رواية أحفاد الشيخ علي – الفصل الثامن والعشرون
بنات خلي اشرح شغله الروايه حقيقيه لان هواي ناس سألت ونزلت صوتيه لواحد من الابطال حتى اثبت هل شي وبعد عندي صور بس مكدر انشرها هسه لان تحرك احداث وروايه صايره بالانبار والكل تكول هاي مو هلجه انباريه اعرف هل شي اني ماعرف احجي انباري فا كتبتها بلهجتي وهمات اذا عجبتكم وحابين تدعموني وتحبون استمر انزل قصص ياريت تاخذون مشاهد وتنشروها واكون مشكوره حيل الكم وهمات اني اتأخر بتنزيل لان طالبه سادس دفعه 2026 فا نضمت اوقات للتنزيل ثلاثاء وسبت ياريت تتفهمون هل شي واحبكم حيل وشكرا على تعاليقكمم الحلوه ربي يحفضكم🥹🫶🏻🦋.
________________§§§______________________________________________
سديم::
حازم :: رد طلب سمره مني وهم ما قبلت
حسين::خويه ليش ما تقبل وتفضل السالفه عيب الي سويته اصلا
حازم::غريب باجر ياخذها ويمشي
باوعت على سمره عافت الخاشوكه ومبين عليها الخنكه
سمره::اني شبعت الحمد الله
وكامت من مكانها وطلعت بره وشفت الدموع بعينها
حسين::اذا رد طلبها وذا هيه موافقه اطيها لا تبقه هيج معند
حازم::اللهه كريم
كلها سكتت ورجعو ياكلون محد يكدر يحجي شي بعد كلام حازم لان هوه الجبير وكلامه مسموع كملنه اكل ومثل كل مره كلمن مشه لغرفته وعمه مروه وجواهر غسلن المواعين وطلعت اني لغرفه امي احجي وياها وكفت يم الباب واني خايفه لان اعرف شنو ردها دكيت الباب وسمعت صوتها
نجلاء::منو
فتت وسديت الباب وهيه من شافتني تعدلت وضلت تباوع عليه
نجلاء::شعجب جايتني لازم اكو شي
سديم::اريد احجي وياج بموضوع
نجلاء::اي احجي
سديم::يامن يريد يطلبني منج ويعقد عليه
ضحكت وحطت رجل على رجل وهيه كاعده على جربايه وتباوع عليه بنضرات كلها قرف وحقد وكره
نجلاء::تعرفين شنو ردي وكلت الج واله زواجكم على جثتي يصير
سديم::ليش؟؟ انتي مو امي؟ مو المفروض سانديني وصيرين وياي؟ مو المفروض ما تحركين كلبي؟؟ ليش سوين بيه هيج؟؟
نجلاء::ههههه هذا الحجي نسي حبيبتي انتي ويامن ما صيرون لبعض احلمي ونسي سالفه
من سمعت حجيها حسيت شي بكلبي نغزني وبطني كامت توجعني لان اخاف منها ومكدر اراددها بس هل مره شلت قوه ماعرف مين جتني وحجيت الي بكلبي
سديم::ليش تكرهيني؟؟
نجلاء::ما اكرهج بس امج واعرف مصلحتج وهذا ما يفيدج
سديم::لا انتي تكرهيني لان نمارق تحبه وتريده انتي تحبين نمارق ورايدتها اكثر مني وسعادتي ما تهمج الي يهمج بس نمارق
كامت من مكانها ورفعت اصبعها عليه
نجلاء::باعي لج الجلبه اذا اسمع منج كلمه بعد ماشوفين مني بس العين الحمره صاير عندج السان وكايمه تحجين
سديم::ليش اني ايمت شفت منج حنيه هوه دومج مشوفتني العين الحمره البنات ترفرف كلبها من شوف امها ويحجن كلشي الها واني علت كلبي وقهرها امي
نجلاء::ههههه طولان لسانج وصايره تراديين وتحجين لج الكحـ** طالعه عينيها وطولان لسانها
عيوني نترسن دموع وهيه تحجي وتفشر عليه واني الغصه لزمتني
سديم::شنو الفرق بيني وبين نمارق تا تحبيها ورايدتها اكثر مني؟
نجلاء::هم الج عين تحجين وتجين تقارنين نفسج بيها ولج انتي مجرد حثاله مجرد وحده زباله اني اكبر ندامه سويتها خلفتج وجبتج لهل دنيا
سمعت هل كلمات وحسيت نفسي دمرت اكثر من قبل تمنيت لو جايه عليه ضاربتني وحاطه بانزين وحاركتني ولا حاجيه هيج نعقد لساني معد اعرف ارد او احجي
نجلاء::روحي ان شاء الله ما يصير بينكم نصيب وتبقين انتي بحسرته وهوه بحسرتج
سديم::يمه لا تدعين عليج الله لا تدعين
نجلاء::كون ربي ما يوفقج يارب ياخذج ويخلصني منج لان انتي بس عله على كلبي
كعدت بالكاع ولميت رجليه صدري وكمت ابجي وهيه تفشر وتحجي عليه وتسمعني كل انواع الحجي الوصخ معد اتحمل وسديت اذاني هيه من شافتني سويت هيج جتي عليه ركض وكمشتني من شعري ورفعت راسي وهيه كامشه شعري بديها واحس شعري جاي يتكطع بديها
سديم ::كافي عليج الله كافي
نجلاء ::لا عبالج انو بطلت اكتلج او احجي وياج خف كرهي الج اني حيل اكرهج واتمنه بكل لحضه تموتين لا ليش تموتين كون ذوقين كل انواع العذاب وتكومين انتي بنفسج تتمنين الموت يا قذره اللهه ينعلج يارب
سديم::شعري هدي عليج الله جاي تأذيني
عافت شعري ودموعي ما وكفن ابد وشوف ايدها متروسه شعر نزلت راسي واني ابجي اكثر واكثر
نجلاء ::لا تفكرين ابد بيامن وسدي هل سالفه واعرف بيج جاي تلتقين بيه من وراي هاي كلهن اطلعهن بعدين منج والله لخليج تتمنين الموت الف مره
سديم::والله ما سويت شي غلط بس حبيت والله ما سويت شي غلط
نجلاء::نجبي الكحـ** يامن شبعان بيج وتجين تكولين ما سويت شي غلط
من سمعت كلامها كمت اكره نفسي وحقد عليها ماعرف شنو سويت حتى اشوف كل هل كره منها
سديم::والله ما جان بينه شي ولج ما لمسني بالحرام الشي الوحيد الي ردناه علاقه بل حلال وانتي واكفه بينهه تعبت والله تعبت انتي امي ليش جاي تأذيني هيج وتحركين كلبي
نجلاء::طلعي بره اللهه ينعلج تعبتيني
سديم::يماا ليش تحركين كلبي ليش
نجلاء::كافي ولج طلعي بره
كمت من مكاني ودموعي مغطيه وجهي واني مجرد بس جسد يتحرك حتى روح مابيه طلعت من الغرفه واني تمنه ميته ولا فايته وسامعه كل هل حجي جان المفروض ما اسمعه فتت غرفتي وكعت بالكاع لان رجليه معد تكدر تحملني وكعدت ابجي واني مدمره حطيت ايدي على راسي لحد هسه يوجعني وشوف شعر متكطع بأيدي نزلتها واني مقهوره حيل على نفسي اريد اعرف شنو سويته تا استاهل كل هذا ما سويت شي يأذيها ابد جنت اغار من نمارق شكد ما تحبها وتريدها واني دأمن اخذ بس فشار وكره وحقد بطلتني من المدرسه وخربت مستقبلي وطفولتي كضيتها خدامه الها ودمرت طفولتي وهسه كبرت وما تقبل اخذ الي احبه ودمرت كبرتي
__________________
حور::
هشام::من كل عقلك تريد ترد تتقدم الها وابوها بنفسه رفضك؟
عمر::اريدها واحبها ولو مو ابوها اخذها
هشام::عمر وليدي عوف سمره والله الكالك الي احسن منها بالف مره
عمر::تحرم عليه مره غيرها
نصدم ابوي من الي حجاه عمر معد يعرف شيريدله ما يعرف شنو الي سوته هل بنيه تا هلكد يحبها ويريدها
هشام::هم نرجع وما راح يقبل
عمر::هل مره اريد ما نروح وحدنه
ستغرب ابوي من حجيه وكعد على التخم وهوه عيونه على عمر ويسمع شيكول
هشام::اي احجي الي عندك طربنه
عمر::اريد نروح لعمامي واريد منك تطلب من جدي وكلهم يمشون ويانه بالمشيه واريد اروح لاهل امي هم كلهم اريد من حازم من يشوفهم ميكدر حتى يكول لا
هشام::هاهيه وليدي نمشي عليهم تحضر العصر طالعين الهم
ستغربت من حجي عمر لان احنه عمرنه ما ختلطنه بعمامي او خوالي وعرفنه شي عنهم بس اعرف انو ابوي عنده تواصل وياهم هوه وعمر وعلي واني ما جان عندي تواصل ويه اي احد منهم او اعرف شي عنهم بس عمر محتاجهم حيل حتى يكدر يتقدم سمره وحازم ما يكدر يرفضه لان اذا ناس هواي يمكن يستحي منهم وما يكدر يردهم
____________________
ساره ::
ساره ::خلينه هل كم يوم هنا الوضع متوتر مو مال نمشي ونعوفهم
حمزه::اي ان شاء الله اشوف
ساره ::شبيك؟
حمزه::تعبان حيل
ساره ::سوده عليه كون اشيل تعبك على رموشي يبعد عين عيني
حمزه ::ههههه
ساره ::تعال يمي
اجه تمدد يمي وصار راسه على بطني باسها وحط ايده عليها وراسه صاير على صفحتي
حمزه::اريد نطلع منا هنا ونرتاح تعبت من المشاكل
ساره::عمري انته كلنه تعبنه بس اصبر مضل شي
حطيت ايدي على راسه وكمت العب بشعره وهوه باله مشغول بغير عالم
ساره::شراح سوي بسالفه غزل
حمزه::لكيت بيت خوالها بقه بس اتأكد اذا امها موجوده
ساره::بله خوالها ما رادوها
سكت معد يعرف شيحجي وشيكول
حمزه::نخليها يمنه؟
ساره::ما عندي اي مشكله اني بس انت حرام تتواجد وياها بنفس المكان
حمزه ::ما ناخذها ويانه نخليها هنانه وراح تدرس واي شي تحتاجه اني موجود
ساره ::هاهيه لعد
حمزه ::اني اسف
نصدمت من الي كاله وستغربت لان ماعرف على شنو يعتذر
ساره::شبيك حبيبي على شنو تعتذر
حمزه::احس نفسي مقصر وياج هل ايام
ساره::اششش يعمري لا والله بالعكس هل ايام زايد هتمامك وابد ما مقصر
حمزه من نوع شيسوي يحس نفسه مقصر وياي لو يجيب دنيا كليها يمي يكلي اني مقصر وياج حيل
حمزه::لا مقصر وحيل
ساره ::اشش من تعبك تحجي هيج
حمزه::ايي
باوعت عليه مغمض عيونه وحاضن خصري مثل طفل الصغير ضليت العب بشعره الما نام واني ما حسيت على نفسي وغفيت لان جنت احس بتعب مو طبيعي
_________________
نور ::
كعدت من نوم وشفت ساعه بل 3 الضهر واحس جسمي نار مشتعل مكدر حتى اكوم كله يوجعني واحس بتعب قوي طلعت من الغرفه بتجاه المطبخ باوعت شفت ايسر وايمن
ايسر ::باع دير بالك لا توكع ما امسح شي والله
ايمن::سد حلكك لو اكسرها براسك كافي لخاطر محمد هيه بيضه
ايسر::ينحطلها دهن
أيمن:: لا ينحطلها نفط وجه القندره لعد شينحطلها
نور::هاي شجاي سون؟
ايسر::بيض عيون لا تحطين نفسج وياج الشيف ومساعده
نور::كل هل صياح من وره بيض؟
أيمن::ناس خبره بعد تعرفين ماكو اطيب من طبخي
ايسر::اي اذكر ايام المعكرونيه الازكه على جدر اول مره بحياتي اشوف هيج معكرونيه
ايمن ::ديلهههه وين اكو واحد يحرك الجاي؟
ايسر ::طماطه حمس عساس سويها لاجعه سويتها لازكه نوب لونها اسود اول مره اشوف هيج طماطه
ايمن::وعساس سوي تمن تذكر لو اذكرك غاسله بزاهي
ايسر ::جدي الي غسل الخس بتايت
نور::عززا كافيييي ولكم راسي راح ينفجر كافي
ايسر::شبيج؟؟
أيمن::مبينه مريضه
نور::مادري بس اريد مي
ايمن::كعدي هنا هسه اجيبلج
كعدت على الكرسي واني ميته بالكوه اخذ نفس واحس بتعب قوي جابلي ايمن مي كاسره مي حار وبارد
ايمن::هاج
نور::شكرا
ايسر ::اكول تراث ياخذج دكتور؟
نور::لا ماريد مابيه شي
ايمن::تمام
تحسهم شخص واحد واحد منهم يحجي وثاني يرد عليه نوب ينطون شبه كلش قوي لبعض محد يكدر يفرق بينهم لو ما الحاجب حاجب ايمن مشكك من فوك بيه مثل الجرح وايسر ما بيه
نور::حاجبك ليش هيج؟
ايمن::هههه هاي قديم من جنت صغير وكعدت وخيطولي خياطين
نور::ياا
ايسر::اي شخبارج انتي شكو ماكو
أيمن::ما تنجب ترى يريد ياخذ منج حجي هذا ابو علوم يموت على سوالف نسوان
ايسر::ياااا ابننن الـ
ايمن::اي ابن منو؟
ايسر::ابن الحلو الله يحفضك تعال ابوسك
ايمن::لا بارك الله بيك ابوك الحلو مو ابوي
نور::انتو مو اخوان؟
ايمن ::خصوصيات لا تدخلين
نور::حطلع اني لغرفتي
ايمن::تحتاجين شي؟
نور::لا
طلعت من المطبخ وهمه على عركتهم وصياحهم ورجعت لغرفتي تمددت بالفراش وحسيت بتعب وغفيت
__________________
سديم ::
اتصل عليه يامن باوعت على الاتصال وماريد ارد لان اعرف على شنو يتصل بس نجبرت ارد عليه
يامن::”الو”
سديم::”هلا”
يامن::”حجيتي ويه نجلاء”
سديم::”ما قبلت”
يامن::”هههه جنت اتوقع هل شي باجر حضري نفسج”
سديم::”وين؟”
يامن::”نعقد”
سديم::”من كل عقلك وين نكدر؟”
يامن::”ما طالب رأي احد باجر من صبح روح نعقد وأي احد يحجي اشكه”
سديم::”تمام”
يامن ::”سديم”
سديم::”ها”
يامن::”نجلاء سوتلج شي؟ ”
سديم::”لا”
يامن::”متأكده؟”
سديم::” اي”
يامن::” تمام يصير خير”
سديم ::”تمام”
سد الاتصال وحسيت احد حاجيله شي لان مو من عوايده يحجي هيج بدون سبب
___________________
نور::
حسيت ايد بارده نحطت على جبهتي فتحت عيوني شويه شويه وشوف تراث
تراث ::جسمج نار وجهج نار
نور::تعبانه
تراث::هسه اجي
طلعه بره واني تكلب من البرد وجسمي ثلج شويه ورجع بيده طاسه مي وخوالي نكعه وحطه على جبهتي وكام يسويلي كمادات
تراث::هاي من وره طلعه البارحه
ماكدر احجي او ارد عليه من التعب ضل يسويلي كمادات شاف كلشي ما فادني كام وخر الغطه مني وشالني وطلع بيه للحمام كعدني بنصه جوه الدوش وفتح المي عليه وشهكت من البرد
نور::تراث
تراث::يمج يمج
تنكعت ملابسي كلها واني كاعده جوه دوش والما ينزل عليه وهوه اجه يمي ويباوع عليه بنضرات كلها خوف وقهر
نور::تنكعت
تراث::ابقي هنا اجيبلج ملابس واجي
نور::تمام
طلعه بره وما تأخر رجع ركض وبيده ملابس الي حطهن بتعلاكه وسد الدوش
نور::اني ابدل
تراث::اشش ما تكدرين
جنت دايخه ومو بوعي ماعرف شسوي او شصرف بس اباوع عليه وهوه نزع البدي مالتي وبده يبدلي ملابسي كومني من مكاني
تراث::تكدرين تمشين؟
نور::اي
كامشه بيه وبالكوه واكفه ومتوازنه شافني هيج وكبل شالني وطلع بيه للغرفه فتنه وحطني بفراشي
نور:: تراث ابقه يمي لا تروح
تراث::يمج يمج يا روح تراث
غطاني وهوه تمدد يمي وسحبني لحضنه
نور::هسه تتمرض
تراث::ما يهمني
نداريت عليه وباوعت عليه وعيونه صارت بعيوني
تراث ::شون صرتي؟
نور::زينه شويه
تراث::تاكلين شي؟
نور::لا مو جوعانه
تقرب عليه وباس عيني واني بس بتسمت اله ماعرف ليش جنت احس براحه وما جنت امنعه من اي شي يسويه شافني ما سويت شي ومثل الذبلت من باسني وكام يضحك رد باسني من خدي
تراث ::اويلي يابهه هل خد ما ينشبع منه
نور::ههه تراث
تراث::عيونه
نور::تحبني؟
تراث::مو بس احبج انتي الاوكسجين الي اتنفسه
نور::والله؟
تراث::وداعت خدودج ذني
نور::يعني تحبني؟
تراث::اتنفسج
نور::والله؟
تراث::وداعت عيونج الحلوات
نور::اشو تحلف بعيوني وبخدودي وما خليت شي وما حلفت بيه
تراث::انتي كلشي بيج ينحلف بيه
_____________________
ساره::
كمت من مكاني وحمزه ماكو طلعت بره للمطبخ وشفت نمارق ونجلاء كاعدات بالاستقبال من شفتهن حطيت ايدي على بطني وباوعت على عمه مروه
ساره::حمزه وين
نمارق::اكو وحده ما تعرف رجلها وين؟
ساره::حبيبي انتي منو ذبلج عضم؟
مروه::مادري والله اجاه اتصال وطلع كبل
ساره ::هسه اتصل عليه واشوفه
طلعت بره واتصلت عليه وما يجاوب مو من عاته اتصل عليه وما يجاوب اتصلت عليه مره ثانيه وجاوب
حمزه::”الو؟”
ساره::”وين انته؟”
حمزه::”اركضي على تراث ولولد خلي يلحكوني على المستشفى
ساره::” شكو صاير؟؟ ”
حمزه::” سجاد مدعوم خبارني صاحبه ”
ساره ::………….
الفصل التالي اضغط هنا
يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.