رواية أحفاد الشيخ علي – الفصل الثالث والعشرون
ما تجين؟
شهل كطاعه ما تجين؟
اني تعبان بغيابج
وانتِ بالج مدري وين!!
كلشي بيه يصيح بأسمج ما تجين؟
________________§§§______________________________________________
گامت نجلاء من مكانها مصدومه من كلامها و اجتي عليها تريد تكتلها وما نسمع بس صوت عالي يصيح على نجلاء
حمزة:: نجلاااء!!!
وگفت نجلاء مكانها جامده وخرت عن سارة
اجه حمزة وگف يمها
حمزة:: عمتي وعلى راسي بس ديري بالچ كلها تعرف سارة خط احمر محد يمسها او يمد ايده عليها اني ما ماد ايدي عليها انوب انتي؟
نجلاء:: ما شفتها شلون علت صوتها و غلطت و حچت عليه؟
حمزة:: سارة ما تندگ بأحد اذا ما حچه شي وياها
نمارق:: اي مثل الچلب الي يذبوله عضم
سارة:: ولچچ ام السحورة على گوله سجادد گعدي وركدي اشو انتي چلبة و 24 ساعه تنبحين وحدچ ماشوف چلبة هنا غيرچ
حسيت حمزة لزمته الضحكة على حچي سارة
نجلاء:: شوف بعينك شگد صلفه ولسانها طويل شوف شگد تغلط و تحچي وتعلي صوتها
حمزة:: اني راح احچي عليها وبعد ما تعيدها
نجلاء:: هاي اذا ما تنضرب ما تتأدب راح اخر شي تگوم تضربك
حمزة:: خلي تضربني اني راضي
نجلاء:: والله گلتلك ساحرتك وماكلها ابن اخوي رايح بيها روح الشيخ خلي يفك السحر ولك
هوه لزمته الضحكة مات اله شويه باوع على سارة يخنزره واردف…..
حمزة:: سارة للغرفه ركض
سارة:: مو طالعين للبيت
حمزة:: گلت للغرفه
طلعت للغرفه وهي تمشي بعصبية
حمزة:: عمه بعد ما يتكرر الي صار اني احچي وياها
نجلاء:: دير بالك منها هاذي مرتك حية تبن
حمزة:: صار عمه
نور:: هسه نروح للبيت لو لا؟
حمزة:: اگعدن عندي حچي وية سارة أكمله و نطلع
نور:: تمام
طلع حمزه وراح لغرفتهم
____________________
گعدت على الچربايه و اني ضايجه و معصبة شويه و انفتح الباب وفات حمزة وهو يضحك
حمزة:: هههه ها الحيه ام السحورة
سارة:: اسكت لا والله صدگ اگوم اكتلك
حمزة:: هههه ولچ تگلي هاذي مرتك حية تبن هههه
مبين فاطس ضحك على حچيها
اجه گعد يمي و باوعت عليه
سارة:: ولك حمزة شفت تگلي ساحرته و ام السحورة
حمزة:: هسه شعليچ بيها اني مسحور و راضي و اذا سحر منچ كثريلي اموت على سحورتچ ام السحورة
سارة:: ههههه صدگ مسحور
حمزة:: هههه اي والله مبينه حيل
سارة:: خلي نشوف شيخ يرقي عليك
حمزة:: هسه اني راضي بسحورة مرتي انتو شكو
سارة:: هههه وهسه اني حية تبن؟؟
حمزة:: بوياييي شلون حية تموت صاروخخ
سارة:: هههههه
حمزة:: عفيه ببنيتي شيحچن عليچ رديلهن الي تحچي كلمه رديلها عشرة واني بضهرچ لا تخافين من أحد
سارة:: اصلاً قبل ما تحچي اذا اعوفهن ينهشني
حمزة:: هههه فدوه اروح لهل حلو الي ينهش
سارة:: كافي ولك ترى استحي
ضحك و استغرب من حچيت هيچ
حمزة:: هههه منو يستحي؟
سارة:: اني استحي
حمزة:: هههه
سارة:: شو احسك ما مقتنه؟
حمزة:: لا شلون بويه بحياتي ما شفت بنيه تستحي بگدچ
سارة:: ديلاا عجل گوم تأخرنه على البنات
حمزة:: اتصلو عليه طالع بشغل و خابرت سجاد هو الي راح ياخذچن
سارة:: هاهيه حبيبي
حمزة:: مممم
سارة:: شكو؟
حمزة:: ماكو بوسه شي؟
گمت من مكاني وطبعت بوسه خفيفه على خده
حمزة:: بس هاذي؟
سارة:: هههه البنات ينتضروني
حمزة:: عوفي البنات و تعالي يمي
سارة:: مو گلت عندك شغل ههههه
حمزة:: خلي يولي
سارة:: كافي لك گومم اني راح اطلع
حمزة:: هههه ديري بالچ على نفسچ
سارة:: تمام
طلعت من الغرفه و شفت سجاد واگف ويه البنات و نجلاء و نمارق ماكو
سجاد:: دحگن يولن التوصيلة من كل وحدة عشرة وهم السيارة مالتي ف اي وصخايه ازيد الچن السعر افتهمتن محد يشتغل ببلاش واني على باب الله
سارة:: اول مره اشوف واحد على باب الله صلف
نور:: ولكك هو لو نروح ويه ابو تكسي علينه كلنه ياخذ 3 الف شدعوه كل وحده عشرة؟
سجاد:: اني عندي تبريد تريدن روحن نسمطن بلحر
سمرة:: اي عادي نروح بتكسي و حمزة يسمط جلدك بنار مو بالحر
سجاد:: شبيچ بنت عمي ما تتحملين شقه صدگ چذب يلاا اطلعن بره اصعدن بالسياره واني ابدل واجيچن
طلعنه بره و صعدنه و ننتضر بي تأخر شويه ياله اجه صعد وسد الباب وشغل السيارة
نور:: عود نروح لزهراء ناخذها ويانه
سجاد:: صارر صارر
سارة:: بالتهديد ياله تجر عدل
سجاد:: انتن مو مال احترام مال واحد ينزلچن هنا و يمشي و يعوفچن
سمرة:: لا يمعود تشاقه وياك
سارة:: اي والله شبيك صاير ما تتحمل شقهه
سجاد:: يلاا اسكتن ماريد اسمع ولا حرف
سكتنه شغل السياره وطلعنه بأتجاه بيت زهراء ما چان يندل بيتها ف گمنه اني وسمرة ندلي بي الما وصلنه نزلت دگيت الباب و بسرعه طلعت چنها متحضره
نور:: هاي چنتي متحضره و واگفه گدام الباب؟
زهراء:: اي من اتصلتي عليهه
نور:: هاي ممصدگه على الله تطلعين
زهراء:: اهلي راح يسون بيه حاله نفسيهه امشي يلااا
نور:: امداچ اي والله
سمعنه صياح سجاد علينه
سجاد:: يلاا تأخرنه
نور:: اييي
سجاد:: كملن حچيچن بالسيارة
زهراء:: هذا شبي مستچلب
نور::اشش امشي يلاا
صعدنه السياره وطلعنه متوجهين للبيت وبالطريق اجه واحد يسوق سريع شويه وراد يفوت بينه لو ما سجادد وگف وكلنه رجعنه ليوره لان وكف بسرعه حتى ما نزل اعتذر گبل مشه
سجاد:: كلب ابن كلب عار ما تصيرله چاره
زهراء:: شبيه هذا شگد صلف فوگ ما راد يسوينه ثريد انوب ما نزل اعتذر
سجاد:: ساقط ابن ساقط
زهراء:: يول اني لو بمكانك چان نزلت دست على راسهه
سجاد:: چان نزلتي
اني و سارة و سمرة و سديم متنه ضحك عليهم و شويه و سجاد و زهراء سكتو
سمرة:: يولي انتي يمچ الانوثه تلطم بالزاويه
زهراء:: ردنه نصير ثريد و تگلي انوثه دروحي
سارة:: هههه والله عجبتني هاي
سديم:: ههههه صحيح
شغل سجاد السياره ومشينه وشويه وصلنه نزلنه كلنه وسجاد نزل الغراض الي نحتاجهن للتنضيف فتحت سارة الباب وفتنه البيت من الداخل يجنن احله من الخارج طلعنه اني وزهراء بره ناخذ من سجاد الغراض
سجاد:: بس ذني شيلنهن عدل لا ينكبن
زهراء:: شني قصدك ما نشوف لو ثولات لو عميان تا ينكبن
سجاد:: عمي بس گلت اديرن بالچن ما قصدي شي
زهراء:: لا قصدك ثولات لان انتو زلمم ما تكبون شي انبياء ما تغلطون و عبالكم ما نگدر نشيل شيي هو بطل زاهيي و ماسحات و منضفات شايفنه
باوع عليه سجاد
سجاد:: هاذي شبيها؟
زهراء:: اشايفني تا تحچي وتگول شبيها هيچ هااا؟؟
سجاد:: والله ما حچيت شييي اسف و اعتذر عمي بعد ما احچي شي
زهراء:: اشايفني جاهل تحچي هيچ تاخذني على گد عقلي
إني متت ضحك و سجاد راح يتخبل من حچيها مين ما يريد يسدها هيَّ تفتحها
سجاد:: لا والله
نور:: ولچ كافي ما قصدة امشي
زهراء:: ما انطي اكثر من قيمته
هو سمع هيچ لو تخبل
سجاد:: يولي انتي منو تا تحچين هيچ؟
زهراء:: تاج راسك افتهمت؟
سجاد:: ما حطچ وصله على حذائي انوب تاج راسي
زهراء:: ولك انتَ منو و تحچي وياي هيچ….
ولد وماريد اجاوز عليك احترم نفسك
سجاد:: هو انتي خليتي شي ما گلتي و هسه ماريد اجاوز عليك
زهراء:: ولك انتَ هم تسمي روحك زلمه تحچي على بنيه هيچچ
سجاد:: انتي هم معتبرة روحچ بنيه
زهراء:: لا كافي لهنى
و اجتي تركض عليه تريد تكلته لو ما اني اگضبها
سجاد:: شني هاذيي شبيها صديقتچ متوحشهه
زهراء:: ولچچ هديني عليههه اليوم افصل بيهه
سجاد:: انوب دور فصليات ولچ لا تهديها هاي راح تاكلني
طلعن البنات يركضن لأن تأخرنه عليهن من شافن هيچچ سارة فحطت ضحك و سمرة اجتي علينه تركض گضبت زهراء و سديم بس واگفة تباوع
سمره:: ولكك روح هاذي راح تاكلك من نكمل نتصل عليك
سجاد:: اشو ما اروح وباقي هناا
سمرة:: ولچ جاهل لا تحطين عقلچ ويا
سجاد:: رحم الله والديچ انتي بنت عمي هيچ عجل هاذي شحچي وياها
زهراء:: تعرف بيك جاهل
سجاد:: سمرة اخذيها من هين لا افلش راسها
زهراء:: ولكك تفلش راس منو بس هديني
سمرة:: ولچ عليه تعالي نفوت و نتفاهم فضحتونهه
سارة:: اي والله قبل ما نسكن راح يطردونه
ضلت سمرة تحچي وياها و فوتتها جوه ياله هدئت شويه و اني و سديم شلنه الغراض و فتنه وهو ضل واگف برة
زهراء:: هاذي كل ولد عمچ مستهترين هيج لو بس هو؟
نور:: مادري
سارة:: ههههه والله عفيه عليچچ
سديم:: عززا ولچ ردتي تاكلي
زهراء:: ولچ لو بس عايفتني عليه چان ما خليت بي عضمه صاحيه
سمرة:: كافي ولچ گومن خلي نضف
تا نكمل من وكت
تقاسمنه الشغل تا نكمل بسرعه سديم وسمرة على الي فوگ لان الي فوگ غرفتين و هول يكمل بسرعه و ينزلن ويانه و اني و زهراء و سارة على الي جوه چان مطبخ و حمام و استقبال و غرفه ضيوف و هول و غرفه بدينه نضف و سارة فوتت الصونده و غرگت البيت كله و زهراء گعدت تلطمم
زهراء:: هسع شگلتي لربچ من سويتي هيچ غرگتي البيت كلههه مييي
سارة:: احسن تا ينضففف
زهراء:: گولي لان كلچن وياي لو وحدچ چان ما سويتي هيچ
سارة:: طبعاً
حچت هيچ و مدري شبيها حسيتها تتهوع و لعبت نفسها و عافت الصوندة وراحت تركض للحمام عفنه الي بيدنه اني و زهراء و رحنه نركض ساده الباب مال الحمام و تتهوع فتحت زهراء الباب شافتها گاعده و تتهوع مااتت اله شويه و زهراء راحت تركض تجيبلها مي بارد و اني ردت اتصل على حمزة بس هيَّ ما قبلت
نور:: ولچ خلي اتصل علية راح تموتين
سارة:: لا ولچ بس عوفيني مابيه شي صار كم يوم تلعب نفسي هيچ ماريد اقلقه مابيَّ شيي وهو هسه بشغل
نور:: مخبله يا شغل
عفتها و طلعت اركض بره اشوف سجاد ماكو رفعت جهازي اتصل على حمزة شويه و جاوب عليه
حمزة:: الو
نور:: تعال بسرعه سارة مدري شبيها
حمزة:: شبيها خما اكو شي؟
نور:: صار ساعه نفسها تلعب و تتهوع و طلعت روحها اله شويه
حمزة:: جاي
سد الاتصال و اباوع اريد اشوف سجاد ماكو رجعت جوه لگيتها گاعدة على الدرج و البنات يمها و زهراء جابتلها مي بارد غسلت وجها و شربت
سارة:: ولچ گلتلچ بشغل لا تتصلين عليه
نور:: هسه هو على جيه اخاف بيچ شي ياخذچ يشوفچ احسن
سارة:: مابيه شي
مبين عليها التعب حيل لان بالگوه تتنفس ما صار نص ساعه و نسمع هورن سيارة حمزة فات يركض للبيت و يصيح باسم سارة شافنه و اجه يركض عليها
حمزة:: شبيچ يبعد هلي شبيچ؟؟
سارة:: والله مابيه شي البنات بالغن بردة فعلهن شوفني كلشي مابيه
سمرة:: چذابه تتهوع و نفسها فد مره لعبت وصلت للموت و ردت
حمزة:: گومي اخذچ للمستشفى
سارة:: ماريد مابيه شي والله
حمزة:: والله تگومين هسع اخاف بيچ شي
سارة:: حمزة شبيك؟
حمزة:: حلفت گومي سارة لا تضوجيني گومي
سارة:: اي گمت
گامت من مكانها وهو مبين اجه على السريع لان بالگوة يتنفس عجبني خوفه عليها حيل و لبست عبايتها و طلعو للمستشفى و بقينه بس اني و البنات
سمرة:: خوما بيها شي؟
زهراء:: لا مابيها يجوز ماخذه برد امشن نكمل قبل ما تجي
رجعنه كل من على شغلتها و احنه بالنه على سارة و قلقين عليها حيل
___________________
سارة:: حمزة؟
حمزة:: عيون حمزة
سارة:: مابيه شي والله
حمزة:: اشش بنيتي
شويه و اتصل عليه واحد و اسمع صوته لأن جهاز حمزة ينسمع لو حتى ما فاتح مكبر صوت
حمزة:: الوو
_وين طلعت البنيه گاعدة وما تقبل تحچي كلمه و المدير طلع من زمان وگال حمزة ياخذ مكاني
حمزة:: بس عندي ضرف اكمل و اجي
_حمزة استعجل البنيه تبچي ومبين صاير وياها شي
حمزة:: تمام
شويه وسد الاتصال منه
سارة:: حمزة نروح للمركز اريد اشوف البنيه
حمزة:: وين اخذچ كلها زلم
سارة:: اشوفها يمكن اگدر احچي وياها
حمزة:: وره ما نرجع من المستشفى
سارة:: ما افوت المستشفى اذا ما اشوفها
حمزة:: من كل عقلچ
سارة:: اي والله
هو سكت وغير اتجاة مبين رايح للمركز فرحت بداخلي مدري شلون قبل اصلاا شويه و وصلنه نزل هو واني نزلت و فتنه جوه
حمزة:: وين البنيه؟
_جوه
هذا گال هيچ و حمزة گضب ايدي و فتنه عليها چانت بنيه آيه من الجمال چنها ملاك و نازل من السمه حيل حلوه بس مبينه اثار ضرب عليها وعيونها مغورگه بالدموع
_من اجتي وهيَّ تبچي
حمزة:: اطلع و عوفنه وحدنه وياها
_حاضر سيدي
طلع الولد و بقينى اني و حمزة وهيَّ ما وگفت بچي اجه حمزة وگعد گدامها وهي تبچي مبينه طالبه متوسطه لان حيل صغيره
حمزة:: احچيلي شكو و شبيچ و ليش جايه هين؟
هيَّ گامت تبچي اكثر كلمة ما نطقت باوع حمزة عليه و اني باوعت عليه گام حمزة و گعدت مكانه گضبت ايدها وهيَّ ترجف من الخوف گبل سحبتها مني
سارة:: تمام تمام اسمعي انتي بأيد امينه لا تخافين من شي اني يمچ والله ما اخلي احد لا يجي يمچ ولا ياذيچ بس ثقي بيه و احچيلي
_تمام
سارة:: شنو اسمچ؟
غزل:: اسمي غزل
سارة:: ما شاء الله شني هل جمال الي شايلتهه نوب اسمها غزل بويهه تموتين
هيه سكتت ما ردت شي
سارة:: انتي تدرسين؟
غزل:: لا
سارة:: شعجب؟
غزل:: وصلت رابع علمي و ابوي بطلني گال ما عدنه بنات تكمل
انصدمت من الي گالته و انعصر گلبي عليها
سارة:: امچ وين؟
غزل:: ميته
سارة:: تندلين بيت اهلچ؟
غزل:: لا
سارة:: عندچ عمات او خالات
غزل:: عمه وحده واحد من عمامي چان سكران وكتل واحد و انطوها بمكان ابنهم المات
انصدمت من حچيها و حمزة انصدم مثلي واردف…
حمزة:: فصليه؟
غزل:: مادري
حمزة:: انطوها اجباري؟
غزل:: هيَّ مقبلت و ابوي و جدي هددوها و كتلوها َو انطوها
سارة:: شنو هل اهل ما عدهم رحمة
حمزة:: لا ما عدهم
سارة:: احچيلي ليش جيتي هين؟
غزل:: اني متعرضه لأغتصاب
فكيت حلگي و حمزة انصدم من الي گاله وضل واگف ما تحرك و شويه و تقرب عليها
حمزة:: عيدي الي گلتي
حچت وهيَّ دموعها بعينها و گامت ترجف و تشهگ
غزل:: تعرضت لأغتصاب
حمزة:: من منو؟
غزل:: ابوي و صاحبة
انصدمنه من الي گالته و اني گمت من مكاني وحمزة راد يتخبل من الي حچته واردف…..
حمزة::…….
________________§§§______________________________________________
.
.
.
الفصل التالي اضغط هنا
يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.