رواية أحفاد الشيخ علي – الفصل الثاني والعشرون
من شفتچ؟
عرفت الدنيا ماتنعاف
من شفتج
لكيت الناس موش أنظاف
ولگيت بدمي
شي منچ
كبل لا اشوف الـ بروحي
شفت روحي احبنچ .
________________§§§______________________________________________
سمرة::
مروة:: هاذي صعبه ما اعتقد راح تگدرين تفهميها لازم دكتور يشرحها الچ
سمرة:: هو منو اخذكم؟
غفران:: دكتور عمر
سمرة:: الي اجه جديد؟
غفران:: اي والله اول مره الكليه تحط دكتور بيه خير
سمرة:: ليش شرحه حلو؟
غفران:: يا شرح يا بطيخ ولچ تحسي كامل مكمل سبحان رب الخالقه يجنن خلقه و اخلاق
سمرة:: شبيچ بويه تخبلتي
غفران:: يولي والله هنيالها الي راح تصير مرته طول و عضلات و كلشي بيه جنن
سمرة:: انچبي هاي شبيچ؟
غفران:: وجع خليني احچي
سمرة:: ايي؟
غفران:: اجه اول محاضره لابس قميص اسود خفيفه عضلاته مبينه تجنن و جسمه حيل مرتب و انوب طويل ولچ خيه يطلع طوله 187 هيچ لان صدگ يملخ
ضجت حيل من حچيها و نتردت بيها….
سمرة:: كافي شبيچ ترى عيب هل حچي سدي السالفه
باوعتلي بأستغراب و اردفت….
غفران:: شبيچ عيني شحچينه
سمرة:: كافي حبابه سدي السالفه
غفران:: صدگ احمد خطبها و بعد اسبوع زواجهم
حسيت گلبي نعصر من صدگ و تمنيت ما گايلتلي
سمرة:: اني شعليه ليش تحچيلي ماريد اسمع عن هل قذر شي
غفران:: هههه مبين متخطيه لازم… شو بهل سرعه؟
سمرة:: لا خيه بس گلت انسى و افتح صفحه جديدة و ربچ ما ينسى احد و الحوبه تبطي وما تخطي و تهدم وما تعمر
غفران:: اي والله كلامچ صحيح هوه صحيح ابن عمي بس على الي سواه شتحچين وشنو ما تدعين حقچ والله
سمرة:: اي خيه ف سدي السالفه و ياريت ما تجيبين سيرته بعد يمي
غفران:: تمام خيه وهسع شلون ذني تقريهن؟
سمره:: الله كريم سهله ان شاء الله
غفران:: ان شاء الله خيه
سمرة:: راح اطلع للحمامات اعدل مكياجي
غفران:: اني راح اروح افوت محاضرة كملي وتعالي
سمرة:: تمام
گامت هيه و طلعت تحضر المحاضره و اني ضليت صافنه على المحاضرات لان ما مفتهمه شي و شويه واسمع صوت خشن
عمر:: ها شبيچ تضربين صفنات؟
سمرة:: هههه لا هيچ
عمر:: شكو گاعده هنا ما عندچ محاضرات؟
سمرة:: اي عندي بس هذني مجاي افهمهن
عمر:: شو خلي اشوف
اخذ الدفتر مني و گعد يباوع عليهن
عمر:: ها هاي المحاضره اني القدمتها الهم مكان دكتور محمود
سمرة:: اي گالت غفران
عمر:: شو شويه سويلي مجال اگعد
وخرت شويه و گعد يمي
عمر:: باعي هاي هيچ وهاي هنا تنحط و هيچ تصير………
وبدء يشرحلي و يحچيلي عن المحاضرة و اخذنه الواهس و گعد يحچيلي عن الدكاترة الي هنا
………
في مكان اخر::
زهراء:: هاي اختچ أيمت اداوم لو صارت مزوجه ما ينحچي وياها؟
حور:: والله مادغي بس الما يستقر وضعها و اداوم
زهراء:: شني لازم حامل؟
حور:: شبيچ ثوله يا حامل بس مادغي شبيها
زهراء:: احنه هنا نلطم و هي بحضن تراث گاعدة و مرتاحة
حور:: مال الوجع بطلي و تزوجي
زهراء:: ما اگدر
حور:: ليش؟
زهراء:: الزلم مالهم امان ف لازم اكمل دراسه تا ما احتاج احد و اذا حچه ويايه حچي ما يعجبني اطلگه
حور:: غبحنه مادام من هسه مخططه لطلاگ
زهراء:: اعجبچ حيل خيه
حور:: حيل حيل
____________________
گعدنه اني و سديم و سارة بالاستقال و حطينه اكل و حلويات و بدينه نحچي و نسولف و سديم حطت رجل على رجل و شويه طلعت رجلها من دشداشه بيها زراگ انتبهت سارة لرجلها
سارة:: شنو هاي؟
سديم:: شنو؟
نزلت الدشداشة بسرعه و اجتي سارة عليها رفعتها
سارة:: سديم شنو هاي؟
سديم:: انضربت بالغلط
سارة:: تضحكين عليه ترى هذا باقي اثر احد ضاربچ احچيلي منو؟
سديم:: لا
سارة:: تحچيلي لو اگول ليامن؟
سديم:: هاي امي
انصدمت اني و سارة من حچت هيچ
نور:: ضربتچ؟؟
سديم:: ايي
گامت سارة و رفعت دشداشه سديم رجليها ثلج من البياض بس چانن عباره عن بگع زرگه و منها سودة و خضرة و حمرة نزلت دشداشه شويه و شفنه كتفها كله تخمش انصدمنه اني و سارة وگف شعر راسي من الاثار الي شفتها بجسمها
نور:: يامن يدري؟؟
سديم:: لا ما اگدر اگلة
سارة:: من كل عقلچ هذا المفروض مو بس تگليله المفروض تحچين حتى للشرطه
گامت سارة من مكانها على سديم و رفعت دشادشتها لضهرها وشهگت من الصدمه و الاثار
سارة:: عززا بعين امچ و نمارق ولچ شنو هذاا انتي مخبله ساكته؟؟
گمت من مكاني و شفت ضهرها كله اثار ضرب و اكو حتى اثر حرگ بكتفها اشرت عليه
نور:: شنو هذا؟
سديم:: هاي تعاركت ويه نمارق و شعفتها و گامت امي حرگتني بسچينه حمتها على الطباخ و حطتها على جلدي
نور:: لا مستحيل هاي مو ام مستحيل ولچ ماكو هيچ شي تشاقين
سديم:: والله
سارة:: شلون متحمله كل هذا انتي مخبله ما تحچين؟؟
سديم:: ما اگدر احچي شي امي و اختي شنو اگدر احچي و اگول ما اگدر اسوي شي محد يصدگ يلوفنها عليه
نور:: ولچچ ايمت تحچين الما تموتين بيدهن؟؟
سارة:: لا صدگ انتي مخبله اني راح اگول ليامن
اجتي سديم عليها وكضت ايدها وعيونها متروسه دموع و ترجف
سديم:: لا عليچ الله لا تگوليله حبابه امانه برگبتچ لا تحچيله سارة احلفچ بالله لا تحچين لأحد
سارة:: لچ بابا انتي مخبله موتچ على ايدهن ولچ مخبله انتي؟؟
عيونها انملن دموع و گعدت تبچي و هي تحچي
سديم:: سارة عليچ الله لا تحچيله عليچ الله
گعدت سارة گدامها
سارة:: لچ بابا علمودچ راح يموتنچ شوفي جسمچ كله اثار و جروح و حرگ منهن
سديم:: يكتلهن والله ولچ والله يگدرن يلوفنها عليه لا تحچين شي اني من يجي الوقت المناسب احچيله
دنگت سارة راسها و مسحت دموعها وهي تشهگ و تبچي گلبي انعصر عليها كل هل جمال و عايشه بتعذيب جوه رحمة امها و اختها الي المفروض سند الها
سارة:: هاهيه بويه ما احچي شي مسحي دموعچ
نور:: ليش هيچ ليش مخليتهن يسون بيچ هيچ و ساكته ليش ما تبلغين عليهن؟
سديم:: نور وين ابلغ عليهن من كل عقلچ هاي امي اخوتها كلها بضهرها ابلغ منا يطلعوها منا تكتلني والله ما تخليني عايشه
نور:: والله طبها الف مرض شهل ضلم هذا؟
سديم:: ماعرف شسوي بس من جيت هنا محد بعد يندگ بيه ولا يجن يمي من وره يامن يخافن منه
نور:: مرجفهن كون يارب يدري و يكسر اديهن و انتي ابقي هيچ الما يموتنچ
نزلت راسها و بقت تبچي و تمسح بدموعها و لمت رجليها لراسها وهي تشهگ وتبچي باوعت على سارة وهي تباوع عليه گعدنه يمها حاولنه نهديها حتى تسكت لان منضرها يعصر الگلب عصر
نور:: هاهيه ما نحچي شي بس انتي لازم تحچيله ليامن وهو يكرهن ما راح يصدگ احد بس انتي
سارة:: يدمنچ و انتي صايرة دم سنونه الحگي على نفسچ قبل ما يخلصن عليچ
سديم:: بس الگه الوقت المناسب احچيله
سارة:: باعي هذا ما چان راح يصير حالي لو منطيتهن مجال و جوه القنادر اردهن كلمه بكلمه والي تحچي كلمه اردها عشره بابا لا تصيرين ضعيفه ياهو الي يجي ينهشچ
نور:: اي والله صحيح گليله ولا تخافين من احد دام يامن بضهرچ ولچ لو يدري اله يحرگهن
سديم:: ادري والله و اعرف كلامچن صحيح و من يجي الوقت المناسب احچيله كلشي
سارة:: اي لأن اذا بعد اشوف وحده مدت ايدها الوصخه عليچ اني بنفسي اگله و انتي بعد بكيفچ
سديم:: لا محد يمد ايده عليه بس على كيفچن
نور:: كل هذا وعلى كيفچن؟
سارة:: صدگ نور اكو مواعين بالمطبخ تغسليهه بمكاني قليلات
نور:: ليش يمهه شني خدامه اني لو جنه قاب
سارة:: ههه شبيچ تخبلتي ولچ فريت البيت فر كله نضفته انكسر ضهري
نور:: شعندچ؟
سارة:: غير هاي الحيه نجلاء واگفه فوگ راسي وين ما اوگف العقيم الجايفه مدري حمزه شاف بيچ و اخذچ مبين مسويتله سحر ام السحورة
نور:: هههههه هاا لچچ ام السحورهه
سارة:: انچبي وطلعي غسليهن
نور:: يلاا عمي هاهيه راح اغسلهن بس لا تحچن شي اله اني اجي
طلعت من الاستقبال وفتت للمطبخ گاعده عمه مروه وياها تراث رحت على السنگ و فتحت المي واسمعهم يحچون واني اغسل مواعين
مروة:: اي وليدي بعد بكيفك
تراث:: هو المريه خوش مره
مروة:: اي وليدي عشرة عمر احنه و اهلها والله جمال و اخلاق ما شاء الله عليها
تراث:: اي يمهه
مروة:: راح اروح اشوف عمتك جواهر وين
تراث:: يمه تلگيها گاعده بالحديقه ويه الحيه
باوعت عليَّ و خنزرتلة
مروة:: عيب وليدي
سكتت عمه مروة وطلعت شويه وگام واسمع صوته بأذني
تراث:: بويه شني هاي صايرة نادرة و تغسل مواعين
نور:: تروح منا لا اهبط راسك بهذا الماعون
تراث:: هبطي واموت بين اديج بويهه
شلت الماعون و شفت جواه سجينه شلتها و گعدت اجلف بيها
نور:: عن منو چنتو تحچون؟
تراث:: هيچ سالفه
نور:: منو هاي البنيه؟
تراث:: يا بنيه؟
نور:: الي تحچون عنها
تراث:: معرفه قديمه الله يستر عليها
تقربت منه ورفعت السچينه عليه وهو يضحك
نور:: منو هاي هاا؟
تراث:: ههههه خلينا نتفاهم
نور:: ما تحچي شبيك… لازم حبيبتك
تراث:: هو العنده هيچ مره هم يگدر يباوع على غيرها
نور:: يا چذاب عبالك تمشيني و تقشمرني بهل كلمتين
تراث:: لا وداعت جدي وجديتي
رفعتها بعد عليه اكثر و تقربت منه وهو تراجع واني اتقرب الما وصل الحايط واني حصرته عليه
تراث:: اني شايف الواحد يحصر مرته مو مرته تحصره
نور:: دمشي لك اني مو مرتك
تراث:: مرتي وغصبن عليچ وعلى اهلچ
نور:: تريد تموت مو؟
تراث:: شحلات الموته على ايدچ
نور:: مخبل مو صاحي انتَ
تراث:: انتي خبلتيني على ايدچ من شفتچ ماضل عندي عقل
نور:: تحچي منو هاي البنيه لو يصير حچي ثاني
تراث:: هههه لازم تغارين عليه
رفعت صوتي عليه شويه
نور:: عليمن اغار متگلي عليمن؟
سمرة:: عززاا تردين تكتلين اخوي
فتريت وهي واگفه گدام الباب وتباوع علينه بسرعه نزلت السچينه وحطيتها وره ضهري
نور:: لا يابه افتهمتي السالفه غلط
سمرة:: هو شنو الغلط؟
وخر عني تراث بسرعه و راح وره ضهرها
تراث:: صار ساعه رافعتها عليه و تهدد بيَّ ما شفتي شلون چانت حاصرتني انقذي اخوچ قبل ما يروح من اديكم
سمرة:: ولچچ انتي الي عبالي فقيره هسه تردين تكتلين اخوي
نور:: بااعع الچذاابب شلون يألف
سمرة:: اذا چذب شكو شايله السچينه عليه
نور:: چنت اريده يشوفها نضيفه لو وصخه
تراث:: اي تحصريني و شايلتها عليه تريد اشوفها و صخه لو نضيفه شنو تضحكين علينه
سمرة:: ههههه اي والله شني تضحكين علينه
نور:: معليه عمي هوه چان شايلها عليه
سمره:: اي صحيح شكو شايل سچين عليها
تراث:: هاا شني اختلفتن عليه شسالفه
سمره:: شكو شايل السچينه على هالمسكينه
تراث:: يابه دام اختلفتن عليه اسف و اعتذر منچن هسع يصير اطلع
نور:: گلعه
سمرة:: ههههه
طلع تراث و سمرة بقت صافنه بيه
سمرة:: شكو شايله السچينه عليه؟
نور:: ديخوني هذا اخوچ
سمرة:: ههههه مو عساس ما تردي
نور:: انچبي انتي وكملي المواعين
طلعت نور و اني بقيت صافنه
سمرة:: لچچ تعاي توي رجعت مابيهه حيلل اغسلهن
____________________
حمزة:: سارة تعالي شويه اريد احچي وياچ
سديم:: ههههه گومي
سارة:: گمتت گمتت ههههه
گمت من مكاني و طلعت لغرفتنه فتحت الباب و شفته گاعد
حمزة:: تعالي بويه
جيت و گعدت يمه وچان لازم الجهاز وطلع صورة لبيت كلش حلو
سارة:: شنو هذا
حمزة:: هذا بيتنه بويه عجبچ لو ادور غيرة؟
سارة:: تحچيي صدگگ؟
حمزة:: ما عجبچ؟؟
سارة:: ولكك يجننن يموتت حيل حلوو
حمزة:: والله
سارة:: ايي والله
حمزه:: ههههه ضل بس اجيب عمال ينضفو و نختار اثاث
سارة:: ياا عمال اني والبنات نروح العصر و نضفه و نرتبهه
حمزة:: بويه عمال احسن ماريدچ تتعبين
سارة:: شتعب غير بيتنهه اذا هو ما انضفه واشتغل بيَّ عجل وين اشتغل حمزهه عليك اللهه خلي اروح اني والبنات نشوفه و نضفه
حمزة:: هههه هاهيه بويه اني وياچ والبنات نروح العصر
حسيتت نفسيي اريد اطير من الفرحه گبل طفرت عليه وحضنتهه قويي وهو يدغدغ بيهه و اني متت ضحك
سارة:: هههه ولكك حمزهه كافي راح اموتت ههههه
حمزة:: شويهه شويههه
سارة:: هههه ولكك وخرررر
من شاف وجهي صار احمر من الضحك وخر عني يخاف لا اختنگ
سارة:: ههه ربي لا يحرمني منك ابد ابد
حمزة:: اني عايش بهل دنيا علمودچ وعلمود ضحكتچ الحلوه
حضنته قوي و حسيت نفسي حيل مرتاح
سارة:: احبك حيل حيل
حمزة:: اروحن فدوه الچ
سارة:: يلاا راح اروح اگول للبنات حتى يحضرن نفسهن
حمزة:: تمام بنياتي العصر نطلع
سارة:: تمام
طلعت من الغرفه و سديت الباب و نزلت للاستقبال فتت و شفتهن كلهن گاعدات و گاعده وياهن نمارق
نمارق:: شيريد منچ حمزة؟
ساره:: شعليچ حوبي؟
سمرة:: ههههه
نمارق:: عابت لهيچ صلافة
تجاهلت سارة الي گالته نمارق و باوعت علينة و گالت…..
سارة:: حمزة اشترى النه بيت و راح ننتقل وگال العصر تروحين تشوفي انتي و البنات و تنضفو
سمرة:: كلللووووششششش
نور:: الفف الففف مبروك حبيبتي
سارة:: يومن الچ و تطلعين من هل خيسه
حسيت نمارق حيل ضاجت ف گامت من مكانها و طلعت و سدت الباب قوي
نور:: ههههه عرفت نحچي علية والله
سارة:: يلاا عيني كلچن گومن بدلن الساعه 3 الما نكمل بل 4 نطلع للبيت عود نكمل شغل و نتعشه هناك كلهن وافقني الرأي و طلعن تا يبدلن ويتحضرن
_______________________
نور::
نور:: الوو
حور:: هلا
نور:: باعي سارة هيه وحمزة اشترو بيت تروحين ويانه؟
حور:: لا خيه طالعه اني
نور:: ويا منو؟
حور:: اليوم علي نزل عليه الوحي و طلعني بس احس اكو سالفه وغه هل موضوع يلهه حبيبي يصيحني من اكمل اتصل عليچ وشوفي زهغاء اذا تغوح وياچن
نور:: تمام هسه اتصل عليها هلا
حور:: هلا
سديت الاتصال منها و اتصلت على زهراء
زهراء:: الو
نور:: هلا
زهراء:: خوما اكو شي؟
نور:: سارة اشترت بيت هي وحمزة ورايحين نشوفه تروحين ويانه؟
زهراء:: ولو ما أعرف احد بس تعالذي متت ضوجه
نور:: تمام عود نمر عليچ من نكمل
سديت الاتصال منها و بدلت و لبست عبايه و حجاب و نزلت جوه كلهن گاعدات بالاستقبال و شفت سارة ونجلاء وحده تحچي على ثانيه
نجلاء:: ادري على شنو اشترى الچ بيت وانتي لا جهال ولا خلفه
سارة:: اريد نطلع من هل خيسه والحيايه الي هنا
نجلاء:: باع الصلافه هذا حمزة يدري بلسانچ الوصخ
سارة:: درة ولا ما درة لا تحطين نفسچ انتي چبيره ماريد اقلل منچ ابد عمه ترى عيب عليچ تدخلين اني و رجلي و عمي حازم قبل انتي ليش تحطين نفسچ
گامت نجلاء من مكانها مصدومه من كلامها وجتي عليها تريد تكتلها……..
________________§§§______________________________________________
.
.
الفصل التالي اضغط هنا
يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.