رواية أحفاد الشيخ علي – الفصل الرابع عشر
أَنا تعبان
و اجيَتك خِيط
عَليمن جاي تكسرني؟
حتى بنومِي ما شَبعان
اظل يَمك و گوه مفتح عيونِي
شسَولفلك بعد
لا أنتَ ولا الناس يَردونِي؟🤍
^——————————–^
گام تراث على حيلو و وگف گدامه ومن شفنه تراث گام كلها كامت
تراث:: بنت منو تريد؟
منيب:: بنت وليد
كلها نصدمت و تراث گام يضحك و گال …..
تراث:: بنت منو تريد؟
منيب:: شبيك ما تسمع گلتلك بنت وليد
اجه تراث يركض و ضربة بوكس على وجهه وگعة بالگاع
تراث:: يول ابن الگ*** منو انت حتى تجيب سيرتها
رحنه نركض حتى نگضب تراث دحگ علينه و گال..
تراث:: الي يگضبني اكسر ايدو
كض منيب من ياختة و گومة
تراث:: ابن النع** تريد بنت وليد مو؟
كمل كلامة و ضرب راسة براس منيب بقوة وگع منيب بالگاع و تراث صار فوگا و ضربه بوكسات و
كلنا نريد نوخر تراث ما يقبل يهدو و الولد صار وجهو عبارة عن دم و بالگوة حتى وخرنه تراث منه و جابو
مي لـ منيب تا يغسل وجهه و تراث گاعد على اعصابو يريد يرجع يضربو
تراث:: يريد بنت وليد ابن الصگط
شيخهم:: شيخ حازم ما حبينه هل سالفة منكم و حيل عيب عليكم دمة الولد بديوانك و احنه ما گلنا شي و هذا حقهم رادو فصلية بمكان ابنهم
گام تراث يريد يكتلة بس ما گدر لأن گاضبينه عراق و حمزة و ايسر و ايمن
تراث:: يول ابن الكلـ* تريدوها فصلية يولو على گص رگبتي و اصلاً اني ناهي عليها و ما تصير لأحد و تحلم بيها ابن العـ**
كلهم وگفو مصدومين من كلامه و اهل الولد رادو يگومون على تراث بس شيخهم ما قبل گال كافي ما نريد نكبر المشكلة اكثر
يامن اجه يركض على تراث و ضربه بوكس
يامن:: تنهي عليها شنو ابن الكلـ* تنهي على منو؟
اجه عمي حازم يركض على يامن اخذة و حچة ويا و طلع يامن فاير
تراث:: ناهي على نور و شتريد تسوي سوي
و تراث نهى منيب حتى ما يگدر يحچي
كلها معصبه وفايره وناس تريد تاكل ناس والشيخ من شاف الوضع هيج گام وحچه
شيخهم:: دحگو ولدي كافي لحد هين الحق على الاسرتين مو بس عليهم ابنكم شايل سچينه ويريد يكتل ابنهم وهوه دافع عن نفسه و سوه هيچ فـ تاخذون فصل فلوس ونسد السالفه مانريدها تكبر اكثر من هيج
من حچه هيچ الشيخ هدء الوضع وقبلو بهل شي
حازم:: شگد تريدون
شيخهم:: رايدين 300 مليون
ضلو يوگعون لخاطر فلان و لخاطر علان الما وصلو 25 مليون و انتهى الفصل و انسدت السالفة
^—————————–^
في مكان اخر::
زهراء:: هسع الگعدة صارت يمكم؟
نور:: اي خية صارت يمنه
حور:: شنو غداكم؟
زهراء:: دحگي الجوعية احنه نگللها گعدة و شيوخ و هي تگول شنو غداكم
نور:: هاي فاصلة من الرئيسي
زهراء:: هسع ما شفتي الشيوخ؟
نور:: شفت نصهم من طلعت
زهراء:: حلوين؟
نور:: الطم اني هسه؟
حور:: اوگفي خلي اشغلچ لطمية
زهراء:: اني اريد واحد بس كون عيونو زرگ و شعرو اصفر و يعرف يطبخ
نور:: بعد ما تريدينو يحبل بمكانچ
زهراء:: ياريت بس كون معضل و اسمر
حور:: اسمغ (اسمر) و عيون زغگ (زرگ) و اشگغ (اشگر) محد سوة سوايتچ
زهراء:: كلمن و ذوقة
نور:: و ذوقچ زربة طبعاً حشة الزربة منه
زهراء:: طبعاً هذا من اخلاقچ
حور:: اني اغيد (اريد) واحد عندة اخلاق ثنين و مبادئ و سمعة زينه
نور:: و الحقيقة هي سيارات ثنين و فلوس هواي و بيت
زهراء:: والله يا حور عجبتيني خوش تفكرين
نور:: شنو رأيچن نزوج واحد ستيني و زنگيل و ما يطول يومين و ينجلط من عدنه و احنه نصير زناگيل
زهراء:: اللهههه و نخلص من السادس
حور:: اني موافقة بصوت محاسن ……..
^————————-^
في مكان اخر::
سمرة::
خلصت الگعدة و طلعو الشيوخ و لحد هسع ما نعرف
الي صار بس يامن طلع و هو معصب و ما حچة شي ضلو الولد و عمامي و ابوي وحدهم بالديوان شوية و دخلنة عليهم للديوان
حازم:: تراث الغي نهوتك على بنت عمك
تراث:: هههه على گص رگبتي ما شفته شلون يريدها والله لو يموت ما الغيها لو اعرف اموت اني ما الغيها
وليد:: كافي تراث ترى انت تخبلت ماضل بيك عقل اني سكتتلك على النهوة لأن رادوها فصلية
تراث:: عمي انت على عيني و راسي بس النهوة ما الغيها و شيريد يصير خلي يصير اني احب نور و رايدها
وليد:: نور ما راح تقبل وليدي عوف هل سالفة
ما جاوبة تراث و گام طلع برة و سد الباب ورا
سمرة:: لا صدگ يحچي هذا ولكم نور تتخبل اذا درت
حازم:: محد راح يگللها
نجلاء:: ترى من حقها تدري اذا انتو ما راح تگولولها اني اگوللها
كلهم گعدو صافنين و ما نعرف شنو نسوي لأن تراث تخبل رسمي اول مرة اشوفة هيچ عفتهم و صعدت الغرفتي گعدت على الچرباية و لزمت تلفوني و شفت رسالة من احمد…
احمد:: ليش ما مداومة؟
سمرة:: ما صارلي واهس
احمد:: باچر اداومين؟
سمرة:: ما ادري
احمد:: داومي باچر اريد احچي وياچ بموضوع
سمرة:: تمام
سديت تلفوني و حسيت من كلامة يريد يصالحني حسيت فراشات بـ بطني و ضليت افكر الما نمت بدون ما احس على نفسي
^—————————–^
في مكان اخر::
دخلت المدرسة و بدت تشرح و حور اخذت دفتر و بدت تكتب علية
حور:: اگلج؟
نور:: گولي
حور:: خلي اليوم باليل نطلع
نور:: ما اگدر اردلچ خبر الما اشوف ماما جواهر و ابوي
حور:: يبوو
اخذت ورقة ثانية من الدفتر و كتبت بيها و شمرتها على زهراء شوية و زهراء شمرت علية الورقة كاتبة
حور:: زهيرة نطلع باليل
زهراء:: تريدين اهلي يذبحوني و يشمرون عضامي للچلاب
كتبتلها حور
حور:: ما طالعين لملهى هو بس نتونس و ما نطلع وحدنه ناخذ احد ويانه
زهراء:: اشوف
شافتنه المدرسة و اجت اخذت الدفتر يمكن عبالها چنه نحچي عليها شوية و دگ الجرس للبيوت طلعنه و ما لگينه عمر رجعنه للادارة دگيت الباب باوعت علية المديرة
نور:: السلام عليكم
المديرة:: عليكم السلام تفصلي بنيتي
نور:: اخوي تأخر علينه نريد نتصل عليّ
طلعت تلفونها
المديرة:: رديلي الرقم
نور:: 077*****
اتصلت عليّ و انطته الي
نور:: الوو…..وينك…..تعال اخذنه خلص الدوام
عمر:: نسيتچن جاي بوية
سديته منه و انطيت التلفون للمديرة و طلعنة برة ننتضرة
نور:: هذا شبي؟
حور:: من اول البارحه تحسي مو على طبيعتة
نور:: اتفق وياچ
نص ساعة و اجه
نور:: عمر شبيك؟
عمر:: مابية شي
نور:: لا تچذب صارلك كم يوم مو على بعضك
سكت و شنو ما احچي ويا ما يرد
وصلت البيت و دخلت ماكو احد فتت للديوان كلهم گاعدين
نور:: السلام عليكم
الكل:: عليكم السلام
حازم:: تعالي بنيتي گعدي يمي اريد احچي وياچ بموضوع
نجلاء:: يريد يگلچ ترى تراث نهى عليچ
اني هنا حسيت تجمدت من الصدمة
نور:: تشاقين مو؟
حازم:: بنيتي بس گعدي و افهمچ
نور:: تراث وين؟
جواهر:: بنيتي گعدي بس خلي عمچ يحچي وياچ
باوعت على ابوي و هو ساكت و منزل راسة حتى ما باوعلي ……صحت بصوت عالي
نور:: جاي اگول تراث وين؟؟
نمارق:: على كيفچ عيني تراث بغرفته
عفتهم و طلعت اركض مثل المخبلة على غرفة تراث و لحگوني الولد و سمرة و سديم و عمامي بقو گاعدين بالديوان فتحت باب الغرفة و صحت بصوت عالي
نور:: ولك انت منو و تنهي علية شبيك لخاطر الله شبيك؟
عاط بوجهي تراث
تراث:: ابن عمچ و تاج راسچ
سجاد:: تراث خلي نتفاهم
تراث:: كلكم طلعو برة
محد حچة و كلهم طلعو برة
تراث:: منيب ايمت شافچ
اول مرة اشوف تراث هيچ معصب و عيونه حمر دم من شفته هيچ گلبي وجعني و جسمي رجف
نور:: منو منيب؟
كضني من ايدي قويو گال بعصبية
تراث:: من احچي وياچ جاوبيني عدل لا تستغبين
نور:: تراث وخر ايدك ايدي گامت توجعني
تراث:: نور منيب وين شافچ؟
ما تحملت و گمت ابچي
نور:: والله ما اعرف منو منيب
من شافني ابچي عاف ايدي
تراث:: منيب وين شافچ اخر مرة اعيدها
نور:: والله ما اعرف منو منيب شبيك تراث
تراث:: طلعتي برة من اجو؟
نور:: ما ادري بس طلعت للمدرسة
ضرب الحايط بوكس قوي و اني من الخوف گعدت و لميت رجلي لصدري و ابچي
عاط تراث بعصبية
تراث:: منووو گالچچچ روحييي للخررررة شعندچچ تطلعيننن
نور:: كافي تراث
تراث:: لااا تگولينننن كافيي لاا ابتلييي بيچچ هسع
گمت و رفعت ايدي بوجهه
نور:: ولك انت شلون تنهي علية الله ياخذك من دخلت حياتي و انت جاي دمر بيها
اني احچي و هو يفتر بالغرفة وگف گدام المراية صفن بيها شوية و ضربها بوكس و ايدة صارت كلها دم و اني گعدت بالگاع ابچي و شويه و انفتح الباب و اجت سمرة تركض علية
سمرة:: نور احچي خما ضربچ
اني بس ابچي ما اگدر احچي و سديم مصدومة من الي صاير بالغرفة
تراث:: اطلعووو برااا كلكمممم
گومتني سمرة و طلعنة من الغرفة و ساعدتني اصعد لغرفتي و ضليت گاعدة ابچي و اتحسب علية
سمرة::………
الفصل التالي اضغط هنا
يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.