رواية أحفاد الشيخ علي – الفصل السادس عشر
________________§§§______________________________________________
_ نمتي؟
نور:: منو؟
_اذا اگلچ ما تحضريني؟
نور:: لا ما احضرك
_والله؟
نور:: والله
_اني تراث
نور:: شتريد؟
تراث:: اسأل اذا نايمه لو گاعدة؟
نور:: شعليك؟
تراث:: تعشيتي؟
نور:: شعليك؟
تراث:: اكلتي شي؟
نور:: بابا شلحيت گتلك شعليك
تراث:: انچبي ولا تگليلي لحيت جاي اسأل لا تخليني اجي ادوس بمصارينچ
نور:: يمه يمه گمت ارجف خفت
تراث:: منو يگدر يخوفچ الصلفه اني اخوفچ انتي من منو تخافين؟
نور:: ما اخاف بس من ربي
تراث:: وصيت اكل وشلتلچ منه اجيبه الچ لو تطلعين بره؟
نور:: ما اريد
تراث:: لا سوينها عناد لا اجي للغرفه وافصل بيچ
نور:: تكفيني نهوه ما رايدين فصل انوب
تراث:: انتضرچ بره؟
نور:: لا ماريد بره اخاف احد يطلع
تراث:: اجي للغرفه عليج؟
نور:: لا اني اجي
تراث:: تمام
تفاعلت بالرساله وگمت من مكاني باوعت على وجهي عيوني منفخه من البچي حطيت مسكاره واخذت قلم تحديد لون جوزي وحددت شفايفي وحطيت حمره حمره وحطيت فازلين فوكاها تا تبين لمعه فتحت شعري ومشطت وحطيت الحجاب عليه بس هيچ ما لفيته خليته مفتوح باوعت لوجهي طلعت اموت
نور:: وجهي ولا چنة وجه وحده ناهين عليها ومجبوره امداني اي والله
گمت من مكاني وطلعت متجها لغرفته واني گلبي يدگ الف دگه بالثانية وبطني توجعني وايدي ترجف مدري ليش چني مو رايحه اكل استغفر الله شهل تفكير الخايس
وصلت باب الغرفه ودكيته
تراث:: فوت
فتت وگفت گدام الباب و باوعت علية شفته متمدد على الچربايه وحاط رجل على رجل وحده من اديه وره راسه وثانيه لازم جهازه من شافني گبل عدل گعدته و گال…
تراث:: تعالي
نزل من الچربايه و گعد بالگاع و تربع و گدامه علاگه سوده
جيت و گعدت گدامه و تربعت
تراث:: المن حاطه هل حمره بنص اليل؟
حچه هيچ وهو لازمته الضحكه ومبين يريد يضحك باوعت عليه
نور:: شبيك تريد تضحك ترى مو الك چنت اتلعبن بكيفي
تراث:: اي خطيه مبين
نور:: و هسه جايبلي اكل تريد تراضيني عبالك مثل ذني نسوان الي يضربها ويجي يسمعها كلام حلو وترضه
تراث:: بس اعصابچ اهدي عمي شحچينه ضل بالي يمچ لان سألت امي كالت ما تعشت ف وصيت اكل گلت ناكل اني وياچ
نور:: وره الي سويته هسه تريد اگعد واسكت واكل وياك ولا كأن سويت شي؟
باوع عليه
تراث:: اني اسف و اعتذر منچ و حقچ عليه واني الغلطان والي ترديه يصير
نور:: اعتذارك مو مقبول
تراث:: شنو رأيچ نتفق اتفاق؟
نور:: شنو هو؟
تراث:: ننسه الي صار اليوم كله ونگعد نحچي وناكل ترى اني ميت جوع هسه اتخربط عليچ من جوع
نور:: باوع هاي لان جوعان سكتت لان ماكو مستشفى هسه و اذا شافوني وياك يگولون هاي كتلته ومابيه حيل للمشاكل
تراث:: ههههه ارضه اموت بحضنچ و على ايدچ راضي اني
نور:: انچب تراث اسم الله عليك
تراث:: ها يعني تخافين عليه؟
نور:: على منو اخاف… عليك هو انته عرج ما يطگك
تراث:: ههههه
فتح العلاگه و چانت تمن احمر وفوگاه دجاجه وياه مقبلات چان شكلها يجنن من جوع ودي افترسها بسرعه
نور:: اللههههه شنو هل ريحه طيبهه
تراث:: هههه
………
في مكان اخر::
سديم::
احس بشي جاي يتلمس خدي چنها ايد خشنه تمسح على خدي حسيت بي يامن بس بقيت مغمضه ومسويه روحي نايمه
يامن:: اووفف اروح فدوه اني وحيلي لهل خدود الحلوه والبياض الي ماخذ عقلي وراحتي وساطرني سطر اووف لو تعرفين شگد انتي متعبتني اوف بس تستاهلين وتسوين واحد يتعبلچ
فتحت عيوني وباوعت عليه
سديم:: اني متعبتك!!
يامن:: هههه هسه عفتي كل هل كلام الحلو وجيتي على هل كلمه
سديم:: هسه جاوب متعبتك؟
يامن:: لا بويه وين هل فراشه الحلوه ام عيون خضر تعبني انتي تعبچ راحه بس بعدچ عني يتعبني اريد اخذچ بحضني واضل ابوس بيچ
سديم:: ههههه ماضل شي
يامن:: ان شاء الله بنيتي
گعدت وتعدلت وهوه گام و گعد يمي تربعت على المرجوحه و صديت عليه وهوه باوع عليه
سديم:: يامن سؤال؟
يامن:: جواب بنيتي
سديم:: هسه انتَ رايدني صدگ؟
يامن:: رجعت نمارق تقره براسچ
سديم:: لا بس سؤال
يامن::اخر مره حچيت وياچ اتصال مو؟
سديم:: اي
يامن:: شنو گلتلج؟
سديم:: گلتلي وعد زلم وهل شارب مو عليه اذا ما اخذتچ
يامن:: صدگي محد يگدر يمنعني منچ بس صبري عليه
سديم:: اثق بيك اني
يامن:: و اني گد ثقتج ان شاء الله
سديم:: اسفه اني هواي تعبتك
يامن:: اششش أرضه سنين اعيش وياچ تعبان ولا يوم مرتاح بدونچ انتي تستاهلين واحد يتعبلچ
شعندي غيرچ اذا ما اتحمل تعب علمودچ
اتعب المن منو يستاهل تعبي غيرچ و غير عيونچ الحلوه ذني ماضل شي حبيبي لا تعوفيني بنص الطريق راح يجي اليوم الي تصيرين الي حلالي و ابوس رموشچ رمش رمش
سديم:: ههههه يمه شگد احبك و احب سواليفك احس روحي وياك طفله صغيره و انت ابوها
يامن:: من اروح سبع فدوات لفراشتي ام عيون الخضر
سديم:: يامن
يامن:: عيونه و روح روحه
سديم:: من نزوج ماريد نخلف بنات
يامن:: ههههه ليش بويه اني احب البنات الصغار ونوب وحده تشبهچ يبوههه من اندار عليچ
سديم:: باوع باوع لهل سبب تگوم تحبها أكثر مني و تشيلها و تبوسها شني هيه ماريد
يامن:: هههه ولچ بنتچ شني تغارين منها؟
سديم:: ماريد اريد اني ابقه بس وحدي بنتك و كلشي الك حتى ماريد نخلف لا ولد ولا بنات
ضحك يامن و گال …..
يامن:: ههههه ولچ شحبچ شحبچ اندار عليچ اني
سديم:: ها شگلت؟
يامن:: صار بويه الي تردي يصير تأمرين أمر انتي شعندي غيرچ؟
رفع ايده لخشمي وكمشه ومسح عليه
يامن:: من اروح فدوه لهل خشم چبير
سديم:: انچب هاي شبيك ترى خشمي صغير منين چبير
يامن:: ههههه خشمي اني چبير
سديم:: ايي
يامن:: يلا بويه گومي نامي اني هم رايح انام
سديم:: تمامم
گمت من مكاني ولبست نعال وباوعت عليه
سديم:: تصبح على خير
يامن:: و انتي من اهل الخير بنيتي
مشيت الما وصلت غرفتي فتحت الباب و تمددت على فراشي واني تعب كاتلني بعدين تذكرت ما سألت وين چان وضربت راسي و گلت….
سديم:: امداني اي والله
………
في مكان اخر::
تراث:: ههههه اكلي بعد
نور:: هو من وراك ما تعشيت سديت نفسي
تراث:: هههه كل هذا و سديت نفسچ عجل لو ما سادها شسوين؟
نور:: هاا هاا اگومم
تراث:: هههه اشاقه دحگي چاتلج الاندومي صايره هيكل
نور:: ما طير غير جسمي يموت
تراث:: ههههه صحيح يطگ طگ
نور:: غصب عنك
تراث:: هسع نور سؤال؟
نور:: جواب عمي
تراث:: شني هيه الشغله الي بنفسچ تسويها بس ما تگدرين؟
نور:: اذا اگلك تگوم تضحك
تراث:: هههه لا ما اضحك
نور:: بنفسي اصعد ماطور
تراث:: لا والله
نور:: اي والله حيل بنفسي تخيل صاعدته والهوه يجننن اوفف و اروح المكان مابيه احد وبليل افييشش
تراث:: ههههه
كملت اكل ونفضت ايدي و گمت
نور:: يلا شكراً على الاكل و الصلح الي بينه انتها
تراث:: هههه الف عافيه وليدي
مشيت الما طلعت من غرفته و نزلت جوه غسلت ايدي و صعدت الغرفتي و اني احس بطني فراشات چني اريد اطير من الفرحه وضليت افكر الما نمت
………
في مكان اخر::
حور::
گعدت الصبح و گمت من فراشي وخرت المخده و شفت جهازي الساعه بل 7
حور:: نعل على المدغسة (المدرسة)
بدلت ونزلت للمطبخ شفت كلها گاعده تتريگ و استغربت لان گاعد عمر وياهم
حور:: صباح الخيغ (الخير)
الكل:: صباح النور
گعدت وياهم على الريوگ و ما حچيت شي لان كلها ساكته كملنه اكل و طلعنه اني و عمر صعدنه السياره
حور:: نوغ (نور) ما داوم
عمر:: ادري رايحين السمره نور گالت سمره اداوم
حور:: هاا
عمر:: اي وليدي
شويه و وصلنه لبيت سمرة وشفناها واگفه برى تنتضرنه وگف عمر السياره وفتحت الباب
سمرة:: السلام عليكم
عمر ، حور:: وعليكم السلام
صعدت و مشينه بطريق مدرستي و محد حچه شي وصلنه المدرسه ونزلت وما حجيت شي
………..
سمرة::
عمر:: شلونچ اليوم؟
سمرة:: الحمدلله
عمر:: ليش اخذتي اجازة؟
سمرة:: تعرف علمود المشاكل و الگعدة الي صارت
عمر:: هاا
سمرة:: اي
سكت ما حچه شي و اني سكتت الما وصلنه الجامعه نزلت و ما حچيت شي فتت الجامعه و طلعت جهازي دزيت رساله لأحمد
سمرة:: “وينك انتَ؟”
شويه و وصلتني رسالة منه
احمد:: “انتضرج بالمكان الي نكعد بيه دائماً”
سمرة:: “تمام”
سديت منه و رحت اتمشه و اني متفائلة وصلت للمكان عباره عن حديقه صايره بالجامعه حلوه و بيها مقاعد باوعت لگيته گاعد على واحد منهن وين ما چنه نگعد
احمد:: هلا تعالي گعدي هنا
اشرلي على مكان يمه وجيت و گعدت
سمرة:: اي؟
احمد:: دحگي سمرة تعبت و اني اضم عليچ ف اريد احچيلچ الي شفتيها وياي هاذي بنت خالتي و اهلنه يريدون يزوجونه
نصدمت من حچيه و باوعت عليه
سمرة:: انتَ مو صغير حتى واحد يجبرك على زواج
احمد:: ادري بس هاذي امي و ما اگدر ارفضلها طلب
گمت من مكاني وباوعت عليه
سمرة:: من كل عقلك؟ تحچي صدگ انتَ!!
احمد:: گلتلچ الشغلة مو بيدي
ما تحملت و گمت اضحك
سمرة:: من البدايه گول اني مو رجال لا تتعلقين
گام من مكانه وباوع عليه بنضرات كلها حقد و كره اول مره اشوف هاي نضرات منه
احمد:: كافي سمرة شنو هل حچي؟
سمرة:: هسع عرفت سبب اهمالك اخر فتره الي وسبب حچيك وعدم ردك للرسائل
احمد:: سمرة
سمرة:: ولك اني خنت ثقه اهلي بيه و كسرتني ولك كسرت اهلي علمودك و انتَ كسرتني ولك حبيتك وكلشي سويت حتى ارضيك وتحبني مثل ما احبك بس انتَ مُصر تحرگ گلبي الله يحرگ گلبك بعزيز گلبك
احمد:: سمرة لا تدعين
سمرة:: ما اگول بس شي واحد ان شاء الله تشوفها بعزيز گلبك وان شاء الله تبچي دم مثل ما بچيتني
لزم أيدي و گال……
احمد:: سمرة لا تدعين عليچ الله لا تدعين
وخرت أيدي بسرعه منه وضربته راشدي
سمرة:: لا تگضبني يا قذر الله يلعنك
احمد:: سمرة والله اني احبچ بس مجبور
سمرة:: ولك يا مجبور هم تسمي نفسك رجال ولك وين اكو زلمه ينجبر على شي ميريده ولك اني گضيتها اضحي بكلشي انتَ بشنو ضحيت بس گلي بشنووو؟
احمد:: سمرة گعدي نتفاهم
سمره:: ما اريد اگعد وياك ولا اشوف خلقتك
باَوعت عليه ولمحت خاتم بأصبعه وباوعت بوجهه و حچيت بصدمة!!
سمرة:: خطبتها؟؟
احمد::…….
________________§§§______________________________________________
الفصل التالي اضغط هنا
يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.