رواية أحفاد الشيخ علي – الفصل الثالث عشر
^——————————^
نور::شنو الي يمنعك انو تزوجها؟؟؟
يامن:: نجلاء امها ما تقبل
نور:: الي هيه عمتك و عمتي مو؟
يامن:: اي
نور:: ليش ما تقبل؟
تنهد يامن و گال….
يامن:: تريدها لأبن عمها
نور:: اني شايفة الام تميل لأبن الاخ او الاخت لعد هاي شبيها؟
يامن:: شافتني احبها و مفرفح گلبي عليها و هي تحبني عاد حرمتني منها و حرمتها مني و ما اگدر اسوي شي اخاف تأذي سديم
نور:: ماكو ام تأذي بنتها
يامن:: نجلاء غير… ما شايله گلب ام شايلة گلب من حجر ما تحب تشوف احد مرتاح بحياتة حتى لو چانت بنتها
نور:: مستحيل ماكو بشر لهل درجه قذر
يامن:: اني اتمنى تجي هين هاذي فرصة حتى سديم تصير الي و ذاك ابن الگ*** يحلم يشوفها
نور:: ان شاء الله تصير من نصيبك و ما تصير لواحد غيرك
يامن:: ماكو رجال يحب من صدگ و يخلي الي يحبها تصير بيت غيرو
^—————————^
في مكان اخر::
كملت سارة لم اغراضها و سلمت على اهلها و طلعنا ركبنه السيارة و حمزة مبين علية طاير من الفرح ما مصدگ انو سارة رجعت
بقت بس سالفة اقناعها انو تسافر خارج العراق تتعالج و شويه و وصلنا البيت و دخلنه الحديقة
الحديقة مالتنه چبيرة حيل مقسومة نصين نص صاير گراج للسيارات و النص الثاني حديقة چبيرة و الكل مجتمع بيها ما عدا نور و يامن دخلنه للبيت و
شفناهم گاعدين يضحكون و يتشاقون نص گاعدين على المرجوحة و نص فارشين بالگاع شافتنه امي مروة و اجت تركض و حضنت سارة و تبوس بيها و تحچي وياها….
مروة:: ولچ بنيتي شلون انطاچ گلبچ تعوفين بيتچ و تروحين
سارة:: بعد صارت عمه و الحمدلله رجعت
مروة:: بعد ماكو طلعة و زعلة ترى من صدگ ازعل عليچ و ما احچي وياچ
صاحت عمه جواهر على ايسر حتى يجي يشيل جنطة سارة و گعدنة بالحديقة
عراق:: هاا ابو الجود ارتاحيت من رجعتها
حمزة:: اي والله چنة مي بارد و ندار على گلبي
سجاد:: شني هي اريد اتزوج
جواهر:: بعدك صغير… انت و الجيزة شنو؟
سجاد:: ولچ عمة اسمها زواج زواج مو جيزة
حمزة:: لا تورط نفسك و تزوج ترى الزواج ورطة
سارة:: هاا حمزة ارجع لبيت اهلي؟؟
حمزة:: والله اشاقة و القرآن و ربي و اقسم بالله اشاقة
سارة:: ههههه اشاقة
سجاد:: اريد هسع مرة بعد ما بيها مجال
سمرة:: تا نشوف يا چلبة تقبل بيك
سجاد:: غير اخبل اموت اني
جواهر:: يمة اروح فدوة لهل زلم هي يا ثولة تفوت هيچ زلم
سجاد:: لا عمة ماضل بيها مجال
كمل كلامة و گام من مكانه و كلها ضحكت علية راح على عمة جواهر و باسها من راسها و هي ميته علية ضحك
سجاد:: هاا سمرة سمعتي لو لا؟
سمرة:: والله الله يعينها الي تاخذك غير ابو نسوان و مصادق بنات الكرة الارضية كلها
سجاد:: ما اسمحلچ ذني خواتي بس هنَ يدخلن خاص يستفسرن و يسألن
سمرة:: ههههه خطية سودة علية
^—————————-^
في مكان اخر::
نور:: هسه هي ما تقبل و انت ما تگدر تسوي شي تخاف لا تتأذة سديم
يامن:: بوية سالفة خليها للزلم تعرفين ويه الايام
نور:: هسه سؤال
يامن:: گولي بوية
نور:: شنو اسمها مرت عمي حسين و ليش هي ماكو؟
يامن:: اسمها كوثر الله يرحمها ماتت بمرض سرطان
نور:: لعد عمي حسين ليش ما تزوج وراها
يامن:: تزوجها عن حب و ماتت و ما تزوج وراها يگول ما ينطيني گلبي ازوج عليها حتى وهي ميته ف ضل بدون زواج
نور:: ياا خطية سودة علية شلون سالفة
يامن:: اي والله لحد هسع ما ناسيها و يتذكرها احنه ما نجيب سيرتها تا ما ينقهر بس هو يرجع و يحچي بسيرتها
نور:: ما توقعت هيچ والله على هاي السالفة شگد زاد احترامي اله
سمعت اذان المغرب… گام يامن و گال…
يامن:: رايح اصلي محتاجة شي؟
نور:: لا خوية سلامتك
يامن:: ههههه
طلع و سد الباب شوية و گمت اني هم نزلت ماكو احد بالبيت طلعت برة و شفتهم كلهم گاعدين برة و رحت اني همات اريد اگعد و شفت سارة مرت حمزة و رحت سلمت عليها…
نور:: شگد سمعت عنچ كل سالفة و الثانية حمزة يجيب سيرتچ
سارة:: هههههه
عراق:: ايي والله 24 ساعة يصيح اريد مرتي، ايمت ارجع مرتي، من يمي اني مليت
سجاد:: اريد اتزوج
عراق:: ما تاكل خر* انت نفتح باب جديد علينه مو سالفة هاذي
نور:: صدگ تراث وين؟
عراق:: ما ادري طلع من زمان گال عندي شغل
نور:: هاا
سجاد:: يامن وين؟
نور:: راح يصلي
عراق:: الله يديم المتدين على ديانته
ايمن:: هاا مرتي نگوم نصلي
ايسر:: استغفر الله ربي يمه احچي ويا
كلهم گامو يضحكون عليهم
مروة:: يلا گومو خلي نصلي و نسوي عشة
گامن ماما جواهر و سمرة
و بقية الولد گالو شوية و نگوم نصلي
^—————————–^
في مكان اخر::
حور:: يمة…. يمة…يمة
ايلين:: وغمة شبيچ
حور:: جوعانة
علي:: جوع البلوع
حور:: انچب… منو وياك انت؟
ايلين:: شوية و اگوم اسوي الاكل
حور:: تغى (ترى) لعبت نفسنه من اكل البيت
علي:: اول مرة تحچين شي صحيح
حور:: خلي نشوف مطعم نوصي منه
ايلين:: ياريت و اخلص اليوم من وگفة الطباخ
حور:: سجل رقم هذا المطعم
علي:: يلاا
حور:: *****077
علي:: شنو اوصي
حور:: اغيد (اريد) بيتزا و مندي لحم و مندي دجاج و فنگغ (فنگر) 3 و ببسي ثنين و كنتاكي
علي فتح حلگة مصدوم من طلبي
علي:: ولچ هيو مو هيچ وين تحطين كل هذا اختاري شي واحد او ثنين بس
حور:: احطة ب بطني فاطسة جوع لعد اغيد (اريد) بيتزا و كنتاكي
علي:: راح اوصي بيتزا و كنتاكي و مندي حجم عائلي
ايلين:: هاهية وليدي
اتصل على الرقم و وصه و ضلينه ننتضر حسيت صار سنه و ما وصل الاكل
شوية و دخل عمر للبيت شافة علي و صاح
علي:: الله حيوو الدايح وين چنت؟؟
باوع علية عمر و ما رد دخل لغرفته ما ادري شبي محد حچة شوية و وصل الاكل طلع علي استلم الطلب فتحنه العلاليگ و ريحة الاكل تجنن
حور:: اوووف غيحة (ريحة) العافية
علي:: ههههه اي والله
^————————–^
في مكان اخر::
كملنة طبخ العشة و فرشنه السفرة و صبينه الاكل
وگعدنه ناكل ونحچي ونضحك بس تراث ماكو كملنه اكل ولمينه السفره وكلهم راحو الي راح لغرفته والي راح يدرس والي نام من التعب ومنتضرين باچر شنو راح يصير وكلها گاعده على جمر صارت الساعه بل 12 واني ضليت گاعده بره انتضره وشويه و دخل تراث….
تراث:: شعندچ لحد هسع گاعده؟؟
نور:: انتضرك
تراث:: ما عندچ باچر دوام؟
نور:: دوامي ضهري
تراث:: ها شعندج تنتضريني؟
نور:: لا ما انتضرك چنت گاعده هنا من الضوجة
تراث:: توچ كلتي انتضرك
نور:: ما كلت
تراث:: هسع اني جوعان شنو عشانه
نور:: ما بقى عشه ويمكن كلهم نامو
تراث:: هسع شلون؟
نور:: اسويلك اني؟؟
تراث:: تعرفين تطبخين؟
نور:: لا
تراث:: ههه تعالي وراي
دخلنة جوه ورحنه للمطبخ
تراث:: تاكلين طماطه و بيض؟؟
نور:: اي شي لان كلش جوعانة
تراث:: سوده عليه ام كرش هسع اسويلچ احلى بيض بطماطه تدللين
نور:: يلااا
غسل اديه واشر بصبعه على الكاونتر
تراث:: جيبيلي طاوه من ذاك الكاونتر الما اطلع البيض وطماطه
رحت للكاونتر وطلعت الطاوه وهوه فتح الثلاجه وطلع طماطه ثنين وبيض ثنين
تراث:: حطي طاوه على الطباخ وجيبيلي كاسه
رحت جبتله كاسه وهوه اخذ سچينه و يثرم الطماطه ناعم
تراث:: كسري البيضات بالكاسه وخبطيهن
كسرتهن وخبطتهن كمل الطماطه وحط الطاوه على الطباخ واخذ جداحه وشغله وحط دهن بطاوه انتضر الما شويه كام يطلع دخان وحط الطماطه بطاوه وكام يكلبها بسرعه
تراث ::جيبيلي ماجي من ذاك الكاونتر وفلفل اسود
طلعت الماجي والفلفل وحطيتهن يم الطباخ اخذ الماجي وحطه على الطماطه وخبطهن وحط البيضه ورا ما ماعت الطماطه وانتضر الما استوت البيضه ورش فلفل اسود عليها وطفه الطباخ
تراث:: استوت
نور:: الله اكبر راح افطس من الجوع
حطهن بصينيه وطلعت خبز وطلعنه بره گعدنه بالحديقه و يلفلي لفه وينطيني
نور:: طيب عاشووووو الشيففف
تراث:: غير يدلل الحلوو
نور:: ههههه
تراث:: هاچ هاذي هم افتحي حلگچ
فتحت حلگي وحطها بحلگي
تراث:: هاچ مي بارد لا تغصين
نور:: انت بس لا تضل تباوع عليه وما اغص
تراث:: ههههه راح اغمض يعني شبيج بويه اكلي تا تنامين الساعه صارت 1
نور:: يبوهه فتهمنه
كملنه اكل وهوه غسلهن واني طلعت لغرفتي جيت اريد انام وصلتتي رساله من عمر
عمر:: گاعده؟
نور:: توي جيت انام
عمر:: باچر داومين؟
نور:: اي اداوم
عمر:: وسمره اجي اخذها صبح
نور:: لا گالت ما اداوم
عمر:: تمام تصبحين على خير
نور:: وانت من اهل الخير
^—————————^
في مكان اخر الصبح الساعه 9 الصبح::
ما گدرت انام كتلني التفكير واليوم ما داومت لان صدگ نفسيتي صفر ومالي خلگ احد ابد ابد گمت من فراشي ورحت للمطبخ اشرب مي طلعت من المطبخ واشوف سديم
سمره ::هاي لچ شسوين هنا؟
سديم ::هههه ولچ جيت جابنه يامن من ال7 اجانه
كملت كلامها و اجتي عليه حضنتني حيل
سمره ::عيني صايره تموتين صدگ امچ وين
سديم ::نايمه بوحده من الغرف جابنه يامن و گال هاي الغرفه الچ و لنمارق وهاي لامچ وفاتت نامت
سمره ::شعجب جايه هدوء بدون ما تگعد احد
سديم ::ولج تعبانه وفاتت نامت وهمات علگتها علگ من درت اليوم الگعده وفاتت نامت تگول تا ابقه صاحيه
سمره ::ههههه عمتي ومبينه
شويه وگعدت امي مروه وعمه وجواهر لان اليوم اصير گعده وهمات الغده يمنه گعدن من ال9 وهنه فاتن للمطبخ ما خلن شي وما سونه واني وسديم وياهن كملنه بل 11 كل الاكل بقه بس يستوي وطلعت اني اگعد نور ونجلاء ما ادري شعجب لحد هسه گاعده صعدت لغرفه نور و شفت نجلاء گاعدة تحچي وياها ضليت صافنه ومصدمه
نجلاء:: هههه كل الهلا بيچ بنيتي
نور:: بيچ اكثر عمه
شافتني نجلاء و گامت طلعت حتى ما سلمت عليه جيت على نور ركض
سمره:: يولي هاذي شعدها يمچ
نور:: مادري والله من زمان جتي وچانت گاعده تحچي وياي
سمره:: المهم بدلي ونزلي بسرعه تا تتريگين وترحين للمدرسه
نور ::تمام
نزلت سمره واني بدلت ونزلت وراها غسلت وجهي وشوف البيت كله مخبوص وشويه واجوي زلم شكد انترس الديون شكد هوه جبير بس نترس وكلها زلم لابسه عكل وكبار وعمه نجلاء وجواهر ومروه كلها بالمطبخ والبنات وصايره هوسه اني خذيت جنطتي وطلعت وكفت بره واشوف زلم5 يفوتون وياهم شباب 2 مبين اعمارهم بل 30 ما هتميت وطلعت للمدرسه
سمره ::
صبيته الغده وهواي زلم موجده وما لحك كضت على خير وصبينه 7 صياني من الاكبار وجابو صناديك ببسي بارده ومي وفوتو الصياني وزعو كلشي وكلشي صار تمام تأخر حيل بلكعده وراها طلعو الصياني واخذناها منهن وبدت الكعده
سجاد::
حازم ::حياكم اللهه
شيخهم ::من كال يحيه والله انتو خوش ناس وحرامات نتقابل بهيج ضروف
حازم ::بعد صارت والحمد اللهه
شيخهم ::اول شي كالو دم بدم وره ما درينه الغلط مو منكم من الطرفين قررنه اصير بالفوس
كام واحد
منيب ::المعذره شيخنه بس احنه ما ردنه افلوس الفلوس ما ترجع اخونه الي مات احنه رايدين فصل والفصل مره
گام تراث على حيلو و وگف گدامه ومن شفنه تراث گام كلها كامت
تراث ::بنت منو تريد ؟؟؟؟
منيب ::بنت ……
^————————-^
الفصل التالي اضغط هنا
يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.