه حيل احچي
تراث:: اروح فدوة لحيلچ اني
نور:: ههههه
تراث:: اوفف شهل ضحكه
هو ضل يحچي واني مادري بروحي وغفيت من النعسه چنت حيل تعبانه بمعنه الكلمه
………
في مكان اخر::
سمرة::
اخذت ملابسي وطلعت للحمام فتت وسديت الباب غسلت جسمي لان وره هل شغل حسيت روحي وصخه وغسلت شعري حيل كملت وبدلت ملابسي َطلعت للغرفه فتت واخذت منشفه حطيتها على شعري انتضره ينشف وابدي امشطه گعدت على الچربايه و گضبت جهازي لگيت رساله من عمر استغربت منها وفتحتها
عمر:: “باچر اداومين عندي؟”
رديت عليه برساله
سمرة:: “اي خوما اكو شي”
عمر:: “اكو شي بگلبي صارله هواي اريد احچي وياچ بي”
سمرة:: “تمام باچر اشوفك ونحچي”
عمر:: “انتضرچ”
تفاعلت بالرساله و استغربت حيل من حچيه اخذني الفضول حيل اريد اعرف شكو عفت السالفه وگعدت انشف بشعري
………
في مكان اخر::
وصلنه البيت دخلت و شفت عمه جواهر و عمه نجلاء و عمة مروة گاعدات بالحديقه من شافن غزل استغربن حيل
مروة:: منو هاي البنيه وليدي؟
حمزة:: بعدين نحچي بهل موضوع هسه هيَّ تعبانه خلي وحده من الغرف الها ترتاح بيها خطيهه
جواهر:: صار وليدي
گامت عمه جواهر وياها انطتها غرفه ترتاح و حمزة دخل گال اسبح و ارتاح و بقت نجلاء و مروة گاعدات وياي
نجلاء:: شني لازم معد اكو امل بالخلفه گمتي تبنيتي طفله
سارة:: مو هيچ السالفه بس هل بنيه جاهل و محتاجه النه وما انطاني گلبي اخليها وحدها
مروة:: ليش شصاير وياها؟
سارة:: متعرضه لأغتصاب
انصدمن ثنينهن وشهگت مروة
مروة:: شنو؟
سارة:: تعرضت للأغتصاب من ابوها وصاحبه
مروة:: ياا عززهه سوده عليهه
نجلاء:: تشاقين مو؟
سارة:: ياريت بس عفيه عمه نجلاء البنيه بيها الي يكفيها لا تحتكين بيها وعمه مروة اريد المعامله الحلوه منچ الها لان شافت ضيم چثير من الدنيا
مروة دمعت عيونها وگامت تبچي من القهر عليها
مروة:: اي عيوني انتي لا تخافين البنيه امانه يمنه بعد
سارة:: اعرف گلبچ شگد طيب فدوة اروحلچ
مروة:: جوعانه بنتي اجيبلچ اكل؟
سارة:: ياريت والله من ايدچ الحلوة
مروة:: هههه صار
گامت مروة للمطبخ تسوي الي اكل وبقت نجلاء تباوع عليه
نجلاء:: ما افهم حمزة يمكن شگد ما گلبة طيب مخليچ لان انتي عاقه لا تخلفين ولا منچ فايدة
سارة:: لا عمري انتي هو يحبني ويريدني مو لأن ينقهر عليه
من سمعت هيچ ضاجت حيل ما ردت عليه و گامت من مكانها و مشت و عافتني و شويه و اجت عمه مروة شايله صينيه اكل حطتها گدامي من شفت الاكل لعبت نفسي وگمت اتهوع چني اريد اتقيئ
سارة:: الريحه لعبان نفس يمهه احس اريد اموتت ايعع وخري الاكل من يمي
استغربت عمة مروة من گلت هيچ و گمت من مكاني للحمام بسرعه و گمت اتقيئ شويه ياله ارتاحيت رجعت طلعت لگيتها شايله الاكل ومن شافتني تباوع عليه و الضحكة علي وجها
سارة:: شبيچ عمة ليش تضحكين؟
مروة:: هههه دزيت ايسر على تحليل حمل
سارة:: ليش؟؟
مروة:: عندچ اعراض بنيتي
سارة:: ما اعتقد سويت شگد قبلها
مروة:: اصبري يجي ايسر و نتفاهم
شويه و اجه ايسر و اخذت منه التحليل وگالتلة لا يگول لأحد و انطتنياه بأيدي و گلتلي افوت اسويه بالاول رفضت لأن ماريد انقهر مثل كل مره بس هيه قنعتني وفتت سويته وطلعت گعدت يمها و بعد تقريباً 5 دقايق و طلعت عليه خطوط ثنين حمر اني بقيت صافنه و مصدومه وهيه طارت من الفرحه و گامت باستني من راسي وخدي وتضحك
مروة:: ولچچ هاي البشارة الحلوة هسع نگول لحمزة ولچ يموت فرحح
سارة:: لا مستحيل ما جاي اصدگ
مروة:: ههههه حقچ بنيتي
متت من الفرحهه وگمت حضنت عمه مروة
سارة:: لا تگولين لحمزة وخلي سالفه بنيه اني اگله
مروة:: تمام بنيتي
گالت هيچ وهيَّ الضحكه شاگه حلگها واني ما صدگت على الله غسلت التحليل ونشفته وحطيتة بكلينسه و ضميته بصدري رحت اركض لغرفتنه فتت وسديت الباب وحمزه متمدد على الچربايه وبيده جهاز من شافني اضحك ضحك و تعدل تقربت عليه وگعدت يمه
حمزة:: ههه شبيج شصاير؟
سارة:: ههههه
حطت أيدي بصدري وهو استغرب طلعت تحليل وكمشت ايده و حطيته بيده هو استغرب وخر الاكلينسه منها وضل يباوع عليها و شويه وباوع عليه
سارة:: ههههه حمزة اني حاملللل
حمزة:: ما تشاقين مو؟
سارة:: لا والله هيانهه التحليل بيدك
ضحك ضحكه من كل گلبهه وگام من مكانههه وهو گام ينطز من الفرحه چنه جاهل ومنطينه شغله يحبها اجه عليه و حضني قوي و شالني فرنيي و اني طايره من الفرحه بعد حب سنتين و زواج راح نصير اب وام بعد عناء 5 سنوات و خوف و بچي و قهر وما خلينه دكتور وما رحنه اله وچان املنه ينقص اكثر و اكثر ربي عوضنهه ضل حاضني ويفر بيهه وره شويه نزلني وحط ايده على بطني
حمزة:: اسف والله من الفرحه نسيت وشلتچ
حطيت ايدي على ايده و ضحكت
سارة:: هههه هسع راح تصير باباا
حمزة:: ههه يمهه والله مو مصدگ ولچ راح اموت من الفرحهه
سارة:: اسم الله عليك
حمزة:: باچر تحضري من الصبح نطلع للدكتورة نشوف بيا شهر
سارة:: ههههه هاهيه اتفقنهه
تقرب عليه وباسني بوسهه قويهه وشمهه ويه البوسه ونزل على بطني وباسها
حمزة:: هلا بنتي او ابني هلا وميت هلا
ورد ضحك وباسها
سارة:: هههههه
………
في مكان آخر::
الساعه 7 الصبح گعدت على صوت المنبه واحس شي ثكيل عليه رفعت راسي باوعت و شفت روحي واني بحضن تراث هو حاضني وحاط ايده عليهه من شفت هيچچ گمتت اصيحح وخرت ايده بسرعه مني و طفرت من الفراش
تراث:: شبيچ صوتتچ مو نايم
شلت المخدة وضربته بيها
نور:: يااا منحرفف يااا ساق* مو گتلك هذا الحد لا تعبره
تراث:: هههه ولچ مو چنتي نايمه بحضني وغرگانه هسه تحچين
نور:: ياااا عززاااا ياا چذابب
تراث:: ههههه
نور:: اطلععع برههه
تراث:: ليش؟
نور:: شنو ليش اريد ابدل
تراث:: بدلي ما اباوع
صعدت على الچربايه
نور:: باعع لك تگوم مناا و تطلع لا ادوس عليك
تراث:: هههه لا يمه طالعع اروح اكمل نومتي بغرفتي
نور:: امداك
طلع من الغرفه و سد الباب ورا و اني نبضات گلبي صارت الف باوعت على وجهي احمر بالمرايه
نور:: اوفف
بدلت ملابسي و نزلت جوه شفت سمرة گاعدة تنتضرني
نور:: هاا
سمرة:: هلا بالحلو
نور:: نعسانه
سمرة:: ههههه
شويه و سمعنه هورن سيارة عمر گمنه من مكانه و طلعنه بره و سدينه الباب و صعدنه بالسياره و شويه و وصلنه للمدرسه اني و حور فتنه للمدرسه و ماكو بشر موجود بيها
حور:: تأخغنه
نور:: ولچچ استجعلي
رحنه نركض للصف نخاف لا المدرسه ترزلنه
………
في مكان اخر::
عمر ساكت ما حچه ولا حرف ف قررت اني ابدي الكلام
سمرة:: شنو الموضوع الي ردت تحچي بي؟
شويه وتنهد وطبگ السيارة
عمر:: سمرة صار شگد اعرفچ؟
سمرة:: راح يصير 3 اشهر ليش؟
عمر:: تعبت والله معد اگدر اكتم اكثر اني احبچ
و اريدچ بالحلال
انصدمت من الي گاله و معد اعرف شنو احچي
او شنو اجاوبه
سمرة:: من ايمت
عمر:: من اول مره شفتچ بيها ما چنت أمن بشي اسمه حب او شي اسمه حب من اول نضره بس حبيتچ من اول مره باوعت بيها الچ تعبت والله و اني اسمع حچيچ عنه و كل كلمه تگوليها چنت اموت الف موتهه
نزلت راسي وهو نضراته الي و اني گلبي يدگ بسرعه
عمر:: انتي گولي اي و اني من باچر جاي اطلبچ من ابوچ لأن انتي صرتي شي مقدس بالنسبه الي ما اريد الوثچ بالحرام
سكتت وگمت افرك ايدي من التوتر و باوعت عليه وهو حط عينه بعيني واردف….
عمر:: تقبلين اصير العوض الچ و اعوضچ عن كلشي صار وانسيچ كلشي؟
سكتت من الي گاله وما اجت بس بالي سالفه وحدة و گلتلة…
سمرة:: يعني عادي تزوج وحدة چان عدها علاقه قبلك؟
عمر::……….
________________§§§______________________________________________
الفصل التالي اضغط هنا
يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.