رواية أحفاد الشيخ علي – الفصل الخامس عشر
گمت اتخيلك ترجع
واحاچيك واسولفلك الصاير من عفتني
على يا هي اعذرك صارن هواي
بس حچاية اگلك
” ضيعتني ”
________________§§§______________________________________________
گومتني سمرة و طلعنة من الغرفة و ساعدتني اصعد لغرفتي و ضليت گاعدة ابچي و اتحسب علية
سمرة:: بس كافي تبچين كافي يروحي انتي
نور:: حسبي الله عليه ولچ اني شنو سويت اله حتى يدمر حياتي ويسوي بيه هيچ ولچ من دخلها وهوه يدمر بيها والله تعبت ليش هيچ حضي من دون البنات
سمرة:: كافي نور خلي بس نحچي ونتفاهم
واني ابچي واشهگ
نور:: نتفاهم على شنو ما تحچون وياه يلغي النهوه لو مگدرتكم بس عليه خرا باليوم الي رجعت بيه هنا وخرا باليوم الي تعرفت بيه عليّ ياخي كافي طگت روحي تعبت
سمرة:: هسع سؤال؟
نور:: احچي
سمرة:: انتي ما تحبين تراث؟
نور:: الله يگطعة شحب منه؟
سمرة:: كل هل عيون الصفر والشعر والطول والسمار والعضلات وما يعجبچ
نور:: هوه مو ما يعجبني بس ما احبه
سمره:: گولي والله؟
نزلت راسي وسكتت
سمرة:: هسع انتي تحبينو و اذا ما تحبينو
اعجاب خلي نگول عجل ليش هيج سويتي علمود النهوة؟
نور:: اني ماريد احد يجي ينهي عليه اريد ازوج والبس الابيض حالي حال البنات لا نهوه ولا فصل المشكله صارت ولا يمي ودخلوني غصب
سمرة:: انتي تدرين ليش صارت نهوه عليچ؟
نور:: ليش؟ وصدگ منو منيب
سمره:: هذا شيخ العشيره الثانيه
مدري شيخ مدري ابنهم هوه رادچ فصلية شافچ و يمكن عاجبته و رادچ فصليه
انصدمت من كلامها
نور:: من هذا تراث يصيح عليه ويگلي وين شافج منيب!!
سمرة:: اي خيه لهل سبب
نور:: هسه شلون؟
سمرة:: شنو شلون؟
نور:: ما يلغي النهوة؟
سمرة:: تراث عنيد بس انتي صيري اعند منه ولا تنطي مجال بلكت يمل ويلغيها
نور:: اخرتي ادخل سجن من وره اخوچ
سمرة:: يمه من اروح فدوه لأخوية
نور:: دنجبيي
………
في مكان اخر::
دگيت الباب
تراث:: منو؟
سجاد:: اني… يصير ادخل بس عليك الله بدون تعنيف
تراث:: فوت
فتت و اشوف الگزاز مطشر بالگاع وايده لافها وباوعت اكو دم على فراشه
سجاد:: شني جايتك الشهرية؟
تراث:: تريد اطلع قهري بيك؟
سجاد:: تفقنه بدون تعنيف يابه سكتت…..يصير اگعد؟
تراث:: اگعد
جيت امشي وگعدت يمه
سجاد:: ليش ما تلغي النهوه مو خلصت سالفه الفصل ترى البنيه متخبله ومحروگ دمها خطيه
تراث:: طبها طوب تريد الغي النهوه وتروح لمنيب تركض لهذا الچلب ابن الچلب العار
سجاد:: هيه شعرفها بمنيب؟
تراث:: يول اني اعرف هذا الخايس القذر من يعرف النهوه انفكت راح يگوم يحوص حوالي نور
سجاد:: وانت تريد تضل ناهي عليها؟
تراث:: لا راح ازوجها
سجاد گال بصدمة!!….
سجاد:: من كل عقلك ترى جاهل وانت شوف شكبرك ضل شويه ويصير شيب بشعرك
تراث:: لو جاهل عمرها 4 سنوات هم ازوجها
سجاد:: ما عندك عقل طالبه سادس اني لو بمكانها وين ما اشوفك اتفل عليك
تراث:: هوه انته ساقط شترجه منك
سجاد:: گللها قبل امتحانات اخر سنه هل فتره البنات يطلبن تزاوج
تراث:: شينطرني سنه كامله هم انته ما عندك سالفه
سجاد:: هسع هيه حاقده عليك و كارهتك تريد تزوجها اجباري؟
تراث:: اذا لزم الامر ليش لا
سجاد:: ما تنجب صارت سالفه الاجبار سالفه قديمه
………
في مكان اخر::
زهراء:: الوو عميي الووووو
حور:: و مغض (مرض)
زهراء:: الي يطگچ
حور:: هسه نطلع لا
زهراء:: هاذي اختچ ام الشيوخ وين صارت اتصلي طمني عليها شوفيها لگت شيخ الي لا
حور:: هيه ما عدها شغله ولا عمله دوغلچ (دورلچ) شيخ
زهراء:: ضيفيها للاتصال
حور:: ما تغد(ترد) خلي اضيف سمغه(سمره)
زهراء:: ديلههه
اتصلت عليها وافقت وفتحت الاتصال من جهاز سمرة
حور:: ليش جهاز نوغ(نور) مغلق
سمرة:: يولي صارت مصايب هاي يمي جاي تبچي
زهراء:: شني خذوها فصليه اذا ما تقبل اني اقبل بمكانها
حور:: ما تنچبين انطي التلفون الها
نور:: الو
حور:: هلا يغوحي (يروحي) شبيچ؟
نور:: شحچي خيه مالي خلگ حتى احچي
زهراء:: بشري رحتي فصليه؟
نور:: زهراء كون الله يصگعج بجاه محمد هوه شنو الفگرني غيرچ
زهراء:: هسه غير تحچي شبيها؟
نور:: تراث نهى علية
گالن بصدمة!!…
حور ، زهراء:: شنووو؟؟
حور:: تشاقين موو؟
زهراء:: عزاا شني هاي ناهي عليها تشاقين
نور:: لا والله مو شقه ياريت اشاقه
زهراء:: احچي من الالف للياء شنو صار
نور:: رجعت من المدرسه فتت للديوان و گالت عمه نجلاء انو تراث نهى عليه
زهراء:: ليش نهى عليچ
نور:: شيخ العشيره الثانيه شايفني ورايدني فصليه وچان ينهي عليه
حور:: والله كفوو
زهراء:: امداچ يلفگر چان رحتي فصليه ونسه
نور:: استغفر الله
زهراء:: كملي باللَّه
نور:: تعاركت وياه بس گام يصيح وكسر المرايه وخفت منه و گعدت ابچي ما اگدر احچي شي
زهراء:: لو اني منچ اله انعل جد جده الخايس خيه هذا الكتل بيه حلال
حور:: خطيه هسه ايده كلها دم
زهراء:: ما تلصمين ولچ ناهي عليها اله اطلع هداده على هذا الچلب
سمرة:: عمي تري اخته هنا راح اطلعلچ هداده من التلفون
حور:: لا والله هسه ايده كلها دم
نور:: ما ادري اني شعليه؟
زهراء:: ما ضربچ؟
نور:: شحده غير اكسر ايده
زهراء:: اني شايفه بالروايات يضربها وتفوت تسبح انتي ايمت يضربچ وتفوتين تسبحين
حور:: بمحغم(بمحرم)
زهراء:: شمعت فگر انتي الله حاطچ عليه؟
نور:: سوده عليه غير حور كل الخير
زهراء:: اني ايمت يجي واحد ينهي عليه هذوله ولد عمي مابيهم وجوه حلوه وجوهم اقوه واحد ما ينطلع بيه راس الفرع
………
في مكان اخر::
سديم::
بقيت گاعده بره انتضر يامن وهوه من طلع بعد ما رجع
نمارق:: ها الحيه جاي تنتضري؟
سديم:: انتضر منو؟
نمارق:: عبالچ غبيه ترى مبينه جاي تنتضرين يامن
سديم:: لا بس ضوجه جوة وطلعت هنا شويه اشم هوه
نمارق:: عليه ولچ انتي ثوله ولچ ما يحبچ انتي نزوه حالچ حال نور من نهى عليها تراث يشبعون بيچن ويشمروچن
سديم:: اكلي خرا نمارق لو واحد من الولد يسمع حچيچ اله يعدمونچ كافي ترى عيب
نمارق:: هههه ضجتي من الحقيقه ديري بالچ لا تشوفچ امي اني راح افوت وانتي ضلي انتضري هههه
سديم:: كافي بس لو اعرف ليش تعامليني هيج اني اختچ والله مو ضرتچ
ما حچت شي گامت تضحك و فاتت جوه و اني بقى گلبي محروگ من وره حچيها اني اثق بيامن و اعرفة رجال و يحبني لان شگد صار سنين سوه ما عمر
حچه وياي حچي مو حلو او ما عمر ضوجني بشي بس هيه تحچي هيچ حتى تقهرني وضليت انتضر وماكو يامن صارت الساعه بل 7 واني على گعدتي انتضره وهوه ماكو
………
في مكان اخر::
سمرة::
سدينه الاتصال و گمت و نزلنه جوه و خليت نور تغسل وجها علمود ترتاح شويه.. فتنه للديوان وكلها ملتمه بس يامن وسديم ماكو وتراث ما طلع من غرفتة فتنه وگعدنه وضلو يحچون
حازم:: الحمدلله مرت على خير وان شاء الله ما تنعاد
حسين ، وليد:: ان شاء الله
شويه وفات سجاد وطفه الاضويه مالت الديوان وكلها نصدمت من تصرفه
حازم:: يعني ما تبطل سوالفك ما شوفنه گاعدين؟
سجاد:: الله شوفو يعني طافي ضوه و الديوان منور بنور عمي حازم
كلها گامت تضحك
حازم:: هههه شغل الضو وليدي
عراق:: سالفتك مو راحه
شغل الضوه وگال
سجاد:: هم حط روحه
حازم:: جيبها من الاخير شتريد؟
سجاد:: زوجوني!!
باوع عمي حمزه على ايمن وايسر
حازم:: ولدي صليتو ترى اذن مغرب
ايسر ايمن:: هسه گايمين بويه
سجاد:: اكو هنا نفر جاي يحچي اذا ماكو خطر على حياتكم زوجوني
حازم:: الله كريم وليدي
طلع عمي حازم وحسين و وليدي للجامع وراح وياه ايسر و ايمن و عراق و حمزه و طلع سجاد وياهم
گامن امي مروه وعمه جواهر على المطبخ يسون العشه نور ضلت گاعده بالديوان تباوع على
جهازها واني طلعت بره و اشوفت سديم گاعده على المرجوحه مدري شبيها جيت عليها و گعدت يمها
سمرة:: شبيج؟؟
سديم:: مابيه شي بس بالي يم يامن ماكو
سمرة:: لا تخافين يامن زلمه معدل ما ينخاف عليّ هسه شوفي ما يطول و يرجع
سديم:: ان شاء الله
سمرة:: تعالي نفوت نساعدهن بالعشه لا يگومن يحچن
سديم:: ههههه
فتنه على المطبخ وبدينه نساعدهم بالعشه صارت ساعه 8 ونص ورجعو الزلم من الجامع وبده العشه
ستوه و اخذت سديم السفره وراحت تفرشها
واني اشيل المواعين واحط بصينيه كملنه كلشي
وصارت بل 9 صبينه الاكل وفرشت سديم السفره وبدو ياكلون بس نور ماكو ويامن وتراث
عراق:: نور وين؟
جواهر:: ما تريد عشه وبغرفتها خليت الها اكل
عراق:: تمام
حمزه:: اشو تراث و يامن ماكو؟
مروة:: تراث بغرفته ويامن طالع
حازم:: عوفوهم چم يوم و يتقبلون الوضع وترجع الامور طبيعيه
كلها سكتت و گامت تاكل كملو اكل وشلنه المواعين والسفرة اني وگفت اغسل المواعين وسديم غسلت السفرة صارت الساعه 10 ونص كملنه كلشي سديم طلعت بره واني رحت لغرفتي
………
في مكان اخر ::
سديم ::
صارت الساعه 11 وهوه ماكو واني نعسانه لان گاعده من الصبح حطيت مخده على المرجوحه و تمددت
……..
في مكان اخر::
نور::
بقيت گاعده وشفت جهازي عمر دازلي رسائل
عمر:: باجر داومين؟
نور:: لا مالي خلگ بس سمرة گالت اداوم تعال اخذها مو تنساها
عمر::لا ما انساها اجيها الصبح ان شاء الله
تفاعلت برساله ورفعت شاشه وشوف رقم غريب دازلي رساله
_ نمتي؟
نور:: منو؟
_………….
________________§§§________________
الفصل التالي اضغط هنا
يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.