رواية أحفاد الشيخ علي – الفصل السادس والعشرون
ليش ما جاسك حَنيني؟
وقَررت غُبشه تسافر !
وانا كاتبلك قصايد
خَلصت بيها الدفاتر
الشاعر الوادم تحبه
وانه أحبَّك وانا شاعر
أمَس مَا مريت بيّه
راح أتانيّك اعله باچر
أخاف بَاچر مَا تجينِي؟
عگبَه منصُوبه الچَوَادر
________________§§§______________________________________________
سمره::
كملنه غده وكلمن طلع الغرفته واني اخذت مي بسطل وحطيت وصله ومسحت الميز الكزاز مالت الديوان وحطيت مي بالكاع وجبت ماسحه ومسحته كله وجبت معطر جو ورشيته وشغلت تبريد تا تبقه بارده رحت لغرفتي واني متوتره وخايفه لا ابوي ما يقبل بس ان شاء الله ربي يتممها على خير
_____________________
سديم::
متت من الخوف وره ما شفت رساله منه ليل كله ما كدرت انامه ماعرف ايمت اخلص من هل مجنون وحجيه الله بلاني بواحد مريض نفسي ويرعبني حجيه اكثر من قبل الرساله الي وصلتني منه
“ههههه وهسه عبالج من تحضريني راح تخلصين مني ومن شري هههه”
ما رديت عليه بس بقيت صافنه على الرساله وايدي ترجف
“ما تخلصين مني وراج وراج وابقه راعبج”
“هههههه صافنه الحلوه ديري بالج هل مره تحضريني اجي اسحلج من بيت جدج وجيبج يمي”
“ما مشتاقتلي ام عيون خضر؟ ”
” اني شتاقيت نضره الخوف الي بعيونج مني ههههه ”
من شفت رسايله وكلما اشوف وحده يدز ثانيه اني متت خوف ما صدكت اخلص منه رجع هل مريض نفسي لحياتي وما راح يخليني مرتاحه نترسن عيوني دموع واني اذكر كلشي جان يسوي بيه وصرخاتي
من جان يتحرش بيه وخوفي منه ودموعي جان مهوس بيه وهوه مريض نفسي جان يحب يشوفني متعذبه وابجي ويحب يكون جسمي متروس اثار ضرب من عرفته وهوه تارسني خوف منه ودزلي اخر رساله
“لا عبالج عايفج اني يمج ومراقبج”
دز هل رساله وسد ترس كلبي خوف…………
_____________________
حور::
هشام::جان المفروض تحجي وتنطينه خبر قبل يوم
عمر::ميحتاج كل هذا احنه رايحين نطلب موافقه منهم
ايلين::بس يا يمه المفروض تحجي وتكول
علي::اي والله صحيح
حور::اني من حجه والله نصدمت
علي::اي والله صحيح
عمر::نطيت كلمه لحازم عيب ارجع عنها
علي::اي والله صحيح
هشام::هاهيه وليدي بل 7 احنه طالعين لبيتهم اني وانته
حور::جا واحنه؟
هشام ::انتو شكو ماشين ويانه ابقو هنا
علي::اي والله صحيح
حور::ما تنجب
علي::لحضهه شنوو ليش احنه ما نروح؟
عمر::ميحتاج اخذ ابوي ونفضها ونرجع بالمشيه جبيره كلها عود تروح
حور::هيه شنيه اريد اروحح
علي::اي والله
هشام ::كافي انتو باقين هنا تا اروح افض الي سواه اخوكم لان كلها طالعه عن طريق وتمشي بكيفها معد الي رأي وكلمه
عمر::حيشاك بويه بس هلشي صار مستعجل والله
حط ايده على كتف عمر واردف
هشام::تمام وليدي
كمل حجي وياه وطلع ابوي بره وعمر البتسامه شاكه حلك وامي تباوع عليه وتضحك واجه عليها وباسها بوسه قويه من راسها
ايلين::روح ربي يوفقك ان شاء الله وتصير كل حياتك فرح وسعاده
عمر::الله يسمع منج يارب
كمل حجي ويه امي وطلع لغرفته من الفرحه تحسو شويه ويكوم يركص
علي::هذا ممصدك على الله
حور::اي والله صحيح
علي::ما تنجبين شخبصتينه اي والله صحيح اي والله صحيح همداج اي والله وامده حضي
ايلين::استغفر الله
حور::ولككك اني لووو انتتتتَ صارلك ساعه تحجي وتسولف
علي::اششش نجبي يلهه عمي اني طالع
ايلين ::الله وياك وليدي
حور::كلعه
علي::التكلعج
طلع بره مدري شعنده وسد الباب وره وبقيت بس اني وامي وحده صافنه بوجه الثانيه
حور::شكلتي لغبج من خلفتي علي
باوعت عليه وما حجت شي جان تكوم وتعوفني
حور::اعغف بغوحي مو بتكم لاكينين يم جامع
_____________________
نور ::
شويه احس شي جاي يمشي على وجهي واني مغمضه عيوني فتحت شويه وجانت الغرفه ضلمه وبارده وشفت تراث كاعد كدام الجربايه على الكاع ويباوع عليه ويمشي ايده على وجهي
تراث::شبعتي نوم يطركاعت كلبي؟
نور::من ايمت وانته هنا
تراث::قبل شويه جيت
نور::ساعه بيش
تراث::بل 6 يبعد هلي انتي
نور::مابيه حيل اكوم حرجع انام
تراث::ليش ما عندج قرايه؟
نور::مابيه حيل تعبانه
تراث::اصير حيلج اني
نور::تراث كافي تحجي هيج
تراث::هههه تمام
نور::يي
تراث::جوعانه؟
نور::مو حيل
تراث ::اجيبلج اكل لو تكومين تاكلين؟
نور::لا شنيه شبيه هسه اكوم
تراث::ههه فدوه فدوه يلهه كومي
نور::هسه هسه
تراث::شو شنو هذا
نور::شنو
حط ايده بين خشمي وحلكي ومسح عليه وضحك
تراث::ههه طالعلج شواربب وايليي ندار على الله وعلى شوارب
نور::ههه هاي شبيك تراث
حطيت ايدي على حلكي تا ما يبينن
تراث::ههه حلوات شكو ضميهن
نور::مابيه حيل احفهن
تراث::احفهن الج؟
نور::تعرف
تراث::لا
نور::اعلمك وصير الحفاف مالي
تراث::هههه هاهيه لعد علميني
نور::هههه
تراث::شكد ناعمه وحلوه انتي ترفه واخاف أذيج
نور::ليش تأذيني
تراث::خايف عليج مني
نور::ليش؟
تراث::اشش
تقرب عليه حيل ومسح شفتي بأصبعه
تراث::كلشي بيج جاي يتعبني حيل
باوعت عليه وهوه حط عينه بعيني ورد باوع على شفايفي
تراث::لا تباوعيلي هيج اتعب والله
تقرب شويه وطبع بوسه على شفايفي وماعرف ليش ما منعته او ليش ما حجيت شي من وخر ستوعبت الي سواه وضربته راشديي وكمت من مكاني
نور::عزززاا بعينك يااا اتبسززز ياا سا**
تراث::مال الوجع شبيج تكفخين بيه
نور::ولكك شنو من جرئه عدك وتبوسني ما تخاف ربك انتهه؟
تراث::ترى انتي مرتي ما بايسج بالحرام
نور::عززا بعينك ياا اتبسززز
حط ايده على وجهه وفركه
تراث::ضربتج توجعع اوفف
نور::تستاهل يا اتبسزز
تراث::همده حضي اي والله
نور::همداك انته اي والله السا**
تراث::ولجج الفاضج
غميته غمه وهوه يباوع عليه ويضحك وكمت من مكاني وطلعت من الغرفه وخليته بيها من اول ما عقدنه وهوه لازك بغرفتي ستوله عليها كلها ما خله الي شي بقه بس يجيب ملابسه ويحطهن بيها البيت كله مخبوص واني واكفه مستغربه
نور::شكوو صاير؟؟
سديم::سمره جايها خطابهه
ساره::هههه اي واخيرا يصير عدنههه عرسس بويهه
نور::هااا وربي نسيتت
ساره::كلشي جاهز مبقه شي ويجون
نور::ههه سمره وين
ساره ::سمرهه داخله انذار ما خلت مكان وما نضفته وعطرتهه
سديم::هههه
ساره::اني راح ارجع لغرغتي ارتاح
وباوعت لنمارق وحطت ايدها على بطنها وغمزت النه
ساره::تعرفن بيه حامل ماكدر اتعب نفسي
نور::هههه روحي روحي خيهه
ساره::يله عيني اللهه يساعدجن حروح اني
نمارق::اشو انتي ممصدكه نفسج حامل شبيج عيني؟
ساره::ههه طبعا ما اصدك حامل ومن الشخص الي يحبني واحبه وراح يجينه احله طفل شون ما افرح عيني
نمارق::منو يكول انتي صدك حامل؟
ساره::التحليل يم عمه مروه حبيبتي وهيه بنفسها شافته وحمزه فات وياي للدكتوره لا تخافين عمري مو كلها عدها الاعيب نفس الاعيبج
لصمتها لصم جنها ضربتها بقندره على حلكها خلتها تلصم حيل تعجبني ساره وثقتها بنفسها ويعجبني حمزه لان دأمن صاف وياها وما يخلي احد يجي يمها ولا يغلط بحقها
ساره::يله عيني اترخص اني
راحت ساره لغرفتها ونمارق شاطت من الغيره والعصبيه وهم لفت راسها ومشت واني وسديم وحده تباوع للثانيه ونضحك
____________________
ساره::
فتت للغرفه وشفت حمزه كاعده من فتت باوع عليه وبتسم اشرلي اجي اكعد يمه جيت كعدت واردف
حمزه:: ساره
ساره::ها
حمزه::اريد منج تحضرين كل ملابسج واخذي بس الي تحتاجيهم
ساره ::ليش؟
حمزه ::اني ما أمن عليج ويه ذني الحيايه فا راح نروح لبيتنه واني جهزته وكملت كل اثاثه بقت بس غرفه الطفل الما نعرف شنو جنسه وابدي أثثها
ساره::هاهيه حبيبي الي شوفهه مناسب سويه
تقرب عليه وطبع بوسه على خدي وحط ايده على بطني
حمزه::معد يهمني احد بهل دنيا بكدج انتي وهل طفل الي بطنج
ونزل على بطني مسح عليها وباسها بتسمت اله وحطيت ايدي على بطني وهوه كمش ايدي وباسها
حمزه::اني مستعد افديج بعمري يل تعب سنيني
ساره::اني احبك حيل حيل
حمزه::هههه اني اخرب عليج
ساره::هههه
حمزه::يله بويه متددي ولا سوين شي معليج بأي شغل ارتاحي ونامي
ساره::تمامم حبيبي
حمزه::مشتهيه شي اجيبه الج؟
ساره::لا ما مشتهيه شي
حمزه::اكو شي ينفسج؟
ساره::لا حبيبي
حمزه::متأكده
ساره::اي عمري
حمزه::تمام
رفعلي الغطه وتمددت وغطاني وتقرب مني وباسني من راسي وطلع وعافني جنت حاسه براحه مو طبيعيه ونفسيه وجسديهه
_____________________
سمره::
كملت كلشي ورجعت للمطبخ واسمع صوت سياره بره مبينه سياره عمر المطبخ مال البيت بيه شباك وهل شباك تجاهه كبل على الحوش وشويهه واشوف ابوي وتراث وحمزه طلعو يستقبلوهم وسالم عمر ويه تراث سلام قوي جنهم معرفه قديمه وابوي سالم عمو هشام وعمر بس محد موجود من النسوان بس همه شفت ابوي يأشر للديوان بمعنى تفضلو فاتو وسمعت صوت سديم ونور جني يركضن
نور::هاا صار جان ناديتينه
سمره::ركضي صيحيلي سجاد
وما اسمع بس صوت وراي
سجاد::شكو
سديم::يمه اسم الله مين طلعت
سجاد::هسه شكو
سمره::اجوي فوت بسرعه للديوان وشوف شيحجون
سجاد::ياللهههه
سمره::ديلهه حباب شبيك
سجاد::توسلي بعد
نور::ولكككك فوتتت
سجاد::بابا لا صيحين يمنه زلم ماريد اسمع صوت من اي وحده منجن
وشويه وطلع من المطبخ وفات الديوان واني ايديه يرجفن والخوف كاتلني واجتي ماما مروه وجواهر ونجلاء ونمارق بالطبخ وكامت امي سوي جاي
مروه::الله يسهل ان شاء الله والله عمر خوش ولد
جواهر::اي صحيح كلها تمدح بيه
ونجلاء ونمارق ساكتات ما حجن شي واني نوبات اوكع من الخوف كعدت بالكاع وضهري صار على الكاونتر واني انتضر سجاد
_____________________
سجاد::
فاتو وكعدو وعمي حازم يرحب بيهم حيل
حازم::الله حياكم كل الهلا بيك
هشام::من كال الحيه خويه
عمر::حياك الله عمي
حازم::شخبار الجامعه وياك وليدي
عمر::الحمد الله عمي
حازم::ان شاء الله دوم وليدي
وشويه وندك الباب فتحته وعمه مروه ناوشتني صينيه بيها ستكانات جاي فتريت عليهم وكلها طيتها جاي ورجعت لمكاني
هشام::احنه جاين نطلب بنتك سمره لابنه عمر على سنه الله ورسوله
حازم::نتشرف والله حيل ناسبكم وانتو ناس سمعه وصيت بس اني اعتذر منكم ما جان بنفسي اردكم لتعنيكم ولجيتكم هنا واني ابد ما انسه فضلك من تربيتكم نور
هشام::نور مثل بنتي واكثر حالها حال حور
حازم::هشام خويه اني اعتذر منك بس احنه ما ننطي نسوان للغريب
كلها نصدمت من ردت فعل عمي حازم لان كلها جانت متوقعه يوافق
حازم::اتمنه ما تزعلون وتبقه بينه صداقه والخوه
هشام::لا خويه سالفه مابيها زعل
عمر::ليش ما تنطي للغريب؟
حازم ::وليدي انته جنت بغير دوله ويجي يوم ترجع واكيد تاخذهل وياك واني ابقه بحسرتها واني ماعندي غير هل بنيه
عمر::اني ستقريت هنا
حازم::مكدر وليدي اتمنه تقدر هل شي
عمر::اشكرك عمي احنه نترخص
ستغربت من رده فعل عمر
حازم::ليش مستعجل وليدي
هشام::مشكورك خويه بس احنه لازم نمشي ان شاء الله نشاوف بيغر مكان
حازم::الف هلا بيكم
مبين على وجوهم الزعل من رفض عمي حازم الهم وكلها مستغربه لهل شي ماعرف شنو رده فعل سمره لهل حجي كملو حجي وطلعو وطلع وياهم تراث وحمزه واني وعمي حازم نوصلهم لباب الحوش وصلناهم ورجعنه للديوان
تراث::بويه ليش رفضته؟
حازم::صيحولي سمره
سجاد::تمام
طلعت من الديوان وفتت المطبخ سمره على كعدتها
سجاد::سمره عمي حازم يريدج
حسيتها جمدت مكانها من حجيت هيج
سمره::ليش خوما صاير شي؟
سجاد::مادري بس تعاي
كامت من مكانها وجتي تمشي وراي فتنه المضيف وسمعنه صوت عمي حازم
حازم::فوتي وسدي الباب
فتنه وسدينه الباب وكعدت مقابيله على الديوان
سمره::اي يابه
حازم::صاير بينج وبين عمر حجي او غير هيج؟؟
جان يقصد بهذا الحجي اذا صايره بينهم علاقه وله غيررها
تراث::شبيك يابه سمره ما تسويها
حازم ::اني سألتها ماريد احد يحجي
سمره ::لا يابه ما بينه شي مجرد يوصلني للبيت ومن البيت للجامعه
حازم::بعد ممنوع تلتقين بيه ومن اليوم تراث او واحد من الولد يوصلج
كامت سمره وهيه منزله راسها ومبينه الغصه بحجيها
سمره::صار يابه بعد تأمر بشي
حازم ::لا وليدي سلامتج
طلعت من المضيف وهيه جر بنفسها واول ما طلعت اجه تراث وكعد يم عمي حازم
تراث::ليش رفضته؟
حازم::غريب باجر يسافر بيها وما اكدر اشوفها
تراث::عمر ستقر هنا
حازم::المتغربين مالهم امان بأي لحضه يرجعون
تراث::هاهيه بويه الي شوفه صحيح سويه
____________________
سمره::
ما حجيت ويه احد طلعت الغرفتي واني جسمي كله يرجف واحس بخنكه قويهه وما احس براحه اصعد درجه درجه ومادري ليش احس راح اوكع بالكوه وصلت باب الغرفه فتحته وسديت الباب وكعدت بالكاع وما كدرت الزم دموعي وكمت ابجي والغصه الي بلعومي مجاي تفارقني ابد
سمره::ههه شجنت اتوقع مثلا اكيد جان راح يصير هيج
بقن دموعي ينزلن اكثر واكثر واديه يرجفن مادري شبيه بس احس كلبي محروك حيل وشويه وسمعت الباب يندك كمت من مكاني ومسحت وجهي بسرعه وفتحت الباب شفت سديم واكفه وياها نور
نور::هاي جاي تبجين
سمره::لا ما ابجي بس شي دخل بعيني
نور::هاي مو علينه
وجتي نور عليه بسرعه وحضنتني حضنه قويهه وجتي سديم حضنتنه
نور::اعرفه لعمر مستحيل يعوفج
سمره::ابوي ما يقبل وما تعرفي من يقفل على شغله بعد مستحيل صير
وخرت مني هيه وسديم وفاتن وسدن الباب وكعدنه على الجربايه
نور::بيها خير ان شاء الله لا تبجين يروحي انتي
سمره::غصه بكلبي ليش كل شغله حلوه ما اصير
سديم::اصير اصير ان شاء الله يجوز ربج جاي يختبركم اذا راح تبقون متمسكين بعض لو لا
سمره::بعد ابوي رفضه ما اعتقد يكمل وياي
نور::اششش عمر اذا حب شغله مستحيل يعوفها اذا هوه صدك يحبج مراح يعوفج
سمره::اتمنه هل شي
سديم::العشه كامل تنزلين تتعشين؟
سمره ::لا ما مشتهيه راح انام ارتاح شويه
نور::تمام حبيبي
كامت نور هيه َوسديم وطلعن بره وسدن الباب واني بقه التفكير ياكلني حتى ما عرفت لا اهدئه ولا انام
_____________________
ساره ::
سمعت صوت حمزه وهوه يشغل ضوه وشايل بيده صينيه مال اكل
حمزه::ها مرتي الحلوه كعدت
ساره::ههه اي
جاب الاكل وحطه كدامي وجان عباره عن كبد محموس بدهن وريحته تموت ومالح وياه ماعون طماطه
ساره::اوفف يموت
حمزه ::ههه تا يصير بيج دم
وبده يلف الي لفات وينطيني واني اكل وباوع عليه
ساره::صار ويه سمره
حمزه ::عمي حازم ما وافق
تفاجئت من الي كالهه وباوعت عليه
ساره::ليش؟
حمزه::يكول غريب وثاني شي هوه جان بغير دوله باجر يطلع بيها واني ما اشوفها
ساره::مو هوه ستقر هنا
حمزه ::يكول كلشي يصير ما أمن بأحد اني
ساره::خطيهه
حمزه::اذا مكتوبه الهم قسمه لو مو عمي حازم هم يزوجون
ساره::ان شاء الله يارب يزوجون
حمزه::ان شاء الله حبيبي يله كملي اكل
ساره::عاشت ايدك
حمزه::ههه عافيات ما حضرتي شي من ملابسج
ساره::لا بعد
حمزه::هسه اني احضرهن
ساره ::ههه من كل عقلك
حمزه::اي والله
ضل يلفلي لفات واني اكل وره كل لفتين ينطيني كلاص المي اشرب مثل الطفل الي كاعده امه يمه وتوكله كملت اكل وحمزه كام يباوع عليه ويضحك
حمزه::عافيات حبيبي
ساره::الله يعافيك
______________________
نور::
كملنه اكل وشلنه المواعين والباقي طلعو بره بالحديقه كاعدين واني وسديم تعاونه عليهن وغسلناهن
سديم::خطيه سمره
نور::الله ضلين تفكرين يعوضها ربي ان شاء الله
سديم::ان شاء الله
نور::خلي نطلع برههه نشوف لمه ونكعد وياهم شويه
سديم::امشي
طلعنه بره وكلها كاعده بالحديقه مالتمه ما عدا نمارق لان ما تكعد ويانه وعمه جواهر ومروه ونجلاء اما الباقي ملتمين بس سمره بغرفتها وحمزه وساره همات فتنه كعدنه وياهم
سجاد::ولك اني من شفته ما تحملت كضيته كتلته يمين الله بهيج سوالف ماعرف العيب
يامن::اول مره ادري بيك شريف
سجاد ::احطك على راسي تاج راسي
يامن::فدوه لكلبك بعد روحي
عراق::جاي افكر اقدم على العسكريه
تراث::اكعد وستقر شلك بهل سالفه
يامن::اي والله ما من وراها بس تعب
سجاد::شكد هنياله حمزه مزوج وكاعد ويه هاي الحيه هسه ومزوجين واني لا
عراق::الله يعوضك خويه الله يعوضك
يامن::هذا شبي مستجلب على الزواج
تراث::صارله كم شهر طالب تزاوج
ايسر::هسه انته تحب وحده
سجاد::لا
ايسر ::عاجبتك وحده؟
سجاد ::لا
ايسر::بالك وحده
سجاد::لا
أيمن::لعد نجب
سجاد::صايرين مستهترين
يامن::من يوم يومهم مستهترين
تراث::من ايام المتوسطه من جانو يبدلون الاوراق
سجاد::صدك شني سالفه الأوراق
ايمن::هههه اني وايسر شكد ما نشابه محد يفرق بينه جنت اني شاطر بل رياضيات وهوه شاطر بالكيمياء يعني هوه جان شاطر بماده واني بماده
ايسر::هههه جنت بوكت الكيمياء يكتب اسمي على ورقته ويمتحن مكاني واني اغيب وأجله عاد هوه بوقت تأجيل يجي يمتحن ويكتب اسمه والماده الي اني مأجلها واني اسوي نفسه بوقت الماده الي ما اعرفها
سجاد::ايا كوا** محد سوه سوايتكم
يامن::هههه شون لكفتو
ايسر ::اخذنه استاذ ذكي ولاحض هل شي ودز على ابوي ونكتلنه خوش كتله
ايمن::صونده وطبكها يبويهههه هههه لحد هسه اذكر صياح ايسر ههههه
ايسر::هههه طاح حضك جنت جاهل شيسوي اركض وراه ويوكعنه بمصايب وما نتوب نرد نسويها نوب
ايمن::وننكتل وما نتوب
تراث::ههههه طاح حضكم
باوعت للساعه 11 ونص الوقت اليوم يمشي ركض باوعت عليه سديم وشاورتني تريد تروح تنام كتلها تمام ومشت وعافتني والولد من شافو الساعه كلمن مشه لغرفته مادري ليش هل ايام معد يسهرون مثل قبل لان الكل دوامات وشغل فا ما يسهرون بس وقت العطل اني هم كمت وطلعت لغرفتي فتت وسمع جهازي يرن باوعتت عليه المتصل تراث جاوبته وحطيته على اذني
تراث::”الو”
نور::”هلا”
تراث::”راح تنامين؟”
نور::”لا ليش”
تراث::”دحجي اكو علاكه جوه جربايه مالتج طلعيها”
ستغربت من الي حجاه وباوعت جوه الجربايه وطلع صدك اكو علاكه سوده طلعتها وحطيتها على جربايه وكعدت
تراث::”ها لكيتيها”
نور::”اي شبيها”
تراث ::”ههه فتحيها وتعرفين ”
فتحتها واني مستغربه من الي سواه ونصدمت من الي شفته
يتبع………..
________________§§§__________________
الفصل التالي اضغط هنا
يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.