رواية أحفاد الشيخ علي – الفصل الخامس والعشرون
أَنا تعبان
و اجيَتك خِيط
عَليمن جاي تكسرني؟
حتى بنومِي ما شَبعان
اظل يَمك و گوه مفتح عيونِي
شسَولفلك بعد
لا أنتَ ولا الناس يَردونِي؟🤍
________________§§§______________________________________________
سمرة:: يعني عادي تزوج وحده چان عدها علاقه قبلك؟؟
عمر:: باعي سمرة مو كل بنيه عدها ماضي يعني مو شريفه احتمال چانت مراهقه و استغلوها ومو كل بنيه عافت زوجها او تطلگت يعني مو شريفه احتمال تعامله وياها مو زين ويتعدى عليها وتبهذلت وياه ومو كل بنيه تحب تطلع وتضحك وتحچي مو خوش بنيه لو شويه نفكر وما نحكم على الأشخاص وكل شخص بهل دنيا يستاهل فرصه ثانيه ويجي شخص يعوضه عن الكل
سكتت ما حجيت شي ونزلت راسي
عمر:: سمرة!!
سمرة:: ها
عمر:: تنطيني رقم ابوچ اجي اتقدملچ؟
سمرة:: اي
طلع جهازة من جيبه و فتحه و باوع عليه
عمر:: يلاا رديليا
سمرة:: ******077
عمر:: بليل جايب اهلي وجاي عليكم
سمرة:: كل الهلا بيكم
أحساسي چان حلو مختلط بصدمة حيل قوية و بطني گامت توجعني ما ادري من الخوف لو من الفرحه هو چان عنده محاضره واني هم
عمر:: هسه رايح اني ونلتقي بليل
سمرة:: ان شاء الله
گام من مكانه و اني بطني توجعني واحس بفرحه مو طبيعيه اول مره احس بيها ورا ما انفصلت اني و احمد و حسيت عمر عوض ربي دزه الي بعد تعب وقهر وبچي و ان شاء الله يكون الاختيار الصح هل مرة
_____________________
ساره::
حمزة:: كملتي؟
سارة:: اصبر بس اشيل الجنطه
حمزة:: يلاا
اخذت الجنطه وطلعنة بالسياره متوجهين لعيادة الدكتورة و شويه و وصلنه نزل حمزة وفتحلي الباب و نزلت من عرف بيَّ حامل معد يخليني اسوي اي شي بقى بس يشيلني و يفتر بيَّ دخلنه للعيادة و الدكتورة چانت منتضرتنه لأن حجزت يمها
سارة:: السلام عليكم
الدكتورة:: وعليكم السلام تفضلي هنا
جيت گعدت على المكان الي راح تكشفلي بي تمددت عليه چان مثل الچربايه حطت على رجليه غطه و رفعت ملابسي و حطت مثل المعجون جان لزج و بارد على بطني
دكتورة:: يلاا نبدي
سارة:: اي
چنت متوتره و خايفه و حمزة ضحكته شاگة حلگة
دكتورة:: بسم الله
حطت الجهاز على بطني و بدت تحرك بيه وحاطه عينها على الشاشه و حمزة هم عينه على الشاشه
دكتورة:: ما شاء الله شلون ما حسيتي بنفسچ؟
سارة:: شلون يعني؟
دكتورة:: انتي بالشهر الثالث
سارة:: و الطفل شلونة؟
دكتورة:: كلش زين وما تحتاجين مثبتات بس راح اكتبلچ علاج استمري عليه وكثري دبس وحليب وكبدة حتى يصير بيج دم و بالطفل دم حتى من جيبين ما تحتاجين دم
سارة:: تمام دكتورة
حمزة:: خما اكو اكل ممنوع عليها شي يأثر على الحمل؟
سارة:: حمزة!!
دكتورة:: لا حملها كلش زين
حمزة:: الحمد الله اشكرچ دكتورة
دكتورة:: تدللون
كملت حچي و انطتني كلينسه مسحت بطني و وخرت الغطه ونزلت ملابسي وحمزة ساعدني اگوم مع انو اني بالشهر الثالث بس بعدها بطني ما كبرت وفرحت حيل من گالت الطفل سليم وما تحتاجين شي كتبت بروقه ادويه كملنه منها وطلعنه لصيدليه نجيب منها الادويه عافني حمزة ونزل للصيدليه جاب العلاج ورجع شغل السياره متوجهين للبيت
حمزة:: مشتهيه شي؟
سارة:: لا
حمزة:: ابد ما بنفسچ شي؟
سارة:: هههه لا
حمزة:: متأكدة؟
سارة:: هههه مو گلتلك لا
حمزة:: هههه تمام
وحط ايده على بطني و ايدة الثانيه يسوق بيها ويفرك بطني شويه شويه واني احس الفرحه ما سايعتني وشويه وصلنه فتنه البيت وشفنه غزل گاعدة على المرجوحه وياها سديم گاعدات يحچن
سارة:: هاا شعدچن
سديم:: هههه هيچ نسولف
سارة:: ها غزل مرتاحة؟
غزل:: اي
حمزة:: بديت ادور على ابوچ لا تخافين ما يطول ويگع بأيدي و انتي ان شاء الله من باچر ابدي اشتغل معاملات الچ ترجعين للمدرسه
من سمعت حچية غزل عن المدرسه گامت من مكانها و ابتسمت اول مره من شفتها لحد الان اشوف الابتسامه علي وجها واردفت….
غزل:: والله راح ترجعني للمدرسة؟
حمزة:: اي بويه تستاهلين تدرسين و اريد منچ من ترجعين ترفعين راسي و درجاتچ كلها عاليهه
غزل:: وربي اخليك تفتخر بيه وما انزل راسك و ربي ماعرف شلون اشكرك والله
حمزة:: هههه لا وليدي انتي تستاهلين هالشي اول ما تكمل معاملات اخذچ تشترين ملابس
غزل:: لا هيچ والله چثير
حمزة:: اشش تستاهلين تدرسين وتكملين حالچ حال البنات
گعدت و گامت تبچي انصدمنه جيت اني اركض عليها و گعدت يمها
سارة:: شبيچ حبيبتي؟؟
غزل:: ما اعرف شلون اشكركم والله على الي جاي تسوو وياي
سارة:: اشش يعمري انتي ما سوينه شي لا تبقين تفكرين هيچ احنه يمچ
حضنتني قوي وگامت تبچي انقهرت عليها حيل
___________________________
نور::
زهراء:: ولچ لو شايفته حور وجها وجه العنز انوب شايف نفسه عذه منهه
حور:: هههه
نور:: چذابه هيه استچلبت الولد ولا يمها گامت تريد تاكله اله شويه
زهراء:: غثهه ومستفزز وغبي
حور:: لو ادغي هيچ چان جيت وياكم اشهد على العغكه
زهراء:: احسلچ ما اجيتي يمعودة
نور:: شنو سويتي انتي و علي؟
زهراء:: اي صدگ شسويتو؟
حور:: يمكن احد مسويله سحغ لان مو طبيعي طلعني و فغني و انوب وداني على المغطبات وشطلب يكلي صاغ ايي دللي و گبل يجيبه الي
نور:: ولچ اخاف مصخن
حور:: حطيت أيدي على جبهته ما عليه حغاغه ولا صخونه
نور:: شني هل صدمه اشو قبل من نگله على شي يگللنه اسكتن انطمن ولا تضوجني
حور:: اي والله
زهراء:: يارب غير حالي مثل ما غيرت علي على ذني المستچلبات
نور:: حطت عينها
حور:: هسه يستچلب الولد
______________________
سجاد::
ايسر:: سجاد
سجاد:: هاا
ايمن:: بس تخيل عراق يخطب و يتزوج قبلك
سجاد:: اخخ گلبي گام يوجعني
عراق:: وجه الطلي المفروض تفرحلي
سجاد:: هيَ ضلت بس انتَ تزوج قبلي صدگ اتخبل
ايمن:: تدري اني مزوج؟
سجاد:: انتَ ياهي تقبل بيك؟
ايسر:: اني اقبل بي
عراق:: ايععع الوانن
تراث:: تگومون من يمي لا هسه صدگ اگوم ادبچ عليكم
ايسر:: الله من زمان ما دابچين
تراث:: انتو شعجب اليوم شفناكم
ايمن:: قررنه نبطل و نشوف نسوان تستر علينه لان گمنه ندور الستر
تراث:: خوش تفكرون
ايسر:: نعجبك
سجاد:: اني هم اريد مرة
ايمن:: انتَ مكمل ومتمكن شعجب ابوي ما يقبل يزوجك
تراث:: يعرفه واحد طايح حضه مو گد المسؤوليه
سجاد:: انچب انتَ كافي تركض على اوجاعي
عراق:: سوده عليه من باچر اگوم ادورلك مرة
سجاد:: راحح ابچي من الحنيههه ولكك اروحلكك فدوة
عراق:: عمي تدلل شعندي غيرك
ايمن:: شهل سوالف التعبانه گومي مرتي نطلع
ايسر:: ولك لا تفضحنه گلتلك اني مو مرتككك
عراق:: وين مولين
ايمن:: يم صاحبنه هذا الي تعرفه
عراق:: اي خطيه خوش ولد هذا اعرفه
ايسر:: تعرف اسمه مو؟
عراق:: اي شلون ما اعرف اسمه
ايمن:: شنو اسمة؟
عراق::هاا.. مو اسمه عبدالله
ايمن:: لا صدگ انتَ مو طبيعي
ايسر:: ترى الولد مل وهو يگلي اسمي مرتضى يا ناس يا عالم اسمه مرتضىىى ولكك اسمهه مرتضىى
عراق:: هااا
سجاد:: طاح حضك شگد تنسى
تراث:: كافي ما تعرفون تسكتون
ايسر:: يله عمي نتوكل احنهه
سجاد:: الله وياكم
______________________
ساره::
شويه و اشوف حمزة حط جهازة على اذنه ويحچي ويه واحد و شويه و سده گضب الباب يريد يطلع
سارة:: ويننن؟
حمزة:: للمركز
سارة:: شصاير؟
حمزة:: لگينه ابوها و صاحبه
انصدمت من گال هيچ و باوعت على غزل وهيَّ باوعت عليه ولزمت ايدي قوي
سارة:: نروح ويا؟
غزل:: ما اريد
سارة:: دام احنه يمچ ما يصيرلچ شي
غزل:: تمام
حمزة ما حچه شي گامت هي واني گمت من مكاني ما توقعت يلگو بهل سرعه ركبنه السياره متوجهين للمركز وشويه و وصلنه شفت غزل ترجف وعيونها مدمعه من الخوف بس لو اعرف شهل خوف الي زرعوه بگلبچ ذوله الي ما يخافون من ربهم فتنه للمركز وثنين زلم مچتفيهم فات حمزة گدامنه واحد منهم يباوع لغزل چنه يريد ياكلها وهيه ضمت روحها وراي
حمزه:: منو ابوها؟
عبدالعزيز:: اني
حمزة:: هههه انتَ العار ابن العار
اجه يركض عليه حمزة و ضربه ركله بطنه الما وگع بالگاع وهو يتلوه من الوجع
حمزة:: ما خلصت ولك طفلة ولك هاي عرضك وشرفك شلون تسوي بيها هيچ ولك ناس تبچي دم ادور ضنه وانته تموتها على ايدك
گام وگفه من ياخته وضربه بوكس الما كام يستفرغ دمم و الضباط مابيهم واحد لزم حمزة او حچه ويا و رجع ضربه بوكس اقوة من الي قبله وگعه بالگاع اول مره اشوف حمزة هيچ بهل اعصاب
حمزة:: ولك طفلة مالي گلبها الخوف ولك يا قذر شنو من مخلوق انتتتَ
عبدالعزيز:: بس…. شويهه…. جاي… اموت.. عوفني
يحچي و ياخذ نفس بصعوبه من قوة الضربات الي انضربهن يحچي كلمه ويسكت بالگوه يگدر يلفضها
حمزة:: يول هاذي بنتك من دمك عيشتها بخوف شتگول لربك ولك اليوم موتك على ايدي
گام صعد فوگا و اخذه بوكسات جان منضر حمزة مرعب اول مرة اشوفه هيچ راد يكتل الرجال اله شويه لو ما يجون الضباط ويوخرون حمزة عنه وهو ضل مشمور بالكاع
حمزة:: نقلو للمستشفى وعينكم عليه اول ما يصير زين نقلو للسجن واني اشتغل عليه اخلي يتعفن بالسجن هوه وصاحبه
رجع باوع على صاحبه واجه يمه ولزمه من ياخته
بارق:: مالي دخل اني والله مالي دخل معليه بيهم وما اعرفهم
حمزة:: هههه ولك نذل تدنه نفسك على طفلة بگد بنتك شگلت لربك عبالك تبقه تسرح وتمرح محد يكضك ولك من البارحه من شفت دموعها وانتو الاثنين صرتو دم سنوني ولك ما شفتو رجفتها و خوفها بالگوه تنطق كلمه من كل عقلكم اعوفكم هيچ
ضربه بوكس قوي على بطنه الما خلاه يتبرغث مثل الجاهل بالگاع ورجع گومه و ضرب راسو براسه الما خله خشمه ينزف دم
حمزة:: هسه اشوفك شلون تاخذ برائه طفله وتخليها ماليها الخوف
دفعو دفعه قويه الما وگعه بالگاع وحط رجله على بطنه ورفعها ونزل رجله بقوه الما ستفرغ دم عاد شافه يتلوه من الوجع وعافه اجه يمشي بأتجاه غزل وگف يمها وهيه ضامه نفسها وراي ومطلعه نص وجها نزل لطولها واردف….
حمزة:: وعدتچ اخذ حقچ و اخذته و هسه بعد محد يگدر يمسچ و اني بضهرچ هسه برد كلبچ لو بعده ولو على الي سوو ما اعتقد يبرد بس راح يذوقون مراره السجن ويتمنون لو ميتين
من شفت حمزه هيچ طلع الفخر من خشمي لأن عرفت اختار شفته شلون ويه الطفله غزل وحسيت نفسي عرفت اختار اب لأبنه او لبنتنه من اخذته و اني ما عمر تندمت ولا خلاني اتندم
شفت بعينه الكره والحقد الي شاله عليهم ذوله الاثنين وچانو يستاهلون الي سوا بيهم شفت الاب وقذارته ونضراته الغزل مابيهن رحمه ماعرف الانسان شنو الي يوصله لهل مرحله من القذاره والنذاله
حمزة:: انتضرني بالسيارة اكمل واجيچن
سارة:: تمام
گضبت ايد غزل وهيه گضبت ايدي قوي باوعت لوجها عليه ابتسامه نصر ابتسمت الها و طلعنه من المركز وصعدنه بالسيارة ننتضر حمزة
___________________
نور::
كملنه دوام وطلعنه برا ننتضر عمر يجي ياخذنه واليوم تأخر مدري شعجب شويه وسمعنه الهورن مالته وطلعنه بره المدرسه صعدنه بالسياره و نباوع عليه الابتسامه شاگه حلگه باوعت على حور وهي باوعت عليَّ
حور:: اليوم الابتسامه شاگه حلگك شعجبب
نور:: اي والله شصاير؟
عمر:: اليوم ان شاء الله رايح اخطب
انصدمت من الي حچاه و باوعت على حور
حور:: تخطب منو وليش ما حچيت؟
عمر:: اله اخذت موافقه البنيه و بالليل نروح لبيتهم ان شاء الله
حور:: كككلللوششششش
نور:: هههه تستاهل صدگ هلهولهه كككللللوووششش
عمر:: هههه
حور:: منو البنيه ومنين وشسمها؟
عمر:: تعرفنها كلش زين
نور:: منو؟
عمر:: سمرة بنت حازم
انصدمت من الي گاله وبنفس الوقت فرحت الهم حيل لان چنت احس راح يصير بينهم شي من وره نضرات عمر الها
نور:: ههه الف الف مبروك ان شاء الله الله يتمم على خير
حور:: ولك چنت حاط عينك عليها
عمر:: لا حبيتها من اول مره عرفتها بيها بس ما چنت اگدر احچي لأسباب بس شفت هل وقت مناسب وصارحتها و طلبت رقم ابوها و بالليل جاي اخطبها
نور:: والله كفوو منكك وعفيهه عليك زلممهه بألف زلمهه انتتَ
عمر:: ههههه على راسي احطك اخوي الغالي
حور:: ان شاء الله دوم الضحكه ياغب ما تفاغگ وجهك
عمر:: هههه اللهه يسمع منچ من تصير الي الضحكه بعد ما تفارگ وجهي و ارتاح
نور:: ان شاء الله تصير من نصيبك يارب
شفت عيونه تلمع و ضحكته شاكه وجهه صار شهرين يمكن اكثر ما شفت عمر يضحك هيچ وعيونه تلمع چنه چان تعبان من وره سالفه سمرة يمكن يدري يمكن لا بس عمر خوش زلمه وراح يعوضها لسمرة وهيه تعوضه و ان شاء الله تتم على خير يارب
وصلني للبيت وطلع يوصل حور وبعدين يرجع على الكليه الما يكمل دوامهم ويوصل سمرة ويرجع للبيت فتت للبيت وسديت الباب الخارجي فتت ميته تعب من الدوام گبل طلعت لغرفتي فتت الغرفه وشفها ضلمه وبارده فتحت ضوه وباوعت على فراشي تراث نايم بي ومبين عليه التعب حيل ما ردت اگعده ف اخذت ملابس وطلعت للحمام فتت غسلت جسمي بمي بارد و غسلت شعري كملت وحطيت منشفه على شعري ولبست تراك فتت على الغرفه على كيف و شويه و شفته گاعد وباوع عليه ضحك الي وعدل گعدته
تراث:: امشطلچ شعرچ؟
نور:: هاا
تراث:: امشطلچ؟
نور:: ايي
شغلت الضوه وجبت دهن شعر ومشط وگعدت گدامه وهو گعد وراي وخر المنشفه من شعري ونزل شعري چان طويل مغطي كل ضهري واسود حيل لغاية من چنت احنيه ابد ما يطلع بيه لون شگد ما اسود كض المنشفه وبده يمسح شعري تا ينشف شويه واخذ دهن حط بيده وبده يدهن شعري وره ما كمل كام يمشطه على كيف
تراث:: من تتأذين گليلي
نور:: تمام
يمشط على كيفه لغاية ما اذاني او تل شعري ابد كمل تمشيط وخر شعري الي صاير على اذني وتقرب عليها وباسني بوسه خفيفه وهمس بأذني
تراث:: اني هايم بيچچ
من سمعت هل كلمه قشعر جسمي كلهه
نور:: تراث؟
تراث:: عيونه
نور:: لا تحچي هيچ
تراث:: هههه تمام
كمل تمشيط وشد شعري وحط قراصهه عليه
تراث:: راح طلع اشوف الولد انتي نامي و ارتاحي
نور:: تمام
تراث:: اكلتي؟
نور:: لا من اگعد عود اكل
تراث:: من يكمل الغده راح ادز وحده من البنات عليچ گعدي تغدي لا تبقين جوعانه
نور:: تمام
طلع بره وعافني واني تمددت بفراشي الشعور الي داحس بيه ماعرف شنو هو حطيت ايدي بالمكان الي باسني بيه و ابتسمت احس بطني فراشات و راحة نفسيه حيل من سمعت الي گاله
____________________
سمره::
كمل الدوام و اني انتضر عمر يجي وبقيت منتضرته يم باب الجامعه شويه واجه وهوه يضحك من شفته يضحك ضحكت الهه
عمر:: خما تأخرت عليچ؟
سمرة:: لا مو هواي
عمر:: ههه اجيب السياره واجي
سمرة:: تمام
طلع يجيب السيارة وما تأخر شويه و رجع صعدت بالسيارة و طلعنه من الجامعه متوجهين لبيتنه
عمر:: اتصلت على ابوچ
سمرة:: شگالك؟
عمر:: گال هلا بيكم…و بالليل احنه يمكم
سمرة:: تمام
مادري ليش چنت مرتاحه حيل اجتني راحه غريبه و كلش حلوة و شويه و وصلت للبيت
نزلت من السيارة
سمرة:: شكراً
عمر:: استودعتچ الله
حچه هل كلمتين و اني حسيت نفسي كلش فرحانه بقيت افكر بيهن (استودعتچ الله) ما يگولها بس الشخص الي يحب شغله ويخاف يفقدها ف يستودعها يم ربه حتى ما تضيع منه مثل الامانه الي يم ربه
سمرة:: استودعتك الله
ابتسم الي وشغل السيارة و راح واني فتت جوه و حيل فرحانه و مرتاحه لگيتهم مخبوصين ديسوون غده وشويه فاتت سارهه و خاله مروة اجتي تركض و بيدها چيس چكليت و اخذت بيدها حفنهه و شمرتهن على سارة وحمزة
مروة:: ههههه كككللللوووششش
طلعت كلها تشوف شكو من هلاهل عمه مروة واني استغربت بس نور ماكو يمكن نايمه
تراث:: شكو؟
عراق:: شصاير؟
يامن:: يابه شكووو؟
حطت سارة ايدها على بطنها
سارة:: اني حاملل
جواهر:: ككللووووشش الف الف مبروككك
ركضو الولد كلها على حمزة حضنو ويباركوله وكلها فرحانهه و عمه جواهر تهلهل وعمه مروه تضحك و سديم و غزل ملتمات على سارة والفرحه ما سايعه احد بس نمارق ونجلاء عيونهن طگ نار وشرار وحقدد بس محد مهتم لأن و اخيراً راح يجي طفل على هل عائله يمله علينه البيت حچت نجلاء من وره خشمها
نجلاء:: الف مبروك حمزة
حمزة:: الله يباركلچ عمه
سارة تحرك ايدها على بطنها و تباوع على نجلاء
سارة:: هههه صارت حامل العقيم
بهاي الجمله چنها ضربت نجلاء نعال على حلگها
سجاد:: حمزة راح يصير عندة جاهل واني ما تزوجت
سارة:: ولك انتتَ شخبصتنههه
سجاد:: لچچ الحيههه ولا حرف
سارة:: محد حيهه غيرك
مروة:: هههه يلاا عيني الغدة جاهز فوتو نتغدة
رحت على ساره وبستها وباركت الها وراها التمينه كلنه على سفره الاكل وكلها تاكل بسكوت وشويه وچان يحچي بابا حازم
حازم:: اليوم راح يجون خطابه لسمرة
تراث:: منو؟
حازم:: عمر و اهله اريد ترتبون الديوان وماريد احد يفوت بس اني و عمكم حسين و تراث و يامن و عراق و سجاد و حمزة
تراث:: حاضر بويه
محد حچه بعده لأن محد يگدر يحچي كلمه بعده او يعارض الي يگوله يصير وماكو لاحد كلمه بعده
________________§§§___________________
.
.
.
.
.
الفصل التالي اضغط هنا
يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.