رواية أحفاد الشيخ علي – الفصل السابع والعشرون
وعَلى غيّرك چِذب ماترهُم الروُح
ومنو غَيرك يسَد حاجة نضَرنا
يـَ أبن الناس غيَرك ماكو موضُوع
وهَـلبِت بالچذب شخَصك ذِكرنا
نسولِف بيك لأخر لحَظة بـَالليل
وتِرد مـِن الصُبح تشغُل فِكرنا
________________§§§______________________________________________
تراث ::”ههه فتحيها وتعرفين ”
فتحتها واني مستغربه من الي سواه ونصدمت من الي شفته
نور ::”شني هاي”
من فتحت العلاكه جانت عباره عن ملابس ولد وياها لثام وشفقه
تراث::”لبسيهن وانتضريني لا تنامين بل 2 ونص اجيج”
نور::”هسه بس فهمني”
تراث::”ولا تلبسين حجاب لبسي لثام ماريد شي يطلع من وجهج و فوكاه الشفقه غطي شعرج كله وجهج”
نور::”فهمني شكو؟”
تراث::” سوي الي كتلج عليه ومن اجي نتفاهم”
نور::”تمام”
سد الاتصال واني بقيت صافنه عليهن البدي جان حيل جبير عليه يصل ركبتي من البسه والبنطرون ينصل حيل جبيرات عليه بشكل مبالغ
نور::شني ما كدر يجيبلي شي على كدي
نزعت البنطرون وطلعت بنطرون من عندي عريض وبس لبست البدي وحطيت الشفقه اللثام ما عرفت شون اسويه وكعدت انتضره وكلب تيك توك
_______________________
سمره ::
شكد ما بجيت حسيت جسمي كله تعبان واحس برهاق مو طبيعي باوعت على ساعه بل 12 ونص وما كدرت انام شويه وكمت نزلت جوه للحمام غسلت وجهي وتوضيت طلعت للمطبخ شربت مي بارد تا تبرد النار الي بكلبي وطلعت لغرفتي لبست حجاب الصلاه ومديت السجاده صليت ركعتين واني احس بخنكه مو طبيعي كملت ورفعت اديه ادعي ودموعي بدت تنزل
سمره::يارب انته الي خلقتني وانته اعلم بحالي يارب والله تعبت من البجي والحسره كتلتني يارب حبيت عبد من عبادك وانت تعرف شكد صليت ودعيت اله وكل صلاه احجيلك عنه وتاليها راح الغيري يارب وانت عوضتني بـ عمر فيا رب لا تبعده عني يارب انِ احبتت عبد من عبادك فأن كان به خير لي اجعله من نصيبي وأن لم يكن به خير لي فيا رب اجعل به الخير كله وجعله من نصيبي كملت دعاء ودموعي دبت تنزل اكثر تمدد عسجاده ونمت عليها من التعب والارهاق والقهر
وشويه وسمعت رنه جهازي كبل جفت ورحت اركض عليه وباوعت عمر المتصل عفته ما رديت ورد تصل هم جاهلته ورد اتصل اخذته وجاوبت وحطيته على اذني
سمره::”الو”
عمر ::”ليش ما تردين؟”
سمره::”هيج”
عمر ::”هسه من ابوج ما قبل عبالج اعوفج؟”
سمره::”ابوي من نوع الي يقفل على شي”
عمر::”واني قافل عليج اكثر منه ومستحيل تفوت غرفتي مره غيرج”
سمره ::”عمر اني اعرفه ما يقبل”
عمر ::”اضل اطلبج منه الما يمل ويقبل”
سمره::بله ما قبل؟
عمر ::عادي اخطفج ونزوج بسر
سمره ::ههه تشاقه؟
عمر::لا احجي صدك جنتي تبجين؟
سمره::لا
عمر::مبين من صوتج باعي سمره اني مستحيل اعوفج انتي بس ثقي بيه وابقي وياي وعد زلم اخذج من حلك الاسد
سمره::اثق بيك اني
عمر::وهذا الاريده منج هسه مسحي دموعج وباجر لا داومين ارتاحي ولا تخافين ولا تفكرين
سمره::تمام تصبح على خير
عمر::انتِ الخير كله
سد الاتصال وحست النار الي بكلبي خفت شويه بس بعد اكو خوف حسيت الي صار من وره الدعاء حسيت جنها اشاره من ربي انو كاتبلي عمر من نصيبي كمت من مكاني وتمددت بفراشي وكبل غفيت من الراحه الي حسيت بيها
_____________________
سديم::
كلها فاتت جوه بقيت بس وحدي واتمنه يجي يامن لان صار هواي ما حاجين ولا شايفته شويه شفته طلع بره جنه يدور الي باوع عليه وجان يأشرلي ستغربت من ردت فعله وكمت من مكاني وهوه اجه عليه
يامن::اريد تحجين وياه امج اني معد اتحمل اكثر
سديم::تعرف بيها ما راح تقبل
يامن ::احجي وياها ما قبلت حسوي شي اخليها تعض اصابعها الف مره ندم لان ما قبلت
سديم::شسوي
يامن::بعدين كلها تعرف المهم انتي احجي وياها وحاولي تقنعيها
سديم::تمام
يامن::شعدج لحد هسه كاعده؟
سديم::ما جايتني نومه
يامن ::هههه
كعد على المرجوحه وجيت كعدت يمه شلت رجليه من الكاع وحطيتهن كلهن على المرجوحه وتربعت
سديم::يامن
يامن ::روحه
سديم::حجيلي قصهه
يامن::هههه شني طفله?
سديم::اي طفله يله حجيلي
يامن::شنو تردين احجيلي
سديم::قصه نمله الي جنت تحجيها الي احنه وصغار
يامن::ياهي هاي
رتاج على المرجوحه واني صايره قريبه حيل عليه
سديم::هاي شبيك القصه الي جنت تحجيها الي من جنت انام يمك
يامن::ههه ما تستحين جنتي تنامين يمي؟
سديم::جنت جاهل وانته جنت تضحك عليه وتنومني يمك
يامن::هههه
سديم::وتذكر جنت تبقه تحجيلي قصص حتى انام
يامن::يبوه جنت خمسه عشر قصص وعيونج ما يغمضن
سديم ::هههه شسوي جنت ما احب انام
يامن ::هههه
سديم::يله حجيلي
يامن::ههه باع شون خشم حلو
سديم::لا تغير الموضوع احجي يله
يامن::جان اكو نمله صغيره حلوه اسمها سديم
سديم ::النمل جان اله اسماء
يامن::اي كل واحد واسمه
سديم::ها يله كمل
يامن::جانت فد حلوه وعيونها خضر ونمله مؤدبه وكلها تحبها وهيه تحب الكل
سديم ::ييي
يامن::فا بيوم من الايام تعاركت ويه نمله
سديم ::ههه اي النمله ثانيه ولد اسمه يامن ههههه
يامن ::يعني هسه بكبري وخلك الله كلها تخاف مني وشوارب وطول وسيتيني نمله
سديم::ههههه اي
يامن ::اكول كومي نامي يلهه
سديم::ههه كمت
كمنه ثنينه فتنه جوه وكلمن مشه لغرفته واني بالي حجيه يعني شيريد يسوي يامن من نوع الخبل يسوي كلشي فا هل شي جان مخوفني حيل خايفه لا يسوي شي
_____________________
شويه وسمع صوت الباب ينفتح كبل كمت تعدلت وشفت تراث فات وكف يباوع عليه
نور::هاي شبيك شكو ما دكيت الباب
تراث::شكو ادكه فايت المن فايت على مرتي
اجه تقرب مني وشاف شلابسه وحصرته ضحكه مبين على وجهه
نور::هاي شبيك ما لكيت شي على كدي وشكو جايب ذني الملابس؟
تراث ::شفتج زلمه كلت اجيبلج ذني وشارب اكصلج شويه من عندي
نور::ههه مضحكككك
تراث::خلشوفف
اجه عليها وفتر حواليه وهوه يضحك
تراث::ليش لابسه هذا البنطرون؟
نور::ذاكه ينصل عليه
تراث::اشو ما ملثمه
نور::ما عرفت اسويه
تراث::ههه تعاي
اجيت وكفت يمه ونطيته اللثام بده يسويه الي فوت شعري كله وحطه فوك راسي وسواه كله خله بس عيوني طالعه
نور::ختنكت
تراث::احسن
نور::هسه شكو تلبسني هيج
تراث::حتى نطلع
نور ::وين؟
تراث::نفتر الانبار اليوم فرر
نور::هههه صدك؟
تراث::اي والله
كمش شفقه وحطها فوك راسي وجان شايل جنطه فتحها وحاط بيها بطلين مي وحلويات
تراث::يله نطلع؟
نور::اي
كمش ايدي وطلعنه بره وجانت ساعه 2 ونص طلعنه بره الحوش وجان يباوع عليه وكام يضحك وباوع بتجاه ماطور اني تفاجئت وباوعت عليه
نور::تشاقه مو؟
تراث::لا ههه
نور::هذاااا مال منوو
تراث::صاحبي خذيته منه بس اليوم
رحت اركض عليه وكمت المسه ومسح عليه واني مكيفهه وطايره من الفرحه
تراث::نصعد؟
نور::لا يمه اخاف
تراث::ههه ولج هيه مال كلاوات جنتي تكولين حلمي فوك هذا طلبته من الولد وجايج بليل بدون محد يدري يعني لو شايفني يامن يعلكني بالبنكه صعدي يلههه
نور::يمهه اعصابك بس عليك الله لا سوق سريع
تراث::ههه تمام
صعد هوه وصعدت وراه واني من الخوف كمشت كتفه قوي
تراث::حضنيني قوي من ضهري تا نصير نفس الي بالمسلسلات
نور::ما طير اخاف ما تشتهي
تراث::هوه صوجي مو صوجج
نور::هوه انت تعرف سوق
تراث ::لا ما اعرف
نور::عززااا صدكك
تراث::هههه
من حجه هيج واني نذب الخوف بكلبي كام شغله وخفت اكثر وصدك نزلت اديه وحضنته قويي
تراث::ههه ولج بعد ما مشينهه وعود تحلم تصعده الجذابه
نور::على كيفك عليك الله
نطلك بسرعهه واني من الخوف مغمضه عيوني ما شفت كلشي بقهه يمشي بسرعه بعدين شويه خفف جنت حاضنته وضامه راسي بضهره قوي من الخوف من خفف راح الخوف شويه وفتحت عيوني باوعت جانت دنيا ليل وبس الاضويه مشتغله جانت ساعه بل 3 وقليل ناس موجوده بشوارع الانبار جان الجو يجنن كلها نسمات هوه بارده تضرب بيه بس الثام مضايقني وصلنه مكان كله اضويه بس ما جان بيه احد فارغ ولا نفر وسمعت صوت تراث
تراث::نور على كيفج نزعي الشفقه والثام بس بأيد وحده لا توكعين
نور::لا لا ماريد وربي اخاف
تراث::ههه ولج مخفف ما توكعين يلهه
نور::تمام
حطيت ايدي على راسي نزعت شفقه والثام وحطيتهن بيني وبينه وشعري عفته مفتوح كام يطير بالهوه وهوه كام يسرع شويهه وشعري كام يطير بس هالمره ما غمضت بقيت اباوع على الشارع وحسيت من المنضر والهوه كلبي جاي يضحك
نور::هههه ولكك حموتتت شنو هل جو الحلوو
تراث::ههههه
وشويه وصلنه لمكان صاير حديقه بس مكان محد بيه كلش حلو يجنن وكف الماطور ونزل
تراث::ها تنزيل لو لا؟
نور::اي انزل
نزلت وكعدنه بالكاع على الحشيش بارد وجو كلش حلو بليل طلع من الجنطه حلويات جباسه وعصاير َوكيك
تراث::جبتهن الج اكلي
نور::وانت
تراث ::بس جبس ماحب الحلويات حيل
نور::ما تحتاج حلويات واني بحياتك
تراث::ههههه شكد احب ثقتج بنفسج
اخذت جبس وفتحته وخذت عصير وبديت اكل
نور::هه مين جتك هل فكره
تراث ::من كتيلي حلم اصعد دراجه شغله سهله عليه وماحبيت اخليها بنفسج
نور::واو الله يخليك ليهه عمي اذا هيج
تراث::هههه ان شاء الله
نور::شعجب سويتها؟
تراث::انتي عايشه حتى تحلمين واني عايش حتى أحقق احلامج
لمعت عيوني من الفرحه وكمت اضحك حسيت بطني فراشات دايمن هل شعور احس بيه بس وياه من وره حجيه وسالفه الحلوه احس روحي يمه طفله عمرها 5 سنوات وهوه ابوها
نور:: هههه شهل حجي عيني ما عرفتك
تراث::هوه اني دايمن احجي هيج بس انتي تتفلتين مثل الخبله
نور::هههه لو اطيك على جوك جان حصرتني
تراث::هههه ميه على ميه
نور::ههه مو كتلك باع باع
تراث::هههه أولي اندار على الله السواج
نور::هيه شني سواج؟
تراث:: يعني اروح فدوه الله الي خلقج وطاني ياج وصرتي الي
نور::ههههه من وره الدعمه جان استحيت
تراث:: لو يرجع بيه زمن هم دعمج ههه
نور؛هههه ياا عززا
تراث:: هههه ترى اني اعرفج من انتي وصغيره
نور::والله
تراث ::والله َاحبج من جنتي طفله واعرف بيج بنت عمي بس وكت دعمه ما عرفتج لان جنت من زمان ما شايفج بس من سجاد خابرني عرفت بيج انتي وجنت ادري عندي بنت عم وكل هاي المده جنت مسوي روحي نصدمت مثلهم
نور:: ياااا عززا بعينك
تراث::هههه بويه اني تراث ما يخفه عليه شي اعرف الي اكو والماكو والصاير والي بعده ما صاير دير بالج مني
نور:: هههه والله ضحكتني
تراث:: مو اكلج صلفه ما اصيرلج جاره
نور:: صلفه لو بصله هههههههه
تراث:: من امداني وامده حضي
نور::ههههه
تراث::عندي صوره الج انتي وصغيره
نور::صدك؟
تراث::ههه اي والله حافضها من زمان
حط ايده بجيبه وطلع محفضته وفتحها طلع صوره من جيبه صوره طفله صغيره صوره الي من شفتها كمت اضحك
نور::ههه هاي شجابها يمك
تراث ::اسرار دوله
نور::هههه هسه عرفت تعاملك وياي ليش هيج من جيت من بست اصابعي وكتلي اني اخبز مكانج وكل هاي
تراث::هههه اي جنت مكدر على نفسي
نور::امداك
تراث::ههه يله بويه مضل وكت طلعت شمس ولا داومين ابقي نايمه
نور::ههه تمام
كمنه ولملمنه الحلويات وصعدنه الموطور ولبست شفقه والثام واني فرحانه بعمر ما ذكت طعم فرحه مثل هاي صدك من كالو الحب حلو ويه الشخص الصح شغل الماطور وتوجهنه للبيت وصلنه وصعدنه ركض كلمنه لغرفته دخلت غرفتي واني فرحانه نزعت الملابس وبدلت والملابس الي طانياهن صفطتهن وحطيتهن بالعلاكه ورجعته لمكانهن ولفيت راسي ونمت
_________________
ساره::
كعدت وشفت ساعه مادري بنفسي بقيت نايمه لل12 الضهر من حملت وان بس نوم جنها نساتي كلها نوم واحس بتعب وين ما يحطولي افراش انام لو بنص الشارع طلعت من الغرفه للحمام غسلت وجهي وطلعت للمطبخ بطني بدت تكبر لان فتت بشهر الرابع وبده الحمل يزيد تعبه شفت عمه مروه وعمه جواهر كاعدات يسون الغده وياهن سمره وسديم وغزل جيت وكعدت على واحد من الكراسي
سمره::ههه صح نوم يحلو
ساره::ولج من حملت كله بس نوم
مروه::ههه اني نساتي جانت هيج كلها 9 اشهر اكضيها نوم
جواهر :: صحيح راح تنتقلون لبيتكم
ساره::اي والله عمه حمزه يريد هيج يخاف عليه من العكارب
مروه::هههه
جواهر ::وغزل تبقه يمنه؟
ساره::لا اخذها وياي
باوعت مروه على غزل وصفت عليها بحسره
مروه::بنيتي وين امج انتي؟
سكتت غزل ما جاوبت وباوعت على عمه مروه بمعنى مو وكت هل حجي
غزل::اني مكدر اعاتب امي او احجي وياها شي لان هلشي مجان بيدها
سمره ::بس مو لدرجه تعوفج
غزل::هيه تحملت هواي من وراي بلاخير خلتني اكرها حتى تكدر تمشي وتحافض على نفسها جانت تريد تخليني اكرها واني اسمع صوت بجيها عليه كل ليله ودمارها نفسي عبالها من اباوع عليها اشوف بنضراتها كره او حقد واني ما جنت اشوف بس القهر والحنيه
مروه::هيه ليش عافتج؟
غزل ::خوالي ما رادواني وجبروها عطلاك فا جان هلشي مو بيدها هيه تحملت هواي من ضرب ومذله وقهر اكبر كسره الها من جانت ابوي يضربها كدامي جانت تباوع عليه وتبجي كل دمعه هلكدها لو من يغتصبها لحد هسه اذكر صياحها عليه من تكلي غمضي لا تباوعين غزل لا تباوعين
ساره::ما عبالي هيج
غزل ::امي اطيب خلك الله عدها حنيه تلف بيها دنيا كلها بيها طيبه حلوه وحتى الي يأذيها ما تأذيه هيه انسانه حلوه حيل بس ابوي تعبها وهد حيلها هيه جانت بكل قوتها تحاول تغيره وهوه جان بكل قوته يضربها ويكتلها
ساره ::تردين شوفيها؟
غزل::ياريت
ساره::سهله اكول لحمزه ويشوفها الج واذا جان بنفسج اخلي يرتب وضع امج وترجعين الها
نزلن دموعها ومتعرف شترد بس جتي عليه تركض َحضنتني
غزل::ربي يحفضج الي بطنج يارب وما شوفين اي قهر على طيبت كلبج وان شاء الله جيبين بسلامه ويصير عندج سبع جهال
ساره::ههههه يبعز عمري انتي ان شاء الله حبيبي
مروه::يله كملن بسرعه اجوي زلم من صلاه الضهر
كملن الاكل وكلشي ونور ما موجوده يمكن بالمدرسه صبو الغذه وراحت سمره فرشت السفره وحطو الاكل وكعدنه ناكل شويه وسمعت حازم يحجي
حازم ::شفت عمر بالجامع
من حجه هيج باوعت لسمره جمدت معد تعرف تحط خاشوكه بحلكها واديها بدت ترجف
ايسر ::بيتهم بعيد على هل جامع شجابه هنا؟
حازم::………..
________________§§§______________________________________________
الفصل التالي اضغط هنا
يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.